ሩሲያ እና ዩክሬን 350 እስረኞችን ተለዋወጡ

የኢየሱስ ክርስቶስ የትንሣኤ በዓልን ተከትሎ በሩሲያ እና ዩክሬን መካከል የተስፋ ጭላንጭል የታየበት ተግባር ተከናውኗል።

በዛሬው ዕለት በሁለቱ አገራት መካከል በተደረገ የእስረኞች ልውውጥ እያንዳንዳቸው 175 የጦር ምርኮኞችን እና 7 ሲቪሎችን በድምሩ 350 ሰዎችን በሰላም ለየአገራቸው አስረክበዋል።

በተባበሩት አረብ ኤምሬትስ አመቻችነት የተከናወነው ይህ ልውውጥ፤ በጦርነቱ ሳቢያ ተለይተው ለነበሩ ቤተሰቦች ትልቅ የትንሣኤ በዓል ስጦታ ሆኗል።

የዩክሬኑ ፕሬዝዳንት ቮሎዲሚር ዘለንስኪ በሰጡት መግለጫ፤ ወደ አገራቸው የተመለሱት ወታደሮች ከ2022 ጀምሮ በምርኮ ላይ የነበሩ መሆናቸውን ገልጸው ይህ አጋጣሚ ለዘላቂ ሰላም መጀመሪያ እንዲሆን ያላቸውን ምኞት ገልጸዋል።

በሌላ በኩል የሩሲያ መከላከያ ሚኒስቴርም ከኩርስክ አካባቢ የተማረኩ ዜጎቹን ጨምሮ ወታደሮቹ በሰላም ወደ አገራቸው መመለሳቸውን አረጋግጧል።

ከእስረኞች ልውውጡ በተጨማሪ፣ ሁለቱ አገራት ለበዓሉ ክብር ሲሉ ለ32 ሰዓታት የሚቆይ የተኩስ አቁም ስምምነት ላይ ደርሰዋል።

ቅዳሜ ከቀኑ 10 ሰዓት ጀምሮ እስከ እሁድ እኩለ ሌሊት ድረስ የሚቆየው ይህ ስምምነት፣ በምድርም ሆነ በባሕር ምንም ዓይነት ጥቃት እንዳይፈጸም የሚያግድ ነው።

@Addis_Magazine
@Addis_Magazine

ፕሬዚዳንት ኢሳያስ አፈወርቂ የትንሣኤ በዓልን በማክበር ላይ!


@Addis_Magazine
@Addis_Magazine

በሮቤ ከተማ በጤና ባለሙያ ላይ ጥቃት የፈጸሙ ግለሰቦች በቁጥጥር ስር ዋሉ

በሮቤ ከተማ በጤና ባለሙያው አቶ ከዲር ዋቆ ላይ አሰቃቂ የድብደባ ወንጀል ፈጽመው የተሰወሩ ተጠርጣሪዎች በቁጥጥር ስር መዋላቸውን የከተማዋ ፖሊስ መምሪያ በይፋ አስታወቀ።

ፖሊስ እንደገለጸው፣ ዋናው ተጠርጣሪ የእጅ ስልኬን ወስዶብኛል"የሚል የሐሰት ምክንያት በመፍጠር ግብረ-አበሮቹን በማስተባበር በጤና ባለሙያው ላይ ጥቃት እንዲሰነዘር አድርጓል። ድርጊቱን ይበልጥ አሳዛኝ የሚያደርገው ተጎጂው እየተደበደበ ባለበት ወቅት ምስሉን በካሜራ የመቅረጽ ተግባር መከናወኑ ነው።

የሮቤ ከተማ ፖሊስ አዛዥ ኮማንደር ገመዳ ቱሊቻ ለመገናኛ ብዙሃን በሰጡት መግለጫ፣ የጸጥታ አካላት ባደረጉት ጥብቅ ክትትል ዋናው ተጠርጣሪና አብረውት የነበሩ ግብረ-አበሮቹ በሙሉ በቁጥጥር ስር መዋል መቻላቸውን አረጋግጠዋል።

ኮማንደር ገመዳ ህብረተሰቡ ከእንዲህ መሰል ህገ-ወጥ ድርጊቶች እንዲታቀብ ጥብቅ ማሳሰቢያ አስተላልፈዋል።ማንኛውንም የወንጀል ድርጊት የማጣራትም ሆነ ውሳኔ የመስጠት ስልጣን ያለው የፍትህ አካላት ብቻ ነው።

በቡድን ተደራጅቶ በግለሰብ ላይ ጥቃት መፈጸም በህግ የሚያስቀጣ ወንጀል መሆኑን ህዝቡ ሊገነዘብ ይገባል ብለዋል።በአሁኑ ወቅት በተጠርጣሪዎቹ ላይ ምርመራ እየተጣራ ሲሆን፣ የክስ ሂደት እንደሚመሰረትባቸው ይጠበቃል።

Via ኦሮሚያ ፖሊስ

@Addis_Magazine
@Addis_Magazine

አንዳንድ አስገራሚ መረጃዎች በአርሰናል እና ቦርንመዝ ጨዋታ...

- አርሰናል በትናንትናው የቦርንመዝ ጨዋታ ከክፍት ጨዋታ ግብ ለማስቆጠር ያስመዘገበው ዉጤት 0.19 ብቻ ነበር። አርሰናል የቆመ ኳስ ላይ ጥገኛ መሆኑ ግልጽ እየሆነ እና ክለቡንም እጅጉን ዋጋ ሊያስከፍለዉ እንደሆነ ተፈርቷል። አርሰናሎች ካላቸዉ ጥሩ ስብስብ አንጻር በክፍት ጨዋታ ግብ ለማስቆጠር በዚህ ደረጃ መቸገራቸዉ ምናልባትም ሚኬል አርቴታ ለቦታዉ የሚመጥኑ አሰልጣኝ ናቸዉን የሚል ጥያቄን ያስነሳል።

- ዴቪድ ራያ በትናንትናው ጨዋታ ከአርሰናል ተጨዋቾች 2ኛዉ ብዙ ኳስ የነካው ተጨዋች ሲሆን 38 የኋልዮሽ ኳሶችን ከቡድን አጋሮቹ ተቀብሏል።

- አርሰናል በትናንትናው ጨዋታ 3 ኢላማቸውን የጠበቁ ሙከራዎች ብቻ ነበር ያደረገው።

- አርሰናል ካለፉት 4 ጨዋታዎች በሶስቱ ሽንፈት ገጥሞታል። ባለፉት 4 ጨዋታዎችም 1 ግብ ብቻ ነዉ ያስቆጠረዉ።

- አርሰናል ለመጨረሻ ጊዜ የፕሪሚየር ሊጉ ሻምፒዮን ሲሆን ቡካዮ ሳካ 2 አመቱ ነበር።

@Addis_Magazine
@Addis_Magazine

የ 650 ብሩ ስጋ‼️
የአዲስ አበባ ንግድ ቢሮ ከቀናት በፊት እንዳስታወቀው በከተማዋ የሚገኙ 276 የሸማቾች መሰረታዊ የህብረት ስራ ማህበራት ሱቆች ለፋሲካ በዓል አንድ ኪሎ ስጋ በ650 ብር እንዲሸጡ ወስኖ ነበር።
ይሁንና ነዋሪዎች ወደተባሉት መሸጫ ቦታዋች በጠዋት ቢሄዱም ብዙዎቹ  መሸጫዎች ላይ " ስጋ አልቋል እነደተባሉ፣በዚህ ዋጋ ስጋ መሸጥ አንችልም" የሚሉ ማስታወቂያዎችን በሸማች ሱቆች ላይ እንደተመለከቱ ለአዩዘሀሻ ገልፀዋል ።
እነዚህ ሱቆች ስጋ መሸጥ የሚጀምሩት ከጠዋቱ ከ12 ሰአት አንስቶ እንደሆነ ማስታወቂያ ለጥፈዋል ሆኖም 12 ሰአት ከአሰር የደረሱ ሰዎች ስጋ አልቋል ተብለው እንደተመለሱ ለሚዲያችን ገልፀዋል። አንዳንድ የሱቅ ባለቤቶች በዚህ ብር ስጋ ሸጠን አያዋጣንም በማለት ሱቅ የለቀቁ እንዳሉም ሰምተናል።
ለሚኩራን ጨምሮ በተወሰኑ አካባቢዎች ጠዋት ላይ ከማህበራት በ650 ብር ስጋ የገዙ እንዳሉ የደረሱን መረጃዎች ቢጠቁሙም በአብዛኛው የሸማች ሱቁች በጠዋቱ ስጋ አልቋል ተብለው እንደተመለሱ ገልፀውልናል።

@Addis_Magazine
@Addis_Magazine