"فاطمه_ملک_زاده"

می گویند هر سوالی به گوگل بدهی
جوابت را میدهد
گوگل آیا جوابِ عشق را بلد ست؟
که من مثل عکاسِ کهنه کاری که
آرشیوش آتش گرفته
سارِ سر زده ام به تماشای مردی که
زنبورها را دود میدهد
اما می‌دانم زندگی موزیکِ پِلیرت نیست
که به سازِ دلت برقصی
گاهی ترا جا میگذارد
حالا زیر‌ِ شبم
و ماه مثلِ مردی که حافظه کوتاه مدتش را از دست داده
نمی‌داند که
من درختِ مومیا با صمغِ سیاهم
تنها در صخره
و در آغوشش گرفته ام
که پلنگ او را ندرّد
ماه سرکه هفت ساله
دارویی که درمانم میکند
های دامادی که از زیرِ قرآن و دودِ اسپند رد میشوی
لامروت صبر کن ابر بگذرد
میتوانی ماه را در مُشت بگیری
و  نار بزنی
برایِ مردمانی که
در تاریکی مانده اند

https://t.me/Adabiyyatsevanlar

محمدرضا_عبدالملکیان

دل روشنی دارم ای عشق
صدایم کن از هر کجا می توانی
صدا کن مرا از صدف های سرشار باران
صدا کن مرا از گلوگاه سبز شکفتن
صدایم کن از خلوت خاطرات پرستو...
بگو پشت پرواز مرغان عاشق چه رازی است؟
بگو با کدامین نفس
می توان تا کبوتر سفرکرد؟
بگو با کدامین افق
می توان تا شقایق خطر کرد؟


https://t.me/Adabiyyatsevanlar

حسن‌بابایی ( عجب‌شئرلی)

قیزیل‌آتیم‌ادلی‌" الف- نورانلی" نین ناغیلیندان
تاثیر‌لنرک‌یازیلدی

ال‌لری قوینوندا ،بوینو چینین‌ده
یاشایش‌آنلارین‌ساناماقدادی
طالع‌قیزیل‌آتا یاردیم اولمادی
دابانی - دیرسه‌یی قاناماقدادی

اعتراف‌ائدرکن‌یاشیرام دئدی
چتین‌لیک قارشیندا اییلمز‌اولدو
قیچلاری‌قانادا دوءندو ندنسه
ان‌گوزل‌چاغلاری‌آچمامیش‌سولدو

قیزیل‌گوزدن دوشوب‌مفرغ‌سایاغی
ییه‌سی نوکره‌سات‌گئتسین دئدی
داشقاچی‌صفره‌ساتیلدی قیزیل
آرپانین‌یئرینه آت سامان‌ یئدی

قیزیل‌آت‌ اوءزونو دویارکن آندی
اوءلومو اوءزونه چاره‌دوشوندو
سامان‌دان گوز یوموب آجلیغا دوءزدو
بوغازی بیچیلیب چیراغی سوندو

اوءلوم‌وار یاشام‌دان اوستون‌ساییلار
داریخا‌- داریخا یاریشماق اولماز
چوخونا یاراشماز‌اوز‌اوسته دوشوب
قان‌قوسوب دوشمنله‌باریشماق اولماز

مینت‌له یاشام‌دان اوءلوم یئی‌دیر‌یئی
بعضا اوءلوم‌واردیر یاشام‌دان‌اولو
" جنون" لا" نبوغ" ون آراسیندادیر
یاشام‌دان ال اوزوب اولاسان اوءلو.
https://t.me/Adabiyyatsevanlar

علی- رشتبر "قاییب"

نیه اوتورموشوق ؟ گئدک بورادان،
هامیدان غریبه هامیدان اوزاق .
سن گتیر کاغیذین منسه قلمین،
بیر شعیر باشلایاق برابر یازاق،
هامیدان غریبه هامیدان اوزاق .

بیر سازی گؤتورک بیر قارا تاری ،
ائله یولا دؤشک کئف اتسین تاری،*
فرهادین قازدیغی قایالیقلاری،
قول-قولا، ایکیمیز برابر قازاق ،
هامیدان غریبه، هامیدان اوزاق.

دئمه‌یک کی کئچدی عؤمور گون، آمان!!!!
قوی بیزی آختارسین اؤزو بو زامان ،
نه قیشدان چکینک نه شاختالیقدان،
یؤنه‌لک اورایا هارداسا سازاق،
هامیدان غریبه هامیدان اوزاق.

ائله بیر جیغیردا جوشوب چاغلایاق_
_کی آشْکار دویونجا دوشوب آغلایاق.
شرین قاپیسنیا  قیفیل باغلایاق،
خیلقتین یوخوسون خئییره یوزاق ،
هامیدان غریبه هامیدان اوزاق.

اویمایاق بو خالقین عاغیللارینا،
یالانچی و ساختا ساغ اوللارینا...
گیرک ملیک ممد ناغیللارینا،
گئدک بو شهردن اوزاقدا آزاق ،
هامیدان غریبه ، هامیدان اوزاق.

*تاری: تانری

https://t.me/Adabiyyatsevanlar

گوزومو یولدا قویان یار...


https://t.me/Adabiyyatsevanlar

آبان آینین 19 صفرخان قهرمانیان بیزدن آیریلدی

صفرخان قهرمانیان وطنین ماندلاسی نین ابدی خاطیره سینه عشق اولسون.

https://t.me/Adabiyyatsevanlar

«کریم قربانزاده»

گل‌‌! دوستون گئتدی ( صفرخان قهرمانیان )

   بیلیرم نئچه گون  یوبانسامدا خان منی باغیشلایار. آبان آییندان نئچه گون کئچمیشدی. پاییز  باغچالاری، باغ‌لاری، گول-چیچک‌لری، گؤی‌لره باش قالدیران آغاج‌لاری سویوندوروب لوت ائلمیشدی. بو پاییزین قدیمی عادتیدیر.
قافلانتی‌نین گون باتانیندان بیر گؤزل سسلی موغننی قوناغیم ایدی. هرساعات باشی دئیردی: صاباح «صفر خانین» گؤروشونه گئدک. بوندان یاخشی اولا بیلمزدی. «خانین» گؤروشو هر زامان منه سئویندریجی ایدی. سحر چاغی ساعات اون هنده‌ورینده «خانین» گؤروشونه چاتدیق. خزان وورموش بیر چینار کیمی پاییزا اینانمادان ساپ ساری سارالمیشدی. دوستاق‌لارین یادیگاری کوهنه سیل خسته‌لیگی، صفرخانا یوروش گتیرمیشدی. قوناغیمی تانتدیردیب، دئدیم: خان دوستوموز موغننی دیر، قافلانتی دان، قیز کؤرپوسوندن گلیب.
یولداش‌لاردان سالام گتیریب.
قیز کؤرپوسو، قافلانتی، یولداش‌لار سانکی «صفرخاندا» مورگولوین خاطیره‌لری اویاتدی.  ائله بیل خسته جانینا یئنی بیر جان جالادیلار. گؤزلری ایشیقلاندی، یئرینده دیکه‌لدی، خاطیره‌لر گؤزونون اؤنونده جانلاندی، او گون‌لره گئتدی. آت بئلینده گنج فدایی، باشیندا پاپاق، چینینده توفنگ,، الینده فرمان، کؤنلونده اینام، آشیردی داغ‌لاردان یئل کیمی، آخیردی دره‌لردن سئل کیمی، دایانمادان، دورمادان...
بیردن اؤزونه گلیب، دئدی: او کؤرپونو بیز پارتلاتدیق. بیر آز خاطیره دئیندن سونرا بیردن دئدی: دئییردین قوناغین موغننی دیر، اوخوسون گؤره‌ک. قوناغیم اوخوماغا باشلادی:
عزیز دوستوم مندن کوسوب، اینجیدی
آیریلیب، یاد کیمی چیخدی ائویمدن،...
دوست گئدیب اوزومه گله
بیلمیرم،
ائله بیل ال‌لریم یوخوموش منیم گؤزومون یاشینی سیله بیلمیرم...
بو سؤزلری ائشیدن کیمی خانین قیافه‌سی چوندو. قاش-قاباغی ساللاندی، ایشی بئله گؤرمک همان دوستومدان بیر "قوچ کوراوغلو" ایسته‌دیم.
خواننده فوری هاوانی چئویردی: هانی منیم قوچ کور اوغلوم
گله گیره بو میدانا، بو میدانا...
سس اوسته گئتدیکده، خانین قیافه‌سی آچیلیردی.
تئز-تئزدئیردی: او نمنه ایدی بایاقدان میزلدیردین؟  
منه بو هاوالاردان اوخو با!
ساغ اول، ساغ اول، یاشاسین آذربایجان دیلیندن دوشموردی.
خان سئون هاوالاری دوستوما اوخوددوروردوم.  
خزان یئلی اوزون پنجریه چیرپیردی.
سانکی ائوه گیرمک خیالی واریدی. گئتمک واختی چاتمیشدی.
ندنسه گئتمه‌یم گلمیردی.
خاندان گوله-گوله آیریلدیق. آخشام باشی قوناغیمی یولا سالدیم. هله ائوه چاتمامیشدیم، تئلفونوم سسلندی: خانین حالی خراب اولدو، آپاردیق مهر خسته خاناسینا. صاباح آخشام خسته خانایا گئتدیم. شوشه‌نین دالیندان خانی گؤردوم. دئمه بو سون گؤروش ایمیش.
  ایکی گوندن سونرا آبان آیی‌نین 19‌_ندا اجل یئلی صفر خان قهرمانیانین قاپیسین دؤیدو. گولوموزو، گولشنیمیزی  تالان ووردو. یئنه یئرسیز تئلفونوم زنگ چالدی. اوره‌ییم یارپاق‌لار کیمی قیریلیب، دوشدو. «مهین» ایدی، خانین قیزی. یگانه یادیگاری.
آغلایا-آغلایا دئییردی: گل دوستون گئتدی...

https://t.me/Adabiyyatsevanlar

.«صفرخان قهرمانیان» 1300-1381

گرامی باد یاد و خاطره« صفر خان قهرمانیان»

بیست وسه سال از جدایی فرزند برومند مردم آذربایجان، قهرمان مبارزه با استبداد «صفر خان قهرمانیان» گذشت، ادبیات سئونلر بخشی ازمطالب امروز 19آبان ماه را به مناسبت بیست و سومین سالگرد ماندلای ایران و جهان به« صفر خان قهرمانیان» اختصاص خواهدداد.

https://t.me/Adabiyyatsevanlar

سوسن امینی

قارا گون

قارا گونون آتی
دؤردنالا چاپیر؛
حیاتین اوزو
آیاغ آلتیندا قارا قانچیر اولور.
قارا گونون
باخیشی قارانلیق
گؤزو دومانلیق
ایچی آغیر آجیلارلا دولو؛
اوره‌یینده قایناییر زه‌هرلی کین
نفه‌سی چیرکین...

قارا گونون ایچینده چادیر قوروب
بایراغینی سحرین دان یئریندن آسلاییر؛
دان یئری‌نین زیروه‌سینده
قارانلیغا ساواش آچیر؛
قاراگونون پاسلانمیش قیلینجی
قینیندا سوسور،
قاه- قاهاسی زیروه‌دن دوشور،
گولوشونون گؤز یاشلاری هاوادا دونور،
قارانلیق سؤنور...

ایشیغین تیتره‌مه‌سی
سحرین زیروه‌سینده سسله‌نن گونشین سسی
حیاتین
ان گؤزه‌ل نغمه‌سی!

https://t.me/Adabiyyatsevanlar

تانینمیش یازیچی،ادبیات شناس دوکتور"سلیم زحمت دوست "
ادبیات سئونلر گوزگوسونده

زمان: سه شنبه 1404,8,20
ساعات: 9
چکیلیش: ادبیات سئونلر

آپاریجی: کریم قربان‌زاده

https://t.me/Adabiyyatsevanlar

تانینمیش " یازیچی،ادبیات شناس دوکتور"سلیم زحمت دوست " ادبیات سئونلر گوزگوسونده6 سون

1404,8,20

چکیلیش:ادبیات سئونلر

آپاریجی :کریم قربان زاده

https://t.me/Adabiyyatsevanlar

یوبلئی (حیکایه)
✍یازان: عالم کنگرلی
کؤچورن: سحرخیاوی
حاضیرلایان: ادبیات‌سئونلر

سحرین آچیلماسینا آز قالیردی. ائوده‌ هامی یاتسا دا، جاوانشیر معللیمین گؤزونه یوخو گئتمیردی. اؤزو‌نون ۶۰ ایللیک یوبلئی‌یینه حاضیرلاشیردی. عؤمرونده ایلک دفعه دوغوم گونو‌نو گئنیش ترکیبده، طنطنه‌لی شکیلده قئید ائتمک ایسته‌ییردی. اساس ناراحاتلیغی اوندا ایدی کی، یوبلئی مجلیسینده بیر پرابلئم یاشانماسین. چوخ واخت باشقالارینین خئییر ایشینه قولپ قویدو‌غو اوچون عکس ضربه آلاجاغیندان احتیاط ائدیردی...

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

‌
یوبلئی (حیکایه)
✍یازان: عالم کنگرلی
کؤچورن: سحرخیاوی
حاضیرلایان: ادبیات‌سئونلر

سحرین آچیلماسینا آز قالیردی. ائوده‌ هامی یاتسا دا، جاوانشیر معللیمین گؤزونه یوخو گئتمیردی. اؤزو‌نون ۶۰ ایللیک یوبلئی‌یینه حاضیرلاشیردی. عؤمرونده ایلک دفعه دوغوم گونو‌نو گئنیش ترکیبده، طنطنه‌لی شکیلده قئید ائتمک ایسته‌ییردی. اساس ناراحاتلیغی اوندا ایدی کی، یوبلئی مجلیسینده بیر پرابلئم یاشانماسین. چوخ واخت باشقالارینین خئییر ایشینه قولپ قویدو‌غو اوچون عکس ضربه آلاجاغیندان احتیاط ائدیردی. نئجه دئیه‌رلر، تأثیر عکس تأثیره برابر دیر. حتی بیر دفعه جاماعات ایچینده یاخین دوْستو علی‌یه دئمیشدی کی، نئیه اوشاقلاری‌نی آیری-آیری سوننت ائله‌تدیریسن؟! بیرلیکده تمیزلتسه‌ن نه اولار؟! پول ییغماق اوچون ائدیرسن، دیلَندیگی‌نی بوینو‌نا آل، بیز ده ایشیمیزی بیلک. جاوانشیر معللیمین بو سؤزوندن سونرا او واختدان کندده علی‌نین آدی «سوننت علی» قالمیشدی. اودور کی، عینی عاقیبتی یاشاماسین دئیه جاوانشیر معللیم هر شئی‌یی جیددی-جهدله گؤتور-قوی ائدیردی. چالیشیردی کی، هر هانسی کیچیک بیر دئتال(فرعیات) بئله دیققتدن یایینماسین.
سیاهه چوخدان حاضیر ایدی. جاوانشیر معللیم کندین ان نفوذلو ضیا‌لی‌سی، آغ‌ساققاللی ساییلان مؤحتشم معللیمین آدینی باشدا یازمیشدی. اونو‌ن آردینجا دوْستلارین، قوهوملارین، قونشولارین آدی گلیر‌دی. ایکی آی قاباق کند مرکزین‌ده مؤحتشم معللیمی یانلاییب، «بیلیرسیز کی، من سیزی همیشه اؤزو‌مه آغ‌ساققال بیلمیشم. ایسته‌ییرم کی، مجلیسیمین باشیندا سیز اوتوراسیز»، دئیه‌رک راضیلیغینی آلمیشدی. دیگر قوناقلاری ایسه سون گونلرده دعوت ائتمیشدی. دعوتله باغلی قولا‌غینا بعضی گیلئی-گوزارلار چاتسا دا، وئجینه آلمامیشدی: «توی ائله‌میرم کی، هامینی باشیما ییغیم؟!»
جاوانشیر کیشی یئریندن قالخان کیمی سحر یئمه‌یینی یئمه‌دن کندده یگانه توی یئری اولان «دان اولدوزو» رئستورانی‌نا یوللاندی. اورادا گئجه حاضیرلیقلارینین قایدا‌سین‌دا اولدوغونو گؤره‌ند‌ن سونرا خئیلی راحاتلاشدی. ائوه قاییتدیقدان سونرا ساققالینی تراش ائدیب، اوزو‌نه اَل گزدیردی. اؤنجه کراخماللی، آغ رنگلی کؤینه‌یینی، سونرا ایسه عزیزله‌ییب سلیقه ایله دولابین بیر کونجو‌نده ساخلادیغی توند گؤی رنگلی کاستیومونو گئییندی. یادینا دوْشدو کی، آخیرینجی دفعه بو کاستیومو یئددی ایل قاباق اوغلو‌نو‌ن تویوندا گئیینمیشدی. گوزگویه باخاندا اؤزو‌ندن آسیلی اولمایارا‌ق، گؤزلری‌نین اؤنونده هله باشلانمایان یوبلئی مجلیسیندن اپیزودلار جانلانما‌غا، اونون‌حاقدا دئییلن خوْش سؤزلر، ساغلیقلار ائشیدیلمه‌گه باشلاندی. بوتون بونلار جاوانشیر معللیمین احوال-روحیه‌سینی خئیلی قالدیر‌دی.
اورتادا اسپیریتلی ایچکیدن توتموش، گازلی-گازسیز سویا قدر هر شئی وار ایدی. موختلیف سالادلار، گؤزل میوه‌لر، جوربه‌جور یئمکلر ده کی اوز یئرینده. آرتیق هر کس یئرینی توتموشدو، مجلیسه باشلاماق اولاردی. اوّلدن شرطلشدیک‌لری کیمی مجلیسی فامیل معللیم آپاراجاقدی. او، مکتبده ادبیات  تدریس ائتمک‌له برابر، هم ده گؤزل شعرلر مؤللیفی ایدی. دوْغر‌وسو، فامیل معللمین تامادالیغیندان(ماسا به‌یی، مجلیس اداره ائدن) ایندی‌یه کیمی ناراضی قالان اولمامیشدی. فامیل معللیم باش ایشاره‌سی ایله جاوانشیر معللیمین راضیلیغینی آلیب، الین‌ده باده آیا‌غا قالخدی:
– عزیز دوْستلار، قوهوملار، کندیمیزین سای-سئچمه، دئیرلی انسانلاری! جاوانشیر معللیمین یوبلئی دعوتینی قبول ائدیب گلدیینیز اوچون هم اونون آدیندان، هم ده اؤز آدیمدان سیزه درین مینتدارلیغیمی بیلدیریرم. سوفره‌میز بول، واختیمیز ایسه یئترینجه‌دیر. داریخما‌غا دیمَز. اینشاللاه، هامی‌یا سؤز وئریله‌جک. یوبلئی‌یار حاقدا کیمین نه اورک سؤزو، آرزوسو وارسا، ممنوعیتله ایمکان یارادا‌جام. آنجا‌ق گلین، سیزلره سؤز وئرمزدن اوّل ایلک باده‌لری جاوانشیر معلیمین، اونون عاییله‌سی‌نین ساغلیغینا قالدیراق، آللاهدان اونا اوزون عؤمور، جان‌ساغلیغی آرزولایا‌ق، سونرا مجلیسیمیزه داوام ائده‌ریک.
ساری حوسئینه دیققت یئتیرن دیگر مجلیس عضولری ده آیا‌غا قالخیب، بو ساغلیغی آیا‌ق اوسته قئید ائتدی‌لر.
سونرا ایلک سؤز جاوانشیر معللیمین نوه‌سی – آلتی یاشلی اولکره وئریلدی. اؤلکر باباسینا ساغلام، خوْش گونلر آرزولایییب، چیخیشینی کیچیک بیر شعر پارچاسی ایله باشا ووردو:
"یاخشیلیقلار هیچ واخت ایتمز،
سو اولماسا، داش دا بیتمز.
قودرتلی‌دیر اوبام منیم،
بیر دنه‌دیر بابام منیم."

گؤرو‌نور، فامیل معللیم حاضیرلاشدیرمیشدی. اؤلکر چیخیشینی بیتیره‌ر-بیتیرمز آلقیش صدالاری زالی بورودو. جاوانشیر معللیم «باباسینین اوره‌یی‌دیر ائی، بو» دئییب، نوه‌سینی باغرینا باسدی. سونرا آلنین‌دان اؤپوب دئدی: «ماشاللاه اولسون. هم اعلاچی‌دیر، هم ده مکتبی‌نین گؤزو. تربیه‌سینه ده کی سؤز اولا بیلمز.»

سؤز مؤحتشم معللیمه وئریلن‌ده، حؤرمت علامتی اولاراق صؤحبتلر تامام کسیلدی. هامی دیققتله کند آغ‌ساققالینی دینلمه‌یه باشلادی کی، گؤرسو‌نلر یوبلئی‌یار حاقدا نه دئیه‌جک. تعریفدن خوْشو گلمه‌ین مؤحتشم معللیم ایسه اوزون-اوزادی دانیشمادی. جاوانشیر معللیمه جان‌ساغلیغی، بوندان سونراکی ایشلرینده اوغورلار آرزولادی، والسلام. بو قیسا چیخیش جاوانشیر معللیمین اوره‌یینجه اولماسا دا، ناراضیلیغینی بورو‌زا وئرمه‌دی.
سونرا سؤز جاوانشیر معللیمین اورتا مکتبده اون ایل بیر پارتا(مکتب ماساسی) آرخاسیندا اوتوردوغو ولی معللیمه، اونون آردینجا یاخین دوْستو واسیب کیشی‌یه، هابئله قاپی‌بیر قونشوسو جابیر بئیه وئریلدی. اونلار دا جاوانشیر معللیم حاقدا خوْش سؤزلر سؤیله‌یه‌رک، اونون سایغی‌دئیر، سالاملی-صاباحلی، مهریبان بیر اینسان اولدوغونو قئید ائتدیلر.
مجلیس اؤز آرامی ایله داوام ائدیردی. قوناقلار مهریبانجاسینا یئییب-ایچیر، دئییب-گولور، شیرین-شیرین صؤحبت ائدیردیلر. اساس دیققت کابابلارا وئریلدییندن، دیگر یئمکلر سؤفره‌نین اورتاسیندا، دئمک اولار کی، تؤکولوب قالمیشدی. جاوانشیر معللیم ده چوْخ ممنون گؤرونوردو.
بو واخت تامادا الینی گؤیه قالدیریب، مسکوادان بیر مئساژ گلدییینی مجلیس ایشتیراکچی‌لاری‌نین دیققتینه چاتدیر‌دی و هامی‌نین دینلمه‌سینی خواهیش ائتدی. مئساژ گؤندرن جاوانشیر کیشی‌نین قارداشی قوربان‌بگ ایدی:
«عزیز قارداشیم جاوانشیر! بیلیرسن کی، بیز سنی نه قدر چوْخ سئویریک. لاریسا دا، سا‌شا دا، ناتالیا ایوانوونا دا سنی چوْخ ایسته‌ییرلر. اونلار سنی تئز-تئز یادا سالیر، احتراملا خاطیر‌لاییرلار. اونلارین کنده گلیشی مناسیبتی‌یله کسدییین قوچ احوالاتینی هله ده اونوتماییب‌لار. قارداش، سن بیزه آتا عوضیسن، جانیمیز، جییه‌ریمیزسن. ۶۰ ایللیک یوبلئی‌یینه دعوت ائتدییین اوچون سنه اوره‌کدن مینتداریق. قارداش، روسییاداکی گرگین‌لیک اوجباتیندن، ایشلریمین چوْخلوغو و یازا بیلمه‌دیییم دیگر سببلر اوزون‌دن یوبلئی‌یینه گله بیلمه‌دیم. چوْخ چالیشدیم کی، نؤکرین سا‌شانی گؤنده‌ریم، آلینمادی. دئدی کی، پاپا، نه‌یه گئدیم آخی، اونسوز دا اونلار دانیشاندا من هئچ نه باشا دوْشمورم. گؤردوم کی، اوشاق حق‌لی‌دیر، تا بیر سؤز دئیه بیلمه‌دیم. ناتالیا ایوانوونانی دا باجانا‌غیم آراکل آبراموویچ یول‌دان چیخاردی. دئدی کی، آغلی اولان دؤنیانین دوز واختیندا آذربایجانا گئتمز، نه‌ این‌کی بو قاریشیقلیقدا. ناتالیا دا ایناندی اونون سؤزونه. نه ایسه، قارداشیم!
اؤزو‌م اوردا اولماسام دا، بیل کی، اوره‌ییم همیشه سنین یانیندادیر. بو گؤزل گونده من سنه تکجه بیر شئی آرزولایا‌جام: حیاتدا ان بؤیوک نعمت اولان جان‌ساغلیغی و یالنیز جان‌ساغلیغی. اینشاللاه، بیر گون یولوم دوْشر، ایکی قارداش اوتوروب سنین دوغوم گونو‌نو خصوصی قئید ائده‌ریک. تکی ساغلیق اولسون. حؤرمتله سنه همیشه عزیز اولان قارداشین قوربان.»
بو تبریکدن سونرا یئرلردن سسلر ائشیدیلمه‌یه باشلادی:
«ساغ اولسون، یاددان چیخارمایییب»،
«ائله قارداش دئییل، امکان تاپسایدی گلردی»
«آللاه کؤمه‌یی اولسون، غریبلیک پیس شئی‌دیر».
جاوانشیر معللیم ایسه «آللاه جانینا دیمه‌سین، گؤزل قارداش‌دیر. دۏز اون ایل‌دیر اوزو‌نو گؤرمو‌رم. ایشله‌مک اوچون گئتمیشدی، ایلیشیب قالدی» دئییب، خئیلی کؤورلدی. هله بیر آز دولوخسونان کیمی ده اولدو. آنجا‌ق اؤزو‌نو تئز ییغیشدیر‌دی کی، قوناقلارین احوالی کورلانما‌سین.
مجلیسده یارانمیش خوْش اولمایان اوقاتین آرادان قالدیرماق اوچون تجروبه‌لی تامادا هامی‌نین دیققتینی اؤزو‌نه چکمک اوچون اوجا، آمیرانه بیر سسله دئدی:
– عزیز قوناقلار، ایستکلی هم‌کندلی‌لریم! یئتیرینجه یئدیک، ایچدیک، دئدیک، گوولدوک، شن‌لندیک. بئله گؤزل مجلیس تشکیل ائتدییی اوچون هامی‌میزین آدیندان جاوانشیر معللیمه بیر داها تشککور ائدیر و بؤیوک ممنونیتله سؤزو اونا وئریرم. بویورسون!
جاوانشیر کیشی دؤداقلارینی تره‌په‌ده‌رک، باش حرکتی ایله تامادایا مینتدارلیغینی بیلدیریب، آغیر-آغیر آیا‌غا قالخدی. بایاق‌دان دئییب-گولن یوبلئی‌یارین اوزو‌نده، صیفت چیزگیلریندن اؤزو‌نو بورو‌زه وئرمه‌ین بیر ایفاده وار ایدی. دئیه‌سن، نه‌سه جیددی بیر موضوعا توخوناجاقدی.
– اوّلجه، قیمتلی واختینیزی آییریب منی بو شاد گونو‌مده تک قویمادیغینیزا گؤره سیزین هر بیرینیزه اؤز درین تشککورومو بیلدیریرم. دئییرم، نه یاخشی کی، وارسینیز. سیزسیز منیم بیر گونو‌م ده اولماسین. چوْخ خوْشبختم کی، سیزین کیمی دئیرلی انسانلارلا بیرلیکده اؤز دوغوم گونو‌مو – ۶۰ ایللیک یوبلئییمی قئید ائدیرم.
لاکین ایسته‌ییرم اونو دا بیله‌سینیز کی، هئچ ده هامی سیزین کیمی دئییل. حیات چوْخ غریبه‌دیر. محض اونا گؤره آتالار دئییب کی، سن سایدیغینی سای، گؤر فلک نه ساییر. عزیز دوْستلار، سیزه قارداش دئییب اوزو‌نو‌زه گولن آداملارا هئچ وقت اعتبار ائتمه‌یین.

چونکی سیزین‌له دوستلوق ائدن، چؤرک کسن آداملار گونلرین بیر گونو سیزه آرخا چئویره بیلر. گؤو‌وَندیینیز آدام سیزی ائله بیر دار مقامدا تک قو‌یار کی، دوشدو‌یونوز چتین وضعیتده طالعینیز‌له باش‌-باشا قالارسینیز.
– جاوانشیر معللیم چیخیشینا بیر آز آرا وئردیکدن سونرا اؤزونو توپارلاییب یئنی‌دن سؤزو‌نه داوام ائتدی:
– یَقین هامینیز منیم‌له راضیلاشارسینیز کی، انسانلیق پول‌لا، وار-دؤولت‌له اؤلچولمه‌ییر. چونکی انسانلیغین اساس معیاری پول دئییل، معنَوی دَیَرلَردیر.
قوناقلار باشلاری‌یله جاوانشیر معلّیمین دئدیکلرینی تصدیق ائتدی‌لر.
– اینسان پول‌لو دا اولا بیلَر، پولسوز دا. اینسان بیر گون توخ، بیر گون آج دا یاشایا بیلَر. اساس اودور کی، اینسان اوز "منلیینی"، شرفینی ایتیرمه‌سین. من بو سؤزو دئمَه‌یه ده بیلَردیم، آنجاق یئری گَلیب، دئیه‌جه‌یَم. دوست-دوستا هانسی گوندَه لازیم‌دیر؟!
دعوت ائتدیک‌لریمین هامیسی بو مَجلیسده ایشتیراک ائدیر، یالنیز بیر نَفَردن باشقا. یَقین کی بیلدینیز صؤحبَت کیمدن گئدیر. پولا پول دئمه‌ین، گونلری عیش‌-عشرتده کئچَن، بیزیم هامیمیزدان دَفعه‌لرله یاخشی یاشایان، هر گؤروشَنده باغرینا باسیب، منه "قارداش" دئیه‌ن ساوالان بَی ذات-عالی‌لَری بوگون‌کی یوبلئی تَدبیرینه قاتیلمادی. بیزیم‌له بیر ماسا آرخاسیندا اوتورماغی اؤزونه عار بیلدی.
اؤزو ده قاپیلارینا‌جان آیاغینا گئدیب، اوز بَه‌ اوز دعوت ائتمیشم. نه اولار، آللاه جانینا دَیمه‌سین. آنجاق اونوتماسین کی، بیر واخت اونوُن آتاسی منیم بابامین نؤکَری اولوب. اونلارین عاییله‌سی منیم بابامین چؤرَه‌یی‌له دولانیب‌لار. آللاه بؤیوکدور، گئج-تئز هر شئیی یئری‌نه قو‌یور.
اودور کی، من بو باده‌لری ایچیرم شَخصن سیزین ساغلیغینیزا!
بو چیخیشدان ناراضی قالانلار اولسا دا، هئچ کیم سَسینی چیخارمادی:
"اؤزلَری بیلَر، بیزه نه دوشوب کی؟!"
"یَقین ایچکیلی دیر، اونا گؤره دانیشیر"،
"گَلر‌دی، گؤرونور، آرالارین‌دا نه‌سه وار"، – دئیه دۏشونَن‌لر ده اولدو.
بو واخت بیر نفر یئنی‌یئتمه اوغلان تامادایا یاخینلاشیب، قولاغینا نَه‌سه پیچیلدادی. فامیل معلّیم اوزونو تئز جاوانشیر معلّیمه توتوب دئدی:
– قارداش، اوشاقلاردان کیمسه سَنی تبریک ائتمَک اوچون ایجازه ایسته‌ییر. نه دئییرسَن؟
جاوانشیر معلّیم تَردید ائتمَه‌دن:
"گَلسین، گَلسین. یَقین باجی‌اوغلودور. نَدَنسه آتاسی دا گؤزه دَیمیر. یَقین هاوا سیاحتیندن گَلمه‌ییب"، – دئیَه تئز سَسلَندی.
بو سؤزلَری ائشیدن کیمی قاپی آرخاسیندا گؤزلَه‌یَن جاوان بیر اوشاق سالونا داخیل اولدو. چِخولون(کاورین) اوستونده‌کی یازیلاردان اَلینده توتدوغو کاستیومون خاریجی و باهالی مال اولدوغونو سئزمَک چَتین دئییل‌دی. دؤشَمَه‌یَه توخونماسین دئیه، اوشاق کاستیومو باشی‌نین سَوییه‌سین‌ده توتاراقدان جاوانشیر معلّیمَه یاخینلاشدی:
– جاوانشیر بابا، عائیله‌میز آدیندان سَنین دوغوم گونو‌نو تَبریک ائدیر، ساغلاملیق و خوش گونلَر آرزو‌لاییر‌یق. بابام یوکسَک حرارت ایچیندَه اولدوغوندان گَلَه بیلمَه‌دی. اونا گؤره سیزدَن عوذور ایسته‌ییر. دئدی:گئتسَم، مَجلیس عوضولَرینین اوقاتینی کورلایا بیلَه‌رَم. جاوانشیر بابا، بابام دئدی کی، ساغالیم، اونوُن اوچون بیر یوبلئی مَجلیسی ده من کئچیره‌جه‌یَم.
جاوانشیر کیشی‌نین صبری چاتمادی. اوشاق سؤزونو بیتیرَر-بیتیرمَز تئز سوروشدو:
– بالا، سَن کیمین نَوه‌سی‌سَن؟
– ساوالان کیشی‌نین.
قوناقلار داغیلیب گئتمیشدی.
صاباح کَند‌ده هانسی صؤحبتلَر گَزه‌جَک‌دی، اونو بیر آللاه بیلیر‌دی. آنجاق جاوانشیر معلّیمین بو گئجه ده یاتا بیلمه‌یه‌جه‌یی شَکسیز ایدی.

https://t.me/Adabiyyatsevanlar