አሜሪካ በኢትዮጵያ ሊኖሩ ስለሚችሉ የረጅም ርቀት ጥቃቶች ማስጠንቀቂያ ሰጠች
የአሜሪካ ኤምባሲ በአዲስ አበባ በጥቅምት ወር በኢትዮጵያ ወታደራዊ ተቋማት ላይ ሊፈጸሙ ስለሚችሉ የረጅም ርቀት ጥቃቶች ሪፖርቶች እንደደረሱት ገልጿል።
ኤምባሲው በጥቅምት 7 ባወጣው የደህንነት ማስጠንቀቂያ፣ የአሜሪካ ዜጎች ጥንቃቄ እንዲያደርጉ፣ የአካባቢ ባለሥልጣናትን መመሪያ እንዲከተሉ እና የሁኔታውን ለውጥ በቅርበት እንዲከታተሉ አሳስቧል።
በተጨማሪም ኤምባሲው የአሜሪካ ዜጎች ወደ አማራ ክልል፣ ላሊበላን ጨምሮ፣ ወደ ትግራይ እና ወደ ዓፋር ክልል ለማንኛውም ጉዳይ እንዳይጓዙ መክሯል። በእነዚህ አካባቢዎች ያሉ ዜጎችም ደህንነታቸው ከፈቀደ አካባቢዎቹን እንዲለቁ፣ ካልሆነ ደግሞ ሁኔታው እስኪሻሻል ድረስ ባሉበት እንዲጠለሉ አሳስቧል።
አስፈላጊው ነጥብ ግን፣ የአሜሪካ ኤምባሲ ጥቃቱ በተወሰነ ቦታ፣ በተወሰነ ጊዜ ወይም በየትኛው አካል እንደሚፈጸም ዝርዝር አልሰጠም። ስለዚህ ማስጠንቀቂያው ቀጣይ ጥቃት እንደሚፈጸም የተረጋገጠ መረጃ ሳይሆን፣ ኤምባሲው የደረሱትን የደህንነት ሪፖርቶች በመመርኮዝ የሰጠው ጥንቃቄ ማሳሰቢያ ነው።
አዲስ ኢንሳይት — መረጃን ከወሬ ለይተን፣ እውነታውን እንከታተላለን።

አሜሪካ–ኢራን አዲስ ውጥረት‼️
ፔንታጎን ለኢራን ሊደረግ ለሚችል አዲስ ወታደራዊ ዘመቻ እንዲዘጋጅ ታዘዘ
የአሜሪካ ፕሬዚዳንት ዶናልድ ትራምፕ በኢራን ላይ አዲስ ሰፊ ወታደራዊ ጥቃት ለመጀመር የመጨረሻ ውሳኔ እንዳላሳለፉ ቢነገርም፣ የአሜሪካ ፔንታጎን ለሚደረግ ሊሆን የሚችል አዲስ የወታደራዊ ዘመቻ ዝግጅቱን እንዲያጠናቅቅ ለዩኤስ ሴንትራል ኮማንድ (CENTCOM) መመሪያ መሰጠቱን አክሲዮስ ዘግቧል።
የአሜሪካና የእስራኤል ባለሥልጣናት ለአክሲዮስ እንደገለጹት፣ የእርምጃው ትክክለኛ ቀን አልተወሰነም። ሆኖም አዲስ የወታደራዊ እርምጃ ከተወሰደ በኢራን የኃይል ማመንጫዎች፣ የመሠረተ ልማት ተቋማት እና ከኑክሌር ፕሮግራሟ ጋር ተያያዥ ዒላማዎች ላይ ሰፊ የአየር ጥቃት ሊፈጸም እንደሚችል ምንጮቹ ጠቁመዋል።
ይህ የሚመጣው በዋሽንግተንና በቴህራን መካከል ያለው የዲፕሎማሲ ውይይት መቆሙ በተጠቀሰበት ወቅት ነው። የኳታር አማላጆችም ኢራን ለአሜሪካ የቀረበውን የኑክሌር ቅናሽ የሚጠይቀውን የተሻሻለ ሀሳብ እንድትመልስ እየጠበቁ መሆናቸው ተዘግቧል።
በተጨማሪም፣ የትራምፕ ከፍተኛ የብሔራዊ ደህንነት አማካሪዎች በካምፕ ዴቪድ ለሰዓታት ተሰብስበው ስለ ኢራን ጦርነትና ስለ ቀጣይ የአሜሪካ ስትራቴጂ መወያየታቸው ተገልጿል። በስብሰባው ላይ ምክትል ፕሬዚዳንት ጄዲ ቫንስ፣ የውጭ ጉዳይ ሚኒስትር ማርኮ ሩቢዮ፣ የመከላከያ ሚኒስትር ፒት ሄግሴት እና ሌሎች ከፍተኛ ባለሥልጣናት ተሳትፈዋል።
አክሲዮስ የጠቀሰው የአሜሪካና የእስራኤል ምንጮች እንደሚሉት፣ አዲሱ የወታደራዊ እርምጃ ከኖቬምበር 3 የአሜሪካ አጋማሽ ዘመን ምርጫ በፊት ሊከሰት ይችላል፤ ነገር ግን ይህ እርግጠኛ የሆነ የጥቃት ቀን አይደለም። አንድ የእስራኤል ባለሥልጣን የጥቃቱ ዕድል ከምርጫው በፊት ከፍተኛ እንዳልሆነ ገልጾ፣ ከምርጫው በኋላ ግን ዕድሉ በእጅጉ ሊጨምር እንደሚችል ተናግሯል።
በሌላ በኩል፣ ከፍተኛ የእስራኤል ባለሥልጣናት ከአሜሪካ ጋር በጋራ ወታደራዊ እርምጃ ከተጀመረ ኢራን በአጸፋው በርካታ የባሊስቲክ ሚሳኤሎችን ወደ እስራኤል ልትተኩስ እንደምትችል ስጋታቸውን ገልጸዋል። ይህም ግጭቱ ከኢራንና እስራኤል ባለፈ ወደ ሰፊ የክልሉ ግጭት እንዳይስፋፋ የሚያሰጋ ሁኔታ ነው።
እስካሁን የተረጋገጠው፦ አሜሪካ ለሊሆን ለሚችል አዲስ የኢራን ጥቃት የወታደራዊ ዝግጅት እያጠናከረች ነው፤ ትራምፕ ግን ጥቃቱን ለመጀመር የመጨረሻ ውሳኔ እንዳላሳለፉ ሪፖርቶቹ ያመለክታሉ።

ከካቢኔ አባልነት የተነሱ 11 ኃላፊዎች እነማን ናቸው?
አዲሱን የመንግሥት ካቢኔ ሹመት ተከትሎ ቀደም ሲል የሚኒስትርነት ወይም የካቢኔ አባልነት ሚና ላይ የነበሩ አንዳንድ ኃላፊዎች በአዲሱ የሹመት ዝርዝር ውስጥ አልተካተቱም።
በዚህም መሠረት በሚኒስትርነት ያልተሾሙ ወይም ከካቢኔ አባልነት የተነሱ ተብለው የተጠቀሱት 11 ኃላፊዎች፦
ዶ/ር በለጠ ሞላ
አቶ መላኩ አለበል
ዶ/ር አብርሃም በላይ
ዶ/ር ካሳሁን ጎፌ
ኢ/ር አይሻ መሀመድ
አቶ አህመድ ሽዴ
ወ/ሮ ሙፈሪሃት ካሚል
ዶ/ር ኤርጎጌ ተስፋዬ
ወ/ሮ ጫልቱ ሳኒ
ኢ/ር ሃብታሙ ተገኝ
ዶ/ር አለሙ ስሜ
ከእነዚህ መካከል በቀድሞው የመንግሥት ካቢኔ ውስጥ የኢኖቬሽንና ቴክኖሎጂ፣ ኢንዱስትሪ፣ መስኖና ዝቅተኛ ቦታዎች ልማት፣ ንግድና ክልላዊ ትስስር፣ መከላከያ፣ ገንዘብ፣ ሠራተኛና ክህሎት፣ ሴቶችና ማኅበራዊ ጉዳይ፣ ከተማ ልማትና መሠረተ ልማት፣ ማዕድንና ነዳጅ እንዲሁም ትራንስፖርትና ሎጂስቲክስ ያሉ ዘርፎችን የመሩ ኃላፊዎች ይገኙበታል።
በተለይም የቀድሞው ካቢኔ አባላት የነበሩት በለጠ ሞላ፣ መላኩ አለበል፣ አህመድ ሽዴ፣ ሙፈሪሃት ካሚል፣ ኤርጎጌ ተስፋዬ፣ ጫልቱ ሳኒ እና አይሻ መሀመድ በቀድሞ የካቢኔ ዝርዝሮች ውስጥ በየዘርፋቸው ተጠቅሰዋል።
የአዲሱ የካቢኔ አደረጃጀት የሚያመጣው የፖሊሲ፣ የአመራር እና የተቋማዊ ለውጥ በቀጣይ በትኩረት የምንከታተል ይሆናል።
📅 መስከረም 28 ቀን 2019 ዓ.ም. 📌 አዲስ ኢንሳይት

የጊዜ አስገራሚ ፍርድ!

ወፏ በሕይወት ዘመኗ ጉንዳንን ትበላለች፤ ጉንዳኑም በዚያ የተፈጥሮ ሥርዓት ውስጥ የወፏ ምግብ ነው። ወፏ ስትሞት ግን የነበረው ሚዛን ይገለበጣል፤ እሷ የምትበላው የነበረው ጉንዳን አሁን የእሷን አካል ይበላል።

እዚህ ላይ ማስተማር የተፈለገው ትምህርት ከወፏና ከጉንዳኑ ይልቅ ስለ እኛ ነው።

ሕይወት የሰጠን ሚና ዘላለማዊ አይደለም።

ዛሬ የምትገዛበት ኃይል፣ የምትመካበት ሀብት፣ የምትደገፍበት ሥልጣን ወይም የምትኮራበት ተፅዕኖ—ሁሉም በጊዜ ፊት የተሰጡ ጊዜያዊ ሚናዎች ናቸው።

ዛሬ ከላይ የቆመ ሰው ነገ ከታች ሊገኝ ይችላል።
ዛሬ የተናቀ ሰው ነገ የሚፈለግ ሊሆን ይችላል።
ዛሬ ሌላውን የሚመግብ እጅ ነገ ራሱ ምግብ ሊሆን ይችላል።

ስለዚህ ሰውን በዛሬው ሁኔታው ብቻ መመዘን የእውቀት ማነስ ነው። የተፈጥሮ ሚዛን ማንንም ለዘላለም በአንድ ወገን አያቆምም።

ዛሬ የምትበላውን ነገር ነገ ልትሆነው እንደምትችል አትዘንጋ።

ሕይወት አንድ የማይቋረጥ የሥልጣን መድረክ አይደለም፤ ሚናዎች የሚቀያየሩበት ዑደት ነው።

ስለዚህ በጉልበትህ አትታበይ፤ በደካማው አትሳለቅ፤ በዛሬው ሁኔታህ ለዘላለም እንደምትቆይ አትመካ።

የተፈጥሮ ሕግ አንድ ነው፦ ዛሬ የሚበላ ነገ ሊበ'ላ (በ ይጠብቃል) ይችላል።

ድህነት፣ ፖለቲካና የእኛ እጣ ፈንታ

“ደሃ ሕዝብ ስለሚበላውና ስለሚጠጣው እንጂ፣ እጣ ፈንታውን ስለሚወስነው ፖለቲካ አያስብም።”

ይህ አባባል ድህነትን ከኪስ ባዶነት በላይ ያስቀምጠዋል። ድህነት አንዳንድ ጊዜ የሰውን ኑሮ ብቻ ሳይሆን የሚመለከተውን የዓለም አድማስ ይገድባል። ሰው የዛሬን ሕይወት ለማዳን ሲገደድ፣ ነገን የሚቀርጹ ኃይሎችን ለመጠየቅ የሚፈለገው የአእምሮ ርቀት ይጠባል።

አብርሃም ማስሎው በ1943 በጻፈው “A Theory of Human Motivation” ውስጥ ይህን የሰው ሁኔታ ከፍላጎት ተዋረድ አንጻር ይመረምራል። በእርሱ አባባል፦

«“It is quite true that man lives by bread alone — when there is no bread.”»

“እንጀራ በሌለበት ጊዜ፣ ሰው በእንጀራ ብቻ ይኖራል።”

ይህ ሐረግ ረሃብ ሰውን ከፍ ካሉ ምኞቶች እንደሚያስቀድም ያሳያል። ማስሎው በእጅጉ የተራበ ሰው ላይ ምግብ የንቃተ ሕሊናውን ሊይዝ እንደሚችል ይገልጻል፤ ሌሎች ፍላጎቶችም ለጊዜው ወደ ጀርባ ሊገፉ ይችላሉ።

ይህንን ከሀገራዊ ሕይወት ጋር ስናገናኘው ጥያቄው ከ“ሕዝብ ለምን አያስብም?” ወደ “ሕዝብ ምን እንዲያስብ የሚገድደው የሕይወት ሁኔታ ምንድነው?” ይለወጣል።

ይህ ልዩነት ወሳኝ ነው።

ምክንያቱም ረሃብተኛን የሚወቅስ ሰው ረሃቡን አይፈታም። የሕዝብን የአስተሳሰብ ድንበር ለማስፋት ከፈለግን፣ የሕይወት መሠረቱን ማስፋት ያስፈልጋል።

ማስሎው ደግሞ ፍላጎት በረሃብ አይጠናቀቅም ይላል። መሠረታዊ ፍላጎቶች ሲሟሉ፣ ሌሎች ከፍ ያሉ ፍላጎቶች ይታያሉ፦

«“At once other (and higher) needs emerge...”»

“ወዲያውኑ ሌሎች፣ ከፍ ያሉ ፍላጎቶች ይነሳሉ...”

እዚህ ላይ የሰው ጉዞ ከመኖር ወደ መኖርን መቅረጽ ይሸጋገራል። ምግብ ከሕልውና ጋር ይያያዛል፤ ደህንነት ከመረጋጋት ጋር፤ ክብር ከራስን መለየት ጋር፤ ራስን መገንባት ደግሞ ከሰው ውስጥ የተቀመጠውን እምቅ አቅም ከመግለጽ ጋር ይያያዛል።

እናም ፖለቲካ በዚህ ተዋረድ ውስጥ የሩቅ ጉዳይ አይደለም። የምግብ ዋጋ፣ የሥራ እድል፣ የደህንነት ሁኔታ፣ የትምህርት ዕድል፣ የመረጃ ተደራሽነት፣ የመናገር ነፃነት—እነዚህ ሁሉ የሰውን ፍላጎት የሚወስኑ የሕይወት መሠረቶች ናቸው። በዚህ ምክንያት ፖለቲካ ማለት ሥልጣንን ለማን እንደሚሰጥ ብቻ ሳይሆን፣ ሰው ምን ያህል ሰው ሆኖ እንዲኖር የሚፈቅድለትን ሁኔታ ማን እንደሚያዘጋጅ ጥያቄም ነው።

ከዚህ አንጻር ድህነት የኢኮኖሚ ቃል ብቻ አይደለም። የምርጫ ዕድል መጥበብ፣ የእውቀት ተደራሽነት መገደብ፣ የክብር ስሜት መሸርሸር፣ የነገ ራዕይ መደብዘዝም ነው።

ስለዚህ ለአንድ ሕዝብ እንጀራ መስጠት አስፈላጊ ነው፤ ግን በእንጀራ ላይ ብቻ ማቆም የሰውን ሙሉ እምቅ አቅም መደበቅ ነው። ሰው መብላት ብቻ አይፈልግም፤ መረጋጋት፣ መከበር፣ መጠየቅ፣ መምረጥ፣ መፍጠር እና ራሱን ማብቃትም ይፈልጋል።

እዚህ ላይ የሕዝብ እድገት የሚለካው በእንጀራ ብዛት ብቻ ሳይሆን፣ ሕዝቡ ከእንጀራ በላይ ምን መጠየቅ እንደጀመረ በሚለውም ነው።

ሰው የሚበላውን ሲያስብ ሕልውናውን ያድናል።
ሰው የሚኖርበትን ሥርዓት ሲጠይቅ ደግሞ እጣ ፈንታውን መወሰን ይጀምራል።

እኛስ?

የዛሬ ጭንቀት ነገን እንዳናስብ እያደረገን ነው?
ወይስ የዛሬን ችግር አልፈን የነገን ትርጉም ለመጠየቅ እየተዘጋጀን ነው?

እኛ ኢትዮጵያውያን፣ የዛሬ እንጀራችንን ለማግኘት እየታገልን የነገ ሕይወታችንን ለመወሰን እንዳንረሳ—የእኛ ኢትዮጵያውያን እጣ ፈንታስ በማን እጅ ነው?

ትግራይ ክልል አሁናዊ ትክክለኛ መረጃ‼️
በትግራይ ክልል በተለይ በሶስት አቅጣጫ ወጊያው ቀጥሏል።
📌ከመቀሌ-ሀገረ ሰላም-አብዪ አዲ(ተንቤን-አድዋ መስመር አንዱ የውጊያ መስመር ሲሆን በዚህ መስመር መከላከያ ሰራዊት የተንቤን ዋና ከተማ የሆነችውን አብዪ አዲን ተቆጣጥሯል፣አድዋ ከተማ ሙሉ ለሙሉ እንቅስቃሴ ቆሟል ብለዋል።
📌ከመቀሌ-ውቅሮ-ነጋሽ-አዲግራት-ዛላንበሳ---- ሌላኛው ውጊያ እየተደረገበት ያለ መስመር ሲሆን በዚህ የውጊያ መስመር መከላከያ ሰራዊት ዛሬ መስከረም 28 ከሰዓት በኋላ ውቅሮን አልፎ ነጋሽ የምትባል ከተማን ተቆጣጥሯል።
በውቅሮ መከላከያ ሰራዊት ፓትሮል መጀመሩን የአዩዘሀበሻ ምንጮች በምስል አጋርተዋል።
📌ከማይፀብሪ-አዲ ገብሩ-እንዳ ባጉና-ሽሬ-አክሱም ---ሌላኛው የውጊያ መስመር ሲሆን የህወሓት ተዋጊዎች ከእንዳባጉና እና ሽሬ ለቀው ቢወጡም መከላከያ ሠራዊት ገና እንዳልገባ የአካባቢው ምንጮች ለአዩዘሀበሻ ገልፀዋል።
📌አዲግራት በዛሬው ዕለት ተደጋጋሚ የጀት ድብደባ ተፈፅሟል፣ የደረሰው ጉዳት አልታወቀም።