ቢሮው ከፊታችን ባሉት ቀናት የሚከበሩትን ሀይማኖታዊ በዓላት ምክንያት በማድረግ የማዕድ ማጋራት አድርጓል፡፡

በመጪው ቀናቶች በክርስትና እና በእስልምና ዕምነት ተከታዮች ዘንድ በከፍተኛ ሀይማኖታዊ ስርዓቶች በድምቀት የሚከበሩትን የትንሳዔ እና የኢድ አል ፈጥር በዓላትን ምክንያት በማድረግ ቢሮው ዝቅተኛ ደመወዝ ተከፋይ ለሆኑ ሰራተኞቹ የማዕድ ማጋራት አከናውኗል፡፡

በዚህም መሰረት ለ96 የተቋሙ ሰራተኞች በዓላቱን ምክንያት በማድረግ 15 ኪሎ ዱቄትና 5 ሊትር ዘይት ተሰጥቷል፡፡

የአዲስ አበባ ዲዛይንና ግንባታ ስራዎች ቢሮ ኃላፊ ኢ/ር አያልነሽ ሐብተማርያም በማዕድ ማጋራት ስነስርዓቱ ላይ ለሁለቱም ዕምነት ተከታዮች የእንኳን አደረሳችሁ መልዕክታቸውን በማስተላለፍ የማዕድ ማጋራቱ እኛ ኢትዮጵያውያን በዓላትን አብሮ የመብላት የኖረ ዕሴታችንን የሚወክል ነው ያሉ ሲሆን እነዚህን የመተሳሰብ፣የመደጋገፍና አብሮ የመብላት ድንቅ ዕሴቶቻችንን ዓቅም በፈቀደ መጠን ጠብቀናቸው ለትውልድ ልናስተላልፋቸው ይገባል ብለዋል፡፡

የአዲስ አበባ ዲዛይንና ግንባታ ስራዎች ቢሮ ኮሙኒኬሽን ጉዳዮች ዳይሬክቶሬት ሚያዝያ 05/2015 ዓ/ም


ለከተማችን መሻሻል እንሰራለን!!!! Dedicated for the betterment of our City!!!!

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg

ከተለያዩ ክፍለከተሞች የተውጣጡ ወጣቶች በከተማ አስተዳደሩ በመገንባት ላይ የሚገኙ የተለያዩ ፕሮጀክቶችን ጎበኙ ፡፡

በአዲስ አበባ ወጣቶችና ስፖርት ቢሮ በተዘጋጀው በዚህ ጉብኝት ወጣቱ በከተማዋ እየተከናወኑ የሚገኙ የተለያዩ የመሰረተ-ልማት ግንባታዎችን እንዲያውቅና ከለውጡ ወዲህ የተመዘገቡትን የልማት ስኬቶች እንዲረዳ ዕድል ይፈጥራል ተብሏል፡፡

በወጣቶቹ ከተጎበኙት ፕሮጀክቶች ውስጥ በዲዛይንና ግንባታ ስራዎች ቢሮ ባለቤትነት እየተገነቡ የሚገኙት የኮልፌ መንዲዳ እና የንፋስ ስልክ ጠቅላላ ሆስፒታሎች እንዲሁም የአቃቂ ኢንተርናሽናል ስታዲየም ግንባታ ፕሮጀክቶች ይገኙበታል፡፡

የዲዛይንና ግንባታ ስራዎች ቢሮ ኃላፊ ኢ/ር አያልነሽ ሐብተማርያም ለወጣቶቹ ፕሮጀክቶች ባስጎበኙበት ወቅት እንዳሉት ቢሮው በበጀት ዓመቱ በአጠቃላይ ከ500 በላይ ፕሮጀክቶችን ከ17 ቢሊየን ብር በላይ በሆነ ወጪ በማስገንባት ላይ እንደሚገኝ አስታውሰው ከዚህ ውስጥም 7 ቢሊየን ብር ገደማው የወጣቶች ተጠቃሚነትን ለማረጋገጥ ይውል ዘንድ በጥቃቅንና አነስተኛ ለተደራጁ 125 ኢንተርፕራይዞች የስራ ትስስር የተፈጠረበት እንደሆነ ጠቅሰዋል፡፡

ከነዚህ በተጨማሪ በትልልቅ ፕሮጀክቶች ፅ/ቤት፣በቤቶች ልማት ኮርፖሬሽን፣በመንገዶ ባለስልጣን እየተከናወኑ የሚገኙ ፕሮጀክቶች የጉብኝቱ አካል ሆነው ውለዋል፡፡

ሚያዝያ 11/2015


ለከተማችን መሻሻል እንሰራለን!!!! Dedicated for the betterment of our City!!!!

የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg