ቢሮው በበጀት ዓመቱ የመጀመሪያው 6 ወራት 22 ፕሮጀክቶችን ማጠናቀቁ ተመላከተ፡፡

የአዲስ አበባ ዲዛይንና ግንባታ ስራዎች ቢሮ በበጀት ዓመቱ 6 ወራት በዕቅድ ይዞ ያከናወናቸውን ተግባራት ከሰራተኛው ጋር ገምግሟል፡፡

በቢሮው የኮንትራት አስተዳደር ዘርፍ ም/ቢሮ ኃላፊ ኢ/ር ዲሜጥሮስ ታደሰ በቀረበው በዚህ ሪፖርት ለ864 ስራ ተቋራጮች፣አማካሪዎች እና ባለሞያዎች በ15 የስርልጠና ርዕሶች ዙሪያ ስልጠና መሰጠቱንና ለ1632 ግብዓቶች የዋጋ ተከላ ጥያቄ ምላሽ መስጠት እንደተቻለ ቀርቧል፡፡

በተጨማሪም በማዕከልና በክፍለከተማ ለ125 ፕሮጀክቶች የአዋጪነት ጥናት መከናወኑ እንዲሁም የ175 ፕሮጀክቶች ዲዛይን ማዘጋጀት እንደተቻለ ተጠቅሷል፡፡

የመንግስት አገልግሎት መስጫ ተቋማት ግንባታን በተመለከተ በማዕከል ደረጃ 23 ግንባታዎች በዕቅዳቸው መሰረት ለማጠናቀቅ ታቅዶ 22 ግንባታዎችን ማጠናቀቅ እንደተቻለ በሪፖርቱ ተመላክቷል፡፡

በቢሮው ስር በሚገኘው የግንባታ ግብዓት ፍተሸ ማዕከል ከ 4,718 በላይ ናሙናዎች ፍተሻ የተደረገ ሲሆን በዚህም 1,055,985.00 ብር ገቢ ማስገባት እንደተቻለ ተመላክቷል፡፡

በማዕከል ደረጃ ከምህንድስና ግዢ እና የጨረታና ዉለታ ሰነድ ዝግጅት አንፃር ለ18 ፕሮጀክቶች የውለታ ሰነድ እንደተዘጋጀና ለ14 ፕሮጀክት ጨረታ የማውጣትና አሸናፊውን የመለየት እንዲሁም ማሕበራትን በዕጣ የመለየት ስራ መስራት እንደተቻለና ለ17 ፕሮጀክቶች የፋይናንሺያል ግምገማ ተደርጎ የፀደቀ ጨረታ ሰነድ ማዘጋጀት እንደተቻለ ተገልፇል.........

በፋና ብሮድካድት ኮርፖሬት ፋና ቴሌቪዥን ትኩረቱን በኮንስትራክሽን ላይ በማድረግ ለሚያስተላልፈው ''ውሀ ልክ'' የተሰኘው የቴሌቪዥን ፕሮግራሙ የአዲስ አበባ ዲዛይንና ግንባታ ስራዎች ቢሮ በባለቤትነት እያስገነባው የሚገኘውንና በአይነቱ ልዩ የሆነውን የትራፊክ መቆጣጠሪያ ማዕከል ግንባታ ሂደት የተመለከተ ፕሮግራም ለመስራት መረጃዎችን በማጠናቀር ላይ ይገኛል።

ፕሮጀክቱን በተመለከተ የቢሮው የኮንትራት አስተዳደር ቡድን መሪ የሆኑትና ፕሮጀክቱን የሚከታተሉት ኢ/ር ማዕረጉ ሰለሞን ለጋዜጠኞቹ ማብራሪያ በመስጠት ላይ ይገኛሉ።

ኮሙኒኬሽን ጉዳዮች ዳይሬክቶሬት የካቲት 13/2015ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/
https://t.me/AddisCityCon
https://twitter.com/AddisCity
https://www.youtube.com/channel/UCwuES6TQUZmVlUT8tazLHmg

ትኩረቱን በአቃቂ ኢንተርናሽናል ስታዲየም ግንባታ ሂደት ላይ ያደረገ የመስክ ምልከታ ተካሄደ፡፡

የአዲስ አበባ ዲዛይንና ግንባታ ስራዎች ቢሮ ኃላፊ ኢ/ር አያልነሽ ሐብተማርያም በአቃቂ ኢንተርናሽናል ስታዲየም በመገኘት የፕሮጀክቱን አፈፃፀም በመገምገም የቀጣይ የስራ አቅጣጫ አስቀምጠዋል፡፡

የስራ ተቋራጩ ባለድርሻዎች፣አማካሪ ድርጅቱ ፣የፕሮጀክቱ ስራ አስኪያጅ እና ሌሎችም የሚመለከታቸው አካላት በተገኙበት በዚህ የመስክ ምልከታ ላይ ከስራ ተቋራጩ ተነስቶ የነበረው የክፍያ ጥያቄ ምላሽ እንዲያገኝ ተደርጎ ጥያቄውን መፍታት ተችሏል፡፡

በመቀጠልም ፕሮጀክቱን ተዘዋውረው የተመለከቱት ቢሮ ኃላፊዋ የተጀመሩ ስራዎች በተያዘው ዕቅድ መሰረት እንዲከናወኑና ሌሎች በዚህ ሳምንት መጀመር ስለሚገባቸው ስራዎችና በዚህም መነሻነት ስለሚጠበቁ ውቴቶች አቅጣጫ እና የስራ መመሪያ አስቀምጠዋል፡፡

የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት የካቲት 13/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg

ቢሮው 27 ማሕበራትን የስራ ዕድል ተጠቃሚ አድርጓል፡፡

የአዲስ አበባ ዲዛይንና ግንባታ ስራዎች ቢሮ በ3ኘው ዙር የስራ ዕድል ፈጠራ መርኃ-ግብሩ 27 በጥቃቅንና አነስተኛ የተደራጁ ኢንተርፕራይዞችን ተጠቃሚ አድርጓል፡፡

በዛሬው ዕለት የዲዛይንና ግንባታ ስራዎች ቢሮ ከፍተኛ የስራ ኃላፊዎች፣የማሕበራቱ ተወካይ ኮሚቴዎች እንዲሁም ማሕበራቱ በተገኙበት በቢሮው በተከናወነው ዕጣ የማውጣት መርኃ-ግብር በአቃቂ ቃሊቲ ክፍለከተማ ለሚገነቡ 18 G+4 እና 9 G+0 ፕሮጀክቶች ኢንተርፕይዞችን የመደልደል ስራ ተሰርቷል፡፡

በስነስርዓቱ ላይ ተገኝተው የስራ መመሪያ ያስተላለፉት የቢሮው ኃላፊ ኢ/ር አያልነሽ ሐብተማርያም እንዳሉት ተቋሙ በበጀት ዓመቱ ሊሰራቸው በዕቅድ ከያዛቸው ፕሮጀክቶች ውስጥ ብዙ ዕጁን ለማህበራት እያስተላለፈ እንደሚገኝ ገልፀው ከዚህ ቀደም ከነበሩት ተሞክሮዎቹ ትምህርት በመውሰድ አሁን ላይ ምንም አይነት የወሰን ጥያቄ የሌለባቸው የግንባታ ቦታዎች መዘጋጀታቸውን በመጥቀስ ማሕበራቱ በነገው ዕለት ሳይት ተረክበው ወደስራ እንዲገቡና ሼዶቹን በ45ቀናት እንዲሁም ባለ አምስት ወለሎቹን ደግሞ በ4 ወራት በማጠናቀቅ ለርክክብ ዝግጁ እንዲያደረጉ ያሳሰቡ ሲሆን በዚህ ሂደት ውስጥ በሌብነት ላይ ተሳትፎ የሚገኝ ማሕበር ላይ ቢሮው የማያዳግም እርምጃ ይወስዳል ብለዋል፡፡

የኮሚዩኒኬሽን ጉዳዮች ዳይሬክቶሬት የካቲት 14/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡
https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg