ከንቲባ አዳነች አቤቤ በጉለሌ ክፍለ ከተማ ከግማሽ ቢሊዮን ብር በላይ በሆነ ወጪ የሚገነቡ የተለያዩ ፕሮጀክቶችን ስራ አስጀምረዋል::

ከዚህ በፊት ለአካባቢው ነዋሪዎች በተገባው ቃል መሰረት ቅድሚያ የሚሰጣቸውን በመለየት በዛሬው ዕለት የተለያዩ ፕሮጀክቶች ግንባታ ተጀምሯል::

ከነዚህም መካከል:-
- በዝቅተኛ የኑሮ ደረጃ ላይ ለሚገኙ ነዋሪዎች ማቋቋሚያ የሚሆን ባለ 10 ወለል የመኖሪያ ህንፃ ግንባታ (በከተማ አስተዳደሩ የሚገነባ)
- በእንጨት ለቀማ ለሚተዳደሩ እናቶች የሚውል የእንጀራ መጋገሪያ ፋብሪካ
- ሁለት ባለ 12 ወለል የጋራ መኖሪያ ቤት ግንባታ (በ70/30 ፕሮግራም የሚገነባ)
- ባለ አራት ወለል የስራ እድል ፈጠራ ሼዶች
- የተስፋ ብርሃን የማህበረሰብ የምገባ ማዕከል ግንባታን ጨምሮ የተለያዩ ፕሮጀክቶች በዛሬው ዕለት ግንባታቸው ተጀምሯል::

በማስጀመሪያ መርሃ ግብሩ ላይ ንግግር ያደረጉት ከንቲባ አዳነች የተጀመሩት ፕሮጀክቶች እንጨት ለቅመው በጽናትና በትጋት ልጆቻቸውን ለሚያሳድጉ እናቶች እና የመስሪያ ቦታ ችግር ያለባቸው ወጣቶችን ተጠቃሚ የሚያደርግ እና በክፍለ ከተማው ያለውን የመኖሪያ ቤት ችግር የሚያቀሉ ናቸው ብለዋል::

የከተማችን እድገትና ልምላሜ የሚረጋገጠው በሁሉም የከተማዋ አካባቢዎች የሚኖሩ ነዋሪዎች እኩል ተጠቃሚ ሲሆኑ ነው ያሉት ከንቲባ አዳነች በቅርበት ክትትል በማድረግ እና ፕሮጀክቶቹን በአጭር ጊዜ ውስጥ በማጠናቀቅ ለህብርተሰቡ አገልግሎት መስጠት እንዲጀምሩ እናደርጋለንም ብለዋል።
ዘገባው የከንቲባ ጽ/ቤት ነው

የግንባታ ፕሮጀክቶችን በተቀመጠላቸው ጥራት፣በተያዘላቸው ጊዜ እና በተቀመጠላቸው የጥራት ደረጃ አጠናቆ ለአገልግሎት ለማዋል የካይዘን መርሆዎችን በተቋም ደረጃ መተግበር ትልቅ ድርሻ እንደሚኖረው ተጠቆመ፡፡

በኢንዱስትው የሚስተዋለውን ክፍተት በጥናት በመለየት ለስራ ተቋራጮች፣ለአማካሪዎች፣ለባለሞያዎች እንዲሁም ለተቋሙ ሰራተኞች የተለያዩ የዓቅም ግንባታ ስልጠናዎችን እየሰጠ የሚገኘው የአዲስ አበባ ዲዛይንና ግንባታ ስራዎች ቢሮ ከካይዘን ኢንስቲትዩት ጋር በመተባበር ለተቋሙ ሰራተኞች ያዘጋጀውና በ3 ዙሮች ተከፋፍሎ ሲሰጥ የቆየው ስልጠና ዛሬም ቀጥሎ ውሏል፡፡

በካይዘን አተገባበር ላይ ትኩረቱን ያደረገው ስልጠናው የካይዘን መርሆዎችን በመተግበርና ሁሉንም ያሳተፈ የካይዘን ቡድን ሥራ ተግባራዊ በማድረግ ው ሕብረተሰቡን በስፋት ተጠቃሚ የሚያደርጉ የግንባታ ፕሮጀከቶች በተያዘላቸው በጀት፣ጊዜ እና ጥራት ለማጠናቀቅ አስቻይ ሁኔታን መፍጠር እንደሚቻል በስልጠናው ተጠቁሟል፡፡

ስልጠናው በነገው ዕለትም ቀጥሎ እንደሚውል ከቢሮው የዓቅም-ግንባታ ዳይሬክቶሬት ያገኘነው መረጃ ያመላክታል፡፡
የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት መጋቢት 18/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg

#ማስታወቂያ

በቢሮው ለምትገኙ ዳይሬክቶሬቶች እንዲሁም በአስራ አንዱም ክፍለከተማ ለምትገኙ ፅ/ቤቶች በሙሉ የተላለፈ ማስታወቂያ

የማሕበራቱ የፕሮጀክት አፈፃፀም በፍሬያማነቱ እንደቀጠለ ነው፡፡

የአዲስ አበባ ከተማ አስተዳደር ዲዛይንና ግንባታ ስራዎች ቢሮ የዜጎች የስራ ዕድልን ለመፍጠር ባሳለፈው ውሳኔ ባለፉት ጥቂት ወራት ብቻ በርካታ ግንባታዎችን በጥቃቅንና አነስተኛ ለተደራጁ ማሕበራት በመደልደል ስራዎችን እያከናወነ ይገኛል፡፡

በዚህም መሰረት 125 ማሕበራት በስራ ዕድሉ ተቋዳሽ በመሆን እራሳቸውንም ሀገራቸውንም እየጠቀሙ ይገኛል፡፡

የዚህ ፕሮግራም ተጠቃሚ በሆኑ 8 ማሕበራት ግንባታው በአስደናቂ ፍጥነት እየተከናወነ የሚገኘው የለሚኩራ ወረዳ 06 G+4 ኢንዱስትትሪያል ሼድ ተጠቃሽ ነው፡፡

እያንዳንዳቸው በአማካኝ 68 ሚሊዮን ብር የኮንትራት ዋጋ ያላቸው ኢንዱስትሪያል ሼዶቹ የካቲት 19/2015 የግንባታ ስራቸው የተጀመረ ሲሆን 120 ቀናት የግንባታ ማጠናቀቂያ ጊዜ ተሰጥቷቸው አሁን ላይ 25 በመቶ የአፈፃፀም ደረጃ ላይ ደርሰዋል፡፡

ከስራ ተቋራጭ ማሕበራቱ በተጨማሪም በፕሮጀክቱ 2 አማካሪ ድርጅቶችም የስራ ዕድሉ ተጠቃሚ እንዲሆኑ ተደርጓል፡፡

የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት መጋቢት 28/2015 ዓ/ም

ለከተማችን መሻሻል እንሰራለን!!!! Dedicated for the betterment of our City!!!!

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg