سس و سؤز : ایسماییل خوررمی

شعر و صدا : ثریا خلیق خیاوی

محمد حسن نژاد(ایلقار)
قادانی وئر من آپاریم

شعیر : استاد نظری
سس : سالار بیگ

سس و سؤز : سازاق

یادیندایرمی ؟
شعیر : زینب فرجی
سس : سوسن. ن

سس و سؤز:حکیمه باباکشی زاده(نغمه)

شعر و صدا : ثریا خلیق خیاوی

شعیر : کریم قوربانزاده
سس : سالار بیگ

سس و سؤز : سازاق

سس و سؤز : تارلا (تیکان تپه)

سس و سؤز : تارلا (تیکان تپه)

سس و سؤز : حکیمه باباکیشی زاده (نغمه)

شعیر : استاد نظری
سس :زهرا بادره(آنا)

شعیر : کریم قوربانزاده
سس: زهرا بادره (آنا)

شعر: یعقوب نیکزاد
سس: پریسا حیدری

سنه باشیمی یاراجام
شعیر : کامیل قهرمان اوغلو
سس : مرجان. م

🔴🔴🔴🔴سایین گروپداشلار
شنبه گونو96/05/21 ده سسلی شعیر انجمنی نین سون حیسسه سینده آشاغادا گلن ایکی شعیر نقد اولوندو.

⏪⏪⏪⏪بوگونکو گنج

جییه رینده کربونیک قازی
گوُزلویونده ایتالییان کوچه لری
دوداغیندا تئهران تورکوسو
ترکوُینه یینده ایسه ،
قاش قاباغی دالغالانیر چئقووارانین .
زیروه سینده توستولنن
سوبای اوُلموش بیر ایلدیریم ،
من کوُموره قیسقانیرام
هئچ اولماسا ،
او بیر باهار یاشاییب کی.......

"استاد ارشد نظری"🌸


پیلله- پیلله لردن قالخدی اوءلوم
آیاقدان باشلانان قانقارییا کیمی قالخدی
من قاپیدا دورموشدوم
آستانادا
دینمه دن
نسه سویلمه دن گوروشدوک
واوءپوشدوک
دوز ساعات اونبیرده
یاغمور دایاندی
قاطارلار دایاندی
گمی لر دایاندی هئچ نه سویلمه دن
ومندن آلبوملاردا شکیل لر
درایولاردا خاطیره لر
سایتلاردا شعیر لر قالدی
وسوموک لریمده سئوگی
ساعات اونبیرده!!
کریم قربان زاده"🌸
https://t.me/Adabiyyatsevanlar

سحر خیاوی :

سلام.آخشامیز خئیرلی.بو آخشام ایکی سئویملی و عزیز استادلارین نقده سئچیلمیش شعرلرینه بیر اوخوجو عنواندا باخیش یازاجاغام:
۱) بو گونکو گنج
شاعیر: استاد نظری🌸

بو شعرده سایین شاعیر بیر پارا تصویرلر و نیشانه لر بو گونکو بعضی گنج لردن گتیرمکله مستقیم حالتده یوخ امما شعرسل سوزلرین آرخاسیندا اوءز اینجیک لیگین بیلیندیریر.
بو گونکو گنج جییرینده کربنیک گازی( سیگارئت یا هر جورا مخدردن استفاده ائتمک و نشئه حالدا اوءزون و کیملیگین اونوتماق)
گوءزلویونده ایتالیان کوچه لری( شاعیرین منظوری ایتالیایی گوزلوک لر تاخیب و غرب دن نه دوزگون تمدن و فرهنگ گوتورمک، بلکه تقلید حالت ده غرب زده و فرنگی اولماق دیر و اونلارین گوزلوگویله دونیانی گورمک و اوءز فرهنگینی اونوتماق دیر)
دوداغیندا تهران تورکوسو( تاسوفله تورک گنج لر آرا مد اولان تورکو فارسی دانیشماقلار کی سوزون چوخو فارسی آرابیر آش دنی کیمین تورکو اولور)
تر کوینه گینده قاش قاباغی دالغالانیر چگوارانین( بعضن چگوارانی هئچ تانیمادان و مرام مسلکین بیلمه دن و یا باشقا آدلیم اینسانلاری تانیمادان مد عنواندا بئله پالتارلاری گئییرلر.بو عبارتده منجه ظاهری معنادان علاوه چگوارا بلکه ده اونو تانیمادان امما شکیلین داشیمادان قاش قاباق توکوب!!)
زیروه سینده توستوله نن سوبای اوءلموش ایلدیریم(بوردا بلکه شاعیرین منظورو گنجین بئینی اولاکی ائلییه بیلردی ایلدیریم و ایشیق ساچاندان سونرا گور یاغیشا دوءنه و یاشیللیق و گوءیلوک موشتولوغو اولا امما حیف ناکام و سوبای اوءلومه و توستو اولماغا اوغرانیب)!!

شعرین سونون دا شاعیر کوءموره قیسقانیر نئیه کی کول اولسادا آغاج اولدوغو زامان باهاری یازی یاشاییب.امما بو گنج عوءمرونون یاز چاغیندا خزانلاشیب!!
نتیجه:بو شعرده شاعیر نه شعار بلکه شاعیرانه بیر دیل له گنج لریمیزی اوءز کولتورون تانیماغا، هر نه اویدوران و کیملیگین یادیندان چیخاردان شئیلردن پرهیزه،غربی نمادلاردان اوزاق گزمگه دعوت ائدیر.امما هئچ جبهه توتمادان؛ نصیحت ائله مه دن.و دانلامادان.
سایین شاعیریمیزه اوزون و عزتلی عومور و داها نائلییت لر دیله ییرم❤️

۲)ساهات اون بیرده
شاعیر:استاد کریم قربان زاده🌸
بو شعرده شاعیر قورخونج بیر حالت ده اوءلومله اوزبه اوز اولدوغوندان خبر وئریر.بیر چوخ شاعیرلر و یازارلار ایندییه جن یازیلاریندا اوءلوم ساهات و فصلیندن بیر ایلهام‌ آلمیش کیمین خبر وئریب لر.
بو شعرده شاعیر اوءلومون پیلله پیلله قالخماسیندان و اونون گوروشونه گئتمه سیندن دانیشیر.اوءلوم آیاق دان باشلانان قانقارییا مرضی کیمین پیلله لرین آشاغیسیندان قالخیر.شاعیر ائوین قاپیسیندا سوکوتلو دوروب و هئچ دانیشمادان اوءلومله اوپوشوب گوءروشور.ساهات اون بیرده!!
شاعیر اوءلرکن چونکو بو دونیانی داها دویمور نظرینده یاغمورلار داها دایانیر و یاغمیر.قاطارلار دایانیر.گمی لر دایانیر.( حالبوکی هئچ نه دایانمیر.کائنات دایانمادان عوءمور سورور دایانان یالنیز اوءلن دیر.
منسیز دولانجاق یئنه ده حیات/دایانماز سئیر ائده ر بوتون کائینات
سانکی بو دونیادا توزویموشام من/ اوچسام هئچ نه اوندان آزالمییاجاق/بو حیات من اوچون سوزالمییاجاق)
سونرا شاعیردن یالنیز آلبوملاردا شکیل لر، درایولاردا خاطیره لر.سایتلاردا شعرلر و سوموک لرینده سئوگی قالیر.ساهات اون بیرده!!
نتیجه: بو شعرده ده شاعیر هئچ شوعار وئرمه دن شعرسل دیلیله حتمی و قاچیلماز اوءلوم حادیثه سینه اشاره ائدیب و یئنه هئچ شوعارسیز و مستقیم نصیحت سیز اینسانلارا بو اوءلومدن هشدار وئریر و دئییرکی بیزلردن یالنیز اینسانلیق و گوزل خاطیره لردیر کی یاشایاجاق.نه گوزل کی بو نئچه گونلوک دونیادا کونوللره دیمه دن اینسان آدینا لاییق یاشایاق و الیمیزدن گلدیکجه اوزوموزدن سونرایا گوزل ایزلر قویوب گئده ک.
عزیز شاعیره اوزون و عزتلی عوءمور و داها نائلییت لر دیله ییرم.
سایین استادلارین محضرینه جسارت ائتدیمسه من باغیشلارلار.لاییق مودورون سفارشینه شعرلره باخیش یازدیم.حوءرمتله:
#سحر_خیاوی 🌸
***قانقارییا: باکتریایی بیر ناخوشلوق دیر کی هر سببه بدنین بیر یئرینده قان یئریمیر و دایانیر.او قیسمت عفونت ائدیر.
https://t.me/Adabiyyatsevanlar

🔴🔴🔴🔴سایین گروپداشلار

بوگئحه 96/05/22ساعات 22دن ساعات 23/30 قدر سرکار خانم حاجی قاسملونون دیلیندن ده ده قورقود بویلارین ائشیده جییک .
https://t.me/Adabiyyatsevanlar

جناب دکتر رحمانی
ادبیات شوناس و یازار