ادبیات سئونلر

طنز
ماتی میخاناسی اختراع می‌کند:

جریاندا وارسیز کی بیزیم مملکتده هربیرزادی ایستیروخ «بومی سازی» ائلیاخ و بونا دا یاخجی پوللار وئریلیر، مثلاً «موتور جستجوی ملی»، «ایمیل داخلی»، «پیام رسان داخلی» و غیره! من ده اوتوروب فیکیرلشدیم کی بو یولدا من نه ایش گؤره بیلرم و چوخ فیکیردن سورا تاپدیم: «سیستم مسیریاب GPS سخنگوی کاملاً بومی تبریزی». بو یازیدا اولیه طرحی سیزه تقدیم ائلیرم، یاخجی سرمایه‌گذار اولسا بونو تولید مرحله‌سینه چاتدیراخ.
(ماشیندا اوتوروب استارتی ووروب، جی‌پی‌اسی آچاندان سورا، سیستم باشلیر دانیشماغا)
🔈 یالله! هارا گئدیروخ ایشالله؟
(سیستمین تنظیماتیندا ووروسان مبدأ بورا، مقصد بازار، سیستم مسیرین نقشه‌سین گؤرسدیر و دییر)
🔈 وای ده‌ده! آخشام اوستو خیاوانلار قیمیلدیر هئچ اولماسا بیر ساعات معطل اولمالیوخ. هله آللاها توکل دوش یولا گؤراخ، دربند آغزیندان ساغا دؤن.
🔈 احبر باققالین توکانیدی اونا بیر سیقنال چال.
🔈 ۱۰۰ متر سورا چارراهدا مامور وار، کمربندیوی باغلا.
🔈 دوربون ایشله‌میرائله بوردان یاواش بیدانا خلاف دؤر وور قازلا گئداخ.
🔈 هر ائششه‌یین ساتان بیر ماشین آلیب دوشوب خیاوانلارا، اولماسا ۵۰ متر قاباخدا دؤن او کوچه‌دن کسمه یول گئداخ.
🔈 بو کیمدی بؤیردن گیریر؟ او شوشه‌نی یئندیر ایکی دانا یامان دییم ... ائششح اوغلو ائششح هارا سوخولوسان؟! گئدیروخ دا، بیز یئدوخ سن قالدین؟
🔈 قاباخدا مچید وار ضبطین سسین آزات.
🔈 پهوووو! بورانی هاواخ یکطرفه ائله‌دیلر؟ دؤن قئییت.
🔈 ۵۰۰ متر سورا سورعت دوربونو وار، یاواشلات.
🔈 دا بوردان سورا دوروبون موربون یوخدو، باس قازا!
🔈 ۱۰۰ متر سورا سولا دؤن.
🔈 ۵۰ متر سورا سولا دؤن.
🔈 دؤن، دؤن، دؤؤؤؤؤؤؤؤن گده به دییرم دؤن آخی گئچیب گئتدین، بوردا جی‌پی‌اس دانیشیر گئچی اوستورمور کی، آل بو سیستمی ده سوخ *ـؤتووه اگر منیم سؤزومه قولاخ آسمایاجاخسان کیمه دانیشیرام من بوردا؟
🔈 سیستم تازا مسیر آختاریر ایکی دیقه دیش دور.
🔈 آل بو دا سنه تازا مسیر، ایکی کیلومتر ده گرح یول گئداخ هله تازا یئتیشاخ گئچیب گئتدیغیمیز یئره، ایندی دینجلدین؟
🔈 اصلاً سیشدین منیم سیستمیمین ایچینه، دا من هئشزاد دئمیرم. ۱۰۰ متر سورا ساخلا بیریندن سوروش، هر کسدن سوروشسان گؤرسدر.
🔈 مقصده یئتیشدوخ، مومکون اولسا منی چیخات اؤزونان آپار یوخسا اوغرولار شوشه‌نی سیندیریب آپارار.

https://t.me/Adabiyyatsevanlar