ادبیات سئونلر

آخیر چرشنبه و نوروزبایرامینا عاید عادت عنعنه لر

https://t.me/Adabiyyatsevanlar

410 viewsedited 09:46

@volkan22.TORPAQ CERSENBESI HAQQINDA QISA MELUMAT

@volkan22
توپراق چرشنبه سی ایله سون چرشنبه حاققیندا قیسسا معلومات

https://t.me/Adabiyyatsevanlar

369 views12:12

"دومان بختیاری"

غم کدری اوتا آتدیم
چرشنبه نین آلاوووندا
سئوینجیمی ائله قاتدیم
چرشنبه نین آلاوووندا

آلاوودا بیر ائلی گوردوم
کؤز ایچینده گولو گوردوم
قیوریم قیوریم تئلی گوردوم
چرشنبه نین آلاوووندا

دنیزلره جومان کیمی
سحر داغدا دومان کیمی
دولدوم شعره اومان کیمی
چرشنبه نین آلاوووندا

اومود ایلا اوتدان کئچدیم
چرشنبه نین سویون ایچدیم
قارانلیقدا ایشیق سئچدیم
چرشنبه نین آلاوووندا

یانا یانا چیخدیم باشا
آرزولاریم داشا داشا
دومان دئدیم آزاد یاشا
چرشنبه نین آلاوووندا

"دومان بختیاری"

ایلین سونونجو اوْد گۆنو(چرشنبه گونو) اینانجا گؤره یئر اوْیانیر، توْرپاق نفس آلیر. بۇ گۆن خالق آراسین‌دا «یئر گونو»، «ایلین آخیر چرشنبه» و یا «توْرپاق چرشنبه‌سی» آدلانیر.
دئمه لی توْرپاق آرتیق اکینه حاضر اوْلور وَ اوْنا توْخوم سپمک اوْلار.
ایندییه قدر سۇ، اوْد، یئل گون‌لری آرخادا قالیب وَ بو گون ( یئر گونو)، آخشامی سئوینجله کئچیریله‌جک.

بۇ بایرام آذربایجان خالقینین تاریخی کؤکۆ ایله باغلی اوْلدغون‌دان عادت-عنعنه‌لرله زنگین‌دیر وَ بو موناسیبتله آچیلان سۆفره ده فرق‌لی‌دیر.
بالیق پلوْو ، پاخلاوا، شکر چؤریی ، کیشمیش، پۆسته، بادام، بوْیانمیش یۇمورتالار سوۆفره‌لری بزه‌مه‌لی‌دیر.
چرشنبه‌لرده اۇلدوغو کیمی، آخشامین‌دا دا تونقال(اوْد) قالانیر، ائوین اوْتاقلاریندا عائله عضولرینین هر بیرینین آدینا شام یاندیریلیر.

🔵بۇ گۆنۆن ان گؤزل عنعنه لریندن بیری پای آپارماق وَ آهیل لارا ٬یوْخسۇل لارا ٬دردلی لره ٬یاسلی لارا باش وۇرماق دیر
💜آداخلی پایی ( قیزلار کی آداخلانیب وَ توْی اوْلمامیش دیر بَی اوْنا پای آپارار)
❤️گلین پایی (قیزلارکی ائولنیب لر اوْنچۇن آتا لار ٬آنالار٬ قارداشلار و بؤیۆک باجیلار پای آپارار)
💙یوخسول پایی(وار لی لار یوْخسۇل لارا پای وئرلر)
💛یاسلی پایی(یاخین لارین دان بیری سی اؤلن اوْلسا تانیشلاری پای آپاریب اوْنلاری یاسدان چیخاردار)
💚آنا پایی – آتا پایی(اۇغول قیزلار قوْجا آتا٬ آنلارینا پای آپارارلار)

بو گئجه نییت ائدیب قۇلاق فالینا دۇرارلار.
پاپاق آتما دا شال آسلامالادا قدیم عادتلرین‌ده‌دیر.
ائو ییه‌سی پاپاغا بایرام سووقاتی ییغاراق اونو قاپییا قوْیور
بو گۆنلر دؤرد چرشنبه لر عنعنه سی بیر یئره گلمیش و بۆتون چرشنبه لر دب لری (سۇ٬اوْد٬یئل وَ توْرپاق) هامیسی یئر گۆنۆنه توْپلانمیش دیر
یئر گۆنۆمۆز وَ چرشنبه بایرامیمیز مۆبارک اوْلسون

https://t.me/Adabiyyatsevanlar