طنز
بویوک آغا افندی
بيزيم بالديز كوبرا بير آي بوندان قاباق توي ائلهييب گئتدي تهرانا. بو گون خبر وئرديلر کي گؤروش اوچون بيزه گلهجکدیر. انتظار چوخ چكمهدي، قاپي دؤيولدو. آرواد دئدي: كوبرا گلدي، قاچين قاپيني آچين!
قاچديم قاپيني آچديم، گؤردوم كورهكن تكدي!
– آبالا! هاني به كوبرا؟
عسگرآقا دئدي:
– كوبيده كوچهده، همسادهلرنن دانيشير، الان گلر.
هله عسگرآقاني يئر به يئر ائلهمهميشديم، كوبرانین قيشقيرتی سسی گلدی. تئز قاچديم قاپييا، گؤردوم كوبرا آستانادا دوروب؛ بيزيمده بير گؤزهل خوروزوموز وار، اودا دوروب حيطين او باشيندا باخير قاپييا.
دئديم: هه نه اولوب؟ نييه قيشقيريرسان؟ بوردا نييه دورموسان؟
– سلام عمواوغلي، او خوروز مني قاپوري.
دئديم: كوبراجان قاپموري، باخوري. اونون كي سندن اييرمي متر فاصلهسي وار.
من بير دريندن باخديم کوبرانين قيافهسينه، گؤردوم بير دودي عينك ووروب، چادرانيدا قويوب يئره، ديزينهجهده چيرمالانيب؛ اؤزون بير وضعه ساليب كي، خوروزدا تعجب ائيلهيير.
اؤز- اؤزومه دئديم: ائله خوروزون حاققي وار سني قاپسين.
– بويورون، بويورون!
هله گلديلر ايچرييه؛ خوش- بش اون- بئشدن سونرا، بويوردولار:
– عمو اوغلي، تهرانين خوروزلاري چوخ با ادبديلر. اصلاً آدامي قاپمازلار، سيزين خوروزوز وحشيدي، من اوندان بتر قورخورام، گتيرين اوني كساخ.
دئديم:- كوبرا سن اؤزون بيزيم خوروزو تانييرسان، چوخ ادبليدير! ناهاراجان بانلاماز كي بيردن، باجين يوخودان دورار، ناراحات اولار. تازا محله اهليده دئيير بؤيوكآغانين خوروزوندان معرفتلي خوروز بو محلهده يوخدو. گوناهدي، آللاها خوش گلمز بوجور باشي آشاغا خوروزو كسه سن.
قوناقلار راحاتلاشديلار بيلدير كي من خوروز كسن دئييلم. آرواد ايشي بئله گؤرمک همن، فوري سؤزو عوض ائيلهدي:
– عسگرآقا خوش گليبسيز، نئچه گون بورداسيز؟
عسگر دئدي: واللاه، مرخصيم يوخدو، گرهك دوشنبه گونونهجن گئداخ.
ائيله كي آروادين اورهيي گلدي يئرينه، بير ايكي دفعه دئدي:
– آ… بو تئزليقدا نه خبردي؟ هئچ اولماسا بير ايكي گون قالين.
من سوروشدوم:
– عسگر آقا نه ايش گؤرورسوز؟ هاردا ايشلهييرسيز كي، بوجوره تلسيرسيز؟
كوبرا فوري جاواب وئردي:
– اصغرآقا بالاي شهرده، ميدان شوشدا، كوپون خريد و فروش ائيلهييرلر. قورخوللار تئز گئتمهسهلر يئرين توتارلار، اورداندا اخراج ايلرلر. اونا گؤرهده گرهك تئز گئداخ.
هله كوبرانين سؤزو قورتارماميشدي كي بيزيم اوشاقلارين بيري سوروشدو:
– بابا، بس نييه كوبرا خالا تهرانا گئدندن كارتونلار كيمي دانيشير؟
من هله جاواب وئرمهميشديم، آرواد بتردن بير گؤزلرين آغارتدي. اوشاق فوري ال- اياغين ييغيشديردي. بير اوندا گؤردوم قونشوموز سوره خالا ييرقالانا- ييرقالانا، دانيشا- دانيشا حيطين او باشيندان گلير.
– آي بالا گؤزلرين آيدين اولسون. كوچه ده آروادلاردان ائشيتديم كوبرا خانيم گليب، دئديم بير گئديم گؤروم. من كوبرانين خاطيرين چوخ ايستهرم. تون به تونين قيزلاري بئكارديلار؛ ييغيشيرلار كوچويه، هره بير سؤز دئييرلر. بيري دئيير: كوبرا تهرانا گئدنن قيرجانا- قيرجانا دانيشير، بيري دئيير: كوبرا تهرانا گئدنن قودوخلانا- قودوخلانا يئريير! دئديم: سيزي آللاه بوسؤزلري ييغيشديرين، من چوخ سئوينيرم كي گئديب تهرانا، قويون گئتسين، بئيه آدام اولدو.
هله سوره خالانين اؤپوش- گؤروشو قورتارماميشدي كي گؤردوم اييليب بيزيم آروادين قولاغينا دئيير: آي قيز، اوشاغي وار؟
بيزيم آرواد باشين بير يوخارييا آتدي.
– آللاه جان ساغليغي وئرسين، خداحافظ.
سوره خالا بونو دئييب،کوچهيه سوزدو.
او گون كوچهده هامي كوبرادان دانيشيردي. ناهاردان سونرا دربند باشيندا آروادلارين آراسيندا بتر اختلاف دوشموشدو. بير عده مطمئنايديلر كوبرانين اوشاغي وار، بيزيم آرواد يالان دئييب، نظرلمهسينلر. بير عده ايكي اياقلارين گئيميشديلر بير باشماغا كي، دوكتور كوبرايا جاواب ائلهييب. بير عده دئييرلر، كوبرانين اري كوپون آل- وئر ائلهيير. بر عدهده دئييرديلر اؤزلري ائشيديبلر كي اونون اري شوشه ميدانيندا ايشلهيير. بير نفرده آند ايچيرديكي، كوبرانين اري دللكدي. بيزيم آرواددا فقط بالاي شهردن دانيشيردي. كوبرانين ننهسيده بتر ناراحتايدي، قورخوردو بئله گئتسه كوبرانين ديلي ياديندان چيخا. اونا گؤرهده كوبراني يولا سالاندا تئز- تئز دئييردي:
– بالا موغايات اول، اؤزوندن چيخما، اوزووي ايتيرمه! ديلسيز آدام ننهسيز آداما تايدي.
ماشين يوللاندي، عسگرآقا ایله كوبرا باي- باي ائيلهييرديلر. من ده صاباحکی گونلره فيكيرلشيرديم.
https://t.me/Adabiyyatsevanlar
بویوک آغا افندی
بيزيم بالديز كوبرا بير آي بوندان قاباق توي ائلهييب گئتدي تهرانا. بو گون خبر وئرديلر کي گؤروش اوچون بيزه گلهجکدیر. انتظار چوخ چكمهدي، قاپي دؤيولدو. آرواد دئدي: كوبرا گلدي، قاچين قاپيني آچين!
قاچديم قاپيني آچديم، گؤردوم كورهكن تكدي!
– آبالا! هاني به كوبرا؟
عسگرآقا دئدي:
– كوبيده كوچهده، همسادهلرنن دانيشير، الان گلر.
هله عسگرآقاني يئر به يئر ائلهمهميشديم، كوبرانین قيشقيرتی سسی گلدی. تئز قاچديم قاپييا، گؤردوم كوبرا آستانادا دوروب؛ بيزيمده بير گؤزهل خوروزوموز وار، اودا دوروب حيطين او باشيندا باخير قاپييا.
دئديم: هه نه اولوب؟ نييه قيشقيريرسان؟ بوردا نييه دورموسان؟
– سلام عمواوغلي، او خوروز مني قاپوري.
دئديم: كوبراجان قاپموري، باخوري. اونون كي سندن اييرمي متر فاصلهسي وار.
من بير دريندن باخديم کوبرانين قيافهسينه، گؤردوم بير دودي عينك ووروب، چادرانيدا قويوب يئره، ديزينهجهده چيرمالانيب؛ اؤزون بير وضعه ساليب كي، خوروزدا تعجب ائيلهيير.
اؤز- اؤزومه دئديم: ائله خوروزون حاققي وار سني قاپسين.
– بويورون، بويورون!
هله گلديلر ايچرييه؛ خوش- بش اون- بئشدن سونرا، بويوردولار:
– عمو اوغلي، تهرانين خوروزلاري چوخ با ادبديلر. اصلاً آدامي قاپمازلار، سيزين خوروزوز وحشيدي، من اوندان بتر قورخورام، گتيرين اوني كساخ.
دئديم:- كوبرا سن اؤزون بيزيم خوروزو تانييرسان، چوخ ادبليدير! ناهاراجان بانلاماز كي بيردن، باجين يوخودان دورار، ناراحات اولار. تازا محله اهليده دئيير بؤيوكآغانين خوروزوندان معرفتلي خوروز بو محلهده يوخدو. گوناهدي، آللاها خوش گلمز بوجور باشي آشاغا خوروزو كسه سن.
قوناقلار راحاتلاشديلار بيلدير كي من خوروز كسن دئييلم. آرواد ايشي بئله گؤرمک همن، فوري سؤزو عوض ائيلهدي:
– عسگرآقا خوش گليبسيز، نئچه گون بورداسيز؟
عسگر دئدي: واللاه، مرخصيم يوخدو، گرهك دوشنبه گونونهجن گئداخ.
ائيله كي آروادين اورهيي گلدي يئرينه، بير ايكي دفعه دئدي:
– آ… بو تئزليقدا نه خبردي؟ هئچ اولماسا بير ايكي گون قالين.
من سوروشدوم:
– عسگر آقا نه ايش گؤرورسوز؟ هاردا ايشلهييرسيز كي، بوجوره تلسيرسيز؟
كوبرا فوري جاواب وئردي:
– اصغرآقا بالاي شهرده، ميدان شوشدا، كوپون خريد و فروش ائيلهييرلر. قورخوللار تئز گئتمهسهلر يئرين توتارلار، اورداندا اخراج ايلرلر. اونا گؤرهده گرهك تئز گئداخ.
هله كوبرانين سؤزو قورتارماميشدي كي بيزيم اوشاقلارين بيري سوروشدو:
– بابا، بس نييه كوبرا خالا تهرانا گئدندن كارتونلار كيمي دانيشير؟
من هله جاواب وئرمهميشديم، آرواد بتردن بير گؤزلرين آغارتدي. اوشاق فوري ال- اياغين ييغيشديردي. بير اوندا گؤردوم قونشوموز سوره خالا ييرقالانا- ييرقالانا، دانيشا- دانيشا حيطين او باشيندان گلير.
– آي بالا گؤزلرين آيدين اولسون. كوچه ده آروادلاردان ائشيتديم كوبرا خانيم گليب، دئديم بير گئديم گؤروم. من كوبرانين خاطيرين چوخ ايستهرم. تون به تونين قيزلاري بئكارديلار؛ ييغيشيرلار كوچويه، هره بير سؤز دئييرلر. بيري دئيير: كوبرا تهرانا گئدنن قيرجانا- قيرجانا دانيشير، بيري دئيير: كوبرا تهرانا گئدنن قودوخلانا- قودوخلانا يئريير! دئديم: سيزي آللاه بوسؤزلري ييغيشديرين، من چوخ سئوينيرم كي گئديب تهرانا، قويون گئتسين، بئيه آدام اولدو.
هله سوره خالانين اؤپوش- گؤروشو قورتارماميشدي كي گؤردوم اييليب بيزيم آروادين قولاغينا دئيير: آي قيز، اوشاغي وار؟
بيزيم آرواد باشين بير يوخارييا آتدي.
– آللاه جان ساغليغي وئرسين، خداحافظ.
سوره خالا بونو دئييب،کوچهيه سوزدو.
او گون كوچهده هامي كوبرادان دانيشيردي. ناهاردان سونرا دربند باشيندا آروادلارين آراسيندا بتر اختلاف دوشموشدو. بير عده مطمئنايديلر كوبرانين اوشاغي وار، بيزيم آرواد يالان دئييب، نظرلمهسينلر. بير عده ايكي اياقلارين گئيميشديلر بير باشماغا كي، دوكتور كوبرايا جاواب ائلهييب. بير عده دئييرلر، كوبرانين اري كوپون آل- وئر ائلهيير. بر عدهده دئييرديلر اؤزلري ائشيديبلر كي اونون اري شوشه ميدانيندا ايشلهيير. بير نفرده آند ايچيرديكي، كوبرانين اري دللكدي. بيزيم آرواددا فقط بالاي شهردن دانيشيردي. كوبرانين ننهسيده بتر ناراحتايدي، قورخوردو بئله گئتسه كوبرانين ديلي ياديندان چيخا. اونا گؤرهده كوبراني يولا سالاندا تئز- تئز دئييردي:
– بالا موغايات اول، اؤزوندن چيخما، اوزووي ايتيرمه! ديلسيز آدام ننهسيز آداما تايدي.
ماشين يوللاندي، عسگرآقا ایله كوبرا باي- باي ائيلهييرديلر. من ده صاباحکی گونلره فيكيرلشيرديم.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
جمعه بازار
اوستا ناظرشرفخانا
جان نه یه لازم؟
بیر یئرده کی جانانیم اولا جان نه یه لازم؟
گون چیخسا گولوم! شمع شبستان نه یه لازم؟
جانانیم ایله روضه رضوان منه خوشدور
جانانیم اگر اولماسا رضوان نه یه لازم؟
خندان گول ائدر بولبول دَستانی سخندان
سولغون چمنه بولبول دستان نه یه لازم؟
بایقوش سمنی، یاسمنی، سوسنی نئیلیر
زاغ و زغنه، غنچه خندان نه یه لازم؟
بیر باغداکی گول وصلینه حسرت قالا بولبول
او باغ نه یه لازم، او گولوستان نه یه لازم؟
آزاد یاشاماق، هر دیری اینسانه گَرَک دیر
آزادلیق اگر اولماسا اینسان نه یه لازم؟
آلقیش سنه "ناظر" غزلین عین عسل دیر
بو لعل ایله یاقوت بدخشان نه یه لازم؟
تورکو غزلین شهریاری، واحدی سنسن
آیدین سحره مدرک و برهان نه یه لازم؟
https://t.me/Adabiyyatsevanlar
اوستا ناظرشرفخانا
جان نه یه لازم؟
بیر یئرده کی جانانیم اولا جان نه یه لازم؟
گون چیخسا گولوم! شمع شبستان نه یه لازم؟
جانانیم ایله روضه رضوان منه خوشدور
جانانیم اگر اولماسا رضوان نه یه لازم؟
خندان گول ائدر بولبول دَستانی سخندان
سولغون چمنه بولبول دستان نه یه لازم؟
بایقوش سمنی، یاسمنی، سوسنی نئیلیر
زاغ و زغنه، غنچه خندان نه یه لازم؟
بیر باغداکی گول وصلینه حسرت قالا بولبول
او باغ نه یه لازم، او گولوستان نه یه لازم؟
آزاد یاشاماق، هر دیری اینسانه گَرَک دیر
آزادلیق اگر اولماسا اینسان نه یه لازم؟
آلقیش سنه "ناظر" غزلین عین عسل دیر
بو لعل ایله یاقوت بدخشان نه یه لازم؟
تورکو غزلین شهریاری، واحدی سنسن
آیدین سحره مدرک و برهان نه یه لازم؟
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
جمعه بازار
تایماز مییانالی
دردیمی هئچ کیمه دئیه بیلمه دیم
گئدیرم دردیمی داغلارا دئیه م
بو قدر آجینی یئیه بیلمه دیم
گئدیرم أینیمه داغلاری گئیه م
بو دونیا قوسدوردو شیرینلیگیمی
زهرلر دوغرادی بوزباشلاریما
خیانت اوچورتدو درینلیگیمی
بیر کیمسه باخمادی گؤز یاشلاریما
آغریلار دئشدیلر اوره ییم باشین
قارالدی باغیرتی بوغازیم ایچره
أله دی باشیما دونیا اؤز داشین
بیر چیچک بیتمه دی بو یازیم ایچره
قارالدی گونشیم ، آی ییم بوغولدو
گولوشو قازدیلار دوداقلاریمدان
گونده مین بیر دنه شئیطان دوغولدو
سئوینجی چالدیلار یاناقلاریمدان
چکنمیر کوره ییم بو داغ داغینی
اوتوزدوم هرنه یی اوتوزدوم بیرده
تایمازین توتمایین سیز سوراغینی
گئدیرم آغلایام بو آغیر درده
https://t.me/Adabiyyatsevanlar
تایماز مییانالی
دردیمی هئچ کیمه دئیه بیلمه دیم
گئدیرم دردیمی داغلارا دئیه م
بو قدر آجینی یئیه بیلمه دیم
گئدیرم أینیمه داغلاری گئیه م
بو دونیا قوسدوردو شیرینلیگیمی
زهرلر دوغرادی بوزباشلاریما
خیانت اوچورتدو درینلیگیمی
بیر کیمسه باخمادی گؤز یاشلاریما
آغریلار دئشدیلر اوره ییم باشین
قارالدی باغیرتی بوغازیم ایچره
أله دی باشیما دونیا اؤز داشین
بیر چیچک بیتمه دی بو یازیم ایچره
قارالدی گونشیم ، آی ییم بوغولدو
گولوشو قازدیلار دوداقلاریمدان
گونده مین بیر دنه شئیطان دوغولدو
سئوینجی چالدیلار یاناقلاریمدان
چکنمیر کوره ییم بو داغ داغینی
اوتوزدوم هرنه یی اوتوزدوم بیرده
تایمازین توتمایین سیز سوراغینی
گئدیرم آغلایام بو آغیر درده
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
جمعه بازار
نصرت کسمنلی
بیری واردی، بیری یوخ…
اولان اولوب، کئچن کئچیب، بلكهده
ایندی داها كؤورهلمهیین یئری یوخ
عؤمروم بؤیو بئله گلیب منیم كی
اولیندن بیری واردی، بیری یوخ
اوزاقدایدی من ایستهین اوجاقلار
اورهییمدن گلیب کئچدی سازاقلار
آتالییدی، آنالییدی اوشاقلار
بیزیم ائوده بیری واردی، بیری یوخ
گؤزلریمه دولدورموشام یاغیشی
بیر كؤینكده چیخارمیشام من قیشی
شالوارـ پنجك گئیینیردی تایـ توشوم
منده ایسه بیری واردی، بیری یوخ
قلبیم یاندی ایلك سئوگیمدن، عشقیمدن
دارا دوشدوم ال اوممادیم هئچ كیمدن
مجلسلرده جان دئییب، جان ائشیدن
دوستلاریمین بیری واردی ، بیری یوخ
اوزوم گولدو طلبهیم دئینده
سیخیلیردیم دوست پئنجهیی گئینده
موعللیمله دیل تاپا بیلمهینده
قیمتیمین بیری واردی، بیری یوخ
من اوردویا نهلر گؤروب گئتمیشدیم
اورهك آلیب، اورهك قیریب گئتمیشدیم
ایكی قیزا كؤنول وئریب گئتمیشدیم
قاییداندا بیری واردی، بیری یوخ
اوزاق گزدی عمی، دایی، بیبیلر
سؤز آراسی منه ائولن دئدیلر
نیشان اوچون ایكی شئی ایستهدیلر
مندهایسه بیری واردی، بیری یوخ
واخت گلهجك بو گونو گؤرهجكسن
چوخ سوالا گؤزونو دؤیهجكسن
واخت گلهجك سن اؤزون دئیهجكسن
دئیه جكسن، بیری واردی، بیری یوخ…
https://t.me/Adabiyyatsevanlar
نصرت کسمنلی
بیری واردی، بیری یوخ…
اولان اولوب، کئچن کئچیب، بلكهده
ایندی داها كؤورهلمهیین یئری یوخ
عؤمروم بؤیو بئله گلیب منیم كی
اولیندن بیری واردی، بیری یوخ
اوزاقدایدی من ایستهین اوجاقلار
اورهییمدن گلیب کئچدی سازاقلار
آتالییدی، آنالییدی اوشاقلار
بیزیم ائوده بیری واردی، بیری یوخ
گؤزلریمه دولدورموشام یاغیشی
بیر كؤینكده چیخارمیشام من قیشی
شالوارـ پنجك گئیینیردی تایـ توشوم
منده ایسه بیری واردی، بیری یوخ
قلبیم یاندی ایلك سئوگیمدن، عشقیمدن
دارا دوشدوم ال اوممادیم هئچ كیمدن
مجلسلرده جان دئییب، جان ائشیدن
دوستلاریمین بیری واردی ، بیری یوخ
اوزوم گولدو طلبهیم دئینده
سیخیلیردیم دوست پئنجهیی گئینده
موعللیمله دیل تاپا بیلمهینده
قیمتیمین بیری واردی، بیری یوخ
من اوردویا نهلر گؤروب گئتمیشدیم
اورهك آلیب، اورهك قیریب گئتمیشدیم
ایكی قیزا كؤنول وئریب گئتمیشدیم
قاییداندا بیری واردی، بیری یوخ
اوزاق گزدی عمی، دایی، بیبیلر
سؤز آراسی منه ائولن دئدیلر
نیشان اوچون ایكی شئی ایستهدیلر
مندهایسه بیری واردی، بیری یوخ
واخت گلهجك بو گونو گؤرهجكسن
چوخ سوالا گؤزونو دؤیهجكسن
واخت گلهجك سن اؤزون دئیهجكسن
دئیه جكسن، بیری واردی، بیری یوخ…
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
جمعه بازار
توحید نامور " آدلیم "
پوزولدو منده
حیاتین
همیشه کی آهنگی
هوجوما کئچدیلر
آغزی قانلی
وامپئرلر
اؤلومون آغری پارتیزانلاری،
و اللریم،اللریم
قومبارا آتان اولدو
آغریلاردان اؤلن
یارالانیب قانینا باتان اولدو
بیردن بیر آغری
چکدی هوجوم بئیینه
یاغدی دوشمن موقعینه
آستامینوفن راکِتین
کودئین باشلیق لاری
سونرادا
هیوسین...هیوسین
کسدی دوشمن طرف
در حال سسین
درین
یوخو آپاردی منی
"دریب
یوخو آپاردی منی"
بیردن بیر سس
بیر سس
اؤلوم پیراسپکتینین
حیات رئیسی اورتامیندان
بیردن
سن اِندین یئره ماشیندان
گؤیردی یئرده
بیر آغ چیچک
سن اِندین یئره ماشیندان
قیرمیزی خاچ جمعیتینین
آغ پالتارلی
قادین نوماینده سی تک
و یئللندی هاوادا
صولح بایراغی الین
ایچ دنیزیندن کوکره ین
آغ کؤپوکلو دالغا
https://t.me/Adabiyyatsevanlar
توحید نامور " آدلیم "
پوزولدو منده
حیاتین
همیشه کی آهنگی
هوجوما کئچدیلر
آغزی قانلی
وامپئرلر
اؤلومون آغری پارتیزانلاری،
و اللریم،اللریم
قومبارا آتان اولدو
آغریلاردان اؤلن
یارالانیب قانینا باتان اولدو
بیردن بیر آغری
چکدی هوجوم بئیینه
یاغدی دوشمن موقعینه
آستامینوفن راکِتین
کودئین باشلیق لاری
سونرادا
هیوسین...هیوسین
کسدی دوشمن طرف
در حال سسین
درین
یوخو آپاردی منی
"دریب
یوخو آپاردی منی"
بیردن بیر سس
بیر سس
اؤلوم پیراسپکتینین
حیات رئیسی اورتامیندان
بیردن
سن اِندین یئره ماشیندان
گؤیردی یئرده
بیر آغ چیچک
سن اِندین یئره ماشیندان
قیرمیزی خاچ جمعیتینین
آغ پالتارلی
قادین نوماینده سی تک
و یئللندی هاوادا
صولح بایراغی الین
ایچ دنیزیندن کوکره ین
آغ کؤپوکلو دالغا
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
جمعه بازار
زامان پاشازاده
سسین؛
آدام اتینه یئریکلهین چیچیکلرین
تومورجوق قویوسوندان گلیر
آغزین بیر سیگارانین ائنی قدَر بوزولموش
گؤزلرینده کیپریک یئرینه دیش گؤیرمیش
خورتدان هئیبتینه چئوریلمیش هئیکلین
بیر-بیرینین قارنیندان چیخان گلینجیکلر سایاق
اؤزوندن دوغولموشسان سن
دورمادان دوغولور
دورمادان کیچیلیر
اؤلوم بویدا اولماقداسان.
ایپک یوللاریندان چیچک قوسونتولاری آخیر
و بارامالار
اوچوش قانادلارینی اونودوب ترانزیت یوللاریندا قوورولورلار
و سن
تهلوکهسیزلیک کمرینی باغلامیش
بیر آت قاریشقاسینین سوروجوسوسن
باسیب باغرینا قارا باسمالارین گؤرونتوسونو
آرخانی سوکان آرخاسینا چئویرمیشسن
چاپ،
اوچورت،
سور،
اوچ،
دنیزدیر بوراسی،فیرتینالی دنیز
یئلکنلرینی باغلا
داغدیر بوراسی،نفس کسیجی داغ
قانادلارینی آچ
درهدیر بوراسی،اوچوروملو دره
آیاغینی ائلهجه باس
ههههه…
ائله سنسن اوتاتدان داری آلیب،
قانادلانیب حاق قاپیسینی آچماق ایستهین آخماق
هه
ائله سنسن او حاق یولونو ایتیرن گیج به سر!
https://t.me/Adabiyyatsevanlar
زامان پاشازاده
سسین؛
آدام اتینه یئریکلهین چیچیکلرین
تومورجوق قویوسوندان گلیر
آغزین بیر سیگارانین ائنی قدَر بوزولموش
گؤزلرینده کیپریک یئرینه دیش گؤیرمیش
خورتدان هئیبتینه چئوریلمیش هئیکلین
بیر-بیرینین قارنیندان چیخان گلینجیکلر سایاق
اؤزوندن دوغولموشسان سن
دورمادان دوغولور
دورمادان کیچیلیر
اؤلوم بویدا اولماقداسان.
ایپک یوللاریندان چیچک قوسونتولاری آخیر
و بارامالار
اوچوش قانادلارینی اونودوب ترانزیت یوللاریندا قوورولورلار
و سن
تهلوکهسیزلیک کمرینی باغلامیش
بیر آت قاریشقاسینین سوروجوسوسن
باسیب باغرینا قارا باسمالارین گؤرونتوسونو
آرخانی سوکان آرخاسینا چئویرمیشسن
چاپ،
اوچورت،
سور،
اوچ،
دنیزدیر بوراسی،فیرتینالی دنیز
یئلکنلرینی باغلا
داغدیر بوراسی،نفس کسیجی داغ
قانادلارینی آچ
درهدیر بوراسی،اوچوروملو دره
آیاغینی ائلهجه باس
ههههه…
ائله سنسن اوتاتدان داری آلیب،
قانادلانیب حاق قاپیسینی آچماق ایستهین آخماق
هه
ائله سنسن او حاق یولونو ایتیرن گیج به سر!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
صالح سجادی
غزل:
سئوینجه دوغرو گئدن یوللاریم قوروق چیخدی
گونش دئدیم داغا، داغدان قارانقولوق چیخدی
حیات گلیردی منی اؤپمه یه قوجاق آچدیم
اؤپن دوداقلارینین پوسته سی توتوق چیخدی
نه بانلاماق سسی دویدوق نه بیر دؤیوش گؤردوک
بیزیم خوروزلاریمیز مئیدانا تویوق چیخدی
حیات دوشوندویوموز بیر داریخمالی کوچه دیر
بو دارلیغین دا هله باش گؤتو توتوق چیخدی
ایلان دا اولمامیشیق ایلده بیر دری دییشک
نسیمی لر کیمی بیزدن دری سویوق چیخدی
آمان کی( حاژ تقی) لیکدن هرآندا توبه دئدیک
او آندا قارشیمیزا بیر سورو (شولوق)چیخدی
(صمد) بوغوب( سارا)اوتموش چاییق ، کی ایندی اونو-
قدمعلی نی آلیب ترکینه قودوق چیخدی
غزل نه دیر؟ ساوالان زیروه لی عینادجیل داغ
اینانما کی بو داغی هر قوزو یولوق چیخدی
بو شعری زیروه ده سون وئرمک ایسته مزدیم، آما
سؤزون دوداقلارینا قورخودان اوچوخ چیخدی
https://t.me/Adabiyyatsevanlar
غزل:
سئوینجه دوغرو گئدن یوللاریم قوروق چیخدی
گونش دئدیم داغا، داغدان قارانقولوق چیخدی
حیات گلیردی منی اؤپمه یه قوجاق آچدیم
اؤپن دوداقلارینین پوسته سی توتوق چیخدی
نه بانلاماق سسی دویدوق نه بیر دؤیوش گؤردوک
بیزیم خوروزلاریمیز مئیدانا تویوق چیخدی
حیات دوشوندویوموز بیر داریخمالی کوچه دیر
بو دارلیغین دا هله باش گؤتو توتوق چیخدی
ایلان دا اولمامیشیق ایلده بیر دری دییشک
نسیمی لر کیمی بیزدن دری سویوق چیخدی
آمان کی( حاژ تقی) لیکدن هرآندا توبه دئدیک
او آندا قارشیمیزا بیر سورو (شولوق)چیخدی
(صمد) بوغوب( سارا)اوتموش چاییق ، کی ایندی اونو-
قدمعلی نی آلیب ترکینه قودوق چیخدی
غزل نه دیر؟ ساوالان زیروه لی عینادجیل داغ
اینانما کی بو داغی هر قوزو یولوق چیخدی
بو شعری زیروه ده سون وئرمک ایسته مزدیم، آما
سؤزون دوداقلارینا قورخودان اوچوخ چیخدی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
چاغیریش
✅✅✅سایین کانالداشلار
بو گئجه97/05/06 ساعات 22ده ادبیات سئونلر گروهوندا مجازی انجمن سسلی شعیر گئجه سی اولاجاق حورمتلی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .
https://t.me/Adabiyyatsevanlar
✅✅✅سایین کانالداشلار
بو گئجه97/05/06 ساعات 22ده ادبیات سئونلر گروهوندا مجازی انجمن سسلی شعیر گئجه سی اولاجاق حورمتلی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
"لیلی و مجنون"
یازار: مولانا محمد فضولی
پیئس فورماسینا چئویرن: ارسطو مجرد
تاماشادا،قدیم نثر اوسلوبوندا یازدیغیم متندن بیر پارچا:
راوي :
واختيلا عرب خئيلينده عزّوجاهي فزون اولان بير سردار معظم جومله فضاييله مستجمع ايكن قباييله رياست بولموشدور. بو سببدنده عرب اونون امرينه مطيع و منقادايدي. گه بصره ده مقام توتاردي گاه بغداد ده. خلق اونون عدالتيندن تنعّم ايچره ياشار خوش روزگار كئچيرردي. بو سرور محبت خيمه لره ، سراپرده لره قدم قويدوقدا او واديني بنفشه زار قيليب، قلوب جمعيتي نوره غرق ائدردي. القصه هميشه خلق اوندان ، او ايسه خاليقيندن راضي ايدي . لاكين جميع مكنتدن اموالي چوخ اولسادا جاهاندا بير دنه ده اولسون واريثي يوخ ايدي. اول افضل قبايل هميشه اولاده طالب و تحصيل بقاي نسله راغب ايكن پروردگاره نياز قيليب چوخ نذرلر ائديردي.
بير گئجه نهايت باب رحمت آچيليب دعاسي اجابت اولدو. بئله ليكله حديقه ي جود گول آچيب باغ مقصودي بر وئردي. بير طفل مذكر خورشيد وش دوغولوب عدم دن پيدا اولدو . بو عولوي دوغومدان سونرا اقوام و قبايل ييغيليب شاد اولوب اونا قئيس آدي وئرديلر ...
آنجاق كؤرپه قئيسين دايه سي اونو جاني ايله اعزاز قيلسادا او دونيايه قدم باساندان بي تابليق گؤستهريب مدام ناله ائدردي. اوقاتي پيوسته ناخوش اولان طيفل سود ايچركن سانكي قان ايچيردي. آنا دؤشي ايسه گؤزلرينه بير نئشتر كيمي گؤرونوردو .
بو حال هرگون باش وئرير دوام ائدردي. بيرگون بو حالي اوندا درمان ائتمك اوچون قئيسين تجروبه كاني اولان فهيم دايه سي اونو داريخير دييه الوان چيچكلرله بزنميش باغ و گولوستاني سئير ائتمه يه چيخاردي. آنجاق بو سياحتده اوشاغا كارگر دوشمه ييب اونون ناله سي كسيلميردي. داها مهريبان دايه نين صبري توكه نيب چاره سي كسيليردي قيلديغي تمام تدبيرلري بوش چيخديقدا تلاشيني بي ثمر سانيردي. بو حين ده قارشي دان گلن بير ماهچهره پريوش گؤزو اوشاغين بو حالينا ساتاشاركن اونو ناچار قالميش دايهدن ايسته ييب آغوشينه آلدي. دايه نين حيرت ده غرق اولموش گؤزلري قارشيسيندا طيفل ناآرام بيردن بيره ساكينلشيب سئوينمهيه باشلادي اول پريوشين حوسنونه باخديقدا قرار توتوب درحال فغان و فرياديني اونوتدو. آنجاق اليندن يئره قويماق ايسته ديك ده يئنه دريندن گريان اولماغا باشلاييردي كؤرپه قئيس. تعججوب ايچره غرق اولان دايه بوماهيتي دويدوقدا اول ماهوشين، درين تمنا ايله اوشاغا انيس اولماغين طلب ائتدي. بئله ليكله كؤرپه قئيس اونا مالوف اولوب دايه ني ده آناسيني دا ياددان چيخارماغا باشلادي. چون ذاتيندا محبت جوهري واريدي اول محبوبي گورونجه الفت توتدو. اصلينده بو عشق ايدي كي اول بي همتا حوسنه ماييل اولدو يوخسا آيديندير كي طيفل غافيل اول حوسن دن بير شئي آنلاميردي. اهل حاله معلوم اولدو كي بو حال نوسخه ي عشق تمثالي دير، بس ، البته كي بو طيفلي زار و آشفته ي روزگار ائده جك بو عشق ...
چرخ زامان فيرلانيب كئچديكجه اديب دايه دن تربيت آلير گونوگوندن كمال حاصيل ائدير اول ماه نو بدركامل اولدو. اول سبب دن نوبت، تعليم علومه يئتيشدي. بئله ليكله اسباب لازيمي مرتب ائديب قيس نو شكوفته ني مكتبه روانه قيلديلار .
ايلك گوندن مكتب ايچره قئيس ايله بير نئچه ملك ميثال قيزدا هم صنف اولدو. بير صينيف قيز و بير صينيف اوغلان اوشاغي. سانكي بهشت برين ايچره بير دسته حوري، قيلمان جمع اولدو .چوخ زامان چكمه دي كي اول قيزلار ايچينده بير مهوش پريزاد قئيس ايله تنگ اختلاط ائديب درين بيرمحبت بنياد ائيله دي. بير طرفه صنم كي عقل كامل اونو گؤردوكده زاييل اولور قراريني الدن وئريردي.
اول آهو گوزلونون هر كيپريگي بير خدنگ خونريز و خوش اندامي لطيفه ي الهي ايكن سانكي درياي لطافت ايچره بير ماهي ايدي. بير حوري مايه كي ابواب تكلم مفتوح ائتديكده امواته مژده ي روح وئريردي ...
قئيس اونو گؤروب هلاك اولدو.اول شهباز باخيشلي نادره هم، قئيسي گؤردوكده مين ذؤوق بولوب اوزون ايتيردي ...
اول ايكي سهي قد بير بيرينه مقيد اولوب بير جامدان مئیي ذوؤق ايچديلر،گرداب بلايه واريب ايكي گؤوده ده بير جان اولدولار. زامان اؤتدوكجه عشق آتشي داهادا يايغين اولوب بوتون دامانيني توتدو بو ايكي انسانين.عشق اولدوغو يئرده چوخ گيزلي قالا بيلمه دييندن تئزليكله بو راز نهان آشكار اولوب ائل ايچينه سس سالدي. ديلدن ديله دوشوب بو فسانه دونيايه فاش اولدو ماجرا، كيم قئيس لئيلييه اسير اولوب لئيلي ايسه اونون عشقينه مبتلا ...
https://t.me/Adabiyyatsevanlar
یازار: مولانا محمد فضولی
پیئس فورماسینا چئویرن: ارسطو مجرد
تاماشادا،قدیم نثر اوسلوبوندا یازدیغیم متندن بیر پارچا:
راوي :
واختيلا عرب خئيلينده عزّوجاهي فزون اولان بير سردار معظم جومله فضاييله مستجمع ايكن قباييله رياست بولموشدور. بو سببدنده عرب اونون امرينه مطيع و منقادايدي. گه بصره ده مقام توتاردي گاه بغداد ده. خلق اونون عدالتيندن تنعّم ايچره ياشار خوش روزگار كئچيرردي. بو سرور محبت خيمه لره ، سراپرده لره قدم قويدوقدا او واديني بنفشه زار قيليب، قلوب جمعيتي نوره غرق ائدردي. القصه هميشه خلق اوندان ، او ايسه خاليقيندن راضي ايدي . لاكين جميع مكنتدن اموالي چوخ اولسادا جاهاندا بير دنه ده اولسون واريثي يوخ ايدي. اول افضل قبايل هميشه اولاده طالب و تحصيل بقاي نسله راغب ايكن پروردگاره نياز قيليب چوخ نذرلر ائديردي.
بير گئجه نهايت باب رحمت آچيليب دعاسي اجابت اولدو. بئله ليكله حديقه ي جود گول آچيب باغ مقصودي بر وئردي. بير طفل مذكر خورشيد وش دوغولوب عدم دن پيدا اولدو . بو عولوي دوغومدان سونرا اقوام و قبايل ييغيليب شاد اولوب اونا قئيس آدي وئرديلر ...
آنجاق كؤرپه قئيسين دايه سي اونو جاني ايله اعزاز قيلسادا او دونيايه قدم باساندان بي تابليق گؤستهريب مدام ناله ائدردي. اوقاتي پيوسته ناخوش اولان طيفل سود ايچركن سانكي قان ايچيردي. آنا دؤشي ايسه گؤزلرينه بير نئشتر كيمي گؤرونوردو .
بو حال هرگون باش وئرير دوام ائدردي. بيرگون بو حالي اوندا درمان ائتمك اوچون قئيسين تجروبه كاني اولان فهيم دايه سي اونو داريخير دييه الوان چيچكلرله بزنميش باغ و گولوستاني سئير ائتمه يه چيخاردي. آنجاق بو سياحتده اوشاغا كارگر دوشمه ييب اونون ناله سي كسيلميردي. داها مهريبان دايه نين صبري توكه نيب چاره سي كسيليردي قيلديغي تمام تدبيرلري بوش چيخديقدا تلاشيني بي ثمر سانيردي. بو حين ده قارشي دان گلن بير ماهچهره پريوش گؤزو اوشاغين بو حالينا ساتاشاركن اونو ناچار قالميش دايهدن ايسته ييب آغوشينه آلدي. دايه نين حيرت ده غرق اولموش گؤزلري قارشيسيندا طيفل ناآرام بيردن بيره ساكينلشيب سئوينمهيه باشلادي اول پريوشين حوسنونه باخديقدا قرار توتوب درحال فغان و فرياديني اونوتدو. آنجاق اليندن يئره قويماق ايسته ديك ده يئنه دريندن گريان اولماغا باشلاييردي كؤرپه قئيس. تعججوب ايچره غرق اولان دايه بوماهيتي دويدوقدا اول ماهوشين، درين تمنا ايله اوشاغا انيس اولماغين طلب ائتدي. بئله ليكله كؤرپه قئيس اونا مالوف اولوب دايه ني ده آناسيني دا ياددان چيخارماغا باشلادي. چون ذاتيندا محبت جوهري واريدي اول محبوبي گورونجه الفت توتدو. اصلينده بو عشق ايدي كي اول بي همتا حوسنه ماييل اولدو يوخسا آيديندير كي طيفل غافيل اول حوسن دن بير شئي آنلاميردي. اهل حاله معلوم اولدو كي بو حال نوسخه ي عشق تمثالي دير، بس ، البته كي بو طيفلي زار و آشفته ي روزگار ائده جك بو عشق ...
چرخ زامان فيرلانيب كئچديكجه اديب دايه دن تربيت آلير گونوگوندن كمال حاصيل ائدير اول ماه نو بدركامل اولدو. اول سبب دن نوبت، تعليم علومه يئتيشدي. بئله ليكله اسباب لازيمي مرتب ائديب قيس نو شكوفته ني مكتبه روانه قيلديلار .
ايلك گوندن مكتب ايچره قئيس ايله بير نئچه ملك ميثال قيزدا هم صنف اولدو. بير صينيف قيز و بير صينيف اوغلان اوشاغي. سانكي بهشت برين ايچره بير دسته حوري، قيلمان جمع اولدو .چوخ زامان چكمه دي كي اول قيزلار ايچينده بير مهوش پريزاد قئيس ايله تنگ اختلاط ائديب درين بيرمحبت بنياد ائيله دي. بير طرفه صنم كي عقل كامل اونو گؤردوكده زاييل اولور قراريني الدن وئريردي.
اول آهو گوزلونون هر كيپريگي بير خدنگ خونريز و خوش اندامي لطيفه ي الهي ايكن سانكي درياي لطافت ايچره بير ماهي ايدي. بير حوري مايه كي ابواب تكلم مفتوح ائتديكده امواته مژده ي روح وئريردي ...
قئيس اونو گؤروب هلاك اولدو.اول شهباز باخيشلي نادره هم، قئيسي گؤردوكده مين ذؤوق بولوب اوزون ايتيردي ...
اول ايكي سهي قد بير بيرينه مقيد اولوب بير جامدان مئیي ذوؤق ايچديلر،گرداب بلايه واريب ايكي گؤوده ده بير جان اولدولار. زامان اؤتدوكجه عشق آتشي داهادا يايغين اولوب بوتون دامانيني توتدو بو ايكي انسانين.عشق اولدوغو يئرده چوخ گيزلي قالا بيلمه دييندن تئزليكله بو راز نهان آشكار اولوب ائل ايچينه سس سالدي. ديلدن ديله دوشوب بو فسانه دونيايه فاش اولدو ماجرا، كيم قئيس لئيلييه اسير اولوب لئيلي ايسه اونون عشقينه مبتلا ...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.