ቢሮው 27 ማሕበራትን የስራ ዕድል ተጠቃሚ አድርጓል፡፡

የአዲስ አበባ ዲዛይንና ግንባታ ስራዎች ቢሮ በ3ኘው ዙር የስራ ዕድል ፈጠራ መርኃ-ግብሩ 27 በጥቃቅንና አነስተኛ የተደራጁ ኢንተርፕራይዞችን ተጠቃሚ አድርጓል፡፡

በዛሬው ዕለት የዲዛይንና ግንባታ ስራዎች ቢሮ ከፍተኛ የስራ ኃላፊዎች፣የማሕበራቱ ተወካይ ኮሚቴዎች እንዲሁም ማሕበራቱ በተገኙበት በቢሮው በተከናወነው ዕጣ የማውጣት መርኃ-ግብር በአቃቂ ቃሊቲ ክፍለከተማ ለሚገነቡ 18 G+4 እና 9 G+0 ፕሮጀክቶች ኢንተርፕይዞችን የመደልደል ስራ ተሰርቷል፡፡

በስነስርዓቱ ላይ ተገኝተው የስራ መመሪያ ያስተላለፉት የቢሮው ኃላፊ ኢ/ር አያልነሽ ሐብተማርያም እንዳሉት ተቋሙ በበጀት ዓመቱ ሊሰራቸው በዕቅድ ከያዛቸው ፕሮጀክቶች ውስጥ ብዙ ዕጁን ለማህበራት እያስተላለፈ እንደሚገኝ ገልፀው ከዚህ ቀደም ከነበሩት ተሞክሮዎቹ ትምህርት በመውሰድ አሁን ላይ ምንም አይነት የወሰን ጥያቄ የሌለባቸው የግንባታ ቦታዎች መዘጋጀታቸውን በመጥቀስ ማሕበራቱ በነገው ዕለት ሳይት ተረክበው ወደስራ እንዲገቡና ሼዶቹን በ45ቀናት እንዲሁም ባለ አምስት ወለሎቹን ደግሞ በ4 ወራት በማጠናቀቅ ለርክክብ ዝግጁ እንዲያደረጉ ያሳሰቡ ሲሆን በዚህ ሂደት ውስጥ በሌብነት ላይ ተሳትፎ የሚገኝ ማሕበር ላይ ቢሮው የማያዳግም እርምጃ ይወስዳል ብለዋል፡፡

የኮሚዩኒኬሽን ጉዳዮች ዳይሬክቶሬት የካቲት 14/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡
https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg

የስራ ክፍሉ ከአዲስአበባ መንገዶች ባለስልጣን አቻ ክፍል ጋር የልምድ ልውውጥ አደረገ ።

የአዲስአበባ ዲዛይንና ግንባታ ሥራዎች ቢሮ የዕቅድ ዝግጀት፣ክትትልና ግምገማ ዳይሬክሬት ከአዲስአበባ መንገዶች ባለስልጣን ዕቅድ በጀትና ሰትራቴጅክ ማኔጅመንት ጋር የልምድ ልውውጥ አካሂዷል።

በቢሮው የዕቅድ ዝግጀት፣ክትትልና ግምገማ ዳይሬክተር አቶ ሀለፎም ገብሩ የተመራው የልምድ ልውውጡ ከተቋማት ፍላጎት ጋር የተጣጣመ በጀት ፍላጎት ማሳወቀና ማግኘት ፣በነባርና በአዳዲስ ፕሮጀከቶች ላይ ያለውን የበጀት አጠቃቀምና ዝውውር ፣ለፕሮጀክቶች የተመደበ በጀት ዕጥረት ሲከሰት ሰለሚወሰዱ መፍትሄዎች እና ሌሎችም ተያያዥ ርዕሰ-ጉዳዮች ዙሪያ ተቋሙ ያለውን ልምድና ተሞክሮ የባለስልጣን መስሪያቤቱ የዕቅድ ፣በጀትና ስትራቴጂክ ማኔጅመንት ዳይሬክተር አቶ መስፍን ከበረ አና የማኔጅመንት በድናቸው አካፍለዋል፡፡

የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት የካቲት 16/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg

423 የታካሚ አልጋዎች የሚኖሩት የኮልፌ መንዲዳ ሪፈራል ሆስፒታል ግንባታ 42 በመቶ ላይ ደርሷል፡፡

በአዲስ አበባ ዲዛይንና ግንባታ ስራዎች ቢሮ  በኮልፌ ቀራኒዮ ክፍለከተማ በተለምዶ ቤተል እየተባለ በሚጠራው አካባቢ በ33,000 ካሬ ሜትር ቦታ ላይ ባለቤትነት እያስገነባው  የሚገኘው የኮልፌ መንዲዳ ሪፈራል ሆስፒታል ግንባታ በጥሩ አፈፃፀም እየተከናወነ ይገኛል፡፡

ከከተማዋ ሕብረተሰብ አልፎ በዙሪያው ለሚገኙ አጎራባች ከተሞች ነዋሪዎች ጭምር ደረጃውን የጠበቀ የሕክምና አገልግሎቶችን  የመስጠት ዓቅም የሚኖረውን ይህን ግዙፍ ሆስፒታል አጠናቆ ለታለመለት ተግባር  ይውል ዘንድ ሰፊ ስራዎች እየተሰሩ ይገኛል፡፡

423 የታካሚ አልጋዎች የሚኖሩትና ሁሉንም  የህክምና እንዲሁም ሌሎች አስፈላጊ ፋሲሊቲዎችን የያዙ 14 ብሎኮች  የሚኖሩት ይህ የኮልፌ መንዲዳ ሪፈራል ሆስፒታል  በከተማችን ያለውን የጤና ሽፋን ተደራሽነት በዕጅጉ ከማሳደጉም በላይ ከተማዋ የምታደርገውን የሕክምና ቱሪዝም መዳረሻነት ጉዞ በማፋጠን ረገድ የማይናቅ ድርሻ ይኖረዋል ተብሎ ይጠበቃል፡፡

የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት የካቲት 20/2015 ዓ/ም
በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg