በአዲስ አበባ ከተማ ከ2 ሺህ በላይ ባለ ሶስት እግር ተሽከርካሪዎች ህጋዊ እውቅና እንደተሰጣቸው ተገለጸ

በከተማዋ በባለሶስት እግር ተሽከርካሪዎች ላይ በተደረገው ለውጥ ህጋዊ እውቅና እንዲኖራቸው መደረጉን የአዲስ አበባ ትራንስፖርት ቢሮ ለመናኸሪያ ሬድዮ አስታውቋል፡፡

ከሁለት ዓመታት በፊት በከተማዋ ይንቀሳቀሱ የነበሩ ባጃጆች ሙሉ በሙሉ ህገ-ወጥ እና ሰሌዳቸው እውቅና ያልነበረው በመሆኑ ለወንጀልና ለፀጥታ ስጋት ተዳርገው እንደነበር የሚናገሩት የቢሮው ምክትል ኃላፊ አቶ ዳኛቸው ሽፈራው፣ ይህንን ችግር ለመፍታት በተዘረጋው አሰራር የከተማዋ ነዋሪ የሆኑ ወጣቶች በህጋዊ መንገድ እንዲደራጁ መደረጉን እና 2 ሺህ 800 ባጃጆች በማህበር ተደራጅተው እውቅና ማግኘታቸውን ተናግረዋል፡፡

ህጋዊ እውቅና ያገኙ ባጃጆች ከዋና ዋና መንገዶች ውጭ ባሉ እና የህዝብ ትራንስፖርት ባልደራሰባቸው አካባቢዎች ተሰማርተው በቀን እስከ 250 ሺህ ሰዎችን እያጓጓዙ እንደሚገኙ አቶ ዳኛቸው ገልጸዋል።

ባጃጆቹ ለወጣቶች የሥራ ዕድል ከመፍጠር ባሻገር የስርቆትና ህገ-ወጥነት ስራዎችን በመከላከል ረገድ የሰላም አጋዥ ሃይል ሆነው በመስራት ላይ እንደሚገኙ ጠቁመዋል።

አዲስ አበባ የባጃጅ ከተማ ባለመሆኗ በሂደት እነዚህ አነስተኛ የትራንስፖርት አማራጮች በአውቶቡሶች፣ በትላልቅ ተሽከርካሪዎች እና በሜትር ታክሲዎች እየተተኩ እንደሚሄዱ አቶ ዳኛቸው ጠቅሰው፤ በአሁኑ ወቅት ዋና ዋና መንገዶችን ከመኖሪያ አካባቢዎች ጋር በማያያዝ ረገድ ባጃጆች ከፍተኛ ሚና በመጫወታቸው የተጀመረው ህጋዊ አሰራር ተጠናክሮ እንደሚቀጥል ገልጸዋል።

በተሻሻለው የባጃጅ አሰራር ህብረተሰቡ እስከ ምሽቱ 4 ሰዓት ድረስ አገልግሎት እንዲያገኝ እየተደረገ መሆኑን ኃላፊው ተናግረዋል።

@Addis_Reporter
@Addis_Reporter

የጥገና ሥራ ለማከናወን የሚቋረጥ የኃይል አቅርቦት

ነገ ነሐሴ 14 ቀን 2018 ዓ.ም የጥገና ሥራ ለማከናወን የኃይል አቅርቦት የሚቋረጥባቸው አካባቢዎች ፡-

✅ ከጠዋቱ 2፡00-9፡30

👉ቂሊንጦ ኮንዶሚኒየም ፣ አዲስ አበባ ሳይንስ እና ቴክኖሎጂ ዩኒቨርስቲ፣ ቂሊንጦ ላይ ሰፈር፣ ቂሊንጦ ሚካኤል፣ ሌስ ፍራንስ ት/ቤት፣ ቤጂንግ ሆስፒታል፣ ኮዬ አደባባይ ፣ ዋሊያ ቢራ እና አካባቢው፣  

👉ዊንጌት ት/ቤት፣ ድሬ ቆዳ ፣ ጊዮን በረኪና ፣ መከላከያ መኖሪያ ፣ ኢንዱስትሪ መንደር ፣ ሚኒሊየም ሰፈር ፣ ሸጎሌ ጨፌ ፣ ጉለሌ እጽዋት ማዕከል እና አካባቢው ፣

👉አለምባንክ ፣ ኢንዲያና ት/ቤት ፣ ታፍ ማደያ ፣ አቃቂ ብሩህ ተስፋ ት/ቤት ፣ ኮፊ ሲቲ ድረስ፣ ፊሪ ፤ ኖክ ፤ ዋልያ ብረታ ብረት ፤ ካፒታል ሲሚንቶ ጀርባ እና አካባቢው ፣

👉ፓርሞ ሳይት፣ ኢንዱስትሪ መንደር ፣ ቼራሊያ ፣ ቃሊቲ ገብር ኤል 40/60 ፣ ቼራሊያ ኮንዶሚየም፣ ቃሊቲ መናኸሪያ ፣ ግራር ኮንዶሚኒየም ፣ አለም ባንክ ፣ ትሮፒካል ፣ አየር ጤና ኪዳነ ምህረት እና አካባቢው ፣

👉ኪዳነ ምህርት ፣ ሸጎሌ መንደር 7 ፣ ዊንጌት ጤና ጣቢያ ፣አበራ ሆቴል ፣ እምነበረድ ፣ አጠና ተራ ፣ ኢትዮ ጠቢብ ፣ ደጉ ሆቴል ፣ ሰፈረ ሰላም እና አካባቢው ፣

👉ካራ ፣ ናትራን ፣ ለማ ነጎ ት/ቤት ፣ አየር ጤና ፣ አየር ጤና ኪዳነምህረት ፣ አየር ጤና ሞቢል ፣ ፉሪ ፣ ሰይድ ያሲን ጀርባ ፣ ኡራኤል እና አካባቢው ፣

👉ጎላጎል ህንጻ ፣ፋንዲሻ ሆቴል ፣ ቅዱስ ገብርኤል ሆስፒታል ፣ ወርቁ ህንጻ ፣ ቃል ፔኒሲዮን ፣ ዮናስ ጨርጨር ስጋ ቤት ፣ ቦሌ ክፍለ ከተማ ብልጽግና ጽህፈት ቤት ፣ ሻላ መናፈሻ፣ ለማ ስጋ ቤት ፣ ቺቺንያ ጫፍ ድረስ እና አካባቢው ፣

👉ድሬ ከአስፋልት በላይ፣ ገፈርሳ ውሀ ግድብ፣ ሲሊ፣ ከረላ፣ መናገሻ ፣ ኬላ ፣BM ሳይት ሲሼር ፣ ዘጸአት ፣ መናገሻ አበባ ልማት እና አካባቢው ፣

✅ ከጠዋቱ 2፡00-12፡00

👉አዳማ፣ ጎሮ ቀበሌ፣ ዳቢ ቀበሌ፣ ቀበሌ 18፣ ጋምቤላ፣ ኢላ መውጫ፣ ኒግናንጊ፣ ጋምቤላ ቤተመንግስት፣ 1ኛ ኮብልስቶን፣ አየርጤና፣ ሰላም ሰፈር  እና አካባቢው ፣

✅ ከጠዋቱ 2፡30-7፡30

👉ለቡ መብራት ፣ቫርኔሮ አደባባይ ፣ ለቡ መድሀኒያለም ፣ ለቡ ላቢያጆ ፣ ጀሞ 1 ፣ ካሳ ሳይት ፣ አፍሪካ ህንጻ ድረስ ፣ ጀሞ ሚካኤል እና አካባቢው ፣

👉ገላን ኮንዶሚኒየም (ልደታ ቤተ- ክርስቲያን አካባቢ) ፣ አባ ሳሙኤል ማረሚያ ፣ አቃቂ ቴሌ ዌር ሀውስ፣ አንበሳ ጫማ ፣ አለምባንክ ፣ ከተማ ልማት ፣ ፊታውራሪ ት/ቤት ፣ አባ ቦራ እና አካባቢው ፣

👉ሐዋሳ፣ ተግባረ ዕድ፣ ሌዊ፣ ቅድስት ሥላሴ ኮንዶሚኒየም፣ ሚሽን መቃብር፣ ቲቲሲ፣ ብሌን እና አካባቢው የኃይል አቅርቦት ይቋረጣል ፡፡

ስለሆነም በአካባቢው የምትገኙ ክቡራን ደንበኞቻችን ይህንኑ በመገንዘብ አስፈላጊውን ቅድመ ዝግጅት እንድታደርጉ በአክብሮት እናሳውቃለን፡፡

@Addis_Reporter
@Addis_Reporter

በኬኒያ የሚደረግ ድርድር የለም-TPLF‼️
ቀጣይ ሳምንት ህወሃትና የፌዴራል መንግሥቱ በኬኒያ ሊደራደሩ ነው በሚል በአንዳንድ የማህበራዊ ሚዲያዎች የሚሰራጨው መረጃ ውሸት መሆኑን የህወሓት ኮሙኒኬሽን ቢሮ ሀላፊ የሆኑት አቶ አብረሃም ሐጎስ ዛሬ ነሐሴ 13/2018 ዓ.ም በሰጡት መግለጫ ላይ ገልፀዋል።
አላማችን አራት ኪሎን መቆጣጠር ነው ብለዋል።
የፌደራል መንግሥቱ ምዕራብ ትግራይን ልስጣችሁ፣ተፈናቃዮች ይመለሱ ቢል እንኳን ጊዜው አልፏል ብለዋል።
መንግሥት አሁን ላይ በድሮን እና በአንቶኖቭ ሙሉ ጦርነት ከፍቶብናል ብሏል።
የፌደራል መንግስቱን ለመጣል ከተለያዩ ሀይሎች ጋር የተፈጠረው ስምምነት ወደመጨረሻው ምዕራፍ መድረሱን እና መግለጫ እንደማሰጥ ተናግረዋል።

@Addis_Reporter
@Addis_Reporter

የዜሮ ዓመት የስራ ልምድ ቅጥር እንዲቀር የሚል ምክረ-ሐሳብ ከስምምነት ላይ ተደረሰበት

እየተገባደደ በሚገኘው የሀገራዊ ምክክር ጉባዔ ተሳታፊዎች የስራ ቅጥርን በተመለከተ «የዜሮ ዓመት የስራ ልምድ ቅጥር እንዲቀር» የሚል ምክረ-ሐሳብ አቅርበው ከስምምነት መድረሳቸው ተገለፀ።

በተጨማሪም በጉባዔው ውይይት ወቅት ሁሉም ትምህርት ቤቶች ለሴት ተማሪዎች የንፅህና መጠበቂያ ቁሳቁሶችን በነጻ እንዲያቀርቡ የሚል አዎንታዊ ምክረ-ሐሳብ ተነስቶ ስምምነት ከተደረሰባቸው ጉዳዮች መካከል ይጠቀሳል።

በአሁኑ ወቅት 500 አባላት ባሏቸው 8 ቡድኖች ተከፋፍለው ውይይታቸውን በማጠቃለል ላይ የሚገኙት ተወካዮች፣ በአብዛኞቹ አጀንዳዎች ላይ ተወያይተው ወደ መስማማት መምጣታቸው ተገልጿል።

ይሁን እንጂ እስካሁን መስማማት ያልተቻለባቸው እና በይደር እንዲቆዩ የተደረጉ አጀንዳዎች የትኞቹ እንደሆኑ እስካሁን ይፋ አልተደረገም።

የኢትዮጵያ ሀገራዊ ምክክር ኮሚሽን በዛሬው ዕለት በሰጠው መግለጫ እንዳስታወቀው፣ ተወካዮቹ በምክክሩ ስምንት ዋና ዋና አጀንዳዎች ላይ የቀረቡትን ምክረ-ሐሳቦች በማጠናከር አጠቃላይ ወጥ የሆነ ሰነድ የማዘጋጀት ሥራ ጀምረዋል።

@Addis_Reporter
@Addis_Reporter

በድርቅ 16 ሰው😥‼️
በጠለምት ወረዳ በተከሰተ ድርቅ የ16 ሰዎች ሕይወት ማለፉን የመረው ቀበሌ አስተዳዳሪ ገለፁ‼️‼️
👉ከ17000 በላይ የቤት እንስሳት ሞተዋል።
በሰሜን ጎንደር ዞን ጠለምት ወረዳ መረው ቀበሌ በተከሰተው በረታች ድርቅ ሳቢያ የ16 ሰዎች ሕይወት ማለፉንና በመቶዎች የሚቆጠሩ የቤተሰብ አባላት ለስደት መዳረጋቸውን የመረው ቀበሌ ዋና አስተዳዳሪ ጥላሁን ገብረሚካኤል ለአዲስ ማለዳ ተናግረዋል።

እንደ አስተዳዳሪው ገለጻ፣ በአካባቢው ከመጋቢት ወር ጀምሮ ምንም ዓይነት ዝናብ በመጥፋቱ አርሶ አደሩ የዘራው እህል ሳይበቅል ቀርቷል። በዚህም ምክንያት በአካባቢው የምግብ እጥረትና ረሃብ በመከሰቱ፣ የሰው ሕይወት ከማለፉ ባሻገር የቁም እንስሳትም በሙሉ ማለቃቸውን አክለዋል፡፡

በተጨማሪም ድርቁ ያስከተለው የረሃብን ሁኔታ መቋቋም የተሳናቸው 488 አባወራዎች ከአካባቢው ለቅቀው ወደ ምዕራብ ትግራይ መሰደዳቸውን ጥላሁን አስረድተዋል።

ችግሩን በተመለከተ እስከ ክልል ድረስ አቤቱታ መቅረቡን የጠቆሙት አስተዳዳሪው፣ ከየቀበሌው የተመደቡ አካላት የሞቱ ሰዎችን፣ የተሰደዱ አባወራዎችን እና ያለቁ እንስሳትን ቁጥር መዝግበው ለሚመለከተው አካል ቢያሳውቁም እስካሁን ምንም ዓይነት ምላሽ አለመገኘቱን ገልጸዋል።

ከዚህ ቀደም ከመንግሥት የተደረገው ድጋፍ ለአቅመ ደካሞች ብቻ የተሰጠ የሴፍቲኔት እርዳታ እንደነበርም አክለው ጠቁመዋል።

እየከፋ የመጣውን የረሃብ አደጋ ተከትሎ የአካባቢው ነዋሪዎች የድንገተኛ እርዳታ ጥያቄ በማንሳት ሰልፍ መውጣታቸውን የገለጹት ጥላሁን፤ አሁንም አስቸኳይ ድጋፍ ካልቀረበ የአካባቢው ሕዝብ በረሃብ የሚያልቅበት አጋጣሚ ሰፊ በመሆኑ የሚመለከታቸው አካላት በፍጥነት እንዲደርሱላቸው ጥሪያቸውን አስተላልፈዋል።
ሼር አድርጉት❗❗።

@Addis_Reporter
@Addis_Reporter

የቻይና ኩባንያዎች በ12.5 ቢሊዮን ዶላር ወጪ በሚገነባው የቢሾፍቱ አውሮፕላን ማረፊያ ፕሮጀክት ላይ ለመሳተፍ ከቀረቡ ድርጅቶች ውስጥ የበላይነቱን ያዙ

በኢትዮጵያ በ12.5 ቢሊዮን የአሜሪካ ዶላር ወጪ በሚገነባው የቢሾፍቱ ዓለም አቀፍ አውሮፕላን ማረፊያ ግንባታ ላይ ለመሳተፍ ከቀረቡት ድርጅቶች ውስጥ አብዛኞቹ የቻይና ኩባንያዎች ወይም ከቻይና ኩባንያዎች ጋር የተመሰረቱ ድጅቶች መሆናቸውን የአቪዬሽን መረጃ አቅራቢ እና የዜና ፖርታል የሆነው ‘ch-aviation’ ዘግቧል።

በኢትዮጵያ አየር መንገድ ይፋ የተደረገው የእጩዎች ዝርዝር እንደሚያሳየው፣ የቻይና ኩባንያዎች በከፍተኛ ልዩነት ትልቁን ቁጥር የያዙ ሲሆን፣ ይህም በሀገሪቱ ግዙፍ የመሰረተ ልማት ፕሮጀክት ላይ የቻይና ኢንጂነሪንግ እና ግንባታ ድርጅቶች ያላቸውን የጎላ ሚና የሚያሳይ ነው።

በተወዳዳሪነት የተመረጡት የቻይና ኩባንያዎች ቻይና ኮሙኒኬሽንስ ኮንስትራክሽን ካምፓኒ፣ ቻይና ኮንስትራክሽን ኤይትዝ ኢንጂነሪንግ ዲቪዥን፣ ቻይና ሮድ ኤንድ ብሪጅ ኮርፖሬሽን፣ ቻይና ሲቪል ኢንጂነሪንግ ኮንስትራክሽን ኮርፖሬሽን፣ ቤጂንግ ኮንስትራክሽን ኢንጂነሪንግ ግሩፕ፣ ቤጂንግ እርባን ኮንስትራክሽን ግሩፕ፣ ቻይና ፈርስት ሃይዌይ ኢንጂነሪንግ ካምፓኒ፣ ቻይና ናሽናል ኤሮ-ቴክኖሎጂ ኢንተርናሽናል ኢንጂነሪንግ ኮርፖሬሽን፣ ቻይና ሬይልዌይ ቤጂንግ ኢንጂነሪንግ ግሩፕ፣ ሻንዶንግ ሉቂያኦ ግሩፕ ናቸው።

@Addis_Reporter
@Addis_Reporter

ቀን 14/12/18 የወጡ የስራ ማስታወቂያዎች
⭐️⭐️⭐️⭐️⭐️⭐️⭐️⭐️⭐️⭐️⭐️⭐️
📞09 07 36 23 85
📞09 09 17 48 53
🇪🇹የስራ አይነት👉NGO phone opretor&reseption
    ✨ደመወዝ===350_400dollar
    ✨ፆታ===ወ/ሴት
    ✨ልምድ===0አመት
    ✨የት/ት ደረጃ===ድግ&ዲፕ
🇪🇹የስራ አይነት👉NGOበሁሉም ግማሽ ቀን/ሙሉ ቀን/አዳር/
    ✨ደመወዝ===200-600 dollar
    ✨ፆታ===ወ/ሴት
   ✨ ልምድ===0-5አመት
    ✨የት/ት ደረጃ= ከ12 ጀምሮ
🇪🇹position👉፡ቡና አሻጊ ለexport
     ✨ደመወዝ===13500+
     ✨ፆታ===ወ/ሴት
     ✨ልምድ===0አመት
     ✨የ/ት ደረጃ===10
🇪🇹position👉ውሀ ሽያጭ መኪና ላይ
    ✨ደመወዝ===13000+
    ✨ፆታ===ወ/ሴት
    ✨ልምድ===0አመት
    ✨የት/ት ደረጃ===8+
🇪🇹position👉ብስኩት ፋብሪካ
    ✨ደመወዝ===14500
    ✨ዖታ===ወ/ሴት
   ✨ልምድ===0አመት
   ✨የት/ት=== ደረጃ-10+
🇪🇹positionትኬት ቆራጭ/ለባስ/ለባቡር/
     ✨ደመወዝ===15000+
     ✨ፆታ===ወ/ሴት
     ✨ልምድ===አይጠይቅም
     ✨የት/ደረጃ===6-12
🇪🇹position👉ስልክ ኦፕሬተር/ለድርጅት/NGO/ኤጀንሲ/
     ✨ደመወዝ-15000+
     ✨ፆታ===ወ/ሴት
     ✨ልምድ===0አመት
     ✨የት/ት ደረጃ==8-12
🇪🇹position===ሞዴል አሰልጥኖ
      ✨ደመወዝ===15000+
      ✨ፆታ===ወ/ሴት
      ✨ልምድ===0አመት
      ✨የት/ት ደረጃ===10
🇪🇹position👉ፕላስቲክ ፋብሪካ
     ✨ደመወዝ===12500+
     ✨ፆታ===ወ/ሴት
     ✨ልምድ===0አመት
     ✨የት/ት ደረጃ===አይጠይቅም
🇪🇹potition👉ጉዳይ አስፈፃሚ ለድርጅቶች
     ✨ደመወዝ===15000+
     ✨ፆታ===ወ/ሴት
     ✨ልምድ0===0አመት
     ✨የት/ት ደረጃ==8-12
🇪🇹position👉ለስላሳ ፋብሪካ ውስጥ
     ✨ደመወዝ===14000
     ✨ፆታ===ወ/ሴት
     ✨ልምድ===0አመት
     ✨የት/ት ደረጃ===8ኛ-12
🇪🇹position👉እንግዳ ተቀባይ/reseption/
✨ደመወዝ===12000+
✨ፆታ===ወ/ሴት
✨ልምድ===0-1አመት
✨የት/ትደረጃ ==8-12
🇪🇹position👉አምፖል ማምረት
   ✨ደመወዝ===13,000
   ✨ፆታ===ወ/ሴት
   ✨ልምድ===0አመት
   ✨የት/ት ደረጃ===8+
🇪🇹position👉ሹፌር
    ✨ደመወዝ 14-22000
    ✨ፆታ===ወ
    ✨ልምድ=2አመት
    ✨የት/ት ደረጃ===ህዝብ1/ደረቅ/2/3/
🇪🇹position👉አካውንታት
   ✨ደመወዝ=14500+
   ✨ፆታ===ወ
   ✨ልምድ===0-5አመት
   ✨የት/ት ደረጃ===digree
🇪🇹position👉ሆስተስ
   ✨ደመወዝ===25000
   ✨ፆታ=/ሴት
   ✨ልምድ===0-አመት
   ✨የት/ት ደረጃ10-12
🇪🇹position👉ቴሌ ማርኬተር ሽያጭ
    ✨ደመወዝ===13500
    ✨ፆታ===ወ/ሴት
    ✨ልምድ===0-1አመት
    ✨የት/ት ደረጃ==8-12
🇪🇹position👉ቀለም ፍብሪካ
    ✨ደመወዝ===16000
    ✨ዖታ===ወ/ሴት
    ✨ልምድ===አይጠይቅም
    ✨የት/ት ደረጃ===አይጠይቅም
🇪🇹position👉 ጫኝ አውራጅ
     ✨ደመወዝ===10000+
     ✨ዖታ===ወ/
     ✨ልምድ===0-አመት
     ✨የት/ት ደረጃ==8-12
🇪🇹position===ማናጀር ለሆቴል
    🔶ደመወዝ===18,000
    ✨ፆታ===ወ/ሴት
    ✨ልምድ===0-2
    ✨የት/ት ደረጃ===digree
ማሳሰቢያ ስራው አ/አ ነዋሪ ለሆናቹ ብቻ ነው
☎️ 📞0909174853
     📞 0907362385
     አድራሻ መገናኛ ደራርቱ ህፃ
    ወደ 24 በሚወስደው መንገድ
  መብራቱን ተሻግሮ ሰኒ ህንፃ 3 ፎቅ
      ቢሮ ቁጥር 305
   

በ216 ሠራተኞች ላይ አስተዳደራዊ እርምጃ ተወሰደ።

የአዲስ አበባ ከተማ የመሬት ልማትና አስተዳደር ቢሮ በብልሹ አሰራር የተሳተፉ በ216 ሠራተኞች ላይ ከቀላል እስከ ከባድ የዲሲፕሊን እርምጃ መወሰዱን አስታውቋል።

እርምጃ ከተወሰደባቸው መካከል የ6 ሠራተኞች የቅጥር ውል ሙሉ በሙሉ መቋረጡን ነው የአዲስ አበባ ከተማ የመሬት ልማትና አስተዳደር ቢሮ የገለጸው።

@Addis_Reporter
@Addis_Reporter

የቀድሞው የመከላከያ ሚኒስትር በዩክሬን ምርጫ እንዲካሄድ ጥሪ አቀረቡ

የቀድሞው የዩክሬን የመከላከያ ሚኒስትር ሚካይሎ ፌዶሮቭ የጦርነት ጊዜ ምርጫ እንዲካሄድ ጥሪ ያቀረቡ ሲሆን፣ ይህም ሩሲያ ሙሉ በሙሉ ወረራ ካካሄደችበት ከሶስት ዓመታት ወዲህ በዜለንስኪ ፕሬዝዳንትነት ላይ የተደቀነ ትልቁ ፉክክር ተደርጎ ተወስዱዋል።

ፌዶሮቭ ባለፈው ማክሰኞ በዩቲዩብ ላይ ባሰራጩት መልእክት ‹‹ዲሞክራሲ በሩሲያ ታግቶ ሊያዝ አይገባም ›› ብለዋል አክለውም ዩክሬን እየተዋጋች ያለችው “በእርግጥም ነፃ የአውሮፓ ሀገር ሆና ለመቀጠል ስለምትፈልግ ነው” ሲሉ ተደምጠዋል።

እ.ኤ.አ በ2022 ጦርነት ከተቀሰቀሰ ወዲህ ዩክሬን በወታደራዊ አዋጅ ስር የምትገኝ ትገኛለች ይህም ማለት ምርጫዎች ታግደዋል ማለት ነው።

ፌዶሮቭ ከተሾሙ ከስድስት ወራት በኋላ ባለፈው ወር ሳይታሰብ ከመከላከያ ሚኒስትርነታቸው መባረራቸው የሚታወስ ሲሆን ፤ መባረራቸው በመላው በሀገሪቱ ተቃውሞዎችን ቀስቅሷል፡፡

ፌዶሮቭ የመከላከያ ሚኒስትር በነበሩበት ወቅት ሚኒስቴሩን በማንቃት፣ ሙስናን በመታገል እና መረጃዎችን በመጠቀም በግንባር ላይ ያለውን አፈፃፀም ለማሻሻል በመስራት ምስጋና ተቸሯቸዋል።

የእሳቸው ከኃላፊነት መነሳት እና በጦር ኃይሎች ጠቅላይ አዛዥ አሌክሳንደር ሲርስኪ መካከል ከተፈጠረው ውጥረት ጋር የተያያ እንደሆነም ይታመናል።

@Addis_Reporter
@Addis_Reporter

በሶማሊያ የባህር ዳርቻ አዲስ የመርከብ ጠለፋ ተፈጸመ

በሶማሊያ የባህር ጠረፍ አቅራቢያ ስሙ ያልተጠቀሰ አዲስ የጭነት መርከብ በባህር ላይ ታጣቂዎች ቁጥጥር ስር መዋሉ ተገለጸ። ሰኞ ነሐሴ 11 ቀን 2018 ዓ.ም የተፈጸመው ይህ ድርጊት አባል አገራት አዲስ የደህንነት ግብረ ሃይል እንዲያቋቁሙ አነሳስቷል።

የመርከቡ የጸጥታ ሃላፊ ቢያንስ ስምንት ታጣቂዎች መርከቡን መቆጣጠራቸውን ያሳወቁ ሲሆን፣ አውሮፓ ህብረት የባህር ሃይልም ሁኔታውን በመከታተል ላይ ይገኛል።

ይህ አዲስ ጥቃት የተፈጸመው አራት ሌሎች መርከቦች ከወራት በፊት ተጠልፈው በቁጥጥር ስር በዋሉበት ወቅት ነው። ፓኪስታን እና ግብጽ መርከቦቹን እና ሰራተኞቹን ለማስለቀቅ ከሶማሊያ ባለሥልጣናት ጋር ከፍተኛ ዲፕሎማሲያዊ ጥረቶችን እያደረጉ ቢሆንም፣ በዘራፊ ቡድኖች መካከል ያለው አለመግባባት ድርድሩን አስቸጋሪ አድርጎታል።

የኢንተርናሽናል ማሪታይም ድርጅት የጂቡቲ የባህር ላይ ንግድ ስምምነት አባል አገራት የባህር ላይ ጠላፊዎችን ለመከላከል አዲስ ጥምር ግብረ ሃይል ማቋቋማቸውን አስታውቀዋል።

@Addis_Reporter
@Addis_Reporter

ከ750 በላይ የአሜሪካ ወታደሮች መቁሰላቸውን ፔንታጎን የተጎጂዎችን ቁጥር አሻሽሎ ይፋ ባደረገው ሪፖርት አስታወቀ

የፔንታጎን የጦርነት ተጎጂዎች መረጃ ቋት እንደሚያሳየው፣ ከኢራን ጋር በተደረገው ጦርነት ከ750 በላይ የአሜሪካ ወታደሮች የቆሰሉ ሲሆን፣ ከየካቲት 21 ጀምሮ 18 ወታደሮች ተገድለዋል፡፡

የፔንታጎን ይፋዊ ግምት ቀጥተኛ የወታደራዊ ወጪውን 37.5 ቢሊዮን ዶላር እንደሆነ ቢያሳይም፤ አንዳንድ ተንታኞች ግን በአሜሪካውያን አባወራዎች ላይ የሚደርሰው ቀጥተኛ ያልሆነ ወጪ  ወደ 1,000 ዶላር ሊደርስ እንደሚችል ይገልጻሉ።

@Addis_Reporter
@Addis_Reporter

🌟 ለወደፊት ህይወትዎ አሁን ይወስኑ፡ ወጣት ሴቶች የአላቡጋ ስታርትን ለምን ይመርጣሉ?🌟

የአላቡጋ ስታርት ግልጽ እና ከወጪ ነፃ የሆነየሥራ ስምሪት ፕሮግራም በመሆኑ በብዙዎች ተመራጭ ሆኗል። የፋይናንስ እንቅፋቶችን በማስወገድ፣ የተረጋጋ ሥራ፣ የተረጋገጠ ገቢ እና ምቹ ማረፊያ በማቅረብ፣ ይህ ፕሮግራም ተሳታፊዎች ሙሉ በሙሉ የወደፊት ሕይወታቸውን በመገንባት እና ጠቃሚ ዓለም አቀፍ ልምድ በማግኘት ላይ እንዲያተኩሩ ይረዳል። ለዚህም ነው ብዙ ወጣት ሴቶች በሩሲያ ውስጥ የአላቡጋ ስታርት ፕሮግራምን የሚመርጡት - ሁሉም አስፈላጊ ነገሮች በዜሮ ዋጋ ስለሚሸፈኑ።

በአላቡጋ ስታርት ኢንተርናሽናል ፕሮግራም ከ18 እስከ 22 ዓመት ዕድሜ ያላቸው ኢትዮጵያውያን ሴቶች ጥራት ላለው ስልጠና እና ስታርት አፕ እድሎች ማመልከት ይችላሉ። ተሳታፊዎች ጥሩ ደመወዝ፣ ነፃ የአየር ዋጋ፣ የህክምና መድን፣ የተደገፈ መኖሪያ ቤት እና ነፃ የሩሲያ ቋንቋ ኮርሶችን ያገኛሉ። ፕሮግራሙ ምርትን፣ የምግብ አገልግሎትን፣ አቅርቦትን እና መስተንግዶን ጨምሮ ስምንት የስራ ስምሪት ዘርፎችን ይሸፍናል።

ለተጨማሪ መረጃ እና ለማመልከት የአላቡጋ ስታርት የስፖርት ፖርታልን ይጎብኙ፡ https://start-alabuga.com

መቐለ‼️
በመቀሌ ከተማ ዳዕሮ አካባቢ ዛሬ ነሐሴ 14/2018 ዓ.ም ከጠዋቱ 5:05 የተፈፀመው የአየር ጥቃት ምስል። ስለደረሰው ጉዳት እስካሁን የታወቀ ነገር የለም።

@Addis_Reporter
@Addis_Reporter

የ13 ዓመቷን ታዳጊ ሴት በመጠጥ አስክሮ  የደፈረው ግለሰብ በ15 አመት ጽኑ እስራት ተቀጣ።

በሰሜን ወሎ ዞን ላስታ ወረዳ 26 ብልባላ ቀበሌ በአስገድዶ መድፈር የተጠረጠረው ወንጀለኛ ጥፋተኛ መሆኑ ተረጋግጧል ።

የላስታ ወረዳ   ፖሊስ ፅ/ቤት  የወንጀል ምርመራ ክፍል ሃላፊ  ምክትል ኢንስፔክተር ፈንታ ሱሊማን እንደገለጹት 1ኛ ተከሳሽ  ይኸነው ፍቃዴ  ከይምርሀ ወደ ቅዱስ ላሊበላ ከተማ ለመምጣት ብልባላ ቀበሌ ላይ አጎትሽ ነኝ አብረን እንሄዳለን በሚል ታዳጊዋ ለቤተሰብ ሞባይል ካርድ ገዝታ ልትልክ የነበረውን 4 ሺህ ብር በመቀበል አስክሮ  የአስገድዶ መድፈር ወንጀል ፈጽሟል።

ፖሊስም የወንጀል መዝገቡን በማደራጀት ለወረዳው ፍርድቤት አቅርቧል። ፍርድቤቱም  ነሃሴ 25 ቀን 2018 ዓ. ም  በ13 አመት ታዳጊ ህፃን ላይ የደረሰውን ወንጀል በቀበሌው በተመደቡ ፖሊሶች እና በህብረተሰቡ ድጋፍ ምርመራ አድርጎል። የወረዳው ፖሊስ ፅ/ቤት መዝገቡን  ወደ ፍርድ ቤት ልኳል።

ለወንጀሉ ተባባሪ ናቸው ተብለው በ15 አመት ጽኑ እስራት የተጠረጠሩ  ሁለት ግለሰቦች ላይ  የወንጀል ምርመራ ሲካሂድ ቆይቷል።በዚህም መሰረት  2ኛ ተከሳሽ እመየ አጋዥ ቤቷ ውስጥ ድርጊቱ እንዲፈፀም በመተባበሯ  በ11 አመት ፅኑ እስራት ፣  በ3ኛ ተከሳሽ ታደስ ደማሙ ላይ ደግሞ አጎትሽነው በማለት ልጅቷን በማዘናጋቱ   በ10 አመት  ፅኑ እስራት  ተወስኖባቸዋል።

ዋና ሃላፊው አክለውም የሴት ልጅ መደፈር በማህበረሰብ ዘንድ የጤና፣ የሞራል እና እራስን የመምራት ተጽእኖን ስለሚያስከትል እንደዚህ አይነቱን ወንጀል እናቶች፣ አባቶች እና ወጣቶች  በማውገዝ ህብረተሰቡ በተለይም ወጣቱ እራሱን እንዲጠብቅና የሀይማኖት አባቶች ትምህርት እንዲሰጡ ጠቁመው ወንጀል የሆኑ ድርጊቶች ሲፈፀሙ መረጃዎችን ለህግ አካላት ጥቆማ እንዲሰጡ  መልእክታቸውን አስተላልፈዋል።

@Addis_Reporter
@Addis_Reporter

የአዲስ አበባ ጉዳይ❗❗
በዛሬው ዕለት ተመካካሪዎች የተስማሙባቸውን ምክረ ሃሳቦች ለ4 ሺህ ጉባኤተኞች አቅርበው ያጸድቃሉ ተብሎ ቢጠበቅም፣ የኦሮሚያ ክልል ተወካዮች አዲስ አበባን በሚመለከተው ምክረ ሃሳብ ላይ ቅሬታ በማቀረባቸው ምክረ ሃሳቦቹ ሳይጸድቁ ቀርተዋል።

የአዲስ አበባ ባለቤትነት ጉዳይን በተመለከተ በትናንትናው ዕለት በዓምስት መቶ (500) ደረጃ በተነበበው ሰነድ ላይ በሬዲዮ

ው መሠረት ይፈረማል ተብሎ ቢጠበቅም፣ የኦሮሚያ ክልል ተወካዮች በሕገ መንግሥቱ ላይ አዲስ አበባ ዋና መቀመጫ መሆኗ ይደንግግ የሚል ቅሬታ ለኮሚሽኑ በማቅረባቸው ምክረ ሃሳቡ ዳግም እንዲታይ ምክንያት መሆኑን ተሳታፊዎች ነግረውናል።

ጉዳዩ ዳግም መታየት የለበትም፤ በ500 ቡድን ደረጃ ተስማምተናል ያሉ ተሳታፊዎች በበኩላቸው ለኮሚሽኑ ቅሬታ ማቅረባቸውን አስረድተዋል።

በትናንትናው ዕለት ማለትም ነሐሴ 13 ቀን 2018 ዓ.ም ለርዕሰ ቡድን ተመካካሪዎች በንባብ የቀረበው ሰነድ ግን "አዲስ አበባ የፌደራል ከተማ ትሁን፤ ራሷን በራሷ ታስተዳድር" በሚለው ላይ ሁሉም ከስምምነት መድረሱን ያስረዳል፤ ክልሉ ከከተማው አስተዳደር ልዩ ጥቅም ማግኘት ስላለበት የሚደንግገው የሕገ መንግሥቱ ክፍልም "የጋራ ጥቅም" በሚል እንዲሻሻል ከስምምነት መደረሱን ያክላል።

አዲስ አበባ የኦሮሚያ ክልል ዋና መቀመጫ ትሁን ከሚለው ጋር በተያያዘ ግን ሁለት ምክረ ሃሳቦች ቀርበው ነበር። እነሱም፦ ክልሎች የራሳቸውን መቀመጫ መወሰን እንዲችሉ በሕገ መንግሥቱ ይካተት የሚለው አንደኛው ሲሆን፤ ሁለተኛው ደግሞ በሕገ መንግሥቱ አንቀጽ 47 (ወይም አግባብ ያለው አንቀጽ) ላይ የሰፈረው አዲስ አበባ የኦሮሚያ ክልል መቀመጫ ከመሆኗ ጋር በተያያዘ ከተማዋን እና ክልሉን የሚመለከቱ ጉዳዮች በሕግ ይወሰኑ የሚል ድንጋጌ ይካተት የሚሉት ናቸው።

ይሁንና የኦሮሚያ ክልል ተወካዮች "አዲስ አበባ የኦሮሚያ ክልል ዋና ከተማ መሆኗ በሕገ መንግሥቱ መካተት አለበት" የሚል ቅሬታ ለ500 ቡድን ከተነበበ በኋላ ዳግም በማንሳታቸው፣ ዛሬ ምክረ ሃሳቦችን ያጸድቃል ተብሎ የነበረው ጉባኤተኛ በምክክር ስፍራው ውሎ ተመልሷል።

በዚህም ምክንያት ጉዳዩን ዳግም የሚመለከት ኮሚቴ ከተለያዩ የሕብረተሰብ ተወካዮች ተመርጧል።

ኮሚሽኑ ጉዳዩን አስመልክቶ የቀረበለትን ቅሬታ ለመመልከት የክልል ምክር ቤት ጉባኤ ጠርቶ ምክረ ሃሳቡን ከ10 ወይም ገና ከጀመሩት የተሰጡ የቡድን ምክረ ሃሳቦችን ዳግም እንዲመለከቱ ከፖለቲካ ፓርቲዎች የጋራ ምክር ቤት፣ ከሃይማኖት አባቶች፣ ከክልል፣ ከሁለቱ ከተማ አስተዳደር ከንቲባዎች፣ ከሽማግሌዎች እና ከሌሎች ቡድኖች ተወካዮች ተመርጠው እስከ ዛሬ ማታ ድረስ ጉዳዩን እንዲያጠናቅቁ ከኮሚሽኑ እንደተነገራቸው ስማቸው እንዳይጠቀስ የፈለጉ የክልል ጉባኤ አባል ነግረውናል።

በሌላ በኩል የሂደቱን ወደ ኋላ መመለስ የተቹ እና ለኮሚሽኑ ቅሬታ ያቀረቡ ወገኖች መኖራቸውን ሰምተናል፤ ተመካካሪዎቹ "በትናንትናው ዕለት በ500 ቡድን ደረጃ በንባብ በቀረበልን ምክረ ሃሳብ ላይ ተስማምተን ሳለ እንደገና ወደ ጉዳዩ አድሮ እንደ አዲስ መታየቱ አግባብ አይደለም፤ የኮሚሽኑ የአሰራር ስርዓትም አይፈቅድም" ሲሉ ቅሬታ አቅርበዋል።

እስካሁን ባለው ሂደት ከአዲስ አበባ አጀንዳ ውጪ በሁሉም ምክረ ሃሳቦች ላይ ከስምምነት መደረሱን ከተመካካሪዎች ሰምተናል።

የምክክር ኮሚሽን ምክረ ሀሳቦች በተመካካሪዎች ይጸድቃሉ ብሎ የነበረው ነሃሴ 12 ቀን ነበር።

ይሁናን በትናንትናው እለት በሰጠው መግለጫ ደግሞ ዛሬ ነሃሴ 14 ቀን 2018 ዓ.ም ነው።

ይሁንና በሁለቱም ቀን በተበላይ ቀነ ገደብ ምክረ ሀሳቦች አ4ሺ ጉባዔተኛ አልቀረበም።

@Addis_Reporter
@Addis_Reporter