جانای

دولدور وئر ایچیم کئفلی شهر دن گئدیرم من
آنجاق اوزومو بیر گئجه لیک ترک ائدیرم من

باشماقلاریمی گویدن آسیبلار قاپیمیزدا
اوز گوزلریمی اوزگه باخیشلا گودورم من

سیندیرمیشام آرتیق گؤزومون آینالی کونلون
بارماقلاریمی یاش یاناغیمدان سیلیرم من

آختارما منی سسلی دی شعریم گئجه لرده
بیر قاپ باجالیق حوصله نی سینسیدیرم من

قول قویموشام آزغین یاشادام شاختالی دردی
بایقوش باخالی کور کوچه لردن ایتیرم من

یانمیش دوداغیم بیر اؤپوشون کؤزلو دادیندان
دولدور جاناییم کئفلی شهردن گئدیرم من

https://t.me/Adabiyyatsevanlar

فضولی_مجلیسی 26

*گیریش هامی اوچون آزاد دیر*

https://t.me/Adabiyyatsevanlar

Mənsum İbrahimov

Ay Qız

https://t.me/Adabiyyatsevanlar

نظریه لر و مکتب لر

بو گئجه 97/06/12
ساعات : 22ده ادبیات سئونلر گروپوندا .
اوزمان : اوستاد دوکتور مرتضی فرجیان

https://t.me/Adabiyyatsevanlar

نظریه لر ومکتب لر دانیشیر اوستاد دوکتور مرتضی فرجیان 👇👇👇👇👇👇

✅✅✅بیلدیریش

حکیم فضولی و تورک دیلی

بو گئجه 97/06/13
ساعات 22 ده
ادبیات سئونلر گروپوندا
اوزمان : تانمیش فضولی شناس استاد فرمان فرضی .

https://t.me/Adabiyyatsevanlar

" راميز روشن
گل ، ال - اله توتوب گئدك
گئدك بيز اولمايان يئره .

هر دردي اونودوب گئدك
درديميز اولمايان يئره

بورادا قوياق اوزوموزو،
بو قيريشان اوزوموزو
بو كوهنه لن سوزوموزو،......

"گئدك سوز اولمايان يئره "

بير كيمسه توتماسين خبر ،
گل ، چيخيب گئدك بير تَهَر

بو ائو ، بو كوچه ، بو شهر
بو دنيز اولمايان يئره ....

.... آتام اوغلو ، آز چابالا
سن دئيه ن چتين تاپيلا

بو راميزي كيم آپارار
بو راميز اولمايان يئره .....؟!؟!!


https://t.me/Adabiyyatsevanlar

«جابیر نوروز»

سن ائله بیر واختدا راست گلدین منه،
قوروموش بولاغام، بولانمیش سویام...
سن ائله بیر واختدا راست گلدین منه،
اوخونموش نغمه یم، چالینمیش تویام...


نه گوجوم چاتدی، کی سندن یاپیشام،
نه گوجوم چاتدی کی، سندن قاچام من...
نه گوجوم اولدو کی، یانام، آلیشام،
نه سحریم اولدو کی، جوانلاشام من...


سن ائله بیر واختدا راست گلدین منه
عؤمرون پاییز واختی، خزل چاغیدی...
سن ائله بیر واختدا راست گلدین منه،
سنین گنجیلیینین گؤزل چاغیدی...


نه دییه بیلدیم کی توتماز سئودامیز،
نه دییه‌‌ بیلدیم کی، توتور بیزیمکی...
بیزیمدیر سمادا آخان او اولدوز،
او اوزاقدا ایتن قاطار بیزیمدی...


سن ائله بیر واختدا راست گلدین منه،
دایانیب دورموشدوم یول آیریجیندا...
سن ائله بیر واختدا راست گلدین منه،
بیر اوزوم جواندی، بیر اوزوم قوجا...


نه دییه بیلدیم کی، سئون چاغیمدی،
نه دئدیم سئویرم، منه دایاق اول...
نه دییه بیلدیم کی، منه یاخین دور،
نه دییه بیلدیم کی، مندن اوزاق اول...


سن ائله بیر واختدا راست گلدین منه،
عؤمرون عشق باده سی ایچیلمیشدی...
سن ائله بیر واختدا راست گلدین منه،
منزلیمین چوخو کئچیلمیشیدی...


نه دییه‌ بیلدیم کی، اورکسن منه،
نه دییه بیلدیم کی، اورک دئیلسن...
نه دییه بیلدیم کی، گرکسن منه،
نه دییه‌ بیلدیم کی، گرک دئیلسن...


سن ائله بیر واختدا راست گلدین منه،
بو نئجه فصیلدی، نئجه واختیدی...
سن ائله بیر واختدا راست گلدین منه،
بو نئجه طالعدی، نئجه باختیدی...


نه دییه بیلدیم کی، پناهسیزام من،
نه دییه بیلدیم کی، پناه منده دیر...
نه دییه بیلدیم کی، گوناهسیزام من،
نه دییه بیلدیم کی، گوناه منده دیر...


سن ائله بیر واختدا راست گلدین منه،
اؤزوم اؤز حالیما گولمک ایسته دیم...
سن ائله بیر واختدا راست گلدین منه،
تزه دن دونیایا گلمک ایسته دیم...


https://t.me/Adabiyyatsevanlar

سنی دئییرلر

✍ایلقار موذن‌زاده


اوره‌ییمین چنلی یولون
و کؤنلومون گَدیک-گَدیک حیرانلیغیندا دولانان سنی،
منی دئییردی؛

بیر شئه‌لی حوزونو
بلکه‌ده
بئینیمین چیخماز کوچه‌لرینده دولانان چنی؛

دانیشیرکن،
دومانلی رؤیامدا
پالچیغا باتمیش آیاق یالین هانسی‌سا بیر خاطیره‌دن،
خییوو گئجه‌لری
و ائولرینده‌کی گیزلی-گیزلی گیزیلتی‌نی؛

دئییردی؛
ممّد بیجه‌نین آلنی قیریش یورقونلوغو
و بیجه‌یه گئدیلمه‌ین یوللارین آدرسینی؛

اصولی‌نین دَنه سَرگیسی اولان
باش‌چاهارراه‌لا آشاغی چاهارراه آراسی دولانان ایشسیزلییی؛

سنی
میللت بانکی قاباغینداکی حوسولی‌‌نین فلج آددیمینی
و ژیلِتلرینده‌ گیزلنمیش گؤزه‌للییی قییلایان
هارداسا بیر شَنی دئییردی؛

دلی قولونون
آرخلار قیراغیندا
سو شیریلتی‌سی‌نین
سس شَنلییینی،
یوخسا
ایستیکان گؤتونه‌ده اولمایان
آغیللی عسکرین
گؤزونده‌کی موبهم باخیشی،
خالیقین سنگک صَفینده بای قویولان عسکرین گؤزلویونده‌کی قیرمیزی کئشی‌می‌ایدی
کورو
کاری
اویسا کیمی دئییردی‌سه بیلمه‌دیم؛

دئییلمَزلر مزاری
اعتیرافین دار کوریدورلارداکی اؤلوم دانسی
پریشان سؤزجوکلرین
قولونا باغلانمیش مورفین سئروملارینی

سن
داواخانادا
نوسخه ده قالمیشدین
پارامین قالانی
و کلمه‌لر ‌آلنیندا
چارپاز یارا چسبی

قوش-قوش اَمینه‌نین قیزلیغینداکی یالقیزلیق‌‌می ایدی
و عَبدولون نادیری پاساژیندا‌کی تنهالیغی‌می؟
عادیلین الینده ساتدیغی قزئته‌لرینده‌کی آجی خبری‌می؟
یوخسا "سیاب"ین یوللارا سریلن گؤزلرینده‌کی اینتیظار‌می؟

شوشه‌یه بیر قان توتولموشدو
و بارماق اوجوندا
شوشه اوزه‌رینده بیر اورک شکیلی چکیردی بیر اوشاق
هموفیل دویغولارین
دایانمیر قانی دوکتور!
تبریزه‌می گؤتورَک خسته‌نی؟

دئییردی ‌بیریسینی‌ نه ایسه،
بلکه
اورتا چاهارراهین یورقون گون اورتالاریندا قییلانیلان "موز احسانا"نین تَرلی تکرار دورقونلوغونو
و اکبرلی‌نین کئفلی آغاجلار ساقی‌سی اولان،
ائیووللانین دولچاسی‌لا ایستیکان ایستیکانا...
لعنت یالانچیا!

سنی دئییردی،
اردبیلین حافیظ میدانیندا
گؤزلریمدن محببت ساغیردی
قیرمیزی چیراق آرخاسینداکی ساغیر اوشاق،
ساققیزلارینی
شیشیردیب
رؤیالارینی پارتلادان
آزادی‌ شهرکی‌نین یاساقلیغینی
و قیزلاری‌نین
یئددی قلم بَزَنمیش عارسیزلیغینا وورولدوغوم آخشام‌اوستوسو ایدی؛

باش آچمیردیم
کیملر کیمی دئییردی
آوارمیردیم
کیمی‌لری لال اول دینمه
کیمیسی‌ده کافر، دینسیز
کیمیسینه دانیش، گول، دین
کیمیسینه اوینا سیندیر؛

کیمی‌لری سنی دئسه
کیمیلری دَنی دوشو
کیمی‌لری منی دئسه
کیمی‌لری یایدا اوشو
کیمی‌لری قاردا قودور
کیمی‌لری قایدا بودور...

نه دن قالمیش دن‌قابی‌دان
نه چن قالمیش او داغلاردان
نه سن گلمیش مَنسیزلیک‌دن
نه من چاتمیش سنسیزلییین آلاچیغیندان
او بویلانان کلایغیلی قیزجیغاز؛

اینسان آدلی
ایرمی بیرینجی عصرین یالقیز موجودو
سنی دئییرلر...




https://t.me/Adabiyyatsevanlar