ادبیات سئونلر

309 viewsKamran Azari Kamran Azari, edited 23:27

حسرت زنگانلی
قادینلار قادینلیغی باغریلارینا
آلمالی دیرلار

• آزاد قوزئی آزربایجان
• یونیورسیتی ژورنالی
• بهزادبیات فرد(حسرت‌زنگانلی)

▫️بوگونون قادینی بیلیب‌دیر یاشاییش یالخیجا کیشی صیفت لیک ایله اونا آز فایدالی دیر.
هر آلدادیجی قیلیغین،مد لارین فشن لرین یا بوگون ایصطلاح لاریندا پلنگ سایاق قادینین یا کیشی دک ائو ائشیک دولاندیران قادین لارین دالداسیندا بیر آجیقلی و حوزونلو اینسان گیزله نیب دیر کی دویور دوغرو یاشاما واقتی یوخدور.
قادین لاری اگر بوندان اونجه ائوی نین ، اری نین ، اوشاق لاری نین قاندالین دا اسیر بیلدیکده ؛ ایندیسه ایش لری و هدف لری و ایستک لری ایله قاندال لانیب دیر و هئچ زامان کئچمیش ده بئله سی سیخینتی لاری دویماییب دیر.
بو گونون یاشامی بیر قادینا چوخ چتین دیر.

▫️دوزدور بیر ارکک و دیشی بیر بیری ایله برابر حاق آپارمالی دیر لار و هرنه ده بیر مقیاس دا و بیر یون ده قرار تاپیب لار آما اونلاردان کئچمیش دن آرتیق لاق حمایت ائتمه لی ییک.

▫️گونسئل باخیش دان دوتوروق بوگونون قادینی اؤيره نيب دير آل وئرده دیلینی دیشله سین ،ایسته میر او ال کی اونا چؤرک وئریر دالی قایتارسین،او ال کی کئچمیش ده اری یا آتاسی اولموشدور ایندیسه او چؤرك وئرن ال ایش ده و بازار دا باشچی سینا(آرواد یا کیشی) یه یئتیشیر! توپلومسال یاشاییش دا کئچمیش ده کی قادینین سایغیلاری حایات یولداشینا ، آتا سینا ایندیسه نئچه یئره بولونوبدور.

▫️ایش بؤلگه لرینده قادین لار بونو دوشونوبلر سایغی ایله اونلار اؤز قصد لرینه یئتیشه بیلر لر.
بو قونو سئوگی ده اؤزونو آرتیقلاق گؤسته‌ریر،آما تاسوفله اونو ارکک لر محبت دیلنمه‌ک عونوانیندا دوتوب سونوندا اؤلدوروجو بیر سوچ اولاراق بیر سایغی سیزلیق قادینین آرین سئوگی سینه و قادین جنسینه بیر خیانت حسابا گلیر.

▫️تام اینسانلار وورغونلوغا نیازلاری واردیر، گونسئل مودرن لشدیریلمیش(متجدد) قادین اؤز دوغرو وجودون دا کی بؤلگه لری داناراق اؤز آزادلیغینا و ایستیقلالینا فیکیرلشیر آما بو ایستیقلال اونون تک اولماسینا بیزیم جامعه لرده باعیث اولوبدور.

▫️قادینلار بو گونلو دورومدا گرکدیر کیشیلر برابرینده واورانیش لاری باشارالار و باجاریق ایله قاباغا گئتمه لی دیر لر، اونلار دویمالی دیر لار کیشی برابرینده کیشی ، کیشی نین برابرینده سایاق رابطه ائتمه یه لر و داورانمایب یاناشمایالار.(۱)

▫️بیر قادینین یاشاییش بؤلگه سی کی ایسته ییر بیر یون دن قادینلیق حاققینا چاتسین چوخلو سینیرلی دیر.
گرچئک‌دن یاخشی و دوزگون یاشاییشین اولو قصد لریندن بیریسی بودور بیز تام اوزاد اولاق کی باجارا بیله ریک اؤزوموزه اولاق و بو حیسه او کس کی اونو سئویریک ده گرکلی سایلیر.
۱-تونی گرنت کیتابیندان

https://t.me/Adabiyyatsevanlar