✅✅✅سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق .
https://t.me/Adabiyyatsevanlar
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق .
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
پروفسور دوکتور میناخانیم تکله لی
کؤچورن : سارای .م
" قاراباغ دفتری" ندن
آشیق پرینین شعیرلری ایلک دفعه "قاراباغنامه " موللیفله ریندن اولان میرزه یوسیف قاراباغینین 1856 -جی ایلده تئیمور خان- شورادا( ایندیکی بویناقسک ) نشر اولونموش "مجموعه ی -واقیف و موعاصرین -دیگر " کیتابیندا درج ائدیلمیش,بوندان تخمیناً اون ایل سونرا ایسه قافقازشوناس عالیم آدولف بئرژئنین 1867 -جی ایلده لئیپسکده نشر ائدیلن "مجموعه ی -اشعار-شعرای -آذربایجان " مجموعهسینده چاپ اولونموشدور . آدولف بئرژئ همین نشرین موقدّیمه سینده آشیق پری حاقیندا آلمانجا بو سؤزلری یازمیشدی:1829 -جو ایلین آخیرلاریندا آراز چایی ساحیلله رینده یئرله شن مارالیان کندینده 18 یاشیندا بیر قیز ظوهور ائتدی.ائشیدیلمه میش بیر گؤزللییه مالیک اولان بو قیزین آدی آشیق پری ایدی… اونون دئییشمه لری, حاضیر جاوابلیقلا دئدییی شعیرلری دیققتی جلب ائدیردی.اؤز دؤورونون آز-چوخ ایستعدادلی شاعیرلری ایله شعیرلشمده همیشه موؤفّقییت قازانیردی و هئچ کسه اونا قالیب گلمیه ایمکان وئرمه زدی.
آشیق پرینین شعیرلری حاققیندا ایلکین اولاراق معلومات وئرن منبعلردن محمّد آغا موجتهیدزاده نین "ریاضول العاشقین" و نوّاب تذکیره له رینی گؤسترمک اولار.ائله بو تاریخدن باشلایاراق دئمک اولار کی ,بوتون تذکیره و ادبيّات مونتخاباتلاریندا شاعیرین شعیرله ریندن نومونه لر وئریلمه یه باشلاییر .
آشیق پری – آذربایجان ادبيّاتینین آشیق نابات ,بستی, آشیق هماییل, آشیق ساواد,آشیق آفیتاب کیمی ائل صنعتکارلاری جرگه سینده اؤزونه مخصوص یئری ,آشیق صنعتینین ان لاییقلی عضوله ریندن بیری, جوشقون طبلی بیر شاعیر اولموشدور .
آشیق پری 1811 -جی ایلده قاراباغین آراز اوستو گوشه سینده – جبراییل ائلینین دیزاق ماهالینین مارالیان کندینده دوغولموشدور .دونیایا گؤز آچدیغی کندین آدینی اؤزونه نسب گؤتورموش ,شعیرله رینده ده اؤز دوغما یوردونو دؤنه- دؤنه وصف ائتمیشدی:
پرینین دردی طوغیاندی,
ساکین یئری مارالیاندی.
گولوم قؤنچهسینده یاندی,
بولبوللر افقان ائیلدی.
هله اوشاق ایکن بداهتاً شعیرلر دئیر , آشیق شعیری اوسلوبوندا یازار, سؤز قوشارمیش.شعیرله رینین روحو سئوگیدن نشئت ائتمیشدی: آشیق پرینین شعیرلری تئز ازبرله نیر, دیللره دوشور,آغیزلاردا دولاشیردی .گؤرکملی ادبيّات تاریخچیسی پروفسور میرزه فئیضوللاه: آشیق پرینین درین و صمیمی لیریکاسیندا تمیز محببتین مئهریبان و نوازیشکار حیسلرین ترنّومو ایله برابر, وضعيّتیندن ناراضیلیق, فلکدن شیکایت و خفیف کدر موتیولری واردیر ,دئیه یازیردی . موللیف شاعیرین یاراتدیغی بدیعی اوبرازلارا فیکریمیزی یؤنلده رک آشاغیداکی بندی میثال وئریر و آشاغیداکی شعر پارچاسینی
عشقینین الیندن گئده رم داده,
دردیم اولور گوندن- گونه زیاده.
شیوه وو رفتارین دوشنده یاده
باغریمین باشیندا میللر اویناشیر
اؤرنک گتیرمکله بو گؤزل اوبرازلار قوشمایا خوصوصی بیر بدیعی قوووت وئریر ,دئیه قئید ائدیردی. آشیق پرینین شعیرلری حسساس قلبدن قوپوب گلیر و بونا گؤره ده صنعتکارلیق باخیمیندان یوکسکدیر . آشاغیدا اوّلده کی شعیرین داوامیندان نومونه وئرجه ییمیز پارچادا عاشیقین مقصدی آغلاماغینین شیدّتینی گؤسترمه کدیر; او ,بونون اوچون گؤز یاشلاری بیرلشمه سینی بنزتمه و موقایسهسیز ایشلتمیشدیرسه ده سونونجو میصراعداکی " اوچوشور سونالار,گؤللر اویناشیر "دئمکله دولاییسی ایله اصلینده آخان گؤز یاشلاریندان سونالار اوچوشان و سولاری اویناشان گؤللرین یاراندیغی گؤستریلیر .
داد ائیله رم هارای ناشی الیندن,
یاندی جیگر عشق آتشی الیندن.
من نه دئییم گؤزوم یاشی الیندن
اوچوشور سونالار, گؤللر اویناشیر .
ایلک گنجلیییندن هم شعیرلری و هم ده قئیری- عادی گؤزللییی ایله اطرافا سس سالمیشدی ;شؤهرتی قاراباغین پایتاختینا یئتیشدیکده کؤچوب 1830-جو ایلده شوشایا یئرلشمیش, عومرونون سونونادک بورادا یاشامیشدیر.قیسا بیر زامان ایچینده شاعیرلییی هر یانا یاییلماقلا آشیق مجلیسله رینده,ائل ییغینجاقلاریندا بؤیوک حؤرمته مالیک اولموش ,هونری, جسارتی ایله مشهورلاشمیشدی .دئییشمه لری سس- صدا دوغورموش ,ادبيّات- صنعت عالمینه یاییلمیشدی. موعاصیرله رینین دئدییینه گؤره آشیق پری آز بیر زاماندا روان طبعلی , حاضیرجاواب بیر شاعیر کیمی تانینماغا باشلامیشدی .شوشایا کؤچمه سی ده بو سببدن اولموشدو .
یئنه ده قافقازشوناس بئرژئنین مولاحیظهله رینه دیققت یئتیرک: گورجوستاندا گئنئرال یئرمولووون یانیندا قوللوق ائدن قاراباغ ائرمنیله ریندن میرزه جان مدت اوو آدیندا بیر شخص وار ایدی .بو شخص او زامانلار قاراباغ قیشلاغیندا ساکین اولان آشیق پرینین یانینا گئتمیش و اونو شعیرلشمیه دعوت ائتمیشدی. آرالاریندا جریان ائدن شعیرلشمه له رین بیتلری خالقین حافیظه سینه کئچمیشدیر .واخت گله جکدی کی, ائرمنی اصیللی روس گئن
کؤچورن : سارای .م
" قاراباغ دفتری" ندن
آشیق پرینین شعیرلری ایلک دفعه "قاراباغنامه " موللیفله ریندن اولان میرزه یوسیف قاراباغینین 1856 -جی ایلده تئیمور خان- شورادا( ایندیکی بویناقسک ) نشر اولونموش "مجموعه ی -واقیف و موعاصرین -دیگر " کیتابیندا درج ائدیلمیش,بوندان تخمیناً اون ایل سونرا ایسه قافقازشوناس عالیم آدولف بئرژئنین 1867 -جی ایلده لئیپسکده نشر ائدیلن "مجموعه ی -اشعار-شعرای -آذربایجان " مجموعهسینده چاپ اولونموشدور . آدولف بئرژئ همین نشرین موقدّیمه سینده آشیق پری حاقیندا آلمانجا بو سؤزلری یازمیشدی:1829 -جو ایلین آخیرلاریندا آراز چایی ساحیلله رینده یئرله شن مارالیان کندینده 18 یاشیندا بیر قیز ظوهور ائتدی.ائشیدیلمه میش بیر گؤزللییه مالیک اولان بو قیزین آدی آشیق پری ایدی… اونون دئییشمه لری, حاضیر جاوابلیقلا دئدییی شعیرلری دیققتی جلب ائدیردی.اؤز دؤورونون آز-چوخ ایستعدادلی شاعیرلری ایله شعیرلشمده همیشه موؤفّقییت قازانیردی و هئچ کسه اونا قالیب گلمیه ایمکان وئرمه زدی.
آشیق پرینین شعیرلری حاققیندا ایلکین اولاراق معلومات وئرن منبعلردن محمّد آغا موجتهیدزاده نین "ریاضول العاشقین" و نوّاب تذکیره له رینی گؤسترمک اولار.ائله بو تاریخدن باشلایاراق دئمک اولار کی ,بوتون تذکیره و ادبيّات مونتخاباتلاریندا شاعیرین شعیرله ریندن نومونه لر وئریلمه یه باشلاییر .
آشیق پری – آذربایجان ادبيّاتینین آشیق نابات ,بستی, آشیق هماییل, آشیق ساواد,آشیق آفیتاب کیمی ائل صنعتکارلاری جرگه سینده اؤزونه مخصوص یئری ,آشیق صنعتینین ان لاییقلی عضوله ریندن بیری, جوشقون طبلی بیر شاعیر اولموشدور .
آشیق پری 1811 -جی ایلده قاراباغین آراز اوستو گوشه سینده – جبراییل ائلینین دیزاق ماهالینین مارالیان کندینده دوغولموشدور .دونیایا گؤز آچدیغی کندین آدینی اؤزونه نسب گؤتورموش ,شعیرله رینده ده اؤز دوغما یوردونو دؤنه- دؤنه وصف ائتمیشدی:
پرینین دردی طوغیاندی,
ساکین یئری مارالیاندی.
گولوم قؤنچهسینده یاندی,
بولبوللر افقان ائیلدی.
هله اوشاق ایکن بداهتاً شعیرلر دئیر , آشیق شعیری اوسلوبوندا یازار, سؤز قوشارمیش.شعیرله رینین روحو سئوگیدن نشئت ائتمیشدی: آشیق پرینین شعیرلری تئز ازبرله نیر, دیللره دوشور,آغیزلاردا دولاشیردی .گؤرکملی ادبيّات تاریخچیسی پروفسور میرزه فئیضوللاه: آشیق پرینین درین و صمیمی لیریکاسیندا تمیز محببتین مئهریبان و نوازیشکار حیسلرین ترنّومو ایله برابر, وضعيّتیندن ناراضیلیق, فلکدن شیکایت و خفیف کدر موتیولری واردیر ,دئیه یازیردی . موللیف شاعیرین یاراتدیغی بدیعی اوبرازلارا فیکریمیزی یؤنلده رک آشاغیداکی بندی میثال وئریر و آشاغیداکی شعر پارچاسینی
عشقینین الیندن گئده رم داده,
دردیم اولور گوندن- گونه زیاده.
شیوه وو رفتارین دوشنده یاده
باغریمین باشیندا میللر اویناشیر
اؤرنک گتیرمکله بو گؤزل اوبرازلار قوشمایا خوصوصی بیر بدیعی قوووت وئریر ,دئیه قئید ائدیردی. آشیق پرینین شعیرلری حسساس قلبدن قوپوب گلیر و بونا گؤره ده صنعتکارلیق باخیمیندان یوکسکدیر . آشاغیدا اوّلده کی شعیرین داوامیندان نومونه وئرجه ییمیز پارچادا عاشیقین مقصدی آغلاماغینین شیدّتینی گؤسترمه کدیر; او ,بونون اوچون گؤز یاشلاری بیرلشمه سینی بنزتمه و موقایسهسیز ایشلتمیشدیرسه ده سونونجو میصراعداکی " اوچوشور سونالار,گؤللر اویناشیر "دئمکله دولاییسی ایله اصلینده آخان گؤز یاشلاریندان سونالار اوچوشان و سولاری اویناشان گؤللرین یاراندیغی گؤستریلیر .
داد ائیله رم هارای ناشی الیندن,
یاندی جیگر عشق آتشی الیندن.
من نه دئییم گؤزوم یاشی الیندن
اوچوشور سونالار, گؤللر اویناشیر .
ایلک گنجلیییندن هم شعیرلری و هم ده قئیری- عادی گؤزللییی ایله اطرافا سس سالمیشدی ;شؤهرتی قاراباغین پایتاختینا یئتیشدیکده کؤچوب 1830-جو ایلده شوشایا یئرلشمیش, عومرونون سونونادک بورادا یاشامیشدیر.قیسا بیر زامان ایچینده شاعیرلییی هر یانا یاییلماقلا آشیق مجلیسله رینده,ائل ییغینجاقلاریندا بؤیوک حؤرمته مالیک اولموش ,هونری, جسارتی ایله مشهورلاشمیشدی .دئییشمه لری سس- صدا دوغورموش ,ادبيّات- صنعت عالمینه یاییلمیشدی. موعاصیرله رینین دئدییینه گؤره آشیق پری آز بیر زاماندا روان طبعلی , حاضیرجاواب بیر شاعیر کیمی تانینماغا باشلامیشدی .شوشایا کؤچمه سی ده بو سببدن اولموشدو .
یئنه ده قافقازشوناس بئرژئنین مولاحیظهله رینه دیققت یئتیرک: گورجوستاندا گئنئرال یئرمولووون یانیندا قوللوق ائدن قاراباغ ائرمنیله ریندن میرزه جان مدت اوو آدیندا بیر شخص وار ایدی .بو شخص او زامانلار قاراباغ قیشلاغیندا ساکین اولان آشیق پرینین یانینا گئتمیش و اونو شعیرلشمیه دعوت ائتمیشدی. آرالاریندا جریان ائدن شعیرلشمه له رین بیتلری خالقین حافیظه سینه کئچمیشدیر .واخت گله جکدی کی, ائرمنی اصیللی روس گئن