መረጃ‼️

ኢትዮጵያ በተጠናቀቀው በጀት ዓመት ለውጭ ገበያ ካቀረበችው የአበባ፣ የፍራፍሬ እና የአትክልት ምርት ግማሽ ቢሊዮን ዶላር የሚጠጋ ገቢ አገኘች።

አገሪቱ በበጀት ዓመቱ ከዘርፉ ካገኘችው 490 ሚሊዮን ዶላር አጠቃላይ ገቢ ውስጥ፣ የአበባ ምርት 412 ሚሊዮን ዶላር በማስገባት ከፍተኛውን ድርሻ መያዙን ግብርና ሚንስቴር አስታውቋል።

ለውጭ ገበያ ከቀረቡ የአትክልት ምርቶች 57 ሚሊዮን ዶላር ሲገኝ፣ ከፍራፍሬ ምርቶች ደሞ 21 ሚሊየን ዶላር ተገኝቷል ተብሏል፡፡

ኾኖም አገሪቱ ይህን ገቢ ያገኘችው ምን ያህል ቶን ምርቶች ለውጭ ገበያ አቅርባ እንደሆነ ሚንስቴሩ አልጠቀሠም።

ኢትዮጵያ በ2019 በጀት ዓመት 357 ሺሕ 457 ቶን አበባ፣ አትክልት እና ፍራፍሬ ለውጭ ገበያ በማቅረብ፣ 575 ሚሊየን ዶላር ገቢ ለማግኘት አቅዳለች ተብሏል፡፡

@Addis_Reporter
@Addis_Reporter

የዓለም የምግብ ፕሮግራም፣ በቀጣዮቹ ስድስት ወራት ኢትዮጵያ ውስጥ የሰብዓዊ ድጋፎቼን ለመቀጠል 182 ሚሊዮን ዶላር ያስፈልገኛል አለ።

ድርጅቱ፣ በተያዘው አውሮፓዊያን ዓመት ለኢትዮጵያ የሰብዓዊ እርዳታዎቹ ከፍተኛ የገንዘብ እጥረት እንደገጠመው ሰሞኑን ባወጣው ሪፖርት ላይ ገልጧል።

እስከ ቀጣዩ ነሃሴ ወር በአገሪቱ ውስጥ የስብዓዊ እርዳታውን ለማስቀጠል ለእያንዳንዱ የምግብ እህል ተረጂ ከመደበው መደበኛ ራሽን ላይ 60 በመቶውን ለመቀነስ እንደተገደደም ድርጅቱ ጠቅሷል።

የአገሪቱ የሰብዓዊ እርዳታ ፍላጎት ከፍተኛ የኾነው፣ ግጭት፣ መፈናቀል እንዲሁም የኢኮኖሚ እና ከአየር ንብረት ጋር የተያያዙ ጫናዎች በተጋላጭ ማኅበረሰቦች ላይ በሚያሳድሩት ጉዳት ሳቢያ ነው ብሏል።

@Addis_Reporter
@Addis_Reporter

ለ17 ዓመታት በሕመም ፈቃድ 1 ሚሊዮን ዩሮ የተቀበለችው መምህርት ትምህርት ቤቷን ከሰሰች

​በጀርመን የምትገኝ የ62 ዓመት የሙያ ትምህርት ቤት መምህርት ለ17 ዓመታት በሕመም ፈቃድ ላይ ሆና 1 ሚሊዮን ዩሮ ገደማ ደመወዝ ከተከፈላት በኋላ፣ ትምህርት ቤቱ በጡረታ በማሰናበቱ ምክንያት ክስ አቀረበች።

መምህርቷ እ.ኤ.አ. ከ2009 ጀምሮ ወደ ትምህርት ቤት ገብታ የማታውቅ ቢሆንም፣ የሕክምና ማስረጃዎችን እያቀረበች ሙሉ ደመወዟን ስትቀበል ቆይታለች።

አዲሱ የትምህርት ቤቱ ርዕሰ መምህር ባደረገው ማጣራት ግን በእነዚህ ሁሉ ዓመታት በአስገዳጅ የመንግስት ሕክምና ምርመራ እንድታልፍ አለመደረጉ ተገልጧል።

​በተጨማሪም መምህርቷ በሕመም ፈቃድ ላይ በነበረችበት ጊዜ የግል የሕክምና ድርጅት ከፍታ ስትሰራ እንደነበር ተጠራጥሮ የዱይስበርግ ግዛት ዐቃቤ ሕግ ምርመራ ጀምሮባታል።

ማጭበርበሯ ከተረጋገጠ የተከፈላትን ገንዘብ ሙሉ በሙሉ እንድትመልስና በወንጀል እንድትጠየቅ ሊደረግ ይችላል ሲሉ የሀገሪቱ መገናኛ ብዙሃን ሰሞኑ ዘግበዋል።

Via fidel

@Addis_Reporter
@Addis_Reporter

ኤርትራ ለህወሓት ባለው መሳሪያ ጦርነቱን ጀምሩ ብሏቸዋል -ጌታቸው ረዳ‼️
(ሙሉበሙሉ ከጌታቸው ፖስት ወደ አማርኛ የተተረጎመ ነው .... ሌላ የግል  አስተያየት አልተጨመረበትም )...
--
ሻቢያን በእግራቸው የማይራመዱ ሽማግሌ ወታደሮች ናቸው ያሉት ሲል ዘርጥጧቸዋል።
"....ደብረጽዮን በቅርቡ ወደ ኤርትራ ሄዶ ኢሳያስ አፈወርቂን ጦርነት ለመጀመር ለእያንዳንዱ ታጣቂ 4 ካርታ የጥይት (120ጥይት) ) እንዲሰጠው ጠይቋል ይላል።
የኢሳያስም አሁን  “ባለህ ነገር ጀምር፤ ከዚያ የሚያስፈልገው  ይላክልሃል  እንዳለው ገልጿል።
በ2014 በምዕራብ ግንባር ስለሚደረግ ውጊያ በተደረገ የኮማንድ ፖስት ስብሰባ
አንድ የጦር ኃላፊ የጥይት እጥረት እንዳለ ገለፀ።፣ የጥይት አቅርቦት የደብረጽዮን ኃላፊነት ስለነበር ደብረጽዮን የሎጂስቲክስ ኃላፊውን አለምሰገድ ሃደራን

“ስንት ጥይት አለን?” ሲል ጠየቀ።
“11 ሚሊዮን ጥይት ይኖረናል፤ የዲሽቃ ጥይት ግን አነስተኛ  ነው ብሎ መለሰ

ከዚያ ደብረጽዮን፣ “የጠላት ኃይል ስንት ነው?” ብሎ ተወልደ ዕምባብን ጠየቀ።

ተወልደ ዕምባብም

“ፋኖ፣ የኢትዮጵያ መከላከያና የሻዕቢያ ሰራዊትን ጨምሮ 1.1 ሚሊዮን ያህል ይሆናል።”

ከዚያ ደብረጽዮን፣ “የሰራዊታችን ዒላማ የመምታት ውጤት (hit rate) ስንት ነው?” ብሎ ታደሰን ጠየቀ።

ታደሰ (ወዲ ወርደ) እንዲህ ሲል መለሰ፦

“ከ60 እስከ 70 በመቶ ይመታል።”

ከዚያ በኋላ ደብረጽዮን" እንግዲህ ሁሉንም የመጣውን ጠላት ካጠፋን፣ 30% ጥይት ይተርፈናል።” ብሎ ተናገረ
--
እኔም  ሃሳቡን ተቃውሜና ተገርሜ
“ጠላት ተር ብሎ እየመጣ አንድ በአንድ ነው እንዴ የምንመታው?”  ብየ ስጠይቅ

ወዲ ወርደ
“ተወው፤ ያውራ።” ስላለኝ ዝምአልኩ

ከዚያ ስብሰባ በኋላ፣ ደብረጽዮን
“በሰራዊቱ ፊት እኛን በመቃወም ወታደሮቹ እንዲደፍሩንና እንዲያቃልሉን አድርገሃል።” ብሎ  ወቅሶኛል 
--
በጸሎት ወይም በመጠበቅ ብቻ ለውጥ አይመጣም ስለዚህ  የትግራይ ሕዝብ ። እነዚህን ኃይሎች (እነ ደብረፂዮንን) ለማስወገድ  ጊዜው አሁን ነው
--
ደብረፂዮን ማለት በትግራይ ላይ የወረደ እርግማን ነው ይልና...
"..ሕዝባችን ይጥፋ ወይስ ክፉ ተግባር የሚፈጽሙት ይጥፉ?” ብሎ ይደመድማል።

@Addis_Reporter
@Addis_Reporter

ምርትና አገልግሎትዎን ለማስተዋወቅ ያናግሩን 👇
@Addis_reporter_bot

መነጋገሪያ የሆነው ቪዲዮ‼️
በትግራይ ክልል እየተካሄደ ያለው  ወታደራዊ ስልጠና ተከትሎ የተለቀቀው ቪዲዮ በማህበራዊ ሚዲያ መነጋገሪያ ሆኗል።
ይህ ከላይ የሚታው ቪዲዮ ወታደራዊ ስልጠና ሲሆን ይህ ስልጠና ከደን ቅጠል ጋር በመመሳሰል (Leafe Mimicry) ከድሮን ጥቃት ለማምለጥ የተደረገ ያለ ስልጠና ነው ተብሏል።
Leafe mimicry በሁለተኛው የአለም ጦርነት ወቅት ተግባራዊ ተደርጎ እንደነበር ይነገራል።

Via : አዩዘሀበሻ

@Addis_Reporter
@Addis_Reporter

የድህረ ምረቃ መግቢያ ፈተና (NGAT Exam) የምዝገባ ጊዜን ስለማሳወቅ‼️         
የትምህርት ምዘናና ፈተናዎች አገልግሎት በ2018 ዓ.ም የሚሰጠውን መደበኛ የድህረ ምረቃ ትምህርት መግቢያ ፈተና /National Graduate Admission Test/ ለመስጠት በዝግጅት ላይ ይገኛል፡፡ ስለሆነም ፈተናውን ለመውሰድ እየተጠባበቃችሁ ላላችሁ የድህረ ምረቃ ትምህርት አመልካቾች በሙሉ ምዝገባ የሚካሄደው ከሀምሌ 15 – 25/2018 ዓ.ም ብቻ መሆኑን አውቃችሁ  ከታች በተቀመጠው የመመዝገቢያ ሊንክ ገብታችሁ መመዝገብ የምትችሉ መሆኑን እየገለጽን ለፈተናውም አስፈላጊውን ዝግጅት እንድታደርጉ እናሳስባለን። የፈተና መስጫ ጊዜው ወደፊት የሚገለጽ ይሆናል፡፡

የመመዝገቢያ ሊንክ፡-  https://ngat.ethernet.edu.et

#ማሳሰቢያ:-
ፈተናውን ለመውሰድ የፋይዳ መታወቂያ እንደ ቅድመ ሁኔታ መቀመጡን አውቃችሁ ከወዲሁ እንድትዘጋጁ።

የአገልግሎት ክፍያ 750 ብር (ሰባት መቶ ሀምሳ ብር) መሆኑን አውቃችሁ በቴሌ ብር በኩል በምዝገባው ወቅት የሚፈጸም       ይሆናል                                                      
ምዝገባው የሚከናወነው በሁሉም የመንግስት ዩኒቨርሲቲዎች ሲሆን የፈተና ጣቢያውን በሚመለከት ግን ከምዝገባ በኋላ የተመዝጋቢ ቁጥሩ ታይቶ በስታንዳርዱ መሰረት የሚወሰን ይሆናል፡፡

@Addis_Reporter
@Addis_Reporter

በቢሾፍቱ የኢትዮ ቴሌኮም የመሰረተ ልማት አውታር ላይ ዘረፋ የፈጸሙ ግለሰቦች በእስራት ተቀጡ‼️
 
በቢሾፍቱ ከተማ አስተዳደር ጨለለቃ ክፍለ ከተማ ውስጥ በኢትዮ ቴሌኮም የመሰረተ ልማት አውታር ላይ ዘረፋ የፈጸሙ ሁለት ግለሰቦች በእስራት እንዲቀጡ ተወስኗል።የከተማው አቃቤ ሕግ ጽሕፈት ቤት የኢኮኖሚ ነክ ወንጀሎች ምርመራ ሂደት እንዳስታወቀው፣ ተከሳሾች ሃሮን ዮሴፍ እና ተገኔ ተሾመ የኢትዮ ቴሌኮም ንብረት የሆኑ የሲሲቲቪ ኬብል ሽቦዎችን ዘርፈው ሊሰወሩ ሲሉ በቁጥጥር ስር ውለዋል።
 
ወንጀሉ የተፈጸመው በቢሾፍቱ ከተማ ጨለለቃ ክፍለ ከተማ ኤረር ወረዳ «ጎልደን ሆቴል» ተብሎ በሚጠራው አካባቢ ከምሽቱ ሰባት ሰዓት ላይ መሆኑ ተገልጿል።ፖሊስ የምርመራ መዝገቡን አጠናቆ ለአቃቤ ሕግ የላከ ሲሆን፣ አቃቤ ሕግም የኢትዮ ቴሌኮም እና የኢትዮጵያ ኤሌክትሪክ አገልግሎት መሰረተ ልማቶችን ለመጠበቅ የወጣውን አዋጅ ቁጥር 464/2005 አንቀጽ 4 ንኡስ አንቀጽ 4ን በመጥቀስ በቁጥጥር ስር በዋሉት ግለሰቦች ላይ ክስ መስርቶባቸዋል።
 
ጉዳዩን የተመለከተው የቢሾፍቱ ከተማ አስተዳደር ከፍተኛ ፍርድ ቤት፣ ተከሳሾቹ በሕዝብ መሰረተ ልማት ላይ የፈጸሙት የዘረፋ ወንጀል በአቃቤ ሕግ ማስረጃ በበቂ ሁኔታ በመረጋገጡ እያንዳንዳቸው በ4 ዓመት ጽኑ እስራት እንዲቀጡ ውሳኔ አስተላልፋል።

@Addis_Reporter
@Addis_Reporter

የሳኡዲው ልዑል አብደላህ ቢን ፋህድ
በለንደን ሆቴል ሞቶ ተገኘ

በለንደን ኬንሲንግተን በሚገኘው ማሪዮት ሆቴል የ29 ዓመቱ የሳዑዲ ልዑል አብደላህ ቢን ፋህድ ሕይወት ማለፉን የብሪታንያ የሕክምና ምርመራ ባለሥልጣን  አስታወቀ።

ዋና ዋና ነጥቦች፡

    የሞቱ ምክንያት፡ ታህሳስ 15 ቀን 2025 (እ.አ.አ) በሆቴል መታጠቢያ ቤት ውስጥ ሞቶ  ሆኖ የተገኘው ልዑሉ፣ ሕይወቱ ያለፈው ከፍተኛ መጠን ያለው አልኮል እና የአደንዛዥ ዕፅ  ከአልኮል ጋር በመቀላቀሉ በተከሰተ የልብ ምት መቆም ነው።

    የተገኙ ንጥረ ነገሮች፡ በደም ምርመራው መሰረት ከአልኮል እና ከGHB በተጨማሪ የካናቢስ እና የጭንቀት ማስታገሻ መድሃኒቶች (እንደ Xanax ያሉ) በስርዓተ-ህዋሱ ውስጥ ተገኝተዋል።

    የህክምና ታሪክ፡ ልዑሉ ከዚህ ቀደም ከአልኮልና ከሐኪም ማዘዣ መድሃኒቶች ሱሰኝነት ጋር ይታገል ነበር፤ በለንደን እና በሰሜን ማገገሚያ ማዕከላትም ሕክምናዎችን ተከታትሎ ነበር።

    የባለሥልጣኑ ውሳኔ፡ የሕክምና ባለሙያዎች እሱ ከህክምና ሲወጣ ራሱን የማጥፋት አደጋ ላይ እንዳልነበር ቢናገሩም፣ ረዳት ባለሥልጣኑ ጂን ሀርኪን ክስተቱን እንደ «አደጋ»  ፈርጀውታል።

@Addis_Reporter
@Addis_Reporter

የገጠመን የህልውና አደጋ ነው:- ደብረፂዮን‼️
በፌዴራል መንግሥቱ የተቋቋመውን ጊዚያዊ አስተዳደር አፍርሶ ስልጣን የያዘው የህወሓት ቡድን በዛሬው ዕለት ዶክተር ደብረፂዮን ምክር ቤቱን ሰብስበው አወያይተዋል።

በዚህም "የፌደራል መንግስቱ የትግራይ ህዝብን ለማጥፋት ኢኮኖሚያዊ፣ ፖለቲካዊና ወታደራዊ ዝግጅቶችን በማጠናቀቅ የትግራይ ህዝብን ዳግም ለመውረር እየሰራ ይገኛል ብሏል።

የትግራይ ህዝብ አሁን ከተደቀነበት የህልውና አደጋ ለመታደግና ያሉትን መሰረታዊ እና ወሳኝ የህዝብ ጥያቄዎች በመመለስ የትግራይ ህዝብ ህልውናን ለማረጋገጥ ለነገ  የማይባል ስራ መሆኑን ተገንዝበን  እነዚህን የህዝብ ጥያቄዎች ለመመለስ መንግስት በቁርጠኝነት ለመስራት እቅድ መያዙንም ዶ/ር ደብረፂዮን ተናግረዋል ፡፡ 

አሁን ላይ ያጋጠመንን የህልውና አደጋ በመመከት ራስን በራስ የማስተዳደር መብት በማረጋገጥ  በኢኮኖሚ እራስዋን የቻለች ትግራይን በመፍጠር የትግራይ መልሶ ግንባታ እንዲፋጠን በትኩረት እንደሚሰራም ለምክርቤቱ አብራርተዋል"።

@Addis_Reporter
@Addis_Reporter

የደቡብ ወሎ ገዳም ጥቃትን በተመለከተ ፓትርያርኩ መግለጫ አወጡ፤ ተጠያቂዎች ለፍትሕ እንዲቀርቡ ጠየቁ።

ብፁዕ ወቅዱስ አቡነ ማትያስ ቀዳማዊ፣ ፓትርያርክ ርእሰ ሊቃነ ጳጳሳት ዘኢትዮጵያ፣ ሊቀ ጳጳስ ዘአኵስም ወእጨጌ ዘመንበረ ተክለሃይማኖት፣ በደቡብ ወሎ ሀገረ ስብከት በቦረና ወረዳ በግዮን አባይ ገዳመ አስቄጥስ ቅድስት አርሴማ፣ አቡነ አረጋዊና ቅዱስ ቂርቆስ የአባቶችና የእናቶች አንድነት ገዳም ላይ ሐምሌ 15 ቀን 2018 ዓ.ም. በተፈጸመው ጥቃት ላይ መግለጫ አውጥተዋል።

በመግለጫቸው፣ በጥቃቱ የመናንያን መነኮሳይያት ሕይወት በግፍ መጥፋቱን፣ በርካቶች መቁሰላቸውን እና በገዳሙና በንዋየ ቅድሳቱ ላይ ውድመት መድረሱን ከሀገረ ስብከቱ መግለጫ በከፍተኛ ሐዘን መስማታቸውን ገልጸዋል።

በተመሳሳይም፣ በዚሁ ዕለት በሀድያና ስልጤ ሀገረ ስብከት የአምልኮ ሥፍራ በኃይል መፍረሱና በምእመናን ላይ ጥቃት መድረሱ በመግለጽ ድርጊቱ የሚያሳዝንና በፍጹም ተቀባይነት የሌለው የተወገዘ ተግባር መሆኑን ገልጸዋል።

ፓትርያርኩ እንዳሉት፣ የጸሎት፣ የትምህርት፣ የሰላምና የመንፈሳዊ እሴት ማዕከል የሆኑትን ገዳማት መጠበቅ የአንድ ሃይማኖት ጉዳይ ብቻ ሳይሆን፣ የሰው ልጅ ክብርን፣ የሕግ የበላይነትንና የሀገር ሰላምን የማስጠበቅ ኃላፊነት ያላቸው በየደረጃው የሚገኙ ባለሥልጣናትና የሕግ አስከባሪ አካላትም የሚመለከታቸው ጉዳይ መሆኑን አስገንዝበዋል።

አሰቃቂውን ጥቃት የፈጸሙ ተጠያቂዎች ለፍትሕ እንዲቀርቡ፣ ሌሎች ገዳማትና አድባራት ደኅንነታቸው እንዲጠበቅ እና ለተጎዱትም ተገቢው ድጋፍ እንዲደረግላቸው ጥሪ አቅርበዋል።

በመጨረሻም፣ ሕዝበ ክርስቲያንና መላው ኢትዮጵያውያን የጥቃቱ ሰለባ ከሆኑት ወገኖች ጋር በመንፈሳዊም ሆነ በስብአዊ ድጋፍ እንዲቆሙ አሳስበው፣ ለተበደሉት ፍትሕ፣ ለቆሰሉት ፈውስ፣ በግፍ ሕይወታቸውን ለተነጠቁት ዕረፍተ ነፍስ፣ ለቤተ ክርስቲያኒቱና ለሀገሪቱ ፍጹም ሰላም እንዲሰጥ አባታዊ መልእክታቸውን አስተላልፈዋል።

@Addis_Reporter
@Addis_Reporter