“ቤት ያላገኘ ተፈናቃይ ካለ ሥልጣኔን እለቃለሁ” — አቶ ግርማ ሰይፉ

​የአዲስ አበባ ውበትና አረንጓዴ ልማት ቢሮ ኃላፊ አቶ ግርማ ሰይፉ፣ በከተማዋ በነበረው የኮሪደር ልማት ምክንያት ተፈናቅሎ ምትክ ቤት ወይም መሬት ያላገኘ አንድም ሕጋዊ ሰው አለመኖሩን አስታወቁ።

ካርታ ወይም የቀበሌ ቤት ኖረውት ምትክ ያጣ ሰው ካለ በገዛ ፈቃዳቸው ከሥልጣን ለመልቀቅ ዝግጁ መሆናቸውን የገለጹት ኃላፊው፣ ልማቱ ለሀገር ጥቅም የተሠራ መሆኑን ገልጸው፤ ሆኖም ከአስተዳደራዊ ጉዳዮች ጋር በተያያዘ በደል የደረሰባቸው ወገኖች መኖራቸውን አልሸሸጉም።

​በሌላ በኩል፣ የኮሪደር ልማቱ ለከተማዋ ዘመናዊነትና ውበት ያለው አስተዋጽኦ ከፍተኛ ቢሆንም፤ በሂደቱ ወቅት በቂ ዝግጅት፣ ግልጽነትና ተመጣጣኝ ምትክ አላገኘንም የሚሉ የኅብረተሰብ ክፍሎች ቅሬታዎች በተደጋጋሚ ሲነሱ መቆየታቸው ይታወቃል።

@Seledadotio
@Seledadotio

ሊዮኔል ሜሲ የዓለም ዋንጫ ታሪክ አዲስ ንጉሥ

​የአርጀንቲናው ኮከብ ሊዮኔል ሜሲ በዓለም ዋንጫ ታሪክ ብዙ ግቦችን ያስቆጠረ ተጫዋች በመሆን አዲስ ክብረ ወሰን አስመዘገበ። ሜሲ ይህንን ታሪካዊ ድል ያሳካው አሁን በአርጀንቲና እና በኦስትሪያ መካከል እየተካሄደ ባለው የዓለም ዋንጫ የምድብ ጨዋታ ላይ ባስቆጠረው ግብ ነው።

​በጨዋታው 38ኛው ደቂቃ ላይ ያስቆጠራት ግብ የሜሲን የዓለም ዋንጫ የግብ መጠን ወደ 17 ከፍ በማድረግ፣ የጀርመኑን አጥቂ ሚሮስላቭ ክሎዜ የነበረውን የ16 ግቦች ክብረ ወሰን በይፋ እንዲያፈርስ አስችሎታል።

​በጨዋታው 10ኛው ደቂቃ ላይ የተሰጠውን የፍፁም ቅጣት ምት መቶ ሳይጠቀምበት ቀርቶ የነበረ ቢሆንም፣ በመቀጠል ባሳየው ብቃት ኳሷን መረብ ላይ በማሳረፍ አዲስ ታሪክ መጻፍ ችሏል። ይህ ድል ሜሲ በ6ኛው ተከታታይ የዓለም ዋንጫ ተሳትፎው ያመዘገበው ሲሆን፣ የዘንድሮውን የዓለም ዋንጫ ድንቅ አጀማመር በይበልጥ ደምቆ እንዲታይ አድርጎታል።

​ሜሲ ከዚህ ቀደም የነበረውን የክሎዜን ክብረ ወሰን ለመጀመሪያ ጊዜ እኩል ያደረገው በአልጄሪያ ላይ በነበረው የምድብ ጨዋታ ላይ ነበር። አሁን ግን ይህንን ክብረ ወሰን ብቻውን በመቆጣጠር የእግር ኳስ ዓለሙን የ"GOAT" ደረጃውን በይበልጥ አጠናክሯል።

@Addis_Reporter
@Addis_Reporter

“ኢራን ጦርነቱን አሸንፋለች!”— 92 በመቶው እስራኤላዊ‼️

በዕብራይስጥ ዩኒቨርሲቲ እና በአጋም ላብስ በጋራ የተካሄደ አዲስ የሕዝብ አስተያየት ጥናት እንደሚያሳየው፣ 92 በመቶ የሚሆነው የእስራኤል ሕዝብ ከአሜሪካና ከእስራኤል ጋር በተደረገው ጦርነት ኢራን የበላይነቱን አግኝታ አሸናፊ ሆና ወጥታለች ብሎ ያምናል።

በአሜሪካው ፕሬዝዳንት ዶናልድ ትራምፕ አደራዳሪነት በዚህ ሳምንት በአሜሪካና በኢራን መካከል የተደረሰውንና በሊባኖስ ያለውን የሒዝቦላህ ተኩስ አቁም የሚያካትተውን ስምምነት አብዛኛው የእስራኤል ማህበረሰብ በአሉታዊ ጎኑ ነው የተመለከተው። በጥናቱ መሠረት 82.9 በመቶው እስራኤላውያን በኢራን ላይ የተካሄደው ወታደራዊ ዘመቻ የእስራኤልን የረጅም ጊዜ ደህንነት አዳክሟል ብለው የሚያምኑ ሲሆን፣ 86 በመቶዎቹ ደግሞ የጦርነቱን ውጤት በፍፁም አልወደዱትም።

ይህ የሕዝብ አስተያየት ጥናት ለጠቅላይ ሚኒስትር ቤንጃሚን ኔታንያሁ እጅግ መጥፎ ዜና ይዞ የመጣ ሲሆን፣ 72.5 በመቶ የሚሆነው ሕዝብ መሪው “እስራኤል ትልቅ ድል ተቀዳጅታለች፣ የህልውና ስጋቱንም አስወግዳለች” ሲሉ የተናገሩትን ንግግር ፈጽሞ አላመናቸውም። ይልቁኑ 87.8 በመቶው ማህበረሰብ ሀገሪቱ ያስቀመጠችውን ወታደራዊ ግብ ሙሉ በሙሉ አላሳካችም ወይም ጥቂቱን ብቻ ነው ያሳካችው የሚል እምነት አለው።

በሀገር ውስጥ እየበረታ የመጣው የፖለቲካ ጫና ኔታንያሁ የትራምፕን የሰላም ጥረት እንዲያደናቅፉ ሊያስገድዳቸው እንደሚችል የአሜሪካ የስለላ ድርጅቶች የገለጹ ሲሆን፣ የእስራኤል ቀኝ አክራሪው የብሔራዊ ደህንነት ሚኒስትር ኢታማር ቤን ግቪር “ለእያንዳንዱ የእስራኤላዊት እናት እንባ፣ አንድ ሺህ የሊባኖስ እናቶች ማልቀስ አለባቸው፤ መላው ሊባኖስ መቃጠል አለበት!” ሲሉ ይበልጥ ጦርነቱ እንዲቀጥል እየገፋፉ ነው።

@Addis_Reporter

የኢትዮጵያ አየር መንገድ ከካናዳው የአውሮፕላን አምራች ዲ ሃቪላንድ ኩባንያ ካዘዛቸው ዘመናዊ የዲ.ኤች.ሲ-6 ትዊን ኦተር ክላሲክ 300-ጂ አውሮፕላኖች ውስጥ የመጀመሪያውን ተረከበ

እነዚህ ልዩ አውሮፕላኖች የአየር መንገዱን የቀጠና አገልግሎት ከማጠናከራቸው ባሻገር አስቸጋሪ በሆኑ መልክአ ምድራዊ አቀማመጦች ውስጥ በቀላሉ መብረር የሚችሉ በመሆናቸው ለቱሪዝም፣ ለአየር ላይ ቅኝቶች፣ ለጤና አገልግሎቶች እና ለሌሎች ተመሳሳይ ተግባራት ከፍተኛ ጠቀሜታ ይኖራቸዋል ተብሏል።

@Addis_Reporter
@Addis_Reporter

"መርጌታ ነኝ እቁብ እንዲደርስህ አደርጋለሁ" በማለት 625 ሺህ ብር ያጭበረበረው ግለሰብ በቁጥጥር ስር ዋለ‼️

ገንዘቡን የተጭበረበረው ግለሰብ በደረሰበት የሥነ ልቡና ቀውስ ፀበል ገብቶ ነበር። አብርሀም ሰርኬ የሚባለው ግለሰብ በሐሰት መር ጌታ ነኝ በማለት  አቶ ደነቀው ሙሉቀን ከተባለና በዳንሻ ከተማ  በሆቴል ስራ ላይ ከተሰማራ  ግለሰብ 625ሺህ ብር አታሎ መውሰዱን የሉማሜ ከተማ አስተዳደር ፖሊስ ጽሕፈት ቤት አዛዥ ኢንስፔክተር በድሉ መልሰው ተናግረዋል።

ወንጀሉን የፈፀመው ግለሰብ "እቁብ እንዲደርስህ አደርጋለው" በማለት ታህሳስ 2018ዓ.ም  ብሩን አታሎ መስዷል።

ይህን ብር ከወሰደ በኋላ በተጨማሪ ሦስት መቶ ሺህ ብር ካልጨመረክ "ቤተሰብህን በሙሉ በመተት አጠፋብሃለው" በማለት በተበዳይ ላይ አደገኛ የማጭበርበር ወንጀል ሲፈፅም መቆየቱ ተመላክቷል።

የዳንሻ ከተማ አስተዳደር ፖሊስ ጽ/ቤት የፍ/ቤት መያዥያ ትዕዛዝ በማውጣት ተጠርጣሪው በተገኘበት በቁጥጥር ስር እንዲውል በፃፈው የትብብር ደብዳቤ ከምስራቅ ጎጃም ዞን ፖሊስ መምሪያ የመረጃ ክትትል ቡድን ጋር በመተባበር ግለሰቡ ሰኔ 15/2018 ዓ.ም በሉማሜ ከተማ አስተዳደር በቁጥጥር ስር እንዲውል ተደርጎል።

አቶ ደነቀው ሙሉቀን  በደረሰበት የማታለል ወንጀል ምክንያት ለከፍተኛ አምዕሮዊ ሥነልቦናዊ እና ኢኮኖሚያዊ ችግር ተጋልጦ በፀበል ቦታ እንደቆየ ተሰምቷል።

@Addis_Reporter
@Addis_Reporter

ኢትዮጵያን ለቆ ሊወጣ ነው‼️
ቶታል ነዳጅ ማደያ ኢትዮጵያን ለቆ ሊወጣ ነው‼️
በኢትዮጵያ ውስጥ ከ75 አመታት በላይ በነዳጅ ችርቻሮ ንግድ ላይ ተሰማርቶ የቆየው ቶታል ኢነርጂስ ከኢትዮጵያ ለመውጣት ማቀዱ ተገለፀ፡፡

በመላው ኢትዮጵያ ወደ120 ያህል ማደያዎች ያሉት ይህ ተቋም ንብረቱን በሙሉ ለኦላ ኢነርጂ ወይንም ለቀድሞው ኦይልሊቢያ በሽያጭ ለማስተላለፍ እንቅስቃሴ እያደረገ መሆኑ ተዘግቧል፡፡

አፍሪካ ቢዝነስ ባቀረበው ዘገባ ሁለቱ ድርጅቶች በሽያጩ ዙሪያ ስምምነት ላይ መድረሳቸውን ገልፆ በምን ያህል ዋጋ ግብይቱ እንደተከናወነ ያለው ነገር የለም፡፡

ቶታል ኢነርጂስ ከቅርብ ጊዜ ወዲህ ከብራዚል፣ ፓኪስታንና አንዳንድ የአውሮፓ አገራት የነዳጅ ማደያዎቹን ሸጦ የወጣ ሲሆን ይህ እርምጃውም የዚህ አካል እንደሚሆን ተገምቷል፡፡

@Addis_Reporter
@Addis_Reporter

📍አፍሪካ ህብረት አቅራቢያ መሀል ቡልጋሪያ አዲሱ ትልቁ መስጂድ ጋር ቢፈልጉ በዶላር የሚያከራዩት አልያም በመሃል ከተማ የመኖር ህልምዎን የሚያሳኩበት !
🔥15% ቅድሚያ | 🔥 20% ቅናሽ
☎️ 0928384058 | 0914976944

👉🛏️ባለ 1መኝታ 53 ካሬ =4.2ሚሊየን አጠቃላይ ዋጋ
 👉 🛏️ባለ 1መኝታ 69ካሬ =5.2ሚሊዮን አጠቃላይ ዋጋ
👉🛏️ ባለ 2መኝታ 105 ካሬ =9.2 ሚሊዮን አጠቃላይ ዋጋ
👉🛏️ባለ 3መኝታ 160 =12 ሚሊየን አጠቃላይ ዋጋ

🔥ቅድመ ክፍያ 750,000 ብር !

👉በተጨማሪም ለተለያዩ አገልግሎቶች የሚሆኑ የንግድ ሱቆችን ከ20 ካሬ ጀምሮ ከ1-3ኛ ወለል ማግኘት ይችላሉ።
for further
☎️ 0928384058 | 0914976944

"መርጌታ ነኝ እቁብ እንዲደርስህ አደርጋለሁ" በማለት 625 ሺህ ብር ያጭበረበረው ግለሰብ በቁጥጥር ስር ዋለ‼️

ገንዘቡን የተጭበረበረው ግለሰብ በደረሰበት የሥነ ልቡና ቀውስ ፀበል ገብቶ ነበር። አብርሀም ሰርኬ የሚባለው ግለሰብ በሐሰት መር ጌታ ነኝ በማለት  አቶ ደነቀው ሙሉቀን ከተባለና በዳንሻ ከተማ  በሆቴል ስራ ላይ ከተሰማራ  ግለሰብ 625ሺህ ብር አታሎ መውሰዱን የሉማሜ ከተማ አስተዳደር ፖሊስ ጽሕፈት ቤት አዛዥ ኢንስፔክተር በድሉ መልሰው ተናግረዋል።

ወንጀሉን የፈፀመው ግለሰብ "እቁብ እንዲደርስህ አደርጋለው" በማለት ታህሳስ 2018ዓ.ም  ብሩን አታሎ መስዷል።

ይህን ብር ከወሰደ በኋላ በተጨማሪ ሦስት መቶ ሺህ ብር ካልጨመረክ "ቤተሰብህን በሙሉ በመተት አጠፋብሃለው" በማለት በተበዳይ ላይ አደገኛ የማጭበርበር ወንጀል ሲፈፅም መቆየቱ ተመላክቷል።

የዳንሻ ከተማ አስተዳደር ፖሊስ ጽ/ቤት የፍ/ቤት መያዥያ ትዕዛዝ በማውጣት ተጠርጣሪው በተገኘበት በቁጥጥር ስር እንዲውል በፃፈው የትብብር ደብዳቤ ከምስራቅ ጎጃም ዞን ፖሊስ መምሪያ የመረጃ ክትትል ቡድን ጋር በመተባበር ግለሰቡ ሰኔ 15/2018 ዓ.ም በሉማሜ ከተማ አስተዳደር በቁጥጥር ስር እንዲውል ተደርጎል።

አቶ ደነቀው ሙሉቀን  በደረሰበት የማታለል ወንጀል ምክንያት ለከፍተኛ አምዕሮዊ ሥነልቦናዊ እና ኢኮኖሚያዊ ችግር ተጋልጦ በፀበል ቦታ እንደቆየ ተሰምቷል።

@Addis_Reporter
@Addis_Reporter

ጋምቤላ‼️
በትናንትናው ዕለት ሰኞ ሰኔ 15/2018 ዓ.ም በጋምቤላ ክልል ሁለት ወጣቶች በጩቤ ተወግተው ተገደሉ።

ትናንት ሰኞ ሰኔ 15 ቀን 2018 ዓ.ም ከቀኑ 8:15 አካባቢ በጋምቤላ ከተማ ወሎ ሰፈር እየተባለ በሚጠራው አካባቢ በአኙዋክ ተወላጅ አንጅ ሀበሻ በስለት ተወግቶ ሞቷል።

አሁንም በትናንትናው ዕለት ምሽት 11:00 አካባቢ አደባባይ ላይ ሌላ አንድ ወጣት ገድለዋል።

ግድያውን ተከትሎ ለተወሰነ ጊዜ የትራንስፖርት አገልግሎት ተቋርጦ ነበር።

ምክንያታቸው ደግሞ ባለፈው ሳምንት አንድ የአኝዋክ ቤሄር ተወላጅ የሆነ በፌደራል ፖሊሰ ተገድሎ ነበር።

በዚህ ምክንያት ሁሉም መከላከያና ፌደራል ፖሊሰ ሀበሻ ነው የኛን ሰው የገደለ ብለው ሰለሚያሰቡ እነዚህን ወጣቶች በቀን በጩቤ ወግተው የገደሏቸው ሲሉ የከተማዋ ነዋሪዎች ገልፀዋል።

@Addis_Reporter
@Addis_Reporter

ውጤትዎን ይመልከቱ!

ከሰኔ 04-12/2018 ዓ.ም የተሰጠው የ2018 ዓ.ም የከፍተኛ ትምህርት የመውጫ ፈተና (Exit Exam) ውጤት መታየት ጀምሯል።

ውጤትዎን ለማየት 👇
https://result.ethernet.edu.et

ሊንኩን ከተጫኑ በኋላ 'Exit Examination' ላይ 'View Results' የሚለውን በመጫንና Username በማስገባት ውጤትዎን ይመልከቱ።

@Addis_Reporter
@Addis_Reporter

አቤል ብርሃኑ ከዩኤኢ የ10 ዓመት የጎልደን ቪዛ ተበረከተለት!

ታዋቂው የቪዲዮ ይዘት አዘጋጅ አቤል ብርሃኑ (የወይኗ ልጅ) ከተባበሩት አረብ ኤምሬትስ የ10 ዓመት የጎልደን ቪዛ (Golden Visa) ተበርክቶለታል።

በተባበሩት አረብ ኤምሬትስ የረጅም ጊዜ መኖሪያ ፍቃድ ማግኘት፣ በተለይም ደግሞ ሙሉ መብትን የሚያጎናጽፈውን የ10 ዓመት የጎልደን ቪዛ ባለቤት መሆን በአለም አቀፍ ደረጃ እጅግ ታዋቂ እና ከባድ ከሚባሉ የነዋሪነት እውቅናዎች መካከል አንዱ ነው።

ይህ ታላቅ እድል አብዛኛውን ጊዜ በሀገሪቱ ውስጥ 2 ሚሊዮን ድርሃም ወይም በግምት ከ95 ሚሊዮን የኢትዮጵያ ብር በላይ ኢንቨስት ላደረጉ ትልልቅ ባለሀብቶች፣ በከፍተኛ የትምህርት ደረጃቸው እና ማህበራዊ አቅማቸው የወር ገቢያቸው ከ30 ሺህ ድርሃም በላይ ለሆኑ ባለሙያዎች፣ ልዩ ተሰጥኦ ላላቸው ግለሰቦች፣ የላቀ ውጤት ላስመዘገቡ ተማሪዎች እንዲሁም ለሰብአዊ መብት እና ለበጎ አድራጎት ሰራተኞች የሚሰጥ ልዩ ስጦታ ነው።

ይሁን እንጂ ስኬታማውና በብዙ ሚሊዮኖች ዘንድ ተወዳጅነትን ያተረፈው ኢትዮጵያዊው የዲጂታል ይዘት አዘጋጅ አቤል ብርሃኑ፤ ይህንን ታላቅ ዕድል በማህበራዊ ሚዲያ ባለው ከፍተኛ ተጽዕኖ ፈጣሪነት እና በፈጠራ ስራ አቅራቢነት ዘርፍ ከኤምሬትስ መንግስት ለመቀበል በቅቷል።

@Addis_Reporter
@Addis_Reporter

የአዲስ አበባ ህብረት ስራ ኮሚሽን በበጀት አመቱ የግብይት መጠኑን ወደ 13.9 ቢሊዮን ብር ማድረሱን አስታወቀ

የአዲስ አበባ ህብረት ስራ ኮሚሽን በ2018 በጀት አመት የኅብረት ሥራ ማህበራትን የግብይት ድርሻ ለማሳደግ ባከናወናቸው የተቀናጁ ስራዎች የግብይት መጠናቸውን 13 ቢሊዮን 950 ሚሊዮን 502 ሺህ 752 ብር ማድረስ መቻሉን አስታውቋል።

ኮሚሽኑ እንደገለጸው፤ የግብርናና የኢንዱስትሪ ምርቶች በማህበራቱ መደበኛ ሱቆች፣ በሰንበት ገበያዎች፣ በበዓላት ባዛሮችና በተቋማቱ አማካኝነት ለነዋሪው ቀርበዋል።

ለዚህ ስኬት መገኘትም ማህበራቱ ያከናወኗቸው 200 የገበያ ትስስሮች እና የተዘጋጁ 52 ኤግዚቢሽኖችና ባዛሮች ከፍተኛ አስተዋፅኦ ማበርከታቸውን ጠቁሟል።

እንደ ኮሚሽኑ ከሆነ በበጀት አመቱ የህብረተሰቡን ማህበራዊና ኢኮኖሚያዊ ችግሮች ለመፍታት 206 አዳዲስ የህብረት ስራ ማህበራት የተደራጁ ሲሆን፣ 31 ሺህ 957 አዳዲስ አባላትን ማቀፍ ተችሏል። ከዚህ ጎን ለጎን 101 ሺህ 747 አባላትን ወደ ነባር ማህበራት የመቀላቀል እና የ41 ማህበራትን አቅም በውህደት የማጠናከር ስራ መሰራቱን አመልክቷል።

@Addis_Reporter
@Addis_Reporter

#Tesla

ባለፈው አርብ በአሜሪካ ቴክሳስ ግዛት አንድ የቴስላ (ሞዴል 3) ተሽከርካሪ ከመንገድ ወጥቶ ከመኖሪያ ቤት ጋር በመጋጨቱ በቤት ውስጥ የነበረች የአንዲት ሴት ሕይወት ማለፉ ተገልጿል።

የአሜሪካ ብሔራዊ የመንገዶች ትራፊክ ደኅንነት አስተዳደር (NHTSA) በተሽከርካሪው ላይ ልዩ ምርመራ መጀመሩን ይፋ አድርጓል።

ፖሊስ የመኪናው ሹፌር በአደጋው ወቅት በአደገኛ ዕጽም ሆነ በአልኮል ተጽእኖ ስር አልነበረም።

አሽከርካሪው ለመርማሪዎች እንደተናገረው አደጋው የደረሰው መኪናው #አውቶማቲክ ሆኖ በራሱ እየተሽከረከረ በነበረበት ጊዜ ነው።

በመንግሥት አካላት እየተካሄደ ስላለው የቴክኒክ ምርመራ ማብራሪያ የተጠየቀው የቴስላ ኩባንያ እስካሁን የሰጠው ይፋዊ ምላሽ የለም ሲል ቢቢሲ ዘግቧል።

@Addis_Reporter
@Addis_Reporter

IMF በኢራን ጦርነት ሳቢያ ለኢትዮጵያና ሌሎች የአፍሪካ ሀገራት አስቸኳይ የገንዘብ ድጋፍ ሊያደርግ ነው

የዓለም አቀፍ የገንዘብ ድርጅት (IMF) በቅርቡ በነበረው የኢራን ጦርነት ምክንያት የተፈጠረውን የኤኮኖሚ ቀውስ ለመታደግ ኢትዮጵያን ጨምሮ ለተወሰኑ የአፍሪቃ ሃገራት
የሚሰጠውን የገንዘብ ድጋፍ ሊያሳድግ ነው።

ድጋፉን ከማሳደግ በተጨማሪ ገንዘቡን በፍጥነት ለማቅረብ ማቀዱ ተሰምቷል።

የድርጅቱ ቃል አቀባይ ጁሊ ኮዛክ እንዳሉት በድጋፉ ኢትዮጵያ፣ ጋምቢያ እና ቡርኪና ፋሶ ተጠቃሚ ሲሆኑ፣ በተጨማሪ ማላዊ አዲስ የፋይናንስ ድጋፍ እንድታገኝ ከተቋሙ ጋር የተፋጠነ ውይይት እያደረገች መሆኑን ጠቁመዋል።

የIMF የአፍሪካ ዳይሬክተር ዘይን ዘይዳን በዋሽንግተን በሰጡት መግለጫ፣ በመካከለኛው ምስራቅ በተከሰተው ጦርነት ምክንያት የአፍሪካ ቀጠና "ከባድ ፈተና" ውስጥ እንደሚገኝ ተናግረዋል።

አሁን የተኩስ አቁም ስምምነት ቢደረስም በጦርነቱ ምክንያት የተስተጓጎለው የባህረ ሰላጤው  ሀገራት የኃይል እና የነዳጅ ምርት ወደ ቀድሞ ቦታው ለመመለስ ከ6 እስከ 7 ወራት ሊፈጅ እንደሚችል ጠቁመዋል።

የነዳጅ ምርት አቅርቦቱ መቋረጥ በአፍሪካ ሀገራት ላይ ከፍተኛ የነዳጅ እና የማዳበሪያ ዋጋ ንረትን አስከትሏል።

በተጨማሪ ሳኦ ቶሜ እና ፕሪንሲፔም የ25 ሚሊዮን ዶላር የትብብር መርሃግብር አካል የሆነውን 6.1 ሚሊዮን ዶላር ለማግኘት ከስምምነት ደርሰዋል።

@Addis_Reporter
@Addis_Reporter

የትግራይ ክልል ባለስልጣናት ስራ ላይ ያዋሉትን “ጨቋኝ ሕግ” እንዲሽሩ ሂውማን ራይትስ ዎች ጥሪ አቀረበ

ዓለም አቀፉ የሰብአዊ መብቶች ተሟጋች ድርጅት ሂውማን ራይትስ ዎች “የግዳጅ ወታደራዊ ምልመላ” ለማካሄድ እና “ተቃውሞን ለመቅጣት ስልጣን ይሰጣል”  ያለውን በትግራይ ክልል ስራ ላይ የዋለ ህግ እንዲሻር ለክልሉ ባለስልጣናት ጥሪ አቀረበ።

የትግራይ ክልል ምክር ቤት ባለፈው ግንቦት ወር መጨረሻ ያጸደቀው  ህግ፤ “ኤርትራ ከምትከተለው አስገዳጅ የብሔራዊ አገልግሎት ጋር ምስስሎሽ ያለው ነው” ሲልም ድርጅቱ ተችቷል።

መቀመጫውን በዋሽንግተን ዲሲ ያደረገው ሂውማን ራይትስ ዎች ባለፉት ሳምንታት አነጋጋሪ ሆኖ የሰነበተውን ሕግ በተመለከተ ጠንከር ያለ ጥሪ ያቀረበው ዛሬ ማክሰኞ ሰኔ 16፤ 2018 ባወጣው መግለጫ ነው።

የድርጅቱ የአፍሪካ ክፍል ምክትል ኃላፊ ላቴሺያ ባድር የክልሉ ባለስልጣናት “ሲቪል ሰዎችን ለውትድርና በመመልመልና የሚቃወሙትን በመቅጣት” ለቀጠለው ፖለቲካዊ ውጥረት ምላሽ መስጠት እንደማይኖርባቸው ጥሪ አቅርበዋል።

@Addis_Reporter
@Addis_Reporter

ፖርቹጋል የመጀመሪያ ድሏን አሳካች

ፖርቹጋል ከኡዝቤክስታን ጋር ያደረገችውን የአለም ዋንጫ ሁለተኛ ጨዋታ 5ለ0 በሆነ ሰፊ ውጤት አሸንፋለች።

የፖርቹጋልን የድል ግቦች ክርስቲያኖ ሮናልዶ 2x ፣ ኑኖ ሜንዴዝ ፣ ራፋኤል ሊያኦ እና ኩሳኖቭ በራሱ መረብ ላይ አስቆጥረዋል።

ክርስቲያኖ ሮናልዶ አስረኛ የአለም ዋንጫ ጎሉን ማስቆጠር ችሏል።

ፖርቹጋል ማሸነፏን ተከትሎ ነጥቧን አራት በማድረስ ምድቡን መምራት ጀምራለች።

@Addis_Reporter
@Addis_Reporter

ዜጎች ከጊዜ ወደ ጊዜ እየጨመረ ከመጣው የሸቀጦች ዋጋ በበለጠ ከመንግስት ለሚያገኙት አገልግሎት የሚከፍሉት ክፍያ እየፈተናቸው ነው ተባለ።

በተለይ ከቅርብ ጊዜ ወዲህ በመንግስት አገልግሎቶች ላይ የሚታየው የታሪፍ ማሻሻያ እና ተገልጋዩ አገልግሎት ለማግኘት የሚጠየቀው ወጪ ከፍተኛ መሆን የነዋሪውን ኑሮ በእንቅርት ላይ ጆሮ ደግፍ አድርጎበታል።

በዚህ ምክንያትም የሸማቹ መብት እየተጣሰ በመሆኑ ትኩረት ሊደረግበት ይገባል ሲል የኢትዮጵያ ሸማቾች መብት ተቆርቋሪ ድርጅት ተናግሯል።

የመንግሥት አገልግሎቶች ትርፍ ማጋበሻ ሳይሆኑ ዜጎችን ለመደገፍ፣ ማኅበራዊ ፍትሕን ለማረጋገጥና በሕግ የተጣሉ ግዴታዎችን ለመወጣት የሚቀርቡ መሠረታዊ አገልግሎቶችና መብቶች ቢሆኑም በአሁኑ ወቅት በጅምላ እየታዩ ያሉ የዋጋ ጭማሪዎች ሸማቹን ማኅበረሰብ ተስፋ የሚያስቆርጡ፣ ወደ ከፋ ድህነት የሚገፉና ዜጎች መሠረታዊ አገልግሎቶችን እንዳያገኙ በማድረግ በሚከፍሉት ግብር የመገልገል የዜግነት መብታቸውን አደጋ ላይ የሚጥሉ ሆነው አግኝቻቸዋለሁ ብሏል ድርጅቱ፡፡

የተለያዩ የመንግሥት ተቋማት ያደረጓቸው የዋጋ ጭማሪዎች የማክሮ-ኢኮኖሚውን ሕመምና የሕዝቡን የደመወዝ ወለል ያላገናዘቡ፣ የሸማቹን ኪስ ሙሉ በሙሉ የሚያራቁቱ መሆናቸውን ያነሳ ሲሆን ፤ የኢሚግሬሽንና ዜግነት አገልግሎት የአዲስ ፓስፖርት ክፍያ፣ በአዲስ አበባ ከተማ አዲስ የተሽከርካሪ ሰሌዳ ዋጋ፣ የቴሌኮም አገልግሎትን ጨምሮ ሌሎች አገልግሎቶች ላይ የታወጣን ጭማሬ እንደማሳያ አንስቷል፡፡

በእነዚህ እና በሌሎች የመንግስት ተቋማት የአገልግሎት ጭማሬዎች አገልግሎት ፈላጊው ማህበረሰብ እየፈተነው እንደሆነ ተመልክተናል ሲል የኢትዮጵያ ሸማቾች መብት ተቆርቋሪ ድርጅት ተናግሯል፡፡

ዘገባው የሸገር ሬዲዮ ነው

@Addis_Reporter
@Addis_Reporter

በደቡብ አፍሪካ ሰነድ የሌላቸው የውጭ ሀገር ዜጎች ሀገሪቱን ለቀው እንዲወጡ የተሰጠውን የሰኔ 30 (June 30) የመጨረሻ ቀነ-ገደብ ተከትሎ ሊነሱ የሚችሉ ተቃውሞዎችን ለመቆጣጠር መንግሥት ከ600 ሚሊዮን ራንድ በላይ ወጪ የሚጠይቅ መጠነ-ሰፊ የጸጥታ ጥበቃ ዘመቻ ይፋ ማድረጉን eNCA ዘገበ።

የሀገሪቱ ፖሊስ ለማንኛውም ዓይነት ድንገተኛ ሁኔታ ዝግጁ መሆኑን ያስታወቀ ሲሆን፣ የመከላከያ ሚኒስቴር በበኩሉ ግጭትና ሁከት የሚቀሰቀስ ከሆነ እንዳስፈላጊነቱ ጦሩ ሊሰማራ እንደሚችል ጠቁሟል።

በአሁኑ ወቅት በርካታ የአገር ውስጥ ቡድኖች ሰነድ የሌላቸው የውጭ ሀገር ዜጎች ከሰኔ 30 በፊት ደቡብ አፍሪካን ለቀው እንዲወጡ እያስጠነቀቁ ይገኛሉ።

የተለያዩ የአፍሪካ ሀገራት ዜጎቻቸውን የማስወጣት ስራ እየሰሩ ናቸው።

በሌላ በኩል ፤ " ስደተኞች ጓዛችሁን ጠቅልላችሁ ውጡልን " እያሉ የሚገኙት ቡድኖች ከዚህ ቀደም ዶክመንት የሌላቸውን ብቻ ሳይሆን ህጋዊ ዶክመንት ያላቸውን ጭምር ኢለማ ያደረጉ ጥቃቶችን እንደሚፈጸሙ ከነዋሪዎች የተገኙ ሪፖርቶች ያመለክታሉ።

@Addis_Reporter
@Addis_Reporter

አፈሳው ደርግን ያስንቃል-ጄኔራሉ‼️
«በትግራይ የወጣው አዋጅ አንድ መንግስት ወደ ፋሽሽትነት ካልተቀየረ በቀር አያወጣውም»‼️
👉“የነ ደብረፅዮን ቡድን በትግራይ ክልል እየተከተሉት ያሉት ስልት ሻዕብያ እና ደርግን የሚያስንቅ አፈና ነው‼️”-ጀነራል ገ/ፃድቃን
«አንዲት ላም የወለደችው ጥጃዋ ድንገት ሲሞት ነገር ግን ወተቷን ማለብ ስትፈልግ የሟችዋ ጥጃ ቆዳ ገለባ ሞልተህ ለእናቲቱ ታሳያታለህ። ይህ የምታደርገው ለሟ ወተት እንድትሰጥህ ነው። ከዚያ በኃላ ታልባታለህ። 'ዓርሲ' ይባላል፤ ሁሉም ሰው ያውቀዋል። በትግራይም እየሆነ ያለው ተመሳሳይ ነው። የፖለቲካና የወታደራዊ መሪዎች፣ በወታደራዊ መሪዎች ጫና የቀድሞዋ ህወሓት ለህዝቡ ያሳዩትና ህዝቡን ይበዘብዙታል፣ ትግራይም ያልቧታል። አልቧታልም። ስንት ወንጀል ፈጽመዋል። በወንጀላቸው መቀጠልና መጠየቅም ይፈራሉ»

ጋዜጠኛ «ይህን በማድረግ በስልጣን መቀጠል ይችላሉ?»
«ደርግ እንዳልቀጠለ ሁሉ እነዚህም አይቀጥሉም»
ጀነራል ፃድቃን ገ/ተንሳይ ለ #TBS የሰጠው ቃለ መጠይቅ

@Addis_Reporter
@Addis_Reporter

ሰርተፊኬት የሌላቸው የኮንስትራክሽን ባለሙያዎች በስራ ላይ እንዳይሳተፉ የሚከለክል አሰራር ሊተገበር ነው።

የከተማና መሰረተ ልማት ሚኒስቴር ከስራና ክህሎት ሚኒስቴር ጋር በመቀናጀት በኮንስትራክሽን ዘርፍ ያሉ ባለሙያዎችን ብቃት ለማረጋገጥ የሚያስገድድ አዲስ አሰራር እያዘጋጀ ነው።

አሰራሩ ደረጃ በደረጃ የሚተገበር ሲሆን፣ ወደፊት ሰርተፊኬት የሌለው ማንኛውም ባለሙያ በየትኛው ደረጃ በኮንስትራክሽን ስራዎች ላይ እንዳይሳተፍ ሙሉ በሙሉ ይከለክላል።

ምንም እንኳን ሂደቱ ዓመታትን ሊወስድ ቢችልም፣ በአሁኑ ወቅት የዝግጅትና የተግባር እንቅስቃሴዎች ተጀምረዋል።

@Addis_Reporter
@Addis_Reporter

የኢሎን ማስክ የሀብት ማሽቆልቆል፦ በሳምንት ውስጥ 350 ቢሊዮን ዶላር አጣ!

​የስፔስ ኤክስ  አክሲዮን በከፍተኛ ሁኔታ ማሽቆልቆሉን ተከትሎ፣ ቢሊየነሩ ኢሎን ማስክ በታሪክ ታይቶ የማይታወቅ ግዙፍ የግል ሀብት ኪሳራ አስተናገደ።

ኩባንያው ለመጀመሪያ ጊዜ የቦንድ ሽያጭ ይፋ ማድረጉን ተከትሎ የአክሲዮን ዋጋው በ30% አካባቢ በመውረዱ፣ ማስክ በአንድ ሳምንት ውስጥ ብቻ የ350 ቢሊዮን ዶላር ኪሳራ ደርሶበታል።

​በፎርብስ ስሌት መሠረት፣ የባለሀብቱ ጠቅላላ ሀብት ከ1.45 ትሪሊዮን ዶላር ወደ 1.1 ትሪሊዮን ዶላር ወርዷል።

ማስክ በዚህ ወር መጀመሪያ ላይ ኩባንያው ይፋዊ የአክሲዮን ሽያጭ (IPO) ባደረገ ማግስት የዓለማችን የመጀመሪያው ትሪሊየነር መሆን ችሎ ነበር።

ይሁን እንጂ ባለፉት ቀናት የስፔስ ኤክስ አክሲዮን በ16.4% በመውደቁ የኩባንያውን የገበያ ዋጋ በ928 ቢሊዮን ዶላር አሳንሶታል።

@Addis_Reporter
@Addis_Reporter