ادبیات سئونلر

شعر: اوردا بیر گوءل واردیر(اورمو گوءلونه)

شاعیر: افراسیاب نوراللهی🌸

سلام.آخشامیز خئیرلی.
افراسیاب بئیین بو شعری اورمو گوءلو باره ده اوچ بخش دن تشکیل تاپیب:
۱)بیرینجی حیصه ده شاعیر اورمو گوءلو ندن آخیر گوءروشلرینی مخاطبلره توصیف ائدیر:
بختیار و خوشبخت بیر گوءل کی قیزلار یوخولارینی اونا دانیشیرلار بلکه آیدین تعبیر اولسون.گلین لر سیرلرین اونا آچیرلار.سئوینجدن گله ن قوناغلارینین قاباغینا قاچیر.کدردن اوندان آیریلانلارین دالیجا آتیلیر.اونلا قالانلارین قاداسین آلیر.
گوجلو تشخیص آرایه سی وار بوراجا شعرده.یانی تام اینساندا اولان اوءزللیکلر اورمو گوءلونه نسبت وئریلیب.سانکی بو گوءل جانلی بیر اینسان دیر و دوشونور هر نه یی.
قالارسان قادان آللام/گئدرسن یولا ساللام بوردا شاعیر ائل ماهنی سیندان یارارلانیب و نه گوزل یئرینه توشوب.
شعرین آردیندا شاعیر یئنه بو جانبخشی سینه گوءله ادامه وئریر:
گوءل گئجه لر ساحیل بویو تامسینا تامسینا قالیرمیش و گویا اونا قوناغ گله ن اینسان ایزلری و قوش ایزلرین یالارمیش!!
بوردا نهایت بو دنیزین مهربانلیق و محبتین یئتیریر شاعیر.ایزلری یالاماق سئوگینین قیزغین نهایتی دیر!
بو گوءلون اسکله؛ گمی و آداسی واریمیش و آلینان قاداسی.
او گوءل سئویرمیش و سئویلیرمیش بختیار گونلرینده.ائل سئوه سئوه و قاداسین آلا آلا اونا قوناق گلیرمیشلر.
۲)ایکینجی حیصه:شاعیر بو حیصه ده یئنی دن اورمویا قوناق گئدیر.گوءلون قیراغیندا یولدان کئچیر بیر سحرده، و او یوللار منظره لرده شاعیردن کئچیر.یانی ائله کی او منظره لر ایز سالیر شاعیرین احساسلی کوءنلونده.اونودولماز بیر ایز.دئییر: نه یاخشی اوءلمه دیم و او دویغولو سحری گوردوم و یاشادیم.سونرا اوءرنک گتیریر اوخوجویا نه گوءردوکلریندن:
گونشین چیخماسین و سویا تصویری توشمه سین گوءروب.ائله آپ آیدین کی شاعیر دئمیر گونشین تصویرین گوءردوم دئییر:هئچ آغلیما گلمزدی گونشی دنیزده گوردوم.هله ییرغالانیردی دا.آپارسان اوءزونو شاعیرین خیال مئیدانینا گوءررسن تزه چیخمیش گونش نئجه پاریلدایان اوزویله صاف ماوی دنیزده سویون ایچینده یویونارکن نازلا ییرغالانیر!!
شاعیر گوءیده ماوی سمانین گونشی باغریندا گوءرور.یئره باخدیقدا ماوی دنیزی گونشی باغرینا باسمیش گوءرور.
آییرد ائلییه بیلمیر اینجه خیالی.هم یئر و هم گوءیده گونشلی آسمان گوءرور!!
شاعیر او سحر آذربایجانی اورمولو؛ گوءللو، دنیزلی گوءرور و عاغلینا گلمز هیجانی یاشاییر!!
۳)اوچونجو حیصه ده شاعیر دئییر:او گوءل ایندی یوخدو دئییرلر؛ قوردو!
یئرینده یئل وورور یئنگه لر اویناییر.شاعیر بوردا آتا بابا سوءزو مثلدن یارارلانیب.یئل ووروب یئنگه لر اویناماق.یانی هر نه بر باد اولماق و یئرینده هاوا و کولک قالماق!!
بو قده ر راحات بیر بوءیوک وارلیق یوخا چیخمیش و هئچ کیمسه نین کارینا دئییل!!
شاعیر اینانمیر بو یوخلوغا دئییر: یالاندیر .اوردا گوزوینه ن گوردوگو بیر گوزل و بختیار گوءل وارییدی نه سایاق آخی یوخا چیخا بیلر او بویدا وارلیق؟!!!
اورا بیر باییرلیق اورا بیر شورانلیق اورا بیر دوزلاق اولا بیلمز!!اصلا اولا بیلمز!!!

اینصافن اورمو گوءلو باره ده اوخودوغوم شعرلرده افراسیابین بو شعرین چوخ بیندیم.شاعیر بو شعری ساختا یازماییب معلومدیر.گوءلو گوءروب هم کئچمیشین و هم ایندیسین کوءوره لیب،ایچدن آلیشیب و یازیب.
بو شعر بیر سنددیر،بیر هارای دیر گله جک نسلریمیزه بیله لر بیر بوءیوک ماوی لیگی نئجه یوخا چیخارتدیلار!!
.نئجه شورانلیغا چئویردیلر و دریا دریالیغیلا نئجه سویا موءحتاج اولدو!!!
اللری وار سایین افراسیابین.داها اوغورلار و باشاریلار دیله ییرم جنابینا.
بیرده منی باغیشلاسین سایین تنقیدچی "حدیث زیره به کرمان بردن اولدو بو باخیش".کی اوءزلرینین گوءزل و علمی تنقیدلریندن همشه فایدالانمیشام.حوءرمتله:
#سحر_خیاوی
https://t.me/Adabiyyatsevanlar

ادبیات سئونلر

بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.

258 viewsMarjan.m, 19:27

ادبیات سئونلر

🔴🔴🔴🔴سایین کانالداشلار

بوگئجه 96/05/29ساعات 22دن ساعات 23/30 قدر ده ده قورقود بویلارین سرکار خانیم رضوان حاجی قاسملونون دیلیندن ائشیده جییک .
https://t.me/Adabiyyatsevanlar

ادبیات سئونلر

208 viewsMarjan.m, edited 17:25

ادبیات سئونلر