ማይጨው‼️
በማይጨው ከባድ የተባለ የመድፍ ድብደባ እየተደረገ መሆኑን የከተማዋ ነዋሪዎች  ገልፀዋል።
የመድፍ ድብደባው ትናንት የጀመረ ሲሆን ዛሬም ቀጥሏል ብለዋል። ትናንት ብቻ 11 ጊዜ የመድፍ ድብደባ ተፈፅሟል ያሉ ሲሆን ጥቃቱ የደረሰው በአደባባይ አካባቢ፣ ታደለ ሆቴል ጀርባ እንዲሁም በራያ ዩኒቨርሲቲ በር አካባቢ  ሲሆን፣ ቁጥራቸው ያልታወቀ ንፁሃን ሲቪሎች መጎዳታቸው የከተማዋ ነዋሪዎች አድርሰውናል።

#ባሕርዳር❤️

በባሕር ዳር ያለው አሁናዊ ድባብ ምን ይመስላል ?

የኢትዮጵያ እና ሴኔጋል ጨዋታ ዛሬ ከሰዓታት በኋላ ከቀኑ 10:00 በባህርዳር ስታዲየም ይካሄዳል።

በአሁኑ ሰዓት በሺዎች የሚቆጠሩ የባህር ዳር ስፖርት ወዳድ ህብረተሰብ በነቂስ ወጥቶ በስታዲየም አቅራቢያ ላይ ተሰባስበው ይገኛሉ።

ደጋፊዎች በተዘጋጁ የትኬት መቁረጫ ቦታዎች ላይ ትኬቶችን ሲገዙ ተመልክተናል።

የከተማው ነዋሪዎች በሀገራዊ ቀለሞች አሸብርቀው ጨዋታው የሚጀምርበትን ሰዓት በጉጉት እየተጠባበቁ ይገኛሉ።

ቲክቫህ ስፖርት
መስከረም 19 ቀን 2019 ዓ/ም

24 የመማሪያ ክፍል መስኮቶችን የሰረቁ ተከሳሾች በእስራት ተቀጡ


በምዕራብ ጎጃም ዞን በቡሬ ከተማ አስተዳደር 01 ቀበሌ የቡሬ አቦ አንደኛ ደረጃ ትምህርት ቤት የመማሪያ ክፍሎች 24 መስኮቶችን በመስረቅ የተከሰሱ ሦስት ግለሰቦች እያንዳንዳቸው በእስራት መቀጣታቸው ተገልጿል።

የቡሬ ከተማ አስተዳደር ፖሊስ ጽሕፈት ቤት የወንጀል ምርመራ ክፍል ኃላፊ ኢንስፔክተር ያየህ አድገህ እንደገለፁት የትምህርት ቤቱ አመራሮችና የአካባቢው ሕብረተሰብ ለፖሊስ ባቀረቡት ጥቆማ መሠረት ፖሊስ ክትትል በማድረግ ተጠርጣሪዎቹን ለመያዝ ችሏል።

ተከሳሾቹ የሰረቁትን መስኮቶች በባጃጅ ጭነው ወደ አዊ ዞን ቲሊሊ ከተማ በመውሰድ ለቁራሌ ለመሸጥ ሲሞክሩ መሆኑን ጥቆማ ከደረሰው በኋላ ፖሊስ ባደረገው ክትትል ታኅሣሥ 27 ቀን 2018 ዓ.ም ተጠርጣሪዎቹን በቁጥጥር ሥር አውሎ ምርመራ ማድረጉን ኢንስፔክተሩ ገልጸዋል።

ፖሊስ በምርመራው ያገኘውን ማስረጃና የተያዙትን ንብረቶች በማስረጃነት በማቅረብ መዝገቡን ለቡሬ ወረዳ ፍትሕ ጽሕፈት ቤት ልኳል።በዚህም ክስ ቀርቦባቸው የነበሩት ተከሳሾች በቡሬ ወረዳ ፍርድ ቤት ቀርበው ጥፋተኛ መሆናቸው በማስረጃ ከተረጋገጠ በኋላ በመስከረም 15 ቀን 2019 ዓ.ም በዋለው ችሎት ውሳኔ ተሰጥቷል።

በውሳኔውም ስንታየሁ ባንቴ፣ ስማቸው ፈንታሁን እና ምስጋናው አስማረ የተባሉት ሦስት ተከሳሾች እያንዳንዳቸው በ3 ዓመት እስራት እንዲቀጡ ተወስኗል። ሌላኛው ተከሳሽ ደግሞ የተሰረቀውን እቃ በመደበቅ ጥፋተኛ በመሆኑ የ1 ዓመት ከ3 ወር እስራት መፈረዱን ብስራት ሬዲዮ ከቡሬ ከተማ አስተዳደር ፖሊስ ፅ/ቤት የደረሰው መረጃ ያመላክታል።
Dagu

🌊 ባህር ላይ የሚኖሩ አስደናቂ ሕዝቦች!

🌊 እስቲ አስቡት… ቤትዎ መሬት ላይ ሳይሆን በባህር ላይ ቢሆንስ?

ለአብዛኛዎቻችን ባህር የምንጎበኘው ቦታ ነው። ለአንዳንድ ሕዝቦች ግን ባህር የሚጎበኙት ቦታ ሳይሆን ቤታቸው ነው።

በደቡብ ምሥራቅ እስያ፣ በተለይም በፊሊፒንስ፣ ማሌዥያ እና ኢንዶኔዥያ መካከል ባሉ የባህር አካባቢዎች ባጃው (Bajau/Sama-Bajau) ተብለው የሚጠሩ ማህበረሰቦች ከባህር ጋር የተቆራኘ ልዩ አኗኗር አላቸው።

🏠 በአንዳንድ ቦታዎች ቤቶቻቸውን በባህር ውስጥ በተተከሉ የእንጨት እግሮች ላይ ይገነባሉ። በጀልባ ይጓዛሉ፣ በባህር ውስጥ ዓሣ ያጠምዳሉ፣ እና የባህር ሀብት የኑሯቸው ዋነኛ ክፍል ነው።

🤿 ከሁሉም የሚያስደንቀው ግን የውሃ ውስጥ አደን ችሎታቸው ነው።

አንዳንድ የባጃው የባህር አዳኞች ያለ ዘመናዊ የመተንፈሻ መሳሪያ በተደጋጋሚ ወደ ጥልቅ ውሃ ይገባሉ። በዚህ የተነሳም የባህር ሕይወትን ከትውልድ ወደ ትውልድ የተማሩበት እጅግ ልዩ ዕውቀት አዳብረዋል።

ለእነሱ የባህር ድምፅ የተለመደ ነው፤ የሞገድ እንቅስቃሴ የሕይወታቸው አካል ነው፤ ባህርም ከቤታቸው የሚለይ ነገር አይደለም።

✨ ይህ ታሪክ የሚያስታውሰን አንድ ውብ ነገር አለው፦ ሰው የሚኖርበት ቦታ ሕይወቱን ይቀይረዋል፤ ሕይወቱም በተራው አካባቢውን የመረዳት ልዩ ችሎታ ይሰጠዋል።

ለእኛ ባህር የሚያልቅ አድማስ ሊሆን ይችላል፤ ለእነሱ ግን እዚያው አድማስ ላይ ቤት፣ ሥራ፣ ባህል እና ሕይወት አለ። 🌊

አዲስ ኢንሳይት — ዓለምን በአዲስ እይታ

#አዲስኢንሳይት #Bajau #ባጃው #SuluSea #CelebesSea #የዓለምአስደናቂነገሮች #አስደናቂሕይወት

ሰመራ ኤርፖርት‼️
በትናንትናው ዕለት በአፋር ክልል ዋና ከተማ ሰመራ አየር ማረፊያ (ኤርፖርት) ላይ ጥቃት እንደተሰነዘረ የሚገልፁ መረጃዎች በስፋት ሲሰራጩ ቆይተዋል።

ሚድያችን በአካባቢው ካሉ ምንጮቹ እንዳረጋገጠው በሰመራ አየር ማረፊያ ላይ የደረሰ ምንም አይነት ጥቃት የለም።

ይሁንና የድሮን ምት እንደሆነ በተገመተ ከባድ ጥቃት ምክንያት ከኤርፖርቱ በቅርብ ርቀት በሚገኘው የክልሉ መንግስት መቀመጫ ቤተ መንግስት ግቢ ወስጥ ዛሬ ምሽት 1:45 ገደማ ጥቃት መፈፀሙን ምንጮቻችን አረጋግጠዋል።

ይህ ለክብር እንግዶች (VIP) እንዲሆን ታስቦ እየተሰራ ያለ ህንፃ ተመትቶ በእሳት መያያዙ የታወቀ ሲሆን ስለደረሰው ጉዳት እስካሁን አለመታወቁን ምንጮቻችን ጠቁመዋል።

"በቦታው ከፍተኛ የፀጥታ ሀይል ተሰማርቶ የክልል ፕሬዚዳንቱን የመጠበቅ ስራ እየተሰራ ነው፣ ወደ ቦታ ሰው እንዳይደርስ እየተከለከለ መሆኑንም አይተናል" በማለት አንድ ምንጫችን ማምሻውን ለመሰረተ ሚዲያ ተናግረዋል።
ኤርፖርቱ በመደበኛ ስራው ላይ ነው፣ በረራም አልተቋረጠም።
በዚህ መረጃ ዙርያ እስካሁን ከአፋር ክልላዊ መንግስት የተሰጠ መረጃ የለም።

ሹመት‼️
የደሴ ከተማ ከንቲባ የነበሩት አቶ ሳሙኤል ሞላልኝ፤  ጃንጥራር አባይን በመተካት የአዲስ አበባ ከተማ ምክትል ከንቲባ እና የፕላን ልማት ቢሮ ኃላፊ ሆነው ተሾሙ።
የአዲስ አበባ ካቢኔ አባላት

👉 አቶ ግርማ ሰይፉ የኢንዱስትሪ ልማት ቢሮ ኃላፊ ሆነው ተሾሙ።

የአዲስ አበባ ከተማ አስተዳደር ም/ቤት በከንቲባ አዳነች አቤቤ አቅራቢነት የከተማውን የካቢኔ አባላት ሹመት አፅድቋል።

በዚህም መሰረት፦

1. አቶ ሳሙኤል ሞላልኝ - የአዲስ አበባ ከተማ ምክትል ከንቲባና ፕላንና ልማት ቢሮ ኃላፊ
2. አቶ ሚሊዮን ማቲዎስ - በምክትል ከንቲባ ማዕረግ የስራና ክህሎት ቢሮ ኃላፊ
3. አቶ ጥላሁን ከበደ - በምክትል ከንቲባ ማዕረግ የፐብሊክ ሰርቪስና የሰው ሃብት ልማት ቢሮ ኃላፊ
4. አቶ ሃፍታይ ገ/እግዚአብሔር - በም/ ከንቲባ ማዕረግ የባህልና ቱሪዝም ቢሮ ኃላፊ
5. ዶ/ር አህመዲን መሃመድ - የአዲስ አበባ ከተማ ማዘጋጃ ቤት ዋና ስራ አስኪያጅ
6. ወ/ሮ ሊዲያ ግርማ - የሰላምና ፀጥታ ቢሮ ኃላፊ
7. ኢንጂነር አያልነሽ ኃብተማሪያም - የዲዛይንና ግንባታ ስራዎች ቢሮ ኃላፊ
8. ወ/ሪት ፂዮን ደረጀ (የአብን ማዕከላዊ ኮሚቴ አባል) - የህብረተሰብ ተሳትፎና የበጎ ፍቃድ ማስተባበሪያ
9. ኢንጂነር ህይወት ፀጋዬ - የግንባታ ቁጥጥርና ፈቃድ ቢሮ ኃላፊ
10. ወ/ሮ ፍቅርተ አበራ - የቴክኒክና ሙያ ቢሮ ኃላፊ
11. ወ/ሮ ዚያዳ ካሚል - የአረንጓዴ ልማት ቢሮ ኃላፊ
12. አቶ ግርማ ሰይፉ - የኢንዱስትሪ ልማት ቢሮ
13. አቶ ቢኒያም ምክሩ - ገቢዎች ቢሮ ኃላፊ
14. አቶ ሙሉቀን ታሪኩ - የኮሙኒኬሽን ቢሮ ኃላፊ
15. ወይዘሮ ሃቢባ ሲራጅ - የንግድ ቢሮ ኃላፊ
16. ዶ/ር ዮሃንስ ጫላ - የጤና ቢሮ ኃላፊ
17. ዶ/ር ዘላለም ሙላቱ - የትምህርት ቢሮ ኃላፊ
18. አቶ አወሌ መሃመድ ኡመር - የኢኖቬሽንና ቴክኖሎጂ ቢሮ ኃላፊ
19. ዶ/ር ተፈራ ሞላ - የትራንስፖርት ቢሮ
20 ኢንጂነር አይሻ መሃመድ - የኢንቨስትመንት ኮሚሽን ኮሚሽነር
21. ኢንጂነር ሔለን ገመዳ - የአዲስ አበባ ቤቶች ልማት ቢሮ
22. ወ/ሮ ልዕልቲ ግደይ - የህፃናት ማህበራዊ ጉዳይና ሴቶች ቢሮ
23. አቶ ተስፋዬ ደጀኔ - የፍትህ ቢሮ ኃላፊ
24. አቶ አሰግደው ወልደጊዮርጊስ - የወጣቶችና ስፖርት ቢሮ ኃላፊ
25. አቶ መላኩ ታምሩ - የመሬት ልማት ቢሮ ኃላፊ

ማራኪ የተፈጥሮ ስዕል! 🌄🌿
​ከተራሮች ግርማ ሞገስ ጋር የተዋሃደው ይህ የከተማችን ውበት፣ የሰላም እና የesthetic ስሜት የሚሰጥ እጅግ ድንቅ ዕይታ ነው። አረንጓዴ ለምለም የሆኑት ኮረብቶች፣ በረጋ መንፈስ የታቀፉት ሰፋፊ ሕንፃዎች እና ከበስተጀርባ የሚታየው የተፈጥሮ ገጽታ አዕምሮን የሚያሳርፍ ልዩ ማራኪነት አለው።
​ኢትዮጵያችን በበርካታ ውብ ስፍራዎች እና ተፈጥሮን ባከበሩ ውብ ከተሞች የተሞላች ታላቅ ሀገር ናት።
ለመሆኑ ይህ ከተማ ማነው?

🇧🇫 ቡርኪና ፋሶ የመጀመሪያዋን ብሔራዊ የወርቅ ማጣሪያ ፋብሪካ አስመረቀች

“ወርቃችንን እዚሁ እናጣራለን፤ እሴቱንም እዚሁ እንፈጥራለን።”

ቡርኪና ፋሶ የማዕድን ሀብቷን ከመሬት በማውጣት ብቻ ሳትቆም፣ በሀገር ውስጥ የመጨረሻ የእሴት ሰንሰለት ለመፍጠር አዲስ እርምጃ ወስዳለች።

በመስከረም 28፣ 2026 የሀገሪቱ መሪ ካፒቴን ኢብራሂም ትራኦሬ በዋና ከተማዋ ኦዋጋዱጉ የተገነባውን RAFFINOR-BF የተባለውን የቡርኪና ፋሶ የመጀመሪያ ብሔራዊ የወርቅ ማጣሪያ ፋብሪካ በይፋ አስመርቀዋል።

ፋብሪካው የወርቅ ዶሬን ወደ ከፍተኛ ንጽሕና ያለው የወርቅ ብሎን ለመቀየር የተዘጋጀ ሲሆን፣ በመጀመሪያው የሥራ ደረጃ በዓመት 164 ቶን ወርቅ ማጣራት የሚችል አቅም አለው። በቀጣይ የማስፋፊያ ደረጃ ይህ አቅም 515 ቶን በዓመት እንዲደርስ ታቅዷል።

ፕሮጀክቱ ከ11 ቢሊዮን CFA ፍራንክ በላይ የተወጣበት ሲሆን፣ በቡርኪና ፋሶ መንግሥት በSONASP እና በግል አጋሮች ተሳትፎ ተከናውኗል። ፋብሪካው በ5 ሄክታር መሬት ላይ የማቅለጫ ክፍል፣ የላቦራቶሪ ምርመራ ክፍል፣ የወርቅ ማከማቻ እና የጌጣጌጥ ክፍልን ያካትታል።

በምረቃው ላይ ትራኦሬ እንዳሉት፣ የሀገሪቱ ዓላማ ወርቅን በመሬቷ ላይ ማውጣት ብቻ ሳይሆን፣ ማጣራት፣ መቆጣጠር፣ ዋጋ መጨመር እና ማረጋገጥ በሀገር ውስጥ ማከናወን ነው። “ሁሉንም ብረቶቻችንን በሀገር ውስጥ ማጣራት እንፈልጋለን፤ ሙሉውን የእሴት ሰንሰለትም እዚሁ እንዲኖር እንፈልጋለን” ብለዋል።

ይህም ቡርኪና ፋሶ ከጥሬ ወርቅ ላኪ ሀገር በመሆን ወደ ወርቅን በሀገር ውስጥ የምታጣራና ተጨማሪ እሴት የምትፈጥር ኢኮኖሚ ለመሸጋገር የምትከተለው ፖሊሲ አካል ነው።

አዲስ ኢንሳይት | ዓለምን በአዲስ እይታ 🌍

የኤርትራ ሰራዊት ውጊያ ከፍቶብናል-አወል አርባ‼️
በአፋር ክልል ኪልበቲ ረሱ የኤርትራ ሰራዊት ከህወሃት ሀይል ጋር በመሆን የኢትዮጵያን ዳር ድንበር ጥሶ ገብቶ በከባድ መሳሪያ ጭምር ጦርነት ከፍቶ ይገኛል ሲሉ የአፋር ክልል ርዕስ መስተዳደር ሀጂ አወል አርባ ከክልሉ ቴሌቪዥን ጋር በነበራቸው ቆይታ ገልፀዋል። በዚህ የተነሳ በርካታ ሰዎች ተፈናቅለዋል ብለዋል።

በአዲስ አበባና አካባቢው ድሮን ማብረር ተከለከለ

የብሔራዊ መረጃና ደኅንነት አገልግሎት ባወጣው ማሳሰቢያ ላልተወሰነ ጊዜ በአዲስ አበባ እና አካባቢው ማንኛውንም አይነት ድሮን የማብረር ፍቃድ እንደማይሰጥ አስታውቋል። ተቋሙ የመሪዎችን እና የቁልፍ መሠረተ-ልማቶችን ደኅንነት ለመጠበቅ ሲል በዘመናዊ የጸረ-ድሮን ቴክኖሎጂዎች ጥብቅ ቁጥጥር እየተደረገ እንደሚገኝ ገልጿል።

ይህን ትዕዛዝ ጥሶ በሚደረግ ማንኛውም የበረራ ሙከራ ላይ ድሮኖቹን በመጥለፍ፣ በማሳረፍ እና አብራሪዎቹን በቁጥጥር ስር በማዋል ሕጋዊ እርምጃ እንደሚወሰድ ተመላክቷል። ብሔራዊ ደኅንነትን ለመጠበቅ የተዘረጋውን ይህንን ሕግ ለማስፈጸም ተቋሙ ከባለድርሻ አካላት ጋር በመሆን ሙሉ ዝግጅት አድርጓል።

ቅድስት ድንግል ማርያም ሆይ! በልጅሽ በወዳጅሽ ፊት ዘወትር ስለ እኛ ለምኝልን፤ እናታዊ ምልጃሽ አይለየን! አሜን!🤲