የኢራን ሰማይ በረራ አቆመ‼️
አውሮፕላኖች በኢራን ሰማይ ላይ መብረር አቆሙ፡፡ በመካከለኛው ምስራቅ ያለው ግጭት መልሶ ይቀሰቀሳል በሚል ስጋት በዛሬው እለት የኢራን ሰማይ ላይ የሚበሩ አውሮፕላኖች ቁጥር በከፍተኛ ሁኔታ ቀንሷል፡፡

በተጨማሪም በአረብ ባህረ ሰላጤ ሰማይ ላይ ከተፈጠረው የኤሌክትሮኒክስ ግንኙነት መቋረጥ ጋር ተያይዞ የኢራን ሰማይ ጭር ብሏል፡፡ ወታደራዊ ተንታኞችና ታዛቢዎች ለገልፍ ኒውስ እንደገለፁት በተለይ የኤሌክትሮኒክስ ግንኙነት መቋረጡ ከወታደራዊ ዝግጅት ጋር ሊያያዝ ይችላል፡፡ እነዚህ ሁኔታዎች የተፈጠሩት ፕሬዝደንት ትራምፕ በቴሄራን የኒውክሌይር ፕሮግራም ጉዳይ ማስጠንቀቂያ መስጠታቸውን ተከትሎ ነው፡፡

ድርድሩ የማይሳካ ከሆነም ወደጥቃት እንደሚመለሱ መግለፃቸው ይታወቃል፡፡ የአውሮፕላን በረራዎችን የሚከታተሉ መረጃ ሰጪዎች እንደሚገልፁት ዛሬ በኢራን ሰማይ ላይ አውሮፕላኖች የጠፉበት ሁኔታ ፌብሩዋሪ 28 በኢራን ላይ ጥቃት በተጀመረበት ወቅት ከነበረው ጋር የሚመሳሰል ነው፡፡

@Addis_Reporter
@Addis_Reporter

መረጃ‼️

በሕዝብ ተወካዮች ምክር ቤት የፕላን በጀትና ፋይናንስ ጉዳዮች ቋሚ ኮሚቴ፣ ኮንትሮባንድ የጫኑ ተሽከርካሪዎችን ከመውረስ ይልቅ ቅጣቱን ከፍ ማድረግ ይሻላል አለ።

ቋሚ ኮሚቴው ይህን ያለው፣ በጉሙሩክ ማሻሻያ ረቂቅ አዋጅ ላይ ዛሬ በመወያየበት ወቅት ነው።

የጉምሩክ አዋጅ ማሻሻያ ረቂቅ አዋጅ፣ ኮንትሮባንድ ጭነው የሚገኙ ተሽከርካሪዎችን እንዲወርስ ሥልጣን ይሠጣል።

የኮንትሮባንድ እቃዎች አወራረስ በመመሪያ ሳይሆን፣ በተቋሙ ደንብ ውስጥ መደንገግ እንዳለበትና ኮሚሽኑ የሚጥላቸው አሥተዳደራዊ ቅጣቶችም በአዋጁ ሊካተቱ እንደሚገባ ቋሚ ኮሚቴው አሳስቧል።

በኮንትሮባንድ ንግድ የተያዙ ንብረቶች ጠቃሚ እቃዎች ስለመሆናቸው በቴክኒክ ባለሙያዎች ተረጋግጠው በገንዘብ ሚንስቴር ውሳኔ አግባብ ላለው የመንግሥት ተቋም እንዲተላለፉ መደረጉ፣ ለተለያዩ እቃዎች ግዢ አገሪቱ የምታወጣውን ከፍተኛ የውጭ ምንዛሬ እንደሚያስቀር ኮሚቴው ገልጧል።

@Addis_Reporter
@Addis_Reporter

ሌተና ጄኔራል አልብሩሀን ከዩናይትድ አረብ ኤመሬትስ ጋር ለመነጋገር ፈቃደኛ መሆናቸውን አስታወቁ፡፡

የሱዳን ወታደራዊ መንግስት መሪ የሆኑት ሌተና ጄኔራል አብዱል ፈታህ አልብሩሀን ከዩናይትድ አረብ ኤመሬትስ ጋር ለመነጋገር ፈቃደኝነታቸውን ገልፀው ቅድመ ሁኔታዎችን ግን አስቀምጠዋል፡፡

ጄኔራሉ ከሚድል ኢስት አይ ጋር ባደረጉት ቃለምልልስ ሲናገሩ ‹‹እኛ ከዩናይትድ አረብ ኤመሬትስ ጋር የሰላም ንግግር ለመጀመር ፈቃደኛ ነን፡፡

ይሁንና ይህንን ንግግር ለመጀመር ሱዳን የሱዳን ፍላጎቶች መሟላት ይኖርባቸዋል፡፡ 

ዩናይትድ አረብ ኤመሬትስ የሱዳንን አንድነት ማክበር ይጠበቅባታል፣ለሱዳን ፈጥኖ ደራሽ ጦር የምታደርገውን ወታደራዊ ድጋፍ ታቁም ብለዋል፡፡

የጋዜጣው ምንጮች እንደገለፁት ባለፈው ሳምንት አልብሩሀን ወደባህሬን የተጓዙት ባህሬን በሱዳንና በኤመሬትስ መካከል ንግግር እንዲጀመር እያደረገችው ያለው ጥረት አካል ነበር፡፡

በኤመሬትስና በሱዳን መካከል ቀጥተኛ ዲፕሎማሲያዊ መስመር እንዲከፈት የተደረገው ሙከራ እስካሁን ሊሳካ አለመቻሉንም አስታውቋል፡፡

የሱዳን መንግስት ኤመሬትስ ለፈጥኖ ደራሽ ሀይሉ የምትሰጠውን ጦር መሳሪያ ድጋፍ እንድታቋርጥ አቋም መያዙን የገለፀው ዘገባው ቀጥተኛ ንግግር ለማድረግ ይህንን እንደ ቅድመ ሁኔታ ማስቀመጡንም አስረድቷል፡፡

@Addis_Reporter
@Addis_Reporter

አንድ ሮቦት በፖላንድ የዱር አሳማዎችን ከከተማ በማባረር መነጋገሪያ ሆኗል

ኤድዋርድ ዋርቾኪ የተባለ አንድ ሰው መሰል ሮቦት፣ በፖላንድ ዋና ከተማ ዋርሳው በሚገኙ የመኖሪያ መንደሮች ውስጥ የዱር አሳማዎችን ሲያባርር የተቀረጸና በሮቦቱ ማሕበራዊ ትስስር ገጽ የተለቀቀ ቪዲዮ በበይነመረብ ላይ አነጋጋሪ ሆኗል።
 
በዋርሳው ከተማ የዱር አሳማዎች በብዛት መታየታቸው አሳሳቢ ችግር እየሆነ በመምጣቱ እንስሳቱን ያለምንም ጉዳት ወደ ጫካው መልሶ ለማባረር ይህ ያልተለመደ የሮቦት ዘዴ ስራ ላይ ውሏል።
 
በዋርሳው ከተማ የዱር አሳማዎች በተደጋጋሚ ምግብ ፍለጋ ወደ ከተማዋ የተለያዩ አካባቢዎች እና ተሽከርካሪ ማቆሚያዎች የሚገቡ ሲሆን በሰፊው በተሰራጨው ቪዲዮ ላይ ኤድዋርድ አሳማዎቹን በተጫዋችነት ስሜት ግን ደግሞ በቁርጠኝነት ሲያሳድዳቸው ይታያል።
 
ሮቦቱ ሰው ሰራሽ አስተውሎትን የሚጠቀም ሲሆን፥ እንስሳቱ ፈርተው ወደጫካ እንዲሸሹ ለማድረግ እግሩን መሬት ላይ እየመታ “ከዚህ ሂዱ!” እያለ በፖላንድኛ ሲጮህ ተሰምቷል።
 
የቻይናው የቲክኖሎጂ ድርጅት ዩኒትሪ ምርት የሆነ G1 ሞዴል ሮቦት የሆነው ኤድዋርድ፥ በአሁኑ ጊዜ በማህበራዊ ሚዲያ ላይ ከፍተኛ ተከታይ ያለው ተጸዕኖ ፈጣሪ መሆን የቻለ ሲሆን፣ አብዛኛውን ጊዜ የስፖርት ቦርሳ አግቶ እና የአልማዝ ፈርጦች ያሉት ሮሌክስ የእጅ ሰዓት አድርጎ ከተማ ውስጥ ሲንቀሳቀስና ከሰዎች ጋር ሲያወራ ብዙ ጊዜ ይታያል።
 
ኤድዋርድ የዱር እንስሳትን የመቆጣጠር ስራውን ከማከናወኑ ባሻገር፣ በፖላንድ የጠዋት የቴሌቪዥን ፕሮግራሞች እና የዳንስ ውድድር ላይ በመቅረብ ትልቅ ዝናን አትርፏል።
 
ዘገባው የቢቢሲ ነው

በ- ዳንኤል መኮንን

@Addis_Reporter
@Addis_Reporter

1.2 ቢሊዮን ህዝብ በአእምሮ ህመም‼️
በዓለም ላይ 1.2 ቢሊዮን ሰዎች በአእምሮ መቃወስ ሕመም (mental disorder) እየተሰቃዩ እንደሚገኙ ጥናት አመላከተ።
ይህ እ.ኤ.አ ከ 1990 ወዲህ በ 95.5% ጭማሪ  አሳይቷል።
Via:- CNN

@Addis_Reporter
@Addis_Reporter

ኬንያ የነዳጅ ዋጋ ልትቀንስ ነው‼️
ኬንያ የነዳጅ ዋጋ ላይ ጭማሪ ማድረጓን ተከትሎ በሀገሪቱ የተለያዩ ከተሞች የተቃውሞ ሰልፎች መካሄዳቸውን ተከትሎ የነዳጅ ዋጋ ላይ መጠነኛ የዋጋ ቅናሽ ልታደርግ መሆኑን አስታውቃለች።

@Addis_Reporter
@Addis_Reporter

ማንቼስተር ሲቲ ከፔፕ ጋርዲዮላ ጋር እንደሚለያይ ይፋ አደረገ

ማንቼስተር ሲቲ ከአሰልጣኝ ፔፕ ጋርዲዮላ ጋር በውድድር ዓመቱ መጨረሻ እንደሚለያይ ይፋ አድርጓል፡፡

ስፔናዊው አሰልጣኝ ፔፕ ጋርዲዮላ በኢትሃድ የአስር ዓመታት ቆይታቸው 20 ዋንጫዎችን አሳክተዋል፡፡

አሰልጣኝ ፔፕ ጋርዲዮላ በማንቼስተር ሲቲ ታሪክ በርካታ ዋንጫዎችን ያሳኩ ቀዳሚው አሰልጣኝ ናቸው፡፡

የ55 ዓመቱ አሰልጣኝ የፊታችን እሑድ ማንቼስተር ሲቲ በሜዳው ኢትሃድ ከአስቶን ቪላ ጋር በሚያደርገው ጨዋታ ክለቡን የሚሰናበቱ ይሆናል።

@Addis_Reporter
@Addis_Reporter

በነዳጅ የተበሳጨው ቻይናዊ‼️👆
ምስራቅ ጉራጌ ዞን ያሉ ለልማት የገቡ ቻይናወች በነዳጅ ምሬት ምክንያት ብዙ ኢንቨስተር እየተማረረ ነው፣ባወጣችሁት ህግ መሰረት ስሩ ይላል።
እኔ የያዝኩት ኩፖን እውነተኛ ነው የውሸት አይደለም ለምንድነው ለሌላ እየቀዳችሁ ለእኔ እምቢ የምትሉኝ ብሏል።

@Addis_Reporter
@Addis_Reporter

⁉️ የምስራቁ ጦርነት የኑሮአችንን ዋጋ እንዴት እያናጋው ነው? 💥

🚨የኃያላን መንግስታት ፍጥጫ እና የድንበር ጦርነቶች ከሩቅ የሚታዩ የዜና አርዕስቶች ብቻ አይደሉም፤ የኢትዮጵያን ገበያ እና የኪሳችንን አቅም በቀጥታ የሚፈትኑ ማዕበሎች እንጂ።

የሀገር ውስጥ ወቅታዊ ፈተናዎችን እና አጠቃላይ የአህጉራችንን እና የዓለምን ዜናዎች አቀናጅቶ የሚያቀርብላችሁን ስፑትኒክን አሁኑኑ ይከተሉ 👇
🔗 https://t.me/+r3LZG4PCAKI3NmMy
📣 @sputnik_ethiopia

"ከአሁን በኋላ መንገድ ላይ ጉድጓድ
ካየሁ ኮንትራክተሩ ያልቅለታል!"

የኡጋንዳው ታዋቂ ጄኔራል ሙሆዚ ካይነሩጋባ በሙስና በተዘፈቁ የመንገድ ተቋራጮች ላይ ጠንካራ እርምጃ እንደሚወስዱ ዝተዋል። "የመንገድ ግንባታ ክፍያ ከፍለን ካበቃን በኋላ በመንገዱ ላይ አንድም ጉድጓድ ካየሁ፣ ያ ኮንትራክተር በህይወቱ ይከፍላል" ሲሉ ባለሙሉ ስልጣኑ ጄኔራል በይፋ አስታውቀዋል።

@Addis_Reporter
@Addis_Reporter

የአርቲስት ቴዎድሮስ ካሳሁን ኢቶሪካ የተሰኘ የሙዚቃ አልበም መውጣቱን ተከትሎ የቅርብ ጓደኛው አቶ ዩሱፍ ያሲንን ጨምሮ የታሰሩት ስምንት ሰዎች ፍርድ ቤት ቀርበው በዋስትና እንዲለቀቁ እንደተወሰነላቸው ተሰማ።

ከአርቲስት ቴዎድሮስ ካሣሁን ጋር ቅርብ የሥራ ግንኙነት ያላቸው ምንጭ ለዶቼ ቬለ እንደተናገሩት የፌደራል የመጀመሪያ ደረጃ ፍርድ ቤት አራዳ ምድብ አንደኛ ጊዜ ቀጠሮ ችሎት ታሳሪዎቹ እንዲለቀቁ የወሰነዉ ትናንት ነዉ። እነዚህ ታሳሪዎች በየግል አንድ፤ ሁለት እንዲሁም ሦስት ክሶች እንደቀረቡባቸው ነው የመረጃ ምንጩ የተናገሩት።

አዲስ የሙዚቃ ሥራዎቹ በዩትዩብ መድረክ ማስታወቂያ እንዲታጀቡ አስፈላጊ ሂደቶችን ለማመቻቸት ጀምራ ከነበረው ወይዘሮ ማኅሌት ሰለሞን(በትክክለኛ ስሟ ሃና ሰለሞን) እና አቶ ዩሱፍ ያሲን እያንዳንዳቸው የመቶ ሺህ ብር ዋስትና እንዲከፍሉ ታዝዘው በትናንትናው ዕለት ከፍለው ማጠናቀቃቸውንም አስረድተዋል።

በተለምዶ ሲኤምሲ በሚባለው አካባቢ የሚገኘው የአርቲስት ቴዎድሮስ ስቱዲዮ ሁለት ጠባቂዎች ደግሞ እያንዳንዳቸው 50 ሺህ ዋስትና እንዲያስይዙ ትዕዛዝ ተሰጥቷል ብለዋል።

ጠባቂዎቹ ዋስትና ለመክፈል በሂደት ላይ መሆኑንም ገልጸዋል። የዋስትና ከፍለው ያጠናቀቁት ሁለቱ ታሳሪዎች እስካሁን ከእስር እንዳልወጡ ሆኖም ግን እስከ ሰኞ ይወጣሉ ብለው ተስፋ እንደሚያደርጉም ተናግረዋል።

[ዶይቸ ቬለ]

@Addis_Reporter
@Addis_Reporter

በከባድ የሰው መግደል ወንጀል ሲፈለጉ የነበሩ ተጠርጣሪዎች በቁጥጥር ስር ዋሉ

ዮናታን ከድር፣ ደረሰ ኃይሉና አብደላ በድር የተባሉት ተጠርጣሪዎች የወንጀል ድርጊቱን የፈፀሙት ሚያዝያ 16 ቀን 2018 ዓ/ም በን/ስ/ላፍቶ ክ/ከተማ ወረዳ 14 ልዩ ቦታው አዲስ አበባ ፉሪ ኮንዶሚኒየም አካባቢ ነው፡፡

ተጠርጣሪዎቹ ሟች ኪሩቤል ከበደ የተባለውን ስራ አለ በሚል በስልክ በመጥራት አንገቱን አንቀው ህይወቱ እንዲያልፍ አድርገዋል፡፡

አስከሬኑንም በፕላስተርና በላስቲክ በጠቅለል በልብስ መያዣ ሻንጣ ውስጥ በመክተት የሟችን የሠሌዳ ቁጥር ኮድ 3 አ/አ 50945 D4D ፒካፕ ተሽከርካሪ በመያዝ ሚያዝያ 17 ቀን 2018 ዓ/ም ከምሽቱ 3፡00 ሠዓት አካባቢ ለዕይታ ተጋላጭ በማይሆኑበት ቆጣሪ ኮንዶሚኒየም አካባቢ አስከሬኑን ጥለው ከአካባቢው ተሰውረዋል፡፡

ተጠርጣሪዎቹ ከሟች ላይ የወሰዱትን ሳምሰንግ አልትራ 21 ተንቀሳቃሽ ስልክና ተሽከርካሪውን ይዘው ወደ ሳሪስ በመጓዝ ብሔረ ፅጌ ተብሎ በሚጠራው አካባቢ የተሽከርካሪው ሞተር በመጥፋቱና በማስቸገሩ በአካባቢው በሚገኝ የመኪና ማሳደሪያ ቦታ በማቆም የሟችን ስልክ በመሸጥ ራሳቸውን ደብቀዋል፡፡

የአዲስ አበባ ፖሊስ የምርመራና የክትትል ቡድኑ ከሟች ጋር ተያያዥነት ሊኖራቸው ይችላል ባላቸው መረጃዎች ላይ ሰፊ ጥናትና ክትትል በማድረግ ተጠርጣሪዎቹን የመለየት እንዲሁም ከአድካሚ ክትትል በኋላ በቁጥጥር ስር የማዋል ተግሩንም በድንቅ ብቃት ፈጽሟል፡፡

@Addis_Reporter
@Addis_Reporter

መረጃ‼️

በአውሮፓዊያኑ አቆጣጠር 2027 የተመድ የአየር ንብረት ለውጥ ጉባዔን የምታስተናግደው ኢትዮጵያ፣ የተባበሩት መንግሥታት ድርጅት ጠቅላላ ጉባኤ በከፍተኛ ድምጽ ያጸደቀውን በአየር ንብረት ዙሪያ የአገራትን ግዴታ በሚደነግገው ውሳኔ ላይ ድምጸ ተዓቅቦ አደረገች።

ውሳኔውን 141 አገራት የደገፉትና ስምንት አገራት የተቃወሙት ሲሆን፣ ኢትዮጵያ፣ ኤርትራ፣ ሱዳን፣ ደቡብ አፍሪካና ኩዌይትን ጨምሮ 28 አገራት ድምጸ ተዓቅቦ አስመዝግበዋል።

ጠቅላላ ጉባኤው ድምጽ የሠጠው፣ ዓለማቀፉ የፍትህ ፍርድ ቤት አገራት ካባቢን እና አየር ንብረትን ከበካይ ጋዝ ልቀት የመጠበቅ ግዴታ እንዳለባቸውና ይህን ካላደረጉ ለሚያደርሱት ጉዳት እንደ ሁኔታው ካሳ እንዲከፍሉ ሊገደዱ እንደሚችሉ በሠጠው የሕግ አስተያየት ላይ ነው።

የፍርድ ቤቱ ውሳኔ፣ የአገራት የከባቢና የአየር ንብረት ፖሊሲዎች፣ የሕዝባቸውን በሕይወት የመኖር መብት፣ የጤና እና ደረጃውን የጠበቀ ኑሮ የመኖር መብት ማስጠበቅ መቻሉን ማረጋገጥ አለባቸው ይላል።

አሜሪካ እና ሩሲያ የጠቅላላ ጉባኤውን ውሳኔ ከተቃወሙት አገራት መካከል ናቸው።

@Addis_Reporter
@Addis_Reporter

ልደት እና ሞት በወቅቱ በማያስመዘግቡ ነዋሪዎች ላይ 5 ሺሕ ብር የገንዘብ ቅጣት ሊጣል ነው

የአዲስ አበባ ከተማ የሲቪል ምዝገባና ነዋሪነት አገልግሎት ኤጀንሲ ከሚቀጥለው በጀት ዓመት (ከሐምሌ 1 ቀን 2018 ዓ.ም.) ጀምሮ እንደ ልደት እና ሞት ያሉ የወሳኝ ኩነት ምዝገባዎችን በወቅቱ በማያስመዘግቡ ነዋሪዎች ላይ የ5 ሺሕ ብር ቅጣት ሊጥል እንደሚችል አስታውቋል።

​የኤጀንሲው ምክትል ዋና ዳይሬክተር አቶ ጥጋቡ ሹመይ የማኅበረሰቡን የግንዛቤ ማነስ ከግምት ውስጥ በማስገባት እስካሁን አስገዳጅ የቅጣት ውሳኔዎች ሳይተላለፉ መቆየታቸውን ገልጸው፣ አሁን ግን ደንቡን ተግባራዊ ለማድረግ መታቀዱን  ተናግረዋል።

​እንደ አቶ ጥጋቡ ማብራሪያ፤ ማንኛውም ነዋሪ፦

👉​ልደትን ፦ በ90 ቀናት ውስጥ

👉​ጋብቻ፣ ፍቺ፣ ሞት እና ጉድፈቻ ኩነቶችን ፦ በ30 ቀናት ውስጥ ማስመዝገብ ግዴታ አለበት።

​ነዋሪዎች የተቀመጠውን የጊዜ ቀነ-ገደብ በአግባቡ በመጠቀም ራሳቸውን ካልተፈለገ የገንዘብ ቅጣት እንዲጠብቁም ኤጀንሲው አሳስቧል።

ምንጭ: አሐዱ ራዲዮ

@Addis_Reporter
@Addis_Reporter

አሜሪካዊውን መሪ የሚመስለውና «ዶናልድ ትራምፕ» የተባለው ጎሽ ሊታረድ ነው

​በባንግላዴሽ የሚገኝና የዩናይትድ ስቴትስ ፕሬዝዳንትን ዶናልድ ትራምፕን በሚል ስያሜ የተሰጠው አንድ ጎሽ፣ ከሰዎች ከፍተኛ ፍላጎት የተነሳ ለጭንቀት መዳረጉ ተሰማ።

የ38 ዓመቱ ገበሬ ዚያ ኡዲን ምሪዳ እንደሚለው፣ የጎሹ ልዩ ነጭ ቀለምና የረዥም ጸጉሩ አቀማመጥ ከአሜሪካዊው መሪ ጋር ስለሚመሳሰል የቅርብ ዘመዱ ይህንን ስም ሰጥቶታል።

​ይህ 700 ኪሎ ግራም የሚመዝነው እንስሳ በማህበራዊ ሚዲያ ላይ ታዋቂነትን ካገኘ በኋላ፣ በርካታ ጎብኝዎችና ህጻናት እሱን ለማየት በዕለታዊ መልኩ ይተማማሉ።

በዚህም ምክንያት እንስሳው በከፍተኛ ውጥረት  ውስጥ በመውደቁ ክብደት እየቀነሰ መጥቷል።

ባለቤቱ ምንም እንኳን ለእንስሳው ጥልቅ ፍቅር ቢኖረውም፣ እየደረሰበት ካለው ጭንቀት ለመገላገልና የባህሉን ሥርዓት ለመፈጸም በቅርቡ በሚከበረው የዒድ አል-አድሃ በዓል ላይ ለሰዋዕትነት (እርድ) ለማቅረብ መወሰኑን አስታውቋል።

@Addis_Reporter
@Addis_Reporter

ኢትዮጵያ የግብፅን "የመክበብ ስልት" እና "እግር የመጥለፍ" ሙከራ ነቀፈች

ኢትዮጵያ፣ ግብፅ በቀጠናው የምታደርገው እንቅስቃሴ የሀገሪቱን "እግር የመጥለፍ ሙከራ" ነው ስትል በጽኑ ወቀሰች። የውጭ ጉዳይ ሚኒስቴር ቃል አቀባይ አምባሳደር ነቢያት ጌታቸው ካይሮ እና አስመራ በቀይ ባህር ላይ ያተኮረ ስምምነት ከተፈራረሙ ከቀናት በኋላ እንዲሁም ደቡብ ሱዳን በግዛቷ የሚገኝ የግብፅ ጦር እንዲወጣ ማዘዟ በተሰማበት ሳምንት በሰጡት በዚሁ ጋዜጣዊ መግለጫ ነው ይሄን ያሉት።
አምባሳደሩ እንደገለጹት፣ ግብፅ እያሳየችው ያለው "የመክበብ ስነ-ልቦና" (siege mentality) እና ግልጽ ትንኮሳ ኢትዮጵያ ብሄራዊ ጥቅሟን ለማስከበር በቆረጠች ቁጥር የሚበረታ "የታወቀ የታሪክ ቅሪት" ነው። ኢትዮጵያ ማንኛውንም ዓይነት ተጽዕኖ በዲፕሎማሲያዊ ወኔ እንደምትመክተው የገለጹት ቃል አቀባዩ፣ ግብፅ በጎረቤት ሀገራት ጦሯን ለማስፈር የምታደርገው ጥረትም የዚሁ ስልት አካል መሆኑን ጠቁመዋል።

በተያያዘም፣ ግብፅ "የባህር ጠረፍ የሌላቸው አገራት በቀይ ባህር ጉዳይ መሳተፍ አይገባቸውም" በማለት የያዘችውን አግላይ አቋም አዲስ አበባ እንደማትቀበለው ታውቋል። ምንም እንኳ ግብፅ ኢትዮጵያን በዲፕሎማሲያዊ መንገድ ለመክበብ ብትሞክርም፣ የባህር በር ጥያቄ ግን የሀገር ህልውና ጉዳይ በመሆኑ በማንኛውም ዓይነት ጫና የማይገታ እና የማይተው አጀንዳ መሆኑን ሚኒስቴሩ በድጋሚ አረጋግጧል።

ኢትዮጵያ ወደ ቀይ ባህር ለመድረስ የምታደርገው ጥረት "ሰላማዊ እና ዘላቂ" መሆኑን የጠቀሱት አምባሳደር ነቢያት፣ አሁን እየታየ ያለው ቀጠናዊ ፍጥጫ ሀገሪቱ የወደብ አማራጮቿን ለማስፋፋት የያዘችው አቋም ትክክለኛ መሆኑን ማረጋገጫ ነው ብለዋል።

@Addis_Reporter
@Addis_Reporter

አሜሪካ ለአዲስ ጥቃት እየተዘጋጀች ነው-ሲቢኤስ‼️
ትራምፕ ለጎልፍ ጨዋታ ያሰቡትን ጉዞ ሰርዘው በፍጥነት ወደ ኋይት ሀውስ ተመለሱ።
📌ትራምፕ በኢራን የድርድር አቋም ተበሳጭተዋል።
📌በዚህ ሳምንት መጨረሻ ሊጫወቱ ያሰቡትን የጎልፍ ዕቅዶች ተሰርዘዋል።
📌ከፍተኛ ወታደራዊ ባለስልጣናት የመታሰቢያ በዓል ዕቅዶችን ሰርዘዋል።
📌አሜሪካ በኢራን ላይ አዲስ ጥቃቶችን ለመፈፀም እያዘጋጀች ነው'
📌የኢራን ጦር ለማንኛውም ጥቃት ዝግጁ ነው - ታስኒም ኒውስ።

@Addis_Reporter
@Addis_Reporter

አዲስአበባን ክልል እናደርጋለን ሲል ኢዜማ አስታወቀ

ኢዜማ ቀጣዩን ሃገራዊ ምርጫ  የሚያሸንፍ ከሆነ አዲስአበባን ክልል ሊያደርግ እንደሚችል በተወካዩ በኩል አስታወቀ ::

የኢዜማዉ ተወካይ አቶ ግርማ ሰይፉ ከፋና ሚዲያ ጋር ቆይታ ባደረጉበት ወቅት ኢዜማ  ቀጣይ መንግስት ቢሆን የሃገሪቱን የክልል አወቃቀር በምን መልኩ ያዋቅራል የሚል ጥያቄ ቀርቦላቸዋል ፡፡

ለዚህም ምላሺ ሲሰጡ አዲስአበባን በማንሳት ከተማዋን ከአቅራቢያዋ ከሚገኙ ከተሞች ጋር በማጣመር ክልል እናደርጋለን ብለዋል ፡፡

አዲስአበባ ክልል የምትሆን ከሆነ የኦሮሚያ ዋና ከተማ ማን ይሆናል ተብሎ ከጋዜጠኞች ጥያቄ የተነሳላቸዉ የኢዜማዉ ተወካይ በፓርቲዉ የክልል አወቃቀር ኦሮሚያ የሚባል ክልል እንዳማይኖር ጠቅሰዋል ፡፡

Via : Ankuar merja

@Addis_Reporter
@Addis_Reporter

በዳውሮ ዞን፦ የአርሰናል ደጋፊዎች የ120 ሺህ ብር ሰንጋ ሲያዘጋጁ፣ የማንችስተር ደጋፊዎች አቤቱታ አቀረቡ!

በደቡብ ምዕራብ ኢትዮጵያ ህዝቦች ክልል፣ በዳውሮ ዞን ገሳ ጫሬ ከተማ የሚገኙ የአርሰናል ደጋፊዎች ቡድናቸው ከ22 ዓመታት በኋላ የፕሪሚየር ሊጉን ዋንጫ ስላነሳ የ120 ሺህ ብር ዋጋ ያለው የዳውሮ ቅልብ ሰንጋ በሬ መግዛታቸው ተሰማ።

ደጋፊዎቹ የእሁዱን ጨዋታ እና የዋንጫ ዝግጅት በታላቅ ድግስ ለማክበር ሰንጋቸውን አዘጋጅተው ቀኑን በጉጉት እየተጠባበቁ ይገኛሉ።

ይሁን እንጂ ይህ ዝግጅት በከተማዋ በሚገኙ የማንችስተር ዩናይትድ ደጋፊዎች ዘንድ ስጋትንና ቅሬታን ፈጥሯል።

ከስፍራው ለአዘጋጅ ክፍላችን አቤቱታቸውን ያቀረቡ የማንችስተር ደጋፊ እንደገለጹት፦” በአንድነት፣ ተከባብረን እና አብረን በልተን ባደግንባት ማህበረሰብ ውስጥ፣ የአርሰናል ደጋፊዎች ይህንን ዝግጅት ለብቻቸው ማድረጋቸው ተገቢ አይደለም፤ ስግብግብነት ነው»* ሲሉ ቅሬታቸውን ሰንዝረዋል።

አክለውም “ በገዛ ሰፈራችን ሰላም አጥተናል፣ እባካችሁ በስፖርታዊ ጨዋነት ገስጹልን» ሲሉ ጥሪያቸውን አስተላልፈዋል።

የእሁዱ የፕሪሚየር ሊግ ማጠቃለያ ጨዋታ በአውሮፓ መድረክ ብቻ ሳይሆን በገሳ ጫሬ ከተማም በጉጉት የሚጠበቅ ትልቅ የስፖርታዊ ፉክክር ድባብ መፍጠሩ የታወቀ ሲሆን፣ ደጋፊዎች ጨዋታውን በሰላማዊ እና በስፖርታዊ ጨዋነት መንፈስ እንዲከታተሉ መልዕክታችን ነው።

እናንተስ ምን ትላላችሁ? አርሰናሎች ሰንጋውን ይበሉታል ወይስ ማንችስተሮች ይጋበዛሉ?#gursha

@Addis_Reporter
@Addis_Reporter