የአዲስ አበባ ከተማ አስተዳደር በአቃቂ ቃሊቲ ክፍለ ከተማ በ90ቀናት ከ328 ሚሊዮን ብር በላይ ወጪ ያደረገባቸው ፕርጀክቶች አስመረቆ ለአገልግሎት ክፍት አደረገ


የአዲስ አበባ ከተማ አስተዳደር ም/ል ከንቲባና የስራ፣ኢንተርፕራይዝ እና ኢንድስትሪ ቢሮ ኃላፊ አቶ ጃንጥራር አባይ በፕሮጀክት ምርቃቱ መረሃ-ግብሩ ባደረጉት ንግግር" መንግስት የማህበረሰቡን ሁለንተናዊ ተጠቃሚነት ለማረጋገጥ ከቅርብ ጊዜ ወዲህ ሰው ተኮር የልማት ስራዎችን የዕቅዱ አካል አድርጎ በመስራቱ ዘርፈ ብዙ ስራዎችን እያከናወነ ነው ብልዋል።


ም/ል ከንቲባው አያይዘውም በዛሬው ዕለት ከተመረቁት ፕሮጀክቶች መካከል 16ኛው የአረጋዊያን መመገብያ አዳራሽ እንደሚገኝ ጠቁመው የመመገብያ አዳራሹም በአንድ ጊዜ ብቻ ከ600 በላይ የሚሆኑ አረጋዊያንን ማስተናገድ የሚችል መሆኑን ተናግረዋል።


የአቃቂ ቃሊቲ ክፍለ ከተማ ዋና ስራ አስፈፃሚ ዶ/ር አበራ ብሩ በበኩላቸው አስተዳደሩ ከመደበኛ ስራው በተጨማሪ የግል ባለሃብቱንና በጎ-ፍቃደኛ የህብረተሰብ ክፍሎችን በማስተባበር በ90ቀናት እቅዱ ውስጥ የተለያዩ የልማት ስራዎችን ሲሰራ መቆየቱን ጠቁመው በዛሬው ዕለትም ከ328 ሚሊዮን ብር በላይ ወጪ በማድረግ 28 የተለያዩ የልማት ፕሮጀክቶችን አስመርቆ ለተጠቃሚዎች ክፍት ማድረግ መቻሉን ተናግረዋል.....

ከንቲባ አዳነች አቤቤ በጉለሌ ክፍለ ከተማ ከግማሽ ቢሊዮን ብር በላይ በሆነ ወጪ የሚገነቡ የተለያዩ ፕሮጀክቶችን ስራ አስጀምረዋል::

ከዚህ በፊት ለአካባቢው ነዋሪዎች በተገባው ቃል መሰረት ቅድሚያ የሚሰጣቸውን በመለየት በዛሬው ዕለት የተለያዩ ፕሮጀክቶች ግንባታ ተጀምሯል::

ከነዚህም መካከል:-
- በዝቅተኛ የኑሮ ደረጃ ላይ ለሚገኙ ነዋሪዎች ማቋቋሚያ የሚሆን ባለ 10 ወለል የመኖሪያ ህንፃ ግንባታ (በከተማ አስተዳደሩ የሚገነባ)
- በእንጨት ለቀማ ለሚተዳደሩ እናቶች የሚውል የእንጀራ መጋገሪያ ፋብሪካ
- ሁለት ባለ 12 ወለል የጋራ መኖሪያ ቤት ግንባታ (በ70/30 ፕሮግራም የሚገነባ)
- ባለ አራት ወለል የስራ እድል ፈጠራ ሼዶች
- የተስፋ ብርሃን የማህበረሰብ የምገባ ማዕከል ግንባታን ጨምሮ የተለያዩ ፕሮጀክቶች በዛሬው ዕለት ግንባታቸው ተጀምሯል::

በማስጀመሪያ መርሃ ግብሩ ላይ ንግግር ያደረጉት ከንቲባ አዳነች የተጀመሩት ፕሮጀክቶች እንጨት ለቅመው በጽናትና በትጋት ልጆቻቸውን ለሚያሳድጉ እናቶች እና የመስሪያ ቦታ ችግር ያለባቸው ወጣቶችን ተጠቃሚ የሚያደርግ እና በክፍለ ከተማው ያለውን የመኖሪያ ቤት ችግር የሚያቀሉ ናቸው ብለዋል::

የከተማችን እድገትና ልምላሜ የሚረጋገጠው በሁሉም የከተማዋ አካባቢዎች የሚኖሩ ነዋሪዎች እኩል ተጠቃሚ ሲሆኑ ነው ያሉት ከንቲባ አዳነች በቅርበት ክትትል በማድረግ እና ፕሮጀክቶቹን በአጭር ጊዜ ውስጥ በማጠናቀቅ ለህብርተሰቡ አገልግሎት መስጠት እንዲጀምሩ እናደርጋለንም ብለዋል።
ዘገባው የከንቲባ ጽ/ቤት ነው

የግንባታ ፕሮጀክቶችን በተቀመጠላቸው ጥራት፣በተያዘላቸው ጊዜ እና በተቀመጠላቸው የጥራት ደረጃ አጠናቆ ለአገልግሎት ለማዋል የካይዘን መርሆዎችን በተቋም ደረጃ መተግበር ትልቅ ድርሻ እንደሚኖረው ተጠቆመ፡፡

በኢንዱስትው የሚስተዋለውን ክፍተት በጥናት በመለየት ለስራ ተቋራጮች፣ለአማካሪዎች፣ለባለሞያዎች እንዲሁም ለተቋሙ ሰራተኞች የተለያዩ የዓቅም ግንባታ ስልጠናዎችን እየሰጠ የሚገኘው የአዲስ አበባ ዲዛይንና ግንባታ ስራዎች ቢሮ ከካይዘን ኢንስቲትዩት ጋር በመተባበር ለተቋሙ ሰራተኞች ያዘጋጀውና በ3 ዙሮች ተከፋፍሎ ሲሰጥ የቆየው ስልጠና ዛሬም ቀጥሎ ውሏል፡፡

በካይዘን አተገባበር ላይ ትኩረቱን ያደረገው ስልጠናው የካይዘን መርሆዎችን በመተግበርና ሁሉንም ያሳተፈ የካይዘን ቡድን ሥራ ተግባራዊ በማድረግ ው ሕብረተሰቡን በስፋት ተጠቃሚ የሚያደርጉ የግንባታ ፕሮጀከቶች በተያዘላቸው በጀት፣ጊዜ እና ጥራት ለማጠናቀቅ አስቻይ ሁኔታን መፍጠር እንደሚቻል በስልጠናው ተጠቁሟል፡፡

ስልጠናው በነገው ዕለትም ቀጥሎ እንደሚውል ከቢሮው የዓቅም-ግንባታ ዳይሬክቶሬት ያገኘነው መረጃ ያመላክታል፡፡
የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት መጋቢት 18/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg