"ثریا_خلیق_خیاوی"
شعر هاواسی اوره ییمدن ،
بارماقلاریما دولدو
کاغاذیم یوخ
جئب تلفونلارینی
اونوتموشدوق ائوده.
ماوی قلمینی منه وئردین
اللرینی اوزاتدین
دیزهلر اللرینده یاراندی.
یاغیش باشلادی
اللرینی توتدون گؤیه
شعریله یاغیشی بیرلیکده ایچدین.
کئشکه سوروشسایدیم :
شعری نئجه ایچیرسن؟!
آجی ، شیرین یا اورتا؟!
آبان آیی 1397
https://t.me/Adabiyyatsevanlar
شعر هاواسی اوره ییمدن ،
بارماقلاریما دولدو
کاغاذیم یوخ
جئب تلفونلارینی
اونوتموشدوق ائوده.
ماوی قلمینی منه وئردین
اللرینی اوزاتدین
دیزهلر اللرینده یاراندی.
یاغیش باشلادی
اللرینی توتدون گؤیه
شعریله یاغیشی بیرلیکده ایچدین.
کئشکه سوروشسایدیم :
شعری نئجه ایچیرسن؟!
آجی ، شیرین یا اورتا؟!
آبان آیی 1397
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
بیلدیریش
چهارشنبه گونو ادبیات سئونلر کانالیندا اوستاد ناصر منظوری نین دیرلی رومانی " آواوا" حاقیندا الیمیزه چاتان یازیلاری نشر ائده جیک سیزینده یازیلارینیزین یولونو گوزله ییریک .
https://t.me/Adabiyyatsevanlar
چهارشنبه گونو ادبیات سئونلر کانالیندا اوستاد ناصر منظوری نین دیرلی رومانی " آواوا" حاقیندا الیمیزه چاتان یازیلاری نشر ائده جیک سیزینده یازیلارینیزین یولونو گوزله ییریک .
https://t.me/Adabiyyatsevanlar
"صالح_سجادی"
بیرآز گئجیکسه ده بوگون تبریزین بو ایلده کی ایلک قاری یئره یئندی و بو طنز قوشما نی یئنه یادیما سالدی :
باشینا دؤندویوم تبریزین قاری
نه اودون کار وئرر نه ده بخاری
قوی بیر تعریف دئییم من سنه باری
نه دئییم بو قارا نه دئمک اولار!؟
تبریزین قاری نینی شخصیتی وار
نعمتی بیله نه بو قار نعمت دیر
بو قار فلسفه دیر بو قار حکمت دیر
بو قاردا دونماق دا بیر مزیت دیر
باشقا شهرلره یاغماز بئله قار
تبریزین قارینین شخصیتی وار
بو قاردا ،شعرینی درین له درسن
سئوگینی دویغونو حزین له درسن
یانمیش اوره یینی سرینله درسن
ائله سرینلر کی دامارین یانار
تبریزین قاری نین شخصیتی وار
بو قاردا دوشمن لر بئلی بوکولوب
قارابولود لاردان، دان لار سؤکولوب
بو قارا ستارخان قانی تؤکولوب
نه قدر دوز سپسن اَریمز،قالار
تبریزین قاری نین شخصیتی وار
دانیشسان، هاوادا دونار سؤزلرین
باشینا بؤرک قویسان یانار اوزلرین
اونودا باسدیرسان قالار گؤزلزرین
آدامین گؤزونون ایچیده دونار
تبریزین قاری نین شخصیتی وار
اورانی باسدیرسان، بوران دوناجاق
بورانی باسدیرسان، اوران دوناجاق
من دئیه بیلمیرم هاران دوناجاق
هیکله دونرسن هر یئرین هامار
تبریزین قاذری نین شخصیتی وار
*
یازیق تهرانلی لار، بیلمز نه دی قار
ایستی ده توستوده میللت چابالار
بیر سانتیم قاریاغسا هر یئر باغلانار
او قاردا، اورداکی تورکلری تاپار
تبریزین قاری نینی شخصیتی وار
*
وتو چه دانی که"تبریز قاری" چیست!؟
چه دانی بو قاردا اوز یوخاری چیست!؟
کَتده گُرگ میخوره مال داواری چیست!؟
سو دونار، نفت دونا، ضدیخ دونار
تبریزین قاری نین شخصیتی وار
اردبیلین قاری شوخلوق گؤتورمز
زنجانین قاری دا توتسا اؤتورمز
آما تبریز قاری ائله چوخ سورمز
بیزیمکی آز یاغار چوخ شیرین یاغار
تبریزین قاری نین شخصیتی وار
*
تبریزین قاری دیر اوجادان گلر
آدامین سومویون ایلییین دلر
قاداسین آلدیغیم اؤزوده بیلر
بیر گون اریه جک گلجک باهار
تبریزین قاری نینی شخصیتی وار
.
https://t.me/Adabiyyatsevanlar
بیرآز گئجیکسه ده بوگون تبریزین بو ایلده کی ایلک قاری یئره یئندی و بو طنز قوشما نی یئنه یادیما سالدی :
باشینا دؤندویوم تبریزین قاری
نه اودون کار وئرر نه ده بخاری
قوی بیر تعریف دئییم من سنه باری
نه دئییم بو قارا نه دئمک اولار!؟
تبریزین قاری نینی شخصیتی وار
نعمتی بیله نه بو قار نعمت دیر
بو قار فلسفه دیر بو قار حکمت دیر
بو قاردا دونماق دا بیر مزیت دیر
باشقا شهرلره یاغماز بئله قار
تبریزین قارینین شخصیتی وار
بو قاردا ،شعرینی درین له درسن
سئوگینی دویغونو حزین له درسن
یانمیش اوره یینی سرینله درسن
ائله سرینلر کی دامارین یانار
تبریزین قاری نین شخصیتی وار
بو قاردا دوشمن لر بئلی بوکولوب
قارابولود لاردان، دان لار سؤکولوب
بو قارا ستارخان قانی تؤکولوب
نه قدر دوز سپسن اَریمز،قالار
تبریزین قاری نین شخصیتی وار
دانیشسان، هاوادا دونار سؤزلرین
باشینا بؤرک قویسان یانار اوزلرین
اونودا باسدیرسان قالار گؤزلزرین
آدامین گؤزونون ایچیده دونار
تبریزین قاری نین شخصیتی وار
اورانی باسدیرسان، بوران دوناجاق
بورانی باسدیرسان، اوران دوناجاق
من دئیه بیلمیرم هاران دوناجاق
هیکله دونرسن هر یئرین هامار
تبریزین قاذری نین شخصیتی وار
*
یازیق تهرانلی لار، بیلمز نه دی قار
ایستی ده توستوده میللت چابالار
بیر سانتیم قاریاغسا هر یئر باغلانار
او قاردا، اورداکی تورکلری تاپار
تبریزین قاری نینی شخصیتی وار
*
وتو چه دانی که"تبریز قاری" چیست!؟
چه دانی بو قاردا اوز یوخاری چیست!؟
کَتده گُرگ میخوره مال داواری چیست!؟
سو دونار، نفت دونا، ضدیخ دونار
تبریزین قاری نین شخصیتی وار
اردبیلین قاری شوخلوق گؤتورمز
زنجانین قاری دا توتسا اؤتورمز
آما تبریز قاری ائله چوخ سورمز
بیزیمکی آز یاغار چوخ شیرین یاغار
تبریزین قاری نین شخصیتی وار
*
تبریزین قاری دیر اوجادان گلر
آدامین سومویون ایلییین دلر
قاداسین آلدیغیم اؤزوده بیلر
بیر گون اریه جک گلجک باهار
تبریزین قاری نینی شخصیتی وار
.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر (Kamran Azari Kamran Azari)
بیلدیریش
چهارشنبه گونو ادبیات سئونلر کانالیندا اوستاد ناصر منظوری نین دیرلی رومانی " آواوا" حاقیندا الیمیزه چاتان یازیلاری نشر ائده جیک سیزینده یازیلارینیزین یولونو گوزله ییریک .
https://t.me/Adabiyyatsevanlar
چهارشنبه گونو ادبیات سئونلر کانالیندا اوستاد ناصر منظوری نین دیرلی رومانی " آواوا" حاقیندا الیمیزه چاتان یازیلاری نشر ائده جیک سیزینده یازیلارینیزین یولونو گوزله ییریک .
https://t.me/Adabiyyatsevanlar
"ارسطو_مجرد"
آواوا رمانینی نهایت کی اوخودوم .
بیر معیار دیل واردیر و بو معیار دیلین ان آزی یوز ایل کئچمیشی و هله یوزلرجه ادبیات ساحه سینده شاعیر و یازیچیسی واردیر. و دقیقا بو فاکتور سبب اولور کی بو معیار دیلی معتبر و قایناق بیر دیل کیمی تانییاق. یوخسا لهجه لر اولدوقجا چوخدور و اگر هر کیمسه دوروب اؤز لهجه سیله یازماغا چالیشسا اوندا هئچ بیر مرکزی دیل یارانمایاجاق و سوندا ایره لی له مه یه جکدیر.
بو تایدا بیزیم رمان تاریخیمیزده ایکی یازیچی گنجعلی صباحی و ایواز طاهادان باشقا هئچ بیر رمان یازانین دیلی تانینمیش معیار دیل اساسیندا یازیلمامیشدیر. او معیار دیل کی یوسف وزیرچمن زمینلی، اسماعیل شیخلی، الیاس افندییئو، میرزه ایبراهیم اوو،میرجلال پاشایئو، مولود سلیمانلی،آنار رضا، اکرم ایلیسلی،ائلچین افندییئو، کامال عبدالله و باشقالاری بؤیوک اثرلر یارادیب عرصه یه چیخارمیشلار.
بوتون بو یازارلارین اوغورو باشقا سببلرله یاناشی معتبر بیر دیلین اطرافیندا توپلاشمالاری اولموشدور. بیزده ایسه خییوودان توتدو اردبیل، زنجان،اورمو و تبریزه کیمی هرکس معین ادعاایله چیخیش ائدیب اؤز محلی لهجه،آغیز و لغت لریله یازماغا چالیشمیشدیر. بو ایسه مسئله نی قارماقاریشیق بیر دیلین فورمالاشماغینا گتیریب چیخارمیشدیر.بو ادعانی ثبوت ائتمه یه چوخلو فاکتلار واردیر آنجاق من لاپ ایریسی اولان "آواوا"دان میثاللار گتیرمک ایسته ییرم. هانسی کی من نئچه لغت منبعینه باش چکدیم آنجاق بو کلمه لرین معنیلرینی تاپا بیلمه دیم.(یئری گلمیشکن اوخوجولاردان یاردیم ایسته ییرم)میثال اوچون "زئین"،"شاغی"،"هاندا بیر"،"گولبورد"،"ساآت"،"یالقیزک"،"توپپا"،"سازاخ"،"سزیرگییر"،"دستالات"،"پیستیک"،"باشلانقیش"،"جیلخ"،"شوراه"،"بیر کئش یا ایلک کئش"،"گورپ"،"ایشگین.ایشگیلنمک"،"گؤرسه دیش"و سایره... و بیر چوخ عجیب قریب و فارسجا قورولوشلو جومله لر:
"عجبی بوردادیر کی"،"گئجه چوخ گئج یوخوم آپاردی"،"حامام حالیمی حسابی سازالتدی"،"ایندیه نه کی هئچ ووجودو اولماسین،چوخدا ووجودو واردیر"،"رحمتلییین تورپاغینیندا اوستونه گئتمک ایستییرم"،"یئری قینجیقدیرمازدان سنین تکین یاتیملی بئللیییم"،"ساآت اوچ آرالاریندا ایدی"،"سونرا اوتانقاج بیر گولومسوندو"،"چوخدا مزاحیم اولان آدام لارا بنزه میر"،"اوغلان ایش گوجونو بوراقدیقدا قیزبازلانیر"،"بیر بیرلرینی ورانداز ائلییردیلر"، هانسی اؤلکه ده بئله دیر. سایماقدان قورتارمیر. نه یازیق کی هامیسینی بو یازییا یوکله مک اولمور. ساختا و اؤلو جومله لر. نثر دوروموموز آرتیق بئله دیر.
ایندی نئیله مک لازیمدیر. هرکس دورسون اؤز شهرینین،کندینین دیلی ایله یازسین. نتیجه نه اولار؟نه تبریز آغیزی، نه اورمو،نه موغان، نه اردبیل و نه ده باشقا ماحاللارین آغزی تک باشینا معیاردیلین خصوصیتلرینه صاحیب دئییلدیر. معیار دیل یوکسک اجتماعی اعتبارا مالیک اولمالیدیر.معیار دیل او دور کی اونیوئرسیته لرده ، مدرسه لرده یازیلیر و اوخونور. ژورناللاردا،رادیو و تلویزیوندا و تحصیل آلمیش اینسانلارین دیلینده آخیر.معیار دیل او دیل دیر کی تاریخی ادبیاتی و بؤیوک یازیچیلاری واردیر.
آواوا رمانینین یازاری حؤرمتلی ناصر منظوری جنابلاریدیر.
https://t.me/Adabiyyatsevanlar
آواوا رمانینی نهایت کی اوخودوم .
بیر معیار دیل واردیر و بو معیار دیلین ان آزی یوز ایل کئچمیشی و هله یوزلرجه ادبیات ساحه سینده شاعیر و یازیچیسی واردیر. و دقیقا بو فاکتور سبب اولور کی بو معیار دیلی معتبر و قایناق بیر دیل کیمی تانییاق. یوخسا لهجه لر اولدوقجا چوخدور و اگر هر کیمسه دوروب اؤز لهجه سیله یازماغا چالیشسا اوندا هئچ بیر مرکزی دیل یارانمایاجاق و سوندا ایره لی له مه یه جکدیر.
بو تایدا بیزیم رمان تاریخیمیزده ایکی یازیچی گنجعلی صباحی و ایواز طاهادان باشقا هئچ بیر رمان یازانین دیلی تانینمیش معیار دیل اساسیندا یازیلمامیشدیر. او معیار دیل کی یوسف وزیرچمن زمینلی، اسماعیل شیخلی، الیاس افندییئو، میرزه ایبراهیم اوو،میرجلال پاشایئو، مولود سلیمانلی،آنار رضا، اکرم ایلیسلی،ائلچین افندییئو، کامال عبدالله و باشقالاری بؤیوک اثرلر یارادیب عرصه یه چیخارمیشلار.
بوتون بو یازارلارین اوغورو باشقا سببلرله یاناشی معتبر بیر دیلین اطرافیندا توپلاشمالاری اولموشدور. بیزده ایسه خییوودان توتدو اردبیل، زنجان،اورمو و تبریزه کیمی هرکس معین ادعاایله چیخیش ائدیب اؤز محلی لهجه،آغیز و لغت لریله یازماغا چالیشمیشدیر. بو ایسه مسئله نی قارماقاریشیق بیر دیلین فورمالاشماغینا گتیریب چیخارمیشدیر.بو ادعانی ثبوت ائتمه یه چوخلو فاکتلار واردیر آنجاق من لاپ ایریسی اولان "آواوا"دان میثاللار گتیرمک ایسته ییرم. هانسی کی من نئچه لغت منبعینه باش چکدیم آنجاق بو کلمه لرین معنیلرینی تاپا بیلمه دیم.(یئری گلمیشکن اوخوجولاردان یاردیم ایسته ییرم)میثال اوچون "زئین"،"شاغی"،"هاندا بیر"،"گولبورد"،"ساآت"،"یالقیزک"،"توپپا"،"سازاخ"،"سزیرگییر"،"دستالات"،"پیستیک"،"باشلانقیش"،"جیلخ"،"شوراه"،"بیر کئش یا ایلک کئش"،"گورپ"،"ایشگین.ایشگیلنمک"،"گؤرسه دیش"و سایره... و بیر چوخ عجیب قریب و فارسجا قورولوشلو جومله لر:
"عجبی بوردادیر کی"،"گئجه چوخ گئج یوخوم آپاردی"،"حامام حالیمی حسابی سازالتدی"،"ایندیه نه کی هئچ ووجودو اولماسین،چوخدا ووجودو واردیر"،"رحمتلییین تورپاغینیندا اوستونه گئتمک ایستییرم"،"یئری قینجیقدیرمازدان سنین تکین یاتیملی بئللیییم"،"ساآت اوچ آرالاریندا ایدی"،"سونرا اوتانقاج بیر گولومسوندو"،"چوخدا مزاحیم اولان آدام لارا بنزه میر"،"اوغلان ایش گوجونو بوراقدیقدا قیزبازلانیر"،"بیر بیرلرینی ورانداز ائلییردیلر"، هانسی اؤلکه ده بئله دیر. سایماقدان قورتارمیر. نه یازیق کی هامیسینی بو یازییا یوکله مک اولمور. ساختا و اؤلو جومله لر. نثر دوروموموز آرتیق بئله دیر.
ایندی نئیله مک لازیمدیر. هرکس دورسون اؤز شهرینین،کندینین دیلی ایله یازسین. نتیجه نه اولار؟نه تبریز آغیزی، نه اورمو،نه موغان، نه اردبیل و نه ده باشقا ماحاللارین آغزی تک باشینا معیاردیلین خصوصیتلرینه صاحیب دئییلدیر. معیار دیل یوکسک اجتماعی اعتبارا مالیک اولمالیدیر.معیار دیل او دور کی اونیوئرسیته لرده ، مدرسه لرده یازیلیر و اوخونور. ژورناللاردا،رادیو و تلویزیوندا و تحصیل آلمیش اینسانلارین دیلینده آخیر.معیار دیل او دیل دیر کی تاریخی ادبیاتی و بؤیوک یازیچیلاری واردیر.
آواوا رمانینین یازاری حؤرمتلی ناصر منظوری جنابلاریدیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"
ح.حیدری"
«آواوا»یا سؤیکهنن چاغداش گونئی نثری
گونئی نثرینی نظره آلاندا، ناصر منظوری اؤزونه مخصوص یئر قازانیب و رومان ژانریندا سؤزونو دئین یازارلارداندیر. «آواوا» رومانی تکنیک و دیل باخیمدان یئنی رومانلاردان ساییلیر.
گؤنئی ادبیاتیندا نثر اؤزونو هله او مرحلهیه چاتدیرا بیلمهییب، و سامباللی اثرلر یارانمادیغی حالدا «آواوا» اؤز یئرینی یاخشیجا توتوب و رومان کیمی اوخوجو رغبتینی قازانیبدیر. آرتیق بارماق ساییندا تحکییه ادبیاتیندا قلم وورانلاری اولان محیطدن شاه اثر آختارماق منجه یئرسیزسیزدیر. آنجاق ایندینی گؤروب گلهجهیه امید باغلاماق یئرسیز اولماز.
بو آخیر ایللرده عرصهیه گلن تحکییه ادبیاتیندا اوغورلو یازیلار، گلهجکده بو ساحهده یئنی آددیملارلا تانیش اولماغیمیز مومکونسوز اولمایاجاق.
او جملهدن خانیم لار فرانک فرید-کبیری- محمدرضایی -آغالار شریف مردی - داوود دوستار- حامد احمدی- یحیی آلیلو- غفور امامیزاده- صالح عطایی- نریمان ناظم- شهرام گلکار-رضا کاظمی- رحیم خیاوی- اسماعیل خرمی و باشقا آدلاری یادیمدا قالمایان یازالاریمیزدان (بورادان قلمدن دوشنلردن عذر ایستهییرم) آد آپارماق اولار.
تحکییه ادبیاتیمیز ایلکین آددیملارینی آتیر. و گؤرکملی ادبیات مسابقهلرینه قاتیلماقلا، اوغورلار دا قازانیرلار. او جملهدن خانم کبیری، حامد احمدی، رضا کاظمی و آقای امامیزادهدن آد آپارماق اولار. بوراسی چوخ سئویندیریجی و اؤنملیدیر کی بیزیمده تحکییه ادبیاتیندا دئمهیه سؤزوموز وار. اینانیرام کی گلهجکده اوغولاریمیز بؤل اولاجاق.
بؤیوک یازارلار و تحکییهچیلر سیراسیندا یاناشی قویماغا، منجه هله گؤنئی ادبیاتیندا ائله بیر شخص عرصهیه گلمهییب. گمان کی بو گلهجکده اولمالیدیر. اما هلهلیک دونیا سویهلی یازارلارلا بیر سیرادا، دوست-تانیشلاریمیزی یئرلشدیرمک، منجه ادبیاتدان کنار دوشونوب و اوخوجونون دوشونجهسینی آشاغیلاماقدیر.
بو رومانی من نئچه ایل بوندان اؤنجه اوخوموشام. گمان 92- نجی ایل ایدی. دیل و تکنیک باخیمیندان و اوخوجونو رومانین فضاسیندا یئترلی باغلارلا اؤزونه چکیر و کتابی الدن قویماغا ماراغی آزالدیب، آردینی اوخویوب قورتارماغا میلی آرتیریر. سونای فلسفهسینه یئرلی باخیشلا و عادت عنعنهلرله یاناشاراق، اوخوجونو دقت مرکزینه یؤنلدیب، بیلیینی آرتیریر. پرسوناژلاری و اونلارا مخصوص اولان اوبرازلارین کیملیی و ماهیتینی ساده دیلله، اطرافلی ایضاحلارلا آشیلاییر. بیر ائپزود منده ماراق اویاداراق و بو یازارین هرطرفلی و علمی احاطه ائتدیی ائپیزود منی ایندیده شاشیردیر. بو قهرمانلارین بیرینین نئچه مرتبهلی بیر بینا انشا ائتمهسی دیر. اورادا معمارلیقا عاید بوتون علم و بیلیکدن استفاده اولونوب. حتی گونشین هاردان چیخیب، هانکی آچیدان بویلانماسی علمی نظریهلر اوستونده اویرهنیلیب، بینانین تیکیلمهسینده استفاده اولونور. بو منیم ذهنیمده سواللار یارادیر. آیا بو ناثیر فیزیک عالیمی دیر؟ ریاضیاتچیدیر؟ معمارلیق رشتهسینده عالی تحصیل آلیب، معماردیر؟ بو گونهجن بو سواللاریما جاواب تاپا بیلمیرم. سعادت اولماییب ناثیرین اؤزویله ده گؤروشم. "آواوا" رومانی گونئی نثرینده دئمهیه چوخ سؤزو وار. من او حدده دئییلم کی بو رومانی نقد ائلییم، اما بیر اوخوجو کیمی اؤز اوسته گئدن دوشونجهمی دوستلارا پایلاشیرام.
https://t.me/Adabiyyatsevanlar
ح.حیدری"
«آواوا»یا سؤیکهنن چاغداش گونئی نثری
گونئی نثرینی نظره آلاندا، ناصر منظوری اؤزونه مخصوص یئر قازانیب و رومان ژانریندا سؤزونو دئین یازارلارداندیر. «آواوا» رومانی تکنیک و دیل باخیمدان یئنی رومانلاردان ساییلیر.
گؤنئی ادبیاتیندا نثر اؤزونو هله او مرحلهیه چاتدیرا بیلمهییب، و سامباللی اثرلر یارانمادیغی حالدا «آواوا» اؤز یئرینی یاخشیجا توتوب و رومان کیمی اوخوجو رغبتینی قازانیبدیر. آرتیق بارماق ساییندا تحکییه ادبیاتیندا قلم وورانلاری اولان محیطدن شاه اثر آختارماق منجه یئرسیزسیزدیر. آنجاق ایندینی گؤروب گلهجهیه امید باغلاماق یئرسیز اولماز.
بو آخیر ایللرده عرصهیه گلن تحکییه ادبیاتیندا اوغورلو یازیلار، گلهجکده بو ساحهده یئنی آددیملارلا تانیش اولماغیمیز مومکونسوز اولمایاجاق.
او جملهدن خانیم لار فرانک فرید-کبیری- محمدرضایی -آغالار شریف مردی - داوود دوستار- حامد احمدی- یحیی آلیلو- غفور امامیزاده- صالح عطایی- نریمان ناظم- شهرام گلکار-رضا کاظمی- رحیم خیاوی- اسماعیل خرمی و باشقا آدلاری یادیمدا قالمایان یازالاریمیزدان (بورادان قلمدن دوشنلردن عذر ایستهییرم) آد آپارماق اولار.
تحکییه ادبیاتیمیز ایلکین آددیملارینی آتیر. و گؤرکملی ادبیات مسابقهلرینه قاتیلماقلا، اوغورلار دا قازانیرلار. او جملهدن خانم کبیری، حامد احمدی، رضا کاظمی و آقای امامیزادهدن آد آپارماق اولار. بوراسی چوخ سئویندیریجی و اؤنملیدیر کی بیزیمده تحکییه ادبیاتیندا دئمهیه سؤزوموز وار. اینانیرام کی گلهجکده اوغولاریمیز بؤل اولاجاق.
بؤیوک یازارلار و تحکییهچیلر سیراسیندا یاناشی قویماغا، منجه هله گؤنئی ادبیاتیندا ائله بیر شخص عرصهیه گلمهییب. گمان کی بو گلهجکده اولمالیدیر. اما هلهلیک دونیا سویهلی یازارلارلا بیر سیرادا، دوست-تانیشلاریمیزی یئرلشدیرمک، منجه ادبیاتدان کنار دوشونوب و اوخوجونون دوشونجهسینی آشاغیلاماقدیر.
بو رومانی من نئچه ایل بوندان اؤنجه اوخوموشام. گمان 92- نجی ایل ایدی. دیل و تکنیک باخیمیندان و اوخوجونو رومانین فضاسیندا یئترلی باغلارلا اؤزونه چکیر و کتابی الدن قویماغا ماراغی آزالدیب، آردینی اوخویوب قورتارماغا میلی آرتیریر. سونای فلسفهسینه یئرلی باخیشلا و عادت عنعنهلرله یاناشاراق، اوخوجونو دقت مرکزینه یؤنلدیب، بیلیینی آرتیریر. پرسوناژلاری و اونلارا مخصوص اولان اوبرازلارین کیملیی و ماهیتینی ساده دیلله، اطرافلی ایضاحلارلا آشیلاییر. بیر ائپزود منده ماراق اویاداراق و بو یازارین هرطرفلی و علمی احاطه ائتدیی ائپیزود منی ایندیده شاشیردیر. بو قهرمانلارین بیرینین نئچه مرتبهلی بیر بینا انشا ائتمهسی دیر. اورادا معمارلیقا عاید بوتون علم و بیلیکدن استفاده اولونوب. حتی گونشین هاردان چیخیب، هانکی آچیدان بویلانماسی علمی نظریهلر اوستونده اویرهنیلیب، بینانین تیکیلمهسینده استفاده اولونور. بو منیم ذهنیمده سواللار یارادیر. آیا بو ناثیر فیزیک عالیمی دیر؟ ریاضیاتچیدیر؟ معمارلیق رشتهسینده عالی تحصیل آلیب، معماردیر؟ بو گونهجن بو سواللاریما جاواب تاپا بیلمیرم. سعادت اولماییب ناثیرین اؤزویله ده گؤروشم. "آواوا" رومانی گونئی نثرینده دئمهیه چوخ سؤزو وار. من او حدده دئییلم کی بو رومانی نقد ائلییم، اما بیر اوخوجو کیمی اؤز اوسته گئدن دوشونجهمی دوستلارا پایلاشیرام.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
رحیم علییئو’دن بیر مقاله ناصر منظوری حاققیندا
(بیرینجی بؤلۆم)
آشاغیدا وئریلن تنقیدی آنالیتیک یازی، «گۆنئی آذربایجان أدبیاتی تاریخی، ایکینجی جیلد»-ینده (عئلملر آکادئمییاسی ۲۰۱۳) ناصر منظورینین حاققیندا گئدن ۱۵ صفحهلیک بیر مقالهنین کیچیک بیر پارچاسیدیر.
مقالهنین یازاری رحیم علییئو دیر.
رحیم علییئو آذربایجانین بؤیوک و تانینمیش یازاری و تنقیدچیسی، إله’جه ده، أدبیات نظریهچیسی دیر. اۏنون آدلیم اۏلان «أدبیات نظریهسی» کیتابی(گۆنئی آذربایجاندا یئنی قاپی نشریاتینین أمکداشلیغی’یلا عرب ألیفباسیندا یاخین زاماندا دا یاییملاناجاق) آذربایجان أدبیات فاکولتهلرینده تدریس اۏلوندوقدا مرجع سانیلان بیر کتاب دیر.
رحیم علییئو اؤز حیکایهلرینی ده ناصر منظورینین حاققیندا دۆشۆندۆگۆ کیمی یازیر.
آشاغیداکی مقالهنین أصلی «ادبیات قزئتهسی»ـنین ۴۸۸۴ ساییسیندا دا (۲۰۱۳) چاپ اۏلوبدور. آنجاق مقالهنین بو پارچاسیندا گئدن دۆشۆنجه قوزئی آذربایجاندا تؤرنمیش دیل گرگینلیگینین نهدنلرینی آچیقلادیغینـا گؤره اؤنملی ساییلدیغی اۆچۆن بورادا وئریلیر.
مقالهنین بو پارچاسیندا، رحیم بَگ، چۏخ درین و جیددی ساییلان بیر نؤکتهنی آیدینلادیر . .
. . . اۏنون پرۏزاسی پسیکۏلۏژیک دئتاللار’لا و موشاهیدهلر’له داها زنگین دیر. یازار کیمی بۆتۆن دیقتینین اینسانین ایچ دۆنیاسینی گؤرستمهگه، سؤزلر’له عیانیلشدیرمهگه یؤنلهدیر. ناصر منظورینین نثرده أن قیمتلی، گؤزلهنیلمهگن جهتی یئنی بیر نثر تحکیهسی یاراتماق تشبّۆثۆ دیر.
تحکیه پرابلئمی بیزیم قوزئی نثرده ده آکتوال دیر، ایسی ملیکزاده، أکرم أیلیسلی، رادیۏنون فۏلکلۏر رئداکسیـیاسی و باشقالاری بو یؤنده چۏخ چالیشیبلار. لاکین، تحکیه پرابلئمی، اۏنون یازیلی دیل منطیقیندن چیخا بیلمهمهگی هله ده بیزیم اۆچۆن پرابلئم اۏلاراق قالیر. باکییـا عئلمی ایش مودافیعه إتمهگه گلن گۆنئیلی عالیملر بیزیم عئلمی کیتابلاری، ایلک نؤوبهده، سینتاکتیک اینتۏناسییانی (نحوی لحنینی) توتا بیلمهدیکلرینـه گؤره اۏخویا بیلمیرلر و گیلئیلهنیرلر.
بو، چاغداش أدبی دیلدهکی جیددی بیر أنگل دیر. یقین کی، دۆز گیلئیلهنیرلر، چۆنکی ترجۆمه اۏسلوبوندان تؤرهمه سینتاکتیک اینتۏناسییا (نحوی لحن)، اؤزۆ ده آنا دیلدن یۏخ، «کالکا» و یاد بیر اینتۏناسییا (لحن) دیر.
باکیدا چیخان عئلمی کیتابلاری اۏخویاندا، ناصر منظوری، یقین کی، بو پرابلئم’له تۏققوشوبدور. بو اینتۏناسییا نهاینکی یاد دیر، پۏبلیسیستیک دیلده چۏخ ضعیف دیر. بو ایسه کیتاب اۏخوماقدا پسیکۏلۏژی اینجیتمهسی یارادیر، آرتیق إنئرژی طلب إدیر.
بو پرابلئم ایکی تاریخی سبب’له باغلی دیر.
ساوئتلشمهدن سۏنرا مطبوعات دیلی ا. حاقوئردییئو و میرزه جلیل عنعنهلریندن اوزاقلاشدی، چۆنکی بۏلشئویک قزئتهچیلیگی ترجۆمهچیلیگین بیر شکلینـه چئوریلدی. بۆتۆن قزئتلر «آذر.اینفورم»ـون مۏسکووادان گلن و یا باکی یهودیلری طرفیندن روسجا یازیلان ماتئریاللارین ترجۆمهسیندن عیبارت اۏلدو. بۏلشئویک ژۏرنالیستلر بیرـبیر ساوئت یازیچیسینـا چئوریلنده ایستر-ایستهمز ترجۆمه اۏسلوبوندا یازیردیلار. ک. مارکسین و و. لئنینین أثرلری ده بو ترجۆمه اۏسلوبوندا چئوریلدی.
بو، رۏلان بارتین «دیلین حؤکمۆ» آدلاندیردیغی حال ایدی. بو اۏسلوبو بَگنمهسک ده، اۏنون ایچیندن چیخا بیلمیریک.
شعرده ترجۆمه اۏسلوبونون باسقیسی اۏلمادی، چۆنکی هئجا شعری تحکیهسی هله ۱۶-نجی عصردن بری فۏرمالاشمیشدی. نثر تحکیهسی ۲۰ـ۳۰ـنجو ایللرده رۏمان ژانری ایله بیرگه یئنیدن یارانیردی. بو یارانما ساوئت مطبوعات دیلی ایله بیرگه گئتدیگیندن قزئت اۏسلوبونون باسقیسینـا تابئع اۏلدو.
مۆستقیللیک دؤورۆندن بری ترجۆمه «آذر.اینفورم»ـو یۏخ دیر. أدبی دیلیمیز آز-آز اۏلسا دا اؤز طبیعتینـه، اؤز اینتۏناسییاسینـا (لحنینـه) و سینتاکسیسینـه (نحوینه) قاییدیر. بو قاییدیشین أن رادیکال تظاهورونو، گؤزلهنیلمز ده اۏلسا، گۆنئی آذربایجاندان گؤرۆرۆک. دۏغرو دیر، ناصر منظوری اؤز تحکیه آختاریشلارینی آنجاق بیزیم یوخاریدا گؤرستدیگیمیز سببلره گؤره آپارمیر. أن قیمتلیسی اۏ دیر کی، اۏ آنجاق گؤزل بیلدیگی گۆنئی دیالئکتلرینـه أساسلانماغینـا چالیشیر، اۏنلارین ایفاده گۆجۆنه اینانیر.
بیزده ایندی ده قزئتهچیلیکده و ترجۆمهچیلیکده تحکیه إکسپئریمئنت-لرینی بو دفعه ایستانبول لهجهسینه أساسلاندیرماق تشبّۆثۆ ده وار دیر. منظوری بونو معناسیز ساییر، آنجاق اؤز بیلدیگی آنادیلینین، تۆرک سؤزلرینین، اۏبیریلردن قدیم تبریز(مییانا) دییالئکتینین پۏتانسییئلینی اۏرتایا قۏیماغا جان آتیر. بیز’جه، أن قیمتلیسی إله بو دیر.
(بیرینجی بؤلۆمۆن سۏنو)
مقالهنین ایکینجی بؤلۆمۆنۆ آشاغیداکی گؤندریده اۏخویون!
قایناق : یئنی قاپی
https://t.me/Adabiyyatsevanlar
(بیرینجی بؤلۆم)
آشاغیدا وئریلن تنقیدی آنالیتیک یازی، «گۆنئی آذربایجان أدبیاتی تاریخی، ایکینجی جیلد»-ینده (عئلملر آکادئمییاسی ۲۰۱۳) ناصر منظورینین حاققیندا گئدن ۱۵ صفحهلیک بیر مقالهنین کیچیک بیر پارچاسیدیر.
مقالهنین یازاری رحیم علییئو دیر.
رحیم علییئو آذربایجانین بؤیوک و تانینمیش یازاری و تنقیدچیسی، إله’جه ده، أدبیات نظریهچیسی دیر. اۏنون آدلیم اۏلان «أدبیات نظریهسی» کیتابی(گۆنئی آذربایجاندا یئنی قاپی نشریاتینین أمکداشلیغی’یلا عرب ألیفباسیندا یاخین زاماندا دا یاییملاناجاق) آذربایجان أدبیات فاکولتهلرینده تدریس اۏلوندوقدا مرجع سانیلان بیر کتاب دیر.
رحیم علییئو اؤز حیکایهلرینی ده ناصر منظورینین حاققیندا دۆشۆندۆگۆ کیمی یازیر.
آشاغیداکی مقالهنین أصلی «ادبیات قزئتهسی»ـنین ۴۸۸۴ ساییسیندا دا (۲۰۱۳) چاپ اۏلوبدور. آنجاق مقالهنین بو پارچاسیندا گئدن دۆشۆنجه قوزئی آذربایجاندا تؤرنمیش دیل گرگینلیگینین نهدنلرینی آچیقلادیغینـا گؤره اؤنملی ساییلدیغی اۆچۆن بورادا وئریلیر.
مقالهنین بو پارچاسیندا، رحیم بَگ، چۏخ درین و جیددی ساییلان بیر نؤکتهنی آیدینلادیر . .
. . . اۏنون پرۏزاسی پسیکۏلۏژیک دئتاللار’لا و موشاهیدهلر’له داها زنگین دیر. یازار کیمی بۆتۆن دیقتینین اینسانین ایچ دۆنیاسینی گؤرستمهگه، سؤزلر’له عیانیلشدیرمهگه یؤنلهدیر. ناصر منظورینین نثرده أن قیمتلی، گؤزلهنیلمهگن جهتی یئنی بیر نثر تحکیهسی یاراتماق تشبّۆثۆ دیر.
تحکیه پرابلئمی بیزیم قوزئی نثرده ده آکتوال دیر، ایسی ملیکزاده، أکرم أیلیسلی، رادیۏنون فۏلکلۏر رئداکسیـیاسی و باشقالاری بو یؤنده چۏخ چالیشیبلار. لاکین، تحکیه پرابلئمی، اۏنون یازیلی دیل منطیقیندن چیخا بیلمهمهگی هله ده بیزیم اۆچۆن پرابلئم اۏلاراق قالیر. باکییـا عئلمی ایش مودافیعه إتمهگه گلن گۆنئیلی عالیملر بیزیم عئلمی کیتابلاری، ایلک نؤوبهده، سینتاکتیک اینتۏناسییانی (نحوی لحنینی) توتا بیلمهدیکلرینـه گؤره اۏخویا بیلمیرلر و گیلئیلهنیرلر.
بو، چاغداش أدبی دیلدهکی جیددی بیر أنگل دیر. یقین کی، دۆز گیلئیلهنیرلر، چۆنکی ترجۆمه اۏسلوبوندان تؤرهمه سینتاکتیک اینتۏناسییا (نحوی لحن)، اؤزۆ ده آنا دیلدن یۏخ، «کالکا» و یاد بیر اینتۏناسییا (لحن) دیر.
باکیدا چیخان عئلمی کیتابلاری اۏخویاندا، ناصر منظوری، یقین کی، بو پرابلئم’له تۏققوشوبدور. بو اینتۏناسییا نهاینکی یاد دیر، پۏبلیسیستیک دیلده چۏخ ضعیف دیر. بو ایسه کیتاب اۏخوماقدا پسیکۏلۏژی اینجیتمهسی یارادیر، آرتیق إنئرژی طلب إدیر.
بو پرابلئم ایکی تاریخی سبب’له باغلی دیر.
ساوئتلشمهدن سۏنرا مطبوعات دیلی ا. حاقوئردییئو و میرزه جلیل عنعنهلریندن اوزاقلاشدی، چۆنکی بۏلشئویک قزئتهچیلیگی ترجۆمهچیلیگین بیر شکلینـه چئوریلدی. بۆتۆن قزئتلر «آذر.اینفورم»ـون مۏسکووادان گلن و یا باکی یهودیلری طرفیندن روسجا یازیلان ماتئریاللارین ترجۆمهسیندن عیبارت اۏلدو. بۏلشئویک ژۏرنالیستلر بیرـبیر ساوئت یازیچیسینـا چئوریلنده ایستر-ایستهمز ترجۆمه اۏسلوبوندا یازیردیلار. ک. مارکسین و و. لئنینین أثرلری ده بو ترجۆمه اۏسلوبوندا چئوریلدی.
بو، رۏلان بارتین «دیلین حؤکمۆ» آدلاندیردیغی حال ایدی. بو اۏسلوبو بَگنمهسک ده، اۏنون ایچیندن چیخا بیلمیریک.
شعرده ترجۆمه اۏسلوبونون باسقیسی اۏلمادی، چۆنکی هئجا شعری تحکیهسی هله ۱۶-نجی عصردن بری فۏرمالاشمیشدی. نثر تحکیهسی ۲۰ـ۳۰ـنجو ایللرده رۏمان ژانری ایله بیرگه یئنیدن یارانیردی. بو یارانما ساوئت مطبوعات دیلی ایله بیرگه گئتدیگیندن قزئت اۏسلوبونون باسقیسینـا تابئع اۏلدو.
مۆستقیللیک دؤورۆندن بری ترجۆمه «آذر.اینفورم»ـو یۏخ دیر. أدبی دیلیمیز آز-آز اۏلسا دا اؤز طبیعتینـه، اؤز اینتۏناسییاسینـا (لحنینـه) و سینتاکسیسینـه (نحوینه) قاییدیر. بو قاییدیشین أن رادیکال تظاهورونو، گؤزلهنیلمز ده اۏلسا، گۆنئی آذربایجاندان گؤرۆرۆک. دۏغرو دیر، ناصر منظوری اؤز تحکیه آختاریشلارینی آنجاق بیزیم یوخاریدا گؤرستدیگیمیز سببلره گؤره آپارمیر. أن قیمتلیسی اۏ دیر کی، اۏ آنجاق گؤزل بیلدیگی گۆنئی دیالئکتلرینـه أساسلانماغینـا چالیشیر، اۏنلارین ایفاده گۆجۆنه اینانیر.
بیزده ایندی ده قزئتهچیلیکده و ترجۆمهچیلیکده تحکیه إکسپئریمئنت-لرینی بو دفعه ایستانبول لهجهسینه أساسلاندیرماق تشبّۆثۆ ده وار دیر. منظوری بونو معناسیز ساییر، آنجاق اؤز بیلدیگی آنادیلینین، تۆرک سؤزلرینین، اۏبیریلردن قدیم تبریز(مییانا) دییالئکتینین پۏتانسییئلینی اۏرتایا قۏیماغا جان آتیر. بیز’جه، أن قیمتلیسی إله بو دیر.
(بیرینجی بؤلۆمۆن سۏنو)
مقالهنین ایکینجی بؤلۆمۆنۆ آشاغیداکی گؤندریده اۏخویون!
قایناق : یئنی قاپی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
رحیم علییئو’دن بیر مقاله ناصر منظوری حاققیندا
(ایکینجی بؤلۆم)
یئتکین أدبی دیلیمیز گۆنئی و قوزئی دییالئکتلرینین، اۏنلارین سؤز و ایفاده گۆجۆنۆن طبیعی سینتئزی اۏلاجاقدیر، بو، قاچیلماز دیر. ناصر منظورینین ألده اۏلان یازیلاری باکیدا ایشلک اۏلان نثر تحکیهسینی، مۆعیّن معنادا، داغیدیر. بو یاخشی داغیلما دیر، چۆنکی نثر تحکیهسینین آنا دیلیمیزین طبیعی دانیشیغا أساسلانان اینتۏناسییا و سؤز پۏتئنسییالینـا قاییتماسینـا ایمکان، یۏل و پسیکۏلۏژی أساسلار وئریر. اۏ ایصلاحات تکلیف إتمیر، آنجاق اؤرنک گؤرسهدیر.
ناصر منظوری هم ده اینگلیس’جه گؤزل بیلن دیلچی، پسیکۏلۏق و تحکیه نظریهچیسی دیر. بو بارهده اینگلیس و فارس دیلینده بیر سیرا أثرلری وار دیر. بو أثرلرده اۏ، بئیین، یادداش و دیل علاقهلرینین تدقیق إدن پئشهکار بیر پسیکۏلۏق دیر. اۏنون نثرینده ده قهرمانلارین یادداشینی آراشدیرماق، بورادا گؤزلهنیلمز قانونا اویقونلوقلار، حادیثه و تظاهورلار تاپماق جهدی قاباریق دیر. سؤزلر، هم ده اوشاقلیقدان یادداشدا یووا سالمیش سؤزلر، اۏنون اۆچۆن یادداشین آچاری دیر، اۏنون دؤنگهلرینی، گیزلی پۏتئنسییالینی آنلاماق اۆچۆن أساس واسیطه دیر. یازیچی گؤرسهدیر کی، آداملار اؤز یادداش پۏتئنسییالیندان أصلیندن خبرسیز دیر. . . .
قایناق : یئنی قاپی
https://t.me/Adabiyyatsevanlar
(ایکینجی بؤلۆم)
یئتکین أدبی دیلیمیز گۆنئی و قوزئی دییالئکتلرینین، اۏنلارین سؤز و ایفاده گۆجۆنۆن طبیعی سینتئزی اۏلاجاقدیر، بو، قاچیلماز دیر. ناصر منظورینین ألده اۏلان یازیلاری باکیدا ایشلک اۏلان نثر تحکیهسینی، مۆعیّن معنادا، داغیدیر. بو یاخشی داغیلما دیر، چۆنکی نثر تحکیهسینین آنا دیلیمیزین طبیعی دانیشیغا أساسلانان اینتۏناسییا و سؤز پۏتئنسییالینـا قاییتماسینـا ایمکان، یۏل و پسیکۏلۏژی أساسلار وئریر. اۏ ایصلاحات تکلیف إتمیر، آنجاق اؤرنک گؤرسهدیر.
ناصر منظوری هم ده اینگلیس’جه گؤزل بیلن دیلچی، پسیکۏلۏق و تحکیه نظریهچیسی دیر. بو بارهده اینگلیس و فارس دیلینده بیر سیرا أثرلری وار دیر. بو أثرلرده اۏ، بئیین، یادداش و دیل علاقهلرینین تدقیق إدن پئشهکار بیر پسیکۏلۏق دیر. اۏنون نثرینده ده قهرمانلارین یادداشینی آراشدیرماق، بورادا گؤزلهنیلمز قانونا اویقونلوقلار، حادیثه و تظاهورلار تاپماق جهدی قاباریق دیر. سؤزلر، هم ده اوشاقلیقدان یادداشدا یووا سالمیش سؤزلر، اۏنون اۆچۆن یادداشین آچاری دیر، اۏنون دؤنگهلرینی، گیزلی پۏتئنسییالینی آنلاماق اۆچۆن أساس واسیطه دیر. یازیچی گؤرسهدیر کی، آداملار اؤز یادداش پۏتئنسییالیندان أصلیندن خبرسیز دیر. . . .
قایناق : یئنی قاپی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر (Kamran Azari Kamran Azari)
بیلدیریش
چهارشنبه گونو ادبیات سئونلر کانالیندا اوستاد ناصر منظوری نین دیرلی رومانی " آواوا" حاقیندا الیمیزه چاتان یازیلاری نشر ائده جیک سیزینده یازیلارینیزین یولونو گوزله ییریک .
https://t.me/Adabiyyatsevanlar
چهارشنبه گونو ادبیات سئونلر کانالیندا اوستاد ناصر منظوری نین دیرلی رومانی " آواوا" حاقیندا الیمیزه چاتان یازیلاری نشر ائده جیک سیزینده یازیلارینیزین یولونو گوزله ییریک .
https://t.me/Adabiyyatsevanlar
دومان بختیاری:
ارستو مجردین یازدیغی نظری "آواوا" رومانی حاقدا اوخودوم عزیز اوخوجولار:
١- بیر اثری نقد ائله مکده تکجه دیل باخیمیندان نقد ائله مزلر بلکه بوتون مؤلیفه لرینی نظرده دوتاراق حاققیندا دانیشماق گرکدیر "آواوا" رومانینین حاققیندا هانسی جغرافیا دا یارانماسینی و او جغرافیایا عاید اولان اولای لاری نظرده دوتاراق یازارین مخاطبلرینی ده دوشونه رک لهجه اساسیندا گلن سؤزجوک لر و سؤز ترکیبلری دوغال ساییلیر
لهجه دیلین دئیشیلمز حیسسه لریندن دیر قیراغا قویماق ممکون دئییل
٢- معیار دیل بیزیم آذربایجانین هانسی مدرسه سینده یا دانشگاهیندا تدریس اولونور وهانسی معیارلارایلا ؟!
نه جور بو رومانین مخاطب لرینه شمالی آذربایجاندا یارانان معیار دیلی تعمیم وئرمگ اولار بیر حالدا کی اورادا یازیلان معیار دیلین معیارلارینی نه اوخویوبلار نه ایشه توتورلار و لاپ اؤنملی سی بو کی اوتایدا کی معیار دیل چوخلو ژورناللاردا گئدن دیلدن کی اونلاردا روسجا نین تاثیرینده و مستقل لشندن سونرادا استانبولجانین تاثیری آلتیندا یارانمیش .
اساس دا ادبی معیار دیلده دونیا اوزرینده رومانین ساختاری کی بیری ده دیل اولور بللی بیر کاراکترلر اساسیندا اولور نثر قورولوشو لهجه دن فایدالانماق ایلا فرق ائله ییر "اواوا" دا دیلین ساختاری یئرینده دیر و دییه بیلمهریک لهجه اساسیندا یازیلیب حتی بیر نئچه جومله ده لهجه قورولوشوندا یازیلیبسا دا بو ایراد دئییل چون کی او لهجه نین مخاطب لری ده وار و آزدا دئییرلر
١- میانا اؤزو و دؤرد یوز پارچا کندلری و حتی آذربایجانین باشقا شهر و کندلرینده ایشلنیر بو سؤزجوکلر
چوخ کلمه ایشله دیریک گونده لیگیمیزده کی آنلامینی سؤزجوکلرده تاپا بیلمه سیز اؤرنگ اوچون : اوخای / گورولو گوپباز/بیرجار و...
زئین : ذهن
بیر کش: بیردفعه
گورپ: گورپبولتو ایله توشدو (قافیلدان توشدو)
جیلخ : خالص /جیلخ ات /سوموکسوز
بیرهاندا : بیرحالدا /بیرهاندا سن یازاسان داها یاخشی اولار(قید شرط)
یالقیزک / یالقوزک : عمومیت ده تک باشینا گزن جسارتلی قورد
توپپا: اوس اوسته قالانماق/ توپلانماق
سازاخ: سازاق / شاختالی اسن یئل
دستالات : مهارت / باشاریقلیلیق
پیستیک : بیر جور دری خسته لیگی (اوز دریسی نین قیریش قیریش اولماسی)
باشلانقیش:باشلانقیج
آغاش : آغاج / آغاش دلن
شوراه : تاماح سالماق
و...
عزیزلر ادبیاتیمیزین ساغالمایان یارالاریندان بیری ائله بیر بیریمیزی هدر یئره تخریب ائله مک دیر معیار دیلدن دانیشماق دیلچی لرین ایشیدیر هر زامان دیل و دیلچیلیک حاققیندا بیر اثر ,بیر کتاب وئره بیلدیک اوخوجولاریمیزا اوندا ادعالی اولا بیلریک گلین ادبیاتیمیزا عؤمورلرینی قویانلارین قدرلرینی بیلک و حؤرمتله یاناشاق اونلارا
https://t.me/Adabiyyatsevanlar
ارستو مجردین یازدیغی نظری "آواوا" رومانی حاقدا اوخودوم عزیز اوخوجولار:
١- بیر اثری نقد ائله مکده تکجه دیل باخیمیندان نقد ائله مزلر بلکه بوتون مؤلیفه لرینی نظرده دوتاراق حاققیندا دانیشماق گرکدیر "آواوا" رومانینین حاققیندا هانسی جغرافیا دا یارانماسینی و او جغرافیایا عاید اولان اولای لاری نظرده دوتاراق یازارین مخاطبلرینی ده دوشونه رک لهجه اساسیندا گلن سؤزجوک لر و سؤز ترکیبلری دوغال ساییلیر
لهجه دیلین دئیشیلمز حیسسه لریندن دیر قیراغا قویماق ممکون دئییل
٢- معیار دیل بیزیم آذربایجانین هانسی مدرسه سینده یا دانشگاهیندا تدریس اولونور وهانسی معیارلارایلا ؟!
نه جور بو رومانین مخاطب لرینه شمالی آذربایجاندا یارانان معیار دیلی تعمیم وئرمگ اولار بیر حالدا کی اورادا یازیلان معیار دیلین معیارلارینی نه اوخویوبلار نه ایشه توتورلار و لاپ اؤنملی سی بو کی اوتایدا کی معیار دیل چوخلو ژورناللاردا گئدن دیلدن کی اونلاردا روسجا نین تاثیرینده و مستقل لشندن سونرادا استانبولجانین تاثیری آلتیندا یارانمیش .
اساس دا ادبی معیار دیلده دونیا اوزرینده رومانین ساختاری کی بیری ده دیل اولور بللی بیر کاراکترلر اساسیندا اولور نثر قورولوشو لهجه دن فایدالانماق ایلا فرق ائله ییر "اواوا" دا دیلین ساختاری یئرینده دیر و دییه بیلمهریک لهجه اساسیندا یازیلیب حتی بیر نئچه جومله ده لهجه قورولوشوندا یازیلیبسا دا بو ایراد دئییل چون کی او لهجه نین مخاطب لری ده وار و آزدا دئییرلر
١- میانا اؤزو و دؤرد یوز پارچا کندلری و حتی آذربایجانین باشقا شهر و کندلرینده ایشلنیر بو سؤزجوکلر
چوخ کلمه ایشله دیریک گونده لیگیمیزده کی آنلامینی سؤزجوکلرده تاپا بیلمه سیز اؤرنگ اوچون : اوخای / گورولو گوپباز/بیرجار و...
زئین : ذهن
بیر کش: بیردفعه
گورپ: گورپبولتو ایله توشدو (قافیلدان توشدو)
جیلخ : خالص /جیلخ ات /سوموکسوز
بیرهاندا : بیرحالدا /بیرهاندا سن یازاسان داها یاخشی اولار(قید شرط)
یالقیزک / یالقوزک : عمومیت ده تک باشینا گزن جسارتلی قورد
توپپا: اوس اوسته قالانماق/ توپلانماق
سازاخ: سازاق / شاختالی اسن یئل
دستالات : مهارت / باشاریقلیلیق
پیستیک : بیر جور دری خسته لیگی (اوز دریسی نین قیریش قیریش اولماسی)
باشلانقیش:باشلانقیج
آغاش : آغاج / آغاش دلن
شوراه : تاماح سالماق
و...
عزیزلر ادبیاتیمیزین ساغالمایان یارالاریندان بیری ائله بیر بیریمیزی هدر یئره تخریب ائله مک دیر معیار دیلدن دانیشماق دیلچی لرین ایشیدیر هر زامان دیل و دیلچیلیک حاققیندا بیر اثر ,بیر کتاب وئره بیلدیک اوخوجولاریمیزا اوندا ادعالی اولا بیلریک گلین ادبیاتیمیزا عؤمورلرینی قویانلارین قدرلرینی بیلک و حؤرمتله یاناشاق اونلارا
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"احمد رستم اوغلو "
سایین ارسطو مجرد آواوا رومانی اوزره یازدیغی مقالهیه گوُره بیر نئچه سوُز :
- روماندا بیر ایکی کلمهنی سوُزلوکلرده تاپمادیقلارینی یازیبلار
دوزدو، بو کلمهلری اوتای و بو تایدا یازیلان سوُزلوکلرده تاپماق اولماز
و بو دا سوُزلوکلرین چوخ ناقص اولدوغونو گوُرسهدیر
اوُرنهیین بو گوُزل کلمهلری ده تاپا بیلمزسیز:
İlməşiy ( ایلمهشیی آزاری فورموندو خییوودا ایشلهنیلیر)
pərpiləmək ( اوشاغی پرپیچی یانینا آپاریب پرپیلهدرلر)
dəhətləmək ( اسماعیل هادی بو کلمهنی آچیقلاییب)
gəyişmək
iyəşmək
و ........
او تایدا شوروی زامانیندا دیلی تورکجه بیلمهدیکلرینه گوُره کلمهلرین چوخون حذف ائلهییبلر،
آرتیق چالیشماق لازمدی
ناصر منظوری کیمیلرین بو سوُزجوکلری توپلاییب، ایشلتمکلری دیلیمیزه بوُیوک خدمتدی
بو ایشی مثلا یاشار کمال تورکیهده گوُروب ، یاشار کمالین کیتابلارینا گوُره ، یاشار کمال سوُزلویو آدیندا آیریجا بیر سوُزلوک یازیلیب
یازیچی چوخ سوُزلری خالقین دیلیندن گوُتورر، هردن اولا بیلسینکی اوُزو ده کلمه یارادار ، بونلار سونرالار سوُزلوکلره کئچیب، دیل گلیشر
- دانیشیق دیلی ایله یازماق ، غریبه یا یانلیش بیر ایش دئییل مثلا بیر مقالهده اوخویوردوم آمریکالی یازیچی مارکتواین چوخ رومانلارین میسیسیپی یوُرهلرینده یاشایان خالقلارین لهجهسیله یازیب ، لوئیجی پیراندللو ایتالیادا اوُز کندلرینین لهجهسیله یازیب،
اورهان پاموکا دئییردیلر دیل بیلمیر، چوخلو قارا کیتابی چیخاندان سونرا دئدیلر، اورهان پاموکون و بوتون بوُیوک یازارلارین اوُزلرینه اوُزل بیر لحن و دیللری وار ، دئییرلر پاموک ائله یازیر راحات ترجمه اولونسون، ( ترجمهای)
هردن یازیچی بیر لهجهنی تانیتدیرماق ایستهییر ، چون لهجه بیر منطقهنین جغرافی ، تاریخ و چوخ شئلرین اوُزو ایله داشیییر
اوتای دا شوروی زامانی رومانلارین دیللری بیر بیریندن سئچیلمیر، چون او سیستمده هامی بیر بیرینه اوخشامالیایدی ،
اوخوللاردا، تلویزیوندا، اداری سیستمده و .. گرک معیار دیل ایشلهنسین
آمما ادبیاتدا گرک یوخدو.
https://t.me/Adabiyyatsevanlar
سایین ارسطو مجرد آواوا رومانی اوزره یازدیغی مقالهیه گوُره بیر نئچه سوُز :
- روماندا بیر ایکی کلمهنی سوُزلوکلرده تاپمادیقلارینی یازیبلار
دوزدو، بو کلمهلری اوتای و بو تایدا یازیلان سوُزلوکلرده تاپماق اولماز
و بو دا سوُزلوکلرین چوخ ناقص اولدوغونو گوُرسهدیر
اوُرنهیین بو گوُزل کلمهلری ده تاپا بیلمزسیز:
İlməşiy ( ایلمهشیی آزاری فورموندو خییوودا ایشلهنیلیر)
pərpiləmək ( اوشاغی پرپیچی یانینا آپاریب پرپیلهدرلر)
dəhətləmək ( اسماعیل هادی بو کلمهنی آچیقلاییب)
gəyişmək
iyəşmək
و ........
او تایدا شوروی زامانیندا دیلی تورکجه بیلمهدیکلرینه گوُره کلمهلرین چوخون حذف ائلهییبلر،
آرتیق چالیشماق لازمدی
ناصر منظوری کیمیلرین بو سوُزجوکلری توپلاییب، ایشلتمکلری دیلیمیزه بوُیوک خدمتدی
بو ایشی مثلا یاشار کمال تورکیهده گوُروب ، یاشار کمالین کیتابلارینا گوُره ، یاشار کمال سوُزلویو آدیندا آیریجا بیر سوُزلوک یازیلیب
یازیچی چوخ سوُزلری خالقین دیلیندن گوُتورر، هردن اولا بیلسینکی اوُزو ده کلمه یارادار ، بونلار سونرالار سوُزلوکلره کئچیب، دیل گلیشر
- دانیشیق دیلی ایله یازماق ، غریبه یا یانلیش بیر ایش دئییل مثلا بیر مقالهده اوخویوردوم آمریکالی یازیچی مارکتواین چوخ رومانلارین میسیسیپی یوُرهلرینده یاشایان خالقلارین لهجهسیله یازیب ، لوئیجی پیراندللو ایتالیادا اوُز کندلرینین لهجهسیله یازیب،
اورهان پاموکا دئییردیلر دیل بیلمیر، چوخلو قارا کیتابی چیخاندان سونرا دئدیلر، اورهان پاموکون و بوتون بوُیوک یازارلارین اوُزلرینه اوُزل بیر لحن و دیللری وار ، دئییرلر پاموک ائله یازیر راحات ترجمه اولونسون، ( ترجمهای)
هردن یازیچی بیر لهجهنی تانیتدیرماق ایستهییر ، چون لهجه بیر منطقهنین جغرافی ، تاریخ و چوخ شئلرین اوُزو ایله داشیییر
اوتای دا شوروی زامانی رومانلارین دیللری بیر بیریندن سئچیلمیر، چون او سیستمده هامی بیر بیرینه اوخشامالیایدی ،
اوخوللاردا، تلویزیوندا، اداری سیستمده و .. گرک معیار دیل ایشلهنسین
آمما ادبیاتدا گرک یوخدو.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
" ناصر منظوری"
“هونـر” یوخسا “صنعت”؟
“هونـر” یوخسا “صنعت”؟
سوروشولان بیر سورغویا جاواب:
“هونـر” یوخسا “صنعت”؟
“هوٍنـَرمن” یوخسا “صنعتکار”؟
فارس دیلینده “هنر” سؤزجویو بئله معنا و تفسیر ائدیلیر:
هو = خوب = یاخشی
نر = ائرکک
هونر (نرِ خوب) = یاخشی ائرکک
گؤروندویو کیمی بو چوخ سطحی بیر تفسیر دیر.
ایندییسه, بو سؤزون معنا و تفسیرینی تورک دیلینده ایزلهیک:
اوغلانلار یئتگینلنیب کیشیلیـیه یئتـن چاغدا اؤزلرینه آد قازانمالی اولارمیشلار. اونونچون ده، “ارلیک” گؤسترمهلی اولارمیشلار. دئمک، کیشی سایاغی بؤیوک بیر ایش باشاسالمالییمیشلار (مثلا دوشمنله ساواشیب مئیداندان باشی اوجا چیخمالییمیش، یا بؤیوک بیر شیکار ائتمهلییمیش. . .) بئلهلیکله “ارلیک” (مردانگی) گؤسترمکله “ار” (مرد) سانیلارمیشلار. آذربایجاندا “ار” سؤزونون “شوهر” معناسی دا بو آنلاما قاییدیر.
آنجاق بو “ار”-لیک گؤسترمکدن داها اوستون “هونار”-لیک ایمیش _”هون”لارین (هون ائلی) قودرتلی اولدوقلاری اوچون. تورک دیلینده بئله دیر:
هون + ار = هونـَر
(بو تفسیره داوود سعیدخانلییلا من _ایکیمیز ده_ راضیلاشیریق.)
“ـمن” یا “ـمان” اکی آرتیق تانینمیش بیر اک دیر، فاعیللیک مفهوموندا. اونونچون ده “هونرمن” سؤزجویو چوخ طبیعی بیر قورولوش دیر. فارسجادا “هنرمند” کیمی ایشلهنیر.
آرتیرمالیدیر: “ـمن” یا “ـمان” اکی فارسجادا چوخلو “ـبان” فورموندا دا ایشلهنیر؛ باغبان، نگهبان، دربان . . . حالبوکی, “بانیدن” فئعلی یوخدور. اونا گؤره ده، “ـمان” اکینین دَییشیلمیش فورمو دیر.
تورکجهده “باغمان” یازیلمالیدیر و. . .
ایندی قضاوت ائدین: “صنعت” دئمهلیییک یوخسا “هونـر”؛ یا دا آلاداغدان “صنعت” سؤزونو، بولاداغدان “ـکار” سؤزونو گتیریب یوووشدورماقلا “صنعتکار” سؤزونو ایشلتمهلی؟
قایناق : یینی قاپی
https://t.me/Adabiyyatsevanlar
“هونـر” یوخسا “صنعت”؟
“هونـر” یوخسا “صنعت”؟
سوروشولان بیر سورغویا جاواب:
“هونـر” یوخسا “صنعت”؟
“هوٍنـَرمن” یوخسا “صنعتکار”؟
فارس دیلینده “هنر” سؤزجویو بئله معنا و تفسیر ائدیلیر:
هو = خوب = یاخشی
نر = ائرکک
هونر (نرِ خوب) = یاخشی ائرکک
گؤروندویو کیمی بو چوخ سطحی بیر تفسیر دیر.
ایندییسه, بو سؤزون معنا و تفسیرینی تورک دیلینده ایزلهیک:
اوغلانلار یئتگینلنیب کیشیلیـیه یئتـن چاغدا اؤزلرینه آد قازانمالی اولارمیشلار. اونونچون ده، “ارلیک” گؤسترمهلی اولارمیشلار. دئمک، کیشی سایاغی بؤیوک بیر ایش باشاسالمالییمیشلار (مثلا دوشمنله ساواشیب مئیداندان باشی اوجا چیخمالییمیش، یا بؤیوک بیر شیکار ائتمهلییمیش. . .) بئلهلیکله “ارلیک” (مردانگی) گؤسترمکله “ار” (مرد) سانیلارمیشلار. آذربایجاندا “ار” سؤزونون “شوهر” معناسی دا بو آنلاما قاییدیر.
آنجاق بو “ار”-لیک گؤسترمکدن داها اوستون “هونار”-لیک ایمیش _”هون”لارین (هون ائلی) قودرتلی اولدوقلاری اوچون. تورک دیلینده بئله دیر:
هون + ار = هونـَر
(بو تفسیره داوود سعیدخانلییلا من _ایکیمیز ده_ راضیلاشیریق.)
“ـمن” یا “ـمان” اکی آرتیق تانینمیش بیر اک دیر، فاعیللیک مفهوموندا. اونونچون ده “هونرمن” سؤزجویو چوخ طبیعی بیر قورولوش دیر. فارسجادا “هنرمند” کیمی ایشلهنیر.
آرتیرمالیدیر: “ـمن” یا “ـمان” اکی فارسجادا چوخلو “ـبان” فورموندا دا ایشلهنیر؛ باغبان، نگهبان، دربان . . . حالبوکی, “بانیدن” فئعلی یوخدور. اونا گؤره ده، “ـمان” اکینین دَییشیلمیش فورمو دیر.
تورکجهده “باغمان” یازیلمالیدیر و. . .
ایندی قضاوت ائدین: “صنعت” دئمهلیییک یوخسا “هونـر”؛ یا دا آلاداغدان “صنعت” سؤزونو، بولاداغدان “ـکار” سؤزونو گتیریب یوووشدورماقلا “صنعتکار” سؤزونو ایشلتمهلی؟
قایناق : یینی قاپی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق.
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق.
"قال" کیتابی، مییانادا تنقید گؤزلۆگۆندن کئچیریلهجک!
سایین دومان بختیارینین شعر تۏپلوسونا، بیر داها درین باخیب، شعر دۆنیاسینی اینجهلهمک اۆچۆن، آبان آیینین ۲۴'ده، مییانا شهرینده یۏلونوزو گؤزلهییریک.
کیتاب_لاریمیزی_یالقیز_بوراخمایاق
https://t.me/Adabiyyatsevanlar
سایین دومان بختیارینین شعر تۏپلوسونا، بیر داها درین باخیب، شعر دۆنیاسینی اینجهلهمک اۆچۆن، آبان آیینین ۲۴'ده، مییانا شهرینده یۏلونوزو گؤزلهییریک.
کیتاب_لاریمیزی_یالقیز_بوراخمایاق
https://t.me/Adabiyyatsevanlar
"صائب تبریزی"
مکتوب من به خدمت جانان که میبرد؟
برگ خزان رسیده به بستان که میبرد؟
دیوانهای به تازگی از بند جسته است
این مژده را به حلقهٔ طفلان که میبرد؟
اشک من و توقع گلگونهٔ اثر؟
طفل یتیم را به گلستان که میبرد؟
جز من که باغ خویشتن از خانه کردهام
در نوبهار سر به گریبان که میبرد؟
هر مشکلی که هست، گرفتم گشود عقل
ره در حقیقت دل انسان که میبرد؟
سر باختن درین سفر دور، دولت است
ورنه طریق عشق به پایان که میبرد؟
"صائب"- سوادشهر،مرا خون مرده کرد!...
این دل رمیده را به بیابان که میبرد؟
https://t.me/Adabiyyatsevanlar
مکتوب من به خدمت جانان که میبرد؟
برگ خزان رسیده به بستان که میبرد؟
دیوانهای به تازگی از بند جسته است
این مژده را به حلقهٔ طفلان که میبرد؟
اشک من و توقع گلگونهٔ اثر؟
طفل یتیم را به گلستان که میبرد؟
جز من که باغ خویشتن از خانه کردهام
در نوبهار سر به گریبان که میبرد؟
هر مشکلی که هست، گرفتم گشود عقل
ره در حقیقت دل انسان که میبرد؟
سر باختن درین سفر دور، دولت است
ورنه طریق عشق به پایان که میبرد؟
"صائب"- سوادشهر،مرا خون مرده کرد!...
این دل رمیده را به بیابان که میبرد؟
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.