ادبیات سئونلر

کریم قربانزاده

ایتن کولگه لر رومانینا اوتری بیر باخیش.

بیزیم نثریمیز چوخ جانسیزدیر.
هله ده بارماق سایی اوخوماغا رومانیمیز یوخدور .
ارسطو مجرد بئله بیر فضالاردا فارس دیلینده اوخودوغو ویا ترکیه ، آذربایجان جمهوریسینده نشر اولان رومانلاردان ، ترجمه لردن تجروبه قازانیب بیرینجی لردندیرکی بوردا آنا دیلینده رومان یازماغی تجروبه ائله ییر.
طبیعی دیرکی ایشین اوولیند جناب مجردن موجیزه گوزلنمیر.
بونا گورده جناب مجردین هیممتی ویارتدیغی اثر آلقیشلارا لاییق دیر.
رومان ایگیرمی دوردونجو ایلرین فضاسیندا یارانان بویوک بیر تاریخی حادیثه دن فایدالانیب .
آذربایجانلی بیر عایله آرازین شمالی طرفیندن بوتایداکی قارداشلارینا یاردیم ائتمک اوچون کوچور.
او عایله نین صمد آدلی بیراوشاغی موغان کندلرینین بیرینده معللیم اولور ،چوخ آز زاماندا اوره ک ائویندن چالیشدیغی اوچون آنا دیلینده اویرنجی لیگینده یازیب اوخوماغا بویوک بیر ماراق یارادیر .اونلارلا یاخین بیر دوست کیمی ایلگی قورور ...
صمد بیر گئجه فرقه نین دوشمنلریله سیلاحلی آتیشمادا اسیر اولور کندین میدانیندا گولله له نیر ... بوراکیمی رومانا بیر گوز دولاندیرساق بو نتیجه نی آلاجاغیق کی بو صحنه لردن سونراکی کوچریلیگین اولوب اولماماغی رومانین قورولوشوندا وسونکو صحنه لرینده تاثیری یوخدور.
من رومانی بوتون خیردالیقلاریلا نقد ائلمک ایستمیرم .
یالنیز روماندا بغضی صحنه لری ،سس لری، بویالاری ، فضالاری و قادین کارکتر لرین آراشدیرا جام .
نییه کی رومانین گوزللیکی ،چکیمی ،صحنه لر ، سسلر ، حرکتلر ، بویالار، دیالوقلار کاراکترلر...و اونلارین آراسیندا اولان رییال باغلی لیقلاردیر.
کسینلیگله دئیه بیلریک ترجومه ایشینده بیزیم وطنیمزده به آذین چوخ گوجلو لردن بیریدیر به آذین دون آرام کیمی اثرلرین مترجمی دیر .
بونا باخمایاراق احمد شاملو دون آرامی یئنی دن ترجمه ائلییب.
شاملو یوزلر سس روماندا کشف ائلییب کی به آذین اوسسلری گورمه میشدیر و بیر چوخلو سسلری کی به آذین ترجمه سینده گتیرمیشدیر اونلاری عوض ائله ییب . بوسس لر ترجومه ده ائله گوجلودور ائله حئیران ائدیجی دیر کی شاملونون دون آرامیندان بیرسس جزوه سی استخراج ائلمک اولار .
بونثرده حتتا شعرده اولان سسلرین اونملی اولدوغونو گوستریر .
ایندی اگر سسلرین اونمینه روماندا دیر وئرسک و اوباخیشیلا ایتن کولگه لر رومانین آراشدیرساق گوره جه ییک سس لر عمومن ، خصوصیله رومانین اووللرینده غایب دیرلر .بونا اورنک .
رومانین باشلانیشیندا بئشینجی و آلتیجی صحیفه ده گئجه فرقه نین دوشمن لری کنده سیلاحلی یوروش ائلیب لر و سیلاحلی بیر آتیشما یوروش چولرله کندن دفاع ائدنلرین آراسیندا اولور ، امما گولله لرین گئجه نین باغرین یارماسیندان، وییلتی لاریندان، توفنگ لرین لوله لریندن گورونن ایشیق لاردان ، باریت قوخوسوندان ، دارتیشمانین های هویوندان هئچ خبر یوخدور. اونداکی بو سس لر بو صحنه لر یوخدولار اوخوجو جنگ حال هاواسینا گیرمیر ،سانکی گونده لیکده ده بیر راپور اوخویور ، دونن گئجه فلان کندده سیلاحلی آتیشما اولدو ،کندین معللیمی توتوقلاندی و اولدوردولر .
بئله بیر اورنک لری رومانین موختلیف بولوملریندن گوسترمک اولار .
کندین مکتبی روماندا اولان اونملی یئرلرین بیری دیر رومانین اوولیندن سونونا قدر اوندان سوز صوحبت کئچیر اونا موختلیف پلانلار قورولور کنده یوروش گتیرنلر گلمیشدیلر اورانی اودا چکسینلر 15اینجی صفخه ده " حسن بوزارمیش صیفتی ایله قیشیرماغا باشلادی او مکتب دئییلن فاحشه خانانی دا بو گئجه اود ووروب یاندیراجاییق ."بوندا کئچسک گئجه نین قارانلیعیندا بوزارمیش صیفت هاردان بللی اولدو آمما بوندان کئچمک اولماز کی
اوگئجه حسنین ده یازیچی نیندا یادیندان چیخیر مکتبی یاندیرسینلار آمما روماندا هر یئرده یانیق مکتبدن صحبت کئچیر.
دوردونجو بولومده 24دوردنجوصحیفه ده " سئوینج قارداشی و بیر نئچه دوستویلا یاندیریلمیش مکتبی گورمه یه گئتدیلر " حال بوکی مکتبی یاندیران اولماییب .سونرا هامان مکتبه وسیله گتیریلر ، تعمیر ائدیرلر ...مکتبین تعمیرصحنه لرینده ده سس لر باشقا یئرلر کیمی بللی دئیرلر ، طبیعی دیر کی ایش یئرینده بوچقو ، ککیج ، ایشله ینلرین یام یاراغینین سسی اولار. صحنه ده اولان ایش یام یاراقلاری ، یانیق ، سوکوک یئرلرین ...تصویری صحنه نی تشکیل وئریر تا اوخوجو صحنه نی تصور ائلیه بیلسین اوردا حاضیر اولسون، سانکی اوزوده گورور.امما او صحنه لرده کارکترلرین دیالوقوندا باشقا سس و تصویر یوخدور .

قادین کارکترلری ایتن کولگه لرده .

ایتن کولگه لرده ایکی قادنین اساسی رولو وار
شفیقه ، سئوینج.

دده قورقورد حماسه سینده قادینلار ائرکک لر له برابر جنگه گئدیرلر گوله شیرلر. بوتون ایشلرده حاضیردیرلر یا آذربایجان قاچاقلاریندا کوراوغلو و قاچق نبی نین داستان لاریندا نیگار و هجر اصلی قهرمانین کناریندا

202 views05:45