✅✅✅سایین قوروپداشلار
بو گئجه: 97/12/14
ساعات: 21/30
ادبیات سئونلر قوروپوندا جومله قورولوشو حاقیندا آراشدیرمالار اولاجاق .
اوزمان : اوستاد منصور مظلومی جنابلاری اولاجاقلار.
https://t.me/Adabiyyatsevanlar

"سحر_خیاوی"

گل باهار خانیم...🌿🌱🌿

گلیرسن یاغیشلا،اوزون گون له سن
یاشیل اتگینده بیزه پای گتیر
گوزونده قیزدیران بیر پارلاق گونَش
تئلینده سایریشان اولدوز،آی گتیر

دیکسیندیر تورپاغی ناردَنَلنسین
نعمت لر یئر اوسته قوی سره لَنسین
ائلیمین باشینا روزی اَلَنسین
یاری یوخ ائلیمه سن تامای گتیر

گَل بَزه چیچَک له آرانی،باغی
سئوینجدن آغلاسین ووقارلی داغی
قوی تومورجوقلاسین یاتان بوداغی
گول له سئویشمگه بیر سونای گتیر


یادیندان چیخماسین مین قوجاق آرزی
گوزوموز یاشلی دیر،اوره ک تامارزی
یازگینان بو ایله یاشیل بیر یازی
یورغون چیگین لره بیر هومای گتیر

ائله زومزومه سال،نیسگیلی یانسین
سورگون دوشسون دردی بیزدن اوسانسین
اوره کدن بیر گولک غملر اوتانسین
قول-قولا،ال اله بیر هالای* گتیر

یاشین سیل ائلیمین گول یارپاغیلا
آجی دیر آغیزی نیسگیل،آغیلا
یایلا قول بویون گَل،قارپوز تاغیلا
آردینجا بول اللی،بیزه یای گتیر

آماندیر،ایشیقلیق بیرده باریشیق
توتوبدو دونیانی یامان قارانلیق
قوزغونون تویودو آلاتورانلیق
دونیایا نه دئییم نینای نای گتیر


بیر الده دوز چورک،بیر الده گولوش
اورکده سئویشمک،دوداقدا اوپوش
کابوسسیز بیر یاشام،دینج،بویالی دوش
هر نه گوزللیک وار،اونا تای گتیر

*هالای:دسته جمعی یاللی رقصی

https://t.me/Adabiyyatsevanlar

"خان_صنم"

اینتیظار

دوراغین ساعاتی بئشی گؤسته ریر
حله بئش یاریما نئچه ایل قالیر!
بو جانسیز ساعاتین ایشینه باخ سن
بیر سورو جانلی دان نئجه جان آلیر

گؤزله مک اینسانین نفسین کسیر
آسیلی بویونو ایپ کسن کیمی
اینتیظار جانیمدان ائله کام آلیر
ماجال دا وئرمیر کی ایچم چاییمی

هایاندا قالدی بس بو قاطار آللاه؟!
سؤیله نه_سؤیله نه، ایچینی یئییر
یولونو گؤزله ییر عسگر اوغلونون
باغرینا باسدیغی او شکیل دئییر

هایاندا قالدی بسـ...بو هاراساندیر
بوغلارین چئینه ییب أللرین اوْوور
سئوگی دولو گؤزلریله آمانسیز
آمانا یول سورن ساعاتی قوْوور

هایاندا قالدی بس بو قاطار....منم
بو سفر منم کـیـ......گلدی ، گلدی، گلــ...
ایزدیحام ایچینده ها بویلانیرام
نه بیر تانیش دوشور نه قالخیر بیر أل

یئنه ده گلمه دین، گلمه یه جک سن
أح، بو کؤینه یین ده یاخاسی داردی!!!
اومودومون قالان سون پارچاسین دا
قاطاردان سون دوشن آدام آپاردی

آداملار،هیجان،دوراق،چای،ماسا
بو سایاق باشیما فیرلانیردی یئر
بیری: "چایینیزی داغیلتدیم ، باغیشـ..."
منیم دونیام ایدی داغیلدی بوش وئر!

https://t.me/Adabiyyatsevanlar

اود چرشنبه سی موبارک
اود چرشنبه سیله باغلی اطرافلی معلومات
@volkan22

https://t.me/Adabiyyatsevanlar

✅✅✅سایین قوروپداشلار
بو گئجه: 97/12/14
ساعات: 21/30
ادبیات سئونلر قوروپوندا جومله قورولوشو حاقیندا آراشدیرمالار اولاجاق .
اوزمان : اوستاد منصور مظلومی جنابلاری اولاجاقلار.

https://t.me/Adabiyyatsevanlar

جمله قورولوشو 97/12/14
اوزمان : اوستاد منصور مظلومی

https://t.me/Adabiyyatsevanlar

جمله قورولوشو 97/12/14
اوزمان : اوستاد منصور مظلومی

https://t.me/Adabiyyatsevanlar

جمله قورولوشو 97/12/14
اوزمان : اوستاد منصور مظلومی

https://t.me/Adabiyyatsevanlar

جمله قورولوشو 97/12/14
اوزمان : اوستاد منصور مظلومی

https://t.me/Adabiyyatsevanlar

جمله قورولوشو 97/12/14
اوزمان : اوستاد منصور مظلومی

https://t.me/Adabiyyatsevanlar

اوخویور : حاجی بابا حسین اوف


https://t.me/Adabiyyatsevanlar

ادبیات سئونلر عائیله سیندن خبرلر
سس جاندیر آلبومی تانینمیش شاعیر ، یازیچی و دیکلاماتور " بهروزصدیق " جنابلاریندان ایشیق اوزو گوردو
ادبیات سئونلر بهروز صدیق جنابلارینا تبریک لردئییب ائلیمیزی بو انودولماز سسین دینله مه ینه دعوت ائدیریک .

https://t.me/Adabiyyatsevanlar

ادبیات سئونلر عائیله سیندن خبرلر

تبریک لر اوغورلار( بهزاد بیات فرد جنابلارینا )
تانینمیش شاعیر ، یازیچی و دیکلاماتور بهزادبیات‌فرد جنابلاری
زنگانین ۱۰نجی‌‌
شعروناغیل‌فستیوالی نین
تورکجه‌کلاسیک‌ شعیر بؤلومونده
بیرنجی‌اودولو‌ قازاندی .ادبیات سئونلر اوره ک ائوینده ادبیات سئونلرین صمیمی چالیشقان اوغلونا تبریک لر دئییب یئنی نائلیت لر آرزو ائدیر.
https://t.me/Adabiyyatsevanlar

ادبیات سئونلر عائیله سیندن خبر لر

مرند شهرینین ۱۵ اینجی شعیر فستیوالی کئچدی بو فستیوالین آزاد شعیر بولومونده ادبیات سئونلر عائیله سینین سئویملی شاعیر قیزی رقیه هاشم زاده " خان صنم " اهر شهریندن بیرینجی اودلو قازاندی ادبیات سئونلر خان صنم خانیما اوره ک ائویندن تبریک لر دئییب اوغورلار آرزو ائدیر .

https://t.me/Adabiyyatsevanlar

✅✅✅✅بیلدیریش

عددلرین ائتیمولوژوسو ادبیات سئونلر قوروپوندا
بو گئجه: 97/12/15
ساعات: 21:30

اوزمان : دوکتور فیروز سیمین فر .

https://t.me/Adabiyyatsevanlar

"همت_شهبازی"

قایناق : دوشرگه

مدرنیته‌نی بیر تاریخی سورج کیمی آراشدیرمایانلار دا وار. بونلارین باشیندا #
میشئل_فوکو دورور. داها دوغروسو بونلارین نظرینده « #مدرن» سؤزونه اَکله‌نن « #ایزم» اَکی، #مدرنیته‌ ایله #مدرنیزمی آییران آچار نؤقطه‌لردن‌دیر. #فوکو «مدرنیته»نی زامان سوره‌سینده یاتیمینا (افقی) اوزانان زامان بؤلمه‌لرینه پارچالانان بیر دؤنم کیمی یوخ، اونو دیکئی اوخدا (عمودی محورده) زنگین‌لشن بیر باخیش، بیر دوشونجه، بیر دونیا گؤروشو کیمی آراشدیریر. منجه بو آندان «مدرنیته» اؤز آخاریندا باشقا بیر قاوراملا هم آنلامینی یئتکین‌لشدیریر هم ده اؤز جیغیرینی آییریر. او دا «مدرنیزم» قاورامی‌دیر. بیز، مدرن‌لشمه‌ سورجینده چئشیدلی و بعضن ده فرقلی آنلامدا اوچ سؤزله اوزلشیریک: #مدرن، #مدرنیته و #مدرنیزم. #مارشال_بئرمن اؤز کیتابی‌نین موضوعسو حاقدا «بو کیتاب مدرن‌لشمه (مدرنیزاسیون) و مدرنیزم دیالئکتیکینی آراشدیریر» سؤزونده ده بو فرقی سئزمک اولور. (مدرنیته و مدرنلیک، 92:1392)؛ بئرمن، 31:1994).
بونلارا (مدرن، مدرنیته و مدرنیزم) باشقا بیر سؤزو یعنی آیدینلانما سؤزونو ده آرتیرساق دؤرده کئچیر. آنجاق آیدینلانما هم مدرنیته، هم ده مدرنیزم قاورامینا کئچمه‌دن اؤنجه یارانان بیر کؤرپودور، بیر کئچیددیر. سون ایکی سؤزون کؤکو «مدرن» سؤزوندن آلینمادیر. مدرن سؤزونون آنلامیندا دارتیشالی یؤن یوخدور. لغتجه آنلامی بللی‌دیر. آنجاق «مدرنیته» و «مدرنیزم» قاوراملارینا «مدرن» سؤزونه آرتیردیغیمیز «سؤزجوک» اسمینی ساده‌جه آرتیرا بیلمیریک. یعنی « #مدرنیته_سؤزجویو» یا « #مدرنیزم_سؤزجویو»نون یئرینه « #مدرنیته_قاورامی» یا « #مدرنیزم_قاورامی» دئمه‌لییک. اونا گؤره کی بونلارین آرخاسینجا فیل بویدا اؤزللیک‌لره آیریلان آنلاییشلار یاتیبدیر. #مدرنیته، تئکنولوژی، اقتصاد و اجتماعی قوروملار اوچون یارانان بیر تئرمین‌دیر. #مدرنیزم ایسه، صنعت و کولتور آغیرلیغی ایله سئزیلن سورَجسَل بیر آخیم و تئرمین‌دیر. بو تئرمین‌لره گؤره اونلارین تمثیلچی‌لری ده بیر-بیریندن فرقله‌نیرلر، عینی حالدا بو تمثیلچی‌لر، تمثیل ائتدییی ساحه‌یه گؤره مثبت و منفی بؤلمه‌لره ده بؤلونورلر. بعضی‌لری مدرنیته یا مدرنیزمه مثبت و بعضی‌لری منفی بوجاقدان یاناشیرلار. هر حالدا بو ایکی ساحه‌نین تمثیلچی‌لرینی آییرد ائتمک اولار: بیرینجی یئرده #هئگئل دورور؛ سونرا «مدرنیته‌نی قاتی [سرت] اولان هر شئیین بوخارلاشیب گئتدیینی» سؤیله‌ین #مارکس (#مدرنیته_و_مدرنلیک، 90:1392)،‌ مدرن اقتصاد سیستئمینی « #دَمیر_قفس» آدلاندیران و بورژوازی‌نین سینیرسیز گلیر قازاندیغینی سؤیله‌ین #ماکس_وئبئر (یئنه اورادا، 108) مدرنیته‌ده، #مئتروپول (کلانشهر) دورومونو آراشدیران #گئورک_زیمئل (یئنه اورادا، 59-40)، مدرن انسانین « #تک‌بویوتلو» (تک‌ساحتی) (انسان تک‌ساحتی، 1362) یؤنده حرکت ائتمه‌سینی آراشدیران #هئربئرت_مارکوزه و باشقا #فرانکفورت_آخیمی‌نین تمثیلچی‌لری، انتحار و بیر ده ایش‌بؤلمه (تقسیم‌کار) و مدرنیته‌نین ائورنسل و آوتوماتیک‌لشمه‌سی اوزره دایانان #ائمیل_دورکیم، #فروید، #یونگ و باشقا نهنگ آدلیم‌لاری «مدرنیته» تمثیلچی‌لری کیمی آدلاندیرماق اولار.
#مدرنیزم ایسه، یوخاریدا دئدییمیز کیمی بیر صنعت‌سل و کولتورل آنلاییش‌دیر. بو آخیما سایسیز-حساب‌سیز آداملار داخیل‌دیر: #پیکاسو، بودلئر، ریمبو، ریلکه، هنری جیمز،‌ ائلیوت، مالارمه، ییتز،‌ کافکا، جویس، پروست، آپولینئر، بئکئت، برئشت، فاکنئر، کامو، جوزئف کانراد، #والئری و ...
بو صنعتچی‌لره گؤره مدرنیزمین اؤز ایچینده ایریلی-خیردالی آخیملار یاراندی. حتتا بو آخیملارین بعضی‌لری مدرنیزمین علیهینه چیخدیلار.
بعضی آراشدیرماچیلار، بو آخیملارین بیر چوخونو «آوانقارد» اولدوقلارینی وورغولاییرلار. #آوانقارد کلمه‌سی حربی بیر تئرمین اولاراق اؤنده گئدن حربی حیصه‌لره دئییلیر. بوندان قایناقلاناراق «بو قاورام 20.جی یوزایللیین ایلکینده سیاسال، #کولتورل، ‌صنعت‌سل و ادبی اثرلرده اؤزللیکله صنعت و کولتور ساحه‌سینده شابلونلاشمیش قایدا-قانونلارا و دونیاگؤروش‌لرینه یوروش ائدن حرکت‌لره دئییلیردی» (#نوذری، 133:1380) بونا گؤره آوانقاردین اساس اؤزللییی بوتون کئچمیش و حال‌حاضیرکی قوراللارین علیهینه هجوم ائتمک ایدی. آنجاق بونونلا بئله «یوخاریدا سیرالانان بوتون آخیملارین اورتاق بیر جهتی واردیر کی بو عینی زاماندا مدرنیزمین ده اَن اؤنملی اؤزللیینه قارشیلیق گلمکده‌دیر. مدرنیزمین بو چوخ اؤنملی جهتی « #دَییشیلمه» یعنی اؤزونه ایلیشکین فرقلی‌لیک‌لری سئزه‌رک بللی بیر انتباه [بیداری] یؤنونده بیلینجلی اولاراق ایره‌لیله‌مه‌لیدیر. بو آنلامدا مدرنیست اثرلر ده فرقلی و دَییشیک‌ اثرلردیر» (#فلسفه_سؤزلویو، 2008: 1006).
عمومیتله مدرن‌لشمه سورجینده، کئچمیشی انکار ائتمک واردیر. آنجاق بونون آشیری طرفداری یالنیز #آوانقاردچیلار و بیر ده #فوتوریست‌چی‌لردیر.


اؤزللیکله #آوانقاردل

ار، کئچمیشی نه اینکی رد ائدیرلر اونون ییغینتی اولدوغونو دا وورغولاییرلار. #مدرنلشمه‌نین باشقا ساحه‌لرینده، عمومیتله کئچمیش تام اولاراق رد اولونمور؛ اونلاری دوشوندورن کئچمیشین یئنی‌لشمه‌سی‌دیر. آنجاق و آنجاق گئریچی‌لییه اوغرادان کئچمیشله تام ضیددیلر. کئچمیش دئییلنده باشدا #گله‌نک اولماقلا، بوتون مدرن چاغدان اؤنجه‌یه عاید اولان نسنه‌لری‌ و دَیرلری نظرده توتورام. بونا گؤره، اونلار گله‌نه‌یی تام دَیرسیز و پیس بیر آنلاییش کیمی یوزوملاییر و بونون عکسینی ده اؤیورلر. یعنی هر بیر یئنی‌چیلییی تام قبول ائده‌رک اونون یاخشی اولدوغونا دا اینانیرلار.
مسئله‌نین باشقا یؤنونو نظره آلساق انسان دوردوغو یئرده دایاناماز. بونا گؤره مدرنیزمین ایره‌لییه دوغرو حرکتی‌نین و گله‌نكله مخاليفتده اولماسي‌نين سببي‌ ایسه داها چوخ گله‌نه‌يين اؤزونو تكرار ائتمکده‌دیر. اسكي دوشونجه و دب‌لرين، ائورنسل اولمايان يؤنودور. بو دا چاغداش دونياني و اونون گليشمه‌لريني گؤز آردينا وورور:
«گله‌نک‌لرینه سیخ‌سیخ ساریلان، اونلاردان آیریلماقلا من‌لیینی ایتیرمکدن قورخان بیر #توپلوم، اؤز اؤزونو یامسیلاماق معناسیندادیر. یئنیدن یاراتماییر، یئنیدن آلدیقلارینا اؤز دامغاسینی وورماغی باجارماییر، همی ده کئچمیشده تجروبه ائتدیک‌لرینی تکرار ائتمک ایسته‌ییر. اؤزونه گووه‌نن، اؤزونده یارادیجیلیق گوجونو سئزن توپلوم، دَییشمکدن، یئنی‌لشمکدن، اینانجلاریندا دوغرونو یانلیشی آراماقدان یئنی بیر یولا گیرمکدن چکینمز. یئنیسینی قورا بیله‌جه‌یینی بیلدییی اوچون اسکی سیستئمدن دؤرد اللی یاپیشماز. گله‌نک‌لره باغلانماق، توپلوما گووَنسیزلیکدن ایره‌لی گلیر. (#آتاچ، 2011: 105)

https://t.me/Adabiyyatsevanlar

🔸🔹آنار_رضا

🔸🔹دده_قورقود_کیتابیندان
... بَی‌بورانین اوغلو قاراجا چوبانلا گؤروشوب آیریلدی، آتینی چاپیب داغدان آرانا دوشدو، دوزنگاها چیخدی. جاوان بزیرگان آز چاپدی، چوخ چاپدی، گلیب همین دوزنگاها چاتدی، بَی بورانین اوغلونو گؤردو، اؤزونو اونا یئتیردی، سلام وئردی. اونون اوزو آل-قان ایچینده‌یدی.
بی‌بورانین اوغلو:
- هئی قوچاق، - دئدی، - کیمسه‌ن، هاردان گلیر‌سن، کیم سنی قانینا غلطان ائله‌ییب؟
جاوان بزیرگان:
- ایگید، - دئدی، - تاجیریک، نئچه ایل‌دیر بؤیوک قارداش‌لاریملا بو ائلدن گئتمیشدیک. اوزاق-اوزاق ائللری گزدیک، باهالی مال‌لار آلدیق. دمیر قاپی دربند یانیندا، قانلی دره‌ده هئیبتلی بیر قولدور یوْلوموزو کسدی، گؤوده‌سی آدام‌دیر، آمما تپه‌سینده بیر گؤزو وار. مالیمیزی، ریزقیمیزی آلدی، دئدی جانینیزی دا آلاسییام. قولاغیمی دیشله‌دی، اوددو، قارداش‌لاریمی اسیر ساخلادی، من قاچدیم، سنه گلدیم. ایگید مَدد قیل!
اوغلان آتینی ماهمیزلادی:
- دوش قاباغیما، یول گؤستر، - دئدی.
تاجیر.
- ایگید، - دئدی، - آمما قولدور زوْر قولدوردو. بلکه گئری دؤنه‌سن. قاراجا باشینی کسدیرمه‌یه‌سن، آلجا قانینی شوْرلاتمایاسان. آغ ساققاللی بابانی، آغ بیرچکلی آنانی، «اوغول، اوغول» دئییب آغلاتمایاسان.
اوغلان:
- بو سؤزو سن منه دئمه‌مه‌لی ایدین، چونکی دئدین، البتّه گئده‌جم. باشیما قاخینج، اوزومه توْخونج اولماسین. نئیلک؟ اؤلسم یئر بَیه‌نر، قالسام ائل بَیه‌نر.
اونلار قانلی دره‌یه گلیب چیخدیلار.
اوغلان دره‌نین دیبیندن تپه گؤزو سسله‌دی:
- هئی تپه گؤز! - دئدی. - چیخ ساواشاق، چکیشک، ووروشاق، یاخشی کیشی‌لرین جانینی سنین الیندن قورتاریم.
ماغارانین قارانلیق آغزیندان تپه‌گؤزون یئگانه گؤزو گؤرونوردو. او، دره دیبینده‌کی اوغلانا باخیب قهقهه گولدو.
- اوغلان، اوغلان، آی اوغلان ! - دئدی. - الیم-آیاغیم سنه دٓیمه‌میش قاییدیب دؤن بوردان!
اوغلان دئدی:
- هرزه-هرزه سویله‌مه، ایتیم تپه‌گؤز. آلپ اره قورخو وئرمک عیب اوْلور، بری گل، ووروشاق!
تپه‌گؤز نعره چکیب ماغارادان چیخدی. نعره‌سیندن داغلار تیتره‌دی، یئددی قایا یئددی کره های وئردی، یاماجین داش-کسه‌یی یئریندن قوپوب یارغانا یووارلاندی. تپه‌گؤز آلتی پرلی گورزونو الینه آلدی، اوغلانین اوزه‌رینه جومدو.
اوغلان قالخانینی یاپیندی، گورزه قارشی توتدو. تپه گؤز اوغلانی یوخاریدان آشاغی ووردو. قالخان پارالاندی، اوغلان یارالاندی، آمما ییخیلمادی.
تپه‌گؤز قیلینجینی سیییردی، اوغلان دا قیلینج چکدی، قیلینجلاشدیلار، بیر-بیرینی آلا بیلمه‌دیلر. سونگلرله ووروشدولار، بوغا کیمی چارپیشدیلار، قورشاق توتوب گولشدیلر، سونگولر سیندی، تورپاق آیریلدی، بیر-بیرینی آلاممادیلار.
تپه‌گؤز اوخو یایا قویدو، نیشان آلدی، آتدی اوغلانین چیینیندن یارالادی، آلجا قانین شوْرلاتدی. تپه‌گؤز قیلینجینی قالدیریب اوغلانین باشینی کسمک ایسته‌دی، اوغلان قیوریلیب کنارا سیچرادی، کمندینی ایری بیر آغاجین بوداغینا کئچیردی، ایپدن یاپیشیب اؤزونو یئلله‌دی، چایین او بیری طرفینه توللاندی، تپه‌گؤز باشینی چئویریب تک گؤزویله اونا باخماق ایسته‌ینده اوغلان ایپی یئلله‌ییب تزه‌دن او بیری یانا آتیلدی. اوغلان کمنددن یاپیشیب او تایا، بو تایا آتیلیردی. تپه‌گؤز ایسه تک گؤزویله اوْنو ایزله‌یه بیلمیردی. اوغلان بو دفعه لاپ هوندوره توللاندی، هاوادا ایکن نیشان آلیب اوخلا تپه‌گؤزو دوز گؤزوندن ووردو، تپه‌گؤز گؤزوندن یاپیشیب فریاد قوْپاردی:
آمان گؤزوم، وای گؤزوم!
یالقیز گؤزوم، آی گؤزوم!..

... بانی‌چیچک دوردو، اللرینی پالتاری‌نین قوللاری ایچینده گیزلتمیشدی کی، هئچ‌کس بارماغینداکی اوزویو - بئیره‌یین اوزویونو گؤرمه‌سین، اورتالیغا چیخدی، دئدی:
- اره گئدن قیز منم.
بئیرک:
- بلی سن‌سن، - دئدی. - اللرینی نییه گیزله‌دیرسن، یقین سویا گئتمیسن، سوْیوق اوْلوب، دوْن ووروب، بارماقلارین قوْپوب دوشوب. اللرین عیبلی‌دیر، عییبینی گیزله‌دیرسن. عییبلی قیز، سنه اره گئتمک عییب‌دیر!
بانی‌چیچک توتولدو:
هئی، دَلی اوْزان، - دئدی. - من عییبلی‌یم کی، منه عییب قوْشورسان؟
گوموش کیمی آپ-آغ بیله‌یینی آچدی، الینی چیخارتدی، بئیره‌یین کئچیرتدییی اوزوک بارماغیندا گؤروندو.
بئیرک اوزویونو تانیدی، دئدی:
- بئیرک گئده‌لی بام-بام تپه باشینا چیخدین‌می قیز؟ اوزون-اوزون یوللارا باخدین‌می قیز؟ گئجه کیمی قارا ساچلارینی یوْلدون‌مو قیز؟ آلا گؤزدن آجی یاشلار تؤکون‌مو قیز؟ گله‌نین‌دن، گئده‌نین‌دن بئیرک خبرینی سوْردون‌مو قیز؟
بانی‌چیچک آغلایا-آغلایا دئدی:
- آغلادیم اوْزان، سیزلادیم اوْزان، نئچه ایل‌لر گؤزله‌دیم اوْزان. شاهباز ایگیدیم گلمز اوْلدو... بو گون من اره گئتمیرم اوزان، گوْرا گئدیرم. آمان اوْزان یارامی تزه‌له‌مه.
بئیرک دئدی:
- قیز، بارماغینداکی آلتون اوزویو سنه کیم باغیشلاییب

؟ وئر اوْنو منه. من اونون نیشانلارینی بیلیرم.
قیز:
- یوخ، - دئدی. - آلتون اوزویون چوخ نیشانی وار. اوْنو آنجاق باغیشلایان بیلر، سن بیلمزسن.
بئیرک یئنه قوْپوزون چالدی، آوازلا دئدی:
آلا صاباح بوْز آیقیرین بئلینه مینمه‌دیم‌می؟ سنین ائوینین یانینا جئیرانلاری قوْومادیم‌می؟ سن منی یانینا چاغیرمادین‌می؟ سنینله مئیدان‌دا آت چاپیب، اوْخ آتیب، گولشمه‌دیک‌می؟ اوچ اؤپوب، بیر دیشله‌ییب، آلتون اوزویو بارماغینا کئچیرمه‌دیم‌می؟ سئویشدییین بامسی‌بئیرک من دئییلم‌می؟
بانی‌چیچک دوواغینی قالدیردی، اونون بنیزی قاچمیشدی، دوداقلاری تیترم-تیترم تیتره‌ییردی، هَیٓجانلا، تلاشلا، قوْرخویلا بئیره‌یین قوجالمیش صیفتینه، باتیق گؤزلرینه، آغارمیش ساچ-ساققالینا باخدی، افسونلانمیش کیمی اونا طرف ایکی آددیم آتدی. بئیرک الینی اوْنا طرف اوزاتدی، یومروغونو آچدی، اوْوجونون ایچینده تورپاق‌قاریشیق یوْوشان واردی. یوْوشان اییی بانی‌چیچه‌یین بورنونا دَیدی، بانی‌چیچک پیچیلتی‌یلا:
- یووشان اییی، - دئدی، بئیره‌یه طرف آتیلدی، سونرا بیردن دایاندی، جَلد چادیردان باییرا سیچرادی، آتلاردان بیرینه طرف قاچدی.
بانی‌چیچک آتلاندی، آتینا قامچی چکیب قاچدی، توْیا گلمیش قوناقلارین آراسیندان، اوْخ آتما مئیدانیندا توْپلانمیش ایگیدلرین ایچیندن، تعجّوبله اونا باخان قازانین، تورالین، قارا بوداغین یانیندان، سرخوش اوْلوب بیر طرفده سره‌لنمیش، دَلی قوْچه‌رین اوستوندن، اؤزونو ایتیریب چاشیب قالمیش یالینجیغین بؤیروندن چاپیب گئتدی، چؤل‌لردن-چمن‌لردن کئچیب بایات اوْباسینا چاتدی.
گؤزلری کوْر اوْلموش بَی‌بورا و آروادی آینا‌مَلک همیشه‌کی یئرلرینده، اوْبا کنارینداکی داشین اوزه‌رینده اوْتورموشدولار. بانی‌چیچک چاپاراق اونلارا یئتدی، آتی‌نین یویه‌نینی دارتدی. آت شاهه قالخدی، بانی‌چیچک اوجا سسله دئدی.
- هئی، قایین‌آتا. قایین‌آنا. قارا داغین ییخیلمیشدی، اوجالدی آخی! سولارین قوروموشدو، چاغلادی آخی! نئچه ایلین حسرتی اوغلون بئیرک گلدی آخی!
قایین‌آتا، قایین‌آنا موشتولوق منه نه وئررسینیز؟
بَی‌بورا یئریندن سیچراییب دئدی:
- دیلین اوچون اؤلوم گلین‌جیییم، یولونا قوربان اوْلوم گلین‌جیییم. یالان‌سا بو سؤزلرین گئرچک اولا، گلین‌جیییم.
بو محلده ایگیدلر و بئیرک چاپاراق گلیب یئتدی‌لر.
قازان:
موشتولوق بَی‌بورا، - دئدی. - اوغلون گلدی.
بَی‌بورا دئدی:
- اوغلوم اولدوغون اوندان بیله‌رم کی، چئچه‌له بارماغینی قاناتسین قانینی گؤزومه سورتسون. آچیلاجاق اوْلورسا اوغلوم بئیرک‌دیر.
بئیرک جلد چئچه‌له بارماغینی چرتیب قانینی آتاسی‌نین گؤزلرینه چکدی، بٓی‌بورانین گؤزلری آچیلدی.
بَی‌بورا:
- اوغول، - دئدی، - گؤرور گؤزومون آیدینی اوغول، توتار الیمین قووٰتی اوغول، ائویمین دیره‌یی اوغو‌ل.
آینا‌ملک:
- قیزیمین، گلینیمین چیچه‌یی اوغول، - دئدی.
آتا، آناسی، باجیلاری بئیره‌یی قوجاقلادیلار، آغلادیلار، گولدولر، گولدولر، آغلادیلار. قازان بانی‌چیچه‌یه، بئیره‌یه باخیب:
- یاخشی، دئدی، - هله بیر ایشیم وار. اوْنو ائتمه‌یینجه مورادا یئتمه‌رم. هانی یالینجیق؟ بئیرک آتینی گئری دؤندردی. ایگیدلر ده اونون آردینجا چاپدیلار...

https://t.me/Adabiyyatsevanlar