ኢትዮጵያ ዛሬ 180 ሚሊየን ዶላር (29 ቢሊየን ብር) እዳዋን ዘጭ አድርጋ እንደምትከፍል የሚጠበቅበት ቀን ነው!

👉ሌላ 100 ሚሊየን ዶላር ሊኖር ይችላል

ኢትዮጵያ እና የዩሮቦንድ ባለይዞታዎች ከሰሞኑ በደረሱበት የቴክኒክ ስምምነት መሰረት ኢትዮጵያ ካለባት እዳ ውስጥ 180 ሚሊየን ዶላሩን ዛሬ መክፈል ይጠበቅባታል፡፡

የእዳ መልሶ ማዋቀር ስምምነቱ ሲደረስ ከታህሳስ 2016 እስከ ታህሳስ 2017 ዓም መከፈል የሚገባቸው ሶስት የወለድ ክፍያዎች በጥቅሉ 100 ሚሊየን ዶላር በአንዴ መከፈል የሚገባው መሆኑ ይታወሳል፡፡

በመርህ ደረጃ በተደረሰው ስምምነት መሰረት ቀሪ

👉100 ሚሊዮን ዶላር – 15 ጁላይ 2027
👉300 ሚሊዮን ዶላር – 15 ጁላይ 2028
👉300 ሚሊዮን ዶላር – 15 ጁላይ 2029 የሚከፈል ይሆናል።

አሁን ጥያቄው የዛሬውን እሺ ያንን የሚያክል ገንዘብ በአንዴ የመክፈል አቅም ይኖረናል ወይ? ነው ጥያቄው።

@Addis_Reporter
@Addis_Reporter

ያልተመረጠ መንግሥት ከቀይ ባሕር አባሮናል‼️
‹‹በኢትዮጵያ ሰማይ ላይ ለሚያንዣብቡ አሞራዎች መልዕክት አለኝ›› ጠቅላይ ሚኒስትር ዐብይ አህመድ

‹‹በኢትዮጵያ ሰማይ ላይ ለሚያንዣብቡ አሞራዎች መልዕክት አለኝ፤ ከብቱን መርጠን የምንገዛ እኛ ነን፤ የቅርጫውን ባለቤት የምንወስን እኛ ነን፤ የተረፈንን የማንፈልገውን ካልሆነ በቀር የትኛውን አሞራ በጉልበት ከየትኛውም የቅርጫ መደብ ላይ አንዲት ኪሎ ስጋ መውሰድ እንደማይችል ላረጋግጥላቸው እፈልጋለሁ፤ ስንፈልግ ለማጋት ዝግጁ ነን፤ ከፍቃዳችን ውጪ ግን ለሺህ አመታት የኖረች ኢትዮጵያን አሁን ባለው ፕሮፓጋንዳ ትዘናጋለች ጥቅሟን አሳልፋ ትሰጣለች ብሎ ማሰብ ከንቱ ምኞት ነው›› ያሉ ሲሆን ‹ያልተመረጠ መንግሥት በሸፍጥ ከቀይ ባህር አባረረን ብለዋል።
‹‹ኢትዮጵያ ለዘመናት ያስከበረችውን ቀይ ባህር ያልተመረጠ መንግሥት በሸፍጥ የጂኦግራፊ እስረኛ ያደረገበት ምክንያት በውስጣችን ያለ ስንፍና እንጂ የኢትዮጵያን መሻት እና ጥቅም ማስቆም የሚችል ኃይል ስለነበረ አይደለም›› ጠቅላይ ሚኒስትር ዐብይ አህመድ በአገራዊ ምክክር ጉባኤ መክፈቻ ላይ ከተናገሩት ተቀንጭቦ የተወሰደ።

@Addis_Reporter
@Addis_Reporter

የአውሮፓ ህብረት በሱዳን ወርቅ ላይ ማዕቀብ ጣለ

የአውሮፓ ህብረት ምክር ቤት የሀገሪቱን የጦርነት ኢኮኖሚ ለማዳከም እና የቀጠለውን ግጭት የገንዘብ ምንጭ ለመቀነስ ከሱዳን የሚመጣን ወርቅ መግዛት፣ ማስገባት (ማስመጣት) ወይም ማጓጓዝ ላይ ነው ማዕቀብ የጣለው።

ማዕቀቡ ከሱዳን የሚመጣን ወርቅ መግዛት፣ ወደ ሀገር ማስገባት ወይም ማጓጓዝ ላይ የተጣለ ሙሉ እገዳ ሲሆን ለወርቅ ማዕድን ማውጣት እና ማጣራት ሂደት ውስጥ በስፋት ጥቅም ላይ የሚውሉትን ሜርኩሪ እና ሲያናይድ ኬሚካሎችን ለሱዳን መሸጥ፣ ማቅረብ፣ ማስተላለፍ ወይም መላክ ይከለክላል፡፡

ከዚህም በተጨማሪ ከወርቅ እና ከእነዚህ ኬሚካሎች አቅርቦት ጋር የተያያዙ ቴክኒካዊ እገዛ፣ የፋይናንስ ድጋፍ ማድረግ ህብረቱ አግዷል፡፡

@Addis_Reporter
@Addis_Reporter

“ኢትዮጵያ ውስጥ ኮሽ ሲል፤ ያደፈጡ፣ የሚነቁ፣ የዘመናት ያልተቋረጠ የጠላትነት ስሜት ያላቸው ሀገራት አሉ” ሲሉ ጠቅላይ ሚኒስትር አብይ አህመድ ተናገሩ።

ኢትዮጵያ “በቀጣይ” አዲስ ህገ መንግስት ሊኖራት እንደሚችልም ዛሬ ረቡዕ ሐምሌ 8፤ በይፋ በተከፈተው የኢትዮጵያ ሀገራዊ ምክክር ጉባኤ ላይ ባደረጉት ንግግር ጠቅላይ ሚኒስትሩ ጥቆማ ሰጥተዋል።

ጠ/ሚኒስትሩ በዚሁ ንግግራቸው ከሀገራዊ ጉባኤው የሚጠበቁ ጉዳዮችን እና በምክክሩ ይሳካሉ ብለው የሚጠብቋቸውን ጉዳዮች አንስተዋል።

“አሁን የምንመካከረው ስለ ትላንትናው አይደለም። የትላንትን ችግር ፈተን ለነገ መልካም መሰረት ለማኖር ነው” ሲሉ አብይ ከሀገራዊ ጉባኤው የሚጠበቀውን አመልክተዋል።

“የአሜሪካ ህገ መንግስት በ55 ሰዎች ቢሰራም ልባም ነበሩና ለምዕተ ዓመታት የሚቆይ ስራ ሰርተዋል። የእኛ አራት ሺህ ሰዎች ከእነሱ በላይ፣ ከእነሱ በተሻለ ጊዜ ይበልጥ ልባም ሆነው፣ ሁሉን ወገን፣ መላው ኢትዮጵያን የሚሰበስብ ምክክር ቢያደርጉ፤ በቀጣይ የሚኖረን ህገመንግስት ከዚህ ቀደም እንደለመድነው የመጣ ሁሉ የሚቀደው ሳይሆን፤ እኛ በአራት ሺህ ጀምረናል፣ በ10 ሺህ ምክክር ሳይደርግ፤ አንድም ሰው መቀየር አይችልም ማለት ነው” ሲሉ ጠቅላይ ሚኒስትር አብይ ተናግረዋል።

ጠ/ሚኒስትሩ ስለ ቀይ ባህር ጉዳይ በተለይ ሲናገሩ፣ "ኢትዮጵያ ለሺ ዘመናት ያስተዳደረችውን፣ በባለቤትነት የያዘችውን፣ ለራሷም ለከባቢውም መጠቀሚያ ያኖረችውን ቀይ ባህር ያልተመረጠ መንግስት፣ ያልተወያየ መንግስት በሸፍጥ ኢትዮጵያን የጂኦግራፊ እስረኛ እንዲያደርግ ያደረገበት ዋናው ምክንያት በውስጥ ያለን ስንፍና እንጂ የኢትዮጵያን መሻትና ጥቅም ማስቆም የሚችል ኃይል ስለነበረ፣ ስላለ፣ ስለሚኖር አይደለም " ብለዋል።

@Addis_Reporter
@Addis_Reporter

#እጅግ በጣም አስቸኳይ መልዕክት‼️
ከዲፕሎማ ወደ ድግሪ ትምህርታቸውን በክረምት መርሃግብር ለመማር ዕድል የሚያገኙ መምህራን በሐምሌ 11/2018 የ12 ክፍል ተማሪዎች በተፈተኑበት ማዕከላት ፈተና ስለሚሰጥ በቶሎ ተዘጋጅተው ወደ ማዕከላቱ እንዲደርሱ ደብዳቤ ተጽፏል።

@Addis_Reporter
@Addis_Reporter

በሰሜን ኢትዮጵያ የዝናብ መጠን አነስተኛ ነው‼️
የሰሜንና የሰሜን ምስራቅ የኢትዮጵያ አካባቢዎች ላይ በክረምቱ የሚኖረው ዝናብ አነስተኛ ነው ሲል የኢትዮጵያ ሜትሮሎጂ ኢንስቲትዩት ተናገረ፡፡

በዚህም ምክንያት የሚኖረው የዝናብ መጠን አነስተኛ ነው ህብረተሰቡም በቂ ዝግጅት እንዲያደርግ ኢንስቲትዩቱ ተናግሯል፡፡

የክረምት ዝናብ አሁን ላይ ባላገኙ አንዳንድ አካባቢዎች በሚቀጥሉት ቀናት የተሻለ ዝናብ እንደሚያገኙ ጠቅሷል፡፡

የዝናብ እጥረት በሚታይባቸው አካባቢዎችም በመጪዎቹ ቀናት የተሻለ የዝናብ መጠን ሊያገኙ እንደሚችልም ኢንስቲትዩቱ ትንበያውን ነግሮናል፡፡

በመጪዎቹ 10 ቀናት በአብዛኛው የዝናብ ተጠቃሚ አካባቢዎች የሚኖረው የዝናብ መጠን ከቀላል እስከ መካከለኛ ነው ተብሏል፡፡

በመካከለኛው የአማራ አካባቢዎች ፣ የምዕራብ ሻዋ ፣ ምዕራብ ኦሮሚያ እና ቤንሻንጉል ጉሙዝ ክልል አካባቢዎች ከባድ መጠን ያለው ዝናብ ሊዘንብ እንደሚችል አስረድቷል፡፡

ህብረተሰቡን ከባድ ዝናብ በሚጥልባቸው አካባቢዎች አስፈላጊው ጥንቃቄ እንዲያደርግ ኢንስቲትዩቱ ጠይቋል፡፡

የዝናብ እጥረት ሊከሰትባቸው ይችላል በተባሉ አካባቢዎች ላይ ደግሞ የግብርና ስራዎች ሲሰራ አስፈላጊው ዝግጅትና አማራጮች እንዲወሰድም መክሯል፡፡
‎
@Addis_Reporter
@Addis_Reporter

ከአሜሪካው አምባሳደር እንዳይገናኙ ሆነ!

የቀድሞ የ #ትግራይ ጊዜያዊ ክልል አስተዳደር ፕሬዚዳንት ታደሰ ወረደ ከ #አሜሪካው አምባሳደር ጋር እንዳይገናኙ መደረጋቸው ተገለፀ

የቀድሞ የትግራይ ጊዜያዊ አስተዳደር ፕሬዚዳንት ሌተናል ጄነራል ታደሰ ወረደ እና በኢትዮጵያ የአሜሪካ አምባሳደር ኤርቪን ማሲንጋ በ #መቀለ ሊያደርጉት የነበረው ውይይት፤ የጸጥታ ኃይሎች ሌተናል ጄነራሉ ወደ ስብሰባው እንዳይጓዙ በመከልከላቸው ምክንያት መሰረዙን ጉዳዩን የሚያውቁ ምንጮች ገለጹ።

ይህ የሆነው አምባሳደር ማሲንጋ ለስራ ጉብኝት በዛሬው ዕለት መቐለ መግባታቸውን ተከትሎ ነው። 

ምንጮች ለአዲስ ስታንዳርድ እንደገለጹት፤ ቀደም ሲል የትግራይ ጊዜያዊ አስተዳደር ፕሬዚዳንት የነበሩት ሌተናል ጄነራል ታደሰ ከአምባሳደር ማሲንጋ ጋር ለመገናኘት የተያዘ ቀጠሮ የነበራቸው ቢሆንም፥ የጸጥታ ኃይሎች ለጄነራሉ የተመደቡ ጠባቂዎች የጀነራሉን እንቅስቃሴ እንዲገድቡ መመሪያ ሰጥተዋል።

በአካል ሊደረግ የታቀደው ስብሰባ ከተሰረዘ በኋላ፥ አምባሳደር ማሲንጋ እና ሌተናል ጄነራል ታደሰ በስልክ ውይይት ማድረጋቸውን ምንጮቹ አክለዋል።

Via:- Addis Standard Amharic

@Addis_Reporter
@Addis_Reporter

በአዲስ አበባ ከተማ አልኮል ጠጥተው ሲያሽከረክሩ የነበሩ 3ሺ አሽከርሪዎች በደንብ መተላለፍ ተቀጡ
 
የአዲስ አበባ ከተማ ትራፊክ ማኔጅመንት ባለስልጣን  በ2018 በጀት ዓመት  አልኮል ወይም አደንዛዥ እጽን ተጠቅሞ ማሽከርከርን ለመከላከል የቁጥጥር ስራ አከናውኗል።
 
የባለስልጣኑ የሕዝብ ግንኙነትና ኮሚኒኬሽን ዳይሬክተር ወ/ሮ ገነት ዲባባ ለብስራት ሬዲዮ እንደገለጹት  በበጀት ዓመቱ  በተካሄደው የቁጥጥር ሥራ 3,356 አሽከርካሪዎች አልኮል ጠጥተው ሲያሽከረክሩ በመገኘታቸው በደንብ መተላለፍ ተቀጥተዋል።
 
ባለስልጣኑ ጠጥቶ ማሽከርከር ለአሽከርካሪውም ሆነ ለሌሎች የመንገድ ተጠቃሚዎች ከፍተኛ አደጋ የሚያስከትል በመሆኑ ቁጥጥሩን በከተማዋ በሚገኙ 11ኡም ክፍለ ከተሞች አካሂዷል፡፡
 
በቀጣይም አልኮል ጠጥቶ ማሽከርከርንና ሌሎች የትራፊክ ደንብ ጥሰቶችን ለመከላከል ቁጥጥሩ እንደሚጠናከር ባለስልጣኑ ገልፆ  አሽከርካሪዎችና እግረኞች የትራፊክ ሕግና ደንብን አክብረው እንዲጠቀሙ አሳስቧል።
 
@Addis_Reporter
@Addis_Reporter

የትግራይ ትምህርት ቢሮ፣ በክልሉ የዘንድሮ የ12ኛ ክፍል መልቀቀቂያ ፈተና የወረቀት ተፈታኞች ከሌሎች በተለየ ከሐምሌ 22 እስከ 24 ፈተናውን እንዲወስዱ የተወሠነው ውሳኔ "ብሔራዊ አድልዎ" እና "በደል" ነው በማለት ከሠሠ።

ቢሮው፣ የክልሉ የወረቀት ተፈታኞች በዕለቱ ወደ መፈተኛ ጣቢያዎች እንዳይሄዱ ትምህርት ሚንስቴር ሰኔ 27 ቀን በደብዳቤ ማሳወቁን ገልጧል።

ቢሮው፣ የክልሉን የወረቀት ተፈታኞች የፈተና ቀን የሚያስቀይር "የቴክኒክ"፣ "የጸጥታ" ወይም "የሎጅስቲክ" ችግር በሌለበት ሁኔታ የተወሠነው ውሳኔ "ፖለቲካዊ" እንድምታ ያለው ነው በማለት ተችቷል።

የትምህርትና የፈተናዎች ምዘና አገልግሎት ለወረቀት ተፈታኞች ፈተናውን ከሐምሌ 1 እስከ 8 እየሠጠ ሲኾን፣ የ15 ሺሕ 349 የትግራይ የወረቀት ተፈታኞችን መርሃ ግብር ግን ወደ ሐምሌ 22 ማራዘሙ ይታወሳል።

ቢሮው፣ ለተማሪዎቹ በክልል ደረጃ የራሱን ፈተና እንደሚያዘጋጅ ካሁን ቀደም አስጠንቅቆ ነበር።

@Addis_Reporter
@Addis_Reporter

ቤት ሰርቶ ያለማከራየት አይቻልም ተብሏል።

📌አከራዮች ተጠንቀቁ፤ በአዲስ አበባ አዲስ መመሪያ ወጥቷል።

ቤት ሰርተው ወይም አድሰው ሳይጠቀሙበት ወይም ሳያከራዩ ለስድስት ወራት ካስቀመጡ፣ መንግስት ቢከራይ ሊያገኝ የሚችለውን ገቢ አስልቶ ግብር እንዲከፍሉ ያደርጋል ተብሏል።

ይባስ ብሎ ደግሞ ቤቱ ሳይከራይ ከአምስት አመት በላይ ከቆየ፣ አመታዊ የንብረት ግብሩ ላይ ሃያ አምስት በመቶ ተጨማሪ ቅጣትም ይጣልበታል። አከራዮች 'ቤቴ ነው፣ የፈለኩትን አደርጋለሁ' ማለት አይችሉም ተብሏል።

የህግ ባለሙያዎችም ቤት ለማግኘት ህዝቡ እየተቸገረ፣ ቤት ዘግቶ ማስቀመጥ መብት አይደለም እያሉ ይገኛሉ። ቤታችሁን ዘግታችሁ ያስቀመጣችሁ አከራዮች ሰው ይኑርበት ተብላችኋል።

@Addis_Reporter
@Addis_Reporter

የሚስተካከሉ የስራ መደቦች ይኖራሉ‼️
👉ከሰራተኛ ቅነሳ ጋር አይገናኝም።
“የምንገነባው ጥራቱንና ዓለም አቀፍ ስታንዳርድን የጠበቀ ሲቪል ሰርቪስ  ነው” - ዶ/ር መኩሪያ ኃይሌ የፌዴራል ሲቪል ሰርቪስ ኮሚሽን ኮሚሽነር
የኢትዮጵያ መንግሥት አገልግሎትና አስተዳደር ፖሊሲን መሠረት ያደረገ፣ የተናበበ ተቋምና ተቋማዊ አደረጃጀት መፍጠር ላይ ትኩረት ያደረገ ውይይት አካሄደ።

ኮሚሽኑ በሁለተኛው ምዕራፍ (Wave Two) ወደ ሪፎርም ከገቡ  የፌዴራል ተቋማት እንዲሁም  ከአዲስ አበባ ከተማ አስተዳደር የሥራ ኃላፊዎች ጋር በተገኙበት መድረክ የመሩት የኮሚሽኑ ኮሚሽነር ዶ/ር መኩሪያ ኃይሌ፤ እንደ ሀገር ተቋማት ከአፈጣጠራቸው ጀምሮ አደረጃጀታቸው በደንብ ተፈትሾ የተቋቋሙበትን ዓላማ እንዲያሳኩና ጠንካራ ተቋማት ሆነው እንዲዘልቁ አድርጎ መመስረት እንደሚገባ አሳስበዋል።

ተቋማት ነፃ፣ ገለልተኛ፣ አካታች፣ ቀልጣፋና ዲጂታል ሲቪል ሰርቪስን በመገንባት ረገድ ግንባር ቀደም ኃላፊነታቸውን እንዲወጡ አቅጣጫ ሲያስቀምጡ ሲሆን ፤ በዚሁ መድረክ የተሳተፉ ሚኒስቴር ድኤታዎችና የአዲስ አበባ ከተማ አስተዳደር የሴክተር ሀላፊዎች የተለያዩ ጥያቄዎችን አንስተው ውይይት ተደርጎባቸዋል፡፡

በተጨማሪም በአገሪቱ 5.5 ሚሊዮን የሥራ መደቦች ቢፈጠሩም በአሁኑ ሰአት ያለው የመንግስት ሠራተኛ 2.5 ሚሊዮን እንደደረሰ ጠቁመው አንዳንድ የስራ መደቦች በቀን ስምንት ሰዓት  ሊያሰሩ የሚችሉበት ሁኔታ እንደሌለ የታወቀ በመሆኑ ይህም በኢኮኖሚው ላይ ጫና እየፈጠረ ስለሚመጣ እያንዳንዱ የሥራ መደብ በዝርዝር ታይቶ በሪፎርሙ ሊስተካከል እንደሚገባ ኮሚሽነሩ አስገንዝበዋል።
ይህን አደረጃጀት ማስተካከልም ከሰራተኛ ቅነሳ ጋር ግንኙነት እንደሌለው አሳስበዋል፡፡

@Addis_Reporter
@Addis_Reporter

ነጋዴው አገልግሎት ሰጪ ተቋም

የኢሚግሬሽንና ዜግነት አገልግሎት ከ42 ነጥብ 7 ቢሊየን ብር በላይ ገቢ መሰብሰቡን ገለፀ

የአገልግሎቱ ዋና ዳይሬክተር ሰላማዊት ዳዊት በሰጡት ጋዜጣዊ መግለጫ፤ በበጀት አመቱ ከ1 ነጥብ 6 ሚሊዮን በላይ ፓስፖርት ለዜጎች መሰጠት መቻሉንና የአገልግሎት መስጫ ቅርንጫፎች 23 ማድረሳቸውን ገልጸዋል።

አክለውም 1,046,286 ቪዛ፣ 32,952 ትውልደ ኢትዮጵያውያን መታወቂያ እንዲሁም 21,163 ጊዜያዊና ቋሚ የመኖሪያ ፈቃድ መሰጠቱን ተናግረዋል።

በአጠቃላይ ከ42 ነጥብ 7 ቢሊዮን ብር በላይ ገቢ በመሰብሰብ ስኬታማ ስራ መሰራቱም የተገለፀ ሲሆን፥ በአየር እና በየብስ ድንበር አለማቀፍ ደረጃን በጠበቀ መልኩ በጉዞ ሰነድ ለ7,225,691 ገቢና ወጪ መንገደኞች አገልግሎት ተሰጥቷል ብለዋል።
 
ዋና ዳይሬክተሯ በመግለጫቸው፤ 433 የውጭ ዜጎችና 4ሺህ 450 ኢትዮጵያውያን በአጠቃላይ 4ሺህ 883 ዜጎች በሐሰተኛ ሰነድ የማጭበርበር ድርጊት ሲፈጽሙ ተይዘው እርምጃ እንደተወሰደባቸው ተናግረዋል።

በተጨማሪም 25ሺህ 407 ኢትዮጵያውያን እና 29ሺህ 606 የውጭ ሀገር ዜጎች በህገወጥ መንገድ ወደ ሀገር ሊገቡና ሊወጡ ሲሉ ተይዘው ተጠያቂ መደረጋቸውን ገልጸዋል።

በበጀት አመቱ ስድስት ሚሊዮን የሲቪል እና ቤተሰብ ምዝገባ የተካሄደ ሲሆን ይህን ሂደት ለመምራት የተለዩ የዲጂታል አማራጭ መተግበሪያ እና ስረአት መዘርጋቱን ዋና ዳይሬክተሯ ተናግረዋል።

@Addis_Reporter
@Addis_Reporter

" ደሞዝተኞች ላይ የሚጣለው ግብር ሊሻሻል ይገባል " - ፕራግማ ካፒታል

ደሞዝተኛው ማህበረሰብ ከከፍተኛ የኑሮ ውድነት ጋር ተያይዞ የሚደርስበትን የኢኮኖሚ ጫና ለመቀነስ፣ መንግስት በደሞዝ ላይ የሚጥለውን የግብር መጠን ሊያሻሽል እንደሚገባ ፕራግማ ካፒታል የተሰኘው ድርጅት ገለጸ።

ድርጅቱ፣ ኢትዮጵያ ከምስራቅ አፍሪካ ሀገራት መካከል በደሞዝተኞች ላይ ከፍተኛ ግብር የምትጥል ሀገር መሆኗን አመልክቷል።

ከፍተኛ የኑሮ ውድነትና የዋጋ ግሽበት ከግብር ጫናው ጋር ተዳምሮ በደሞዝተኞች ላይ ከባድ የኢኮኖሚ ጫና እየፈጠረ መሆኑን የገለጰው ድርጅቱ፣ መንግሥት የደሞዝ ግብር ስርዓቱን ሊያሻሽለው እንደሚገባ ጠቁሟል።

መረጃው ከኢትዮኤፍኤም የተወሰደ ነው።

@Addis_Reporter
@Addis_Reporter

ኢትዮጵያ ለመጀመሪያ ጊዜ የገነባችው ግዙፍ የወርቅ ማጣሪያ ፋብሪካ ሥራ ሊጀምር መሆኑን ብሔራዊ ባንክ አስታወቀ!!

የወርቅ ግዥን ወደ ንግድ ባንኮች ለማዘዋወር ጥናት እየተደረገ ነው ተብሏል

የኢትዮጵያ ብሔራዊ ባንክ ገዥ እዮብ ተካልኝ (ዶ/ር) የአገሪቱ የመጀመሪያው የወርቅ ማጣሪያ ፋብሪካ፣ በመጪው አንድ ወር ውስጥ ተመርቆ ሥራ እንደሚጀምር አስታወቁ።

ገዥው ይህንን የገለጹት የገንዘብ ፖሊሲ ኮሚቴ በሰባተኛ ስብሰባው የገመገማቸውን የኢኮኖሚና የፋይናንስ ሁኔታዎች፣ ያቀረባቸውን ምክረ ሐሳቦችና የብሔራዊ ባንክ ቦርድ ያፀደቃቸውን የፖሊሲ ውሳኔዎች አስመልክቶ ሰኞ ሐምሌ 6 ቀን 2018 ዓ.ም. ለመገናኛ ብዙኃን ማብራሪያ ሲሰጡ ነው።

ከአፍሪካ አልፎ ከዚያ በላይ በግዙፍነቱ የሚጠቀስ የወርቅ ማጣሪያ ፋብሪካ (ሪፋይነሪ) ግንባታ እየተከናወነ መሆኑን የገለጹት እዮብ (ዶ/ር)፣ ፋብሪካው በመጪው አንድ ወር ውስጥ ተጠናቆ ወደ ሥራ ሲገባ፣ ለአገሪቱ የወርቅ ገበያ እጅግ ከፍተኛ አቅም እንደሚፈጥር አስረድተዋል።

የአገር ውስጥ የወርቅ ማጣሪያ ፋብሪካ ወጪን በከፍተኛ ደረጃ ከመቀነሱም በላይ፣ ቀደም ሲል ወርቅ ወደ ውጭ በመላክ እንዲነጠር ተደርጎ ከዚያ በኋላ ለሌሎች ክምችት በዶላር የመሸጠን አሠራር ሙሉ ለሙሉ የሚያስቀር ነው ብለዋል። በመሆኑም ፋብሪካው ለኢትዮጵያ የወርቅ ገበያ ብቻ ሳይሆን ለአጠቃላይ ቀጣናው ትልቅ አቅም ሊሆን ይችላል ሲሉ ገልጸዋል።

ገዥው ይህንን ቢሉም ፋብሪካው የት አካባቢ እየተገነባ እንዳለና ሌሎች ዝርዝር ጉዳዮች ላይ ማብራሪያ ከመስጠት ተቆጥበዋል።

ዘገባው የኢትዮጵያ ሪፖርተር ነው

@Addis_Reporter
@Addis_Reporter

ፀሎት እና ዱአ ተጀመረ‼️
የዘንድሮው ክረምት በአብዛኛው የሀገሪቱ ክፍል መዘግየቱን ተከትሎ ትናንት ሀምሌ 8/2018 ዓ.ም ጀምሮ በአንዳንድ አካባቢዎች ወደ ፈጣሪ ዱኣ እና ፀሎት መጀመሩን ከተለያዩ አካባቢዎች የደረሱን ጥቆማዎች ያሳያሉ።
የኢትዮጵያ ሜትሮሎጂ አገልግሎት በመጪዎቹ አስር ቀናት ውስጥ በቂ ዝናብ እንደሚኖር ገልጿል።

@Addis_Reporter
@Addis_Reporter

በአዲስ አበባ የተቃውሞ ሰልፍ‼️
ለሐምሌ 11 የተጠራው ሰልፍ ፈቃድ አገኘ‼️
በትግራይ ክልል እየተካሄደ ያለውን ወታደራዊ አፈሳ ለማውገዝ በአዲስ አበባ የተጠራው የተቃውሞ ሰልፍ የተፈናቀሉትን እንደሚያሳትፍ ተሰምቷል።
በአዲስ አበባ ከተማ ለመጪው ሐምሌ 11 ቀን 2018 ዓ.ም የተጠራውና በሕገ-ወጥ ወታደራዊ ምልመላ እንዲሁም በሰላማዊ ዜጎች እስር ላይ ያተኮረው የተቃውሞ ሰልፍ የመንግስትን ፈቃድ ማግኘቱንና በከተማዋ የሚገኙ በርካታ የትግራይ ተፈናቃዮችም በሰልፉ ላይ እንደሚሳተፉ ታውቋል።።
የስምረት ፓርቲን ጨምሮ ሌሎች የፖለቲካ ኃይሎችን ያካተተው የትግራይ ሰላምና የለውጥ ምክር ቤት የጠራው ይህ ሰልፍ፤ በትግራይ ክልል እየተፈጸመ ነው ያሉትን ወታደራዊ አፈሳ ለማውገዝ፣ የታሰሩ እናቶችንና ገበሬዎችን ድምጽ ለማሰማት እንዲሁም ለአዲስ አበባ ተፈናቃዮች ተገቢው ድጋፍ እንዲደረግ ለመጠየቅ ያለመ መሆኑ ተገልጿል።


የስምረት ፓርቲ ጽሕፈት ቤት የሚዲያና ኮሙኒኬሽን ኃላፊ  ሃለፎም ምርአ ለአዲስ ማለዳ እንደተናገሩት፤ የሰልፉ ዋና ዓላማ በትግራይ ክልል ሕጋዊ ያልሆነ አዋጅን መነሻ በማድረግ በወጣቶች ላይ እየተፈጸመ ያለውን አስገዳጅ ወታደራዊ ምልመላና ያለአግባብ የታሰሩ እናቶችንና ገበሬዎችን በደል ለዓለም አቀፉ ማህበረሰብ ይፋ ማድረግ ነው።

በተጨማሪም የኢትዮጵያ ብሔራዊ ምርጫ ቦርድ ዕውቅና የነፈገውን የህወሃት ቡድን “የፕሪቶሪያው ስምምነት ፈርሷል” በሚል እያከናወነ ያለውን ተግባር ለማውገዝ፣ የፌደራል መንግሥት የበኩሉን ኃላፊነት እንዲወጣ ለመጠየቅና በጦርነት ምክንያት ተፈናቅለው አዲስ አበባ የሚገኙ የትግራይ ተወላጆች አስፈላጊውን ሰብአዊ ድጋፍ እንዲያገኙ ለማስቻል እንደሆነ ኃላፊው አስረድተዋል።
‎
@Addis_Reporter
@Addis_Reporter

የአጭር ጊዜ ቪዲዮዎች (TikTok እና Reels) ራስን የመቆጣጠር እና የዲሲፕሊን ክህሎትን የሚገነባውን የአንጎል ክፍል ስራ እንደሚያደናቅፉ አዲስ ጥናት አመለከተ

ተጠቃሚዎች በምስሎቹ ቢደሰቱም ባይደሰቱም፥ ቪዲዮዎቹ በአንጎል ላይ የሚያሳድሩት አሉታዊ ተፅዕኖ አይቀሬ መሆኑ ተረጋግጧል።

​ጥናቱ እንደሚያሳየው፣ እነዚህ ምስል-ወለድ ይዘቶች የተመልካቹን ቀልብ አንዴ ከሳቡ በኋላ ፈጣን የዶፓሚን ሆርሞን መለቀቅን ያስከትላሉ።

ይህም የአንጎልን የተፈጥሮ ውሳኔ ሰጪነት በማደንዘዝ፣ ከዕፅ ሱስ የጠነከረ ከፍተኛ የሱስ የመለከፍ አደጋ ይፈጥራል።

​ይህ የፈጣን መዝናኛ አባዜ የሰውን ልጅ ወደ ማገናዘብ የማይችል “ዞምቢ” እየቀየረው መሆኑን ተመራማሪዎች አስጠንቅቀዋል።

ራስን የመግዛት አቅምን ለመጠበቅ ከማህበራዊ ሚዲያ አጠቃቀም መገደብ ወሳኝ እንደሆነም ተመክሯል።

@Addis_Reporter
@Addis_Reporter

ኢራን የሆርሙዝ ባህረ-ሰላጤን በቋሚነት እንደምትቆጣጠር አስታወቀች
 
የኢራን ባለስልጣናት በአሜሪካ እና በእስራኤል የተጀመረው ጦርነት ከመነሻው አንስቶ የሆርሙዝ ባህረ-ሰላጤን "ቀይ መስመር" ወይም ሊጣስ የማይገባ ወሳኝ ጉዳይ አድርገው ሲገልጹት ቆይተዋል። ብሪጋዲየር ጄኔራል ኢብራሂም ዞልፋጋሪ በሰጡት መግለጫም ይህንኑ አቋም የሚያጠናክር ነው።
 
የአሜሪካ ፕሬዝዳንት የኢራንን የኃይል ማመንጫና ማከፋፈያ መሰረተ-ልማቶች ስለማጥቃት በተደጋጋሚ መናገራቸው፣ ይህ መግለጫ የተሰጠዉ በወሳኝ ጊዜ እንዲሆን አድርጎታል።የወታደራዊው ዋና መስሪያ ቤት እንደገለጸው፣ አሜሪካ በኢራን መሰረተ-ልማቶች ላይ ተጨማሪ ጥቃቶችን ብትፈጽም፣ ኢራንም በአካባቢው የሚገኙ መሰረተ-ልማቶች ላይ የአጸፋ ጥቃት ትሰነዝራለች። ኢራን እስካሁን ይህን ያላደረገችው አቅም ስለሌላት ሳይሆን፣ የመታቀብ ፖሊሲ ​​ስላላት ነው ፤ ነገር ግን አሜሪካ እንደዚህ አይነት ጥቃቶችን ከፈጸመች ያ የመታቀብ ፖሊሲ ​​ያበቃል ሲል መስሪያ ቤቱ አክሏል።
 
የኢራን ዋና ተደራዳሪ እና የፓርላማ አፈ-ጉባኤ መሐመድ ባጌር ጋሊባፍ እንደተናገሩት፣ የኢራን ብሔራዊ ደህንነት በሆርሙዝ ባህረ-ሰላጤ ውስጥ "የኢራን አሰራሮችን" በመጠበቅ ላይ የተመሰረተ ሲሆን፣ "ጠላት" ይህንን በኃይል ለማዳከም እየሞከረ ነው ሲሉ ተደምጠዋል።ኢራናውያን የሚያወሩት ስለ ሆርሙዝ ጊዜያዊ ቁጥጥር አይደለም፤ ይልቁንም ለዓለም የሚያስተላልፉት መልእክት ኢራን በዚህ ስትራቴጂካዊ የውሃ መስመር ላይ ዘላቂ ቁጥጥር እና ሉዓላዊነት እንዲኖራት ነው። ይህ ደግሞ በቴህራን እና በዋሽንግተን መካከል ላለው ውጥረት ዋና ምክንያት ነው።

@Addis_Reporter
@Addis_Reporter