سن‌سیزلیک‌لریم سنین'له
(اۏخونمامیش مکتوب‌لار) ایشیق اوزو گوردو
یازار: رضوان حاجی‌قاسملو

https://t.me/Adabiyyatsevanlar

رضوان حاجی قاسملو ( جانای ) خانیم

سئویملی قوروپداش ایستکلی شاعیر، یازیجی
دیرلی اثرینیزین ( سن‌سیزلیک‌لریم سنین'له) ایشیق اوزو گورمه سینی اوره ک ائویندن سیزه تبریک دئیب اوغورلار آرزو ائدیریک .

"معصوم"

نه دئییردیم !؟

سینیق سالخاق اینسانلار غزله سیغماز می؟

سربست سن شئعریمده

سئورسن گئت

سئومزسن ده گئت

آغ جییرینین یئرینه کیرلتمسین کاغاذلاریمی سیغاران

سئوینه رم آسم خسته لیگینه_

اؤلمه! اؤلومجول اول

داریخسا زامان

بزک اولورسا قایغیلاریم پای اولان شئعریمه

اؤزگورلوک رادیوسو نصرتدن سسلندیره جک منی_

*" سن دنیز قوینونا توللانمیش چیچک

اوستونه دالغالار آتیلاجاقدیر

ساختا محبتین ، ساختا سند تک

نه واختسا اوستونده توتولاجاقدیر"*

داریخینجا دینجلمک

سنی تام ایتیرمکدیر!

سئحیرلی بیر سیلگج دیر آرزیم...

بیر آجی قهوه ایجمه لی یم آجی لاریمین ساغلیغینا دومانلی سئوگیلیم

فالینا چیخارسا ایکی ال

قورخ....

بوغازینی گمیره جک او تئروریست

سئویرسن قاچ

سئومزسن ده قاچ

هانسی یاتاغی باتیرسان!

سیقارینی من یاندیریب

سن یاخیلاجاقسان...

https://t.me/Adabiyyatsevanlar

"محمد علیجعفری"

قیلچیقلار دیره‌نیر گوءزلرینیزه
قیلچیقلار پیچاقدان‌ ایتی‌دی قوشلار
سیزین گوءزلریزه ده‌ین قیلچیقلار
منیم اوره‌ییمین باشینی توشلار

قوش دئدیم یادیما دوشدو اوره‌ییم
باخدیم او قوشلارا شیشدی اوره‌ییم
قفسده چیرپینان قوشدو اوره‌ییم
آزاد قوش گوءرنده کدری باشلار

گون باتیر سیزده‌کی گئدیرسیز دنسیز
هارا آپاریرسیز قلبیمی منسیز
سیزده وطنسیزسیز من‌ده وطنسیز
سیزی داشلایانلار منی‌ده داشلار
گئتمه‌یین گئتمه‌یین گئتمه‌یین قوشلار

https://t.me/Adabiyyatsevanlar

بو گئجه ادبیات سئونلر گروپوندا 97/7/22
ائتیمولوژی درسلیک لری
ساعات:21/30
اوزمان : اوستاد دوکتور ارشد نظری

https://t.me/Adabiyyatsevanlar

بو گون بیزیم احوالاتیمیز بئله دیر باخین

https://t.me/Adabiyyatsevanlar

"خسرو سرتیپی"

آی آشیق نینیرم هیجرانی غمی,
منه سئوینجدن ووصال دان دانیش..
نینیرم حسرتی، نینیرم بمی,
هارای چک زیل اوخو کامالدان دانیش..

سؤيله بو دونیانین نئچه دیر یاشی,
سؤيله بو اوزویون نئچه دیر قاشی,
سؤيله خومار گؤزدن آخماسین یاشی,
او داغلار گؤزلى مارالدان دانیش..

حیات یاشاماقدیر اؤلمکدن دئمه,
کول اولوب، کؤز اولوب سؤنمکدن دئمه,
عهدینی باغلاییب دؤنمکدن دئمه,
عشقیدن، سئوگیدن، خیالدان دانیش..

منه خزل دن یوخ، چیچکدن اوخو,
آرخامدا حاق آدلی کؤمک دن اوخو,
آنام پیشیردیی چؤرک دن اوخو,
آتامین قازانجی حالالدان دانیش..

منی کئچمیشیمه قایتاران آشیق,
منه بابالاردان پای قالان آشیق,
اوتوروب زیروه ده ساز چالان آشیق,
منه ائل دن، اوبادان، ماحالدان دانیش..

سنه سؤز وئرميشم آی گؤزل صنم,
ظن ائتمه سؤز وئريب سؤزومدن دؤنم,
شاعيرلر ايچینده خسرو خان منم,
دوداغدان، یاناغدان، داماغدان دانیش

https://t.me/Adabiyyatsevanlar

ائتیمولوگییا درسلیک لری 97/7/22
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/22
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/22
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/22
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/22
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/22
دانیشیر : دکتور نظری

https://t.me/Adabiyyatsevanlar

✅✅✅بیلدیریش

حکیم فضولی و تورک دیلی

دوشنبه گئجه: 97/7/23
ساعات: 21/30 ده ادبیات سئونلر گروپوندا
اوزمان : تانینمیش فضولی شناس دوکتور فرمان فرضی .
https://t.me/Adabiyyatsevanlar

"سحر خیاوی"

ائشیتمیشم چوخ سئویرسن پاییزی
پنجره‌نَم،باغ اوزونه آچ منی
دویغون اولوم،شعرین اولوم سئودیجه‌م
نغمه-نغمه، قاناد-قاناد اوچ منی.

https://t.me/Adabiyyatsevanlar

"سحر_خیاوی"

ائشیتمیشم چوخ سئویرسن پاییزی
پنجره نَم،باغ اوزونه آچ منی
دویغون اولوم،شعرین اولوم سئودیجه م
نغمه-نغمه، قاناد-قاناد اوچ منی

گونش اولوم،سولغون سولغون ساچیلیم
آغاج اولوم یارپاق- یارپاق توکولوم
غزل اولوم ایستی ایستی تپ-تزه
دفتریوین سینه سینده اکیلیم

داریخاندا سینه م اوسته قَدَمله
ازدیرگینن اوشاقلیق تک اوزونو
یارپاق کیمی رنگلی رنگلی گولومسه
من گورمه ییم آغلایاندا گوزونو

آغاجلیغیم الوان یارپاق توکَنده
او سئویملی اللرینه آل منی
گاه اییله ییب گاهی اوءپوب سونرادا
دفترینین بئشیگینه سال منی

هردن اولوم پاییز یئلی، دلی سوو
روحون کیمی دام- دوواری اوچوردوم
سئودیگیم آغ کوینگینی شریت دن
قانادیمدا یادیگارلیق قاچیردیم

بولود اولوم، ایسته گینه آغلاییم
پنجره نی دویسون اینجه بارماغیم
یول ایتیرمیش سئرچه اولوم ساده جه
داشا دَیسین یارالانسین دیرناغیم

پنجره نی آچ اوزومه، مئهریبان
قوشجیغازی باغرینا باس اوءپگینن
یولون آزیب،آج سوسوزدو سئوگیلیم
قاباغینا شعر دَنی سپگینن

https://t.me/Adabiyyatsevanlar

🔹میرحسین دلداربناب
✍ "کیملیک"
باخیرام گوزگویه بیلمیرم کیمم!
ناخیشدان بوش قالان تابلو کیمی یم
دنیزلر اوپردی آیاقلاریمی
ایندی سه یئلکن سیز سینیق گمی یم!

گویلره یوکسلدیم گونش آختارام
قانادیم قیریلدی یئللر آپاردی
سانکی خان چوبانام داغلار قوینوندا
ائشیتدیم سارامی سئللر آپاردی

نئیله مک نئیله مک ایش بئله گلدی
گون اوزو گورمه میش چیسکینه دوشدوم
بیر چیچک سولسایدی باغریم یاناردی
بوستانیم پوزولدو پیس گونه دوشدوم!

اورماندان آیریلان یالقیز آغاجام!
یوخومدا گئجه لر ناجاق سسی وار!
کوکسوم دلیک دلیک اوره ییم سینیق
دیلیمده قاراباغ شیکسته سی وار!

کسین بوداغیمی کسین باشیمی!
بیر قوپوز اولارام اوزان الینده
چالار یانیق کرم چالار دیل غمی
کیملیگیم بیلینر ماهنی دیلینده.

https://t.me/Adabiyyatsevanlar

نرمین کمال : شاعیر
https://t.me/Adabiyyatsevanlar

🔹نرمین کمال

🔹 کؤچورن : سارای. م

یئنی شعرلر

🔸وای- فای (قوشما -گرایلی)


ایچینده سککیز واردی,

اوولینده 3واردی ,

بلکه ده سهو ائدیرم ,

تئلئفونون نئچیدی…

*

🔸 بؤیوک قوجا بیر شهر

سنی هارادان تاپیم

دوشموسنسه یادیما

ساکیت ایلیق بیر سحر

*

🔸 بلکه احمدلیده سن

بلکه نریمانوودا

بلکه خطاییده سن

بلکه ده نسیمیده …

*

🔸 بیلیرم کی بو واختلار

اینتئرنئتده اولورسان

ديیشمز بو وردیشین

ایییرمی ایل کئچسه ده

*

🔸 آی پدیم ایشیقلانیر

دولاشدیقجا شهری
وای- فای لار چئشید -چئشید

توپ لینک , د-لینک , آذری…

*



🔸 بیر گون سنی تانیییب

تاپاجام وای -فاییندان

لطفاً اؤز آدینی قوی

هاوا اینتئرنئتینه ,

منیم بو اومیدیمه .


-


🔸 مایا اوچون

کیم کیمی


من – تاخاندا امزییینین سانجاغینی سنین کؤینه یینه

کؤینه یینله بیرگه دیشله دیم اینجه درینی ده

سن – منیم الیمی آلیب دیشله رینین آراسینا سیخدین

باجاردیغین قدر مؤحکم



من – قولونو ووردوم دیوارا, دیرسه یین گؤیندی

سنی آرابانلا بو اوتاقدان او اوتاغا کئچیرنده

کنارا چیخیبمیش, گؤرمه میشم

سن – توتوب ایکی الینله ساچلاریمدان چکدین منی آشاغی,

یولوب گؤینه تدین باشیمی ,بیر چنگه توک قالدی الینده



من – سنین کوره یینی جیزدیم اوزون دیرناقلاریملا

چیمدیرنده سنی,

گرک کسه یدیم , نئجه اولوب کسمه میشم

سن – آی سنیی, منیم یاناغیمی, آلنیمی جیزدین

کسمه یه ایمکان وئرمه دییین اوزون دیرناقلارینلا



گونده نئچه دفعه‌ اولدو,

من سنی یارالادیم, سن ده منی

بیز ده بئله سئویریک ,

بدنیمیز دولو سئوگینین ایزلریله .


*

🔸 عئینی ضربله‌

چوخ چالیشدیم اولماسین
آمما اولدو .
اولدو , – دونن باشین ديدی ماسایا
من ده عئینی ضربله‌
عئینی مسافه‌دن
باشیمی ووردوم ماسایا

گؤروم نئجه آغریدین,
گؤروم نئجه اینجیتدی سنی او آغری
نئجه اولدو کی, بئله آغلادین.

چوخ چالیشدیم اولماسین ,
آمما بو گون یئنه باشین ديدی
بو سفر چارپایینین آیاغینا

عئینی ضربله‌
عئینی مسافه‌دن
گؤتوروب من ده
باشیمی ووردوم چارپایینین آیاغینا

گؤردوم نئجه اینجیتدی سنی بو آغری
گؤردوم نئجه آغریدین
گؤردوم نییه بئله آغلادین

بیلدیم چوخ اینجیدیبمیش
چوخ آغریدیبمیش سنی
ایندی بیلدیم
بوندان سونرا دا بیلجه یم
الین یانسا الیمی یاندیراجام
دیزین سییریلسه اوزوم اوسته آسفالتا ییخیلاجام من ده
قولون سینسا قولومو سیندیراجام

من همیشه
بوتون آغریلاریندا
سنینله اولاجام
عئینی ضربله‌
عئینی مسافه‌دن

*


🔸                                  آللاهی باغیشلاما


بیر گون

الله بیزدن عوذر ایستیه جک

بیر گون

حیاتین گتیردییی اویونلار,

هر گون یئنی دویونو آچماق چاباسی

کئچیدلر

یئنی سئوگیلر

عوصیانلار

گؤز یاشلاری

چؤرک ساواشلاری

باتماییب آیاقدا قالماق ,

یاشاماق و یاشاتماق غووغاسی

اینتیقام آلماق ائحتیراسی

آلا بیلممه یین یاسی

آرتیق دؤزولمز اولاندا

تک و گوجسوز اوزاناندا قصبه‌‌ سکیله رینده

الله عوذر ایستیه جک بیزدن

باغیشلا

- دئیه جک , قیزیم

باغیشلا کی,

سنه یاخشی طالع وئرمه دیم

تأسسوفلر ایچینده کئچیر عومرون

باغیشلا, منیم بالام

- دئییب هؤنکوره جک

من اونو باشا دوشجه یم,

قولومو قالدیریب ساریلاجاغام بوینونا

اوچ دفعه‌ یونگولجه

کوره یینه ووراجاغام الیمله

عیبی یوخ ,دئیجه یم,

عیبی یوخدور

الینی ساچلاریمین آراسینا سالیب دولاجاق ,

بونو بئله ساریشین ائتمه دیم ,

بونو بئله قییمادیم سنه - دئیه جک ,

یاخشی , بئله ده سئونلر اولدو منیم

قارا ساچ دا پیس دئییل - دئیجه یم

- پئشمان اولموشام ,

سئودییین پیشیک بالالارینی بئله یاشاتمادیم

اوچونو بیر گئجه ده اؤلدوردوم ,

-بسدیر,دئیجه یم , اوزمه اؤزونو

باشقالارینین دا پیشیکلری اؤلور ,

حتی اوشاقلاری اؤلور

اللهین بوغازی قهرله دولاجاق

داها مؤحکم هؤنکورمیه باشلایاجاق

عاجیزم ,باغیشلا

-تکرار- تکرار بونو هیچقیراجاق

من ده اونا قوشولاجاغام

- یاراشماز سنه کیچیلمک

بسدیر ,اونو ساکیتله شدیرمیه چالیشاجاغام ,

بوندان داها پیس حیاتلار وار

ناراحات اولما ,یاخشیدیر هر شئی- دئییب

گؤزلرینی سیله جه یم

آللاهی عفو ائدجه یم


https://t.me/Adabiyyatsevanlar

🔹ادبیات گئجه لری
🔹یئنی رومانلارین تانیتیمی ادبیات سئونلر قوروپوندا.
🔹زامان : سه شنبه 97/7/24
🔹ساعات : 21/30
🔹اوزمان : اوستاد دوکتور صمد رحمانی

https://t.me/Adabiyyatsevanlar