🌼 ١٣٩٨-جی گونش ایلینین تورکجه ایل‌سایاری یاییملاندی. ☘️


ایل‌سایار ١٣ صفحه‌ و ٧ ورقدن عبارتدیر.
فوتولار: «بردیا سعادت» (آذربایجان‌ طبیعتیندن)
تاسارلایان: مهدی میمندی

قیمت: ١۵٠٠٠ تومن
یوخاری سایدا ساتیش، ائندیریمله اولاجاقدیر.


🔶 آذرتوران و نباتی نشریاتی
آدرس: تبریز، امام خیاوانی، طالقانی اوچ‌یولونا قالمیش، شهریار تجارت بناسی، آلت قات، پلاک ۴۶
تلفن: ٠۴١٣۵۵۴٧۵١٠
https://t.me/Adabiyyatsevanlar

احمد رستم اوغلو

مارکزین او بیری رومانلاری کیمی بو رومانی‌‌دا چوخ اوخومالی‌دیر، سیزی ساغ‌ اولون ، بو گوُزل رومانی یادیمیزا سالدیز

کلمبیادا ۱۹۴۵ دن سونرالار ایللر بویو ایچ‌ساواش ( جنگ داخلی) اولوب ، بو رومانین ( سرهنگه هئچ کیم مکتوب یازمیر) قهرمانی اولان سرهنگ او ساواشلاردا اولوب، نظامی دیکتاتورلوق نتیجه‌سینده اوغلو دا اوُلدورولوب ( رومانین اوللرینده بیر آدام اوُلور، دئییر بو بیرینجی آدام‌دیرکی بو نئچه ایلده اوُز اجلی‌ ایله اوُلوب، دئمک ایسته‌ییر : ایللر بویو انسانلار اوُلمه‌ییب‌لر، اوُلدورولوبلر)

بو اوُلدورولن اوغلوندان بیر خوروز قالیب، بونون ایکی یوُنو وار : بیرینجی‌سی: خوروز اوغلونون یادگاری‌دیر، معنوی ده‌یری وار

ایکینجیسی: خوروزو ساتیب پولا چئویرمک یا کسیب یئمک اولار

اوغلونون خاطره‌سی دئیه‌نده، یعنی دیکتاتورلوقلا مبارزه ائتمک، آجلیق، کاسیبلیق اوزوندن تسلیم اولماماق.

خوروزو ساتسا، ائله‌بیل منلییین‌ده ساتاجاق، اومودو اوزوله‌جک

سرهنگین خانیمی ایکینجی فیکری تمثیل ائدیر ،( ساتیب آجلیقدان قورتارمالی‌‌ییق دئیه)

بو قونو انسانلا آلتین ایلیشگیسی کیمی‌دیر

بیرینجی باخیش‌دا قیزیلین ده‌یری پوللا اوُلچوله بیلمز

و ایکینجی باخیش‌دا : قیزیل بیر ایشه یارایان مئتال‌دیر

بو ایکی فرقلی دوشونجه سرهنگ و خانیمی آراسیندا گل گئتده‌دی

https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar

اوشاق ادبیاتی هر هفته پنجشبه گونو
تکم چی لر یازین گلمسین خبر وئردیلر.

https://t.me/Adabiyyatsevanlar

اوشاق شعری


زهره زاهد

آنالار

سلام اولسون سیزلره
سوت وئریبسیز بیزلره

زحمتیمیز چوخویموش
خبریمیز یوخویموش

چوخلو منه سؤز دئدین
قاچما بالا دؤز دئدین

اولمادی کی قاچمادیم
سؤزه قولاق آسمادیم

قوربانام گؤزلرینه
معنالی سؤزلرینه

یوخدور اوزوم اوزونه
بیر باخام من گؤزونه

کاشکی قادان من آلام
کؤنلونه شادلیق سالام

آنا زحمتیلریله
چکن محنتیلریله

گول آچدی اللریمیز
بیرلشدی ائللریمیز

https://t.me/Adabiyyatsevanlar

اوشاق ادبیاتی

https://t.me/Adabiyyatsevanlar

اوشاق ادبیاتی
"سحر خیاوی "

"قلبیمیزی ده توءکک"

آزجا قالیر بایراما
آنام ائو ایشینده دیر
هر آخشام چکیر نقشه
تمیزلیک پئشینده دیر

آز قالیر یووا بیر گون
بوتون دیواری دامی
دئییر:تک اللی اولماز
گرک ایشله سین هامی

من‌ دئییرم: نه یاخچی
قلبیمیزی ده توءکک
کوسمک، ساواش یئرینه
باریشیق گولو اکگ

مندیل اله گوتوروب
سیلک پاسالاقلاری
چکیب کوکدن چیخارداق
نانجیب آلاقلاری

هئچ اوشاق آج اولماسین
آغلاماسین بو بایرام
ساواشلار سوسدورولسون
قاییتسین یاشاما تام

سونرا دئیه ک سس سَسه
آتیل- ماتیل چرشنبه
آینا کیمی آیدین اول
بختیم آچیل چرشنبه

بولاق آخسین قلبیمیز
جوجرسین گول چیچک لر
قوناق گلسین بیزلره
ایپک قاناد مَلَک لر

گونش ساچسین قلبیمیز
ایچینده بایرام اولسون
اینسان سئور دویغولار
بیزلره ایلهام اولسون

https://t.me/Adabiyyatsevanlar

اوشاق ادبیاتی
ناغیل

تیق تیق خانیم
https://t.me/Adabiyyatsevanlar

اوشاق ادبیاتی

"زاهید خلیل "

قارغالارین دوستلوغو

ایکی قارا قارغا چمنلیکده دنله نیردی .اونلارین یانینا بیر آلا قارغا قوندو .

آلا قارغا دئدی:

- گلین ,دوست اولاق .

قارا قارغالار سئوینجدن قاریلداشدیلار.

بیردن چمنلییه ایری بیر چؤرک پارچاسی دوشدو. آلا قارغا چؤریی گؤتوروب باشقا بیر چمنلییه اوچدو.او , چؤریی یئییب قورتاراندان سونرا دوستلارینین یانینا قاییتدی.

قارا قارغالار داها قاریلداشمادیلار.



آیی و آرمود

مئشده هایقیرتی ائشیدیلدی .

- اوووو, - آااا.

قالین یارپاقلارین آراسیندا گیزله نن آرمود قورخودان تیتردی:

- آیی منیم ایییمی آلیب. بو ساعات آغاجا دیرماشاجاق.

بیردن آغلاماغا اوخشایان زاریلتی ائشیدیلدی:

- اوییی .

آرمود فیکیرله شدی:

- قارانلیقدا آیاغینین آلتینی گؤرمه ییب .کیرپینین ایینه لری پنجه سینه باتیب .

سونرا ساکیت بیر اوغولتو سسی گلدی:

- اوغغغ .

- آها ,آغاجا دیرماشیب .

- اوغغغ .

- بیرینجی بوداغی کئچدی.

- اوغغغ .

- ایکینجییه دیرماشدی .

آرمودون ایله شدییی نازیک بوداق ترپه ندی. آیی بوداغی اؤزونه طرف چکدی.

آرمود بیر آنلیق آشاغی بویلاندی .کیرپینین اونا باخان گؤزلری هیجانلا پاریلداییردی. داها گؤزله مک اولمازدی. ایکیجه ثانیه‌ ده کئچسه یدی, هر شئی قورتاراجاقدی .

آرمود ساپلاغیندان اوزولدو. او قارانلیقدا بالاجا اولدوز کیمی اوچدو . کیرپینین ایینه لری اونو ائله گؤیدجه توتدو . آیی نعره چکدی .

- اوغغغ .

آیی سرعتله آشاغی دوشمیه باشلادی. آمّا گئج ایدی. کیرپی کوللوغون آراسیندا گیزلنه بیلمیشدی .


https://t.me/Adabiyyatsevanlar

✅✅✅ بیلدیریش
سایین قوروپداشلارو عزیز کانالداشلار،

تخصصوصی وئرلیش لریمیز اسفند آیی نین ایگیرمی بئشیندن فروردین آیی نین اون بئشینه قدر اوستادلاریمیزا قیسا بیر ایستراحت اولسون دئییه تعطیل اولاجاق.
عزیز دوسلاریمیزدان رجا ائدیریک فولکولور را بیر فورصت یارادماق اوچون آخیر چهارشنبه ، بایراما، سیزده ... عاید عادت عنعنه لری اولدوغوزیئر دن بیزه گوندرین نئیه کی عادت عنعنه لریمیزی قورماق بیزیم هر تک تکیمیزین ائله وطنه بورجوموزدور .

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا

آیدین باخیش

« خوروز»
دان آچاندا ایشیم وار
گؤزل دوروشوغوم وار
ایشیم خالقی اویاتماق
دورون دای بسدی یاتماق
یاخشی- پیسی آنلارام
سحر آخشام بانلارام
تمیزم گَلمز ایییم
واردی تاجیم پیپییم
دؤیوشمکده اَلیم وار
قیرمیزی سَققَلیم وار
کؤینه‌ییم لَلک توکو
منیم دوشمنیم تولکو
اویاغام گئجه- گوندوز
منیم آدیم‌دیر «خوروز» https://t.me/Adabiyyatsevanlar

زنگان شاعیرلرینین تانیتیمی ادبیات سئونلر قوروپوندا
بو گئجه :97/12/23
ساعات : 21/30
اوزمان : اوستادمحمدرضا باغبان کریمی

https://t.me/Adabiyyatsevanlar