اوشاق ادبیاتی
شهرام_گلکار
...کند مسجیدینین سس-یوکسلدیجیسیندن چیخان آذان سسی هر یئری بوروموشدو.
ایلییا کوچهده مسجیدین خئیلاق یئکه داروازاسینین آغزیندا داغینیق بینانین سکیسینین اوزرینده اوتوروب، ایستمسیز اؤن جبههده اولان آتاسینی دوشونوردو. او، اؤزو ده بیلمیردی آتاسینی دوشونمک ایستهینده، نییه همیشه یانیندا بومبا پارتلاییر، سونرا دا اؤلدویونو دوشونوردو. سونرا ایلییانین کیچیک و گؤزل قارا گؤزلری یاشاریردی. بو غریبه حیس اونو راحت قویموردو. ایلییانین آتاسی ایله دوستلوغو آتا-اوغلو باغیندان داها چوخ ایدی. ایلییا اؤزونه تانیش بو خیالدان چیخمامیشدی کی، هانسیسا بالاجا و نارین ال آرخادان اونون گؤزلرینی باغلادی؛ سونرا ایلگینج آمما تانیش بیر قیز سسی ایستهییردی دئیه کی، تاپ گؤرک من کیمم!؟ آنجاق شبنمین اللرینی ایسلادان گؤز یاشلاری بونا مانع اولدو. تئز اللرینی چکیب، دئدی: اولمایا قورخورسان آنقوتلارا بیر شئی اولا! او اولایدان آرتیق ایکی هفته گئچیر، هر شئی ده اؤز قایداسیندادیر. ترس گئدن بیر شئی اولسایدی خبریمیز اولاردی. بیلیرم اورهیین یوخدور، آنجاق اؤزونو بو قدر اینجیتمهمهلیسن. شبنم بو سؤزلری دئییردی کی، بیردن مش رمضان اکهره یئره گئدیرمیش کیمی هر زامانکی ایشیقلی اوزو ایله کوچهنین باشیندا گؤروندو. او هئچ واخت دستاماز آلماق اوچون کوچهنین ایچینده قوللارینی یوخاری چیرمالامازدی. او آنجاق مسجیدین حیطینه گیرندن سونرا، اؤزو ده ال-اوز یوما اوتاغیندا ائدیردی. مش رمضان اوشاقلارین یانینا چاتار-چاتماز، ائلوین قاچاراق آرخاسینجا جلد یئتیشیب، هم اوشاقلارین هم ده هامینین سئویملیسی مش رمضانی اوجادان سلاملادی. اونلار ائلوینین یوکسک سسله سلامینا جاواب وئرمک ایستییردیلر، لاکین آنقوتلارین تلاش ایچینده بیرگه قاناد چیرپما سسی بونا مانع اولدو. هامیسینین باخیشی هئچ خوش گؤرونمهین منظرهیه دیکیلدی. شاینا و بولت دورمادان گؤیده یئر دییشدیریردیلر. اونلار خارابا ائوین دامیندان ائلئکتیریک دیرهیینین اوستونه و ائلئکتیریک دیرهیینین تپهسیندن ده کندین قاپی-باجا دیوارینا اوچوردولار. داواملی اولاراق بولتون باخیشی داغلارین آرخاسیندا ایدی، یازیق شاینا ایسه چیرپینیب دوروردو؛ قازا اوخشار سسی ایله اؤزونون ده باش آچمادیغی خوشا گلمز آنجاق تانیش بیر دورومو ایستهییردی یولداشینا آنلاتسین. آنلاتسین کی، او دا بولت کیمی هر شئیدن خبرسیزدی. نه ائدهسن کی، ائشیدهجک قولاق چوخدان تیخانمیشدی...
https://t.me/Adabiyyatsevanlar
شهرام_گلکار
...کند مسجیدینین سس-یوکسلدیجیسیندن چیخان آذان سسی هر یئری بوروموشدو.
ایلییا کوچهده مسجیدین خئیلاق یئکه داروازاسینین آغزیندا داغینیق بینانین سکیسینین اوزرینده اوتوروب، ایستمسیز اؤن جبههده اولان آتاسینی دوشونوردو. او، اؤزو ده بیلمیردی آتاسینی دوشونمک ایستهینده، نییه همیشه یانیندا بومبا پارتلاییر، سونرا دا اؤلدویونو دوشونوردو. سونرا ایلییانین کیچیک و گؤزل قارا گؤزلری یاشاریردی. بو غریبه حیس اونو راحت قویموردو. ایلییانین آتاسی ایله دوستلوغو آتا-اوغلو باغیندان داها چوخ ایدی. ایلییا اؤزونه تانیش بو خیالدان چیخمامیشدی کی، هانسیسا بالاجا و نارین ال آرخادان اونون گؤزلرینی باغلادی؛ سونرا ایلگینج آمما تانیش بیر قیز سسی ایستهییردی دئیه کی، تاپ گؤرک من کیمم!؟ آنجاق شبنمین اللرینی ایسلادان گؤز یاشلاری بونا مانع اولدو. تئز اللرینی چکیب، دئدی: اولمایا قورخورسان آنقوتلارا بیر شئی اولا! او اولایدان آرتیق ایکی هفته گئچیر، هر شئی ده اؤز قایداسیندادیر. ترس گئدن بیر شئی اولسایدی خبریمیز اولاردی. بیلیرم اورهیین یوخدور، آنجاق اؤزونو بو قدر اینجیتمهمهلیسن. شبنم بو سؤزلری دئییردی کی، بیردن مش رمضان اکهره یئره گئدیرمیش کیمی هر زامانکی ایشیقلی اوزو ایله کوچهنین باشیندا گؤروندو. او هئچ واخت دستاماز آلماق اوچون کوچهنین ایچینده قوللارینی یوخاری چیرمالامازدی. او آنجاق مسجیدین حیطینه گیرندن سونرا، اؤزو ده ال-اوز یوما اوتاغیندا ائدیردی. مش رمضان اوشاقلارین یانینا چاتار-چاتماز، ائلوین قاچاراق آرخاسینجا جلد یئتیشیب، هم اوشاقلارین هم ده هامینین سئویملیسی مش رمضانی اوجادان سلاملادی. اونلار ائلوینین یوکسک سسله سلامینا جاواب وئرمک ایستییردیلر، لاکین آنقوتلارین تلاش ایچینده بیرگه قاناد چیرپما سسی بونا مانع اولدو. هامیسینین باخیشی هئچ خوش گؤرونمهین منظرهیه دیکیلدی. شاینا و بولت دورمادان گؤیده یئر دییشدیریردیلر. اونلار خارابا ائوین دامیندان ائلئکتیریک دیرهیینین اوستونه و ائلئکتیریک دیرهیینین تپهسیندن ده کندین قاپی-باجا دیوارینا اوچوردولار. داواملی اولاراق بولتون باخیشی داغلارین آرخاسیندا ایدی، یازیق شاینا ایسه چیرپینیب دوروردو؛ قازا اوخشار سسی ایله اؤزونون ده باش آچمادیغی خوشا گلمز آنجاق تانیش بیر دورومو ایستهییردی یولداشینا آنلاتسین. آنلاتسین کی، او دا بولت کیمی هر شئیدن خبرسیزدی. نه ائدهسن کی، ائشیدهجک قولاق چوخدان تیخانمیشدی...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
اوشاق ادبیاتی
به هر کاری که علاقه وجود نداشته باشد انجام اون کار عذاب آور است ،برای یادگیری در کودکان ایجاد علاقه ازمهمترین چیزهاست.
https://t.me/Adabiyyatsevanlar
به هر کاری که علاقه وجود نداشته باشد انجام اون کار عذاب آور است ،برای یادگیری در کودکان ایجاد علاقه ازمهمترین چیزهاست.
https://t.me/Adabiyyatsevanlar
رسول اسمعیلیان
بسدیر بو قدر ادبیاتیمیزا ائتدییین خیانت!: ادبیاتا سرحد چەکمەیین معناسی نەدیر؟
https://t.me/Adabiyyatsevanlar
بسدیر بو قدر ادبیاتیمیزا ائتدییین خیانت!: ادبیاتا سرحد چەکمەیین معناسی نەدیر؟
https://t.me/Adabiyyatsevanlar
رسول اسمعیلیان
بسدیر بو قدر ادبیاتیمیزا ائتدییین خیانت!: ادبیاتا سرحد چەکمەیین معناسی نەدیر؟
سایمان آروز Kulis.az سایتینا وئردییی آچیقلامادا بیلدیریب کی، «ایران وطنداشی اولان شخصلر آذربایجاندا گئدن ادبی–اجتماعی پروسسلره مداخیلە ائتمک حاققینا مالک دییل.»
بو جملە یالنیز بیر شخصین مدافعهسی دییل، بو، ادبیاتین اؤزونە چکیلەن سددیر. نە قدر غریبە اولسا دا، بو آدام ادبیاتی دولت سرحدینە باغلاماغا چالیشیر، حالبوکی پوئزیا سرحدلری سیندیرماق اوچون یارانیب.
سؤزو گئدن شخص خریطهلر اوزورە بؤلونن خالقی بیر داها ادبیاتلا بؤلمک ایستهییر. سایمان بهی، سیز سؤزه خریطە چکیرسینیز.
جنوبی آذربایجان شاعیرینه «قاریشا بیلمەزسینیز» دئدیینیزده بیلمهلیسیز کی او قاپینین اوتاییندا دئییل، بلکه او قاپینی ساخلایان دیرکدیر، او ادبیاتینین کؤکودور. ائله سن بو کؤکون گوجوندن فایدالاناراق دانیشیرسان، سونرا او کؤکو چیخاریب تورپاقدان کنارا آتیرسان. وطنی جغرافیا فرض ائدیب، کؤکو اونودورسان.
شهریارین «حیدربابا»سی او «قاریشا بیلمز» شاعیرلرین نفسیدیر. بو نفس اولماسایدی، ادبیاتیمیزدان چوخ شئیلر اکسیک اولاردی. او نفسین ایچینده هم سنین آدینی داشیان دیل وار، هم ده سنین ادعا ائتدییین مسولیتین بوتون معناسی. ایندی سن او نفسی «ایجازەسیز هاوا» کیمی قلمه وئریرسن.
بیر شیی باشا دوشمورسن: حقیقت گئجیکسهده سوندا آشکارا چیخار. بسدیر بو قدر ادبیاتیمیزا ائتدییین خیانت!
اگر گؤنئیلی شاعر دانیشیرسا، بو مداخلە دییل؛ اونو سوسدورماق ایستەسن بیله، او سس داها درینه گئدهجک، چونکو پوئزیادا سوسدوغون هر شئی بیر گون سنین ایچینده دانیشماغا باشلایار.
ادبیاتا اجازە رژیمی تطبیق ائدن هر کس اونودور کی، پوئزیا اطاعت اوچون یوخ، گرچکلییی آیدینلاشدیرماق واسطەسیدیر. سۆز نە واخت یاساقلا قارشیلاشیرسا، او یاساغین آلتیندان یئنی بیر سس دوغولور. سن او یئنی سسی «خارجی تاثیر» آدلاندیریرسان. حالبوکو پوئزیانین ایچینده «خارجی» اولان تک شئی قورخودور.
و سن قورخونو سیاست کیمی تقدیم ائدیرسن. شر و بؤهتان آتماقلا سؤیلهدییین یالانلارین آرخاسیندا گیزلنیرسن.
ادبی محیطه سرحد چکمکله مشغول اولان بیریسیسن. گوجلو اولان ادبیاتین قارشیسینا دووار هؤرمز، حؤرمتله اونو ئئشیدر. گوجسوز اولان ایسه، ائشیتدییین تهلوکە کیمی دیهرلەندیرر.
گونئیلی شاعیرلرین سسی سنین اوچون «حاقسیز مداخله»دیرسه، دئمک سن پوئزیانی دولتله اؤلچورسن، خالقلا یوخ.
آنجاق بو خالق اوچون پوئزیا هیچ زامان دؤلتین مولکییتی اولماییب؛ بوتؤولویون، آزادلیغین و وجدانین سـسی اولوب...
بسدیر بو قدر ادبیاتیمیزا ائتدییین خیانت!: ادبیاتا سرحد چەکمەیین معناسی نەدیر؟
سایمان آروز Kulis.az سایتینا وئردییی آچیقلامادا بیلدیریب کی، «ایران وطنداشی اولان شخصلر آذربایجاندا گئدن ادبی–اجتماعی پروسسلره مداخیلە ائتمک حاققینا مالک دییل.»
بو جملە یالنیز بیر شخصین مدافعهسی دییل، بو، ادبیاتین اؤزونە چکیلەن سددیر. نە قدر غریبە اولسا دا، بو آدام ادبیاتی دولت سرحدینە باغلاماغا چالیشیر، حالبوکی پوئزیا سرحدلری سیندیرماق اوچون یارانیب.
سؤزو گئدن شخص خریطهلر اوزورە بؤلونن خالقی بیر داها ادبیاتلا بؤلمک ایستهییر. سایمان بهی، سیز سؤزه خریطە چکیرسینیز.
جنوبی آذربایجان شاعیرینه «قاریشا بیلمەزسینیز» دئدیینیزده بیلمهلیسیز کی او قاپینین اوتاییندا دئییل، بلکه او قاپینی ساخلایان دیرکدیر، او ادبیاتینین کؤکودور. ائله سن بو کؤکون گوجوندن فایدالاناراق دانیشیرسان، سونرا او کؤکو چیخاریب تورپاقدان کنارا آتیرسان. وطنی جغرافیا فرض ائدیب، کؤکو اونودورسان.
شهریارین «حیدربابا»سی او «قاریشا بیلمز» شاعیرلرین نفسیدیر. بو نفس اولماسایدی، ادبیاتیمیزدان چوخ شئیلر اکسیک اولاردی. او نفسین ایچینده هم سنین آدینی داشیان دیل وار، هم ده سنین ادعا ائتدییین مسولیتین بوتون معناسی. ایندی سن او نفسی «ایجازەسیز هاوا» کیمی قلمه وئریرسن.
بیر شیی باشا دوشمورسن: حقیقت گئجیکسهده سوندا آشکارا چیخار. بسدیر بو قدر ادبیاتیمیزا ائتدییین خیانت!
اگر گؤنئیلی شاعر دانیشیرسا، بو مداخلە دییل؛ اونو سوسدورماق ایستەسن بیله، او سس داها درینه گئدهجک، چونکو پوئزیادا سوسدوغون هر شئی بیر گون سنین ایچینده دانیشماغا باشلایار.
ادبیاتا اجازە رژیمی تطبیق ائدن هر کس اونودور کی، پوئزیا اطاعت اوچون یوخ، گرچکلییی آیدینلاشدیرماق واسطەسیدیر. سۆز نە واخت یاساقلا قارشیلاشیرسا، او یاساغین آلتیندان یئنی بیر سس دوغولور. سن او یئنی سسی «خارجی تاثیر» آدلاندیریرسان. حالبوکو پوئزیانین ایچینده «خارجی» اولان تک شئی قورخودور.
و سن قورخونو سیاست کیمی تقدیم ائدیرسن. شر و بؤهتان آتماقلا سؤیلهدییین یالانلارین آرخاسیندا گیزلنیرسن.
ادبی محیطه سرحد چکمکله مشغول اولان بیریسیسن. گوجلو اولان ادبیاتین قارشیسینا دووار هؤرمز، حؤرمتله اونو ئئشیدر. گوجسوز اولان ایسه، ائشیتدییین تهلوکە کیمی دیهرلەندیرر.
گونئیلی شاعیرلرین سسی سنین اوچون «حاقسیز مداخله»دیرسه، دئمک سن پوئزیانی دولتله اؤلچورسن، خالقلا یوخ.
آنجاق بو خالق اوچون پوئزیا هیچ زامان دؤلتین مولکییتی اولماییب؛ بوتؤولویون، آزادلیغین و وجدانین سـسی اولوب...
بیر شئیی اونوتدون: سؤزون کیمدن گلدییی واجب دییل، سؤزون گلدییی یئر، حقیقتدیر.
حقیقتین سـسینی بوغماق ایستهیهن یالنیز اؤز سـسینی ایتیرر. گونئیین شاعیری سنین اوچون «هاقسیز مداخله» اولا بیلر، آما ادبیات اوچون مین ایللیک یادداشین دیلیدیر. او دیل سوسماز، چونکو سنین تهلوکه ساندیغین شئی گونئی یازارلارین وارلیغیدیر.
بیر گون آنلایاجاقسان، سؤزه قاداغا قویان، شر و بؤهتان آتان آدام اؤزونو قوروماغا چالیشمیر، بلکە اوز ماهییەتینی گؤستەرمهیه چالیشیر. سن و سنین کیمیلر گونئیین نفسینی سوسدورا بیلمز. گونئیلی یازار اؤز گوجونه اینانیب و سنین کیمی ادبیات آلوئرچیلرینه سؤیكەنمهییب. اونوتمامالیسان کی، سؤزو قانداللاماق اولماز؛ سؤزون قارشیسیندا یالنیز مسولیت داشیماق اولار.
اگر بو گون گونئی دانیشیرسا، گونئیین تانینمیش ادبی سیمالاری دانیشیرسا، سنه دوشهن گؤرهو اونو دینلەمکدیر.
اگر سن تنقیده دؤزه بیلمیرسن، بو شخصی پرابلئمیندیر. آنجاق تنقید ائدەنلری «آنتی آذربایجان دایرهلری» آدلاندیرماق آرتیق ضعیفلیک دییل، مسولیتسیزلیکدیر. ادبی پروسسه کیم قاریشا بیلر و یا کیم قاریشا بیلمز دییه سیزمی معین ائدیرسینیز؟
ادبیات هیچ واخت بیر شخصین صلاحیتیله یاشاماییب. ادبیاتدا «اجازە» دییل، «یازماق جسارت» موجوودور. اگر بیر شاعر دانیشیرسا، اونون سـسینی کسمک سنین ایشین دییل، چونکو او سـس سنین یوخ، پوئزییانین اؤز وجدانینی تمثیل ائدیر. گونئی آذربایجان ادبیاتې بو خالقین روحوندا عکس اولونان ان قدیم گؤزگودور. خطایی، شھریار و … عینی دیلین، عینی سؤیون، عینی جغرافیانین پوئتیک و کیملیک یادداشیدیر. بو یادداشی «وطنداشلیق» قوتوسو ایچینده کلیدلەمک، پوئزیانی دولت سرحدینه تابع ائتمەک سؤز آزادلیغینا خیانتدیر.
آرتیق آدلاندیردیغین کومیسسیا و یا شؤبە بیرلەشدیرمكله مشغول دییل، بؤلمكله مشغولدور. ایللرله گونئیده تانینمیش بیر درنک ایچینده، تانینمیش ادبی سیمالارلا برابر چالیشمیشیق. آنچاق سایمان آروز کیمی بیر آدامی جدّی بیر ادبیاتچی کیمی و یا بیر شؤبهنین مودورو کیمی قبول ائدن گؤرمەمیشیک. چونکو اینستاگرامداکی جانلی یاییمدا بیلدیردییینیز کیمی، اؤزونوز اؤزونوزو باشقان تعیین ائتمیشیسینیز، هم ده گونئیلی شاعیرلرین خبری اولمادان…
سایمان آروزون جوملهلریندە باخیش آچیسې ائله بیزیم نفسیمیزی بوغان، سؤزوموزو بوغان، ایچیمیزدەكی قارانلیغی آیاغا قالدیرانلارین دیلیندن دانیشیر. هر کلمهسی تکجە سسلری بایكوت اوچون دییل، وجدانین سرحدلرینی دارالتماق مقصدینی داشیییر. بو دیل، سسسیزیلیین و قورخونون دیلی، و بیزیم آزاد نفسیمیزه چەكیلهن قاداغادیر.
https://t.me/Adabiyyatsevanlar
حقیقتین سـسینی بوغماق ایستهیهن یالنیز اؤز سـسینی ایتیرر. گونئیین شاعیری سنین اوچون «هاقسیز مداخله» اولا بیلر، آما ادبیات اوچون مین ایللیک یادداشین دیلیدیر. او دیل سوسماز، چونکو سنین تهلوکه ساندیغین شئی گونئی یازارلارین وارلیغیدیر.
بیر گون آنلایاجاقسان، سؤزه قاداغا قویان، شر و بؤهتان آتان آدام اؤزونو قوروماغا چالیشمیر، بلکە اوز ماهییەتینی گؤستەرمهیه چالیشیر. سن و سنین کیمیلر گونئیین نفسینی سوسدورا بیلمز. گونئیلی یازار اؤز گوجونه اینانیب و سنین کیمی ادبیات آلوئرچیلرینه سؤیكەنمهییب. اونوتمامالیسان کی، سؤزو قانداللاماق اولماز؛ سؤزون قارشیسیندا یالنیز مسولیت داشیماق اولار.
اگر بو گون گونئی دانیشیرسا، گونئیین تانینمیش ادبی سیمالاری دانیشیرسا، سنه دوشهن گؤرهو اونو دینلەمکدیر.
اگر سن تنقیده دؤزه بیلمیرسن، بو شخصی پرابلئمیندیر. آنجاق تنقید ائدەنلری «آنتی آذربایجان دایرهلری» آدلاندیرماق آرتیق ضعیفلیک دییل، مسولیتسیزلیکدیر. ادبی پروسسه کیم قاریشا بیلر و یا کیم قاریشا بیلمز دییه سیزمی معین ائدیرسینیز؟
ادبیات هیچ واخت بیر شخصین صلاحیتیله یاشاماییب. ادبیاتدا «اجازە» دییل، «یازماق جسارت» موجوودور. اگر بیر شاعر دانیشیرسا، اونون سـسینی کسمک سنین ایشین دییل، چونکو او سـس سنین یوخ، پوئزییانین اؤز وجدانینی تمثیل ائدیر. گونئی آذربایجان ادبیاتې بو خالقین روحوندا عکس اولونان ان قدیم گؤزگودور. خطایی، شھریار و … عینی دیلین، عینی سؤیون، عینی جغرافیانین پوئتیک و کیملیک یادداشیدیر. بو یادداشی «وطنداشلیق» قوتوسو ایچینده کلیدلەمک، پوئزیانی دولت سرحدینه تابع ائتمەک سؤز آزادلیغینا خیانتدیر.
آرتیق آدلاندیردیغین کومیسسیا و یا شؤبە بیرلەشدیرمكله مشغول دییل، بؤلمكله مشغولدور. ایللرله گونئیده تانینمیش بیر درنک ایچینده، تانینمیش ادبی سیمالارلا برابر چالیشمیشیق. آنچاق سایمان آروز کیمی بیر آدامی جدّی بیر ادبیاتچی کیمی و یا بیر شؤبهنین مودورو کیمی قبول ائدن گؤرمەمیشیک. چونکو اینستاگرامداکی جانلی یاییمدا بیلدیردییینیز کیمی، اؤزونوز اؤزونوزو باشقان تعیین ائتمیشیسینیز، هم ده گونئیلی شاعیرلرین خبری اولمادان…
سایمان آروزون جوملهلریندە باخیش آچیسې ائله بیزیم نفسیمیزی بوغان، سؤزوموزو بوغان، ایچیمیزدەكی قارانلیغی آیاغا قالدیرانلارین دیلیندن دانیشیر. هر کلمهسی تکجە سسلری بایكوت اوچون دییل، وجدانین سرحدلرینی دارالتماق مقصدینی داشیییر. بو دیل، سسسیزیلیین و قورخونون دیلی، و بیزیم آزاد نفسیمیزه چەكیلهن قاداغادیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
زررین رزندی(طنناز)
ای دهرده دائم قالان آواره اکینچی
اللر پینه لی،اوست باشی پاره اکینچی
آی سفره سی خالی،آی اوزو قاره اکینچی
کیمدیر سنه فیکر ائیلییه،بیچاره اکینچی؟؟
تک سن دَییسن،هاممی یانیر بو باسا باسدا
معدن چی سی معدن ده،معلم سه کلاسدا
واللاه ائله هاممی،قره گونده،قره یاسدا
یوخسول یانیری جامعه ده ناره اکینچی
آرپا اکیبَن،آی قاداسی،بوغدا بیچیلمز
تورپاقدان اَشی،گوُز یومولوب،ساده کئچیلمز
خان اولماسا ظالیم کی،دئو اینسانلا سئچیلمز
ارباب دئدیگین،تولکودو-مکاره اکینچی
سن دوز توُخوم اَک،دنیادا دای اوغرو تاپیلماز
دوز اَیرییه،اَیری دوزه،بیر بوُیله قاتیلماز
خلقین آرادا،مذهبی-ایمانی ساتیلماز
تسلیم قضا اول،کئچین آزاره اکینچی
قیسطیلا شه هَرده اَشی گَل،پیکانی آل سن
قیرخ مترییه،شهرِ اِرَمه،مَنبِحه سال سن
گاه شاه گوُلوده،باس گازا قارداش،ائله حال سن
تاپدیم سنه یوخ عقلیم ایله چاره اکینچی.
https://t.me/Adabiyyatsevanlar
ای دهرده دائم قالان آواره اکینچی
اللر پینه لی،اوست باشی پاره اکینچی
آی سفره سی خالی،آی اوزو قاره اکینچی
کیمدیر سنه فیکر ائیلییه،بیچاره اکینچی؟؟
تک سن دَییسن،هاممی یانیر بو باسا باسدا
معدن چی سی معدن ده،معلم سه کلاسدا
واللاه ائله هاممی،قره گونده،قره یاسدا
یوخسول یانیری جامعه ده ناره اکینچی
آرپا اکیبَن،آی قاداسی،بوغدا بیچیلمز
تورپاقدان اَشی،گوُز یومولوب،ساده کئچیلمز
خان اولماسا ظالیم کی،دئو اینسانلا سئچیلمز
ارباب دئدیگین،تولکودو-مکاره اکینچی
سن دوز توُخوم اَک،دنیادا دای اوغرو تاپیلماز
دوز اَیرییه،اَیری دوزه،بیر بوُیله قاتیلماز
خلقین آرادا،مذهبی-ایمانی ساتیلماز
تسلیم قضا اول،کئچین آزاره اکینچی
قیسطیلا شه هَرده اَشی گَل،پیکانی آل سن
قیرخ مترییه،شهرِ اِرَمه،مَنبِحه سال سن
گاه شاه گوُلوده،باس گازا قارداش،ائله حال سن
تاپدیم سنه یوخ عقلیم ایله چاره اکینچی.
https://t.me/Adabiyyatsevanlar
«منیم اسگریم»
یازان: سودابه سَروی
کوچورن:ویدا حشمتی
حاضیرلایان:ادبیات سئونلر
https://t.me/Adabiyyatsevanlar
یازان: سودابه سَروی
کوچورن:ویدا حشمتی
حاضیرلایان:ادبیات سئونلر
https://t.me/Adabiyyatsevanlar
«منیم اسگریم»
یازان: سودابه سَروی
کوچورن:ویدا حشمتی
حاضیرلایان:ادبیات سئونلر
ژنرال قاپیا دوغرو قالخیب گئدركن بیردن گئری دؤندو:
- منیم اسگریم، نه آییلارا، نه ده ایتلره!..
اورادا، او داغلارین آراخسیندا دوغما کندلری ایدی. بوز کیمی دیش گؤینهدن بولاقلاری وار ایدی. ایندی دوشمن گزیردی او یئرلرده. کندلری قاپ-قاﺭانلیق ایدی. آرادا نه ایسه کؤزریردی، دئیهسن سیگارئت یاندیریردیلار.
«گزین... گزین هله. بیر گون سیزی ایت قووان کیمی قوواجاغیق اورالاردان!»
اوتوماتی چیینینده او باش-بو باشا گزینمهیه باشلادی. چوخ صبیرسیز اولموشدو، دؤزه بیلمیردی. بیرجه امری کیفایتییدی کی، کندلرینی ایشغالدان آزاد ائتمک اوچون دؤیوشه آتیلسین.
حربی خدمتینین بیتمهسینه ایسه آز قالیردی. سونرا آیریلاجاقدی بورالاردان. بیر ده آللاه بیلیر، نه واخت گؤرهجکدی دوغما کندینی. بونو دوشوندوکجه چوخ اوزولوردو.
بیر آنلیق او ایللره، او قایغیسیز گونلره قاییتدی.
هر باهاردا ننهسی ایله ال-اله توتوب او گؤرونن داغا دیرماشاردیلار. اوّلجه اؤزو قوش کیمی قالخار، سونرا ننهسینی یوخاری دارتاردی. ننهسی دریندن نفس آلیب دئیردی:
- ساغ اول، آی بالا، عؤمرون اوزون اولسون!
آروادین قیرچین تومانی یام-یاشیل اوتلارین اوزهرینه سریلردی. بیر هووور نفس آلیب، آیاغا دورار، جوربهجور یابانی بیتکیلردن توپلار، توپلادیقجا اؤنلویون جیبلرینه دولدوراردی.
«بو اوتلار مینبیر دردین درمانیدیر» – دئیردی.
هونر سوروشاردی:
- ننه، کؤمک لازیمدیر؟
– یوخ، قادان آلیم، اؤزوم ائدهجم – دئیردی قاری.
هونر آشاغییا باخاردی. کندلری سانکی اووجونون ایچیندهیدی. الینی گؤزونون اوستونه قویوب دوغما کندینی سئیر ائدردی. اونا ائله گلردی کی، بو بالاجا كند دونیانین ان گؤزل یئریدیر. قوللارینی آچیب سانکی اوچاجاقمیش کیمی دایاناردی.
- ایح، آی بالا، دیلیم-آغزیم قوروسون، گؤزون قارالار، آشاغی دوشرسن!
– ننهسی قورخو ایچینده قیشقیراردی.
- قورخما، آی ننه، اوشاق دئییلم کی، ۷ یاشیم وارِ ائ…
ائح… نه گؤزل گونلریدی.
ایندی نه ننهسی واردی، نه ده دوغما کندی…
«آی آللاه! بیر گون كندیمیزه قاییتسام، تورپاغیمیزا دویا-دویا قوووشسام…»
دریندن کؤکس اؤتوردو. قارشی طرفه نظر سالدی. دیقَّتینی توپلادی
مئح اسدیکجه سرحد خطّیندهکی یولغون کوللارینی نارین-نارین دالغالاندیریردی.
هونره ائله گلدی کی بو یولغون کوللار، کولکدن ترپنمیر. اوزاقگؤرمه جیهازینی گؤزونه توتدو. بیر خیلی مشاهده ائتدی. هیچ نه گؤرمهدی.
«هانسیسا حئیواندی، یقین…»
یادینا باباسینین صؤحبتی دوشدو. باباسی حوسئینبالا باغیرلی سووئت دؤورونده اوتوز بئش ایل سرحد بؤلگهلرینده خدمت ائتمیش، ژنرال روتبهسینه قدر یوکسلمیشدی. سیبیرده سرحدچی کوماندیر ایشلهینده باشینا قریبه حادثه گلیبمیش.
بیر روس ضابیطله نؤوبهده ایمیش. هنیرتی ائشیدیر. یئکه بوز آیینین یاواش-یاواش سرحد زولاغینا طرف گلدیگینی گؤرور. ایلک باخیشدا اصل آیییا اوخشاسا دا، حوسئینبالا شوبههلنیر. اونون ناراحاتچیلیغینی گؤرن روس ضابیطی دئییر:
«نه نادو بئسپوکویتسیا، باغیروف، اون ناستویاشی مئدوید!»(ناراحات اولما باغیروف، او حقیقی بیر آییدیر).
آیینین گزیشیندن حوسئینبالا بونون آیی ماسکاسی گئیمیش آدام اولدوغونو باشا دوشور. چوخ کئچمهدن جاسوس ایفشا اولونور و حوسئینبالا باغیرلییا «شرف میدالی» وئریلیر.
هونر هر دفه مرحوم باباسینین دیواردان آسیلی شکلینه باخاندا اونونلا غورور دویوردو.
او دا باباسی کیمی سرحدچی ایدی.
«نه تئز گَلیب کئچدی ایل یاریم؟!»– دوشوندو. سانکی دونن ایدی، ییغیشیب یولا سالیردیلار.
کیچیک قارداشی رووشن اوچون اسگر پالتاری آلمیشدی. بیلیردی کی ائوده هامی صبیرسیزلیکله اونو گؤزلهییر…
قفیل بیر هوروشمه سسی ائشیتدی. گئجهنین ساکیتلیگینی یاریب کئچن بو سس هونری خیاللاردان آییردی. باخیشلارینی تیکانلی مفتیللرین آراخاسینا تیکدی. جیهازلا باخدی. اوزاقدان بیر قارالتی گؤردو، دیقَّتله ایزلهمهیه باشلادی.
ایت ایدی. تورپاغی ایگلهیهرک گلیردی.
هونر ایتین حرکتلرینده قریبلیک حیس ائلهدی. ایت آرادا دایانیر، هاوانی قوخولاییر، قولاق وئریر، سونرا یولونا دوام ائلهییردی.
ایت نهیه قولاق وئریردی؟ هم ده آخی یولدا ایتین حرکتلری بئله لنگ اولمازدی… ایتین گؤزلرینده هئچ بیر قورخو دا یوخ ایدی.
هونر آنلادی کی بو، عادی ایت دئییل.
باباسینی خاطیرلادی و بیردن هر شیئی باشا دوشدو.
- گَل! – نیفرتله دئدی. – بابام آیییا سرحدی کئچمهیه ایمکان وئرمهمیشدی، من ده ایتلره ایمکان وئرمهیهجم!
یازان: سودابه سَروی
کوچورن:ویدا حشمتی
حاضیرلایان:ادبیات سئونلر
ژنرال قاپیا دوغرو قالخیب گئدركن بیردن گئری دؤندو:
- منیم اسگریم، نه آییلارا، نه ده ایتلره!..
اورادا، او داغلارین آراخسیندا دوغما کندلری ایدی. بوز کیمی دیش گؤینهدن بولاقلاری وار ایدی. ایندی دوشمن گزیردی او یئرلرده. کندلری قاپ-قاﺭانلیق ایدی. آرادا نه ایسه کؤزریردی، دئیهسن سیگارئت یاندیریردیلار.
«گزین... گزین هله. بیر گون سیزی ایت قووان کیمی قوواجاغیق اورالاردان!»
اوتوماتی چیینینده او باش-بو باشا گزینمهیه باشلادی. چوخ صبیرسیز اولموشدو، دؤزه بیلمیردی. بیرجه امری کیفایتییدی کی، کندلرینی ایشغالدان آزاد ائتمک اوچون دؤیوشه آتیلسین.
حربی خدمتینین بیتمهسینه ایسه آز قالیردی. سونرا آیریلاجاقدی بورالاردان. بیر ده آللاه بیلیر، نه واخت گؤرهجکدی دوغما کندینی. بونو دوشوندوکجه چوخ اوزولوردو.
بیر آنلیق او ایللره، او قایغیسیز گونلره قاییتدی.
هر باهاردا ننهسی ایله ال-اله توتوب او گؤرونن داغا دیرماشاردیلار. اوّلجه اؤزو قوش کیمی قالخار، سونرا ننهسینی یوخاری دارتاردی. ننهسی دریندن نفس آلیب دئیردی:
- ساغ اول، آی بالا، عؤمرون اوزون اولسون!
آروادین قیرچین تومانی یام-یاشیل اوتلارین اوزهرینه سریلردی. بیر هووور نفس آلیب، آیاغا دورار، جوربهجور یابانی بیتکیلردن توپلار، توپلادیقجا اؤنلویون جیبلرینه دولدوراردی.
«بو اوتلار مینبیر دردین درمانیدیر» – دئیردی.
هونر سوروشاردی:
- ننه، کؤمک لازیمدیر؟
– یوخ، قادان آلیم، اؤزوم ائدهجم – دئیردی قاری.
هونر آشاغییا باخاردی. کندلری سانکی اووجونون ایچیندهیدی. الینی گؤزونون اوستونه قویوب دوغما کندینی سئیر ائدردی. اونا ائله گلردی کی، بو بالاجا كند دونیانین ان گؤزل یئریدیر. قوللارینی آچیب سانکی اوچاجاقمیش کیمی دایاناردی.
- ایح، آی بالا، دیلیم-آغزیم قوروسون، گؤزون قارالار، آشاغی دوشرسن!
– ننهسی قورخو ایچینده قیشقیراردی.
- قورخما، آی ننه، اوشاق دئییلم کی، ۷ یاشیم وارِ ائ…
ائح… نه گؤزل گونلریدی.
ایندی نه ننهسی واردی، نه ده دوغما کندی…
«آی آللاه! بیر گون كندیمیزه قاییتسام، تورپاغیمیزا دویا-دویا قوووشسام…»
دریندن کؤکس اؤتوردو. قارشی طرفه نظر سالدی. دیقَّتینی توپلادی
مئح اسدیکجه سرحد خطّیندهکی یولغون کوللارینی نارین-نارین دالغالاندیریردی.
هونره ائله گلدی کی بو یولغون کوللار، کولکدن ترپنمیر. اوزاقگؤرمه جیهازینی گؤزونه توتدو. بیر خیلی مشاهده ائتدی. هیچ نه گؤرمهدی.
«هانسیسا حئیواندی، یقین…»
یادینا باباسینین صؤحبتی دوشدو. باباسی حوسئینبالا باغیرلی سووئت دؤورونده اوتوز بئش ایل سرحد بؤلگهلرینده خدمت ائتمیش، ژنرال روتبهسینه قدر یوکسلمیشدی. سیبیرده سرحدچی کوماندیر ایشلهینده باشینا قریبه حادثه گلیبمیش.
بیر روس ضابیطله نؤوبهده ایمیش. هنیرتی ائشیدیر. یئکه بوز آیینین یاواش-یاواش سرحد زولاغینا طرف گلدیگینی گؤرور. ایلک باخیشدا اصل آیییا اوخشاسا دا، حوسئینبالا شوبههلنیر. اونون ناراحاتچیلیغینی گؤرن روس ضابیطی دئییر:
«نه نادو بئسپوکویتسیا، باغیروف، اون ناستویاشی مئدوید!»(ناراحات اولما باغیروف، او حقیقی بیر آییدیر).
آیینین گزیشیندن حوسئینبالا بونون آیی ماسکاسی گئیمیش آدام اولدوغونو باشا دوشور. چوخ کئچمهدن جاسوس ایفشا اولونور و حوسئینبالا باغیرلییا «شرف میدالی» وئریلیر.
هونر هر دفه مرحوم باباسینین دیواردان آسیلی شکلینه باخاندا اونونلا غورور دویوردو.
او دا باباسی کیمی سرحدچی ایدی.
«نه تئز گَلیب کئچدی ایل یاریم؟!»– دوشوندو. سانکی دونن ایدی، ییغیشیب یولا سالیردیلار.
کیچیک قارداشی رووشن اوچون اسگر پالتاری آلمیشدی. بیلیردی کی ائوده هامی صبیرسیزلیکله اونو گؤزلهییر…
قفیل بیر هوروشمه سسی ائشیتدی. گئجهنین ساکیتلیگینی یاریب کئچن بو سس هونری خیاللاردان آییردی. باخیشلارینی تیکانلی مفتیللرین آراخاسینا تیکدی. جیهازلا باخدی. اوزاقدان بیر قارالتی گؤردو، دیقَّتله ایزلهمهیه باشلادی.
ایت ایدی. تورپاغی ایگلهیهرک گلیردی.
هونر ایتین حرکتلرینده قریبلیک حیس ائلهدی. ایت آرادا دایانیر، هاوانی قوخولاییر، قولاق وئریر، سونرا یولونا دوام ائلهییردی.
ایت نهیه قولاق وئریردی؟ هم ده آخی یولدا ایتین حرکتلری بئله لنگ اولمازدی… ایتین گؤزلرینده هئچ بیر قورخو دا یوخ ایدی.
هونر آنلادی کی بو، عادی ایت دئییل.
باباسینی خاطیرلادی و بیردن هر شیئی باشا دوشدو.
- گَل! – نیفرتله دئدی. – بابام آیییا سرحدی کئچمهیه ایمکان وئرمهمیشدی، من ده ایتلره ایمکان وئرمهیهجم!
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
لاپ آز مسافه قالمیشدی. خبر وئرسهیدی، گئج اولاجاقدی. تدبیرلی اولماق، دوشمنی دویوق سالماماق لازیم ایدی. عادی بیر احتیاطسیزلیق بوتون ایشی کورلایا بیلردی.
اؤزونو ائله گؤستردی کی، اونون ایت اولدوغونو ظن ائدیر.
اوجادان «ساری گلین» ماهنیسینی زومزومه ائتمهگه باشلادی:
ساچین اوجون هؤرمزلر، ساری گلین
گولو سولو درمزلر، ساری گلین
ساری گلین، هئی ساری گلین
دوشمن دایانیب قولاق آسماغا باشلادی. غفلتاً اسگرین یئرینده اولمادیغینی گؤروب، قورخا-قورخا اطرافا بویلاندی:
«هارا گئتدی بو؟»
اسگرین اونو ایت ظن ائلهدیگینه یوز فاییز امین ایدی. یوخسا نییه ماهنی اوخومالیایمیش؟
ـ سسینی چیخارتما!!
باشینا دیرهنن تاپانچادان تلهیه دوشدغونو آنلادی.
ـ دوش قاباغیما ـ هونر دوشمنین قولاغینا پچیلدادی.
ایکی مئتر ایرهلیلمیشدی کی، ایت قیافهسی گئیمیش کشفیاتچی قفیل چئویریلیب، الیندهکی بیچاغی اونا آتدی. باشینی اگمهسهیدی، بیچاق دوز آلنینا ساپلاناجاقدی. اما سول بودونا ساپلاندی. گوجلو آغری حیسّ ائلهسه ده، هونر اؤزونو ایتیرمهدی.
قانی آخا-آخا ارمنینین اوستونه سیچرادی. یئنه باباسینی خاطیرلادی:
«بابام آیینی مغلوب ائلهدی، ایت! من ده سنی مغلوب ائلهیهجهیم!»
البهیاخا اولدولار. نه اولورسا اولسون، بو ایت دوشمن کشفیاتچی سرحدی کئچمهملییدی. معلوم ایشدی، بیر مقصدله کئچیردی — گوناهسیز اینسانلاری، قوجالاری، کؤرپهلری اؤلدورمک اوچون.
بلکی مئتروسوندا اولان پارتلایشلار گؤزونون قاباغینا گلدی. چوخلو گوناهسیز اینسانلار، کؤرپه اوشاقلار هلاک اولموشدو. خوجالی فاجعهسی گؤزونون اؤنونده جانلاندی… مینلرله گوناهسیز اینسانین قتلی.
یوخ! بونا قطعیاً یول وئره بیلمزدی.
نهایت، دوشمنی یئره ییخدی. کمرینی آچیب، ال-قولونو باغلادی.
چوخ قان ایتیرمشدی… یاراسی اونو اینجیدیر، نفس آلماقدا بئله چتینلیک چکیردی.
ننهسینین سسی قولاقلاریندا سسلندی:
«تورپاق شهید قانییلا یوغرولاندا مقدس اولور، آی بالا»
هونر حیس ائتدی کی، بو داغلار، بو اوتلار، او یابانی گوللر ننهسینین اللری کیمی مهرباندیر، دوغما دیر.
ننهسینین تندیردن چیخاردیغی، بوغلانا-بوغلانا، الی یانا-یانا سوفرهیه دوزدویو، اوستونه ادوالی بوغدا چؤرهیین عطری بورنونا گلدی. بیر آندا کنددگمیش کیمی قریبسهدی، اوشاقلیق خاطیرهلری یاغیش کیمی اوزهرینه یاغدی.
قونشو قیزا ـ گولسومه وورولدوغو واقتلاری خاطیرلادی. اوندا ۹ یاشی وار ایدی. او گؤزل قیز بیر نئچه ایل اؤنجه دوشمن گوللهسینین قوربانی اولموشدو. ایکی عمیسی دوشمنله دؤیوشده شهید اولموشدو. ننهسینین ایسه دؤزمهییب اورهیی پارتلامیشدی…
«تکی وطن ساغ اولسون» ـ هونر پچیلدادی. گؤزهتچیکؤشکوندن بویلانان چاووش مئهدی، هونری گؤرمهینده تعجبلندی. راتسییا(بیسیم) ایله چاغیرسا دا جواب آلا بیلمهدی. آشاغی دوشدو. اطرافا بویلاندی. قارشی طرفه ایرهلیلهدی، بو وقت اینیلتی ائشیتدی. الینی آوتوماتا آپاردی، فنرله اطرافی ایشیقلاندیریب باخدی ـ گؤزلرینه اینانمادی:
سرحد زولاغینین لاپ یاخینلیغیندا، هونر بیر دوشمن کشفیاتچیسینین ال-آیاغینی باغلایاراق اونو ترک-سیلاح ائتمیشدی. اؤزو ایسه ال-قان ایچینده یئره ییخیلیب قالمیشدی.
چاووش یویورهرک هونری قوجاغینا گؤتوردو.
آغیر-آغیر نفس آلیردی.
ـ هونر! دایان، اؤزونو توپلا!
او ایسه طاقتسیز حالدا گؤزلرینی آچیب چاووشا باخدی. خفیفجه گولومسهدی. رووشنی خاطیرلادی- کیچیک قارداشینی. اونا آلدیغی اویونجاق اوتوماتی، اسگر پالتارینی، سرحدچی پاپاغینی…
ـ قوی منی یئره ـ گوجله دئیه بیلدی. خواهش ائدیرم، آناما هئچنه دئمهیین.
ـ ایندیجه سنی خستهخانایا آپاراجاغیق.. ساغالاجاقسان!
ـ بیلیرسن چاووش، او واخت بابام آیینین سرحدی کئچمهسینه ایمکان وئرمهمیشدی، من ده ایتلره سرحدی کئچمه سینه ایمکان وئرمهدیم. اونا دئدیم کی…
سؤزونو بیتیره بیلمهییب هوشونو ایتیردی.
چاووش حئیرتلندی. اسگرین ساییقلادیغینی ظنّ ائلهییردی:
ـ سن هانسی آییدان دانیشیرسان؟ بابان هانسی آیینی مغلوب ائلهمیشدی؟ هونر!
سس گلمهدی.
گؤزلرینی آچاندا اؤزونو آغ دیوارلی ایشیقلی اوتاقدا گؤردو. تاواندان بؤیوک لامپالار آسیلمیشدی. هاردا اولدوغونو آنلایا بیلمهدی.
ـ دوکتور! خسته اؤزونه گلدی!
طبّ باجیسی سئوینجک قیشقیردی. حکیملر باشینین اوزهرینه توپلایشدیلار.
«خسته خانادایام. بوردا نه ایشیم وار؟ نه باش وئریب؟»
هونر آنلاماغا چالیشیردی. بو واخت دهلیزدن چاووش مئهدینین سسی گلدی:
ـ جناب ژنرال! اونون باباسی هانسیسا آیینین سرحدی کئچمهسینه ایمکان وئرمهمیشدی. او دا اؤزونه سؤز وئریبمیش: ایتلره سرحدی کئچمهسینه ایمکان وئرمهیهجکمیش…
اؤزونو ائله گؤستردی کی، اونون ایت اولدوغونو ظن ائدیر.
اوجادان «ساری گلین» ماهنیسینی زومزومه ائتمهگه باشلادی:
ساچین اوجون هؤرمزلر، ساری گلین
گولو سولو درمزلر، ساری گلین
ساری گلین، هئی ساری گلین
دوشمن دایانیب قولاق آسماغا باشلادی. غفلتاً اسگرین یئرینده اولمادیغینی گؤروب، قورخا-قورخا اطرافا بویلاندی:
«هارا گئتدی بو؟»
اسگرین اونو ایت ظن ائلهدیگینه یوز فاییز امین ایدی. یوخسا نییه ماهنی اوخومالیایمیش؟
ـ سسینی چیخارتما!!
باشینا دیرهنن تاپانچادان تلهیه دوشدغونو آنلادی.
ـ دوش قاباغیما ـ هونر دوشمنین قولاغینا پچیلدادی.
ایکی مئتر ایرهلیلمیشدی کی، ایت قیافهسی گئیمیش کشفیاتچی قفیل چئویریلیب، الیندهکی بیچاغی اونا آتدی. باشینی اگمهسهیدی، بیچاق دوز آلنینا ساپلاناجاقدی. اما سول بودونا ساپلاندی. گوجلو آغری حیسّ ائلهسه ده، هونر اؤزونو ایتیرمهدی.
قانی آخا-آخا ارمنینین اوستونه سیچرادی. یئنه باباسینی خاطیرلادی:
«بابام آیینی مغلوب ائلهدی، ایت! من ده سنی مغلوب ائلهیهجهیم!»
البهیاخا اولدولار. نه اولورسا اولسون، بو ایت دوشمن کشفیاتچی سرحدی کئچمهملییدی. معلوم ایشدی، بیر مقصدله کئچیردی — گوناهسیز اینسانلاری، قوجالاری، کؤرپهلری اؤلدورمک اوچون.
بلکی مئتروسوندا اولان پارتلایشلار گؤزونون قاباغینا گلدی. چوخلو گوناهسیز اینسانلار، کؤرپه اوشاقلار هلاک اولموشدو. خوجالی فاجعهسی گؤزونون اؤنونده جانلاندی… مینلرله گوناهسیز اینسانین قتلی.
یوخ! بونا قطعیاً یول وئره بیلمزدی.
نهایت، دوشمنی یئره ییخدی. کمرینی آچیب، ال-قولونو باغلادی.
چوخ قان ایتیرمشدی… یاراسی اونو اینجیدیر، نفس آلماقدا بئله چتینلیک چکیردی.
ننهسینین سسی قولاقلاریندا سسلندی:
«تورپاق شهید قانییلا یوغرولاندا مقدس اولور، آی بالا»
هونر حیس ائتدی کی، بو داغلار، بو اوتلار، او یابانی گوللر ننهسینین اللری کیمی مهرباندیر، دوغما دیر.
ننهسینین تندیردن چیخاردیغی، بوغلانا-بوغلانا، الی یانا-یانا سوفرهیه دوزدویو، اوستونه ادوالی بوغدا چؤرهیین عطری بورنونا گلدی. بیر آندا کنددگمیش کیمی قریبسهدی، اوشاقلیق خاطیرهلری یاغیش کیمی اوزهرینه یاغدی.
قونشو قیزا ـ گولسومه وورولدوغو واقتلاری خاطیرلادی. اوندا ۹ یاشی وار ایدی. او گؤزل قیز بیر نئچه ایل اؤنجه دوشمن گوللهسینین قوربانی اولموشدو. ایکی عمیسی دوشمنله دؤیوشده شهید اولموشدو. ننهسینین ایسه دؤزمهییب اورهیی پارتلامیشدی…
«تکی وطن ساغ اولسون» ـ هونر پچیلدادی. گؤزهتچیکؤشکوندن بویلانان چاووش مئهدی، هونری گؤرمهینده تعجبلندی. راتسییا(بیسیم) ایله چاغیرسا دا جواب آلا بیلمهدی. آشاغی دوشدو. اطرافا بویلاندی. قارشی طرفه ایرهلیلهدی، بو وقت اینیلتی ائشیتدی. الینی آوتوماتا آپاردی، فنرله اطرافی ایشیقلاندیریب باخدی ـ گؤزلرینه اینانمادی:
سرحد زولاغینین لاپ یاخینلیغیندا، هونر بیر دوشمن کشفیاتچیسینین ال-آیاغینی باغلایاراق اونو ترک-سیلاح ائتمیشدی. اؤزو ایسه ال-قان ایچینده یئره ییخیلیب قالمیشدی.
چاووش یویورهرک هونری قوجاغینا گؤتوردو.
آغیر-آغیر نفس آلیردی.
ـ هونر! دایان، اؤزونو توپلا!
او ایسه طاقتسیز حالدا گؤزلرینی آچیب چاووشا باخدی. خفیفجه گولومسهدی. رووشنی خاطیرلادی- کیچیک قارداشینی. اونا آلدیغی اویونجاق اوتوماتی، اسگر پالتارینی، سرحدچی پاپاغینی…
ـ قوی منی یئره ـ گوجله دئیه بیلدی. خواهش ائدیرم، آناما هئچنه دئمهیین.
ـ ایندیجه سنی خستهخانایا آپاراجاغیق.. ساغالاجاقسان!
ـ بیلیرسن چاووش، او واخت بابام آیینین سرحدی کئچمهسینه ایمکان وئرمهمیشدی، من ده ایتلره سرحدی کئچمه سینه ایمکان وئرمهدیم. اونا دئدیم کی…
سؤزونو بیتیره بیلمهییب هوشونو ایتیردی.
چاووش حئیرتلندی. اسگرین ساییقلادیغینی ظنّ ائلهییردی:
ـ سن هانسی آییدان دانیشیرسان؟ بابان هانسی آیینی مغلوب ائلهمیشدی؟ هونر!
سس گلمهدی.
گؤزلرینی آچاندا اؤزونو آغ دیوارلی ایشیقلی اوتاقدا گؤردو. تاواندان بؤیوک لامپالار آسیلمیشدی. هاردا اولدوغونو آنلایا بیلمهدی.
ـ دوکتور! خسته اؤزونه گلدی!
طبّ باجیسی سئوینجک قیشقیردی. حکیملر باشینین اوزهرینه توپلایشدیلار.
«خسته خانادایام. بوردا نه ایشیم وار؟ نه باش وئریب؟»
هونر آنلاماغا چالیشیردی. بو واخت دهلیزدن چاووش مئهدینین سسی گلدی:
ـ جناب ژنرال! اونون باباسی هانسیسا آیینین سرحدی کئچمهسینه ایمکان وئرمهمیشدی. او دا اؤزونه سؤز وئریبمیش: ایتلره سرحدی کئچمهسینه ایمکان وئرمهیهجکمیش…
ژنرال اوتاغا داخل اولدو. الینی هونرین چیینینه قویوب گولومسهدی و قهرمانلیغی اوچون تشککور ائتدی. سونرا علاوه ائتدی:
اسگر، سن حاقلیسان! بابالاریمیز آییلارا سرحدی کئچمهیه ایمکان وئرمهمیشدیلر، بیز ده ایتلرین کئچمهسینه ایمکان وئرمهملیییک!
ژنرال آیاغا قالخیب، قاپییا دوغرو گئدرکن بیردن گئری دؤندو. گؤزلرینی هونرین اوزونه دیکدی و قیسا بیر جومله ایله دئدی:
منیم اسگریم، نه آییلارا، نه ده ایترلره!
ائپیلوق
مکتوب (شهید عمیلریمه)
عزیز عمیجانلار! بو مکتوبو یازماق منه آسان دییل. اما ایچیمدهکی یوکو یونگوللشدیرمک اوچون یازمالییام.
منی تانیرسیز — هونرم! همیشه آرخانیزجا باخیب غورور دویان او اوشاق. سیز دؤیوشه گئدهنده من حیطیمیزده اویونجاق سیلاحلا دوشمن «ووروردوم». هر دفه ائولره شهید خبری گلنده کندین سسسیزلیینده چوخ شئیی قیریلیردی. اما ننهم دئیردی: «سیزین قانینیز تورپاق اوچون سو اولوب»
عمیلر، من ده او یولو گئتدیم. بیر گئجه دوشمن سرحدی کئچمک ایستهینده قارشیسیندا دایاندیم. ایت پالتاری گئیمیش بیر کشفیاتچی ایدی. بابامین «آیی» ایله موباریزهسی یادیما دوشدو. من سؤز وئرمیشدیم: بابام نئجه آیییا ایمکان وئرمهییبسه، من ده ایته وئرمهیهجهیم!
یارالاندیم. قان ایتیردیم، اما دایانمادیم. اللرینی باغلادیم، گؤزلریمین اؤنوندن کندیمیز، اوشاقلیغیمیز، یاخینلاریمیز کئچدی. هر شئیی قلبیمده ایدی — گولسومون گولوشو، آنامین و ننهمین گوزیاشلارینین سسی، رووشنین بالاجا اللری...
ایندی ساغام. اما یارا ایزی بودومدا قالیب. اصلی یارا بدنده دییل، قلبده اولور.
عمیلر! من ایندی ائودهیم. کندیمیز هله ده ایشغالدادیر. اما آند ایچیرم، سیزین یاریمچیق قالمیش دؤیوشونوز بیر گون تاماملاناجاق! بیز قاییداجاغیق! او داغلارین آرخاسینداکی ائولریمیزه، بولاقلاریمیزا، باغچالاریمیزا، قبیرلریمیزه!
۲۰۱۵
https://t.me/Adabiyyatsevanlar
اسگر، سن حاقلیسان! بابالاریمیز آییلارا سرحدی کئچمهیه ایمکان وئرمهمیشدیلر، بیز ده ایتلرین کئچمهسینه ایمکان وئرمهملیییک!
ژنرال آیاغا قالخیب، قاپییا دوغرو گئدرکن بیردن گئری دؤندو. گؤزلرینی هونرین اوزونه دیکدی و قیسا بیر جومله ایله دئدی:
منیم اسگریم، نه آییلارا، نه ده ایترلره!
ائپیلوق
مکتوب (شهید عمیلریمه)
عزیز عمیجانلار! بو مکتوبو یازماق منه آسان دییل. اما ایچیمدهکی یوکو یونگوللشدیرمک اوچون یازمالییام.
منی تانیرسیز — هونرم! همیشه آرخانیزجا باخیب غورور دویان او اوشاق. سیز دؤیوشه گئدهنده من حیطیمیزده اویونجاق سیلاحلا دوشمن «ووروردوم». هر دفه ائولره شهید خبری گلنده کندین سسسیزلیینده چوخ شئیی قیریلیردی. اما ننهم دئیردی: «سیزین قانینیز تورپاق اوچون سو اولوب»
عمیلر، من ده او یولو گئتدیم. بیر گئجه دوشمن سرحدی کئچمک ایستهینده قارشیسیندا دایاندیم. ایت پالتاری گئیمیش بیر کشفیاتچی ایدی. بابامین «آیی» ایله موباریزهسی یادیما دوشدو. من سؤز وئرمیشدیم: بابام نئجه آیییا ایمکان وئرمهییبسه، من ده ایته وئرمهیهجهیم!
یارالاندیم. قان ایتیردیم، اما دایانمادیم. اللرینی باغلادیم، گؤزلریمین اؤنوندن کندیمیز، اوشاقلیغیمیز، یاخینلاریمیز کئچدی. هر شئیی قلبیمده ایدی — گولسومون گولوشو، آنامین و ننهمین گوزیاشلارینین سسی، رووشنین بالاجا اللری...
ایندی ساغام. اما یارا ایزی بودومدا قالیب. اصلی یارا بدنده دییل، قلبده اولور.
عمیلر! من ایندی ائودهیم. کندیمیز هله ده ایشغالدادیر. اما آند ایچیرم، سیزین یاریمچیق قالمیش دؤیوشونوز بیر گون تاماملاناجاق! بیز قاییداجاغیق! او داغلارین آرخاسینداکی ائولریمیزه، بولاقلاریمیزا، باغچالاریمیزا، قبیرلریمیزه!
۲۰۱۵
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
گواهینامه دوچرخه سواری سال ۱۳۲۴ (عکس)
رانندگان دوچرخه برای اخذ گواهینامه از شهربانی باید از عهده امتحانات لازمه دوچرخه سواری برآیند و سن آنها کمتر از سیزده سال نباشد
https://t.me/Adabiyyatsevanlar
رانندگان دوچرخه برای اخذ گواهینامه از شهربانی باید از عهده امتحانات لازمه دوچرخه سواری برآیند و سن آنها کمتر از سیزده سال نباشد
https://t.me/Adabiyyatsevanlar
قوچ ایگید دایی سینا چکر،خانیم قیز بی بی سینه،هرزادیمیز بیر- بیرینه اوخشاییر ،قم دا یاغیش نامازی قیلدیق،گیلان دا بولودلارا یاغماق اویرتدیک یاغیش ترکمنستانا یاغدی،
لاهیجاندا بانک سینادا حساب آچدیم ، دئدیلر: کارتینی تهراندان گوندره جک لر،آللاه ائله یه کارتیم کابلا ،قندهارا گئتمه یه.
اشی سیزی دینینیز ،اینامینیز هئچ اولماسا بیر ایشی ده دوز گورون،ندن بیزی بیر بئله اینجیدیرسینیز؟،کارت چیخاندان کارتی هر بانک اوز شعبه سینده وئریر دی نه اولدو بیردن -بیره ساده جه بیر کارتی دا گرک تهراندان گوندره لر؟!!!
https://t.me/Adabiyyatsevanlar
لاهیجاندا بانک سینادا حساب آچدیم ، دئدیلر: کارتینی تهراندان گوندره جک لر،آللاه ائله یه کارتیم کابلا ،قندهارا گئتمه یه.
اشی سیزی دینینیز ،اینامینیز هئچ اولماسا بیر ایشی ده دوز گورون،ندن بیزی بیر بئله اینجیدیرسینیز؟،کارت چیخاندان کارتی هر بانک اوز شعبه سینده وئریر دی نه اولدو بیردن -بیره ساده جه بیر کارتی دا گرک تهراندان گوندره لر؟!!!
https://t.me/Adabiyyatsevanlar
محرم پریزاد"سورگون"
پنجره:
نیفرت آدلی-
داشلارینلا
کؤنلوم ائوین توشلاییبان-
داشا باسما.
ساقین بیر آز،
بیر اَل ساخلا-
گئری قاییت.
یوخسا یقین
گؤیَرچینلر حسرتینده،
آچیق قالمیش پنجرهمین،
شوشهسینی-
سیندیرارسان-
سیندیراسان!
https://t.me/Adabiyyatsevanlar
پنجره:
نیفرت آدلی-
داشلارینلا
کؤنلوم ائوین توشلاییبان-
داشا باسما.
ساقین بیر آز،
بیر اَل ساخلا-
گئری قاییت.
یوخسا یقین
گؤیَرچینلر حسرتینده،
آچیق قالمیش پنجرهمین،
شوشهسینی-
سیندیرارسان-
سیندیراسان!
https://t.me/Adabiyyatsevanlar
رحیم گوزل
1
کدرلی کونوله
توختاقلیق وئریر؛
گئجه دوروب
باخینجادان
گویده
پار-پار پاریلدایان اولدوزلاری
سئیر ائلهمک.
یوخسا،
قان چکیر دئمک!
بیر دوغمالیق وار دئیه،
اینسانلارلا - اولدوزلارین
آراسیندا...
2
سئوینجیم
سئوینجیندن آسیلیدیر،
کدریم
کدریندن؛
یانیب کوله دوندوم من،
آه، قیلیقسیز قدریندن
آه!..
https://t.me/Adabiyyatsevanlar
1
کدرلی کونوله
توختاقلیق وئریر؛
گئجه دوروب
باخینجادان
گویده
پار-پار پاریلدایان اولدوزلاری
سئیر ائلهمک.
یوخسا،
قان چکیر دئمک!
بیر دوغمالیق وار دئیه،
اینسانلارلا - اولدوزلارین
آراسیندا...
2
سئوینجیم
سئوینجیندن آسیلیدیر،
کدریم
کدریندن؛
یانیب کوله دوندوم من،
آه، قیلیقسیز قدریندن
آه!..
https://t.me/Adabiyyatsevanlar
✍️ :ائلمان_موغانلی
پوست_مودئرن
اَللریمیز بیر-بیرینه توخوندوقدا
سؤزلر قاریشیر
سانکی اردبیلین گون باتانی
شعر ده قاچیر
شورابیل قیراغی.
ایپک ساچلارین
باغلی بیر سورغو
چؤزمهیه چالیشدیغیم هر کره
هر یئر یانیت
آنجاق بیر یانیت دا یوخ.
سانکی شَهَر اورتاسی
شانلی بالیقلی چای
بالیق توتماق دوشوندوگونده
چایی آختاریرسان
آختاریرسان
و تاپمیرسان.
شعر
ایشیقلانیر بیر آنلیق
سونرا چیغیریر:
من
باشلانمامیشام.
https://t.me/Adabiyyatsevanlar
پوست_مودئرن
اَللریمیز بیر-بیرینه توخوندوقدا
سؤزلر قاریشیر
سانکی اردبیلین گون باتانی
شعر ده قاچیر
شورابیل قیراغی.
ایپک ساچلارین
باغلی بیر سورغو
چؤزمهیه چالیشدیغیم هر کره
هر یئر یانیت
آنجاق بیر یانیت دا یوخ.
سانکی شَهَر اورتاسی
شانلی بالیقلی چای
بالیق توتماق دوشوندوگونده
چایی آختاریرسان
آختاریرسان
و تاپمیرسان.
شعر
ایشیقلانیر بیر آنلیق
سونرا چیغیریر:
من
باشلانمامیشام.
https://t.me/Adabiyyatsevanlar