ከንቲባ ወ/ሮ አዳነች አቤቤ በለሚ ኩራ ክ/ከተማ ሁለተኛውን መስቀል አደባባይ ማለትም የለሚ ፓርክ ግንባታን በዛሬው እለት በይፋ አስጀምረዋል፡፡


ብቸኛ የህዝብ አደባባይ የነበረውን የመስቀል አደባባይ የሚደግም ሁለተኛ ታላቅ ፕሮጀክት በ1.3 ቢሊዮን ብር በጀት በዛሬው እለት በለሚ ኩራ ክ/ከተማ በከንቲባ ወ/ሮ አዳነች አቤቤ አማካኝነት በይፋ ተጀምሯል፡፡


ከንቲባ ወ/ሮ አዳነች አቤቤ በዚሁ ወቅት እንደተናገሩት ውጪ ሃገር ያሉ ፕሮጀክቶችን ስንመለከት ለሃገራችን ብለን እንመኝ ነበር ያሉ ሲሆን ነገር ግን በመመኘት ውጤት አይመጣም በመስራት ነው እንጂ ብለዋል፡፡
ይህ ፕሮጀክት መሃል ከተማ ያሉ ብቻ ናቸው የሚዋቡ የሚለውን ምላሽ የሚሰጥ ነው ዳር ላሉ የከተማዋ አካባቢዎችም እንዲህ አይነት ስፍራ ያስፈልጋቸዋል ብለዋል፡፡


መስቀል አደባባይ በሚመረቅበት ወቅት ጠቅላይ ሚኒስትር ዐቢይ አህመድ ባስተላለፊት መልዕክት ተጨማሪ መስቀል አደባባዮች ለከተማዋ ያስፈልጓታል ብለው በተናገሩት መሰረት ቃላቸውን ፈፅመን ይህን ፕሮጀክት ዛሬ የመሰረት ድንጋይ እናስቀምጣን ብለዋል፡፡


ከንቲባ ወ/ሮ አዳነች ቦታው የተመረጠበት ዋነኛ ምክንያት አዲስ አፍሪካ አለም አቀፍ ኮንቬንሽን ማዕከል እዚህ አካባቢ እየተገነባ ያለ በመሆኑ ነውና አከባቢው ተጨማሪ አገልግሎቶችና ተያይዘው የሚመጡ ስፍራዎች የሚያስፈልጉት መሆኑንም አውስተዋል፡፡


በአሮጌ ወይም ባለፈበት አስተሳሰብ ከተማችን ልንቀይር አንችልም ያሉት ከንቲባ ወ/ሮ አዳነች አቤቤ ከዘመኑ ጋር የዘመነ አሰራርና አስተሳሰብ በመያዝ ነው መቀየር የሚቻለው በመሆኑም የግሉን ሴክተር በማሳተፍ የመንግስትን ክፍተት በመሙላት እና በአጭር ጊዜ ፕሮጀክቶች በማጠናቀቅ ነው ሲሉ ተናግረዋል….

በለያዩ ቦታዎች እየተከናወኑ የሚገኙ ጅምር ግንባታዎች የእንቅስቃሴ ለመገምገም የሚያስችል የመስክ ምልከታ ተደርጓል፡፡

የአዲስ አበባ ዲዛይንና ግንባታ ስራዎች ቢሮ ኃላፊ ኢ/ር አያልነሽ ሐብተማርያም በቅርቡ በጥቃቅንና አነስተኛ ለተደራጁ ኢንተርፕራይዞች የተሰጡ G+4 የመማሪያ ሕንፃዎችን፣ የጥቃቅንና አነስተኛ ልማት ኢንተርፕራይዝ ሼዶችን እንዲሁም በተለያዩ በጎ ፍቃደኛ ባለሀብቶች ወጪ እየተገነቡ የሚገኙ የጋራ መኖሪያ ቤቶችን የግንባታ ሂደት ለመገምገም ያለመ የመስክ ምልከታ አድርገዋል፡፡

ቢሮ ኃላፊዋ በምልከታቸው በለሚኩራ ክፍለከተማ ወረዳ 08 ሰሚት ፔፕሲ እየተባለ በሚጠራው አካባቢ በሆራ ትሬዲንግ ኃ/የተ/የግ/ማ ፋይናንስ አቅራቢነትና በዳዊት እምሩ ኮንስትራክሽን ድርጅት ስራ ተቋራጭነት በመገንባት ላይ የሚገኘውን ጨምሮ በአያት ሪልስቴት፣በአልሳም ሪልስቴት፣በአሰር ኮንስትራክሽን፣በጊፍት ሪልስቴት እንዲሁም በውሀና ፍሳሽ እየተገነቡ የሚገኙና ከ2 ወራት ባነሰ ጊዜ በልዩ አፈፃፀም ተገንብተው በመጠናቀቅ ላይ የሚገኙትን የጋራ መኖሪያ ቤቶችን ተመልክተዋል፡፡

ከዚህም በተጨማሪ ቢሮው በጥቃቅንና አነስተኛ ለተደራጁ ኢንተርፕራይዞች የስራ ትስስር ፈጥሮ ግንባታቸው በመጀመር ላይ የሚገኙትን በለሚኩራ ክፍለከተማ የሚገኙትን የጎዴ ትምህርት ቤት፣ወረዳ 04 የመጀመሪያ ደረጃ ትምህርት ቤት፣ወረዳ 04 ሁለተኛ ደረጃ ትምህርት ቤት፣ወረዳ 06 የመጀመሪያ ደረጃ ትምህርት ቤት የተመለከቱ ሲሆን የካ ወረዳ 10 ሳላይሽ የመጀመሪያ ደረጃ ትምህርት ቤት በተጨማሪም ኮልፌ ክፍለከተማ የሚገኘውን የህዳሴ የመጀመሪያ ደረጃ ትምህርትቤቶች ውስጥ የተጀመሩትን የ G+4 ሕንፃ ጅምር ስራዎች ተመልክተዋል....

ቢሮው ተግባራዊ ባደረገውና የስራ ዕድል ፈጠራ ተጠቃሚ በሆኑ ማሕበራት በአቃቂ ቃሊቲ ክፍለከተማ ወረዳ 13 ለሚገነባው የመስሪያ ቦታ ግንባታ የአፈር ቆረጣ እየተከናወነ ይገኛል፡፡

የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት ጥር 17/2015 ዓ/ም

በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg

የአቃቂ እህል መካዘን ፕሮጀክት የማጠናቀቂያ ስራዎች እየተሰሩ ይገኛል፡፡

በአቃቂ ቃሊቲ ክፍለከተማ ወረዳ 08 ልዩ ቦታው ባጃጅ ተራ እየተባለ በሚጠራው አካባቢ እየተገነባ የሚገኘው የእህል መካዘን ፕሮጀክት የአስፋልት ንጣፍ ስራን ጨምሮ ሌሎች የማጠናቀቂያ ስራዎች እየተሰሩለት ይገኛል፡፡

በ9183.5 ካሬ ሜትር ቦታ ላይ ያረፈው ፕሮጀክቱ ለመካዘን፣ለመሸጫ እና ለወፍጮ አገልግሎት የሚውሉ 4 የተለያዩ ብሎኮች ያሉት ሲሆን ከዚህም በተጨማሪ G+1 የቢሮ እና የካፍቴሪያ ሕንፃና ሌሎች አስፈላጊ መሰረተ ልማቶች ተሟልተውለታል፡፡

የአዲስ አበባ ዲዛይንና ግንባታ ስራዎች ቢሮ በባለቤትነት እያስገባው የሚገኘው ይህ ፕሮጀክት አሁን ላይ 98 በመቶ የአፈፃፀም ደረጃ ላይ የሚገኝ ሲሆን የአስፋልት ስራውን የማጠናቀቅ እንዲሁም የአጥር ኳርትዝ ስራ እና አንዳንድ የለቀማ ስራዎች በቀጣይ አምስት ቀናት ውስጥ ተከናውነው ለርክክብ ዝግጁ የማድረግ ስራ እንደሚሰራ ከቢሮው የኮንትራት አስተዳደር ዳይሬክቶሬት ያገኘነው መረጃ ያሳያል፡፡

ግንባታው ሲጠናቀቅም የአዲስ አበባ ከተማ አስተዳደር ንግድ ቢሮ ተረክቦ የሚያስተዳድረው ይሆናል፡፡

የአዲስ አበባ ዲዛይንና ግንባታ ስራዎች ቢሮ ኮሚዩኒኬሽን ጉዳዮች ዳይሬክቶሬት ጥር 18/2015 ዓ/ም
በቢሮው የሚወጡ አዳዲስ ጨረታዎችንና ሌሎች መረጃዎችን ለማግኘት የሚከተሉትን የቢሮውን ይፋዊ ገፆች ይከተሉ፡፡

https://www.facebook.com/AddisConstruction/

https://t.me/AddisCityCon

https://twitter.com/AddisCity

https://www.youtube.com/channel/UCwuES6TQUZmVlUT8tazLHmg