اوشاق ادبیاتی
مهر آیی نین 17 سی دونیا اوشاقلار گونو قوتلو اولسون.

https://t.me/Adabiyyatsevanlar

اوشاق ادبیاتی

بؤیوک آرزیم
ویدا حشمتی
 


گؤیوموز گؤی اولسون پامبیق بولودلو
بولاقلار دوم -دورو گؤلوموز سولو
باغیمیز باغچامیز حاصیل‌لا، دولو
آزاد نغمه اولوب، وطنه آخاق


یاشایاق دونیادا ساواشدان اوزاق
بو دالدان -او دالا قوشلار تک قوناق
هوپپاناق- آتیلاق، قاچاق اوینایاق
کدرین کؤکونو یاندیراق یاخاق


دوستلاریم شادلیغین گئتسین یاللیسین
تندیر چؤره‌گی‌نین یئسین باللیسین
شنلیک آتلاری‌نین مینسین تئللیسین
یوردومون ساچینا گول-چیچک تاخاق


هپ سئوک یولداشی، دوستو-تانیشی
ایسته‌یک دونیایا صولحو- باریشی
سیلک محبت‌له، کینی- ساواشی
او قارا دئولرین، یوواسین ییخاق


سئوینج آوازلاری دوداغیمیزدا
دسته- دسته لاله قوجاغیمیزدا
محبت-سعادت اوجاغیمیزدا
گونشلی گونلره، اومودلا باخاق.

https://t.me/Adabiyyatsevanlar

خبر
۲۰۲۵-جی ایل ادبیات اوزره نوبل مکافاتی نین غالبی

استکهلم‌دا یئرلشن نوبل آکادئمیاسی‌نین یایدیغی معلوماتا گؤره، ۷۱ یاشلی مجارستانلی یازیچی «لاسلو کراسناهورکای»  ۲۰۲۵-جی ایل ادبیات اوزره نوبل مکافاتی‌نین غالبی اولموشدور. آکادئمیانین بیاناتیندا دئییلیر کی، مکافات اونا «قیامت قورخوسو آراسیندا صنعتین ابدی گوجونو وورغولایان گوجلو ایلهام وئریجی اثرلر یاراتدیغینا گؤره» وئریلیبدیر.
«لاسلو کراسناهورکای» ۱۹۵۴-جی ایلده مجارستاندا دوغولوب. او، بئش رومان یازیب و ایندییه کیمی چوخ‌سایلی موکافات‌لار قازانیبدیر. بونلارین آراسیندا ۲۰۱۳-جو ایلده «شیطانین تانگوسو» اثری اوچون «ایلین ان یاخشی ترجومه اولونموش کیتابی» موکافاتی و ۲۰۱۵-جو ایلده «سون قورد» کیتابی اوچون قازاندیغی مکافات خصوصی یئر آلیر.
«لاسلو کراسناهورکای»دان ایراندا «تانگوی شیطان»، «تعقیب هومر»، «آخرین گرگ»، «مالیخولیای مقاومت»، «حیوان درون» و … کیتابلاری مختلف ناشرلر طرفیندن یاییلیبدیر.
 
 قایناق:ایشیق سایتی

https://t.me/Adabiyyatsevanlar

زهره -محمو پور


زهره _ محمد زاده

بوراسی
سیمئتریک بیر دونیا
دنگه‌لر ، دنگه‌ده
و چالار ساعات حرکت‌سیز
بیر چیزگی، هرشی‌ین اورتاسیندان کئچیر
نه‌ایسه نه!
هموگار ، گرینویچ ، آراز ، بوغاز
بونلار هر زامان ایکی‌یه بوله‌ن بیر شی‌لر
و دونیا
ایکی‌یه بولونن بیرشی

دنگه‌لر
دونیانین اولمازسا، اولمازلاری
بیرطرف نرمال، بیر طرف‌ایسه ترسه
بیرطرفده سولار چیخیر یوخاری
بیر طرفده شلاله اولوب آخیر آشاغی
بیر طرفده راکت‌لر قالخیر گویه
بیر طرفده قان آخیر آشاغی
هرشی یئرلی، یئرینده
ائشیت‌لیک یانسییر
بوردان باخاندا!

سیمئتریک بیر دونیا
دوغولور انسان، اورتا دوغودا
اولور آغاجلار، آمازون دا
کیچیلیر بالینالار، پسیفیک‌ده
و اوچور بالیقلار آرازدا
و تئلویزیون دا کی قادین
آنلاتماغا چالیشیر گولومسه‌یه گولومسه‌یه
۱۹۲۶ دان بری
ائکونومیک و سیگورتا دورومونو
سیگارا دورومونو، سکس دورومونو
گاهدان هاوا
گاهدان آتش‌کس دورومونو
بوراسی نرمال بیر دونیا
هرشی یئرلی، یئرینده
و
یونیسف
ایلده ۵ اوشاغی قوروما آلتینا آلیر

مهر۱۴۰۴

https://t.me/Adabiyyatsevanlar

✍:سهراب_سپهری
چئویرن: بهروز_صدیق


و یولدا بیر خبر...
https://t.me/Adabiyyatsevanlar

✍:سهراب_سپهری
چئویرن: بهروز_صدیق


و یولدا بیر خبر...

بیر گون
گله‌جه‌یم، و بیر خبر گتیره‌جه‌یم
دامارلارا ایشیق تؤکه‌جه‌یم
سسله‌یه‌جه‌یم: سَـله‌‌لری یوخو دولو، آلما گتیرمیشم، گونش کیمی بیر آل آلما
گله‌جه‌یم، دیلنچی‌یه یاس چیچه‌یی وئره‌جه‌یم
پیسدیک توتموش گؤزل قادین، اونا سیرغا باغیشلاییب
کورا دییه‌جه‌یم: بو باغ نه‌ده تاماشالی
چرچی اولاجایام، کوچه‌لری دولانیب، هارایلانیب: آی شئح، شئح، شئح
یولدان اؤتن ديییه‌جک: دوغروسو قارانلیق گئجه‌دیر، کهکشان وئره‌جه‌یم
کؤرپو اوسته قیچ‌سیز بیر قیز. اولدوز آساجایام بوینونا
نه سؤیوش وار سیله‌جه‌یم دوداق‌لاردان
نه دووار وار سؤکه‌جه‌یم
قولدورلارا دییه‌جه‌یم، کاروان گلیر یوکو گولوش
بولودلاری ییرتاجایام
و گؤزلری گونش ایله دویونله‌ییب، اورک‌لری سئوگی ایله، کؤلگه‌لری سو ایله، بوداق‌لاری کولک‌لرله
بیر- بیرینه جالاقلاییب. جیر-جیرالار ماهنیسی‌لا کؤرپه‌لرین یوخوسون
چرپلنگ‌لر اوچورداجایام گؤی اوزونه
گولدان‌لارا سو وئریب
گله‌جه‌یم، اینک‌لرین و آت‌لارین آخیریندا تومارلانمیش یاشیل اوت‌لار تؤکه‌جه‌یم
سوسوز آت‌لار، شئح سطل‌ین گتیره‌جه‌یم
یول اوستونده قوجا ائششک، میلچک‌لرین ووراجایام
گله‌جه‌یم، میخک گولو اَکه‌جه‌یم دووارلارین باشیندا من
هر پنجره آیاغیندا شعیرلر اوخویاجاغام
هر قارغایا بیر کاج آغاجی وئره‌جه‌یم
ایلانا دییه‌جه‌یم، نه گؤزل‌دیر قورباغا
باریشدیراجاغام
تانیشدیراجاغام
یول گئده‌جه‌یم
ایشیق ییه‌جه‌یم
سئوه‌جه‌یم.

https://t.me/Adabiyyatsevanlar

خبر
جیرتدان_تاماشاسی موغاندا صحنه یه چیخاجاق.

خزل آیی‌نین ۲۰-جی گونوندن ۲۴-جو گونونه‌دک، موغانین آراز مجتمعینده صحنه‌یه چیخاجاق.
یازار و یؤنتمن: پاشا_موغانلی


https://t.me/Adabiyyatsevanlar

پاییز آخشامی

سس و سوز: مجید صباغ ایرانی"یالقیز"



https://t.me/Adabiyyatsevanlar

فاطمه_ ملک_ زاده

ماه شبیهِ امضایِ جعلی ست
شبیهِ چشمانِ دله مسافر گیرهایِ گاراژِ جفرودی ست
ماه رستورانی ست
با مبلمانِ معلق بر آب
و سنجاق قفلی قورت داده
و نگاهش به دست اندازها گیر میکند
ماه بینِ دو دره
تاب میخورَد
سرم تاب میخورَد
لحظاتم غارتگرِ غریبی ست
با دلشوره هایِ قورت داده ام
دارم از مانعِ خیالی می پرم
تا به تو برسم
حالا دل،دلِ توست
میتوانی دل به دریا هم بزنی
ماه به زنِ بد کاره میمانَد
و با روسریِ موهرم کوردی میرقصد
و بخارهایِ دور و برَش لیوانی ثعلبِ داغ
که مدام بینِ دو دره
تاب می خورَد
در چشمانِ من اشک مثلِ نفت
برق می‌زند
استخوان شده ام برایِ سگانِ گرسنه
و زندگیم غذایِ دهن زده ایست
که با اکراه
به دهن میبرم
آه شعر تو جوابِ کدام کارِ خیرِ منی؟
کمکم کن استخوانی باشم
در گلویِ گرگانِ گرسنه
چون میدانم
طولانی ترین شب هم
به خورشید می‌رسد

https://t.me/Adabiyyatsevanlar

ناصر -داوران


باليق قولاغي و دنيز
بولوددان دفتريمه 
مينلرله يول چكيلير
قاتي كوله ك، يارپاغي يئندييي زمان.
آنام يئنه ده بوينو چيينينده 
يارپاغين آناسين دوشونور.
دئميشدين بيزه گلنده
باليق قولاغي گتيره جكسن
اوشاقلار اوچون
دنيز اود توتوب يانير 
بس نه دن
سؤز ـ صحبتينده؟
دونن تلويزيون
اينترنته قويولموش
گؤزه ل بير پورترتي
نمايش ائتديريردي
بنلادن آغ دون ايچينده
نه ده معصوم گؤرونوردو!

https://t.me/Adabiyyatsevanlar

علی رشتبر قاییب

سنی ایتیردیگیم قیش گئجه‌سیندن،
پاییزلی گونلرده کور اسیرم من.
داها ایتیرمکدن، داها ایتمکدن،
دیرناقجا قورخمورام ، چکینمیرم من.

دونیانی ایتیرسه نه فرق ائدر کی؟
سنسیزلیک الینده ایتن آداما .
اؤلوسو ،دیریسی بیر معنادادیر،
ناغیلی ، داستانی بیتن آداما.

هئچ نه دولدوراسی دئییل یئرینی،
عؤمورلوک بوش یئرین بوز سینه‌مده‌دیر.
سنین تک بیرینی ایتیرن آدام ،
هر ایکی دونیادا‌ جهنمده‌دیر.

بو گونلر سن دولو روحام، بدنم،
سن دولو قایغی‌یام ، سن دولو سیرم‌.
اودور کی ایتمکدن و ایتیرمکدن،
دیرناقجا قورخمورام و چکینمیرم ...

https://t.me/Adabiyyatsevanlar

ائلمان موغانلی

گؤزلرین
بشر تاریخی‌نین بوتون گؤزللیک‌لری
داوینچی‌نین مونالیزا گولوشو
آچیق قانادلی توووز قوشونون یئریشی
بئتهووئنین دوققوزونجو سمفونی‌سی
یاغیش سونراسی گؤی قورشاغی دیر
ساوالان اَته‌یی یایلاق گؤزه‌سی
ماهنی دولو پاییز گئجه‌سی
یاشیل موغانین اَملیک اَتی
موسلومون ساری گلینی
رشیدین آی لاچینی
سوموگه دالمیش یانیق کرمی
سئودالی شاعیرین ایلهام قایناغی
شعرین تؤره‌نیش سببی
سئوگی‌نین دادی
کؤنول سارایی
گؤزللیک‌لره آاای جاااااان هارایی دیر
۲۸ ایل سونرا
شوشادا سسلنمیش آذان
قاراباغلی قاراداغلی یاشیللیق
جئیران‌ سوروسونه اویلاق
ساری‌سی بال آغی قایماق
اورمو گؤلونون دورنالارا  آچدیغی قوجاق
داریخماغین سون نوقطه‌سی وطن
و تانری‌نین تانریلیغینا غورور سیمگه‌سی دیر
گؤزلرین آی
آی گؤزلرین ...


https://t.me/Adabiyyatsevanlar

کریم قربانزاده

من «اورتادوغو»یام

من «اورتادوغو»یام
لبنانام، غزه‌یم
شرقین گؤیچک گلینی؛
نشتابلیغیم بومبا
ناهاریم موشک
شامیم پهباد.
لخته- لخته قان قوسورام
یارالاریم قان وئریر
جوجوقلاریم سحر، آخشام جان وئریر.

من «اورتا دوغو»یام
نفتیم شیرین
اؤزوم آجی؛
قانیم سامان قیمتیته سوورولور،
وطنیم یانیر
آلوولانیر
قوورولور.

https://t.me/Adabiyyatsevanlar

شعیر:؟
سس:یاغیش زنگانلی


https://t.me/Adabiyyatsevanlar

پرزیدنت" ترامپ" و جنوار نتانیاهو اورتا دوغونو قانا بویادیقلاری اوچون ادبیات سئونلرین نوبل مشقفه سینی قازاندیلار.

https://t.me/Adabiyyatsevanlar

پاول دورف( مالک تلگرام):

دارم ۴۱ ساله می‌شوم، اما حس جشن گرفتن ندارم.

نسل ما برای نجات اینترنت رایگانی که پدرانمان برای ما ساخته‌اند، وقت کم می‌آورد.

چیزی که زمانی نوید تبادل آزاد اطلاعات بود، به ابزار نهایی کنترل تبدیل می‌شود.

کشورهایی که زمانی آزاد بودند، اقدامات پادآرمان‌شهری مانند کارت‌های شناسایی دیجیتال (بریتانیا)، بررسی سن آنلاین (استرالیا) و اسکن گسترده پیام‌های خصوصی (اتحادیه اروپا) را معرفی می‌کنند.

آلمان هر کسی را که جرات انتقاد از مقامات را در اینترنت داشته باشد، آزار و اذیت می‌کند. بریتانیا هزاران نفر را به خاطر توییت‌هایشان زندانی می‌کند. فرانسه در حال بازجویی جنایی از رهبران فناوری است که از آزادی و حریم خصوصی دفاع می‌کنند.

جهانی تاریک و پادآرمان‌شهری به سرعت در حال نزدیک شدن است - در حالی که ما خواب هستیم. نسل ما در معرض خطر ثبت شدن در تاریخ به عنوان آخرین نسلی است که آزادی داشت - و اجازه داد آنها را از ما بگیرند.

به ما دروغ گفته شده است.

به ما بقبولانده شده که بزرگترین مبارزه نسل ما، نابودی هر آنچه اجدادمان برای ما به ارث گذاشته‌اند، است: سنت، حریم خصوصی، حاکمیت، بازار آزاد و آزادی بیان.

با خیانت به میراث اجدادمان، خود را در مسیر خودویرانگری قرار داده‌ایم - اخلاقی، فکری، اقتصادی و در نهایت بیولوژیکی.

بنابراین نه، من امروز جشن نمی‌گیرم. وقتم دارد تمام می‌شود. وقتمان دارد تمام می‌شود.

قایناق:دونیای آزاد

https://t.me/Adabiyyatsevanlar