دانیشیق آپاران :کریم قوربانزاده
ده ده قورقود اثرینین تاریخی و اجتیماعی دیری بیزیم بو گونکی وارلیغیمیزدا نه اولا بیلر؟
https://t.me/Adabiyyatsevanlar
ده ده قورقود اثرینین تاریخی و اجتیماعی دیری بیزیم بو گونکی وارلیغیمیزدا نه اولا بیلر؟
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"کارامازوف قارداشلاری" رومانی و "داستایوفسکی" دونیاسی
یازان: محمد عاریف
اختصارلا کؤچورن: همت شهبازی
داستايوفسكينين سونونجو بؤيوك و اؤنملی اثري «كارامازوف قارداشلاري» (80 ـ 1879) رومانيدير. كؤهنه روسيا حاققيندا ماراقلي بير ائپوس (= حماسه) اولان بو اثر یازارین ايللر بويو داوام ائدن آختاريشلارينا، سياسي، اجتماعي، فلسفي و اخلاقي گؤروشلرينه سانكي يئكون ووروردو. كارامازوفلار عايلهسينين تاريخچهسينده مؤلليف بير داها اؤز دؤرونون أن مركب و قارانليق گوشهلريني، آداملارين اورهكلريني و بئيينلريني گميرن ضيدديتلي فيكير و احتراسلاري، روس خالقينين مصيبتلريني، دوشگون طالعيني عكس ائتديرمهيه چاليشميشدي.
فئودور كارامازوف و اونون اوغلانلاري ديميتري، ايوان و آليوشا بيرـبيرينه اوخشامايان، خاراكتئرجه و مفكورهجه تاماميله مختليف آداملارديلار. ايوان كارامازوف آغيللي بير گنج و استعدادلي يازيچي و فيلوسوفدور. داستايوفسكيني دوشوندورن و اثرلرينده تئزـ تئز توخونولان مسئلهلري ايوان داها كسكين و قطعي بير شكيلده ايرهلي سورور. ايوان اينسانپروردير، آمما اونون اينسانپرورلييي اينسانلاري باريشديرماق، حياتدا اجتماعي بير آربالیق (=موازينه) عمله گتيرمك ايستهينلرين معیارلاریندان اوزاقدير. او دينداردير، آمما چوخ گوجلو تنقيدي محاكمهيه ماليكدير. او دئيير: « من آللاهين ياراتديغي بو دونياني قبول ائتميرم ... يوكسك موازينه، هارمونييا {= همآهنگليك} طرفداري دا دئييلم… من ايستهميرم كي، آنا، اوغلونو ايتلره پارچالاتديران جلادلا قوجاقلاشسين! من بشريته محبت خاطيرينه هارمونييايا ضيدّم».
ايوان كارامازوفون يازديغي «بؤيوك مستنطق» {= بازپرس بزرگ} افسانهسينده خيريستانليغي تنقيد ائدن داستايوفسكي روماندا جاري سياسته، محكمه ايجلاسلارينا، اجتماعي عيدالتسيزليگه عاييد گتيرديگي بير چوخ اؤرنک لرله چاغداش روسيادا سوچسوز آداملارين، اؤزه للیک له اوشاقلارين باشينا گتيريلن مصيبتلر دقّتي جلب ائدير.
كارامازوفون كيچيك قارداشي آليوشانين طالعي ده غريبهدير؛ موناستيرده تربيه آلان بو ديندار گنج ده حقيقت و عدالت آختارماق يولونا دوشور. موناستيردن چيخديقدان سونرا باشينا گلن ماجرالار اونو انقلابچيلارا ياخينلاشديرير، ظولمون كؤكونو كسمك اوچون او حتّا چاري {= تزار} اؤلدورمك ايستهيير، سوء قصدده اشتراك ائدير. آليوشانين سيماسيندا يازيچي گنج نسلين قارانليق چار روسياسيندا ايشيق آختارماق تشبّوثلريني، ايشيقلي دونيا اوغروندا ثمرهسيز فداكارليغين فاجيعهسيني عكس ائتديرميشدير.
رومانين باش قهرماني كئفجيل، چيلغين ضابيط ديميتري اصلينده استعدادلي، باجاريقلي، جسور، حتّا رومانتيك، شاعيرانه بير طبيعته ماليك آدامدير. لاكين بو گؤزل كيفيّتلره ماليك آدام دا حياتدا خوشبخت اولا بيلمير. آتا قاتيلي كيمي تقصيرلنديريلن ديميتري كاتورقا [؟] جزاسينا محكوم اولونور. بوتون چيلغين محبّت ماجرالارينا باخماياراق ديميتريني يوخسول، تحكيملي كندليلرين دردي ترك ائتميردي. يوخودا گؤردويو كند يانغيني قلبينده يوخسول كندليلره، اوتسوز چؤللره، آغلايان اوشاقلارا قارشي دهرين بير كدر دوغورودو، كندليلرين نه اوچون قوجاقلاشيب اؤپوشمهمهسينه، نه اوچون شن ماهنيلار اوخوماماسينا آجيييردي، يئر اؤزونده بوندان سونرا گؤز ياشي اولماسي اوچون مباريزهيه گيريشمهيه جان آتيردي…
داستايوفسكينين دئمك اولاركي، بير چوخ اثرلري، اؤزللیکله اونلارين سونو فاجيعه كيمي سسلهنير. گوجلو، عاغيللي، تميز، خئيرخواه آداملارين قيزغين آختاريشي، فداكارليغي اوغورسیزلیقلا قورتارير، قهرمانلار یئنیلیرلر. بو قهرمانلارين بعضيلري شردن خيلاص يولونو خيريستانليقدا {= مسيحيليك} اطاعتده، بعضيلري عمومي، صينفي صولحده، بعضيلري ايسه سوسياليزمده گؤرورلر. اونلارين هئچ بيري اؤز آختاريشيندا آرديجيل و مؤحكم اولماسا دا، بير مسئله ده بيرلهشيرلر. اونلاري بير گوجلو احتراس، بير مقصد بيرلشديرير. اونلاري هومانيزم {= اينسان پرورليك}قیجیقلاندیریر.موجود دوروملا، استبدادلا، ظولمله راضيلاشماماق، بدبخت انسانين حالينا آجيماق، دردينه شريك اولماق، اونون يولوندا قوربان گئتمك بو آداملارين معنوي گؤزلليگيني تشكيل ائدير.
• مقاله نین باشلیغی "کؤچورن" طرفیندندیر.
• قایناق : " صنعتکار قوجالمیر "، محمد عاریف، باکی، یازیچی نشریاتی 1980
https://t.me/Adabiyyatsevanlar
یازان: محمد عاریف
اختصارلا کؤچورن: همت شهبازی
داستايوفسكينين سونونجو بؤيوك و اؤنملی اثري «كارامازوف قارداشلاري» (80 ـ 1879) رومانيدير. كؤهنه روسيا حاققيندا ماراقلي بير ائپوس (= حماسه) اولان بو اثر یازارین ايللر بويو داوام ائدن آختاريشلارينا، سياسي، اجتماعي، فلسفي و اخلاقي گؤروشلرينه سانكي يئكون ووروردو. كارامازوفلار عايلهسينين تاريخچهسينده مؤلليف بير داها اؤز دؤرونون أن مركب و قارانليق گوشهلريني، آداملارين اورهكلريني و بئيينلريني گميرن ضيدديتلي فيكير و احتراسلاري، روس خالقينين مصيبتلريني، دوشگون طالعيني عكس ائتديرمهيه چاليشميشدي.
فئودور كارامازوف و اونون اوغلانلاري ديميتري، ايوان و آليوشا بيرـبيرينه اوخشامايان، خاراكتئرجه و مفكورهجه تاماميله مختليف آداملارديلار. ايوان كارامازوف آغيللي بير گنج و استعدادلي يازيچي و فيلوسوفدور. داستايوفسكيني دوشوندورن و اثرلرينده تئزـ تئز توخونولان مسئلهلري ايوان داها كسكين و قطعي بير شكيلده ايرهلي سورور. ايوان اينسانپروردير، آمما اونون اينسانپرورلييي اينسانلاري باريشديرماق، حياتدا اجتماعي بير آربالیق (=موازينه) عمله گتيرمك ايستهينلرين معیارلاریندان اوزاقدير. او دينداردير، آمما چوخ گوجلو تنقيدي محاكمهيه ماليكدير. او دئيير: « من آللاهين ياراتديغي بو دونياني قبول ائتميرم ... يوكسك موازينه، هارمونييا {= همآهنگليك} طرفداري دا دئييلم… من ايستهميرم كي، آنا، اوغلونو ايتلره پارچالاتديران جلادلا قوجاقلاشسين! من بشريته محبت خاطيرينه هارمونييايا ضيدّم».
ايوان كارامازوفون يازديغي «بؤيوك مستنطق» {= بازپرس بزرگ} افسانهسينده خيريستانليغي تنقيد ائدن داستايوفسكي روماندا جاري سياسته، محكمه ايجلاسلارينا، اجتماعي عيدالتسيزليگه عاييد گتيرديگي بير چوخ اؤرنک لرله چاغداش روسيادا سوچسوز آداملارين، اؤزه للیک له اوشاقلارين باشينا گتيريلن مصيبتلر دقّتي جلب ائدير.
كارامازوفون كيچيك قارداشي آليوشانين طالعي ده غريبهدير؛ موناستيرده تربيه آلان بو ديندار گنج ده حقيقت و عدالت آختارماق يولونا دوشور. موناستيردن چيخديقدان سونرا باشينا گلن ماجرالار اونو انقلابچيلارا ياخينلاشديرير، ظولمون كؤكونو كسمك اوچون او حتّا چاري {= تزار} اؤلدورمك ايستهيير، سوء قصدده اشتراك ائدير. آليوشانين سيماسيندا يازيچي گنج نسلين قارانليق چار روسياسيندا ايشيق آختارماق تشبّوثلريني، ايشيقلي دونيا اوغروندا ثمرهسيز فداكارليغين فاجيعهسيني عكس ائتديرميشدير.
رومانين باش قهرماني كئفجيل، چيلغين ضابيط ديميتري اصلينده استعدادلي، باجاريقلي، جسور، حتّا رومانتيك، شاعيرانه بير طبيعته ماليك آدامدير. لاكين بو گؤزل كيفيّتلره ماليك آدام دا حياتدا خوشبخت اولا بيلمير. آتا قاتيلي كيمي تقصيرلنديريلن ديميتري كاتورقا [؟] جزاسينا محكوم اولونور. بوتون چيلغين محبّت ماجرالارينا باخماياراق ديميتريني يوخسول، تحكيملي كندليلرين دردي ترك ائتميردي. يوخودا گؤردويو كند يانغيني قلبينده يوخسول كندليلره، اوتسوز چؤللره، آغلايان اوشاقلارا قارشي دهرين بير كدر دوغورودو، كندليلرين نه اوچون قوجاقلاشيب اؤپوشمهمهسينه، نه اوچون شن ماهنيلار اوخوماماسينا آجيييردي، يئر اؤزونده بوندان سونرا گؤز ياشي اولماسي اوچون مباريزهيه گيريشمهيه جان آتيردي…
داستايوفسكينين دئمك اولاركي، بير چوخ اثرلري، اؤزللیکله اونلارين سونو فاجيعه كيمي سسلهنير. گوجلو، عاغيللي، تميز، خئيرخواه آداملارين قيزغين آختاريشي، فداكارليغي اوغورسیزلیقلا قورتارير، قهرمانلار یئنیلیرلر. بو قهرمانلارين بعضيلري شردن خيلاص يولونو خيريستانليقدا {= مسيحيليك} اطاعتده، بعضيلري عمومي، صينفي صولحده، بعضيلري ايسه سوسياليزمده گؤرورلر. اونلارين هئچ بيري اؤز آختاريشيندا آرديجيل و مؤحكم اولماسا دا، بير مسئله ده بيرلهشيرلر. اونلاري بير گوجلو احتراس، بير مقصد بيرلشديرير. اونلاري هومانيزم {= اينسان پرورليك}قیجیقلاندیریر.موجود دوروملا، استبدادلا، ظولمله راضيلاشماماق، بدبخت انسانين حالينا آجيماق، دردينه شريك اولماق، اونون يولوندا قوربان گئتمك بو آداملارين معنوي گؤزلليگيني تشكيل ائدير.
• مقاله نین باشلیغی "کؤچورن" طرفیندندیر.
• قایناق : " صنعتکار قوجالمیر "، محمد عاریف، باکی، یازیچی نشریاتی 1980
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.