• نوگلِ گلزارِ منی •

خواننده: فرزانه محجوب
آهنگ : عبدالله جهان پناه 
ترانه‌سرا: شهرآشوب
ارکستر زهی: علیرضا مقراضی
تار : جواد شاهی
تمبک و دف: رضا رشیدی

بیات اصفهان

این همه خاموشی تا کی ای دل دیوانه
غم زمیان ما برخواست می به میان آمد
مخور غم دور زمان غم زمان  ندارد ثمری
تا به رخت مینگرم من زخزان بی خبرم ای بهار زیبا
نوگل گلزار منی عشق منی یار منی ای امید دل‌ها


سپاس از همکاران محترم ، و سخاوت  همیشگی

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ادبیاتی

« ایکی کتاب » 
یازان : علی صمدلی 
کؤچورن : علی آغ گونئيلی  -  ابرازی 
کتاب :‌ ژنرالین اوشاقلیغی  - ناغیللاربؤلومو

مکتب کتابخاناسیندا چوخلو کتابلار وارایدی . بونلارین آنجاق بیریندن سیزه سؤز آچاجاغام . بو « آذربایجان ناغیللاری » کتاب ایدی . بو کتابدان ایکی دنه ایدی . عئینی ایلده بوراخیلماسینا باخمایاراق بیری تبتزه قالمیشدی . او ، بیریسی ایسه ازیلیب سؤکولموش ورقلری جیلدین آراسیندا زورلا دایانیردی . بو کتاب تزه کتابین یانیندا دایانماغا بئله اوتانیردی .هئچ بونو تزه کتابدا ایستمیردی . اونا ریشخندله باخیب  تئز – تئز دئییردی : 
ـ  بیر بونون قوپوب توکولموش ، جیریلمیش ورقلرینه باخ ائله بیل یوز ایلین کتابی دیر . هئچ یوزایلین کتابیدا بئله جیندیر اولمور ، ال – ال گزیر. کیم سنی بو گونه سالیب ؟
ازیک کتاب اینیلده یه – اینیلده یه جاواب وئردی :
ــ   منی اون ایکی اوشاق آپاریب اوخویوب ، اون ایکی . 
تزه کتاب : 
ــ  ائح ،چوخدا لووغالانما ــ  دئدی. منی اوتوز بئش شاگردآپاریب اوخویوب. 
ازیک کتاب یئنه یازیق – یازیق دئدی :
ــ  ائح ، گؤرونور سن بئشینجیلرین الینه دوشمه میسن . همین صینف ده کاملله ، سامیرین ،الینه دوشسیدین مندنده پیس گونه قالاردین . اونلارین هره سینین ائوینده بیر آی قالمیشام . اوردان بورا آتیردیلار ، بورداندا اورا . اونا گؤره  بو گونه قالمیشام . 
تزه کتاب : 
ــ  گؤرونور بئشینجیلرین کتاب سئورلر درنه یی یوخدور .اگر اولسایدی اونلار بیلردیلر کی ،بیز کتابلار دونیانین ان بؤیوک ثروتلری ییک . عیب ائتمز . باخ سن کئچ لاپ بیرینجی جرگه ده دور. اوشاقلار بو گون گلیب کتابخاناداکی جیریلیب ، خاراب اولان کتابلاری تعمیر ائده جکلر . قوی سنی ده گؤرورب ، گؤتورسونلر . 
دوغروداندا سحری گون مکتبین کتاب سئورلری کتابخانانین جیریلیب داغیلمیش کتابلرینی تعمیر ائتمه ییه باشلادیلار . ازیلیب ورقلری تؤکولموش  « آذربایجان ناغیللاری » کتابی دا اونلارین آراسیندا یدی . قیزلاردان بیری اونو الینه گؤتوره ن کیمی دئدی :
ــ  بوکی کئچن ایل بوراخیلان کتابدیر بونو بو وضعییته گؤره سن کیم سالیب ؟
صؤحبته کتابخاناچی سولماز موعللیمه گلیب چیخدی . کتابا باخان کیمی دئدی :
ــ  بو آنجاق بئشینجی لرین ایشی دیر . اونلاردان بیر نفر ده کتاب سئورلر درنه یینین عوضوی دئییللر . بیر هفته دن سونرا کتاب تعمیر ائدنلر آراسیندا بئشینجیلر ده وارایدی 
۱۹۸۵

https://t.me/Adabiyyatsevanlar

اوشاق ادبیاتی

در ژاپن، احترام به حیات و محیط زیست تنها محدود به انسان‌ها نمی‌شود؛ حتی پرندگان نیز از حق زندگی و امنیت برخوردارند. در گوشه و کنار شهرها و روستاها، اگر یک پرنده گوشه‌ای لانه بسازد، نه‌تنها کسی اجازه‌ی مزاحمت ندارد، بلکه تابلوهای هشدار برای محافظت از آن نصب می‌شود. این تابلوها به ساکنان و بازدیدکنندگان یادآوری می‌کنند که به هیچ عنوان نباید به این موجودات کوچک آسیبی وارد شود

https://t.me/Adabiyyatsevanlar

اوشاق ادبیاتی
✅ تصویب آموزش رسمی از ۵ سالگی و اجباری شدن پیش دبستانی
سخنگوی کمیسیون آموزش مجلس از تصویب اجباری شدن پیش‌دبستانی از سن ۵ سالگی خبر داد و گفت: ساختار آموزشی کشور به تدریج از الگوی «۳-۳-۶» به «۳-۳-۵-۱» تغییر خواهد کرد

بچه ها: ببخشید مربی یک نفر اضافه وارد بازی کردین اینجوری سه هئچ بازنده میشیم .

https://t.me/Adabiyyatsevanlar

سوسن امینی

بو یئرده ...

بو یئرده
تیکانلی مفتیللر آراسیندا
جان چکیر حیات؛
اوتانج اؤرتوگو ایله گیزلدیر
نار دنه‌لی اوره‌ک‌لر یارالارینی.
بو یئرده
آجی‌لار یوکونو داشیماقدان
چیینلر ازیلیر؛
اوفوقده‌کی ایشیقدان
گؤزلر آسیلیر.

بو یئرده
تیکانلی مفتیللر آراسیندا
جان چکیر حیات؛
قاپی‌دا ساز چالیر کولک،
اویناییر
دومان بئیین‌لی
گؤزسوز، قولاقسیز قارا کؤلگه‌لر؛
بو یئردن
کوسوبدو سحر.

مهر 1404
https://t.me/Adabiyyatsevanlar

“بهروز صدیق”

دومان دا کاروان

دون وورموشدو

اوتورموشدو

پالچیق دووار کؤلگه سینده

حیاتینین قان یارالی اؤلکه سینده

دوشونوردو

اوشویوردو

هم چاریق سیز

هم چاره سیز

موشتوگونون دئشيگيندن

دومان دا کاروان کئچيردي

شئهلي گؤزله بویلانیردی

او

یانیردی

پاپریزینین عوضینده.


https://t.me/Adabiyyatsevanlar

علی رشتبر قاییب

یالان سؤزون فایداسی یوخ ،
اونودا بیلمه‌دیم سنی.
باشیمی قاتدیم دا چوخ ،چوخ
اونودا بیلمه‌دیم سنی.

یئری گؤیو اونوتدوم دا،
کؤکو، سویو اونوتدوم دا،
هر بیر شئیی اونوتدوم دا،
اونودا بیلمه‌دیم سنی.

سیندی دا قلبیمین شاققی،
عرشه چاتدی تاققا-تاققی.
سن سئودیگین الله حاققی !
اونودا بیلمه‌دیم سنی.

هانسی علت، هانسی دلیل ،
ائدیر منی بونجا ذلیل ؟
دؤن دئمیرم، ساده‌جه‌ بیل،
اونودا بیلمه‌دیم سنی.

https://t.me/Adabiyyatsevanlar

مهناز. ص. آیتای

یئنه تانریم اوره ییندن منه ایلهام چیله ییر
سینه مین اوستونه یاز باغچالارین سیلکه له ییر

جوم _ جولوق ایسلانیرام دویغولو سؤزجوکلر ایله
سوز سوزولدیکجه دیله باشقا بیر عالم دیله ییر

دایانیب هر گئجه گوندوز دونوخور گؤزلریمه
سونرا سئوگی له، شئعیر کؤینه ییمی دویمه له ییر

گؤینه ییر منده کی نیسگیل یارانین کؤزمه لری
قوجاغیمدا یئنی دن کؤرپه دیلک لر، مله ییر

ایلمک _ ایلمک توخویور سئودا قیزی یادداشیمی
اینجی بارماقلاریما جانلی غزل پیلله له ییر

" آیتای " ام من گونشه باغلی سوکوت چیلغینی یام
آنامین خوش دیلی دیر کی منی آدلیم ائله ییر.

https://t.me/Adabiyyatsevanlar

☂
عمران صلاحی / آینا کیمی


پارچالاندیق، سینمادیق !
داش آتانلار  بیلمه‌دیلر، پارچلانمیش آینادا
بیر آیدان مین آی چیخار
بیر گونشدن مین گونش
بیر اولدوزدان مین اولدوز

پارچالاندیق آینا کیمی
چوخالاریق
چوخالداریق ایشیغی

تهران.  64.9.10
.
🪑🪑
🔦 شعرین قیسا یوزومو

سیناق، دیره‌نیش و بیرلییه چاغیریش موضوعسونو عکس ائتدیرن عمران صلاحی‌نین بو شعری، عمومی‌لیکده دیرچه‌لیش، اومید و دایانیقلی اولما موضوعسونو چاتدیریر. شعرین دیلی ساده‌دیر. آنجاق قیسا و ریتمیک سطیرلر، دراماتیک، گؤرونتولو (ویزوال) استعاره‌لر ایسه اوخوجودا گؤرسل و دویغوسال تأثیر یارادیر. «پارچالاندیق سینمادیق / داش آتانلار بیلمه‌دیلر» سطیرلری، چتین‌لیکلر، تضییقلر و هجوملارا باخمایاراق دایانیقلی اولماغی سیمبولیزه ائدیر.

اساس ایدئیا چتین‌لیکلر قارشیسیندا دیرَنمک و پارچالانما ایله بیرلیکده یئنی ایشیق یاراتماقدیر. «پارچالانمیش آینادا / بیر آیدان مین آی چیخار…» سطیرلری، پارچالانمیشلیق ایچینده چوخالما، ایشیق و پوتئنسیالین آرتماسینی تصویر ائدیر. داغینتی و تضییق ایچینده ده یئنی امکانلار، ایشیق و حیات وار. پارچالانمیش‌لیقلا گوج و ایشیغین آرتماسی آراسیندا تضادلی و پارادوکسال بالانس واردیر. هر بیر «پارچالانمیش» ائلئمئنتدن مینلرله ایشیغین چیخماسی، انسانلیق، عمومی گوج و بیرلیین سیمبولیک ایفاده‌سی‌دیر.
.

۱۱ مهر عمران‌ صلاحی‌نین آنیم گونودور.

✍همت شهبازی

#شعر_یوزومو
🪟🪟
https://t.me/dusharge1

یوخسول
خیرالله حق‌بیگی "ساپلاق"

الا یا ایهال‌یوخسول! ائشیت بو سؤزلری، بیل ها!
بو مطلب‌لر بیزه گؤیدن اولوبدور وحی نازل ها!
کیرایه ائوده اَیلشسن همیشه احترام ائیله
اَییل ائو صاحیبین گؤرجک، تاپیلماز یوخسا منزیل ها!

گؤرنده مالیکی باش اَی آماندیر ائیله‌مه غفلت
اونون شانیندن آرتیق اولماسین بیر آیری سؤز-صؤحبت
گره‌ک یوخسول اَییلسین اغنیایه ائیله‌سین حؤرمت
تغافل ائیله‌سن ایش‌لر اولار بوندان دا موشگول ها!

یاراتمیش خالق سبحان بوتون دونیانی اعیانه
اونون وار باشقا بیر لطفی جهاندا پوللو اینسانه
گؤزتله دینیوی چپ باخما اوغلان مالیکه، خانه
وگرنه باشیوا داش یاغدیرار گؤیدن ابابیل ها!

دئیرلر اغنیانین وار فقط آزجا بو دونیاسی
اگر چی واردی اونلارین طاووس تک نازلی لئیلاسی
اولانماز پوللونون یوخسول کیمی بیر شانلی عقباسی
خبر وار حوری اولماز اونلارا عقباده شامیل ها!

اگر قویسان قدم بیر گون ایاغین چاتسا بازاره
دریندن حؤرمتین اولسون همیشه قوم تجاره
جسارت ائیله‌مه اونلارداکی اوچ نقطه کرداره
دولاشما تاجیره حاشا، بئله ایش گؤرمز عاقیل ها!

اگر دهقانسان عؤمرونده تواضع ائیله فئوداله
قضایه اعتقاد ائیله گؤزون تیک شانسا اقباله
آپارسا محصولو مالیک اور‌ه‌کدن ائیله‌مه ناله
بئله ناللاللار انگیندن دورارسان دونبالاق میل ها!

بو دونیا فانی‌دیر، یوخسول گره‌ک ده هوشیار اولسون
مزاری یادینا سالسین، ایشی آه ایله زار اولسون
مبادا حیطه‌ی فیکرین بو معنادان کنار اولسون
او دونیادا سوخارلار گؤزلرینه آتشین میل ها!

بو دونیادا صبور اولسان تحمل ائیله‌سن درده
او دمدن کی وفات ائتدین گؤزوندن گؤترولر پرده
بهشته هوپبانارسان، خوش یاشارسان او گؤزه‌ل یئرده
یازیب بو مطلبی حتا بیزه تورات و انجیل ها!

اوره‌یین ایسته‌جک اوردا یئیرسن گولبه‌سر، قارپیز
بیتیب هر گوشه‌سینده قاز آیاغی، آغجاباش، یارپیز
کباب بیر گوشه‌ده حاضیر، او یاندا قوورولور جیزبیز
آغاج‌لار خود به خود جهجه وورورلار مثل بولبول ها!

چالیش سن دونیادا قویما گئده صوم و صلات الدن
بو دونیا فانی‌دیر، آنجاق چیخار بیر گون حیات الدن
بیر ایش‌لر گؤرمه عقباده اوچا قوش تک نجات الدن
آسار ارباب خازن دانبیلیندان اودلو دنبیل ها!

او قومی ایسته‌ییب آللاه، دولاشما پوللو اینسانه
اینانما هر سؤزه، اونلار ناغیل‌دیر، جومله افسانه
دانیشما بعضی مطلب‌لر، توخونما دینه، ایمانه
یقینا دینسیز اینسانلار سیزه اؤیرتدیلر دیل ها!

روایت ائیله‌ییر راوی: اگر چپ باخسان اعیانه
چکیرلر اینسانی دوزخده بیر دهشتلی مئیدانه
دوزولموش گؤزلری اودلو ایلان‌لار اوردا یان- یانه
تؤکورلر مجرمین لاپ آغزینا دوزخده فیلفیل ها!

الینده آتشین گورزو دایانمیش مالک دوزخ
آدامی گؤرجک حیرصیندن چکیر نعره، ائدیر وخ- وخ
دیلیندن کیمسه باش تاپماز کی گویا سؤیله‌ییر یا حق
ائشیت بو سؤزلری قارداش، آماندیر اولما غافیل ها!

۱۳۶۴ – کرج

https://t.me/Adabiyyatsevanlar

حمید آرش آزاد

بوردان اوزاق...!

بوردان اوزاق، «ششگلان»
اوْتوبوس گله‌ر، اينان
تله‌سمك نه گره‌ك‌دير؟
بير- ايكي ساعت دايان!
***
بوردان اوزاق، «ميانا»
دورماق‌دان گلديك جانا
«دربست» سؤزون تئز سؤيله
بلكه تاكسي دايانا!
***
بوردان اوزاق «كوجووار»
زولفون ايكي اوجو وار
هر كول- رُستمي بوْشلا
ايندي پولون گوجو وار!
***
بوردان اوزاق «مرند»‌دير
كؤنلوم ساچينا بنددير
جان‌دان عزيز توتارام
چون‌كي، كوْپون‌لو قنددير!
***
بوردان اوزاق «ماراغا»
تئلين گلير داراغا
آغاجي كس، چمن اك
نه احتياج وار باغا؟!
***
بوردان اوزاق «كليبر»
اوره‌گيم سني ايستر
چيخارلار يئيين گئدير
گليرلر اوْلوب پنچر!

https://t.me/Adabiyyatsevanlar