ادبیات سئونلر

اوشاق ادبیاتی

قار آدامی
قار آدامی دوزلدنده الجک لرینیزی گئین .

https://t.me/Adabiyyatsevanlar

297 viewsKamran Azari Kamran Azari, edited 04:18

اوشاق فولكلوروموز
بدوستانی
آنالارين دوغما ايستكلريندن جوشان و صاف احساسلاري ايله قانادلانان اوشاق فولكلورو، ائل ادبياتيميزين اولدوقجا گوجلو قوللاريندان سا ييلير. دونيايا تازا گؤز آچان كؤرپهﻟﺮدن توتموش ايلكين ياشلاريني كئچيرن بالالار و يئني يئتمهﻟﺮله ايلگيلي سؤيلهﻧﻦ لايلالار، نازلامالار، اوخشامالار، آرزمالار سانامالار، تكرلمه لر، تاپماجالار، اوشاق ناغيللاري كيمي بؤيوكلرين و هاميدان چوخ آنالارين اؤز بالالارينا ياراتديقلاري و ياشاتديقلاري ساده، ياراشيقلي و موزون ائل ادبياتيميزين بهرﻩلي و آنا ايستگي قدﻩر دولغون بو گؤزل نغمهﻟﺮ ظاهري گؤرونوشده اوشاقلاري ياتيزديرماق، اونلارين بويونا اوخشاماق. ديله توتماق و اگلنديرماق خاطره اولسادا ديل آچماقدا، حياتلا آشناليق قاتماقدا، دوغما آناديليﺍيله آليشماقدا بير سؤزله حياتين آنلاميني دريندن باشادوشمكده اونودولماز نمونه لري سيراسيندا يئرله شير .آختلاريشلار و آراشديرمالار گؤستريركي، درين دوغماليق و توكنمز آنا محبتيندن چاغلاييب گلن بو سؤزو احساس اﻳﻨﺠﻪليكلري عصرلر بويو اوزون تكامل يولو كئچيرمگله بيزه گليب چاتميشدير، آنا سودو قدر ايلك مكتب اولموشدور. تأسّوفلر اولسون كي، دوننه قدﻩر ساوادسيز آنالاريميزين سينهﺳﻲ بو مكتبين توكنمز لايلاري- اوخشامالاري- ناغيللاري و آيري- آيري ائل سؤزلري و ائل نغمه لري ايله جوشوب- داشديغي حالدا بوگون بيزيم بير چوخ ساوادلي آنالاريميز اؤز دوغما ديللرينده كؤرپهﻟﺮينه شيرين- شيرين لايلا دئمهﮔﻲ، بويونا اوخشاماغي و ناغيل سؤيلمهﮔﻲ ياديرغاميشلار .
ائلين وارليق داياغي اولان آنالارين لايلالاريميزي ، ناغيلاريميزي ائل نغمه لريميزي اونوتمالاري هر بير عيلّته اولور اولسون. صاباح شوبههﺳﻴﺰ اوشاقلاريميزين تكجه اؤز آنا ديللرينين اﻳﻨﺠﻪليكلريني ياديرغاماسي و اونوتماسيﺍيله يوخ، بلكه اونلارين ميلّي وارليقدان اوزاقلاشماسي و ميلّي روحيهﺩن آيري دوشمهﺳﻲايله نتيجهﻟﻨﻪ جكدير صاباح چوخ گئج اولاجاق. بيز بوگون و ائله بوگون كؤرپهﻟﺮيميزين معنوي- ميلّي تربيهﺳﻲ خاطره ،منليگيميزي و كيمليگيميزي اوشاقلارا آراشديرماق خاطيره لايلالاريميزا ،نازلامالاريميزا و ناغبللاريميزا قاييتمالي و بونلاري بؤيوك ميلّي- معنوي بير ميراث كيمي قورومالييق .اوشاق فولكلوروموز بوتون اينجه ليكلري،ال- الوانليقلاريﺍيله ائل ادبياتيميزين آيريلماز بيرحيصّهﺳﻲ ساييلير. فلكلوروموزون آيري- آيري دامارلاريندان چاغلايان سؤز قورولوشو ،آهنگدارليق، سس اويوشمالاري، تصويردرينليگي اوشاق ادبياتيميزدا اولان اﻳﻨﺠﻪليكلرله وحدت تشكيل ائدير. ائله بوناگؤره ده اوشاق فولكلوروموزو بوتون فولكلور مجموعه لرينده خلق ادبياتميزين آيري- آيري نيمونه لري سيراسينا كئچير و بيرليكده نشر ائديلير. ﺑﺌﻠﻪليكله اوشاق فولكلوروموزون توپلانماسي و آراشديريلماسي سيخ صورتده عيمومي فولكلوروموزون توپلانيب آراشديريلماسي ايله بيرله شير .
بو باشلانيشي دوغرولتماقدا حيات يولداشيم م. ع. فرزانهﻧﻴﻦ قايغيﻟﻲ گؤستريشلريندن فايدالانميشام و آشاغيدا نيمونه اولاراق نازلامالاردان نئچه بند گتيريريك ...

https://t.me/Adabiyyatsevanlar