اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ادبیاتی
خبر

فاطمه محمودی با کتاب « احساس های تو»  در جشنواره رویش،  مقام برگزیده را از آن خود کرد.
برگزیدگان دومین جشنواره ملی رویش ویژه کودکان و نوجوانان توان‌یاب هم زمان با ۱۲ آذر روز جهانی افراد دارای معلولیت از سوی کانون پرورش فکری معرفی شدند.

خانیم محمودی تبریک لر اوغورلار


https://t.me/Adabiyyatsevanlar

اوشاق ادبیاتی

شهرام گلکار

        لاله

منيم آديم لاله دير
خال وار ياناقلاريمدا.
آرى اؤپور،اييله يير
بال وار دوداقلاريمدا.

منيم آديم لاله دير
گوللرين گؤيچه يييم.
گؤزلريم پياله دير
داغلارين چيچه يييم.

منيم آديم لاله دير
من هئچ يئره گئتمه رم.
چوخلارى قاش-گؤز آتار
سئوسم ده بيلديرمه رم.

منيم آديم لاله دير
نرمه-نازيك گولم من.
آخى آغلاماق نه دير!؟
       كولك اسير
گولم من...

https://t.me/Adabiyyatsevanlar

اوشاق ادبیاتی

«تو باشکند یک معلم جوان پیداشده که دارد قانون بازی را عوض می_کند.ریاضی را نه با ترس، نه با سختی؛.

https://t.me/Adabiyyatsevanlar

اوشاق ادبیاتی

بالالارینا اویرت ...
https://t.me/Adabiyyatsevanlar

اوشاق ادبیاتی


« تنهالیق »
یازان : علی صمدلی
کؤچورن : علی آغ گونئيلی  -  ابرازی
کتاب :‌ ژنرالین اوشاقلیغی  - ناغیللاربؤلو

اوراق – اوزاق صحرادا بیر سؤیود بیتمیشدی ، تک – تنها . دیبینده سرین بولاق چاغلاییردی اونون . او سالخیم بوداقلارینی یئللده رک . اوزاق – اوزاق یولچولاری ، کؤچری قوشلاری یانینا سسله ییردی ، سحر ، آخشام . انسانلار دا ، کؤچری قوشلاردا اونون سرین ، بال دادان سویوندان ایچیب سرینلنیر سونرا یوللارینا داوام ائدردیلر . هامی بختورلیک اوخویاردی سالخیم سؤیوده . هئچ کس بیلمزدی کی ، اؤزونه گؤره دردی وار سؤیودون ده . هامی ییغیشیب گئدندن سونرا ، کیمسه سیز قالان سؤیود گئجه لر ساچلارینی کوله ییه وئره ر ، خیسین- خیسین آغلاییر، سسینی کیمسه سیز بولاغین زومزومه سینه قوشاردی .
سؤیودون دردی تنهالیق دردی ایدی، تنهالیق . گونلرله ، هفته لرله سالخیم بوداقلارینی گؤزونون اوستونه قویوب اوزاقلارا بویلانیر، اطرافدا بیر یاشیل بوداق، یارپاق بئله گؤره بیلمیردی . یاندیریب یاخیردی بو تنهالیق دردی اونو. بو دردین الیندن اونا بختورلیک   اوخویانلارا خجالت له باخیردی سؤیود.
بیرگون بیر پیرانی قوجا گلیب چیخدی اونون یانینا . سالاملادی اونو سؤیؤد دیلی ایله . بولاغینین سرین سویوندان ایچدی . کؤلکه سینده دینجلدی . قوجا یولچو راحاتلاندی ، مورگولدی بوردا. بیردن قولاغینا سؤیودون پیچیلتیسی گلدی :
ــ  ائح ، بونا نه وارکی ، آی ساغ اولموش ، ـ دئدی . سونرا قوجا آیاغا قالخیب ، اونون ایری و آرتیق بوداقلاریندان بیرینی قوپاریب یانینداجا سولو تورپاغا باسدیردی. قوجا گئدندن اوچ گون سونرا ، جاوان بوداق پؤهره لدی . آز کئچمدی قوشالاشدی سؤیودلر . آنا سؤیود قورودو اونو اسن کولکلردن توفانلاردان . تئزلیکله بوی آتیب چاتدی آناسینا بالا سؤیود . همین گوندن « قوشا سؤیود » دئدیلر . ایندی اونلار همدم اولموشلار ، سیرداشاولموشدولار بیر ـ بیرلرینه . ایندی اونلار سحرـ آخشام اوزاق ـ اوزاق یولچولاری ، کؤچری قوشلاری بیرگه سسله ییردیلر .
۱۹۸۴

https://t.me/Adabiyyatsevanlar

اوشاق ادبیاتی
حیکایه
نه‌دن درس اوخومالی‌ییق؟
۷ _ ۹ یاشلی اوشاقلار اوچون

یازار: دوکتور رضا ریحانی (آیسفت کانادا/ مجازی ساغلادیجی)
کؤچورن: ویدا حشمتی
حاضیرلایان: ادبیات سئونلر
بو حیکایه «نبوغ خفته» سایتیندان ایزین آلاراق پایلاشیلیب‌دیر.

https://t.me/Adabiyyatsevanlar

بیر گون واریدی، بیر گون یوخویدو. یام-یاشیل بیر مئشه‌ده روزا آدیندا بیر بالا زرافه یاشاییردی. روزا چوخ هوشلو و شیلتاق ایدی. او سحردن آخشاما کیمی، خوش اولوب اوینایاردی. او قدر خوش اولاردی کی، گؤیلره اوچا بیلردی.
۱
https://t.me/Adabiyyatsevanlar

اما مشق‌لرینی یازماق وختی چاتینجا، گؤزلرینی خومارلادیب، میریلدانا-میریلدانا دئیردی:
-اصلا نییه درس اوخوروق؟ بولار نه‌دی؟ من درس اوخوماغی سئومیرم.

او درسه باخا-باخا آرزیلارینا فیکر ائلردی.
۲
https://t.me/Adabiyyatsevanlar

او سئوردی کی، بسکتبالیست اولسون. اما اونا دا بیر ایش گؤرمزدی.
روزا مشق یازماسین دئیه، ائشیگه چیخدی.
بیرآز او طرفده بسکتبال یاریشماسی واریدی. روزا یاریشی گؤردوکدن سونرا، سئودیگی اویونچویلا دانیشدی. سونرا دا سئوینه-سئوینه ائوه قاییتدی. اما گؤزو دفتر-کیتابا دوشونجه، بوتون سئوینجی اوچدو.
روزا او گون مشقلرینی یازا بیلمه‌دی. گؤزلری خومارلاندی، مشق دفترینین اوستونده دوشوب یاتدی
۳

https://t.me/Adabiyyatsevanlar

صاباح مدرسه‌ده معللیم مشق‌لره باخدی. روزا چوخ اوتانیردی. معللیم اونون مشق دفترینه باخیب دئدی:
-روزا!.. سن نییه مشقینی یازماییبسان؟
روزانین یاناقلاری قیزاردی. باشینی آشاغی دیکیب آستاجا دئدی:
-واختیم اولمادی. آخی نییه گرک درس اوخویاق؟ نییه مشق یازیریق؟ من بو ایشلری سئومیرم. اصلا نییه گرک مدرسه‌یه گلک؟
معللیم الی ایله روزانین اوزونو اوخشاییب، اوشاقلارا دئدی:
-اوشاقلار!.. ایندی آرزیلاریزا فیکر ائله‌یین. ایستیریک آرزی ائله‌دیییز آداملارا گؤره دانیشاق.
۴
https://t.me/Adabiyyatsevanlar

کیلاس سس‌سیز ایدی. دووشان دئدی:
-من ایستیرم جرّاح اولام. آتامین یولداشی کیمی‌.
معللیم دئدی:
- چوخ گؤزل!.. ایندی دئ گؤرک آتانین یولداشی، هرگون نه ایش گؤرر.
دووشان دئدی:
-آتام دئییر، یولداشی هرگون کیتاب اوخویار. نه ایش گؤره‌جه‌یی اوچون پلان(برنامه- پروگرام) تؤکر. او چوخ چالیشقاندی.

۵

https://t.me/Adabiyyatsevanlar

کیلاس سس‌سیز ایدی. دووشان دئدی:
-من ایستیرم جرّاح اولام. آتامین یولداشی کیمی‌.
معللیم دئدی:
- چوخ گؤزل!.. ایندی دئ گؤرک آتانین یولداشی، هرگون نه ایش گؤرر.
دووشان دئدی:
-آتام دئییر، یولداشی هرگون کیتاب اوخویار. نه ایش گؤره‌جه‌یی اوچون پلان(برنامه- پروگرام) تؤکر. او چوخ چالیشقاندی.

۵
https://t.me/Adabiyyatsevanlar

کیلاسین سون سیراسیندا اوتوران آیی دئدی:
-من ده عمی‌جانیم کیمی، ایستیرم مکانیک اولام.
معللیم دئدی:
- یاخشی. سن ده دئ گؤرک عمین هرگون نه ایش گؤرر؟
آیی دئدی:
-او هرگون سحر تئزدن دورار. عمیم چوخ ایشله‌یر. هرگون ایشلرینه برنامه تؤکر. بئکار قالاندا کیتاب اوخویار یا دا تلفنوندا ایشینه گؤره یئنی-یئنی بیلگی‌لره باخار. اونا گؤره، چوخ موشتریسی وار.

۶
https://t.me/Adabiyyatsevanlar

روزا فیکره دالدی. سئودییی بسکتبالیستین سؤزو یادینا دوشدو. او دونن روزایا دئدی:
-اگر ایستیرسن یاخشی بسکتبالیست اولاسان، گرک برنامه‌ن اولسون. هرگون چالیشاسان و چوخ اوخویاسان.
کیلاس سس‌سیز ایدی. بیردن روزا دئدی:
- بیلدیم!... آرزیلاریما چاتماق اوچون، چوخ چالیشمالییام، یاخشی ایشلر گؤرملی‌یم.
معللیم روزانی آلقیشلاییب دئدی:
- آفرین!...  گرک چوخ چالیشیب یاخشی ایشلر گؤره‌سن. مثلا برنامه تؤکه‌سن، اوخویاسان و جهد ائده‌سن.

۷

https://t.me/Adabiyyatsevanlar

روزا گولومسه‌ییب دئدی:
- اوشاقلار!.. بیلیرسیز نییه مدرسه‌یه گلیریک؟ نییه درس اوخوروق؟ چونکی اؤیره‌نیریک یاخشی ایشلره عادت ائدک‌ و آرزیلاریمیزا چاتاق.
او گوندن سونرا اوشاقلار مدرسه‌دن ائوه قاییدیب، مشقلرینی یازیردیلار. اونلار بیلیردیلر کی گرک یاخشی عادتلری اؤیره‌نسین‌لر. اوندا، هر ایشده باشاریلی اولارلار.

۸

https://t.me/Adabiyyatsevanlar

الویدا باکی

https://t.me/Adabiyyatsevanlar

بلکه ده یارپاق آغاجدان یورولوب ، پاییز بهانه دی...
https://t.me/Adabiyyatsevanlar

⬅️ آنبارا اوپوش ➡️

🔰:مرتضی مجدفر

https://t.me/Adabiyyatsevanlar

⬅️ آنبارا اوپوش ➡️

🔰:مرتضی مجدفر

قوجا کیشی، هامی‌نین یاتماسیندان و سس‌سمیرین سونا چاتماسیندان آرخایین اولاراق، ائله ایللر بویو یاشادیغی زئرزمیدن و اوتوردوغو یئردن، زئرزمی‌نین یوخاری حیصه‌سینده یئرلشن و گورونمه‌ین قاپی‌جیکه ساری سوزه‌لندی و کیچیک، گورونمز قاپینی آچدی. کیچیک قاپی‌نین آرخاسیندا یئرلشن بویوک آنبارین گورونمه‌سینه، هئچ بیر ایشیق لازیم دئییلدی. انبارین ایچریسینده اولان وروساییلین او قده‌ر پاریلتی‌سی وار ایدی کی همن قارانلیقدا دا گورونوردو. آنجاق هامیدان اونملی، آنبارین ایچینده اولان وسیله‌لر ایدی.
بو قیویر- زیویری آنباردا ساخلاماق، او یاشدا بیر قوجایا، عجیبه بیر ایش ایدی: بالاجا حربی گمی، تانک، جوربه‌جور اندازه‌لرده راکت‌لر، بالا- بویوک سیلاحلار، قومپارا، ال بومباسی، توفک و توفک گولله‌لری و حتی مختلف اندازه‌لرده پیلوت‌سوز اوچوش آپارات‌لاری.
ائله نظره گلیردی کی وسیله‌لرین هامیسی قیزیلدان‌دیرلار یا خود قیزیل سو ایله بویانیب‌لار.
قوجا کیشی، هر گئجه کی عادتی اوزه‌ره، بیر داها آنبارین ایچریسینه باخدی و دوداق‌لاری قاچمادان، گولومسندی. انجاق بیر آز سونرا هنده - ورینده بیر کسین اولماماسینی دوشونه‌رک، اوجا سسله قاققیلدادی، آنبارین قاپی‌سین باغلادی و ایللر بویو یاتدیغی و میتیله دونموش یورغان-‌ ‌دوشه‌یین اورتاسینا گیره‌رک، آز بیر زاماندا یوخویا جومدو.
بو وسیله‌لری آنبارا دولدورماغین سببی معلوم دئییلدی و او یاشدا بیر قوجایا بو وسیله‌لرین ساخلاماسیندان نه لذت ایسه یاراناجاقمیش دا بللی اولمامیشدیر.
قوجا کیشی، او گئجه سون اولاراق آنبارین وسایلینه باخماسیندان و صاباح سحر یوخودان اویانماماسیندان خبرسیز ایدی. هم ده هفته‌ده اونا اوچ دونه یئییب - ایچمک و سورسات گتیرن قدیمکی دوستونون قصدیندن و ایللر بویو اونو ایزلمه‌سیندن هئچ نه بیلمیردی. او قوجانین حیاتینی ایزله‌یه‌رک، اونون اولوم خبرینی، اولومو اردیندا اولانلارا وئرمک و آنبارداکی وساییلدن اوز پایینی گوتورمک قصدینده ایدی، حال بو کی اونا آنبارداکی وساییلردن هئچ بیر پایین چاتماماق امکانی دا وار ایدی.

https://t.me/Adabiyyatsevanlar