ادبیات سئونلر

رامین جهانگیرزاده
ائلای خانیم
https://t.me/Adabiyyatsevanlar

269 viewsKamran Azari Kamran Azari, edited 22:47

اوشاق ادبیاتی
"سحر خیاوی "

اوشاق ناغیلی
«درین قازان دایاز قازان اؤزو توشر»

یئر یاواشجا آرالاندی.تزه جوجرمیش شووچه اوردان باش قالدیردی.بالاجا اللرین آز گوجویله اویان بویانا چکیب گرنشدی.گؤزلرین آچدی.قیزیل تئللی گونش گؤزلرین قاماشدیردی.واااای نه گؤروردو؛ بورا داها قارانلیق یئرین آلتی دئییلدی.
-شوکور تانریم شوکور.نه اوره ک اوخشایان یئردی بورا
او حالدا قانادلاری رنگلی کپنک اوزونه قوندو.او قده ر اینجه یدی کی کپنگین آغیرلیغیندا تاب گتیرمه دی.سیکه لندی أییلدی.
دؤوره سینه باخدی گؤز ایشله دیکجه باغیدی.چوخلو آغاجلارلا.یانی بو قده ر کؤکلو آغاجلار ایچره منده حئسابا گله رم می؟!
-اولسون منیمده تانریم وار دئدی.
بالاجا شووچه نین ایکی طرفینده ایکی کؤکلو قلمه آغاجی واریدی.اونلار اوجا قامتلرین بیراز أندیریب تحقیرله آشاغا باخدیلار.بیری او بیریسینه دئدی:بو سیسقا کیمدیر آرامیزدا بیتیب؟ هئچ خوشلامیرام گئن یئریمیز دارالا.او بیری قلمه دئدی:اه...اه...منده خوشلامیرام.
اونلار تئزجه باشلارین بیربیرینه یاپیشدیریب بالاجا شووچه نی سارسیتماغا نقشه قوردولار.
-‌ هه باخ باشیمیزی بئله چاتاریق بیربیریمیزه گون وئرمه ریک اونا
- قوواتلی کؤکله ریمیزله ائله سویو چکه ریک جانیمیزا بیر قطره ده ایچه بیلمز چورویه ر
- امما باغبانین او سفئه قیزی شاعیر و احساسلی دیر.بونو گؤرسه بوی بوخونا نئچه صفحه شعر یازاجاق.تئز گرک بونو آرادان ایتیرک۰
اونون توخومون سو بو باغا گتیرمیشدی هئچ اؤزو نه اولدوغون بیلمیردی.امما سانکی بو ایکی یاشلی آغاج اونو یاخشی تانییردیلار.
نئچه گونلر سووشدو.قلمه لر سؤز وئردیکلرینه عمل ائدیب بالاجا شووچه نی اینجیدیردیلر.
شووچه دئییردی: آمان آللاه من سیزه نئیله میشم کی آخی؟! من اؤز باشیما چیخمیشام هئچ بلکه اؤز الیمده اولسایدی سیزیله قونشو اولماق ایسته مزدیم.
نئچه گوندن سونرا بالاجا شووچه نین اینجه خول بوداقلاری چوخالدی.بیرده قاشیندی.اوندان اوستونه دوگمه- دوگمه بیر شئیلر چیخدی.بیر گونده شووچه گؤردو آل دون گئیینیب.نه گؤیچک نه عطیرلی بالالار دوغوب.
قلمه لر بونو گؤره ن داها اینجیتمه لرین شووچه یه باشلادیلار.اونا تانرینین گونون وئرمیردیلر.
شوچه دئییردی: آی نامرد قونشولاریم منیم بونسوزدا عؤمروم آزدیر.گؤرمورسیز هر نئچه گوندن بیر گول بالالاریم سارالیر سولور؟.منده بونلارین غصه سیندن داوام گتیرمییه جم.منی باشیما بوراخین نه اولار؟! منیم کی سیزیله ایشیم یوخ.
قلمه لر نیفرتلی گولوشدولر: امما بیزیم سنیله ایشیمیز وار.
- شووچه اوره ک دولوسو بیر آه چکدی.اولسون منیمده تانریم وار دئدی.

او گون باغمانین شاعیر قیزی آتاسیلا باغا گلمیشدی.کؤورک اوره ک بیر اینجه قیز.آغاجلارین گؤوده سین تومارلاییردی.یارپاقلاری اؤپوردو. دیلینین آلتیندا حوزونلو بیر ماهنی میزیلدانیردی.شووچه نین بؤیروندن کئچه نده دئدی: تانریم بو نه قوخوسودیر؟! بورالاردان جنت اییسی گلیر.بو سورغونو آتاسیندان دا سوردو.
- دوز دئییرسن جئیران قیزیم امما منده بیلمیرم آتاسی دئدی.
قیز اورانی یاخشی کؤلگه گؤررکن علف لری الینده آغاجیلا اویان بویان ائله دی اوتورسون.آتاسی اونا اؤیرتمیشدی کی چؤلده اؤزونو قوروماق ایچون همشه الینده آغاج اولسون.لاپبادان گؤزو گول شووچه سینه توشدو.هوشو باشیندان چیخدی.سریلدی یئره نارین گوللری اؤپدو.اییله دی.نازلادی....
- آتا آتا تاپدیم.گؤزل قوخو بونلارداندیر.بو گوللردن.حاییف بو ایکی قلمه نین آراسیندا قالیب کئشگه حیطیمیزه آپارایدیق.
آتاسی بئل الینده قیزا ساری گلدی.قیز دوغرو دئییردی.بو گولون توخومون یقین سو گتیریب دئدی.من بونو تانیمیرام.امما حیطه آپارمایاق.بو تانری هدیه سیدیر باغیمیزا.ائله بوردا قالسین.توخوموندان حیطه ده آپاراریق.
قیز دئدی: امما یئری داریشدیقدیر بو قلمه لرین آراسیندا.
- اونون دا فیکرین ائله میشم گؤزل قیزیم.بیر دامچا تیکه جم باغیمیزدا بو قلمه لری اوستونه آتماغا کسه جم.بیر طرفدن تاغانلار سئرچه لر؛ بیر طرفدن یولدان کئچه نلر بو مئیوه لره گؤز ایشیقی وئرمیرلر.هله یئمک لرینده دئییلم میوه لری دلیک دئشیک ائدیب آغاجلارین خول بوداغین سیندیریرلار.گرک کئشیک وئره م گئجه گوندوز.
بو سؤزلری ائشیدن قلمه لرین رنگی قاچدی.اوزون گؤوده لرینه زلزله توشدو.ایندیدن برقی موشارین ایتی دیشلرین گؤوده لرینده حیس ائدیردیلر.بیربیرلرینه باخارکن بو سؤزو دوشونوردیلر:
«درین قازان دایاز قازان اؤزو توشر».
امما گول گونو گوندن خول- بوداق آتدی.توخوملاری هر یئره سپه لندی.باغ بوتون گولوستان اولدو.
https://t.me/Adabiyyatsevanlar