اوشاق ادبیاتی

"بهروز صدیق "

یاغیش یاغیر باغچایا
سونرا قیزیل گون ساچیر
سانکی جنت قاپیسین
بیزه بیر ملک آچیر

گلین-گلین سؤیله ییر
قوجاق دولو گول ایله
او قیشقیریر آ«نرگیز»
گه ل باغچادا گول ایله

«نرگیز»له «لاله»بیرگه
باغچا ایچره گئدیر لر
گوللر دن چلنگ هؤروب
آناسینا وئریر لر.



https://t.me/Adabiyyatsevanlar

اوشا ادبیاتی
ایدین باخیش

- دومان
آغ یورقان چکیلیب مئشه‌یه
قویمور مئشه اوشویه

https://t.me/Adabiyyatsevanlar

اوشاق ادبیاتی

مستان علی اوف
کؤچورن:بهروزصدیق

دیک آتیلدیم بیر آندا
خوروزلار بانلایاندا
آرمود آغاجی هاچا
یویوردوم قاچا -قاچا
آغاجا داش آتمادیم
یوخودان اویاتمادیم
ییغدیم یئره دوشندن
سولانیب یئتیشندن
داها آرمود ده رمه یه
چاغیر مادیم داییمی
آغاج اؤزو آتمیشدی
منیم آرمود پاییمی.

https://t.me/Adabiyyatsevanlar

اوشاق ادبیاتی
نازلامالار
رامین جهانگیرزاده

نازلامالار :
آلتيندا خالچا
چالير كامانچا
اون دانا خونچا
گلير قيزيم اوچون
گوزگوده دوگمه
توزونو سيلمه
خونچادا تيرمه
گلير قيزيم اوچون
ايينه ده وار دوز
دؤورهﺳﻲ صدف
بير زرلي اؤرپك
گلير قيزيم اوچون
آغ مايا اللر
بئلينده كمر
قيزيل دويمه لر
گلير قيزيم اوچون

*

گولوستان باغي
ياشيل يارپاغي
قيزيل بئل باغي
گلير قيزيم اوچون
هر يانا گؤزوك
ايلقاردا دوزوك
بيريليانت اوزوك
گلير قيزيم اوچون
داغلار دا جيئران
بو قيزا قوربان
اون خارا تومان
گلير قيزيم اوچون
هيئواسي ناري
اليمين باري
اون ساپ ميرواري
گلير قيزيم اوچون

https://t.me/Adabiyyatsevanlar

اوشاق ادبیاتی
"بهروز صدیق "

يوواسيز قوش

بير گون بير اوشاق
اؤز آتاسيلا
گئتديلر باغا
ياز هاواسيندا

* * *

گؤردولر آغاج
ديبينده يالقيز
زار ـ زار آغلايير
هؤروكلو بير قيز

* * *

سوردولار آي قيز
نه دير مي دردين ؟
يوخسا گوللری
كؤكوندن دردين ؟

* * *

دئدی : يوخ منيم
درديم باشقادير
بوردا بير اوشاق
قوشو داشلادی

* * *

قوشون يوواسي
داغيلدي اوچدو
گؤره سن اوقوش
هايانا اوچدو؟!

***
گلين گئدك گونش گيله

آنا! آنا! آي آنا
گونش گيله دور گئده ك
گونش بيزي گؤزله يير
قارانليغي وور گئده ك

* * *

قارانليغي سئوميرم
خوشوم گلير ايشيقدان
باهار گليب ، گول باهار
گوللر آچيب دير الوان

* * *

سئومه لي دير داغ ، دره
بايرام ائدير آغاجلار
آغاجلارا منيم ده
اوره ييمده سؤزوم وار:

* * *

ياشيل ليق پايينيزلا
سئوينديرين تورپاغی
قولباغي سيز قيزلارا
آغ چيچه ييز قولباغی.

https://t.me/Adabiyyatsevanlar

اوشاق ادبیاتی

"رامین_جهانگیرزاده"
گونش

آی گؤزلری قان گونش
گئتمه اوزاق یان گونش
دوش یئره بیر آن گونش
باخ یئنه ده دورموشام
سنه ائوجیک قورموشام

آی اللری نور گونش
ساچلارینی بور گونش
یاتما اوْیان دور گونش
ائوجیییمه ایشیق سال
عؤمور بویو بوردا قال



https://t.me/Adabiyyatsevanlar

اوشاق ادبیاتی
بو هفته نین امکداشلاری
رامین جهانگیرزاده
سارای محمد رضایی
بهروز صدیق
آیدین باخیش
ویدا حشمتی
سحرخیاوی ...

https://t.me/Adabiyyatsevanlar

اوشاق ادبیاتی

اوشاقلارین چکدییی رسملر بیزه نه دئییر؟

اوشاقلار رسم چکمه یی چوخ سئویر . اونلار شکیللر واسطه‌‌سیله حیسّله, رینی والیدئینله رینه , هم یاشیدلارینا اولان موناسیبتله رینی ایفاده ائدیرلر. عادتاً , اوشاقلار جیزما -قارا ائتمیه , اوفوقی خطلر, دایره و س. چکمه یه 3 یاشیندا باشلاییرلار. رسم چکمک اوشاقلاردا کیچیک موحرریکین(اللر) و پسیخی پروسئسله رین(دقت ,تخيّول ,تفکّور ) اینکیشافینا موثبت تأثیر گؤسترمکله یاناشی ,اؤزگووه نینین فورمالاشماسینا دا زمین یارادیر .

والیدئین چکیلن بوتون شکیللره اؤولادی ایله بیرگه دقتله باخمالی و اونو موطلق دیرله ندیرملیدیر. بو , اوشاغین اؤزونه ایناملی اولماسینا و یئنی شکیللر چکمه سینه میل یاراداجاق. بعضا ایسه اوشاقلار ایسته دییی فورمادا چکه بیلمدیکده "پیسدیر ,من چکه بیلمیرم" دئیه رئاکسییا وئریرلر. بو زامان والیدئینلر " گل بیرلیکده چکک" دئییب اونو روحلاندیرمالیدیر. والیدئین اؤولادینی رنگلی کارانداشلار و فیرچالارلا نه قدر تئز تانیش ائتسه , اوشاق بیر او قدر رسم چکمیه هوسلی اولاجاق.

بس اونلارین چکدییی شکیللر نه ایفاده ائدیر ؟

اوشاقلار 3- 4 یاشیندان باشلایاراق اؤزلرینین ایلک اینسان شکلینی چکیرلر. چکدیکلری اینسان شکلینده ,عادتاً , اونلار اؤزلرینی تصویر ائدیرلر.اوّلجه, شکلین عومومی قورولوشونا فیکیر وئرمه لیییک: اوشاغین ایستیفاده ائتدییی رنگلر ,جیزگی لر , چکیلن شکلین اؤلچوسو و س. اوشاق چکدییی رسمده بعضا هر هانسی بیر دئتالی خوصوصیله  قئید ائدیر .مثلا , اوشاق اینسانی بالاجا, اونون گؤزلرینی ایسه خوصوصیله بؤیوک ,تعجب دوغوران شکیلده چکیرسه ,بو , اونون قورخولاریندان و هیجانیندان خبر وئریر . اگر رسمده آغیز ,بورون, قولاق ,چکیلمه ییبسه بو , بالاجانین اونسيّت قورماق ایستمه دییینی بیلدیریر .

بالاجا رسام شکیلده بیر نئچه آل- الوان رنگدن ایستیفاده ائدیبسه ,بو , اونون اطراف عالمه اولان خوش موناسیبه تینی بیلدیریر .عکسینه ,جیزگی لنمیش توند رنگلردن ایستیفاده ائدیبسه ,بو, موعيّن ناراحاتلیقلاردان, عصبی داورانیشدان خبر وئریر . قئید ائتمه لیییک کی ,بعضا اوشاق چوخ سئودییی جیزگی فیلم قهرمانینی, جیزگی فیلمده باش وئرن بیر حادثه‌‌نی خوصوصیله ایدئاللاشدیریب چکه بیلر . همچینین نئقاتیو جیزگی فیلم پئرسوناژلارینین اوشاق پئسیخیکاسینا منفی تأثیرینی ده یاددان چیخارمامالیییق . بو زامان قرار وئرمیه تلسمه مه لیییک .اونون ماراق دایره سینی ده نظره آلماق لازیمدیر.

اوشاق پسیخولوگییاسینی اؤیرنمک اوچون ان گؤزل واسطه‌‌لردن بیری ده اونون چکدییی عائله‌‌ رسمیدیر. والیدئینلر اؤولادینین باجی- قارداشلارینا اولان موناسیبه تینی آشکار ائتمک اوچون بالاجادان عائیله‌‌ شکلی چکمه سینی ایستیه بیلر .بو شکیل اوشاغین هر بیر عائیله‌‌ عضوونه اولان موناسیبه تینی عکس ائتدیریر .اوشاق اؤزونه داها یاخین بیلدییی عائیله‌‌ عضوونو هر زامان اؤز یاخینیندا چکیر . عائیله‌‌ عضولرینین ال- اله توتموش ,گولراوز ,فورمادا چکیلمه سی اوشاغین اونلاری سئودییینی بیلدیریر. بعضا اوشاق شکیلده اؤزونو و یا هر هانسی بیر عائیله‌‌ عضوونو چکمک ایسته میر و اونو موختلیف بهانه لرله ایضاح ائدیر. مثلا, " یادیمدان چیخدی ,چکمه دیم ,کاغیذا یئرلشمدی " و س . بو زامان اوشاق همین عائیله‌‌ عضوو ایله اولان سویوق موناسیبتینی بیلدیرمک ایسته ییر .مثلا , بالاجا یئنی آنادان اولموش باجی و یا قارداشینی چکمه ییبسه , اونو قیسقاندیغینی بیان ائدیر. دیگر ماراقلی مقام ایسه, اوشاغین اؤزونو و عائیله‌‌ عضولرینی هانسی اؤلچوده چکمه سیدیر .بعضا اوشاق اؤزونو هامیدان  بؤیوک اؤلچوده و یاخود ان یوکسکده چکیر. بو زامان او اؤزونه عائیله‌‌ده چوخ دیر وئریلدییینی, سئویلدییینی دیقته چاتدیرماق ایسته ییر. اولمایان عائیله‌‌ عضوونون رسمه داخیل ائدیلمه سی ایسه ,اوشاغین اونسيّته اولان طلباتیدیر. شکیلده طبیعت منظره لرینین اولماسی دا موثبت ائموسیونال وضعیتین گؤستریجیسیدیر.

چکیلن ائو رسمینده ده اوشاق بیزه موعيّن اینفورماسییالار وئریر. ائوین دامینین قیرمیزی اولماسی , باجادان توستونون چیخماسی خوشبخت ائوین گؤستریجیسیدیر .

اگر اوشاق رسمده دیشلر ,بؤیوک یومروق فورماسیندا اللر, دیرناقلار چکیرسه ,قارا ,قهویی و تئز -تئز قیرمیزی رنگدن ایستیفاده ائدیرسه, بو اوشاغین عصبی اولماسیندان خبر وئریر. بو زامان والیدئینلرین موتخصیصه موراجیعت ائتمه سی تؤوصیه‌‌ اولونور .

" Babay Star " اوشاق باغچاسینین

پسیخولوقو گونئل

https://t.me/Adabiyyatsevanlar

اوشاق ادبیاتی
"سحر_خیاوی"

حسرت

سوفا اوسته اوتورموش
بیر بالاجا کیچیک قیز
اوستو باشی تونوک دیر
گوزونده سوءنموش اولدوز

کولک اسیرخزللیر
بوداقلارین یارپاغی
طبیعتی گوزللیر
خینالاییر داش،داغی

یالین بوداقلار اوسته
قاریلداییر قارقالار
شافاق قانلی شوءگه سین
کیچیک قیز اوسته سالار

تراژیک بیر منظره
الینده نئچه ساققیز
آخشام اوستو پارک دا
ایله شیب دیر فاغیر قیز

سازاقلی بیر هاوادیر
کسیر توکور اوشاغی
الین قویور قوینونا
سیتیلده ییر دوداغی

اوره کله نیب قیز دئدی:
نولار کی اوخای دئیه م
رنگلی یارپاقلار کیمی
من ده بیر ژاکئت گئیه م


https://t.me/Adabiyyatsevanlar

کیتاب تانیتیمی

چیرکین اؤردک بالاسی
هانس کریستین آندرسون
چئویرن : خدیجه حکمت پناه
انتشارات حکیم نظامی گنجه ای

https://t.me/Adabiyyatsevanlar

کیتاب تانیتیمی

چیرکین اؤردک بالاسی
کیتابدا گلن ناغیل لار

https://t.me/Adabiyyatsevanlar

" اؤلوم له یاشام حیکایه سی "


سحر آچیلمیشدی
بیر مئشه نین آغاجلارینین اورتاسیندان گونش ایشقیلارین یئره ساچیردی یئر اؤزو یام یاشیل ایدی قوشلار او طرف -بو طرفه اوچوب نغمه لر اخویوردولار
حئیوانلار گئجه یوخوسوندان اویانیب بو گؤزل مئشه یی گزمه یه باشلادیلار .
اؤلوم قارا گئییمی یله اوزونه ماسکه تاخیب ، هر طرفه اوچوردو ,او هرنه یه ال ووروردو ,حیاتین باشا چاتدیریردی .
قوجا بیر قوش چیمنلیکده یئره دوشموشدو ,یورغون گؤزلرین یئره تیکیب حایاتدان کؤچمه سینی بکله ییردی .
اؤلوم اونا ساری اوچوب ,الیله قوشا توخوندو ,قوش گؤزلرین یوموب ،بوینونو چیینینه قویوب،حیاتا وداع ائتدی .

اؤلوم اوچوب ,هر طرفه گؤزدولاندیریردی .کیمه توخوناجاغینی آختاریردی
خسته بیر تولکونو گؤروب اونا ساری گئتدی .تولکو گؤزونو اؤلومه تیکدی ,اؤلوم سویوق الیله تولکویه توخوندو ,تولکو باشینی یئره قویوب گؤزلرین یومدو .
اؤلوم یئنه اوچماغا باشلادی ,گلیب بیر یئرده دایاندی .نئچه جئیران , چیمنلر اوسته اوتاریردیلار . بیر آن گنج بیر جئیرانلا گؤز -گؤزه گلدی .گنج جئیران اؤلومله قارشی -قارشییا قالیب ، اونون گؤزلرینه باخدی .اؤلوم ایلک باخیشدا وورولموشدو . اونا یاخین گئدیب سئودیگیندن ,توخونماق ایسته دی ,الینی جئیرانا ساری اوزالتدی جئیران اؤلومه یاخینلاشدی ،آمما اؤلوم بیر آن اؤزونه گلیب الین چکدی .
جئیران آتیلیب چایدان کئچدی .اؤلوم ده اونون آرخاسیجا.

اؤلوم اوگونون اوزونون اوزاقدان گنج جئیرانی سئیر ائتمکله کئچیرتدی .هاوا قارانلیقلامیشدی .آی مئشه نی گیزلی بیر ایشقلا بوروموشدو .جئیران یئره چؤکوب باشینی اللری اوسته قویوب درین بیر یوخویا دالدی .اؤلوم اونا یاخینلاشیب سئوگی دولو گؤزلرین جئیرانا تیکدی توخونمادان اونون یانیندا یوخلادی .
گونش هر گونکو کیمی داغلارین آرخاسیندان چیخیب ساری تئللرین چیچکلرین اوستونه سرمیشدی .آغاج باشینداکی قوشلارین اوخوماغی ,آخار چایین سسینه قاریشیب ,بیر گؤزل موسیقی اولوشدورموشدو .
جئیران یوخودان دوروب سئوینجک اؤلومه باخدی ,قاچماغا باشلادی . شنلیکله مئشه نی , دولانماغا باشلادی .اؤلوم ده اونون آرخاسیجا گئدیردی.جئیران یئمک یئینده اوتوروب اونو سئوگیله سئیر ائدیردی .جئیران دا اونا سئوگیله باخیردی .
یاغیش یاغان زامان اؤلوم بیر چتیر کیمی جئیرانین باشی اوستونده دوروب ,اونو یاغیشدان قورویوردو .
آرتیق بیر -بیریندن هئچ آیریلماییردیلار گئجه لر بیرلیکده اؤتوروب آیین گؤزللییینه باخیب یوخویا دالیردیلار .گوندوزلر ده بیرلیکده گزیب دولانیردیلار .
گونلر ,آیلار کئچیردی اؤلوم ,جئیرانی یالنیز بوراخماییب اونو هر جوره بلادان ,قاردان -سویوقدان قوروریوردو .
قیش کئچیب گئتدی ,قارلار ارییب سو اولدو .باهار یئنی یاشیللیقلار لا اوزه چیخدی .
بیر گون جئیران یولداشلارینی گؤروب،اونلارلا گئتمک ایسته دی .اؤلوم دایانیب اوزاقدان گنج جئیرانا باخیردی .اوره یین کدر توتموشدو .اوندان آیریلماق چوخ چتین گلیردی .
گنج جئیران اؤلومه یاخینلاشیب اونونلا وداع ائتمک ایسته دی ,آمما اؤلوم اوزاقلاشدی .جئیران یئنه اوزونو اؤلومون الینه یاخینلاتدی .اؤلوم الین چکمه دی .جئیرانین اوزو اؤلومون الینه توخوندوقدا جئیران یئره دوشوب جان وئردی .
اؤلوم گونلر -گئجه لر جئیرانین اؤلوسونون باشیندا اوتوروب ,یاس توتدو .سونرادا غم -کدر ایچینده اولان اوره یین جئیرانین یانیندا بوراخیب اوچوب ,اوزاقلاشدی .


ویدا

بو یازی بیر انیمئیشئن اوزه ریندن یازیلیب


https://t.me/Adabiyyatsevanlar

اوشاق ادبیاتی

گویرچین و قاریشقا ناغیلی


https://t.me/Adabiyyatsevanlar

«ایتن کؤلگه‌لر» رومانی ایشیق اؤزو گؤردو...
بو رومانین یازاری ارسطو مجردی دیر. رومان آذربایجان تاریخی و سئوگی‌دن دانیشیر و چاغداش آذربایجان ادبیاتی‌نین بارز نماینده‌لریندن‌دی ... بونودا خاطیرلاداق کی؛ چوخ یاخین زاماندا کیتاب‌ین امضا توره‌نی تبریزده قورولاجاق.

ایتن کؤلگه‌لر
ارسطو مجردی
انتشارات ایلقار

https://t.me/Adabiyyatsevanlar

زنگان شاعیرلرینین تانیتیمی ادبیات سئونلر قوروپوندا
بو گئجه :97/11/18
ساعات : 21/30
اوزمان : اوستادمحمدرضا باغبان کریمی

https://t.me/Adabiyyatsevanlar

زنگان شاعیرلرینین تانیتیمی 97/11/18
اوزمان : اوستاد محمدرضا باغبان کریمی

https://t.me/Adabiyyatsevanlar

زنگان شاعیرلرینین تانیتیمی 97/11/18
اوزمان : اوستاد محمدرضا باغبان کریمی

https://t.me/Adabiyyatsevanlar

زنگان شاعیرلرینین تانیتیمی 97/11/18
اوزمان : اوستاد محمدرضا باغبان کریمی

https://t.me/Adabiyyatsevanlar

زنگان شاعیرلرینین تانیتیمی 97/11/18
اوزمان : اوستاد محمدرضا باغبان کریمی

https://t.me/Adabiyyatsevanlar

زنگان شاعیرلرینین تانیتیمی 97/11/18
اوزمان : اوستاد محمدرضا باغبان کریمی

https://t.me/Adabiyyatsevanlar

زنگان شاعیرلرینین تانیتیمی 97/11/18
اوزمان : اوستاد محمدرضا باغبان کریمی

https://t.me/Adabiyyatsevanlar