በግንባታ ሳይቶች ላይ እየተስተዋለ የሚገኘው የማህበራቱ አስደናቂ የመፈፀም አቅም፡፡

የአዲስ አበባ ዲዛይንና ግንባታ ስራዎች ቢሮ ስራዎችን በጥቃቅንና አነስተኛ ለተደራጁ ማሕበራት ሰጥቶ ልዩ ክትትል እያደረገና ማሕበራቱም የተሰጣቸውን ድርብ ኃላፊነት በመወጣት ሀገራቸውንም እራሳቸውንም እየጠቀሙ ይገኛል፡፡

በዚህ ረገድ የማሕበራትን ቀደምት ስም የሚሽሩና አዲስ እይታን የሚፈጥሩ ውጤቶች በየግንባታ ሳይቱ እጠየተስተዋሉ ይገኛል፡፡ለዚህም ማሳያ በ3ር ከ15 ቀናት ጊዜያት ብቻ 96 በመቶ ፊዚካል አፈፃፀም ላይ የደረሰው የየካ ወረዳ 10 ሳላይሽ የመጀመሪያ ደረጃ G+4 ት/ቤት ፕሮጀክት አንዱ ነው፡፡

የቢሮው የስራ ዕድል ፕሮግራም ተጠቃሚ በሆኑት አቻ ሁለገብ ኮንስትራክሽን ኃላ/የተ/የግ/ማ ስራ ተቋራጭነት እና ሲጫሌ ብሩክ እና ጓደኞቻቸው አማካሪ ማህበር አማካሪነት እንዲገነባ ከቢሮው ውል የታሰረለት ፕሮጀክቱ ከውለታ ጊዜው ቀድሞ ለመጠናቀቅ የሚያስችለው ቁመና ላይ መድረሱ ተመልክቷል፡፡

በግንባታ ሳይቱ የሚቀሩትን የውስጥ ቀለም ስራ፣ የኤሌክትሪክ ፊቲንግ ገጠማ እና የደረጃ ማርብል ስራዎች በሚቀጥሉት አስር ቀናት ዕድሜ ውስጥ አጠናቆ ለማስረከብ በሁለት ፈረቃ እየተሰራ እንደሚገኝ የሚጠቅሱት የማሕበሩ ስራ አስኪያጅ ድርጅታቸው ይህንን ለማድረግ የሚያስችል በቂ ቁመና ላይ ይገኛል ብለዋል፡፡

120 ቀናት የማጠናቀቂያ ዕድሜ ተሰጥቶት ከ63 ሚሊዮን ብር በላይ በሆነ ወጪ እየተገነባ የሚገኘው ፕሮጀክቱ አሁን ላይ የመስታወት ገጠማ፣የኮርኒስ ጂፕሰም ስራ እንዲሁም የሴራሚክ ስራዎች እየተጠናቀቁለት ይገኛል፡፡……..

በአቃቂ ቃሊቲ ክፍለከተማ ዋና ስራ አስፈፃሚ ዶ/ር አበራ ብሩ የተመራ ከፍተኛ አመራር ቡድን በክፍለከተማው እየተገነቡ የሚገኙ ፕሮጀክቶች ላይ የመስክ ምልከታ አደረገ፡፡

የአቃቂ ቃሊቲ ክፍለከተማ ዲዛይንና ግንባታ ስራዎች ፅ/ቤት እያስገነባቸው የሚገኙ ዘጠኝ ማሕበራዊ አገልግሎት መስጫ ተቋማት ግንባታዎች ያሉበትን ሁኔታ ለመገንዘብ የሚያስችል የመስክ ምልከታ ተካሂዷል፡፡

የክፍለከተማው የካቢኔ አባላትን፣የቋሚ ኮሚቴ ሰብሳቢዎችን፣ የአስተባባሪ ኮሚቴ አባላትን፣የወረዳ ዋና ስራ አስፈፃሚዎችና የፓርቲ ኃላፊዎችን ባካተተውና በክፍለከተማው ዋና ስራ አስፈፃሚ ዶ/ር አበራ ብሩ የተመራው የዚህ የመስክ ምልከታ ዓላማ አመራሩ በግንባታ ላይ የሚገኙ ፕሮጀክቶችን አውቆና በፕሮጀክቶቹ ላይ ያሉ ችግሮችን ተረድቶ መፍትሄ በመስጠት ሂደቱ ላይ የራሱን አበርክቶ እንዲያሳርፍ ዕድል ከመፍጠሩም ሌላ በበጀት ድልድል ወቅት የእነዚህን ፕሮጀክቶች አንገብጋቢነት ተረድቶ የአመራሩን በቂ ትኩረት እንዲያገኝ አስቻይ አጋጣሚን ይፈጥራል ሲሉ የክፍለከተማው የዲዛይንና ግንባታ ስራዎች ፅ/ቤት ኃላፊው ኢ/ር ስንታየሁ ማሞ አስረድተዋል፡፡

የክፍለከተማው ዋና ስራ አስፈፃሚ ዶ/ር አበራ ብሩ የመስክ ምልከታውን ሲያጠቃልሉ እንዳሉት ምልከታ ከተደረገባቸው ፕሮጀክቶች ውስጥ የአርቲስት ሀጫሉ ሁንዴሳ መታሰቢያ 2ኛ ደረጃ ት/ቤት እንዲሁም የወረዳ 12 ወጣት ማዕከል ፕሮጀክቶች ግንባታ አፈፃፀሞችን አድንቀው በዛሬው ዕለት ምልከታ የተደረገባቸው አጠቃላይ ፕሮጀክቶች ተጠናቀው የታለመላቸውን አገልግሎት መስጠት እንዲችሉ ሁሉም አመራር በባለቤትነት ይዞ ማስፈፀም እንደሚገባው አደራ ሰጥተው ይህም በጋራ የመምራታችን ማሳያ ነው ብለዋል፡፡…….