رامیز روشن

شيرين-شيرين يوخودايديق
بير ظاليم اوياتدی بيزی
آنالارين قوجاغيندان
بو دونيايا آتدی بيزی

دوشدوک يوللارين آغينا
باختيميزين سوراغينا
قاتدی بيزی قاباغينا
الينده اويناتدی بيزی

بيز كی يول نه دير بيلمزديک
بيز كی اؤل نه دير بيلمزديک
بيلسک دونيايا گلمزديک
آنالار آلداتدی بيزی

https://t.me/Adabiyyatsevanlar

📕دعوتید به:رونمایی و جشن امضای کتاب "خدا مادر زیبایت را بیامرزد" نوشته حافظ خیاوی
✔️5شنبه،23 فروردین،ساعت 4 عصر/کافه کتاب اردبیل

https://t.me/Adabiyyatsevanlar

✅✅✅سایین کانالداسلار
بو گئجه97/01/20 ساعات 22ادبیات سئونلر گروپوندا دیکلمه یاریشماسی اولاجاق سئویملی شاعیرلری گوزل سسلی دیکلاماتورلاری اذربایجان شعرینین هوسکارلارین بو یاریشمایا دعوت ائدیریک
یاریشمانین شعری سئوگی شعرینین زیروه لرین فتح ائدن شاعیر نصرت کسمنلی دندیر .

نصرت کسمنلی

من سنی اونودا بیلمیرم، آخی
اونوتسام، نه لری اونودام گرک!
گؤیلره باخمیشیق آیلی گئجه‌ده
اونوتسام، گؤیلری اونودام گرک!

دنیزی اونودوم، یا دالغالاری؟
خاطیرن یادیمدان چیخایدی باری
پاییزدا خزانی، قیشداسا قاری
باهاردا گوللری اونودام گرک!

ده نئجه اونودوم من سنی نئجه؟
سئوگی دورنا دئییل، پاییزدا کؤچه
یوخوما گلیرسن منیم هر گئجه
آیلاری، ایللری اونودام گرک!

سنین خیالیندیر حسرتله باخان
آدیندیر هر ساعات قارشیما چیخان
قاریشیب شکلینه گؤزومدن آخان
یاغیشی، سئللری اونودام گرک!

سینه‌مده پشیمان اوره‌گیم قالدی
اوچدون اللریمده له‌لگیم قالدی
نه لری ایتیریب، باخ نه‌ییم قالدی؟
نه لری، نه لری اونودام گرک!
https://t.me/Adabiyyatsevanlar

کامیل قهرمان اوغلو

بوگون اعداملیقیمی امضالادیم عشق اولسون
اؤلومه، قوللاریمی چیرمالادیم عشق اولسون
بو منم،
تانری لئشینده جسدم وای واواهووو...
قانیم آخدیقجا یارامدان یالادیم
عشق اولسون
https://t.me/Ad

دَیدی ساچلاریما باهار کولگی..
https://t.me/Adabiyyatsevanlar

غریب آراز تبریزی

سنين سئوگينه بويلودور

ايچيم ده كي قادين

وارليغين يالنيزليغيمين درينليگيني عوصيانا چكير

يئريكله يير

گؤزلريم گوزلرينه

اللريم اللرينه

كئشكى ايللر بويو بؤیله‌سينه

بويلو قالسين بو قادين سئوگينه

آما يوخ

من سنى باغيرماق ايسته‌ييرم

سئوگي قالاسى تؤره‌نسين وارليغيندان ياشام كوره سينه

منی اوپ

منى اوپ

قوى آچيلسين يالنيزليغيمين گؤزو

اللريني داراخلا ساچلاريما

قوى دوداقلاريمزدا دوغولسون

كؤرپه سئوگيميز

سني سئوديكجه سئوگي دوغاجاق

ايچيمده‌كي قادين

ائشییمده‌كي اؤزوم


https://t.me/Adabiyyatsevanlar

اسماعیل خرمی

یاریمچیق کوچه لرده آداملار
بوزوشموش دوداقلاریندان ارییب
اؤلوشگه میش گؤزلریندن
تؤکولورلر-
اللرینده کی دسماللارا.

دسماللاری،
تر تمیزجیبلرینه-
جیبلرینی،
چالینمیش گؤده لرینه-
سیخیرلار برک برک.

پورچومو اوزولموش
بومبوش ائولرینه دؤنمه یه-
سویو سوزولموش آیاقلار،
آغیزلاریندان جان وئریرلر.

منده اینانمیرام،
بو سازلی سازاقلی کوچه لرده.
چالینتیلی ایزیمی تاپا بیلم.

اونودوروق آدرسلریمیزی-
دؤیوروک اؤنوموزده کی
دؤنولمز بیر دؤنگه نین اوره یین.


https://t.me/Adabiyyatsevanlar

✅✅✅سایین کانالداشلار
بو گئجه ادبیات سئونلر گروپوندا دیکلمه یاریشماسی اولدو بو هفته دیکلمه یاریشماسیندا: جناب سالار موغانلی
:خانیم تئل ناز تبریزلی , خانیم سمیه ابراهیمی و جناب محمد ابدالی نین دیکلمه لرین ائشیدیک .عینی دیکلمه لری عزیز کانالداشلاریمیزا تقدیم تقدیم ائدیریک .
https://t.me/Adabiyyatsevanlar

دیکلمه یاریشماسی 97/01/20
شعر : نصرت کسمنلی
سس : سالار موغانلی
https://t.me/Adabiyyatsevanlar

دیکلمه یاریشماسی 97/01/20
شعر: نصرت کسمنلی
سس : تئلناز تبریزلی
https://t.me/Adabiyyatsevanlar

دیکلمه یاریشماسی 97/01/20
شعر : نصرت کسمنلی
سس : سمیه ابراهیمی
https://t.me/Adabiyyatsevanlar

دیکلمه یاریشماسی 97/01/20
شعر : نصرت کسمنلی
سس: محمد ابدالی
https://t.me/Adabiyyatsevanlar

شعر :حسین باقیر اوغلو ( نخجوانی )
سس: تایماز مییانالی
https://t.me/Adabiyyatsevanlar

کیتاب اوخو گل دانیش بو گئجه ساعات 22 ادبیات سئونلر کانالیندا .
دانیشان : سئویملی شاعیر سحر خانیم خیاوی .
https://t.me/Adabiyyatsevanlar

فاضل نظری

انگار که یک کوه سفر کرده از این دشت
اینقدر که خالی شده بعد از تو جهانم

https://t.me/Adabiyyatsevanlar

بولود قارچورلو ( سهند)1305_1358
21 فروردین ایل دونومو
https://t.me/Adabiyyatsevanlar

کامیل قهرمان اوغلو

یئنه داریخیر آللاه
تبریزه یاغیش دوشور
سئل اولوب آخیر آللاه ...
تبریزه یاغیش دوشور
yena darixir allah
tabriza yagiş duşur
sel olub axir allah
tabriza yagiş duşur

سئل_سئل سارانی چاغیر
چوبان گؤزلرین ساغیر
اوف... اورمویا قار یاغیر
تبریزه یاغیش دوشور
sel_sel sarani axir
çoban gozlarin sagir
offf... urmuya qar yagir
tabriza yagiş duşur
اردبیل قارقیش تؤكور
بیره، بئش مین بئش تؤكور
توفارقان گؤيسون سؤكور
تبریزه یاغیش دوشور
ardabil qarqiş tukur
bira , beş min beş tukur
ah ... baki goysun sukur
tabriza yagiş duşur
یئل_یئل گول آچیر یارا
یارام، آخیر هامارا
تانري قوشولوب قارا
تبریزه یاغیش دوشور
yel_yel gul açir yara
yaram, axir hamara
allah qoşulub qara
tabriza yagiş duşur
وطن آغلاییر بیزی
سورونور دیزی_دیزی
سئل آپاریر تبریزی
تبریزه یاغیش دوشور
vatan aglayir bizi
surunur dizi_dizi
sel aparir tabrizi
tabriza yagiş duşur

https://t.me/Adabiyyatsevanlar

نادر الهی

ائل جانا گلنده ،ائل اوْساناندا
شئر‌کیمی غیرته گلن اؤلمه‌سین
حاق یوْلۇندا اؤلن ،ابدی یاشار
آی گؤرۆم بۇ یوْلدا اؤلن اؤلمه‌سین

ائلینی آتانا اینسان دئییلمز
ائله آرخالانان یادا اییلمز
هر یالتاق دۇز چؤرک قدرینی بیلمز
دۇز چؤرک قدرینی بیلن اؤلمه‌سین

نادیرم گۆل کیمی پرپر تؤکۆللم
دوْستا گۆلۆم واردیٛ ،دۆشمانا گۆلله‌م
ائل‌ایله آغلارام ائل‌ایله گۆللم
ائل‌ایله آغلاییٛب گۆلن اؤلمه‌سین


https://t.me/Adabiyyatsevanlar

شعر و سس:حکیمه باباکشی زاده«نغمه»

سحر خیاوی

" یوخو اولوم "

یوخو اولوم کیپریگین دن آسلانیم
گوءزلرینه قوناق گلیم بو گئجه
ایتیم باتیم قاراسین دا گوءزونون
ایذین وئرسن اوءلوم اوءلوم بو گئجه

الیمی توت اللرین ده بو آخشام
رویالارین باغ باغاتین گزیشک
بیر ناگهان یاغیش توتسون گولوشوب
سئرچه سایاق آغاج آلتدا بوزوشک

اوشودوکجه قوللاریمیز ساریلسین
ایسلاق ایسلاق اوءپوش اولسون پاییمیز
یاش اودونلار اوجاق ایچره یانماسا
یاش اوءپوشلر اولسون شیرین چاییمیز

بیز سئویشک ائله ایستی ائله تَر
قیسقانسینلار یوووادا کی قارغالار
فیلیم چَکَک سئوگیمیزدن ائله کی
صف باغلاسین گوءی ده اوچان دورنالار

سحر اولجاق تئز یوخون دان اکیلیب
سیجاق سیجاق کیپریگین دن توکولوم
اویانیبان گوءزلرینی اُووان دا
بولود کیمی من باشین دان چکیلیم

آخشاماجا شیرین چالسین آغیزین
او رویانی یادا سالیب گولومسه
ایذین وئرسن گوزلرین ده قویلانیم
آخ نه گوزل سئوگی اَیَر اوءلومسه!!

https://t.me/Adabiyyatsevanlar