آذربایجان ادبیاتی
دکتور رحمانی

ادبیات سئونلر :کریم قربانزاده

🔴🔴🔴🔴ادبیات سئونلر گروپوندا دوشنبه گئجه 96/05/16 شعیر یاریشماسی اولدو بو یاریشمانین اوخونش لارینین ایکیسی تقدیم اولور
شاعیر : مرضیه اسکوئی
دیکلاماتور : 1_سالاربیگ
2_پریسا خانیم حیدری

مرضیه اسکوئی :دالغا

دالغا
مرضیه احمدی اسکویی

خیرداجا اینجه آرخیدیم
مئشه‌لردن، داغلاردان
دره‌لردن آخیردیم؛
بیلیردیم دورقون سولار
اؤز ایچینده بوغولار,
بیلیردیم دریالاردا
دالغالار قوجاغیندا
خیرداجا آرخلار اوچون
یئنی حیات دوغولار؛
نه یولون اوزاقلیغی
نه قارانلیق چوخورلار
نه دورقونلوق هوسی
منی یولدان قویمادی؛
ایندی قاریشمیشام من
قورتولماز دالغالارا؛
وارلیغیمیز چالیشماق
یوخلوغوموز دایانماق.
پائیز ۱۳۵۲

دالغا
شعیر :اوسگولو مرضیه احمدی
ایفا :سالار

مرضیه احمدی اسکویی
دالغا

دالغا
شعیر :اوسگولو مرضیه احمدی
ایفا :پریسا حیدری( گونش )

8 مارت بینالخالق قادینلار گونو مناسیبتینه، ادبیات سئونلر گروهون دا سوسن خانیم نواده رضی نن دانیشیق آپاریلیمیشدی.
بو دانیشیقا عاید اولان سورغولار و جوابلاما لار، دوسلارین آرتیق ایستیفاده سی ایچون آشاغی دا گلیر.
https://t.me/Adabiyyatsevanlar

سوسن نواده رضی شاعیر ,یازیچی ...

دانیشیق آپاران :کریم قوربانزاده

سوسن نواده رضی :
سلاملار سایقیلار بوتون گروه اویه لرینه اؤزللیکله ده جناب کامران آذریه
https://t.me/Adabiyyatsevanlar

دانیشیق آپاران :کریم قوربانزاده

سوسن نواده رضی :
قوللوغونوزدایام عزیز ادیبلر و قلمداشلار. بوتون قلم توتان اللر، هله هله بیزیم جفایا اوغرامیش ائلیمیزده اؤپولمه لی دیر.
https://t.me/Adabiyyatsevanlar

دانیشیق آپاران :کریم قوربانزاده

دانیشیق آپاران :کریم قوربانزاده

دانیشیق آپاران :کریم قوربانزاده

سوسن نواده رضی :
بو گون بوتون دونیادا قادینلار اوچون عزیزلمه‌لر و شن مراسملر توتولار. آماج ایسه، قادین حاقلارینی ساوونماق، قادینلاری عزیز ساییب اونلاردان قدیربیلن‌لیک ائتمک، و قادینلارین اقتصادی- سیاسی و اجتماعی باشاریلارینی تانییب تانیتماقدیر.
https://t.me/Adabiyyatsevanlar

دانیشیق آپاران :کریم قوربانزاده

سوسن نواده رضی :
من 1341-ین قیشیندا آنادان اولموشام. آرخامدا بوراخدیغیم بیر عؤمر وار. اؤنومده ایسه، بیر مجهول... ذهنیم و اوره‌ییم زامانسیز و مکانسیزدیر. و ایپه- ساپا گلمه‌ین! عصیانچییام دا، وام‌روحلویام دا. گاهدان طوفان قوپار ایچیمده، و دیشیما دا سیچرار البته، گاهدان قوزو قدر ساکین و سئویملی اولارام! یئنیش- یوخوشلو یاشامیم اولوب. آنجاق بونو بیلمیشم کی، یاشام چوخ آسان شیرین اولا بیلر انسان کامینا. منجه انسانلار عموما باشارمیرلار یاشاماغی.
https://t.me/Adabiyyatsevanlar

سوسن نواده رضی :
بیر بالا اومود قیغیلجیمینی اینام گونشینه چئویرمک اولار، آنجاق دؤزوملولوکده عینادجیل اولماق گرک. دؤزمک چتین دیر اما اؤنونده سونوندا بارا اوتورار. انسانلار گؤزل بیر یارین اوچون نقدی نسیه یه ساتیرلار، بو گونو اونوداراق یاشامیرلار. یاشاما چاتماق اوچون یاشامدان مایا قویورلار! یاشامی اودوزورلار! یاشام، چاتاجاغیمیز یئر دئییل، همن گئتدیگیمیز یولدور.
https://t.me/Adabiyyatsevanlar