"مریم_پاییزی"

گؤزلريمدن آخان سئوگى نيسگيلين
بوکورم دستمالا، كيمسه گؤرمه‌سين
كسديرميشم ساچلاريمى گئدندن
اؤزگه الی ساچلاریمی هؤرمه‌سین

اوره‌ییمدن دویغولاری سیلمیشم؛
داشا دؤنوب گؤزلریمده باخیشیم
سؤزجوک_سؤزجوک یاراتدیغیم دونیادان
نیفرت قالیب، ایتیب سئوگی ناخیشیم

یئر ا‌یله خز‌لین اؤپوشمه‌سی‌یَم
پاییز وورموش یارپاقلاردان آسیلی
بیر ایچیم سئوگییه تامارزی قالان
بوشدان دولو قوجاقلاردان، آسیلی

گؤیلرین گؤزونده دایانمایان غم
دردلری هؤنکورن غملی یاغیشام
بیر عؤمور گلمه‌ین بیرین، گؤزله‌ین
یوللارا تیکیلن نملی باخیشام

اونودولدوم آمما اونودولمادین
دیلیمه گلمه‌ین دیلکدن سوروش!
نه قدر اوزاقسان، او قَدَر یاخین
کؤکسومده چیرپینان اورکدن سوروش...!

https://t.me/Adabiyyatsevanlar

آیریلماز
او تاییندا قالیبدی



ازل گوندن اوره گیمین یاریسی.
خان آرازین او تاییندا قالیبدی.
هونریمین موسیقیمین تانریسی.
خان آرازین اوتاییندا قالیبدی.


گولشه نیمین بنوشه سی لالاسی.
آنا دوغما وطنیمین بالاسی.
صداقتین محببتین قالاسی.
خان آرازین اوتاییندا قالیبدی.

دده قورقود یادگاری قوپوزو.
علسگرین یازدیعلاری حاق سؤزو.
آل گونشی نورلو آیی اولدوزو.
خان آرازین او تاییندا قالیبدی.


حایاتیمین اوره گیمین نیازی.
عالیم موغاماتی عالیم آوازی.
عدالت بایراغی عدالت سازی.
خان آرازین او تاییندا قالیبدی.


جئيران كيمين آذربايجان گؤزه لی.
صابیر آدلی شاعیر سؤزو مزه لی.
وورغونون قوشماسی واحد غزه لی.
خان آرازین او تاییندا قالیبدی.


هابیل علی اوفو گؤزل كامانی.
بختییار تک حاققی بیلیب قانانی.
بهمن کیمین ائل اودونا يانانی.
خان آرازین او تاییندا قالیبدی.


کؤنول كيمی اوخویانی بیله نی.
زلیمخان تک آغلار گؤزو سيله نی.
ائل غمينده آغلايانی اؤله نی.
خان آزازین او تاییندا قالیبدی.


جاوانشیرین جاویدانین امه گی.
بابکیمین قانا باتمیش بیله گی.
آیریلمازین بوتون آرزی دیله گی.
خان آرازین او ناییندا قالیبدی.

https://t.me/Adabiyyatsevanlar

بایراما عاید کنایه لر


دلی یه هرگون بایرامدی!
سیز جه بو نه دئمک دیر ؟
https://t.me/Adabiyyatsevanlar

"معجز_شبیستری"

سنی تانری بایرام خانیم
راضی اولما من اوتانیم
بایرامدا یوخدو تومانیم
گئت تبریزه گلمه بیزه

من ده یوخ حوصله بایرام
الیم بوشدور هله ، بایرام
شیل اولاسان بئله بایرام
گئت تبریزه گلمه بیزه

بایرام ، اگر گلسن بیزه
بیر شال گتیر قارا قیزا
گتیرمه سن گئت تبریزه
گلمه بیزه گلمه بیزه

گلسن بیزه آقام جانی
باشین یاررام آخار قانی
اوغلانین یوخدو تومانی
گئت تبریزه گلمه بیزه

گؤرسن آخیر چرشنبه نی
سؤیله اینجیتمه سین منی
پیلووون یوخ یاغی دنی
گئت تبریزه گلمه بیزه

ساققیزی سالمیشام انگه
اوغلان گتدی منی تنگه
پول یوخدو وئره م فیشنگه
گئت تبریزه گلمه بیزه

بایرام واللاه یوخدور ناریم
یاری گؤرمه یه آپاریم
نار وئرمه سم کوسر یاریم
گئت تبریزه گلمه بیزه

وارلی یئییر یاغلی چیلوو
یوخسول چکیر غصه خینوو
بیزده یوخدور خوروز پیلوو
گئت تبریزه گلمه بیزه

یوخسول مین درده توش اولار
مئی ایچمه دن سرخوش اولار
تبریز حالواسی خوش اولار
گئت تبریزه گلمه بیزه



https://t.me/Adabiyyatsevanlar

سن بیزیم بایرامیمیزسان قیشی یاز ائیله میسن...

یاز شعری

باهار گلدی خوش گلدی
رحمتلیک اوستاد غلامرضا مجدفر
باهار گلیر


هاوالار قیزدی، نیاز اولمادی کورکه - کرییه
واخت- او واخت اولدو کی داغلاردا کی قارلار ارییه

ساغمال حئیوانلاری داشقین سودایله یایدی چوبان
 گتیریر ساغماغا آخشام چاغی، کنده، برییه

شاققاشاق بوُزلار اریر، سئل- سوُ توُتوب کؤشنیمی
     لای‌با‌لای دالغالانیب، آخدی، سوُ دولدو درییه

قورخما، حئیوان نه قدر دوشگون اولا، اؤلمیه‌جک
   یازگلیر، آغزی چاتار یونجایا، گؤم- گؤی ترییه

شن باهار، چؤل باییر، هر یئر دولو دوُر نعمت ایله
    چوْخ یئییب، پارتلاییر حیئوان، دا سیغیشمیر درییه

نازایله گؤلده اوزور یاشماغی یاشیل صونالار
   ناز ائدیر اؤردگه قاز، شیشدی خوروزدا فرییه

مادمازل چوخ دئمه،ائششک قوُدورار، سونجوق آتار
   چیخاری یوخدو، یاراشماز بوُ لقب کور زرییه

بوُ پری، چوخ دا حیجابه، دینه پابند دئییل
   داز باشین اؤرتمه یه، محکم بورونوب روسرییه

یادا ساللام او شیرین عصری، جاوانلیق چاغینی
   کیم قویاردی او زامان، فرق، آغ ایله قرییه

ذوق شوقیله، نه عشقیله گئدردیک جمعه لر
    قلّه‌یه، حکم آوارا، شاه‌گؤلونه، سردرییه

پهلوان تک چالیشیب بیلمز ایدیک خسته‌لییی
   دؤشه‌نردیک نئجه آج قوُرد کیمی بیز، بال کرییه

سورا باغلاردا دَرردیک قانالاردان اوزومو
   کیم باخاردی آغاج اوستونده قیزارمیش ارییه

خوش گزیب، خوش یاشادیق، گلمزیدی فیکریمیزه
دوُر صفحه آلتی ساعات، سنگک ایله بربرییه

سلقه سهمان بیزیم ائولرده داریخدیردی منی
   جارونو بوکمه‌میش آرواد، اَل آتیر مرمرییه

بایرام آخشامی اوُشاق تک من اونو توولامیشام
   قورخورام عکس اولا ایشلر، او حقیری سرییه۱

https://t.me/Adabiyyatsevanlar

بایرام و بایراملیق
[یاز بایرامی]
جستاری در بازشناسی عید نوروز
میرعلی سیداوف
کؤچورن: یالچین تورکای
نشر نخبگان
#بایرام
انسانین اراده‌سینه قارشی دوران اونو آجلیغا سورکله‌ین ائله طبیعتین اؤزو ایدی. دئمه‌لی، طبیعتده باش وئرن طبیعی اولایلار- حادثه‌لر، هله طبیعتدن چوخ آسیلی اولان انسان اوچون دوست و دوشمن اولموشدور.
انسانی دویوزدوران، ایسیندیرن، سرینله‌دن طبیعی حادثه‌لر [یاخشی] (دوست)، بونون عکسینه اولانلار ایسه [یامان-پیس]، (دوشمن) ساییلمیشدیر. انسانا دولاناجاق اوچون امکان یارادان یازین گلیشینه، آغاجلارین بار وئرمه سینه، گونشین- ایستی‌نین سویوغو قووماسینا [دوست]، شاختایا، آمانسیز قوراقلیغا و باشقا بو کیمی اولایلارا- حادثه‌لره، [دوشمن] کیمب باخمیشلار. طبیعتده کی آیری- آیری سجیه‌لی عکس‌لیکلری انسان دویموش و بو عکس‌لیکلر اونون شعوروندا یارادیلیشی درک ائتمکده، انسانلاری بیر- بیرینه مناسبتینده و بونون دورلو- دورلو شکیل‌لرده کی تظاهر فورمالاریندا- میفیک، فلسفی، بدیعی تفکرده، اجتماعی شعوروندا، معیشتین بیر سیرا ساحه‌لرینده، ایستر طبیعی، ایستر جمعیت حادثه‌لرینی آیدینلاشدیرماقدا دا ایکیلی مناسبت اؤزونو گؤستریردی...

یاشماق

Mohamadi:
کنسرت موسیقی آذربایجانی گروه پارلا
(ویژه بانوان)
خواننده و سرپرست گروه: ماریا یزدانی
سرپرست و طراح حرکات: فاطمه محمدی

جمعه ۶ اردیبهشت ۹۸
ساعت۱۴
تالار وحدت تهران
شروع بلیط فروشی از ساعت ۱۴ فردا ۲۷ اسفند
خرید آنلاین بلیط:
iranconcert.com

روابط عمومی و هماهنگی:
۰۹۱۲۶۳۴۱۱۹۰

شروع بلیت فروشی از ساعت ۱۴
دوشنبه ۲۷ اسفند

#ماریا_یزدانی #کنسرت #کنسرت_جدید #کنسرت_تهران #کنسرت_ایران #کنسرت_بانوان #کنسرت_زنده #تالار #تالار_وحدت #تالار_وحدت_تهران #موسیقی_آذربایجانی #موسیقی_آذری #تبریز #رقص #ایماژ #آذربایجانی #آذری #تهران #concert #iranconcert


@studio.imaj
@mariayazdani22
@fatimohammadi
@gl.mirzazadeh
@nima.anhari
@hasankhojaste
@khojasteh_music_school
@barbad_piano
@jalildidevar
@iranconcertofficial
@matin.panahi


https://t.me/Adabiyyatsevanlar

میرم به صحرا ...
https://t.me/Adabiyyatsevanlar

"منیژه جم نژاد"

نوروز

بیر آلما، بیر گولوش، بیرده بنوشه
آچیلسین سوفرالار، چوخالسین نئشه
وارلیق لار اوستوندور یوخا همشه
ال‌لر بوش اولسادا نوروز گوزلدی

ننه‌لر سئوگی‌نی پای وئرسین یئنه
بابالار ناغیل‌لار سویله‌سین دئنه
سندن بیر گولوش‌ده کیفایت منه
ال‌لر بوش اولسادا نوروز گوزلدی

گوزونو تیکمه‌سین قارا تورپاغا
اوتانقاج باخماسین گلن قوناغا
یاشیل‌لیق ساریلسین قورو بوداغا
ال‌لر بوش اولسادا نوروز گوزلدی


https://t.me/Adabiyyatsevanlar

آتا جان ...

https://t.me/Adabiyyatsevanlar

چهارگاه
اوخویور:عالیم قاسم او

https://t.me/Adabiyyatsevanlar

سرکار خانم ثریا خلیق تبریک با بهترین آرزوها .


✅افتخار آفرینی یار دیرینه ادبیات سئونلر

برگزیدگان جشنواره بین المللی پروین اعتصامی معرفی شدند.

💥 در این جشنواره ثریا خلیق خیاوی از مشکین شهر ، رتبه اول شعر فارسی را به خود اختصاص داد.
جشنواره بین المللی پروین اعتصامی به مدت دو روز 24 و 25 اسفند ، با حضور جمعی از ادبا و پژوهشگران از ایران و چند کشور خارجی از جمله ترکیه ، جمهوری آذربایجان ، پاکستان ، و...در سالن مجتمع رفاهی پتروشیمی تبریز برگزار و به نفرات برگزیده این جشنواره از سوی هیات داوران ، تندیس ، لوح تقدیر و جایزه نقدی اهدا شد.
💥 در بخش شعرفارسی ثریا خلیق خیاوی از مشکین شهر رتبه اول، رضا نیکوکار و قاسم بای به ترتیب به رتبه های دوم و سوم دست یافتند.
https://t.me/Adabiyyatsevanlar

تبریک لر، اوغورلار.
تانینمیش شاعیر یازیچی ادبیات سئونلر قوروپونون ایستکلی اویه سی خانیم " ثریا خلیق خیاوی "پروین اعتصامی آدینا قورولان بین الخالق فستیوالیندا فارسی شعر بولومونده بیرینجی اودولو قازاندی .
بو فستیوال ایران ، ترکیه ،جمهوری آذربایجان ، پاکستانین ... ادبیاتچیلارینین آراشدیریجیلارینین، ایشتراکی ایله تبریزشهرینین پتروشیمی زالیندا کئچدی
ادبیات سئونلر بو اوغورو اوره ک ائویندن خانیم ثریاخلیق خیاوی یه تبریک دئییب یئنی نائلیت لر آرزو ائدیر .

https://t.me/Adabiyyatsevanlar

جمعه بازار
هر ائوه بیر کیتاب بایرامیلق وئره ک یقینن باهار تئز گلر،و چیچک لر دها گوزل آچار.

https://t.me/Adabiyyatsevanlar

آذربایجان‌رقص لری

https://t.me/Adabiyyatsevanlar

آخیر چرشنبه نیز سیز سئون اولسون .

عاشیق علسگر

چرشنبه گونونده، چشمه باشیندا

گوزوم بیر آلا گوز خانیما دوشدو

آتدی موٍژگان اوخون، کئچدی سینه مدن

قاداسی، بالاسی جانیما دوشدو.

ایشارت ائیله دیم، دردیمی بیلدی

هم چوخ گؤزل ایدی، هم اهلی دیلدی

باشینی بولادی، گؤزوندن گولدو.

گولنده قاداسی جانیما دوشدو.

علسگرم هر علمدن حالییام

دئدیم سن طبیبسن, من یارالییام.

دئدی نیشانلییام، اؤزگه مالییام

سیندی قول- قانادیم یانیما دوشدو.

https://t.me/Adabiyyatsevanlar

ذکیه ذولفقاری

https://t.me/Adabiyyatsevanlar

ذکیه ذولفقاری
نوروز بایرامین آخشامی، مردده.
مرندده چوخ گؤزل رسملردن بیریده بایرام آخشامی ائولی قیزلارا، آتاسی و قارداشی ائوینده "پای" یوللاماقدی.
بایرام آخشامی ائولرین چوخوندا بایرام پیلوو پیشیرماق هیجانیلا یاناشی" پایلاری" حاضیر ائتمک تلاشلاری اؤزل بیر دوروم یارالدار. "پای این آیریلمار و واجیب پارچاسی، چرشنبه یئمیشی و بایرام پلوودور. آنا یاخود قارداش خانیمی قیزلارا ، نوه لر ودامادلارینا آلان هدیه نی گؤزل بیر مژمئیه قویار . چرشنبه یئمیشیله پلووو بزیب سلقه‌یله اونون یانیندا دوزب ، سونرا هامیسینی بیرآغ گوللو بوخچایا باغلار. حتما ده بوخجا آل اولمالیدی.
ایللر اؤنجه ماشین ائولرده آزاراق اولاردی والبته یولاردا یاخین. بایرام آخشامی گون باتاندان سونرا، خیاوانلارو کوچه لرده گؤزل منظره لر یاراناردی. هر ائودن آتالار، جاوان اوغلانلار، قارداش بالالاری اللرینده گوللو آغ بوخچا چیخیب قیزلارین، بیبی‌لرین ائولرینه یولاناردیلار.
بو "پای" قیزلارا چوخ مقدس و تبرریک بیر شئی اولار. قارداش یا آتا نین ألینده آغ بوغچا قیزین ائوینه گلمک، خوش یمن وچوخ سئویندیریجی اولار. البته قیزدا بوخجانی بوش قایتارماز .هرکس گوجو نه‌یه چاتسا، همان او بوخجایا قویوب گؤندرر.
البته زامان زامان پایلاردا، دییشیکلر اولوب وچوخ واختلار پیلو حذف اولور. آنجاق چرشنبه یئمیشی، شیرنی و بایراملیق "پای"ین آیریلماز پارچالارینداندیر.
من اوتوز ایلدن چوخدو بو گؤزل رسمی یئرینه یئتیرم و اوچ دانا خانیم بالدیزلاریما ایفتخارلا آغ بوخجادا سئوه سئوه "پای" گؤندرم.
سیزنده "پای" یزچوخ اولسون.پای گتیرینلریز ساغ اولسون.
بایرامینیز موبارک.

https://t.me/Adabiyyatsevanlar

اوستا عَلَم، علم 😂

✍افروز خانیم

دئییرلر اسکی زامانلار بیر درزی(خیاط)واریمیش.بو درزی موشتریلرین پارچاسیندان اوغورلاییب.اونلارا قیسا و دار دودوک پالتار تیکرمیش.بونون بیر شاگیردی واریمیش.بیر گون دئییر:اوستا من سنه اوگود وئرمک مقامیندا دگیلم،امما تانریدان قورخ،اوغرولوق یاخشی ایش دئییل.
اوستانین اوره یی ساده اوره کلی شاگیردینین سوزوندن هووشنه یه دوشَر.آخشام یوخودا او دونیانی گوءرر.
گوءرر بونون الینه بیر عَلَم وئریبلر.بو عَلَمه بوتون اوغورلادیغی پارچالار باغلانیب.بونو الینده عَلَم جهنمه سورویورلر.
تَر باسیب هراسان یوخودان دورار.شاگیردی دییَر نه اولوب اوستام؟! بو نه حال دیر؟!
اوستا دییَر:"آختارما اوغول".اوندان یوخوسون شاگیرده تعریفله یَر.دییَر:"بوندان بئله هاواخت کی گوردون من اوغرولوق ائلیرم.دئنَن:" اوستا عَلَم، عَلَم،عَلَم".یوخوم یادیما دوشسون اوغرولوق ائله مه ییم.
بو حیکایه نی دئمک دن قصدیم بویودو کی افروزخانیم کی من اولام،ائله بیرآز یاز هاواسی کیمی دلی دولویام.ائله تئز جوشوب داشارام.امما بونا اینانمایین،ائله او تئزلیکده ده آرام اولارام.بیتَر هر شئی.اوره گیمده هئچ کَدَر، هئچ کین کدورت قالماز.بیر یئددی بویالی گوءی قورشاغی یارانار اوره ییمین گویونده،فاطما ننه لر اوستونده زویوشقان گئدرلر.
اسکی ایلده دوستلارینان اوزوم ایسته مه دن بیر داوا-دالاشیم اولوبسا اَیَر منی باغیشلاسینلار.حقّیم بویونلاریندا واردیسادا او حاققی من باغیشلاییرام.دئییب لر باغیش بویوکلر طرفدن گرک اولار(یاش لحاظدان دئدیم).یئرده قالمیش ناراحاتلیغیم دا اولسا بو آخشام چرشنبه اودوندا یاندیراجاغام اوءز جانیم اوچون.ایسته میرم بو ایل هئچ کین-کدورت قلبیمده قالسین.چونکو بو فانی دونیادا بیر قیرانا دَیمَز.
یالنیز ایل اوزونو ایشدی بیرده جوشوب داشسام، دئیین:"اوستا عَلَم،عَلَم عَلَم".منیم یادیما دوشسون داها ساواشماییم ننه قوربان.
من دن ائشیدیرسیز دونیادا هئچ بیر شئیین،هئچ بیر شئیین عرض ائله دیم او ارزیشی یوخدو سیزین ساکینلیک و آرامشینیزی الینیزدن آلا.
چرشنبه بایرامینیز،قوتلو،موتلو و برکتلی اولسون.قلبلرینیز سئوینج و سئوگیله دولسون منیم عزیزلریم.سیزه ساغلام، اومود،ایشیق و اوغور دولو ایل آرزولاییرام.اوپورم هامینیزی.

https://t.me/Adabiyyatsevanlar

معجز _شبستری 1252 - 1313

ایلاهی ایلدیریم گؤندر
جهالت پرده سین یاندیر
قارانلیقدا قالیبدیر خلق
بو دونیانی ایشیقلاندیر...

https://t.me/Adabiyyatsevanlar

طنز
"بویوک آغا افندی"

آجیل نامه و بیزیم آغا جانین قانونلاری
ادبیات سئونلره ،عزیز وطنداشلاریمیزا یئنی ایل موبارک اولسون دئییه تقدیم ائدیریک .👇👇

https://t.me/Adabiyyatsevanlar