#የውቅያኖስ ወለል ምስጢር፦ የዓለምን ኢንተርኔት የሚያንቀሳቅሱት የባህር ስር መስመሮች❗❗
ብዙዎቻችን በየቀኑ በስልካችን የምንጠቀመው ኢንተርኔት፣ ማህበራዊ ሚዲያ እና ዓለም አቀፍ የመረጃ ፍሰት በሳተላይት በኩል በአየር ላይ የሚጓዝ ቢመስለንም፣ እውነታው ግን ከዚህ እጅግ የራቀ ነው።

የዓለማችን 99 በመቶ የሚያህለው የኢንተርኔት ዳታ የሚጓዘው በጨለማውና በጥቁሩ የውቅያኖሶች ወለል ላይ በተዘረጉ የፋይበር ኦፕቲክስ መስመሮች በኩል ነው። በዓለም ዙሪያ በውቅያኖሶች ስር የተዘረጉት እነዚህ ከ550 በላይ ንቁ ካብሎች ከ1.4 ሚሊዮን ኪሎሜትር በላይ ርዝመት ያላቸው ሲሆን፣ በሴኮንድ በመቶ ቴራባይት የሚቆጥር ዳታ የሚያስተላልፉት እነዚህ መስመሮች እንደተጠበቀው ትልቅ ሳይሆኑ የመጠጥ ውሃ ማስተላለፊያ ወይም የጓሮ ቧንቧ ያህል ውፍረት ብቻ ያላቸው ናቸው።

በኬብሉ መሃል የሚገኙት የመረጃ ማስተላለፊያ የብርጭቆ ጫፎች ወይም ቀጫጭን የብርጭቆ ገመዶች የሰው ፀጉር ያህል ቀጫጭን ሲሆኑ፣ መረጃን በብርሃን ፍጥነት ያጓጉዛሉ።እነዚህ መስመሮች ለአደጋ ተጋላጭነታቸው ከፍተኛ በመሆኑ በየዓመቱ በአማካይ ከ100 በላይ የመቆረጥ አደጋዎች ያጋጥሟቸዋል ተብሏል።

የመርከብ መልሕቆች መሬት ሲቧጥጡ፣ የባህር ስር የመሬት መንቀጥቀጥ ሲከሰት ወይም አልፎ አልፎ የሻርክ አሳዎች ሲነክሷቸው መስመሮቹ የሚበጠሱ ሲሆን፣ አንድ የባህር ስር ኬብል ከተቋረጠ የሙሉ ሀገር ወይም ቀጠና ኢንተርኔት ሙሉ በሙሉ ሊቋረጥ ወይም ሊዘገይ ይችላል ነው የተባለው።

በአሁኑ ወቅት እንደ Google፣ Meta፣ Microsoft እና Amazon ያሉ የቴክኖሎጂ ኩባንያዎች የራሳቸውን የባህር ስር ኬብሎች በመዘርጋት የዓለምን የመረጃ መረብ በባለቤትነት እየተቆጣጠሩት ይገኛሉ።

@Addis_Reporter
@Addis_Reporter

በኢትዮጵያ ብቁ የሆኑ የሂሳብ ባለሙያዎች ቁጥር ከ500 አይበልጥም ተባለ !

በኢትዮጵያ የሰለጠኑ እና  ብቁ የሆኑ የሂሳብ ባለሙያዎች ቁጥር   እጅግ አነስተኛ እንደሆነ ተገልጿል፡፡ በመሆኑም የተመሰከረላቸውን የሂሳብ ባሙያዎች  እጥረት ለመቅረፍ  የሚያስችል ስልጠና ኤችኤስቲ ስኪል አካዳሚ  መስጠት መጀመሩን አስታውቋል።

በተቋሙ በትምህርት እና ስልጠና ላይ ስትራቴጂክ ቢዝነስ ዩኒት ስኪል አካዳሚ ዳይሬክተር የቦርድ አባል እና የሪስክ እና ኦዲቲ ቦርድ ሰብሳቢ የሆኑት አቶ ጎበዜ ደሳለኝ ከብስራት ሬዲዮ ጋር በነበራቸው ቆይታ እንደገለፁት በኢትዮጵያ  በሂሳብ አያያዝ ቴክኒካል ብቃት ብቁ የሆኑ የሒሳብ ባለሙያዎች  ቁጥር ከ500 አይበልጥም።ከዚህ ቀደም ስልጠናውን ለማግኘት ወደ ውጪ ሀገራት  መሄድ አስገዳጅ እንደነበር ያስታወሱት አቶ ጎበዜ ይህንን የሚያስቀር እና ከከፍተኛ ወጪ የሚያድን ስልጠና በሀገር  ውስጥ  በድረገጽ አማካኝነት እየተሰጠ ይገኛል ብለዋል

ከ12ኛ ክፍል ጀምሮ በተለያዩ የስራ ሁኔታዎችም ሆነ የትምህርት ዘርፍ ላይ የሚገኝ ማንኛውም ሰው በየትኛውም ቦታ ላይ ሆኖ ስልጠናውን መውሰድ ይችላል። በማኔጅመንት፣ በኦዲት ፋይናንስ ታክስ፣ እንዲሁም በሌሎች የሙያ ዘርፎች በ12 የትምህርት አይነቶች ስልጠናው የሚሰጥ ሲሆን ትምህርቱን ለመማር ከ12 እስከ 18  ወራት ይወስዳል

ለአንድ የትምህርት ዘርፍ የ3ሺህ ብር  የገንዘብ ክፍያ ብቻ  የሚጠየቅ መሆኑን የገለፁት አቶ ጎበዜ አስራ አንድ ድርጅቶች ስልጠናውን ይሰጣሉ ሲሉ አክለዋልከእነዚህም መካከል ሶስቱ የግል ድርጅቶች መሆናቸው የተገለፀ ሲሆን  አዲስ አበባ ዩኒቨርሲቲን  ጨምሮ ስምንቱ  ደግሞ የመንግስት ድርጅቶች ናቸው።የዩኒቨርሲቲ ተቋማት በቋሚነት ከሚሰጡት ትምህርት በተለየ መልኩ  ስልጠናውን በተግባር እንደሚሰጡ ተነግሯል

@Addis_Reporter

ይድረስ ለሚመለከተው ሁሉ‼️
👉በ21ኛው ክ/ዘመን መኪና ሲገፉ/ሲጎትቱ/ ማየት አሳፋሪ ነው።
👉በሶስት አመት ይጠናቀቃል የተባለው መንገድ 8 አመት ሆነው።
በአማራ ክልል ሰሜን ሸዋ ዞን የጣርማ በር-መለያያ-ሰፌድ ሜዳ -ሞላሌ-ወገሬ የመንገድ ግንባታ ስራ ከተጀመረ ሰባት አመታት ተቆጥረዋል።

118 ኪሎ ሜትር ርዝመት የሚሸፍነው የጣርማ በር-መለያያ-ሰፌድ ሜዳ -ሞላሌ-ወገሬ በአስፋልት ኮንክሪት ደረጃ በ1.9 ቢሊዮን ብር የመሰረት ድንጋይ ተቀምጦ የመንገድ ግንባታ ስራው የተጀመረው ታህሳስ 11/2011 ዓ.ም ነበር።
📌አሁን ላይ የመንገድ ስራው ሙሉ ለሙሉ ቆሟል፣የስራ አፈፃፀሙም ከ25% አላለፈም።
📌ይህ የዘመናት የህዝብ ጥያቄ የሆነው መንገድ ይሰራል ተብሎ የመሰረተ ድንጋይ ተጥሎ የተጀመረ ሰሞን የነበረው የህዝቡ ደስታ ወደ እርግማን ተቀይሯል፣ህዝቡም ተስፋ ቆርጧል።
📌መንገዱ ያለተለዋጭ መንገድ በየቦታው በመቆፈሩ ለጥገና አስቸጋሪ ሆኗል፣ዝናብ በጣለ ቁጥር መኪና የተባለ ሙሉ መልኩን ቀይሮ፣በጭቃ ዋና ዋኝቶ፣በህዝቡ ተገፍቶ፣ተጎትቶ ነው የሚወጣው።
📌ስራው ሳይጀመር በፊት ወደ ደብረብርሃን 4 ሰዓት ወደ አዲስ አበባ ስምንት ሰዓት ይፈጅ የነበረው መንገድ አሁን ላይ 118 ኪሎሜትር መንገድ ወደ ደብረብርሃን ለመምጣት 10 ሰዓት ይፈጃል።
📌ለግንባታው የቀረቡ ግብዓቶች ከጥቅም ውጪ ሆነዋል።
ይህ የመንገድ ስራ ከኮንትራክተር ጀምሮ ብዙ ችግሮች ቢኖሩም የሚመለከተው አካል ከህዝቡ ጋር መክሮ ዘክሮ የህዝቡን እምባ ሊያብስ የሚችል ስራ መስራት ይጠበቅበታል።

@Addis_Reporter
@Addis_Reporter