حمید رها

دلم‌کمی آفتاب
کمی درخت
کمی تر شدن ،
زیر باران میخواهد
کمی دستهایت را بگیرم
کمی از تو بردارم
و روی چشمهایم بگذارم،
و ای کاش
کمی از تو بیشتر بردارم !
کمی از تو ،
بیشتر روی چشمهایم بگذارم!!

چئویری:فریبا مرتضایی

اوره ییم
بیر آز گونش
بیرآز اورمان
یاغیش آلتیندا ،
بیر آزدا ایسلانماق ایسته ییر
اللریندن توتوم بیر آز ،
بیر آز سندن‌ گؤتوروم،
گؤزلریم اوسته قویوم !
کئشگه ، سندن بیر آز،
چوخ گؤتوروم
بیر آز داها دا چوخ سندن،
گؤزلریم اوسته قویوم!!


https://t.me/Adabiyyatsevanlar

ویکی پدیا دان ،گوگل دن مطلب تاپیب  پایلاشماق ایله کیمسه شاعیر ،یازیچی ..‌. دوکتور اولماز.
سوز خزینه میزین بویالی ،دادلی دوزلو وفایدالی ... اولماغینا تکجه بیر یول وار کلاسیک لریمیزی،معاصیر آذربایجان ادبیاتینی ،تورک شاعیرلرینی و دونیا ادبیاتینی اوخویاق اوندا بلکه دئمیه،دانیشماغا  سوزوموز اولا.

https://t.me/Adabiyyatsevanlar

انصار قارا داغلی
بالیق جنگی

هله دریا وَ بالیق جنگی، صمد بهرنگی
اوقیانوس نبضینین آهنگی، صمد بهرنگی
لایلالی کؤرپه بالیق ‌لار، و َ سو‌لار آوازی
ایشیغین، گؤی‌لرین اوچ دانگی، صمد بهرنگی
دور قیزیل آتلی گونش، شرقین آیاغی آتسیز
چیلله دَستانلی سحر رنگی، صمد بهرنگی
سارامیز ساچلی گلین، نئی‌لری سئل‌لر ییخمیش
توی بولاقلی ساوالان تونگو، صمد بهرنگی
نه قولاق آسمالی سازدیر بو مزارین سازی
جانی تک چنگلمیش چنگی، صمد بهرنگی
دیریلیک، گؤز یاشیمیزدا نه ده خندان اوینور
بو اؤلن ماهنی وَ ساز چون کی صمد بهرنگی
بیر دیل اؤیرت قلمه دردیمیزین انشاسی
مکتبین – مدرسه‌نین زنگی، صمد بهرنگی
آراز انجیل قانی پنهانی تؤکور دادستان !
اوست کلیسا‌لارین آلت سنگی، صمد بهرنگی
کافر اولموش بو مسیحایه او مریم شاهد
آللاهین آللاها نیرنگی، صمد بهرنگی
مصره دولت نه گره‌ک، مصر اؤزو شاه دولتدیر
داهی دولت‌لر هماهنگی، صمد بهرنگی
بالاجا قارا بالیق یولداشی سونسوز دریا
نئجه قؤیسون یئره توفنگی، صمد بهرنگی !؟…
۱۴۰۵/۰۵/۰۳
قایناق:ایشیق سایتی

https://t.me/Adabiyyatsevanlar

سحرخیاوی

بیزیم یئرلرده!!

او سحر، نه آغاجلار آرا کوشولده‌دی
نه یارپاقلارین قولاغینا پیچیلدادی
نه ده اوستونه شئه قونموش گوللرله اؤپوشدو
ایتی باخیشلاری کوسموشدو پنجره‌لردن
سوراغینی جیویلده‌شن سئرچه‌لردن توتدوم
خبرسیزیدیلر!
اونو اینجه قاناد کپه‌نک‌لردن سوروشدوم
دینمه‌دیلر!
آنا تورپاقدان سوروشدوغومدا،
یایلیغی‌نین اوجو ایله گؤزلرینی سیلرکن، چیینی‌نی سیلکه‌له‌ییب هؤنکوردو!

او گون درین قویولار قازیلمیردی آیاقلاری آلتیندا!
پوسقوسوندا دورمامیشدی اَلی بالتالی کؤلگه‌لر!
درین دره‌لرین ناهامارلیغیندان
سالام- صالاواتلا
اللر اوستونده؛
شوش ذیروه‌لرین چیگنینه آپاریلدیغیندا
بیر آن‌دا هامی اوچون آریندی، تمیز اولدو!
نئجه ده عزیز اولدو!
کؤلگه‌سینی گولله‌‌له‌ین‌لر داها چوخ وایسیندیلار!
یولونا تیکان اَکَن‌لر مزارینا گول سَپدیلر!
گونش بارماغینی دیشله‌دی!
شاشیردی مین اوزلو آداملاردان!
هه، بیزیم یئرلرده بئله‌دیر،
اؤلمه‌یینجه دیریلمزسن قاداسی!

1405/5/11

https://t.me/Adabiyyatsevanlar

زرین رزندی(طناز)

بحمداللاه تورم دن،یئتیشدیک جانه،ایران دا

کوُنول اوُزگورلویه حسرت،باتیب آل قانه ایران دا

یانیر مللت گران لیقدان،دیلی توتمور فغان ائتسین

اوره ک لنمیر،قیام ائتمیر،یاتیبدیر یانه،ایران دا

سالیبدیر فتنه نی چنگیز کیمی ایرانه تحریم لر

داوا-درمان چوُنوبدور،خنجر بررانه،ایران دا


یومورتا دّر اولوب،اَتله-تویوق،لعل بدخشان دیر

دویو اغوا ائدیر مئیلی،اولوب فتانه،ایران دا

بو باش سیز مملکت،باش دان باشا-غارت دی-فحشادیر

باخ انصافه!دئییر:کافر یئتیب ایمانه،ایران دا

دئییرلر:سوس دانیشما،هر ایشه دورتوکجه باش سوخما

بلاشک مللت ایران،اولوب بیگانه ایران دا

اَده خلقین ائوین ییخدیز،داغیتدیز،تارومار ائتدیز

(سکندر)دن میراث قالمیر،بو قدر ویرانه،ایران دا

قودوز حئیوان روا بیلمیر،جفا وجوری حئیوانه

بو استبداد ندن اعمال اولور؟انسانه،ایران دا

دَوه تک خیخلانیب مللت،اویان لار دینمه قوی اویسون

عاغیللی ایش بیلن یوخدور،دورا عصیانه،ایران دا

اَیر اللر دویونننسه،بو سس سیزلیک هاوار اولسا

آتام ارواحی لوت رعیت،گلر زور-خانه،ایران دا

آییلسا خواب غفلت دن،ایگید سلطانا رحم ائتمز

ایچرلر زهری سلطانلیق،چاتار پایانه،ایران دا

دیلین لال اولسون آی(طناز)،شعرینله اغتشاش سالما

سنه دخلی نه دیر قالخا؟دلار میلیانه،ایران دا.

https://t.me/Adabiyyatsevanlar

تقی زهتابی

فریاد ائله بیرجه


گؤسترآی اوزون کؤنلوموزو شاد ائله بیرجه
ویرانه قالان ائولری آباد ائله بیرجه
بیرعمرکؤنول اوف دئمه دن جوروا دؤزدو
بیر یولدا ستملر یئرینه داد ائله بیرجه
شاگردی ازلدن دی کؤنول دفتر حسنون
لطفیله بوشاگردیوی استاد ائله بیرجه
توتدون آیاغین هئی ائلین ،ای چرخ ستمکار
بیریولدا الیندن توتوب امداد ائله بیرجه
ائل دردی منیم قدیمی دؤندردی کمانه
قالدیرائلیمی، قدیمی شمشاد ائله بیرجه
هر ظلم روا گؤردو ستم اوردوسو، سوسدون
بسدیردؤزوم ای خلق، دی فریاد ائله بیرجه
گرسن اؤلوسن ،آخری کئچمیشلرین اولموش
اجدادیوی ترپنمه گینن شاد ائله بیرجه
بیر گون یانار اولادین آخر سن یانان اوددا
اولادین ایچین ظالمه بیداد ائله بیرجه
گلشندن اؤتور بلبلو محو ائتدی قفسلر
بلبللری گل، عشق ایچین آزاد ائله بیرجه

https://t.me/Adabiyyatsevanlar

سیمین بهبهانی،


دلم گرفته ای دوست!
هوای گریه با من
گر از قفس گریزم
کجا روم، کجا من؟
کجا روم، که راهی به گلشنی ندانم
که دیده بر گشودم به کنج تنگنا، من
نه بسته ام به کس دل
نه بسته کس به من دل
چو تخته پاره بر موج
رها، رها، رها، من
ز من هر آن که او دور
چو دل به سینه نزدیک
به من هر آن که نزدیک
از او جدا، جدا، من
نه چشم دل به سویی
نه باده در سبویی
که تر کنم گلویی
به یاد آشنا من
ز بودنم چه افزود؟
نبودنم چه کاهد؟
که گویدم به پاسخ
که زنده ام چرا من؟
ستاره ها نهفته در آسمان ابری
دلم گرفته ای دوست!
هوای گریه با من .

https://t.me/Adabiyyatsevanlar

آنیرقوجام

ایشیق دلی لر ...

گونش تکین گلیرم
ایشیق بایداغیملا
و دره _ دره
گوللره باتان تیکنلری...


گیزلی دوشنلری گزیرم
قورخمادان اوزه چیخین دئیه


ناغیللار توپراغیندان قالخان
او هیبت دریاسینا  بنزیرم
قاتی یاراقلی
و قیرآت سویلو اَن اوجا آتیملا
سایسیز سئل کیمی ایشیق دلی لریمله

قشون قیها چکیر
یوللار اوزونو خوشجاسینا سسلنیرلر ؛

گیزلی قالان اولماسین
اوز ایچینه دالان اولماسین
گل ، چیخ اوزه
گل عومرون یالان اولماسین

آتیلین _ آتیلین ،  بیزلره قاتیلین
های قونچالار
یاپراق_یاپراق آچیلین
اییشیقلانین
ایشیق اولون

اولماسین ، یامان اولماسین
گول عومرونوز یالان اولماسین

گلیرم گونش تکین
بایداغیمسا ایشیق ...

https://t.me/Adabiyyatsevanlar

بیرینجی جلد  اون یئددینجی بؤلوم


یوردومون سیرلری
یازان: رضا براهنی
چئویرن: ذکیه ذولفقاری
اون‌ یئددینجی بؤلوم

#یوردومون‌سیرلری
#رضا‌براهنی
#ذکیه‌ذولفقاری
#حمیده‌رنجبر
#مهدی‌اختیاری
#جابرپورباقری
#bizimsəs
#بیزیم‌سس
حاضیرلایان: بیزیم سس
https://t.me/DinleBizimsesi