آنا جان دور گئده ک چایا من آتیلیم باختیم آچیل سین
گلن ایل چرشنبییه گلین گولو باشیما ساچیل سین ...
اردبیللی وطن داشلاریمیز هر ایلین آخیر چر شنبه سین بالیقلی چایا گئدلر سودان آتیلیب خوش نیت لر ، خوش آرزولار ائدلر .
خوش گونلر سیزین اولسون .

https://t.me/Adabiyyatsevanlar

طنز
بویوک آغا افندی
منیم بایراملیغیم
رحمتلیک گوهر خالام هرایل بایرام گونو دئیردی : هله تویوقوموز یومورتلاماییب بالامسان گئت بیرساعاتدان گل تویوق یومورتلاسین وئرجم سنه .
گون اورتادان قاباق ایکی اوچ یول باش چکردیم خالام دئیردی : هله تویوق یومورتلاماییب گئت آخشام باشی گل یومورتلاسا وئرجم سنه .
آخشام اوستو
گئدردیم یومورتامی آلام خالام دئیردی : عسگرین قارنی دلینسین قویمور یومورتا تویوغون گوتوندن یئره دوشسون ائوی تیکیلمیش یومورتانی بیشیریب یئیب .خالاجانی گلن ایل سنه ایکی یومورتا وئرجیم . ایندی تویوقدا ، عسگرده ، گوهرخالادا رحمته گئدیب لر آمما منیم اووجوم هله ده بایرامیلق یومورتاسینا سئوینیر...

https://t.me/Adabiyyatsevanlar

بایرام طنزی
کریم‌قربانزاده

https://t.me/Adabiyyatsevanlar

بایرام

ذوالفقار کمالی

ای تازه ایلین تازه گونون سوقتی بایرام
ای خلقیمیزین بیر .بیرینه حرمتی بایرام

علم ایله وورون کارگرین دوز تپه سیندن
زهلم گئدیر او کتدیلرین ناله سسیندن
بایرام ائده رم هرگؤنو من پول هوسیدن
پول دور کیشینین حرمتی .حورریتی بایرام
ای تازه ایلین تازه گونون سوقتی بایرام


چوخ.چوخ دئمه قیش گئتدی گلین نوباهار اولدو
باغلاندی بوتون کارخانا هاممی بئکار اولدو
آغزیمدا شیرین سؤز دولانیب زهر مار اولدو
یوخسول کیشینین هاردان اولار غیرتی بایرام
ای تازه ایلین تازه گونون سوقتی بایرام


سو .برق.گازین قبضی قالیب طاقچادا چوخدان
سالمیش بو یازیق میلتی یوخسوللوق ایاقدان
آیلیقچی یئییب آیلیغی بیر آی دا قاباقدان
هاردان آلاجاق بایرام اوچون رغبتی بایرام
ای تازه ایلین تازه گونون سوقتی بایرام


کؤینک .تومانی یوخ فقرانین به جهنم
وار دولتی یوخدور بو گدانین به جهنم
لطفی نظری یوخدو آغانین به جهنم
سن سیخما باری منگنه ده میلتی بایرام
ای تازه ایلین تازه گونون سوقتی بایرام

شوق ایله سنی هر تزه ایل یاد ائده ریک بیز
کؤینک تومان اوستونده ده فریاد ائده ریک بیز
چون تازه ایلی کوهنه دن آزاد ائده ریک بیز
هر ایل گئتیرر سن تازا بیر آفتی بایرام
ای تازه ایلین تازه گونون سوقتی بایرام

هر ایل بیزه بیر عادتی احسان ائله یردین
هر بیر ایشی احسان ایله آسان ائله یردین
چون کار.کاسیبی تابع فرمان ائله یردین
اولمازدی قدیم بیر نفرین جورعتی بایرام
ای تازه ایلین تازه گونون سوقتی بایرام

قوودوق شاهی دا شاه قولودا اولدو فراری
ایندی هر ایشین وار اؤزونون قایدا قراری
چیخسین جانی تندن کاسیبین یوخدو چیخاری
بیر تازه ( ژن) ایستیر کی اولا غیرتی بایرام
ای تازه ایلین تازه گونون سوقتی بایرام

هر یئرده اگر اولسا علوم ایله معارف
وار اوردا یقین عارفین اوغلو اؤزو عارف
هم اوغرودو هم اگری دی لیکن متعارف
ایجاد ائله ییب صنعت آرا. سنتی بایرام
ای تازه ایلین تازه گونون سوقتی بایرام

معناسینا باخما هر ایشین اصلی یالاندی
علم ایله دانیشدی یالانی خلق ایناندی
میلت نه بیلیر دوزخ همان باغ جیناندی
آخماخ کیشینین جنت اولار قسمتی بایرام
ای تازه ایلین تازه گونون سوقتی بایرام

بیر فاتح دوران دا ائده ر فتح فراتی
ایسرائیلی .سورییه نی لبنانی هراتی
افلاکه اوجالدار او یمن دن صلواتی
چاتماز صلواته آتومون قدرتی بایرام
ای تازه ایلین تازه گونون سوقتی بایرام

اوغرو تالادی مملکتی چاپد ی جهنم
نفتی. گازی هر زهرماری ساتدی جهنم
بو ذوالفقاری آخ نئجه آلداتدی جهنم
تحمیل ائله مه سن اونا هر ذیللتی بایرام
ای تازه ایلین تازه گونون سوقتی بایرام

https://t.me/Adabiyyatsevanlar

زکیه ذولفقاری
جمعه بازار
بایرام حامامی
بایراما ایکی هفته قالاندان، آنام دوشموشدو ائو, ائشین جانینا ائوده اینه‌دن دیرناغا‌،هرزادی یوووب سه ریردی .حیط ده شریط لر, پالتار , دامدا دووار پارپالاز گتیریمیشدی . بیر قاریش بوش یئر یوخدو . بوگون سحر صبح اذانیندان قاباق سور اصرافیل شیپوروینان یوخدان آیلدیم گوزلریمی اوغا, اوغا آنام زورونان پالتارلاریمی سوخورد اینیمه, تئز , تئز دئیردی تئزاولون جماعات گلمه میش گئد ک حاماما. تئز گیره ک چیخاخ .اوندیقه دن صونرا اوچ باجیم بیر من هرمیزین الینده آغ گولوبوخچا آنامین دالینجا شامین اسیرلری کیمی حاما گئدیردیک .آلاقارانلیق دا حاماما یئتیشدیک .بیزدن قاباق قوم اشقیا حامامی فتح ائلمیشدیلر.اینه سالماغا یئر یوخدو , هئچ بیلمیردیک هاردا سویوناق . آلاه خدیجه خالانین ایشین راست گتیرسین نم هاردان تاپیلدی بیزی آپاردی اوزکومودونا سویوندوردو. روستم یوخودان دورمامیش بیز ایکینجی خانی گئچدیک .حامامدا گوز ,گوزو گورموردو, هریاندان بوغ قالخیردی .جیغان ویغان سسی آزقالیردی قولاقلاری کار ائلسین . نومره لرین حامیسی دولوایدی هر بیر طرفده شیرین جانینان اللشیردی , بیری ساچین یووردی , کیمسه لیف لنیردی , من هرزامان تعمیر خانانین ایندن اوریم بولانردی , بیرده دلک سورتوب قورتارینجا جانیم چیخاردی . نامردین قیزی سورتمه زدیر کی , قووارا چکیردی قدیم آروادلار دئیه ردیلر دری یئدی قات اولار, بیز دلگین الیندن قورتارندا زور,زوراکی ایکی قاتیمیز قالاری, سونرا .بئش آلتی ال باشیمیزی مراغا صابینی ایله صابینلاردی . هردم ده ساچلاری آرالایب بارماغین چکردی تپه‌نین ترکینه، خارچیلدی سس گلمسه یدی گینه صابینلا دوشردی باشیمیزین جانینا.آخیرده ده بیر الده شامپو پاوینن کی قارداشیم تبریزدن گتیرمیشدی باشیمیزی شامپولاردی بیزده بتر شامپوموزا پوز وئردیک .من قورویوب قالمیش دیم نومره لرین قاباغیندا آنامین سسینه اوزومه گلدیم قیز به لیفین هانی ؟ لیف یادیمدان چیخیب کومودا قالمیشدیم .قایدیم لیفی گتیرمه یه, اورتا یاشلی دلک بیر آروادی اولوکیمی اوزاتمیش قبیر داشی کیمی بیر داشین اوستونه سورتورد, هئچ بیلمه دیم نواخت آیاغیمی قویدوم دلگین صابینین اوستونه. بیر آن ایاقلاریم یئردن اوزولدو.گئدیم گویه تپم اوسته دیدیم یئر . باشیمدان قان آخیردی آنام اوزون یئتیرینجه آروادلار منی یئردن قوزادیلار .آنام بتر قوخموشدو . دلک آناما دئدی تئزاولون قاچین تعمیر خاندا ایشین مشقفیه گتیرین تولوکو ن باشینا قانی بند آلسین .هئچ بیلمه دیم مشقفیه کیم ایشه دی, منیم یوخ , یوخ ایستمیرم های بیدریغیما باخان اولمادی, یاریم مشقفه سودویو آخیرتدیلار باشیما . هله ده شورا دای باش گوزومدن گئتمیب, بیر ایکی دیقه چکمه دن دلگین دواسی ایشین گورموشدو . باشیمین قان بند آلدی.او گون بئل بوخونومون آغریسیندان , باشیمین یاراسیندا هئچ بیلمه دیم نم نه ته هر منی یویوندوروب بایرام حامیندان چیخاتدیلار , ایندی ده کی قیرخ ایل اوستوندن گئچیر من دلک , مشقفه , بایرام حامامی ائشیدنده باغریم چاتلار .

https://t.me/Adabiyyatsevanlar

"زررین رزندی"

جیبلری بوش،خیرتده یی نالان کیشی

حالی قولای،گؤزلری گریان کیشی

هند جگر خواره آلیر جان کیشی

چوخ چکیسن محنت دوران کیشی

ظولمه دؤزه ن جانینا قربان کیشی



چیرپینیسان بیرجه سوموکسن دری

هئی آلیرسان رژلا ریمل روسری

بسله ییب آرواد دا اؤکوز پئیسری

ژل پروتزله قیزی جئیران کیشی

ظولمه دؤزه ن جانینا قربان کیشی



عائله دن دیلت اکانت اولموسان

یارانه سایتیندا ادانت اولموسان

اداره ده اسیر رانت اولموسان

آرواد ائدیب دنیانی زیندان کیشی

ظولمه دؤزه ن جانینا قربان کیشی



گونده گلیر قاینانا مهمان اهوووووووو

صف چکیلیر لشکر نسوان اهووووووو

پیشدی آشین همده فسنجان اهووووو

دست به سینه تابع فرمان کیشی

ظولمه دؤزه ن جانینا قربان کیشی



سؤیله یه جک،ییغما بو اؤباشلاری

خان باجینی،عمه نی،قارداشلاری

گر دییه سن،باشینا دوشوب داشلاری

تئز دئیه جکدیر،قوساسان قان کیشی

ظولمه دؤزه ن جانینا قربان کیشی



بورنووو نازیله اوغار،وای سنه

خرج لرین آلتیندا بوغار،وای سنه

وای سنه اوغلان دوغار،ای وای سنه

تاپمالیسان اولسادا هاردان کیشی

ظولمه دؤزه ن جانینا قربان کیشی.


https://t.me/Adabiyyatsevanlar

بایرام عمی
سوز :زامان پاشازاده
سس:سالارموغانلی

https://t.me/Adabiyyatsevanlar

گل ای سحر
اوخویور : پولاد بولبول اوغلو

https://t.me/Adabiyyatsevanlar

بایرامدا هامی رقصه گلیر
بوتون میلت لرین رقص لری گوزلدیر

https://t.me/Adabiyyatsevanlar

ادبیات سئونلر قوروپونون اوزل کلیپی یئنی ایل مناسیبتینه .

https://t.me/Adabiyyatsevanlar

سایین کانالداشلار
نوروز بایرامینیز موبارک اولسون .

https://t.me/Adabiyyatsevanlar

نوروز بایرامیز مبارک🌹🌹🌹
گروه موسیقی آذربایجانی پارلا ضمن تبریک حلول سال نو و آرزوی سلامتی و خوشبختی برای تمام هموطنان در سال ۱۳۹۸، بانوان دوستدار فرهنگ و هنر آذربایجان را به دیدن کنسرت بهاره خود دعوت می نماید.
خواننده و سرپرست گروه: ماریا یزدانی
سرپرست حرکات: فاطمه محمدی

جمعه ۶ اردیبهشت ۹۸
ساعت۱۴
تالار وحدت تهران
خرید آنلاین بلیط:
iranconcert.com

روابط عمومی و هماهنگی:
۰۹۱۲۶۳۴۱۱۹۰

#ماریا_یزدانی #کنسرت #کنسرت_جدید #کنسرت_تهران #کنسرت_ایران #کنسرت_بانوان #کنسرت_زنده #تالار #تالار_وحدت #تالار_وحدت_تهران #موسیقی_آذربایجانی #موسیقی_آذری #تبریز #رقص #فاطمه_محمدی#ایماژ #آذربایجانی #آذری #تهران #concert #iranconcert



@studio.imaj
@mariayazdani22
@fatimohammadi
@gl.mirzazadeh
@nima.anhari
@hasankhojaste
@khojasteh_music_school
@barbad_piano
@jalildidevar
@iranconcertofficial
@panahi_film
@behrad.sarebanan
@sevda.h.pv

https://t.me/Adabiyyatsevanlar

گَل باهار خانیم
سوز:سحر خیاوی
سس:پریساحیدری(گونش)
سس و موسیقی قورولوشو:اصغر علی‌نژاد

https://t.me/Adabiyyatsevanlar

چال ، چال اویناسین ....

سایین کانالداشلاریمیزا چیچکلی باهار
آیدین گله جک آرزو ائدیریک .
نوروز بایرامینیز موبارک اولسون .
https://t.me/Adabiyyatsevanlar

اوشاق ادبیاتی
گوزل باللار بیلدینیز کیمی پنجشنبه گونلری ادبیات سئونلر کانالیندا اوشاق ادبیاتینا عایدیر بوگون نوروز بایرامینین بیرینجی گونو اولدوغونا گوره بو ایشی گوره بیلمدیک آنجاق اصلینده بایرام سیزیندیر .
عزیز اوشاقلار بایرامینیز موبارک اولسون

"روزبه صمدی"

بایرام سوفراسی

.........


اوشاقلار آی اوشاقلار
دیلیمده خوش خبروار

خبر بودور ، یاز گلیر
دورنا گلیر ، قاز گلیر

حاضیرلیاق یئددی« سین »
دوزک بایرام سفره سین

سو ، سمنی ، ساریمسـاق
سیرکه، سونبول ، دوز قویاق

گوزگو ، قرآن ، بیر بالیق
ایشیقـلانسین اورتالیق

سیکّه قویاق سوفرایا
سوماق گلسین اورتایا

اولسون سوفرامیز تمام
بایرام اولسون والسلام

https://t.me/Adabiyyatsevanlar

ائلیمیزین ، وطنیمیزین گوزل بالا لاری
نوروز بایرامینیز موبارک اولسون .


https://t.me/Adabiyyatsevanlar