የመውጫ ፈተና‼️
የቅድመ ምረቃ የመውጫ ፈተና በድጋሚ በግል መፈትን ለምትፈልጉ ምዝገባው ከዛሬ ግንቦት 8 እስከ 12/2018 ዓ.ም በዚህ https://exam.ethernet.edu.et
ድረገፅ መመዝገብ ትችላላችሁ።
ለመመዝገብ የፋይዳ መታወቂያ እንዲሁም በቴሌብር የሚከል 750 ብር ግዴታ ነው።
የፈተና መስጪያ ጊዜው ወደፊት የሚገለጽ ይሆናል።

@Addis_Reporter
@Addis_Reporter

በቤት ሰራተኛዋ ላይ የአስገድዶ መድፈር ወንጀል የፈፀመው ግለሰብ  በፅኑ እስራት ተቀጣ
‎
‎​በቆላድባ ከተማ ቀበሌ 03 ነዋሪ የሆነው አቶ አደራጀው ማንደፍሮ ክብረት፣ ከሰሜን ጎንደር ዞን አድርቃይ ወረዳ ዛሪማ ከተማ በቤት ሰራተኝነት አመጥቶ በቤቱ ያስቀመጣትን ታዳጊ ወጣት አስገድዶ በመድፈር ወንጀል ተከሶ የ12 አመት ፅኑ እስራት እንደፈረደበት ተገልጿል።
‎​
‎​እንደ መዝገቡ መረጃ ወንጀሉ የተፈጸመው መጋቢት 21 ቀን ከምሽቱ 4:00 ሰዓት ላይ በግለሰቡ መኖሪያ ቤት ውስጥ ነው። ተከሳሹ ረዳት የሌላትን እና ከሩቅ አካባቢ ለስራ የመጣችን ታዳጊ ወጣት ጥበቃ ሊያደርግላት እና እንደ ልጁ ሊያያት ሲገባ እምነቷን በመክዳት እና ጉልበት በመጠቀም አስነዋሪውን የደፈራ ወንጀል ፈጽሟል።
‎​
‎​የቆላድባ ከተማ አስተዳደር ፖሊስ ጽ/ቤት የወንጀል ምርመራ ክፍል ከህብረተሰቡ በደረሰው ጥቆማ መሰረት ምርመራውን በአጭር ጊዜ አጣርቶ ለምስራቅ ደንቢያ ወረዳ ፍትህ ጽ/ቤት አቅርቧል። ‎ፍትህ ጽህፈት ቤቱም ክሱን ለወረዳው ፍርድ ቤት በመመሥረት ሲከራከር ቆይቷል።
‎
‎​የምስራቅ ደንቢያ ወረዳ ፍርድ ቤት ግንቦት 05 ቀን 2018 ዓ.ም በዋለው ችሎት የቀረቡትን ማስረጃዎች እና የምርመራ ውጤቶች መርምሮ የድርጊቱን አስነዋሪነት እና በታዳጊዋ ላይ የደረሰውን የስነ-ልቦናዊና አካላዊ ጉዳት ከግምት ውስጥ በማስገባት ተከሳሹ በ12 ዓመት ፅኑ እስራት እንዲቀጣ መወሰኑን የቆላድባ ከተማ አስተዳደር ፖሊስ ጽ/ቤት አስታውቋል።

@Addis_Reporter
@Addis_Reporter

መረጃ‼️

ኤርትራ እና ግብጽ የባሕር ትራንስፖርት ትብብር ስምምነት ተፈራረሙ።

ስምምነቱ የተፈረመው፣ የግብጽ የውጭ ጉዳይ ሚንስትር ባደር አብደላቲ እና የትራንስፖርት ሚንስትር ካሜል አል ዋዚር ትናንት በአሥመራ ጉብኝት ባደረጉበት ወቅት መሆኑን የግብጽ የዜና ምንጮች ዘግበዋል።

ስምምነቱ፣ የሁለቱን አገራት ወደቦች በባሕር ትራንስፖርት በማስተሳሰር የንግድ ግንኙነቱን ለማጠናከር ያለመ መሆኑን ዘገባዎቹ ጠቅሠዋል።

ግብጽ፣ በባሕርና ባቡር ሐዲድ ትራንስፖርት እንዲሁም በወደብ አስተዳደር ዙሪያ ለኤርትራ ልምዷን ለማጋራት መስማማቷንም ዘገባዎቹ አመልክተዋል።

በግብጹ ልዑካን ቡድን የተካተቱ ባለሀብቶች፣ ኤርትራ ውስጥ በማዕድን፣ ትራንስፖርት፣ መድሃኒት እና አሳ ልማት ዘርፍ መሠማራት በሚችሉበት ሁኔታ ዙሪያ ከፕሬዝዳንት ኢሳያስ አፈወርቅ ጋር መወያየታቸውም ተገልጧል።

@Addis_Reporter
@Addis_Reporter

ከዓመት ከመንፈቅ በላይ ምርት አቋርጦ የነበረው የጣና በለስ ስኳር ፋብሪካ ምርት ማምረት ጀመረ ‼️

በአማራ ክልል አዊ ዞን ጃዊ ወረዳ የሚገኘው ፋብሪካው በኃይል ማከፋፋይ ጣቢያ ብልሽት ሳቢያ ምርት አቁሞ የነበረ ሲኾን፣ ሠራተኞቹም በወንጂ ሸዋ፣ መተሐራ እና ኦሞ ኩራዝ ቀጥር 1 እና ኦሞ ኩራዝ ቁጥር 3 ስኳር ፋብሪካዎች በጊዜያዊነት ተመድበው ነበር።

ኾኖም ፋብሪካው ባሁኑ ወቅት በትንሹ 5 ሺሕ ሠራተኞች እንደሚያስፈልጉት የፋብሪካው ሃላፊዎች መናገራቸውን የክልሉ መገናኛ ብዙኀን ዘግቧል።

በፋብሪካው ሥራ ለመቀጠር የሚፈልጉ ወገኖች የሥራ ዕድሉ ተጠቃሚ እንዲኾኑ ጥሪ ያደረጉት ሃላፊዎቹ፣ ፋብሪካው በሙሉ አቅሙ ማምረት ሲጀምር ከ23 ሺሕ በላይ ለሚኾኑ ዜጎች የሥራ ዕድል ሊፈጥር ይችላል ማለታቸውን የዜና ምንጩ ጠቅሷል።

@Addis_Reporter
@Addis_Reporter

ቆሻሻ ማስወገጃ እንዲቆፍር ተወሰነ‼️
የብልፅግና ፓርቲን ምርጫ ማስታወቂያን የቀደደ ተከሳሽ የቆሻሻ ማጠራቀሚያ ጉድጓድ እንዲቆፍር ተወሰነበት

በሀድያ ዞን በጊምቢቹ ከተማ የሚኖረው ተከሳሽ ግንቦት 02 ቀን 2018 ዓ.ም ከቀኑ10 ሰዓት ተኩል ገደማ  በጊምቢቹ ከተማ ልዩ ስሙ ቀጠና 03 መንደር 19 ተብሎ በሚጠራ አከባቢ በአንድ የሕክምና ተቋም ግድግዳ ላይ የተለጠፈውን የብልጽግና ፓርቲ የምርጫ ምልክት ማስታወቂያ መገንጠሉ ተገልጿል።

ድርጊቱን ሲፈፅም በዕለቱ ስምሪት ላይ በነበሩ የፖሊስ አባላት በሕግ ቁጥጥር ስር ሊውል እንደቻለ የከተማዋ አስተዳደር ኮሙኒኬሽን ጉዳዮች ጽህፈት ቤት እስታውቋል

የግለሰቡ ድርጊት የፈፀመው ሆን ብሎ የምርጫ ሂደቱን ለማደናቀፍ በማሰብ በመሆኑም  የጥፋተኝነት ፍርድ መሰጠቱ ተገልጿል።

በመሆኑም በቅጣት አወሳሰን መምሪያ መሠረት እርከን ሁለት ከ10 ቀን እስከ 6 ወር ቀላል እስር ወይም ከ10 ቀን እስከ 6 ወር የግዴታ ሥራ የሚያስቀጣ ሲሆን ፍ/ቤቱ የተከሳሽን ያለፈ የሕይወት ታሪክ የድርጊቱን አፈፃፀም ከግምት ውስጥ በማስገባት የግዴታ ሥራ አማራጭን ወስኖበታል።

በውሳኔው መሠረት  ተከሳሽን ያርማል ያስተምራል ሌሎችን ያስጠነቅቃል በሚል ለሁለት ወራት፣ በሳምንት 3 ቀን በየዕለቱ 2:00 ሰዓት በጊምቢቹ ከተማ አስተዳደር ማዘጋጃ ቤታዊ አገልግሎት ጽህፈት ቤት አማካኝነት የሚሰራ የደረቅ ቆሻሻ ማስወገጃ ጉድጓድ እንዲቆፍር በማለት ውሳኔ አስተላልፏል።

የጊምቢቹ ከተማ አስተዳደር የመጀመሪያ ደረጃ ፍ/ቤት ፕሬዝደንት ዳኛ አቤነዘር ላምቦሬ በስተላለፉት መልዕክት፤ ወቅቱ የምርጫ ወቅት ስለሆነ  ሕብረተሰቡ ማንኛውንም አይነት ከምርጫ ጋር ተያይዞ እንቅስቃሴዎችን በሚያደርጉበት ጊዜ ሕጉን በጠበቀ መልኩ ልሆን እንደሚገባ  አሳስበዋል።

@Addis_Reporter
@Addis_Reporter

የሰራተኛ ችግር አለ-ጠቅላይ ሚኒስትሩ‼️
''ኢትዮጵያ ውስጥ የስራ ሳይሆን የሰራተኛ ችግር ነው ያለው ስራ በየቦታው አለ።  የውጭ ሀገር ዜጎችን እየተጠቀምን ነው፤ ጠቅላይ ሚኒስትር አብይ አህመድ''

በትናንትናው ዕለት በገላን ጉራ ኢንዱስትሪ ፓርክ ምረቃ ስነ-ስርዓት ላይ ጠቅላይ ሚኒስትር አብይ አህመድ ባስተላለፉት መልዕክት ኢትዮጵያ ውስጥ ሰራተኛ ማግኘት ከባድ ነገር ሆኗል።  ወጣቱ ስራ እያለ መስራት አልቻለም ሲሉ ወቅሰዋል።  በየቦታው በምንሰራው ስራ ላይ እንቅፋት እየሆነ የመጣው የጉልበት ሰራተኛ ችግር ነው በማለት አብራርተዋል።

ኢትዮጲያ ውስጥ የስራ ሳይሆን የሰራተኛ ችግር ነው ያለው፤ሌላው ቀርቶ የቤት ሰራተኛ እንኳን ማግኘት ችግር ነው ያሉ ሲሆን ይህን ችግር ለመግረፍ የውጭ ዜጎችን ለመጠቀም ተገደናል በማለት'' ለምሳሌ ያክል የቻይና፣ ፊሊፒንስ፣ ኬኒያና ናይጀሪያ ዜጎችን በስፋት እያሳተፍን ነው ብለዋል።

@Addis_Reporter
@Addis_Reporter

በዶ/ር ደብረጽዮን የሚመራው የትግራይ ክልል አስተዳደር የግንቦትና ሰኔ ወራት ደመወዝ እንዳይከፈል አገደ"

በዶ/ር ደብረጽዮን ገብረሚካኤል የሚመራው የትግራይ ክልል ርዕሰ መስተዳድር ጽሕፈት ቤት፣ የክልሉ የመንግስት ሰራተኞች የግንቦት እና የሰኔ ወር ደመወዝ ለጊዜው እንዳይከፈል ማገዱ ታወቀ።

አስተዳደሩ ለዚህ ውሳኔ እንደ ምክንያት የጠቀሰው፤ በአሁኑ ወቅት በተለያዩ መሥሪያ ቤቶች ያለው የደመወዝ አከፋፈል ወጥነት የሌለው፣ ኢ-ፍትሃዊ እና ግልጽነት የጎደለው ሆኖ በመገኘቱ ነው።

በመሆኑም ፍትሃዊነትን የሚያረጋግጥና "የተማከለ የአከፋፈል መመሪያ" ተዘጋጅቶ ስራ ላይ እስኪውል ድረስ፣ ማንኛውም መሥሪያ ቤት በራሱ ፍላጎት ደመወዝ እንዳይከፍል በደብዳቤ አሳስቧል።

በትግራይ ክልል ካለፈው ጥቅምት ወር ጀምሮ ከፌዴራል መንግስት የሚላከው የበጀት ድጎማ በገንዘብ ሚኒስቴር ትዕዛዝ ተቋርጦ መቆየቱ የሚታወስ ሲሆን አስተዳደሩ በዚህ ደብዳቤው ላይ የፌዴራል መንግስት በጀትን በመከልከሉና በፈጠረው ጫና ምክንያት ሰራተኞች ደመወዛቸውን በወቅቱ ለማግኘት መቸገራቸውን በድጋሚ ጠቁሟል።

@Addis_Reporter
@Addis_Reporter

#MoE‼️
የዩኒቨርሲቲዎች የአመራር ምደባ በሀገር አቀፍ ደረጃ በሚወጣ ማስታወቂያ በውድድር እንደሚሆን መንግሥት ገለፀ።

የመንግሥት ዩኒቨርሲቲዎች የአመራር ምደባ በሀገር አቀፍ ደረጃ በሚወጣ ማስታወቂያ እውቀት እና ችሎታ መሠረት ባደረገ ውድድር እንዲሆን እየተሠራ መሆኑን የትምህርት ሚኒስትሩ ብርሃኑ ነጋ (ፕ/ር) ገልፀዋል።

ሚኒስትሩ ይህን ያሉት ከአሶሳ ዩኒቨርሲቲ ማኅበረሰብ አባላት ጋር ሰሞኑን ውይይት ባደረጉበት ወቅት ነው።

"ዩኒቨርሲቲዎች በዘር የሚሰባሰቡበት (ቦታ) ሳይሆን በእውቀት፣ በችሎታ እና በውድድር ሰዎች የሚገቡባቸው ከልብ የማሰቢያ፣ የመወያያ እና ጥናትና ምርምር የሚደረግባቸው ተቋማት እንዲሆኑ ማድረግ ያስፈልጋል" ሲሉ ተናግረዋል።

ዩኒቨርሲቲዎች ከምንም ዓይነት ፖለቲካ ተፅዕኖ ነጻ መሆን አለባቸው ያሉት ሚኒስትሩ፤ ዩኒቨርሲቲዎች በነፃነት ለማሰብ እና ለመናገር ምቹ ሁኔታ የሚፈጥሩ ተቋማት መሆን አለባቸው ብለዋል።

@Addis_Reporter
@Addis_Reporter

የዒድ አል-አድሃ (የአረፋ) በዓል የሚውልበትን ቀንq ዛሬ ማታ ይወሰናል።

የታላቁን የዒድ አል-አድሃ (የአረፋ) በዓል የሚውልበትን ትክክለኛ ቀን ለመወሰን፣ የዙል ሂጃህን ወር መግቢያ ጨረቃ ዛሬ ማታ ይከታተላሉ።

እንደ ዘገባዎች መግለጫ፡

* የጨረቃዋ መታየት ዛሬ ማታ ከተረጋገጠ፣ ታላቁ የዒድ በዓል ረቡዕ ግንቦት 19 ቀን 2018 ዓ.ም (May 27, 2026) ይጀምራል።

* ጨረቃዋ ዛሬ ማታ ካልታየች ደግሞ፣ በዓሉ ሐሙስ ግንቦት 20 ቀን 2018 ዓ.ም (May 28, 2026) ላይ የሚውል ይሆናል።

@Addis_Reporter
@Addis_Reporter

እነ ጌታቸው ረዳ ትግራይን ለመቆጣጠር ምክር ቤት መሠረቱ !!

በህወሓት ጫና ከትግራይ የሸሹ የፖለቲካ ኃይሎች፣ ክልሉን መልሶ ለመቆጣጠር ያስችለናል ያሉትን ምክር ቤት ዛሬ በአዲስ አበባ መሥርተዋል።

እንደ ጌታቸው ረዳ እና ጀነራል ጻድቃን ገብረተንሳይ ያሉ የህወሓት ተቃዋሚዎች የመሰረቱት፣ "የትግራይ ሰላምና ለውጥ ምክር ቤት" የተሰኘ ተቋም ነው።  ምክር ቤቱ የተመሰረተው በአፋር ክልል የሚንቀሳቀሰውን ሓራ መሬት ወይይ የትግራይ ለውጥ ኃይል ታጢቂ ቡድን አዛዥ ጀኔራሎች አቅፎ መሆኑ ታውቋል።

በአዲስ አበባ ከተማ መመስረቱ የተነገረለት የለውጥ ኃይሎች ምክር ቤት፣ ህወሓት አስወግዶ ትግራይን ለመቆጣጠር የሚሠራ ነው ተብሏል።

በህወሓት ግፊት ከትግራይ የወጡት የፖለቲካ ኃይሎች እና አፋር ክልል የመሸገው ታጣቂ ቡድን በቀጣይ ስለሚኖራቸው የጋራ ትግል ሲመክሩ መሰንበቻውን ተገልጿል።

@Addis_Reporter
@Addis_Reporter

1447ኛው የዒድ አልአድሃ በዓል ረቡዕ ይውላል።

​ዛሬ በሳዑዲ አረቢያ ጨረቃ በመታየቷ የዙል-ሂጃ ወር መግባቱ ተገልጿል።

​ይህን ተከትሎ 1447ኛው የዒድ አል-አድሃ (የዓረፋ) በዓል ዕሮብ ረቡዕ ግንቦት 19 ተከብሮ ይውላል።

@Addis_Reporter
@Addis_Reporter

የማስታወቂያ ግብዣ

የተከበራችሁ ቤተሰቦች ከ36,000 በላይ ተከታይ ባለው እና በደቂቃዎች ውስጥ በሺህ የሚቆጠሩ ጎብኝ ባለው በዚህ የቴሌግራም ቻናል ላይ ምርትና አገልግሎታችሁን ኪስ በማይጎዳ ዋጋ እንድታስተዋውቁ በአክብሮት ተጋብዛችኋል‼
✔Youtube ቻናል …
✔የትምህርት ተቋማት…...
✔የህክምና ማዕከላት (ባህላዊ /ዘመናዊ)…...
✔የትራንስፖርት አገልግሎት…....
✔ኤጀንሲዎች……
✔ሆቴል፣ካፌና ሬስቶራንቶች......
✔ሌሎችም የምትሰጧቸውን አገልግሎቶች.....ማስተዋወቅ የምትፈልጉ በዚህ በኩል ኑ 👇
መልዕክት መቀበያ:—@Addis_reporter_bot

ጠሚ አብይ አዋጭ አይደለም ያሉት የባቡር ፕሮጀክት ግንባታ ዳግም ተጀመረ።

በሰሜኑ ጦርነት ምክንያት ግንባታው ተቋርጦ የቆየው የአዋሽ - ኮምቦልቻ - መቀሌ የባቡር ፕሮጀክት ዳግም ሊጀመር መሆኑ ተገለጸ። ፕሮጀክቱ ከመቋረጡ በፊት መጠነኛ የግንባታ ስራዎች ብቻ ቀርተውት የነበረ ቢሆንም ባለፉት ጊዜያት የሀዲድ ቁሳቁሶች ለስርቆትና ለብክነት ተጋልጠው ቆይተዋል። ፕሮጀክቱ ከቆመበት እንዲቀጥልም የህዝብ ተደጋጋሚ ጥያቄ ሲቀርብበት ቆይቷል። ጠ/ሚኒስትር ዐቢይ አህመድ በቅርቡ በሰጡት ማብራሪያ ፕሮጀክቱ በ2.6 ቢሊዮን ዶላር ብድር የሚከናወን መሆኑን ጠቅሰው ከመቀሌ ኮምቦልቻ የሚመላለስ በቂ ምርት ባለመኖሩ ፕሮጀክቱ በኢኮኖሚ ረገድ አዋጭ እንዳልሆነና የወጣበትን ወጪ በ50 ዓመታት ውስጥ እንኳ መመለስ እንደማይችል መግለጻቸው ይታወሳል።

ይሁን እንጂ ባለፉት ጥቂት ቀናት የኮምቦልቻ ከተማ አስተዳደር በባቡር መስመሩ ላይ የደረሱ ጉዳቶችን ጠግነው ወደ ስራ የሚያስገቡ ሰራተኞችን ለመቅጠር የቅጥር ማስታወቂያ አውጥቷል። ዛሬ እሁድ ደግሞ የክልሉ ከፍተኛ አመራሮች በፕሮጀክቱ ሳይት ላይ በመገኘት ግንባታውን ከቆመበት ለማስቀጠልና አጠናቆ ወደ አገልግሎት ለማስገባት ስራ መጀመሩን ገልጸዋል።

የአዋሽ - ኮምቦልቻ - ሀራ ገበያ የባቡር ፕሮጀክት አማራ፣ ትግራይ እና አፋር ክልሎችን ከጅቡቲና ከዓሳብ ወደቦች ጋር በማገናኘት ረገድ ከፍተኛ የኢኮኖሚ ፋይዳ እንዳለው ይነገራል። ፕሮጀክቱን ሲያከናውን የነበረው የቱርክ ኩባንያ ከግንባታው መቋረጥ ጋር ተያይዞ ከኢትዮጵያ መንግስት ጋር በህግ እየተካሰሰ በመሆኑ ቀሪው ስራ በሀገር ውስጥ ባለሙያዎችና ኩባንያዎች ብቻ እንደሚከናወን ታውቋል። የአማራ ክልል ምክትል ፕሬዝዳንት አቶ ሀሰን ሙሐመድ ግንባታውን ለማጠናቀቅ ስራ መጀመሩን አረጋግጠዋል።

@Addis_Reporter

ሁለት የአሜሪካ የጦር ጄቶች በአየር ላይ ተጋጭተው ተከሰከሱ

​በአሜሪካ አይዳሆ ግዛት በሚገኘው የነፋስ ተራራ የባህር ኃይል ጣቢያ በተካሄደው የ"Gunfighter Skies" የአየር ትዕይንት ላይ፣ ሁለት የአሜሪካ ባህር ኃይል EA-18G Growler የጦር ጄቶች በአየር ላይ ተጋጭተው መከስከሳቸውን የአካባቢው ባለስልጣናት እና የዐይን እማኞች ገልጸዋል።

​ ሁለቱ የኤሌክትሮኒክስ ውጊያ አውሮፕላኖች የአየር ላይ ትዕይንት እያሳዩ ባሉበት ወቅት የተጋጩ ሲሆን፣ ከጣቢያው በስተሰሜን ምዕራብ 2 ማይል ርቀት ላይ መከስከሳቸው ተረጋግጧል።ከአደጋው በኋላ በቪዲዮ ምስሎች ላይ 4 አብራሪዎች በአየር ላይ በፓራሹት አማካኝነት ከአውሮፕላኖቹ እራሳቸውን አውጥተው ሲወርዱ ታይተዋል።

​አደጋውን ተከትሎ የጦር ሰፈሩ በአሁኑ ወቅት ሙሉ በሙሉ ተዘግቶ የአደጋ ጊዜ ሰራተኞች በቦታው ላይ የማዳን ስራ እያከናወኑ ይገኛል። ስለ አብራሪዎቹ ወቅታዊ የጤና ሁኔታ ዝርዝር መረጃ አልወጣም።

@Addis_Reporter
@Addis_Reporter

ፕሬዚዳንት ኪም ጆንግ ኡን በደቡባዊ የአገራቸው ድንበር መከላከያው እንዲጠናከር ትዕዛዝ ሰጡ።

ከሰሜን ኮሪያ የተለያዩ ዕዞች ከተውጣጡ ወታደራዊ ሀላፊዎች ጋር ስለዝግጁነት መክረዋል ኪም ጆንግ ኡን።

ከዕዝና ብርጌድ አዛዦች ጋር የተወያዩት ኪም በደቡባዊ የሰሜን ኮሪያ ክፍል ያለው ድንበር ላይ ዝግጅት እንዲደረግ ማሳሰባቸው ለደቡብ ኮሪያ ፖለቲከኞች አዲስ ወታደራዊ ስጋት ጋርጦባቸዋል ።

ሊቀሰቀስ የሚችልን ማንኛውንም ጦርነት ለመቀልበስ የጦሩን ትጥቅ ማዘመን፣ቁልፍ ዕዞችን ማጠናከር እና መሰል ዝግጅቶች እንዲደረጉም ጥሪ ቀርቧል።

በደቡብ ኮሪያ እና አሜሪካ መካከል ያለው ወታደራዊ ትስስር ስጋት የሆነባቸው ኪሞቹ በተለያየ ጊዜ የሚፈፀምብንን ወታደራዊ ትንኮሳ መመከት አለብን የሚል ዕምነት አላቸውም ተብሏል።

በፒዮንግያንግ እና ሴዑል መካከል ያለው ወታደራዊ ውጥረት መልኩን እየለወጠ መምጣቱን የሚጠቁም ትዕዛዝ ሆኖም ተመዝግቧል።

ኪም ጆንግ ኡን አዳዲስ የጦር መሳሪያ ስርዓቶች ወደ ውጊያ አውድ እንዲገቡ ተደጋጋሚ ማሳሰቢያ መስጠታቸውም አይዘነጋም።

@Addis_Reporter
@Addis_Reporter

በኢትዮጵያ የዲጂታል ኦቲዝም በከፍተኛ ሁኔታ መጨመሩ ተገለፀ

ልጆች ረጅም ሰዓት በስልክና በቪዲዮ ጌሞች ላይ ማሳለፋቸው፣ መናገር የሚችሉ ሆነው ከተወለዱ በኋላ አንደበታቸው እንዲያዝ እያደረገ መምጣቱ ተገልጿል።

ይህም በተፈጥሮ ከሚመጣ ኦቲዝም ባልተናነሰ ለዲጂታል ኦቲዝም እያጋለጣቸው መሆኑን ፍቅር ኢትዮጵያ የአዕምሮ እድገት ውስንነት ብሔራዊ ማህበር ስራ አስፈፃሚ ወ/ሮ  ሸዋጌጥ ክብረት ገልፀዋል።

በአሁኑ ወቅት ወላጆች ልጆቻቸው ሲያለቅሱ ወይም ሲያስቸግሩ ስልካቸውን ሰጥተው ዝም ማሰኘትን እንደ ዋነኛ አማራጭ መውሰዳቸው በትውልዱ ላይ ትልቅ አደጋ እየጋረጠ ይገኛልም ብለዋል።

ዲጂታል ኦቲዝም የሚባለው ስያሜ ልጆች ከስክሪን ጋር ረጅም ጊዜ በማጥፋታቸው ሳቢያ የሚፈጠር የተግባቦትና የማህበራዊ ግንኙነት ክፍተት መሆኑን ያስረዱት ወ/ሮ ሸዋጌጥ፥ ከቅርብ ጊዜ ወዲህ በሀገሪቷ ላይ እየተስተዋለ የመጣው የህፃናት ስልክ አጠቃቀም ጤነኛ ሆነው የተወለዱ ህፃናትን ሳይቀር መናገር አቅቷቸው ወደ ማህበራቸው እንዲመጡ እያደረገ መሆኑን ተናግረዋል።

ስራ አስኪያጇ ልጆች ዝም ብለው ስልክ ላይ ጊዜ ካጠፉ አያወሩም፤ ቃላት ማውጣት ያለበት ላንቃቸውም  ዝም እያለ ነው የሚሄደው ያሉ ሲሆን ፣ በሕክምና ሲረጋገጥም "ዲጂታል ኦቲዝም" ሆኖባቸው የተገኙ የብዙ ህፃናት ቁጥር በአዲስ አበባም ሆነ በክልል ከተሞች በከፍተኛ ሁኔታ እየጨመረ መሆኑን ገልጸዋል።

ይህንን ችግር ለመቅረፍም ትልቁ ሥራ ወላጆች ላይ እንደሚጣልና በተለይም ህፃናት ትምህርት ቤት ከመግባታቸው በፊት ባለው ከ1 እስከ 4 ዓመት ባለው የዕድሜ ክልል ላይ ከፍተኛ ጥንቃቄ ሊደረግ እንደሚገባ አሳስበዋል።

@Addis_Reporter
@Addis_Reporter

“ግብፅ በግብርና ምርት ራሷን መቻል እንደማትችል ልታውቁ ይገባል” - ፕሬዝዳንት አብደል ፋታህ አል ሲሲ

የግብጹ ፕሬዝዳንት አብደል ፋታህ አል ሲሲ ግብፅ በግብርና ምርት ሙሉ በሙሉ ራስን የመቻል ግብ ላይ መድረስ እንደማትችል በይፋ አስታወቁ።

ፕሬዝዳንቱ ይህንን የተናገሩት፣ በአባይ ውሃ ከለማ በኋላ ተርፎ ወደ ሜዲቴራኒያን ባህር የሚቀላቀለውን የግብርና ፍሳሽ ውሃ በማጣራትና ወደ በረሃማ ቦታዎች በመግፋት ለድጋሚ ጥቅም ለማዋል የታለመ ግዙፍ ፕሮጀክት በምርቃት ወቅት ባደረጉት ንግግር ነው።

የ16 ቢሊዮን ዶላር ግዙፍ ፕሮጀክት ግብፅ በአሮጌው የአባይ ሸለቆ ግብርና ላይ ውሎ ተርፎ ወደ ሜዲቴራኒያን ባህር የሚፈሰውን ውሃ፣ ባህሩ ውስጥ ከመቀላቀሉ በፊት በመጥለፍና በማጣራት ለበረሃማው "ጊዛ" ግብርና እንዲውል የሚያደርግ የ800 ቢሊዮን የግብፅ ፓውንድ (16 ቢሊዮን ዶላር) ፕሮጀክት በይፋ አስጀምራለች።

ይህ ፕሮጀክት በዝቅተኛ ቦታ ላይ የሚገኘውን ያገለገለ የግብርና ፍሳሽ ውሃ፣ እጅግ ግዙፍ በሆኑ የፓምፕ ጣቢያዎች በመታገዝ ወደ ከፍታማው በረሃ እንዲወጣ የሚያደርግ ነው።

ፕሮጀክቱ የተበከለውንና ጨዋማ የሆነውን ውሃ በዘመናዊ መንገድ በማጣራት ለግብርና ምርት ዝግጁ ያደርጋል።

ፕሬዝዳንት አል ሲሲ በዚሁ መድረክ ባደረጉት ንግግር፣ ግብፅ ምንም ያህል ብትጥር በምግብ ዋስትና ራሷን መቻል እንደማትችል ለህዝባቸው በግልጽ ተናግረዋል።

ፕሬዝዳንቱ ሲናገሩ “በግብርና ምርት ሙሉ በሙሉ ራስን መቻል ይቻላል ብላችሁ እንዳታስቡ ፤ ቢያንስ እንደ ግብፅ ባሉ አገራት... ምንም ያህል ብንጥር ራስን ሙሉ በሙሉ መቻል ፈጽሞ የማይቻል ነገር ነው። እኛ የፈለግነውን ሁሉ ለማምረት የሚያስችል በቂ መሬትና ውሃ ስለሌለን ራሳችንን ሙሉ በሙሉ መቻል አንችልም” ብለዋል።

@Addis_Reporter
@Addis_Reporter