ائتیمولوژی حاقیندا دانیشیق 96/12/27
دانیشیر : اوستاد دوکتورارشد نظری
https://t.me/Adabiyyatsevanlar

ائتیمولوزی حاقیندا دانیشیق 96/12/27
دانیشیر: اوستاد دوکتور نظری
https://t.me/Adabiyyatsevanlar

ائتیمولوزی حاقیندا دانیشیق 96/12/27
دانیشیر : اوستاد دوکتور ارشد نظری
https://t.me/Adabiyyatsevanlar

ائتیمولوژی حاقیندا دانیشیق 96/12/27
دانیشیر : اوستاد دوکتور ارشد نظری
https://t.me/Adabiyyatsevanlar

طنز
«قردش بیر شئی چیخ موشتری اولاخ»
ماتی میخاناسی

بیزلرین بیر اولمازسا اولماز رسمیمیز وار کی او دا «تخفیف آلماخ» یا «بیر شئی چیخدیرماخ» یا «چنه وورماخ» دی. بو رسم کی معمولن «قردش بیر شئی چیخ موشتری اولاخ» یا «دانیشجویی تخفیف یوخوزدی؟» یا «ایکی توکان اوستلوخدا سندن اوجوز دئدی» یا «تازاسی نئچه دی؟» کیمی سؤزلرینن باشلانار، نئچه مرحله‌سی وار کی من ایستیرم بو یازیدا بیر میثالینان آنالیز ائلیه‌م:
- قردش بو نئچه دی؟
+ قابیلی یوخدی. ۴۰ مین تومن.
- نیه نه خبردی؟ به نیه به بوجور باها؟
+ بولار اصلی دی اونا گؤره.
(بو مرحله ده ایکی طرف جیبهه‌لری مشخص ائلیر. موشتری حمله‌نی باشلیر و توکان صاحاب گئدیر دیفاع وضعیتینه. بو چکیش برکیش وضعیتی‌نین نه قدر زمان آپارماسی قالیب موشتری‌نین انگینین گوجونه و توکان صاحابین دا ساتدیغی جینسده نه قدر قازانماسینا)
- آخ بونو ۴۰ مینه آلان اولار؟ (موشتری چالیشیر مالین باشیندان چالسین و توکان صاحابا بئله دوشوندورسون کی ساتدیغی جینس بتر ده بیر شئی دییل و تخفیف وئرمه‌سه آلمیاجاخ)
+ نئینیسن قردش! بتر ده ساتیلیر. سحردن ۳۰-۲۰ داناسین ساتمیشام (توکان صاحاب ریسک ائلیر. یانی منیم موشتریم چوخدی، آلیسان آل، آلمیسان آلما خوش گلدین)
- کئفی ساز جماعت ده وار دا (موشتری تاکتیکی ده‌ییشیر. من کاسیبام، پولوم یوخدی تاکتیکینن ایستیر تخفیف آلا)
+ واللاه بیلمیرم کی. آلیرلار دا (توکان صاحاب ایستیر موشتریه دوشوندوره کی تئز خالوغلو اولما)
- یاخجی سن بونو ۳۰ مینه باغلا من آپاریم (موشتری بیلیر کی پول آچان ایشی، قیلینج آچماز. اونا گؤره تئز پوللاری جیبدن چکیر ائشیه بلکه توکان صاحابین گؤیلون آلا بیله)
+ یوخ واللاه اولماز. قازانمارام کی (بوردا توکان صاحاب مخصوص آلوئرچی اصطلاح‌لارینان ایستیر هم یالان دانیشسین، هم یالان دانیشماسین! ایاغین یئره چکه چکه دییر قازانمارام. «واللاه مایاسیدی» یا «واللاه یئری یوخدی» کیمی اصطلاح‌لار دا بوردا ایشله‌نه بیلر کی بیر آیری مقوله دی و بو یازیدا بررسی اولونمور)
- آخ بو اولمادی کی بیز هر دفعه گلیب بوردان بیر شئی آلاندا سن هئشزاد چیخمیاسان (موشتری هر بیر یولدان حمله ائلیر. بو دفعه قدیمی موشتری اولماخ تاکتیکین ایشله‌دیر)
+ واللاه سیز کی اؤزگه‌سی دییلسیز، بیزیم قیمت‌لر اشاغا اولار ارخئیین اولون (توکان صاحاب چوخ زیرنگ‌لیغینان موشتری‌نین اؤز تاکتیکین اؤزونه خشلیر)
- اوسسون دیبی سن بوندا بیرآز آز قازانارسان، تئز تئز گلیروخ دا، گلن دفعه چیخمازسان (موشتری اوستو اؤرتولو ایستیر دییه یانی باخ من بتر موشتریه‌م، ایاغیمی بوردان کسسم سن ضرر ائلرسن، قالارسان یانا یانا)
- گلن دفعه گؤزلریم اوسته بیر شئی چیخارام، آما بوندا یئری یوخدی.
+ قیزیم! گل گئداخ آیری توکان دان آلاروخ (بو آخیر تاکتیک دی کی موشتری ایشله‌دیر. بو سؤزلری دییه دییه قاپیا طرف یولا دوشور. ایستیر توکان صاحاب باشا دوشسون کی توستو بهدی و آخیر فورصتدی کی الدن چیخسا بیرده اله دوشمز)
- قردش، اوشاغین اوره‌یین سیندیرما! نه سن دییه‌ن، نه من دییه‌ن، ۳۵ مین آللاه برکت وئرسین (بوردا مذاکره‌لر نتیجه‌یه چاتیب. بیر «برد – برد» وضعیت وار. هر ایکی طرف ده راضی‌دیلار. ایندی قالیب طرفلره کی بو قیمتده ایشی قوتارالار یا کی گینه دببه ائلیب بیرده بو مرحله‌لری باشدان باشلیالار تا بیر آیری قیمتده توافق اولونا)
اگر آیری بیر موشکول قاباغا گلمه‌سه، بوردا موشتری پولو وئرر. بیرآز «ایاخ‌لاریز آغریماسین»، «زحمت چهدیز»، «آللاه بازار وئرسین»، «آللاه برکت وئرسین» کیمی تعاروفات دان و «گله‌جاغام بولاردان بیرین ده اوبیری قیزیما آلام» کیمی یالان‌لاردان سونرا آلیش وئریش قوتولار و بو گؤزل تخفیف آلماخ رسمی ده ایجرا اولونار. بلی! اولا بیلردی کی توکان صاحاب ائله باشدا ۳۵ مین دییه، موشتری ده پولو وئره جینسی آلا. آما اوندا به بو گؤزل رسم‌لر نولاردی؟i
https://t.me/Adabiyyatsevanlar

سمنی آی سمنی 

هر یازدا سن یادا سال منی

سمنی ساخلا منی

ایل ده گؤیردیم سنی

گولوش دوغار دوداغلاردا سمنی

بیزیم ائللر اوخور بو نغمه نی

سمنی آی سمنی ساخلا منی

دوزوم دؤرد یانینا نرگس، یا سمنی

بو بایرامدا هر ایل بایرام دوزه لدن

من ال چکمم سندن کیمی گوزه لدن

سفره لر بزه ییرسن ازلدن

یاراشیرسان اوتاقلارا سمنی

https://t.me/Adabiyyatsevanlar

معصومه جبارپور
شاه مات اویونودور گؤزلرین
یالنیز آغ وار، قارا وار
دوشوندویون قدر احتمال وار
گل اوشاقلیق چاغلاری کیمی
گؤزلرینی آرخادان باغلاییم
بوتون احتماللارین یولون کسیم
یقین له دولسون گؤزلرین
اوتساندا، اوتوزساندا
گوونمه لیسن منه

https://t.me/Adabiyyatsevanlar

عاشیق حسین جوان

من گئدیره م سعادتین دالینجا
کؤرپه قیزیم منده ن سونرا آغلاما
نفسیم گلینجه تا یورولونجا
من چاتارام بیر دییارا آغلاما

باغری قاندی چوخ کؤرپه لر ایراندا
انسانلار چکیرلر نه لر ایراندا
آناسیز اوشاقلار مه لر ایراندا
سن اومود وئر،باخ اونلارا،اغلاما
قاشین کولگه سالیب آخماسین یاشین
یئره تیکیلمه سین ویقارلی باشین
اومهربان انا،باجی،قارداشین
چک پنهانه دیینن یار آغلاما

اونوتما آرزینی_گله جه ینی
تازا حیات خوش گون گؤرجه ینی
ساچلارینی چین_چین هوره جینی
سیقال لا تئللرین دارا آغلاما

اینسان بیر آغاجدیر کسرلر اونو
باش وئریب دیبینده تؤرویر اونو
ئیتیشیب دوشمنین عمرونون سونو
وورسالار«حسینه»یارا آغلاما

https://t.me/Adabiyyatsevanlar

نادر الهی

یازهوسیم وار

بیر عطیر بیرجه باخیش یاز هوسیم وار نئیلیم
نانا نرگیز کیمی بیر آز هوسیم وار نئیلیم

باخمیرام کی داها تویدا آشیق اویناتمیرلار
هله ده سؤز هوسیم! ساز هوسیم وار نئیلیم

گوله دؤنسم! بیر ایکی جئیرانا حسرت چکیرم
گوله دؤنسم بیر ایکی قاز هوسیم وا نئیلیم

آلما آتماق هوسیم یوخ،،، "هه" دئمه سئودیجه ییم
"یوخ" دئ سندن هله ده ناز هوسیم وار ، نئیلیم

بالتا قارداش! بیر آز ال ساخلا یامان داشلانیرام
آخی سالخیم سؤیودم یاز هوسیم وار نئیلیم...


https://t.me/Adabiyyatsevanlar

ائلچین حسن زاده
سنی تانرینین شاه داماریندان آخان قان لا یودوق
یودوق و باسدیردیق گئجه نین روحونا

قارا دنیزده هاوالانمایاجاقدی گمی لرین یئلکنلری ساچین
آچیلمایاجاقدی شهرده پنجره لر گؤزلرین
یاشیللانمایاجاقدی زیتون آغاجلاریندا یاپراقلار اللرین
آه منیم قارانلیغیمدا اوچوشان یاشیل باش سونام
گونشدن می دوغدون سن
رؤیاسیندان می اویاندین کپنکلرین
بیز یودوق و باسدیردیق سنی گئجه نین روحونا
تانرینین شاه داماریندان آخان قان لا یودوق
آخی بیز هاوایا سووردوق توپراغینی
هاوانی باسدیرمادیق توپراغا
سن قورشون مو سیخدین باشینا
زهرمی ایچیرتدین گئجه نین روحونا
باخ گئت گئته تنهالیغینا یاییلدین کوچه لرین
یاخجی خاطیرلارام،بیز یودوق و باسدیردیق سنی گئجه نین روحونا
آغلادی پنجره لر
هاوالاندی یئلکنلر
قوپدو یاپراقلار بوداقلاردان
بوسبوتون سئوگی قوخوسو دولدو شهره
ندن هئچ کیمسه بیلمه دی آما
بوینوندان آسمیشدی گؤی قورشاغینی شالین
سویوق دووارلارا دالمیشدی حوزوندن
دیزلرینی قوجاقلامیشدی
یئددینجی قاتدا دئشیلمیشدی تاوان
یاغمور یاغیردی
و اللهین اوتاغینی سئل گؤتورموشدو...

Seni tanrının şah damarından akan kanla yıkadık
yıkadıkda gömdük gecenin ruhuna

karadenizde havalanmayacaktı gemilerin yelkenleri saçın
açılmayacaktı şehirde sokaklara pencereler gözlerin
yeşillenmeyecekti zeytin ağaclarında yapraklar ellerin
ah benim karanlığımda uçuşan yeşilbaş sunam
güneştenmi doğdun sen
rüyasındanmı uyandın kelebeklerin
biz yıkadıkda gömdük seni gecenin ruhuna
tanrının şah damarından akan kanla yıkadık
hani biz havaya savurduk toprağını
havanı gömmedik toprağa
sen kurşunmu sıktın kafasına
zehirmi içirdin gecenin ruhuna
hani gitgide tenhalığına yayıldın sokakların
iyi hatırlarım,biz yıkadıkda gömdük seni gecenin ruhuna
yağmur yağıyordu
ağladı pencereler
havalandı yelkenler
koptu yapraklar budaklardan
büsbütün aşk kokusu doldu şehire
hani hiç kimse bilmedi ama
boynundan asmıştı gökkuşağını şalın
soğuk duvarlara dalmıştı hüsrandan
dizlerini kucaklamıştı
yedinci katda deşilmişti tavan
yağmur yağıyordu
ve allahın odasını sel götürmüştü

https://t.me/Adabiyyatsevanlar

عزیز دوست، سایین قلم داش
نوروز بایرامینیز موبارک اولسون .
https://t.me/Adabiyyatsevanlar

دوستان عزیز ،خانواده محترم ادبیات سئونلر
سال نو بر شما گرامی وخجسته باد.
https://t.me/Adabiyyatsevanlar

نیگار خیاوی

یئنی ایلینیز، یئنی-گون / ارگنه‌کون بایرامینیز قوتلو اولسون!

سلام ای تورک کیشیسی، تورک قادینی
ساوالان تک اوجا توت تورک آدینی
توت الینده باهارین بایراغینی
سنه تبریک ائدیرم بایرامینی
دانیشاق تورکجه آچیلسین دیلیمیز
دیلیمیز جان دیلیمیز جان دیلیمیز
https://t.me/Adabiyyatsevanlar

بایرام طنزی
کریم قربانزاده
https://t.me/Adabiyyatsevanlar

ائلدار موغانلی
باهار

طبیعت اویانیب یاز نفسی یله؛
یئنی حیات گلیب باغا_باغچایا.
بولبوللر اوخویور گول هوه سی له،
حیات گولومسه ییر گونشه؛ آیا.

هریان بزه نیبدیر الوان چیچک له؛
چایلار شاققیلداییب داشلاردان کئچیر.
باهار بایرامیندا، آچیق اوره ک له
طبیعت شنلی یین باده سین ایچیر.

باهار گونلرینده او گول _ چیچک لر؛
سسله ییر انسانی علوی سئوگی یه.
آرزولار بوی آتیر، گولور دیلک لر،
بولبول نغمه قوشور، گول دئیه_ دئیه.

توکنمز دیلک له هر انسان کیمی_
منده محبتی آلقیشلاییرام.
بو شن یاز فصلینده اوره ک دویغومو
وطن سئوگی سینه باغیشلاییرام. .


https://t.me/Adabiyyatsevanlar

بایرام

ذوالفقار کمالی

ای تازه ایلین تازه گونون سوقتی بایرام
ای خلقیمیزین بیر .بیرینه حرمتی بایرام

علم ایله وورون کارگرین دوز تپه سیندن
زهلم گئدیر او کتدیلرین ناله سسیندن
بایرام ائده رم هرگؤنو من پول هوسیدن
پول دور کیشینین حرمتی .حورریتی بایرام
ای تازه ایلین تازه گونون سوقتی بایرام


چوخ.چوخ دئمه قیش گئتدی گلین نوباهار اولدو
باغلاندی بوتون کارخانا هاممی بئکار اولدو
آغزیمدا شیرین سؤز دولانیب زهر مار اولدو
یوخسول کیشینین هاردان اولار غیرتی بایرام
ای تازه ایلین تازه گونون سوقتی بایرام


سو .برق.گازین قبضی قالیب طاقچادا چوخدان
سالمیش بو یازیق میلتی یوخسوللوق ایاقدان
آیلیقچی یئییب آیلیغی بیر آی دا قاباقدان
هاردان آلاجاق بایرام اوچون رغبتی بایرام
ای تازه ایلین تازه گونون سوقتی بایرام


کؤینک .تومانی یوخ فقرانین به جهنم
وار دولتی یوخدور بو گدانین به جهنم
لطفی نظری یوخدو آغانین به جهنم
سن سیخما باری منگنه ده میلتی بایرام
ای تازه ایلین تازه گونون سوقتی بایرام

شوق ایله سنی هر تزه ایل یاد ائده ریک بیز
کؤینک تومان اوستونده ده فریاد ائده ریک بیز
چون تازه ایلی کوهنه دن آزاد ائده ریک بیز
هر ایل گئتیرر سن تازا بیر آفتی بایرام
ای تازه ایلین تازه گونون سوقتی بایرام

هر ایل بیزه بیر عادتی احسان ائله یردین
هر بیر ایشی احسان ایله آسان ائله یردین
چون کار.کاسیبی تابع فرمان ائله یردین
اولمازدی قدیم بیر نفرین جورعتی بایرام
ای تازه ایلین تازه گونون سوقتی بایرام

قوودوق شاهی دا شاه قولودا اولدو فراری
ایندی هر ایشین وار اؤزونون قایدا قراری
چیخسین جانی تندن کاسیبین یوخدو چیخاری
بیر تازه ( ژن) ایستیر کی اولا غیرتی بایرام
ای تازه ایلین تازه گونون سوقتی بایرام

هر یئرده اگر اولسا علوم ایله معارف
وار اوردا یقین عارفین اوغلو اؤزو عارف
هم اوغرودو هم اگری دی لیکن متعارف
ایجاد ائله ییب صنعت آرا. سنتی بایرام
ای تازه ایلین تازه گونون سوقتی بایرام

معناسینا باخما هر ایشین اصلی یالاندی
علم ایله دانیشدی یالانی خلق ایناندی
میلت نه بیلیر دوزخ همان باغ جیناندی
آخماخ کیشینین جنت اولار قسمتی بایرام
ای تازه ایلین تازه گونون سوقتی بایرام

بیر فاتح دوران دا ائده ر فتح فراتی
ایسرائیلی .سورییه نی لبنانی هراتی
افلاکه اوجالدار او یمن دن صلواتی
چاتماز صلواته آتومون قدرتی بایرام
ای تازه ایلین تازه گونون سوقتی بایرام

اوغرو تالادی مملکتی چاپد ی جهنم
نفتی. گازی هر زهرماری ساتدی جهنم
بو ذوالفقاری آخ نئجه آلداتدی جهنم
تحمیل ائله مه سن اونا هر ذیللتی بایرام
ای تازه ایلین تازه گونون سوقتی بایرام

https://t.me/Adabiyyatsevanlar

آیریلماز
موقددس واراقییام من



قلمیم سوروشدو سن کیمسن؟دئدیم.
گله جک نسلیمین چیراغییام من.
یازدیغیم شئعرلر ائلین دردیدی.
غملی اوره کلرین ماراغییام من.


هونر عالمینده پارلاق تاجام تاج.
چاراسیز دردلره اولموشام علاج.
بیر آدیم نسیمی بیر آدیم حللاج.
انالحق دئیه نین دوداغییام من.


گؤزلریم باخار کن دریم سویولدو.
اؤلمه میش هئیکلیم گورا قویولدو.
دوداغیم تیکیلدی گؤزوم اووولدو.
تاریخین موقددس واراغییام من.


تالانمیش باغلارا چیچه گم گولم.
باغلانمیش دیللره دانیشان دیلم.
دوسلارا سئوینجم یادا نیسگیلم.
بوکولموش بئللرین دایاغییام من.


شاعیرم سؤزومه وورغوندو اینسان.
مندن ایلهام آلیر قاشلاری کامان.
آزادلیق یولوندا چالیشان زامان.
یاراغسیز اللرین یاراغییام من.


شئعریمین هر بیری نازلی یاریمدی.
وطن شوهرتیمدی ایفتیخاریمدی.
پایلارام ائلیمه هر نه واریمدی.
داراغسیز تئللرین داراغییام من.


قارتالام ال چاتماز داغلاردی یووام.
قوروموش باغلاری سوواران سووام.
سن هرنه اولسون اول آنجاق من بووام.
ائلیمین خوللانمیش بوداغییام من.


ائشید آی قلمیم من آیریلمازام .
آشیقلار قوینوندا صدفلی سازام.
نه قه در عؤمروم وار گرکدیر یازام.
دونیانین نئچه گون قوناغییام من؟


https://t.me/Adabiyyatsevanlar

اسماعیل خرمی
‍ ‍ آراز

گؤزلر تیکیلیب
یاشیللیغلارین درینلیگینه،
باخدیقجا
اوزانیر
قوشا یوللارلا بیر اورکده دؤیونن آراز؛
هر بیر واراغیندا
مینلر اینسانین سرینلیگی،
مینلر سئودا آختارانلارین
قبیر داشی،
کیمسه نین گؤزونه،
قیزیل گولله لرین لاله لی ناخیشلی،
کیمسه نین گئچمه ین گونلرینین
تانرییا عوصیانی؛
کیمسه نین
گیزلی سئوداسینین بیر قوجاق ایزی،
آرازیمین اینترنت قوطوسوندان،
گؤزومون بیری کور،
آچیلان کیتابلارین
واراغلاری اَپریم-اَپریم...
دویولان یاشیللیقلار،
گؤزلوک آلتیندا پارلاییر،
آرازیمین،
اوره یینده دویون ویرمیش
دانلاغلی قامچی یاراسی،
بئلینده شاهلارین
تورپاق اوغورلوغونون علامتی؛
گؤزومو آچاندا
قیقاجی آرازین
قیقاجی یوللاری،
یاراشمیر آرازیمین بویونا،بوخونونا
بی قاپیسی خانلارین
قیلینج اؤپوشدوروب
آت کیشنه لر ایله شاها قالخماغلاری،
بیر قاپیسیندا
مین ایللیک حسرتلره آلیشان،
مین اولدوزلو گئجه لرین
سینیق اوره یی.
آخیر آراز...
یوللاری الینه آلیب
باش گؤتوروب گئدیر آراز،
یوخولاریمی قولتوغونا قویوب
خزره دوغرو قاچیر آراز!

https://t.me/Adabiyyatsevanlar

توفیق بایرام
آختاراجاقسان
https://t.me/Adabiyyatsevanlar