"دومان بختیاری"

سن یوخسان
دورنالار دا کؤچون چاتیب
دومانا بورونوب "خان پری" ده چینار آغاج‌لاری
سن یوخسان
پاییزلاییر گؤزو یاشلی کوچه لرده بنؤوشه‌لی بارماق‌لاریم
شَوه ساچ‌لاریندا آغ یئل اسیر
بو شهَرین
قوشمالاریندا بیر دنیز قیزی
تلَه سیر
سن,
یوخسان
یوخسان
یوخسان

https://t.me/Adabiyyatsevanlar

او سنی اونوتدو ، سن اونوتمادین

یاشا محبتیم یاشا اورییم

https://t.me/Adabiyyatsevanlar

Nothing Else Matters

لوس سیلواس

https://t.me/Adabiyyatsevanlar

طنز
بویوک آغا افندی

منه باخ سن بیر ذره ده قورخما
هئچ کیمسه نین ده سوزونه قولاق وئرمه ، آی قویماریق صادیر اولاسان ، بخشنامه ائله دیک ، بو هفته دن کیمسه سوغان صادیر ائله مه سین ، سوغان اوجوزلاشاجاق ...بو سوزلری بو قولاغیندان آل اوبیری قولاغیندان بوراخ گئتسین ،
کیمسه سنین قابیغینی دا یئییه بیلمز .
فقط سن اوزون آغالیق ائله ایگیرمی میندن اوسته گئتمه.
https://t.me/Adabiyyatsevanlar

قارمون

آپاردی سئللر سارامی

https://t.me/Adabiyyatsevanlar

"معصوم"

یئنه پیلک لی گئجه
اولدوزجوق لار ساتاشیردی بیربیرینه
قارا بولوت لار سانجیلانیردی اولدوزلارین گولمک سس لرینه
بیریسی آغ پالتارینی گئییب
آیین گؤروشونه تله سیر دی
آی
پاییزلی گونلرین
ایلک گونلرینده_
یولونی آزدی
اوراغین ایتیلدیردی
ایلک گئجه لری سون گئجه یه کیمی _
قارابولوت لاریله بوغا
پیچاق چکیردی آسمانین قارالمیش گونلرینه
سوموکلرینی دئشیردی
یار ویولونون
تئللرین چیغیردان کیمی
هیچقیراغا بوغوردو اوره یینی_
بیر قایغی چولقالاییردی تبریزین گؤم گؤی گؤیونو
اولدوزلار
سیزیم سیزیم
بیر ماهنی اوخودولار
بیر به بیر قاچیب گؤیون بوجاقلاریندا گیزلنیب_
قارا بولوتلار ال اله چاخدی لار
ایت لر اولایین جا داریشلیق کوچه میزده
تبریز آغلادی_
***
حئیوان جیل آغیزلار
توستو پوفله ییر شه هره
موغاببالار جانلانیر
ماتیکی دوداقلارینی کیم چئینه ییب
دئسن ها!؟
داها گؤزللیک چیله میرلر
بوزوشوک دریلر
ناغیلدا کی قاری آروادلاری آنیمساییر
هانسی پامبیقدان پرنسئسی
زهرلی آلما ایله
اؤلومه آلقیشلایاجاق؟!
پاییزین شیریق لاریندان
بولاشیجی خسته لیک
سوزولور
بزک لی مئوسیمه_
تانری دیدرگین اللرین
اوزالدیر
بیر چوروموش اوره یی دریب
درین بیر ذوق ایله یالاییر
مئوسیم
اؤلوم مئوسیمی
یئنه قارابولوتلار ال اله چاخیر
تبریز چیغیریر
شه هر گؤز یاشینا بوغولور_
گئجه یاریسی
اؤلوم پیچیلتیسی _
بیر مارش گل گئت ده...
هر نسنه ده اؤلوم سیمگه سی گؤزلریمی آزارلاییر
نه اولور منه بیر سالخیم اولدوز درین
باخین
سؤزجوک لر دن سانجی سوزولور
قان دامیر
دومان قوپور
آی توتولور
بیر یئنی شئعر گتیر
توپورسون چیرکین سؤزجوکلرین_
سئوگی دن اوزاق دوشموش اوزلرینه
نه اولور
منه رئال شئعرلرینده بیر سالخیم اولدوز قوپار _
محله نین گؤیوندن
قوی ایلک دفه قیزلار منی_
قیسقانسینلار!

https://t.me/Adabiyyatsevanlar

طنز

"زررین رزندی"

جندک ایییله طامی چوخ چوخ آجی

خلق باخاردی یئینه قیقاجی

ایندی اولوبدور سالادا باش تاجی

ووردو ساریمساق سنه تهمت سؤغان

اون بئشه دای قووزادی قیمت سوغان



دای فقرا سفره سین آتدین سوغان

اؤز باشینی باشلارا قاتدین سوغان

اؤلمییه سن،آرزووا چاتدین سوغان

تانری وئریب بختینه نصرت سوغان

اون بئشه دای قووزادی قیمت سوغان



صادر اولور ایندی قطر لبنانا

گلمه ییر ایراندا داها مئیدانا

یازمالییام واللاه آدین دیوانا

په آتوویلان،اولوب حضرت سوغان

اون بئشه دای قووزادی قیمت سوغان



بوش سله سین توللامیشام ایوانا

تاپسا کاسیب حتی اگر بیر دانا

وئرمه لیدیر موز یئرینه مهمانا

بو نه سعادت،ندیر عزت سوغان

اون بئشه دای قووزادی قیمت سوغان



ات تویوقون نرخی سالا ولوله

وای دویو وای،ناله سی گؤیلر ده له

تحریم ایله وئردی آخیر ال اله

یوخسولو قویدو یامان حسرت سوغان

اون بئشه دای قووزادی قیمت سوغان



قیمتی حددن آشا عرشه چیخاااا

انبه_موزا_نارگیله،قورشون سیخاااا

حققی دی بحرینده عربلر تیخا

پوللو یئیر دای سنی البت سوغان

اون بئشه دای قووزادی قیمت سوغان.


قیمتین آ رتیبدی،ووروبسان خالا

طعنه وورورسان ناباتا،شان بالا

قند دییه بیلمز،آ جی سان گئت دالا

وارلیلارین بزمینه زینت سوغان

اون بئشه دای قووزادی قیمت سوغان.

https://t.me/Adabiyyatsevanlar

طنز
افروز خانیم

"سوغان"

یئنه یالقیز بئلیمه غم‌ یوکونو چاتدی سوغان
بو چلیمسیز جانیمی لاپ آجی یا قاتدی سوغان

کیشی لر جانینی آلدی باهالیق تیرین آتیب
یانی بارماق باشینا ارکگی اویناتدی سوغان

قیمتی عرشه چیخیب نازیله باخدی قوهونا
بیزی سارسیتماق اوچون مقصدینه چاتدی سوغان

آجیلیقدا باهالاشدی ائلیمین وای گونونه
او گونش گونلریمیز هاردا گوءره ن باتدی سوغان

گوءر نه قیمت تاپیب "افروز" سوغانلار کی بوگون
شعرینه سوءزلرینه تپدی اوءزون؛قاتدی سوغان

چوخ قاباقلار سوغانین زهری اوچون آغلاردیم
باخ بوگون دوغروجا لاپدان منی آغلاتدی سوغان

رحم‌ قیل گل سنی تانری بو قده ر سینسیتمه
یاشاییش میللتیمه گوءر نئجه شاه مات دی سوغان

اومودوم وار بئله سینسین قدیرین بازاردا
دئیه لر رحمته گئتدی بیر کره یاتدی سوغان.

https://t.me/Adabiyyatsevanlar

کؤچورن:
مهسا_عبدلعلی زاده

بیر عنقا قوشوکیمی‌ آنا

یوزلرجه سویوق دمیر اوزومه چئوریلدی. یوزلرجه دمیر تتیک عئینی آندا گریلدی.
آنا، منی سؤیود آغاجی نین کؤلگه سینده ووردولار.
اؤپمه-یه قییامادیغین، دال* کیمی اوغلون یئره سریلدی...
سورو کیمی بیرر-بیرر چاققاللار اوستومه ...
اوست-اوسته دؤرد بیر یاندان، کؤکسومه، جییاریما...
آنا، منی بیر لئش کیمی یئییب تالان ائتدیلر‌. تشخیص ائدیلمه-م اوچون،
تیکه-می قویدولار اؤنونه...!
من بو آجیلار اؤلکه-سینین انسانا روا گؤرولن بوتون آجیلارینی تاتدیم.
آج یاتدیم. اکمه-ییمه توتون قاتدیم.
منی میلیون دفعه دؤیدولر اوست-اوسته!
من بو یولو، اؤزوم سئچدیم آنا...
گئجه لر تانیر منی، قان دامیر ایچریمدن منیم. آنا سن منی اونوت، قارانلیغین باغریندا.
قیرمیزی-لار اکه-رم، قارالار بیچه-رم من

سوچ*-اوستو یاخالاندیم، بؤلوشورکن قلبیمی...
سوچ اوستو کلبچه ایله یاردیلار بیله-ییمی...
آنا، من دیار-دیار، اومودون ساواشچیسی...
بیر چیمدیک سئوگی اوچون داغلادیم گؤزلریمی...
پرومئتوس' ایدیم زنجیره وورولارکن داغلاردا، جییاریمی قارتاللارا یئدیرتدیم.
اسپارتاکوس' ایدیم، کؤله-لیغی باغیرارکن، آرسلانلارا یئم اولدوم، توکه-ندیم.
کور‌ قویولارین دیبینده یوسوف' ایدیم
کربلا چؤلونده حوسئین،
زیندانلاردا جئم سولطان...
و 'مادیماک' دا اوتوز یئددی جان...
نئچه-نجی یوخ اولمام، نئچه-نجی وار اولمام بو؟!
تانریلاردان آتاش چالدیم یوز ایللرجه توتوشدوم، اوست-اوسته یاندیم.
بیر عنقا قوشو کیمی آنا، بیر عنقا قوشو کیمی؛
کندیمی کولومدن یاراتدیم...

#یوسوف_خیال_اوغلو
*دال: شاخه
*سوچ: گناه
پرومتئوس: تاریخ دن اؤنجه افسانه-وی انسان کیمی بیر وارلی نین آدی دیر.
اسپارتاکوس: روم لو بیر کؤله ایدی کی یوز ایل میلاد دان اؤنجه، کؤله-لیگی دایاندیرماق اوچون قیام ائتدی.

مادیماک: تورکیه نین سیواس شهرینده، مادیماک هؤتئلینده، ۳۳ علوی، پیر سلطان جشنینده، افراطی اسلامچیلار الی ایله اؤلدورونور و دؤرد نفر یارالانیر. بو جنایتین عامیلین، عزیز نسین 'ین او جشن ده حضور تاپماغی اعلام ائتدیلر.

https://t.me/Adabiyyatsevanlar

"ع . یالچین "

کیم قارغادی کیم اله دی
درد اَلم یاغان یاغیشی
بولودلارین امجه يیندن
بلالار ساغان یاغیشی

سويون دا زهر دادی وار
کین دادی قهر دادی وار
آچیلمازسحر دادی وار
دان یئرین بوغان یاغیشین

هورور آداما ایت کیمی
قاپیر کیشنه ين آت کیمی ساخلایین آفتامات *کیمی
سیرتیما سیخان یاغیشی




*آفتامات:سيلاح. اسلحه

https://t.me/Adabiyyatsevanlar

عاشیق چنگیز مهدی پور
اوخویور: عاشیق محبوب خلیلی

https://t.me/Adabiyyatsevanlar

پست موقت

🚘چند نکته ایمنی رانندگی در شرایط سیل
 
🔹در منطقه سیل زده رانندگی نکنید.
🔹اگر سیل اطراف خودروی شما فرا گرفت آن را رها کنید و به یک منطقه مرتفع بروید.
🔸در بیشتر خودروها ارتفاع ۱۵ سانتی متر آب می تواند به کف برسد و کنترل آن را مختل کند یا حتی خودرو را متوقف کند.
🔹خودرو و وسیله نقلیه، محل امنی در مقابل سیل نیست، اگر وسیله نقلیه شما (به علت فرو رفتن در آب یا گل) از حرکت ایستاد فورا آن را ترک کرده و به جای مرتفع بروید.
🔸در صورت بالا آمدن سطح آب، از توقف در منطقه آب گرفته به هر دلیل بپرهیزید.
🔹هنگام رانندگی مراقب شیب ها و پیچ های جاده باشید، با دنده سنگین حرکت کنید زیرا در این مواقع، ترمزها در آب به خوبی کار نمی کنند.

"ثریا خلیق خیاوی"

اویانیرام یانیرام

آدین آندیم اولوب،
اویانیرام، یانیرام.
یانیرام، اویانیرام.
کؤنلوم داریخیر
اوره یینین پامبیق دامارلارینا.

منی سندن آییریبلار،
حایاتی مندن.

ساعاتین اوره یی
دؤردده دایانیب،
سسیم سینیب،
اینجه شوشه لری تؤکولوب هاوانین چییینلرینه،
هاوا یارالانیب
قان قاناد آچیب
اوچوب، اوچوب...
اؤزومه قاییدیب
یاییلیب بوتون سنسیز چکدیییم نفسلره.

بیر گون ساعات دؤردده
ساعاتین اوره یینین یانیندا
منیم ده اوره ییم دایاناجاق
کئشگه
دؤرد دفه سنه
سئودییمی سؤیله سه یدیم

آدین آندیم اولوب
اویانیرام ، یانیرام
یانیرام ، اویانیرام....


https://t.me/Adabiyyatsevanlar

"اطلاعیه"

ائل گوجو سئل گوجودو

هموطنان عزیز امروز سیل مناطق وسیعی از کشورمان را فرا گرفته است فقط با کمک و یاری شما می توان از رنج و آلام بلا دیدگان کاست ادبیات سئونلر اهالی هنرو قلم ...معتمدین مردمی را بیاری سریع مناطق سیل زده فرا میخواند .

https://t.me/Adabiyyatsevanlar

پست موقت
🔹یاشیل سئونلر حیاتینیز عشقیله ،سئوینجیله دولو اولسون
🔸سایین کانالداشلارطبیعتی قورماق بیر وظیفه دیر .
🔸یاش بوداقلاری سیندیرمایاق.
🔸چیچک لر آغاجلاردا گوزلدیر.
🔸هریئرده اود یاندیرمایاق .
🔸ایشیمیز قورتولاندان سونرا اودون سونمه سینه امین اولاق .
🔸زیبیل لری طبعیت ده بوراخمایاق حتمن قایدان باش اولاری یغییب زیبیل قابلارینا بوشالداق.
🔸غذالاریمیزدان قوشلارا، پیشک لره ، ایت لره ...پای وئره ک .
🔸عزیز بالالاریمزی گوزدن قویمایاق یاشیل حیات سورمک قایدالارین اونلارا اویرده ک .
🔸دوزوملو اولاق سیقینال چالمایاق.
🔸چایلاردان اوزاق امن یئرلرده دوشویاق .
ایلدیریملی یئرلرده حتمن ال تلفونلاریمیزی سوندوره ک .
🔹ادبیات سئونلر سیزه حورمتلی عائیله نیزه گوزل بیرگون آرزو ائدیر.

https://t.me/Adabiyyatsevanlar

ادبی کؤرپو شعر درگی سی آلتینجی سای

https://t.me/Adabiyyatsevanlar

"معجز شبستری "

شبسترده

نه تار وار، نه کمانچه، نه دف شبسترده
اماندور ایلمه عمرون تلف شبسترده
نه یوز گولر، نه گونول شاد اولار، نه گوز روشن
سونوب چراغ سرور و شعف شبسترده
بیریسی ساققالا ایراد ائدر بیری بوغووا
هزار درده اولارسان هدف شبسترده
خدا نکرده باشیندا اگر اولا کاکل
یولار آخوند اونی مثل علف شبسترده
جهنم اهلی کیمی کارین آه و زار اولاجاق
بوغازیوا سالاجاق غم قنف شبسترده
عمودی آل اله، قوی طاس کلاهی باشوا چون
چکیب سپاه غم و غصه صف شبسترده
بئلیوه باغلا بره ک، هم یاتیرت دابانلارین
که ایستیسن اولاسان با شرف شبسترده
اونین که واردور الینده سلاح تکفیری
اولانماسان اونیله سن طرف شبسترده
مباد ایلیه سن اوست باشیوی خوشبو
که بیردی عطرله بوی کنف شبسترده
گره ک قبول ائده سن "معجزا" به خاطر خلق
آغا ذوغاله دییه گر صدف شبسترده

https://t.me/Adabiyyatsevanlar

میرزا علی اکبر طاهرزاده ( صابر)
نه ایشیم وار؟!

میلّت نئجه تاراج اوُلور ، اوُلسون ، نه ایشیم وار

دوشمنلره مؤحتاج اوُلور ، اوُلسون ، نه ایشیم وار


سَس سالما ، یاتانلار آییلار ، قوُی هله یاتسین

یاتمیشلاری ، راضی دئییلم ، کیمسه اوُیاتسین

تک تک آییلان وارسادا ، حقّ ، دادیما چاتسین

من سالیم اوُلوم ، جومله جهان باتسادا ، باتسین

میلّت نئجه تاراج اوُلور ، اوُلسون ، نه ایشیم وار

دوشمنلره مؤحتاج اوُلور ، اوُلسون ، نه ایشیم وار


سالما یادیما ، صؤحبتِ تاریخِ جهانی

ایام سَلفدن ، دئمه سؤز ، بیرده فیلانی

حال ایسه گتیر ، مئیل ائلیییم ، دوُلمانی ، نانی

موستقبیلی گؤرمک ، نه گه رک ، عؤمردو فانی

میلّت نئجه تاراج اوُلور ، اوُلسون ، نه ایشیم وار

دوشمنلره مؤحتاج اوُلور ، اوُلسون ، نه ایشیم وار


اوُلادِ وطن ، قوُی هله ، آواره دوُلانسین

چیرکابِ سفاهتله ، اَلی ، باشی ، بولانسین

دول عورت ایسه ، سائله اوُلسون ، اوُدا یانسین

آنجاق منیم ، آوازۀ شأنیم ، اوجالانسین

میلّت نئجه تاراج اوُلور ، اوُلسون ، نه ایشیم وار

دوشمنلره مؤحتاج اوُلور ، اوُلسون ، نه ایشیم وار


هر میلت ائِدیر ، صفوار
دونیادا ، ترقی

ائِیلر هره بیر ، منزیلِ مأواده ، ترقی

یوُرقان ، دؤشگیمده ، دوشه گر ، یاده ترقی

بیزده ، ائِده ریک ، عالمِ رؤیاده ، ترقی

میلّت نئجه تاراج اوُلور ، اوُلسون ، نه ایشیم وار

دوشمنلره مؤحتاج اوُلور ، اوُلسون ، نه ایشیم وار

https://t.me/Adabiyyatsevanlar

" موسی یعقوب "

طالعین قسمتی راست سالدی بیزی
یوْلوموز هارداسا قیریلاجاقسا
ایتیره‌جه‌ییک سه بیر - بیریمیزی
خاطره‌م یادیندا قالمایاجاقسا
بو اللر منیمکی اوْلمایاجاقسا
بو تئللر منیمکی اوْلمایاجاقسا
سن الله اؤزۆنه اؤیرتمه منی!
هجران قوْخوسویلا گؤینتمه منی!

من بیر آز باهارلی بوُداق کیمی‌یم
بیرآزدا ساده لوح اوُشاق کیمی‌یم
آنا بالاسینا قوْووُشان کیمی
لئيلک یوُواسینا یوْووُشان کیمی
آری گول چیچه‌گه اوُیوشان کیمی
اه منده آداما تئز قوْووُشانام!
سئوگی عالمینده تئز آلیشانام!
آما کی سؤنمه‌گیم چوخ چتین اولور
سئوگیدن دؤنمه گیم چوخ چتین اولور
اؤیرتمه اؤزونه اؤیرتمه منی

بلکه گؤزله‌میردیک بو خوش گؤروشو
یامان غریبه‌دیر دنیانین ایشی
هئچ واخت یوللاریندا دایانمادیغین
هئچ هنده‌ورینده دولانمادیغین
گلیب بیردن سنه نه تانیش اولور!
عؤمرونون ایچینده عؤمور دوغولور!
بو یاخینیم اوُزاق اولاجاق ایسه
بیر قسمت چیچه‌گیم سولاجاق ایسه
اؤیرتمه اؤزونه اؤیرتمه منی!

کؤنلومده یئرین وار قوپماز یئریندن
بیر ائكيز لچه‌یی ، هاچا بوداغی
آییرماق اولمورسا بیری- بیریندن
بیزی ده آییرماق چتین دیر آخی!
اؤیرتمه اؤزونه ،اؤیرتمه منی؛

یوخ بونا طاقتیم یوخ بونا تابيم!
الینی الیمدن اوزمک عذابیم
سونرا بو عذابا دؤزمک عذابیم!
هانسی کی کؤنلومون سینیقلیغی وار
هجرانین کؤز باسميش یانیقلاری وار
منیم دردلریمین آیاقلاری وار
هاردا اولسا گلیب تاپاجاق منی!
یاخیب یانديراجاق بو اوجاق منی!
گل منی اؤزونه اؤیرتمه بئله!
الیمی الینه اؤیرتمه بئله!
اۆزومو اۆزونه اؤیرتمه بئله!...



https://t.me/Adabiyyatsevanlar

مصاحبه مهم و فوري خليل بحران در مورد ١٣ بدر

https://t.me/Adabiyyatsevanlar

Siir sokakta: اوستام


https://t.me/Adabiyyatsevanlar