#SalaleUniversity

ሰላሌ ዩኒቨርሲቲ የነባር ተማሪዎች (2ኛ ዓመትና ከዚያ በላይ) የ2019 ትምህርት ዘመን ምዝገባ መስከረም 07 እና 08/2019 ዓ.ም የሚካሔድ መሆኑን አሳውቋል።

ምዝገባ በተጠቀሱት ቀናት ብቻ እንደሚከናወን የገለፀው ዩኒቨርሲቲው፤ ማንኛውም ተማሪ ብሔራዊ መታወቂያ መያዝ እንዳለበት ገልጿል።

@Addis_Reporter
@Addis_Reporter

አዲስ አበባ‼️
አለም አቀፉ የጂኦ ስፓሻል ኤአይ ተቋም አልፋ ጂኦ የአለማችንን 72 ከተሞች ባጠናበት አዲሱ የምርምር ውጤት አዲስ አበባ የአየር ንብረት አደጋዎችን በመቋቋም ከአለም ሁለተኛን ደረጃ መያዟን ኒውዮርክ ታይምስ ዘግቧል።

@Addis_Reporter
@Addis_Reporter

በርካታ ተሽከርካሪዎች ተቃጠሉ‼️
በኦሮሚያ ክልል በጊምቢ እና ቢላ ተብሎ በሚጠራ ስፍራ ከጳጉሜ 1/2018 ዓ.ም ጀምም ነዳጅ የጫኑ ብዛት ያላቸው ተሽከርካሪዎች በታጠቁ ሀይሎች ተቃጥለዋል 14 አሽከርካሪዎች ታፍነው ተወስደዋል።

@Addis_Reporter
@Addis_Reporter

የየካ ክፍለ ከተማ አስተዳደር ለልማት ተነሺዎች ከ2.5 ቢሊዮን ብር በላይ ካሳ መክፈሉን ገለጸ

​የየካ ክፍለ ከተማ መሬት ልማትና አስተዳደር ቅርንጫፍ ጽሕፈት ቤት በ2018 ዓ.ም በጀት ዓመት በኮሪደርና በወንዝ ዳርቻ ልማት ምክንያት ከመኖሪያ ቦታቸው ለተነሱ የልማት ተነሺዎች ከ2.5 ቢሊዮን ብር በላይ ካሳ መክፈሉን አስታወቀ።

​የካሳ ክፍያ፦ ክፍያው የዜጎችን መብት በማክበርና ተገቢውን ምትክ በመስጠት መፈጸሙን የቅርንጫፍ ጽሕፈት ቤቱ ኃላፊ አቶ ቢሆነኝ አበጋዝ ገልጸዋል።

​የመልሶ ማልማት ፋይዳ፦ የተከናወኑት ሥራዎች ከተማዋን ጽዱ፣ አረንጓዴና ለነዋሪዎች ምቹ ከማድረግ ባለፈ የኢንቨስትመንት እንቅስቃሴን ለማስፋፋት ጉልህ ሚና እንዳላቸው ተጠቁሟል።

​የካርታ ዝግጅትና የገቢ አሰባሰብ፦ በበጀት ዓመቱ ለ781 አርሶ አደሮች የይዞታ ማረጋገጫ ካርታ የተዘጋጀ ሲሆን፣ ከሊዝና ከይዞታ አገልግሎቶች ከ674 ሚሊዮን ብር በላይ ገቢ መሰብሰቡ ተገልጿል።

​የቴክኖሎጂ አጠቃቀም፦ የተገኘው ውጤት በቴክኖሎጂ አጠቃቀም የታገዘ መሆኑ የተገለጸ ሲሆን፣ በ2019 በጀት ዓመት የአገልግሎት አሰጣጡን ሙሉ በሙሉ በቴክኖሎጂ ለመደገፍ እንደሚሰራ ተመላክቷል።
​
@Addis_Reporter
@Addis_Reporter

የኢትዮጵያ የድሮን ምርት‼️
ኤኤፍፒ ‹‹ኢትዮጵያ አማፅያንን ለመዋጋት የድሮን ምርቷን አሳድጋለች›› ሲል ዘገበ፡፡ የፈረንሳይ ዜና አገልግሎት የሆነው ኤኤፍፒ ዛሬ ባቀረበው ዘገባ ኢትዮጵያ ድሮን የማምረት አቅሟን ማሳደጓን ገልጿል፡፡ እንደዘገባው ካለፈው አመት አንስቶ በሁለት ፋብሪካዎች ውስጥ ድሮኖችን እያመረተች ሲሆን አሁን በሺህ የሚቆጠሩ ድሮኖች አሏት፡፡ እ.ኤ.አ ከ2020 እስከ 2022 በነበረው አውዳሚ የእርስ በእርስ ጦርነት ወቅት ቱርክ ሰራሽ ድሮኖች ወሳኝ ሚና መጫወታቸውን የገለፀው ዘገባው የፌዴራል መንግስቱ ከአዲስ አበባ 200 ኪሎ ሜትር ርቀት ላይ የደረሱትን የትግራይ ክልል አማፅያን ጉዞ ለመግታት እንደተጠቀመባቸው አስረድቷል፡፡ 130 ሚሊዮን ህዝብ ባለባት አገር ወታደራዊ ድሮኖች ያሉት የፌዴራል መንግስቱ ብቻ መሆኑንም አስታውቋል፡፡

በተለያዩ ክልሎች ውስጥ በሚንቀሳቀሱ አማፅያን ላይ እነዚህን ድሮኖች በመጠቀም ላይ እንደሚገኝ ገልፆም አሁን በአገር ውስጥ ድሮኖችን የማምረት አቅሙን ማሳደጉን አስረድቷል፡፡ ባለፈው አመት መጋቢት ወር ጠቅላይ ሚኒስትር አብይ አህመድ ስካይዊን ኤሮናቲክስ ኢንዱስትሪ ፋብሪካን በመረቁበት ወቅት ፋብሪካው ለሲቪልም ሆነ ለወታደራዊ አገልግሎት የሚውሉ ድሮኖችን እንደሚያመርት መናገራቸውን አውስቷል፡፡ ፋብሪካውን ‹‹በራሳችን ወጣት ባለሙያዎች የተነደፉና የተገነቡ ናቸው›› በማለት መናገራቸውን ጨምሮ ያወሳው ዘገባው አላማው ግጭትን ማቀጣጠል ሳይሆን መከላከል ላይ ትኩረት ያደረገ እንደሆነ መግለፃቸውን ጠቅሷል፡፡

ዘገባው በመቀጠል አብዛኛው የኢትዮጵያ ድሮን የማምረት አቅም ሚስጥራዊ እንደሆነና የውጭ ሚዲያዎች ፋብሪካውን እንዳይጎበኙ መከልከላቸውን አስታውቋል፡፡ በስቶኮልም አለም አቀፍ የሰላም ምርምር ተቋም ተመራማሪ የሆኑት ፒተር ዌዜማን ለዜና ምንጩ ሲናገሩ ‹‹አብለጭልጨው የምናያቸው ድሮኖች ስለእውነተኛው የምርት አቅምና ቴክኖሎጂው ወይንም ወሳኝ አካላቱ ከየት እንደሚመጡ ብዙም አይነግሩንም›› ካሉ በኋላ በእሳቸው ግምት አብዛኛው የድሮኖቹ አካላት ከውጭ የሚገቡ እንደሚመስላቸው ገልፀዋል፡፡

ኢትዮጵያ ከዚህ ቀደም የቱርክን ከፍተኛ ደረጃ ያላቸው አካንቺ ድሮኖችና መሰረታዊ የሆኑትን ባይራክታር ቲቢ 2 ሞዴሎችን መግዛቷን ያወሳው ዘገባው እንዲሁም ርካሽ የሆኑትን የቻይናውን ዊንግ ሉንግና የኢራንን ሞሀጅር 6 ድሮኖችን ገዝታ እንደነበር ጠቅሷል፡፡ የጄንስ መከላከያና የደህንነት ተቋም ባለሙያው ጄረሚ ቢኒ እንደገለፁት በስካይ ዊን ምርቃት ላይ የታየውና ‹‹ኤስደብሊው01›› የሚል ምልክት የተፃፈበት ድሮን በገበያ ላይ ካሉት የቻይና ምርቶች ጋር ይመሳሰላል፡፡ እነዚህን ድሮኖች በብዛት ማምረት በጦርነት ላይ ከመድፍ በሁለትና በ3 እጥፍ የበለጠ ውጤታማነትን ሊያመጣ እንደሚችል ገልፀው ምናልባትም እነዚህ ድሮኖች አነስተኛ ቦምቦችን እንዲይዙ ተደርገው ሊሻሻሉ እንደሚችሉ ግምታቸውን አስቀምጠዋል፡፡

ሁለተኛው የድሮን ፋብሪካ ኤሮአባይ ባለፈው አመት መገባደጃ የተመረቀ መሆኑን የጠቀሰው ዘገባው እያንዳንዳቸው ከ5000 እስከ 10000 ዶላር የሚያወጡ በሺህ የሚቆጠሩ ድሮኖችን ማምረቱን አስታውቋል፡፡ ግጭቶችን የሚከታተለው አክሊድ በአማራ ክልልና በኦሮሚያ ክልል በሚንቀሳቀሱ አማፅያን ላይ 102 የድሮን ጥቃት መከናወኑን መጥቀሱን ያስታወቀው ዘገባው በዚህም በሰላማዊ ሰዎች ላይ ጉዳት ማድረሳቸውን አስረድቷል፡፡ 

@Addis_Reporter
@Addis_Reporter

"መንግስት ከፋኖ እግር ስር ወድቆም ቢሆን እርቅ ያውርድ!" — ጄኔራል ካሳዬ ጨመዳ

በአገራችን ዘላቂ ሰላም እንዲወርድ ከተፈለገ መንግስት እስከ መጨረሻው ዝቅ ብሎ ''ከፋኖ እግር ስር ወድቆም'' ቢሆን አስቸኳይ እርቅ ሊፈፅም እንደሚገባ አስገንዝበዋል። 

ሌላው ነገር ሁሉ ቀላልና ሁለተኛ ደረጃ ነው ሲሉ የቀድሞው ጀኔራል ካሳዬ ጨመዳ ተናግረዋል።

በሻዕብያ እና በህወሓት መካከል የሚታየው ጊዜያዊ የፖለቲካ ፍቅር 15 ቀን እንኳ የሚዘልቅ አይደለም። 

መሰረታዊውን የፋኖን ጥያቄና ሀይል ወደ ጎን ብሎ የሚደረግ ማንኛውም አይነት ስምምነትም ሆነ ህብረት የትም ሊደርስ አይችልም ብለዋል።''

ጄኔራል ካሳዬ ጨመዳ በሰሜኑ ጦርነት ወቅት ጥይት ስትተኩሱ ክርስቲያኖች በስመአም፣ መስሊሞች ቢስሚላህ እያላቸው ተኩሱ በሚለው ምክራቸው ይታወሳሉ። 

@Addis_Reporter
@Addis_Reporter

አቶ ክርስቲያን ታደለን ጨምሮ 300 የፖለቲካ እስረኞች የተሀድሶ ስልጠና አጠናቀው ዛሬ ምሽት ወይም ነገ ከእስር እንደሚፈቱ ተሰምቷል።
በአማራ ክልል ከተቀሰቀሰው ግጭት ጋር በተያያዘ በማረሚያ ቤቶች ተይዘው የሚገኙ በርካታ የፖለቲካ እስረኞች ከመንግስት የቀረበላቸውን የይቅርታ ሰነድ እንዲፈርሙና እንዲፈቱ መንግሥት አማራጭ ማቅረቡ የሚታወስ ነው።

@Addis_Reporter
@Addis_Reporter

በቡርኪናፋሶ የተረጂዎችን ክብር ለመጠበቅ ሲባል ከሚሰጣቸው ዕርዳታ ጋር በፎቶ ማሳየት የሚከለክል አዲስ ህግ ፀደቀ‼️
“ለምን ሰውን ረድተህ ያንን ሰው ከሰጠኸው ምግብ፣ ልብስ ወይም ቁሳቁስ ጎን አቁመህ ለካሜራ ታሳየዋለህ?” ይህ ጥያቄ በቡርኪና ፋሶ አዲስ የመንግሥት አቅጣጫ መሠረት ላይ ተቀምጧል።

የኢብራሂም ትራኦሬ መንግሥት በጁላይ 2፣ 2026 በተካሄደው የሚኒስትሮች ምክር ቤት ስብሰባ የተጋላጭ የእርዳታ ተቀባዮችን ከሚሰጣቸው ዕርዳታ ጋር አብሮ በፎቶ ወይም በምስል ማሳየትን የሚገድብ አዲስ አቅጣጫ አጽድቋል።

በተለይ ሕፃናት፣ ተፈናቃዮች፣ የችግር ሰለባዎችና ሌሎች ተጋላጭ ዜጎች ምግብ ወይም ቁሳቁስ ሲቀበሉ ከዕርዳታው ጎን አቁሞ ፎቶ በመነሳት፣ ቪዲዮ በመቅረጽና ምስሉን በማሰራጨት የግለሰቡን የችግር ሁኔታ ለገበያ ወይም ለገንዘብ ማሰባሰቢያ መጠቀም በመሠረቱ እየተቃወመ ያለው ነገር ይህ ነው።

አንድ ድርጅት ወይም ግለሰብ እርዳታ ሲሰጥ፣ ተረጂውን ከሰጠው ዕቃ ጎን አቁሞ፣ የፎቶ ወይም የቪዲዮ ምስሉን በማሰራጨት “እኛ እየረዳን ነው” ለማለት የተረጂውን ስቃይ እንደ ማስታወቂያ መጠቀም ነው።

እርዳታ መስጠት በራሱ በጎ ተግባር ነው።
ግን የሚረዳውን ሰው ክብር ማስከፈል የለበትም።

ቡርኪና ፋሶ በራሷ የእርዳታ ሥርዓት ላይም ትልቅ አቅም እያሳየች ነው። ለምሳሌ “Dɛmɛ Sira” በተባለው የአገር ውስጥ የአጋርነት ዘመቻ እስከ መጋቢት 2026 ድረስ ከ1.13 ቢሊዮን CFA ፍራንክ በላይ ማሰባሰቡን መንግሥቱ ገልጿል።

በ2025 ደግሞ የቡርኪና ፋሶ መንግሥት ከ22,000 ቶን በላይ ምግብና ከ290 ቶን በላይ መድኃኒት ወደ የጸጥታ ችግር ወዳለባቸው አካባቢዎች መላኩን፣ ወደ 59,000 የሚጠጉ የተፈናቃይ ቤተሰቦችም የቤት ዕቃዎችን ማግኘታቸውን አስታውቋል።

@Addis_Reporter
@Addis_Reporter

የዋጋ ግሽበቱ 15.1 በመቶ ሆኗል

የነሐሴ 2018 ዓ.ም አጠቃላይ የዋጋ ግሽበት 15.1 በመቶ መድረሱን የኢትዮጵያ ስታስቲክስ አገልግሎት አስታወቀ። ከባለፈው ዓመት ነሐሴ 2017 ዓ.ም ጋር ሲነጻጸር የ1.5 በመቶ ጭማሪ ቢኖረውም፣ ከሐምሌ 2018 ዓ.ም የ15.3 በመቶ ጋር ሲታይ ግን መጠነኛ ቅናሽ አሳይቷል።

በወቅቱ የተመዘገበው የምግብ እና አልኮል ያልሆኑ መጠጦች ግሽበት 14.9 በመቶ ደርሷል። በምግብ ምድብ ውስጥ ስኳር፣ ማር እና ቸኮሌት (38.3 በመቶ)፣ ስጋ (22.6 በመቶ)፣ እንዲሁም ፍራፍሬ (19.1 በመቶ) ከፍተኛውን ጭማሪ አሳይተዋል።

ምግብ ነክ ባልሆኑ ዘርፎች ደግሞ አጠቃላይ ግሽበቱ 15.4 በመቶ ሆኖ ተመዝግቧል። በዚህ ምድብ ውስጥ የትምህርት አገልግሎቶች (25.3 በመቶ)፣ ሌሎች እቃዎችና አገልግሎቶች (19.3 በመቶ)፣ እንዲሁም የአልኮል መጠጦችና ትምባሆ (16.0 በመቶ) ዋጋ መጨመር ለአጠቃላይ የዋጋ ንረቱ ማሻቀብ ከፍተኛውን ድርሻ መያዛቸውን አገልግሎቱን አመልክቷል።

@Addis_Reporter
@Addis_Reporter

የባንኮች የውጭ ምንዛሬ ፍላጎት ከቀረበው አቅርቦት በ5 ሚሊዮን ዶላር ማነሱ ተነገረ

የኢትዮጵያ ብሔራዊ ባንክ ባካሄደው 28ተኛ ዙር የውጭ ምንዛሬ ጨረታ ያልተጠበቀ የገበያ ለውጥ አሳይቷል። ማዕከላዊ ባንኩ ረቡዕ ባካሄደው በዚህ ጨረታዉ ያቀረበው የገንዘብ መጠን ከባንኮች የቀረበውን የጥያቄ መጠን ብልጫ ማሳየቱ ካፒታል ተመልክቷል።

በዕለቱ የጨረታ መርሃ ግብር ብሔራዊ ባንክ ለገበያ ያቀረበው ጠቅላላ የገንዘብ መጠን 125 ሚሊዮን ዶላር ነበር። ይሁን እንጂ በሂደቱ ተሳታፊ የነበሩ የንግድ ባንኮች ያስገቡት አጠቃላይ የውጭ ምንዛሬ ፍላጎት 120 ሚሊዮን ዶላር ብቻ ሆኗል፣ ይህ አቅርቦቱ ከፍላጎቱ በ5 ሚሊዮን ዶላር ብልጫ ማሳየቱ ነዉ ለመረዳት የተቻለው።

ይህ ከቀደምት መደበኛ ጨረታዎች አዝማሚያ በተለየ መልኩ በገበያ የቀረበው አቅርቦት ከፍላጎቱ የሰፋበት ሁኔታ መስተዋሉን የውጤቱ መረጃዎች ያሳያሉ። ይሁን እንጂ በጨረታው ላይ የተሳተፉት 20ቱ የባንክ ተቋማትም ያቀረቡትን ጥያቄ ሙሉ በሙሉ ማግኘት ችለዋል።

በዕለቱ የአንድ ዶላር አማካይ ዋጋ 160 ብር ከ53 ሳንቲም ሲሆን፣ ይህም በ27ተኛ ዙር ከነበረዉ አማካይ ዋጋዉ 160.20 ሳንቲም አንፃር በተወሰነ ደረጃ የብር የመግዛት አቅም መቀዛቀዙን የሚያሳይ ሆኗል።

@Addis_Reporter
@Addis_Reporter

በኤራትራ በወጣ አዲስ መመሪያ ግለሰቦች ከ25 ሺህ፣ ተቋማት ከ150 ሺሕ ናቅፋ በላይ ጥሬ ገንዘብ በእጅ እንዳይዙ ታዘዘ።

የኤርትራ ግለሰቦች እና የንግድ ተቋማት ከባንክ ሥርዓት ውጭ ለተወሰነ ጊዜ መያዝ የሚችሉትን የጥሬ ገንዘብ መጠን የሚገድብ አዲስ መመሪያ ማውጣቷን የአገሪቱ ብሔራዊ ባንክ አስታውቋል።

በአገሪቱ መንግሥታዊ የሕግ ጋዜጣ ላይ ታትሞ ይፋ በተደረገው መመሪያ፣ ማንኛውም ዓይነት የኤርትራ ገንዘብ፣ ናቅፋ ዝውውር በባንኮች እና በገንዘብ ተቋማት ብቻ መሆን እንዳለበት ያዛል።

መመሪያው ግለሰቦች ከ25 ሺህ ናቅፋ በላይ የሚሆን ጥሬ ገንዘብ ከ15 ቀናት በላይ በእጃቸው ማቆየት እንደማይችሉ ገደብ ጥሏል።

እንዲሁም በተለያዩ ሦስት ደረጃዎች የተመደቡ የንግድ ተቋማትም በ50 ሺህ፣ በ100 ሺህ እና በ150 ሺህ ናቅፋ መጠን የተገደበ ጥሬ ገንዘብ ለሁለት ሳምንታት ብቻ መያዝ እንዲችሉ ተፈቅዷል።

ከተፈቀደላቸው የጥሬ ገንዘብ መጠን እና ከተቀመጠው የጊዜ ገደብ በላይ ተቀባይነት ካለው ምክንያት ውጭ ይዘው የተገኙ ተቋማትና ግለሰቦች #ሕጋዊ_እርምጃ" እንደሚወሰድባቸው አስጠንቅቋል።

አሁን የኤርትራ ማዕከላዊ ባንክ ያወጣው በግለሰቦች እና በተቋማት ይዞታ ስር ሊቀመጥ የሚችልን የገንዘብ መጠንን የሚገድበው መመሪያ ከዛሬ ጀምሮ ተግባራዊ የሚሆን ነው።

የመዋዕለ ነዋይ ዘርፍ በመንግሥት ጥብቅ ቁጥጥር ሥር በሚገኘባት ኤርትራ በጥሬ ገንዘብ መገበያየት ዋነኛው እና በስፋት ጥቅም የሚውል ነው። የባንክ አገልግሎቶች በመላዋ አገሪቱ የተስፋፋ አይደለም።

@Addis_Reporter
@Addis_Reporter

የጥሬ ወተት ጉዳይ‼️
በተለይ በከተሞች ለገበያ የሚቀርብ ወተት ለአፍላቶክሲን እና ለተለያየ እክል የተጋለጠ መሆኑ ሲነገር ቆይቷል፡፡

በአዲስ አበባ የሚቀርበው ወተት ጤናው የተጠበቀ እንዲሆን የህግ ማዕቀፍ እየተሰናዳ መሆኑ ተሰምቷል፡፡

ከከብቶች ማደሪያ ፣ ከመኖ እና ሌሎች ሂደቶች ላይ መሟላት ያለባቸው ደረጃዎች በህጉ መደንገጋቸውን ሰምተናል፡፡

ጥራትን የማረጋገጡ ስራ ከወተት በተጨማሪ ሌሎችም የግብርና ምርቶችን የሚያካትት ነው ተብሏል፡፡

ወተት በተለይ ለህፃናት በሰፊው የሚቀርብ እንደመሆኑ ተዘጋጅቶ ለገበያ እስከሚቀርብበት ጊዜ ድረስ ለብክለት የመጋለጥ እድሉ ከፍተኛ ስለሆነ ጥንቃቄ የሚፈልግ ነው ሲሉ በአዲስ አበባ አርሶ አደርና ከተማ ግብርና ልማት ኮሚሽን ምክትል ኮሚሽነር ዶ/ር ፀጋለማ በቀለ ተናግረዋል፡፡

የህግ ማዕቀፉ አሁን ለሚያፀድቀው አካል መላኩን እና ተግባራዊ ሲሆን ሂደቱን የማይከተሉት ላይ ስለሚወሰደው እርምጃ ምክትል ኮሚሽነሩ ፀጋለማ በቀለ አክለዋል፡፡

በተለይ ወተትን በተመለከተ የሚወጣው የህግ ማዕቀፍ ተግባራዊ ሲሆን በከተማዋ በከብቶች እርባታ ላይ የተሰማሩ ሰዎች ህጉ የሚጠይቀውን ሁሉ ለማሟላት ይገደዳሉ ተብሏል፡፡

ይህ ካልሆነ ግን በአዲስ አበባ ጥሬ ወተት መሸጥ ሊከለከል እንደሚችል ሃላፊው አስረድተዋል፡፡

@Addis_Reporter
@Addis_Reporter

ኢትዮጵያዊያን በሙሉ እንኳን ለ2019 ዓ.ም በሰላም አደረሳችሁ🌼🌼🌼🌼
ይችን ቀን ለማክበር/ለማየት/ያልታደሉ ብዙ ናቸውና አሜን በሉ።
ሰላም ለሀገራችን ሰላም ለኢትዮጵያ🕊🕊
አዲሱ አመት ህልማችሁን የምትኖሩበት፣ያቀዳችሁት የሚሳካበት፣ነጋዴው የሚያተርፍበት፣ገበሬው ጎተራው የሚሞላበት፣የኑሮ ውድነት የሚቀንስበት፣ሰው በሰላም ወጥቶ ውሎ የሚገባበት፣ ሰርቶ የሚለወጥበት፣የጦርነት ዜና የማንሰማበት ዘመን ያድርግልን።
ከሁሉ በላይ የሰው ልጆች ሁሉ የሚፈቃቀሩበት፣የሚተሳሰቡበት ዘመን እንዲሆንልን እንመኛለን።
በዚህ አጋጣሚ ያስቀየምናችሁ ካላችሁ ይቅርታ ለማለት እንወዳለን 'ይቅርታ ከሚጠይቁ ይልቅ ይቅርታን የሚቀበሉ ታላቅ ናቸው'።

@Addis_Reporter
@Addis_Reporter

“ችግሮች ሰው ሰራሽ በመሆናቸው በውይይትና በይቅርታ መፍትሔ ሊበጅላቸው እንደሚገባ ” ብፁዕ ወቅዱስ አቡነ ማትያስ አሳሰቡ
 
ብፁዕ ወቅዱስ አቡነ ማትያስ ቀዳማዊ የ2019 አዲስ ዓመት የቃለ በረከት መልእክት አስተላለፉ
 
የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ፣ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት ብፁዕ ወቅዱስ አቡነ ማትያስ፤ አዲሱን የ2019 ዘመነ ሉቃስ በማስመልከት ለመላው ኢትዮጵያውያን አባታዊ መልእክታቸውን አስተላልፈዋል።
 
ቅዱስነታቸው በሀገር ውስጥና ከሀገር ውጭ ለሚኖሩ፣ በየጠረፉ ለቆሙ የሀገር ጠባቂዎች፣ በሕመም ላይ ላሉና በማረሚያ ቤት ለሚገኙ ዜጎች የመልካም ምኞት መግለጫ ሰጥተዋል።
 
ፓትርያርኩ በመልእክታቸው፤ ዓለማችን በራስ ወዳድነትና በክፋት ማዕበል ተውጣ የመጽናናት ዘመንን እንደምትሻ ገልጸው፤ እግዚአብሔር የመታደስ ዘመንን ይሰጠን ዘንድ ከእኛ የሚጠበቀው ከልብ የመነጨ ንስሐና ከስሕተት መመለስ እንደሆነ አስገንዝበዋል።
 
ያለፈው ዓመት የሰው ደም የፈሰሰበት፣ አብያተ ክርስቲያናት የተቃጠሉበት፣ እገታና የኑሮ ውድነት የጎላበት ከባድ ጊዜ እንደነበር ያሳሰቡት አቡነ ማትያስ፤ እነዚህ ሁሉ ችግሮች ሰው ሰራሽ በመሆናቸው በሰው ልጅ መልካም ፈቃድ ሊቀሩ እንደሚችሉ አስረድተዋል።
 
በመሆኑም አዲሱን ዓመት ስንቀበል ያለፉ ስሕተቶችን ዳግመኛ ላለመደገም መወሰን እንዳለብን ገልጸዋል።
 
በመጨረሻም ሁሉም ኢትዮጵያውያን ሀገራቸውን እንደ ጋራ ሀብት በመመልከት፣ ልዩነቶችን በውይይት፣ በመግባባትና በይቅርታ መንፈስ እንዲፈቱ አባታዊ ጥሪያቸውን አስተላልፈዋል።

@Addis_Reporter
@Addis_Reporter

ቀይ ባህር❗
#በኢራን የሚደገፉት #የሁቲ ኃይሎች #የየመንን #ሞካ ወደብ መቆጣጠራቸው እና ወደ ባብ አል-መንደብ እየተቃረቡ መሆናቸው ተዘገበ።

አዲስ አበባ — በኢራን የሚደገፉት የሁቲ ኃይሎች በምዕራብ የመን የምትገኘውን ስትራቴጂያዊ የቀይ ባሕር ወደብ ከተማ ሞካን መቆጣጠራቸውን እና ወደ ባብ አል-መንደብ ሰርጥ እየተቃረቡ መሆናቸውን ሮይተርስ የየመን መንግሥት ወታደራዊ ምንጮችን ጠቅሶ ዘግቧል።

አዲስ ወታደራዊ ክስተት ሁቲዎች በየመን የቀይ ባሕር ወደብ ላይ ያላቸውን ቁጥጥር በከፍተኛ ሁኔታ ማስፋፋታቸውን የሚያሳይ ሲሆን፣ ቡድኑን ለዓለም አቀፍ የባሕር ትራንስፖርት እጅግ ወሳኝ ወደሆነው የባሕር መስመር ይበልጥ እንዲቀርብ ያደርገዋል ተብሏል።

የሁቲ ኃይሎችን የሚቃወሙ ሦስት የየመን መንግሥት ምንጮች እንደገለጹት፣ ለመንግሥት ታማኝ የሆኑ ኃይሎች ሐሙስ ጧት ከከተማዋ ለቀው መውጣታቸውን ተከተሎ ሁቲዎች የቀይ ባሕር ወደብ ከተማዋን እንዲቆጣጠሩ ረድቷቸዋል።

አል-መካ (al-Makha) በሚል ስም የምትታወቀው የሞካ ከተማ በታኢዝ ግዛት ውስጥ ከባብ አል-መንደብ ሰርጥ በስተሰሜን በኩል በግምት 80 ኪሎ ሜትር ርቀት ላይ ትገኛለች።

በጣረቅ ሳሊህ የሚመራው የብሔራዊ ተቃውሞ ኃይል (National Resistance Forces) ከተማዋ ሙሉ በሙሉ በሁቲዎች እጅ ወደቀች መባሉን አስተባብሎ፣ ኃይሎቹ ወደ አካባቢው የገቡት የመከላከል አቅምን ዳግም ለማደራጀት እና ለማጠናከር በተደረገ እንቅስቃሴ ምክንያት ነው ብሏል።

ወደቧን መቆጣጠራቸው ሁቲዎች ቀደም ሲል የሁደይዳ ወደብን እና አካባቢውን ከተቆጣጠሩበት ሁኔታ ጋር ተደራርቦ በሁዳይዳና በጠቅላላው የቀይ ባሕር ሰርጥ ላይ ጠንካራ መደላደል እንዲፈጥሩ ያስችላቸዋል።

ባብ አል-መንደብ ቀይ ባሕርን ከአደን ባሕረ ሰላጤ ጋር የሚያገናኝ ሲሆን፣ በፋርስ ባሕረ ሰላጤ፣ በአውሮፓ እና በአሲያ መካከል ለሚጓጓዙ የነዳጅ፣ የዘይት እና የሌሎች በርካታ ምርቶች መተላለፊያ ዋና የባሕር መስመር ነው።

ሮይተርስ አክሎ እንደዘገበው፣ ሁቲዎች በየመን የቀይ ባሕር ዳርቻ ላይ ያላቸውን ቁጥጥር ለማስፋፋት በሚያደርጉት ጥረት ወደ ዳባብ (Dhubab) የባሕር ዳርቻ ከተማም እየተቃረቡ ይገኛሉ።

@Addis_Reporter
@Addis_Reporter