ائتیمولوگییا درسلیک لری 97/7/8
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/8
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/8
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/8
دانیشیر : دکتور نظری

https://t.me/Adabiyyatsevanlar

ائتیمولوگییا درسلیک لری 97/7/8
دانیشیر : دکتور نظری

https://t.me/Adabiyyatsevanlar

"معصوم "

بویاسی یاساق
... یاساق بویاسی
بویاسی یاس_یاسلیجا_یاساقلیجا
یاساقی بویا
بویا_بویا بویاسی یاساق
بیر کیلو قان
بیر مئتیر تیلت قان بویاسی/ قان گؤوده_سی/
جییاریمین آغجیل ماویسی
ایشیق یاراسی
تلسیکده یوبانمادا ، چاتمادان سنه
قفیل دور دئییر
قفیل ساغ دئییر سول امجه ییمی/بیردن بویالار مورلاشیر منده
اولاشیر آه.../ کئچیر سول دؤشومدن
آ_آ_آ_آی ... قیز !
بو سؤزجیکلری چاغیر بیر بیزه
بیزده سنی گلین آپاریر کلمه جیکلر
لاختاسیز قانلار
بویا بویاسیز یاساقلیق گیله
آغ بئزی دانلا بیزه گلمه سین، لوطفن
دوواغینی آت فیلسوف یئسین
منطیقین قالسین شاعیرلره !
آمما ... شعیریندن مزار قاز بیزه
میصراعلارینی کفن یوللا
اؤزون قالديقدا/اؤزن گل بیزه ! /بوردا قیرمیزی بویالیقلار وار یاساقلیقداااااااان، سئودیجه_ییم
یاساقلیق آ... هئیییی... !
اؤزون اؤلدورور/ باشینی کسیر قاپیمیزدا هرگون/
اؤلوم هئیکلینده/
قان بؤیوتونده بویا قوخویور بویاسیزلیقدا
بویالی یاساق
... یاساق بویاسی
بویاسی قان یاساقی
یاساقی بویا
بویا_بویا بویاسی جااااااان ..
باخ ... بیر بورا !
بالتالار آغزین آغاجلار کسیر/قانیدا داممیر...

https://t.me/Adabiyyatsevanlar

"سوسن نواده رضی "

تبریز قوجاغیمدا آغلییر

نه سؤزلر دینج دورور
نه ده من دینج دورورام
سیلاحین سرینلیگینی
هر آن بئینینده حیس ائله‌دیگینده
نئجه یارادیجیلیغا دوشونسون باااااا شاعیر؟
قاراقورخولاردا نه تهر یاشاییب یاشاتسین؟
اؤلسون مو؟ اؤلدورسون مو؟
*
تبریز آغلییر قوجاغیمدا...
«بالاما قوربان ایلانلار بالام هاچان دیل آنلار»
قیزیلجاسینا تورکو شعر ایچیردیرم،
باش آغریسینا سریتدیرم اؤزومو،
بوغازینا آرازدان دامیزیرام،
قولاغینا
ساوالان زیروه سی‌نین دومانیندان پوفله‌ییرم؛
دمیردن باشماق
دمیردن چلیک
یولا قویولمالی...
باشماق ده‌لیننده، چلیک سورتولنده
بیر چشمه‌یه چاتاریق
اوردا
بیر گؤزل نار قیزینین عکسی سویا دوشرسه ...
آلدانما اونا
تبریز او دئییل

من ده اینانمام ملیک ممد دالیمجا تخت روان گؤندرسه
تبریز او دا دئییل
تبریز قوجاغیمدا آغلییر...
https://t.me/Adabiyyatsevanlar

"خان_صنم"

-ائگومن-

بیر داها دوغولماق ایسته ییرم بوس بوتون
تام سنلی
و بو منیم دوغال حاقّیمدیر
وکیمسه لر بیلمه یه جک نئجه کی بیلمه دیلر
و دوشمان ائتدیلر بیزی
وآلیب گؤتوردولر سنی مندن
و من...
یئنه سئودیم بوتون یوخلوغونلا...

تامام آلمانی من دیشله دیم
سوچو سنه آتسینلار دئمه دیم کی سن درسه ایدین ده
آه «ائگو من»!
مانیا پئیغمبریم!
پیسکوپات منلیگیم!

سن یاشامسان،اؤزگورلوکسن
قلب آتیشلاریمدا سن اولمالیسان
هانسی سلّول_دا حبس ائتدیلر سنی؟
هانسی داماردا لاختا باغلادین؟ نییه آخمادین؟
بوقدر یاخینکن اوزاغلیق نه دن ؟
اثیر کن اسیرلیک نه دن؟

آه «ائگومن»!
ننه می اؤزله دیرسن منه!
زامان گئری دؤنسه ایدی
یاشاسایدی
بوغازیمی باسدیرا بیلسه ایدیم اونا
ائله یاشاداردیم کی سنی
یالین باخیشلار آتدا أزیلمه دن
قورخولوقلار قویاردیم بوتون«تستوسترون»تارلالاریما!
گؤزومدن ائتمزدیم سنی بیر داها
بیز بیزه یاشاردیق یئنه
«شیزوئید» آدلانسایدیم دا!
و...
بو منیم دوغال حاققیمدیر

https://t.me/Adabiyyatsevanlar

"علی طالبی قایاباشی"

منسیز یاغلی تیکه یئمه سنده سن
آغرینی آجینی دئمه سنده سن
یانیندا اوتانجاق یاشاییرام من
من سنی شعریمه یازا بیلمیرم


شعره قیز یازارلار گلین یازارلار
گیزلندیم تاپماغا گلین ، یازار لار
شعره گوزل لرین خالین یازارلار
من سنی شعریمه یازا بیلمیرم


بلکه ده باشا باش یالاندیر شئعیر
گاه دان‌‌ ایلان کیمی چالان دیر شئعیر
گاه داندا دونیادا قالان دیر شئعیر
من سنی شعریمه یازا بیلمیرم


قارشیدان خوش گلن صاباح کیمی سن
دونیاما حوکم ائدن بیر شاه کیمی سن
سن منیم‌گوزومده آللاه کیمی سن
من سنی شعریمه یازا بیلمیرم


بلکه ده آغیل دان آزمیشام آنا
بلکه ده من اوزگه بازمیشام‌ آنا
سنی اوره ییمه یازمیشام آنا
من سنی شعریمه یازا بیلمیرم



https://t.me/Adabiyyatsevanlar

دون كيشوت

‏عده ای هم 250 هزار تومان پول میدهند تا به تئاتر بروند و "بی نوایان" تماشا کنند
‏در حالی که ما در خیابان ها سرگردانیم و دیدنمان کاملا رایگان است

‎https://t.me/Adabiyyatsevanlar

"مدینه گلگون"

بو چیچه‌یین گؤزلرینده یاشا باخ!
بو چیچه‌یی یاندیریبدیر غم اودو
زار-زار اؤتن او یارالی قوشا باخ!
بئله گئتسه آغلاداجاق بولودو

نئجه دؤزسون، آنا تورپاق بو درده؟
بوداق-بوداق یارالانیب آغاجلار
بیر یارالی، بیر طوفانلی سحرده ،
بوداغیندان آرالانیب آغاجلار

بو چیناردا گولله یئری قارالار
نئجه باخیم بو چینارا ایندی من؟
چوخ دریندیر سینه‌نده‌کی یارالار
دردلرینه قوربان اولوم ای وطن...!

https://t.me/Adabiyyatsevanlar

"کامیل قهرمان اوغلو"
چاغداش غزل

بوردا بير نازلی بنؤوشم ناماز اوستو اوشويور
يعنی يئللر گلينی دستاماز اوستو اوشويور

بو شهر سانجيلانيب پلمه لری ايللردی
خياوان آهلی بير اوغلاندی قيز اوستو اوشويور

اكيليبدير كوله يه ساچلاری ، يارپيزلاردا
يعنی داللانميش آشيق بوردا ساز اوستو اوشويور

بو آيازدير قولوم اوسته جسدی بير باياتی
بو شهيد خيردا باليق دير آراز اوستو اوشويور

... و دريمدن سويولان آلماليقيمدير بو آذان
«كاميل»ين لئشجيييدير آه ... باياز اوستو اوشويور

اؤلودور پورتئره لرده سو ايچير ايلقيملی
و قورو بير دره ديركی دنيز اوستو اوشويور

بو ساعات دوققوزو قوشلاردا اؤلن بير قيزدی
گئجه اوغلان بانی ووه،ووه ... گونوز اوستو اوشويور

توكلو سؤزجوكلريمين آندينا آغلار مندی
غزليمدير گؤزياشلی پاييز اوستو اوشويور .




https://t.me/Adabiyyatsevanlar

"آرش ساعی "

غوربته گئدرسن
بیر عؤمورلوک یولدور هر گئدیشین،
قاییدیشین سا
یوزوملانمایان بیر یوخو
کور بیر آرزو!
من گئتدیم گؤزه لیم
سن گلمه،
یول لاری سورن گئجه دیر
سن قارانلیقدان آنلامازسان
سن ساعاتین یورونلوغوندان آنلامازسان
سن توپراغین خسته لییندن نه آنلارسان کی!
بوردا گونش عرب قیلینجی دیر
ده وه کینی دیر
جان آتماغا ده یمز!
من هر آخشام سنی خاطیرلایارام
هر سحر اونودارام
بو گونده کی ایشیم دیر...
دون ساحیلده
سؤیله دی بیر عرب کاپیتان منه:
«ائنه مز اسکله یه عؤمورلوک
هئچ کاپیتان بو دونیادا».
سونرا دوشوندوم:
اسکله کاپیتان دان اؤترو اولا بیلمز
گمی یورغونلاری ائندیرر یالنیز
و دنیزدن قورخانلار ساحیلی سئورلر!

https://t.me/Adabiyyatsevanlar

شعر وسس : ارش ساعی
https://t.me/Adabiyyatsevanlar

"آیدا_دانشمندی"

دیله چیخدیخجا پای، توپور دوشسون
دیله قویمازلا دت_پوسور دوشسون

طیلیسیم سالدیلار دوزا، چؤره‌گه
دیلیمیزدن مگر شوکور توشسون

کاسیبین آلنینا چوروک دوشسه
مؤمونون آلنینا مؤهور دوشسون

کیم چیخیب؟ کیم یئنیب؟ نه فرق ائله‌ییر!؟
شهره آنجاق دادار-دودور دوشسون

آی، قدیم آی دئییل پلنگ اولاسان
ایت کیمین بیر ایکی دفعه هور، دوشسون

گؤیلومه گؤزلرین دوشوب، بو گئجه
بللی‌دیر منقله کؤمور دوشسون

بازار آغزیندا عشق بیر قیزدی؟
هر کئچن آند ایچیبدی سورتوشسون؟!

عشق بیر چرخ فلک‌دی، توولاداجاق
ساخلا هر کیمسه‌سی دوشور دوشسون.



https://t.me/Adabiyyatsevanlar

‍

"سینوس بولودلاری"

🔹طنز : بؤیوک‌آغا افندی

اردیبهشت آیی‌نین سون گونلری ایدی. آلتینجی صینیفده درس اوخویوردوم. سحر ائودن چیخاندا‌هاوا قاش- قاباغین ساللامیشدی. شیرین –شیرین یاغیش یاغیردی. کلاسدا علوم معللیمی‌آغا صدری سینوس بولودلاریندان دانیشیردی. من جیم- جیلاق سو اولموشدوم. یئریمده هی ویرنیخیردیم. بیردن آغا صدری سسلندی:
– ستارزاده نه قوردالانیرسان؟! گل قاباغا گوروم!
یئریمدن قالخدیم. هله ایکی قدم گؤتورمه‌میشدیم باشماقلاریم باشلادی لارچ -لورچ، لارچ- لورچ. کلاس اهلی پیققیلدادی. آغا صدری گؤزلرین آیاقلاریمدان گؤتورموردو. باشماقلاریم دا نه اوتانیردی، نه خجالت چکیردیلر. لارچ -لورچ، لارچ- لورچ. هله لوحه‌نین قاباغینا یئتیشمه‌میشدیم معللیم دئدی:
– سیز الله باخین بونون قیافه‌سینه! گئده ائله بیل آرانقوتان میمونودو! ایاقلاری اوشاق قبرینه اوخشاییر. بو شیرتا- شیرت‌دا توپ باشماغی گئیب گلیب مدرسه‌یه. نییه بوجور ایسلانیبسان؟ نوودان آلتیندا دورموشدون؟
دئدیم:
– آغا باغیشلایین! بو سینوس بولادلارینین تقصیری‌دی.
بیردن آغا صدری قیشقیردی:
– کس سسینی دارقاشاییردین بیری دارقاشاییرد! هله بولبول‌زبانلیق دا ائله‌ییر. گئت ائشییه گؤروم!
سالوندا باش منیم باش مدرسه‌میزین مودورونون:
– هن، ستارزاده‌هارا ؟
دئدیم:
– آغا، یاغیش ایسلادیب. آغا صدری دئدی سویوق ده یر گئت آغا علی‌پوردان ایجازه آل، پالتارلارینی عوض ائله، گل!
آغا علی پور بیرآشاغادان یوخاری باخدی منیم قییافه‌مه، دئدی:
– قاچا – قاجا تئز گئت، تئز قاییت! کوچه‌لرده سولنمه‌ها!
گؤز قیرپیمیندا مدرسه‌دن سوزدوم ائشییه. بولودلارین ائله بیل دده‌سی اؤلموشدو. گؤی کیشنه‌دیکجه اولاردا زیر – زیر آغلاییردیلار. کوچه- باجادا هئچ بیر کیمسه یوخ‌ایدی. اوزاقدان چئری چپنداز بیر کامیون گلیردی. نامرد اوغلو ائله تنظیم ائله‌میشدی کی ائله منی ایسلادسین. یاغیش بس دئییلدی باشدان آیاغا پالچیغادا بلندیم.
قانووون سویو دا بیر قیرمیزی پلاستیک توپو فیرلانادیرا – فیرلانادیرا گتیریردی. فوری توپو سودان توتدوم. شوتلییه – شوتلییه ائوه طرف گئدیردیم. ساغ باشماغیم شرتا تایی اولموشدو. آلتی جیریلمیشدی. تئز – تئز آیاغیمدان چیخیردی. توپو گؤتوردوم؛ الیمده قشنگ میزان ائله‌دیم؛ ایستیردیم محکم هوائی بیر شوت وورام؛ توپوم ائلیکتیریکا تئللریندن اوجایا گئتسین. توپو بیر آز آتدیم اوسته؛ نه گوجوم وار توپا بیر شوت ووردوم. توپ‌دان قاباق باشماغیم آیاغیمدان چیخدی. مارال فوتوگرافییاسی‌نین یئکه جامین آشاغایا گتیردی.
تو دابانا، نه گوجوم واردی ائوه طرف قاچدیم. کوچه قاپیسی آچیق‌ایدی. اؤزومو فوری قاپینین دالینا سالدیم. قاپینی اؤرتدوم. قاپینین دالین سالدیم. قلبیم گوپ –گوپ دؤیونوردو. آز قالیردی یئریندن چیخسین. ننم پنجره‌دن باخیردی. فوری اؤزون حیطه یئتیردی. منی گؤرن کیمی‌یئرینده قوپ- قوری قورودو. دریندن قیافه‌مه باخاندان سونرا دئدی:
– به سن مدرسییه گئتمه‌میشدین؟ کیم سنی بو گونه سالیب؟ کیمله ساواشمیسان، هن؟ تئز اول دئ گؤروم! نییه به لال اولوبسان؟ اولمایا ایته‌لیبلر دوشوبسن قانووا؟ آی سنی یئتیم قالاسان! دور حیطده سویون آلتیندا گؤروم.
دئیینه- دئیینه قاییتدی ائودن بیر چایدان ایستی سو، بیرده حامامین تاسیلا لیفه کیسه‌سین گتیردی. منی چیمدیکلییه – چیمدیکلییه شیرین قاباغیندا سویوق سویون آلتیندا سکی‌نین اوستونده سویوندورودو. جیبیمده بیر آز لواشک قالیردی؛ اونو گؤرمک همان لاپ دلی اولدو. بیر ایکی بامباچادا یئندیردی باشیما، دئدی:
– سنه دئمه‌میشم بو آت- آشغاللاری یئمه، بولار میکروبدولار، ناخوشلارسان؟ آچ آغزینی، دیلینی چیخارت ائشییه، تئز اول گؤرم.
دیلیمی‌چیخارتدیم ائشییه؛ یاپیشدی دیلیمین اوجوندان موحکم چکدی. حامام کیسه‌سی ایله دوشدو دیلیمین جانینا. تئز – تئز دیلیمی‌کیسه‌له‌ییردی. آغزیما سو دولدوروب دئییردی:
– قور- قور ائله قوی میکروبلاری اؤلسون.
یازیق آز قالیردی آغلاسین. دئییردی:
– الله به من نه داش سالیم باشیما؟! بو ایاقلاری بیر هفته ده سورتسن تمیزلنمزلر.
هردن ده بیر شاپبا چالیردی یانبیزیما، دئییردی:
– قوی دده‌ن گلسین، گئجه سنینکین سنه وئرر. یازیق دده‌وین سحردن آخشاماجا ایشلمکدن جانی چیخیر؛ بئش ایلدی اؤزونه بیر جوت باشماق آلا بیله‌مه‌ییب. او واخت سن ده توپ میدانلاریندا گونده بیر جوت باشماق ییرتیرسان. باخ شالوارین دیزلرینه! هله بیر هفته دئییل با آلاندان.
قاپی دؤیولدو. ننم چادیراسین سالدی باشینا، اوزون توتدو. لیفه‌نی وئردی منیم الیمه، دئدی:
– بوردان دبریلمیه‌جکسن! دیلینی لیف‌له، گلیرم.
قاپی‌نین آرخاسیندا مارال فوتوگرافچیسی الینده بیر تای جیریق باشماق، بیر قیرمیزی پیلاستک توپ دایانمیشدی…
https://t.me/Adabiyyatsevanlar

"میللی مطبوعاتیمیزا یاردیم اولاق"

شماره‌ی جدید فصلنامه‌ی ترکی-فارسی «آذری» ویژه‌ی «۵۰ سالگی ماهی سیاه کوچولو» منتشر شد
شماره ۳۷ (شماره جدید

https://t.me/Adabiyyatsevanlar

"میللی مطبوعتیمیزا یاردیم اولاق "

‌‎#ایشیق درگی‌سینین ایکینجی سایی یاییلدی.

«اؤزل بؤلوم: آذربایجان قفه‌خانالاری»
آنلاین ساتیش:
http://ishiq.ir/product/ishiq2

https://t.me/Adabiyyatsevanlar

زنده یاد عمران صلاحی

برای ملاقات شخصی به یکی از بیمارستان های روانی رفتیم. بیرون بیمارستان غُلغله بود. چند نفر سرجای پارک ماشین دست به یقه بودند. چند راننده مسافرکش سرمسافر باهم دعوا داشتند و بستگان همدیگر را مورد لطف قرار می دادند. وارد حیاط بیمارستان که شدیم، دیدیم جایی است آرام و پردرخت. بیماران روی نیمکتها نشسته بودند و با ملاقات کنندگان گفت و گو میکردند. بیماری از کنار ما بلند شد و باکمال ادب گفت: من می روم روی نیمکت دیگری مینشینم که شما راحت تر بتوانید صحبت کنید. پروانه زیبایی روی زمین نشسته بود، بیماری پروانه را نگاه می کرد و نگران بود که مبادا زیر پا له شود. آمد آهسته پروانه را برداشت و کف دستش گذاشت تا پرواز کند و برود.

ما بالاخره نفهمیدیم بیمارستان روانی اینور دیوار است یا آنور دیوار؟


http://t.me/Adabiyyatsevanlar

"رخداد روز "

🔹۱۱ مهرماه روز جاودانگی عمران صلاحی

داش آتانلار بیلمه دیلر
پارچالانمیش آینادا
بیر آی دان مین آی چیخار...

http://t.me/Adabiyyatsevanlar

"عمران صلاحی"

بیر باهار گونو

بير باهار گونو, بير چيچک‎لي آغاجين آلتـيندا, لاله پارکـيندا, بير کيشي ‎کي کوتونون سول قولتوغونون جيبينه قويموشدور, نيمکتين اوستونده, بير کيشي ايله کي نظره گليردي تازا بازنشسته اولوب دانـيشـيردي:

– دوز بويورورسوز, اقتصادي  سيخينتي‎لار هميشه باعث اولوب آدام بعضي شئي‎لري زيندگانليق‎دا حذف ائله‎سين. آدام ائله‎يه بيلمز ات, چؤر‎ه‌ک و ياغ آلمايا, آمما ائله‎يه بيلر مثلن کيتابي اؤز برنامه‎سيندن حذف ائله‎يه. آدام خور‎ک يـئمه‎سه اؤلر, آمما اگر کيتاب اوخوماسا, اونا هئچ بير شئي اولماز، تازا مومکون‎دور ترقّي‎ده ائله‎يه, خلاصه لازيم اولمايان شئي‎لرين حذفي آداما ضرر وورماز.

منيم بئش قـيزيم وار. دورد اوغلان‌هاواسينا دونـيايا گليب‎لر. بئش‌ايل بوندان قاباق, اوّل‎کي قـيزيمي گره‎گ اره وئره‎يديم. آمما جئهيز آلماغا پولوم يوخ ‎ايدي. نه پس‌اندازي واريدي, نه ساتماق اوچون بير درده ديه‎ن شئي. وام آلماغا دا ايمکانـيم يوخ ‎ايدي. بير گون بو پارک‎دا اوتورموشدوم روزنامه اوخويوردوم. گؤردوم بير مناقصه آگهي‎سينده يازيب‎لار: «بؤيره‎ک آلـيريق».

اؤزومله فيکيرلشديم کي، دونـيادا چوخ‎لاري بير بؤيره‎ک‎له زيندگانلـيق ائديرلر. نييه بو آللاه وئرگي‎سي سرمايه‎دن استفاده ائله‎مه‎ييم.

بؤيره‎ک‎لريمين بيريني ساتديم, اول‎کي قـيزيمي ار ائوينه گؤنده‌‎رديم. بير ايل‎دن سونرا ايکينجي قـيزيم ارليک اولموشدور. يـئنه‌هامان پولسوزلوق‌ايدي و‌هامان چتين‎ليک‎لر. منيم آبيريم واريدي, ائله‎يه بيلمز ايديم ايکينجي قـيزيمي جئهيزسيز ار ائوينه گونده‌‎رم. يـئنه‎ بير گون بو نيمکتين اوستونده اوتوردوم و بدنين آيري يـئرلرينه فيکيرلشديم. البته او يـئرلره‎کي جوت ايدي. مثلن گؤزلريمه. اؤزوم‎له دئديم ايکي گؤزو نئيله‎ييرم. مگر گؤرمه‎لي شئي‎ ده وار؟ نييه بو قات- قاريشـيق دونـيانـي ايکي برابر گؤروم و ايکي برابر عذاب چکيم. هر نه روزنامه‎لرين آگهي‎سينه باخديم, گؤردوم گؤز آلان يوخ‎دور. اؤزوم بير آگهي وئرديم، روزنامه‎لرين بيرينده چاپ ائله‎ديلر. بير گون‎دن سونرا موشتري تاپيلدي، ايکينجي قـيزيم دا اره گئتدي. ايندي گؤزلريمين بيري شوشه‎دن‎دير.

بير ايل‎دن سونرا اوچونجو قـيزيمين نووبتي ايدي.‌هامي قاپيلار اوزومه باغلي ايدي. بيلميرديم نئيله‎يم. آز قالـيردي باغريم چارتلايا. قولاق‎لاريما فيکيرلشديم. دئديم اونلارين بيرين ساتارام, آمما کيم قولاق آلاجاق ايدي؟ چوخ مايوس پارک‎دا اوتورموشدوم, روزنامه‎ني ورق‎له‎ييرديم، گؤردوم آگهي صحيفه‎سينده يازيبلار: «بدنين هر يـئرين آلـيريق» ائله‎بيل دونـيانـي منه وئرميشديلر. تئلفون ووردوم سوروشدوم قولاق ‎دا آلـيرسيز؟

دئدي‎لر: بير نفر اونلارين موسسه‎سينه موراجيعه ائله‎ييب، دئيير کي، قولاق‎لاري‎نـين بيرين بير داوادا الدن وئريب, ايندي ائله‎يه‎ بيلمير قولاق‎سيز کيتاب اوخويا. سوروشدوم قولاغـين نه ربطي‎ وار کيتاب اوخوماغا؟ دئدي‎لر: موشتري قولاغـي بوندان اؤتورو ايسته‎يير کي عئينکي‎نين دسته‎سين قويا اونون اوستونه. تئز معامله باشا چاتدي. اوچونجو قـيزيم ‎دا ار ائوينه گئتدي. ايندي توک‎لريمي اوزاتميشام، توکموشم باشـيمين اويان- بويانـينا, بيلينمير بير قولاغـيم يوخدور.

بير ايل‎دن سونرا دؤردونجو قـيزيمين نووبتي ايدي. اوميديمي لاپ الدن وئرميشيديم. آمما دوز‌هامان وقت‌هامان موسسه‎دن من‎له تماس توتدولار کي، فوري بير سول اله احتياج‎لاري وار. سئوينجک اولدوم. داهي سوروشماديم نه اوچون ايسته‎ييرلر. تئز گئتديم بيمارستانا, سول اليمي وئرديم، اونون پولو ايله دوردونجو قـيزي ‎دا اره وئرديم. ياخچي ال ايدي. بير بارماغـي سينميشدي، آمما ياخچي ايشله‎ييردي. او تاريخدن بويانا اوزويومو ساغ اليمين بارماغـينا تاخميشام و ايندي موشتري منيم اليم‎له نه ايش‎لر گورور- آللاه بيلير.

بير ايل‎دن سونرا گرک آخير قـيزيمي اره وئره‎يديم. يـئنه‌هامان پولسوزلوق ايدي و‌هامان گرفتارچيلـيق. گلديم بوردا بو گؤلون قـيراغـيندا اوتوردوم و بدنيمين آيري يـئرلرينه فيکيرلشديم. آياغـي ساتماق اولماز ايدي. ماشـين آيناسيز و قاپي‎سيز يولا گئده بيلر، آمما تکرسيز يوخ. بورنومو دا اولمازدي ساتام, اوندا قيافه‎مي الدن وئره‎رديم. ديليمي‎ ده آلميرديلار, دئييرديلر چوخ ايتي‎دير. بير ديله احتياج‎لاري وار ايدي کي، يالاندان تعريف ائله‎سين. بيلميرسيز نه موکافات ايله آخير قيزيمي اره وئرديم. او گئتدي ائو- ائشيگي‎نين باشـينا.

آمما ايندي من اؤزوم ائودن آوارا اولموشام. آرواديم مني ائوه يول وئرمير و ‎دئيير من داهي نه اوميدله سن ايله ياشايـيم.

http://t.me/Adabiyyatsevanlar