1️⃣

🦜 دوشرگه‌نین ۱.جی آرشیوی : 👇

۱
✅ یئنی دوشرگه

✅ یازماق اوچون داریخمیشام

✅ هانا آرئنت-ین دئوریم فلسفه‌سی

✅ آذربایجان‌ شعرینده‌ مدرنیزم سس‌لندیرن: کبری میرحسینی

✅ هملت: شکسپیر

✅ فاکنئر و تنقیدچی‌لر

✅ ایران‌ سفیرلییی‌ تاریخی‌بینادا یئرلشیر

✅ کلاسیکادان مدرنیزمه آخان پوئزیا

✅ نبی خزری: شعر

✅ آتلی‌ قادینلار کیتابخاناسی

✅ داستایوفسکی‌نین جینایت و جزا رومانی

✅ نظامی‌نین خسرو و شیرین داستانیندا اولان فرهاد کاراکتئری

✅ خاطرات دکتر سلام الله جاوید

✅ تورکیه‌نین Ege دانشگاهی‌‌نین تورک‌دیلی‌و‌ادبیاتی‌آراشتیرمالاری‌درگیسینده‌ آذربایجان‌مدرن‌شعری آدلی مقاله‌م

✅ شعر: حسن حسین کورکمازگیل

✅ جعفر پناهی سئرچه‌نی بولبول یئرینه بزه‌دی❗

✅ آذربایجان‌ بایاتی‌لاری (رهپوی خورشید)

✅ تورک دیلینده تحصیله ایلک قاداغا

✅ آل‌ین یازیسی رومانی

✅ آتئن‌ مکتبی تابلوْسو

✅ گارسیا لورکا: آخشام‌ اوستو ساعات‌ بئشده

✅ اؤلو کیتابلار

✅ شعار، دوشونجه

✅ مهد آزادی آدینه‌سی: صمد بهرنگی

✅ پووئست نه‌دیر؟ (Povest)

✅ پووئست / رومان

✅ رومان‌لا پووئستین فرق‌لری

✅ فلسفه نه‌دیر؟

✅ پست‌مدرنیزمین دورومو کیتابیم

✅ باش‌یارما نسیمی شعرینده

✅ بؤیوک متفکر میرزه‌فتحعلی‌ آخوندزاده‌

✅ بؤیورتکن‌لیکلر سیراسیندان-۱ : شعر

✅ حکمدارین طالعی رومانی

✅ اکینچی: ایلک آنا دیللی قزئت

✅ خورشیدبانو ناتوان: شعر

✅ اوزرینده راضیلاشیلان گوج و اراده

✅ دده‌قورقود داستانلاری: فاروق سومر

✅ مشروطه و حاکمیتین فاجعه‌سی

✅ ایش‌پوخدور سیسیانوف

✅ معجز شبستری ایله خیابانی‌نین تورک دیلینه مناسبتی

✅ فلسفه نه‌دیر؟:
سس‌لندیرن نیره اردلانی

✅ آرزولار، نیسگیل‌لر

✅ شعر: هادی قاراچای

✅ کارامازوف قارداشلاری

✅ گونلردن ۱۲ شهریور گونو

✅ آکادئمییا نه‌دیر؟

✅ یازیچی‌لیق جاذبه‌‌لی‌دیر، یوخسا تنقیدچیلیک؟

✔️ هر عنوانین اوستونه تیکله‌یین

☘️
دوشرگه‌نین ۲.جی آرشیوی
🐫🐫🐫
https://t.me/dusharge1
🪑🪑



بلكه ده بير يوخودور (حئکایه)
✍یازان: یاشار بنیاد
کؤچورن: سحرخیاوی
حاضیرلایان:ادبیات سئونلر

اونوتماياق كي، انسانسيز دونيا هئچ ابليسه ده گرک دئییل.

...چوخدان بو يولون بئلي آغرى چکمیردی؛ نه گلن واردی، نه گئدن. ایللردی آغیر یوک ماشینلارینین زحمیندن سیلکه‌لنن شوسه‌یه قدر اوزانمیش چینقيللی يول، سانکی یوز ایلین یورغونلوغونو جانیندان چیخاریب یونگول نفس آلیر، داها اوّلکی قدر بوغولوب تنگیمیردی...

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

بلكه ده بير يوخودور (حئکایه)
✍یازان: یاشار بنیاد
کؤچورن: سحرخیاوی
حاضیرلایان:ادبیات سئونلر

اونوتماياق كي، انسانسيز دونيا هئچ ابليسه ده گرک دئییل.

...چوخدان بو يولون بئلي آغرى چکمیردی؛ نه گلن واردی، نه گئدن. ایللردی آغیر یوک ماشینلارینین زحمیندن سیلکه‌لنن شوسه‌یه قدر اوزانمیش چینقيللی يول، سانکی یوز ایلین یورغونلوغونو جانیندان چیخاریب یونگول نفس آلیر، داها اوّلکی قدر بوغولوب تنگیمیردی. "کاماز"لارین(آغیر یوک ماشینلاری، روسجا ماشین برندی آدی دیر) کوبود رِزین "آیاقلارینا"، اوغولتوسو قولاق باتیران تراکتورلارین جیرماق آتیب سینه‌سینه داغ چکن تیرتیللرینه اؤیرنجه‌لی چینقيللی توپراق بو آسوده‌لیگی، بو راحاتلیغی هئچ واخت حس ائتمه‌میشدی‌سه ده، آرتیق آیاق ایزلرینه، ماشین هَنیرینه حسرتدن داریخیردی آستاجا...

یاز تزه‌جه گيردیگیندن هاله‌سی سولغون گؤرونن گونش، احوالی خسته قاری كیمی تئز-تئز ده‌ییشَن بولودلو سَما، سحره یاخین کسسه ده، نئچه گوندو اوغولدايان كولک ده همن‌کی ایدی - تانیش و دوغما. تکجه سوکوت، اَت اؤرپَدَن او قورخونج سوکوت یاد ایدی. هایلی-کویلو بو یئرلر سوکوتا اؤیرشمه‌میشدی. غریبه ایدی کی اوباشداندان شهرده داشینان تزه توللانتيلاری گؤزله‌مکدن بئزیب زیبیل‌خانانین درینلیگینه چکیلین باخیمسیز، صاحیبسیز ایت‌لر ده، بو سسسیزلیگین هله اوزون سوره‌جه‌یینه آرخایینلاشیب آزاد-آسوده وورنوخماق عوضینه، یئرآلتی سلطنت‌لرینه قیسیلمیش سیچووللار دا کيریمیشجه هانسی‌سا فلاکَتین یاخینلاشدیغینی، بلکه‌ ده آرتیق باش وئرمیش موصیبتدن خبردار کیمی رفتار ائدیردیلر. سانکی دونیانی وئجینه آلمادان سون دفعه بورا بوشالدیلمیش عفونَت ساچان زیبیل توْربالارینا داراشمیش موزالان و آغجاقاناد سوروسونون اییرنچ ویزيلتیسی ائشیديلمه‌سه‌یدی، دونیا‌نین سسدن محروم اوْلدوغو سانیلاردی.

بعضی انسانلار، - هله "بومژ"لاری(روسجا. دیدرگین‌لری) دئمیرم، - علاجسیز، محتاج انسانلار سحرین گؤزو آچيلمامیش بورا گَلَردی آخی؟ شهرین كوچه و حیاط‌لارینداكي زیبیل قوتولاریندا ائشه‌لنمكدن آبیر ائدیب اوتانان، کارتون قوتولار، پلاستیک و متال بانکالار، دمیر، الوان متال پارچالاری توپلاییب مادی احتیاجلارینی اؤده‌مك اوچون ساتانلار هاردایدی بس؟ سانکی شهر ساکین‌لرینی بیر گئجه‌ده باشقا پلانئته‌(سیاره‌یه) كؤچورموشدولر. یاخشیسینی، پیسینی ده، اوغروسونو، دوغروسونو دا...

یول کناریندا، بورالارا خاص اولمايان، داها دوغروسو، آغ شالواردا قارا ياماق كيمي گؤزه چارپان تومورجوقلامیش تنها یاسمن كولو بلكه‌ ده دونیا‌نین وار اولدوغوندان خبر وئرن یگانه تانری مؤعجوزه‌سی ایدی. هه، بیر ده او.

او، اوزاقدا گؤرونن، ایری ماشینلارلا آردی-آراسی کسیلمه‌دن معیشت توللانتيلاری داشینان نهنگ شهر زیبیله‌خاناسینین "ساکینی" ایدی. بیر واختلار گؤزل شهرین کنارینداكي دبدبَه‌لی ویلا‌دا بختورجه‌سینه یاشایاردی. ساده‌لوح صاحیبي‌نين خیانتکار سئوگیلیسی طرفیندن قووولدوغون‌دان سونرا اوز توتدوغو بو سیغیناجاقدان ایلک دفعه باشینا گله‌جکلردن قورخمایاراق، گئری‌یه - لاپ تحقیر ائدیلیب قووولسا بئله، - صاحیبينين یانینا دؤنمک ایسته‌دی. ان آزیندان نه باش وئردیگیندن حالی اولوب راحاتلانماق اوچون... آخیراجان چؤزه‌له‌یه بیلمه‌دیگی نامعلوم تلاشدان اوره‌یی چیرپینیردی. آرتیق، هاوادان بئله آسيلی قالان بو اؤلوم قوْخوسو آندیران حرکَتسیزلیک، سوسقونلوق وارلیغینی اَزمَه‌يه باشلامیشدی. معصوم گؤرونسه‌ده، اوره‌گینی توْختادا بیلمه‌ین یاسمن كولونون هَنده‌ورینده بیر خئیلی دولاشدی، گولون اطرافه‌ یاییلان بیهوش‌ائدیجی عطرینی كؤنولسوزجه‌سینه بورنونا چکدی، بوش قالمیش یولا یئنی‌دن مظلوم-مظلوم نظر یئتیریب زینگیلده‌دی. هئچ جور اویغونلا‌شا بیلمه‌دیگی بو جان‌سیخیجی، قوصّه‌لی عالم اوره‌گینی یامانجا سیخدی.

سولانمیش قیزاران گؤزلری گئجه-گوندوز بیلمه‌دن یوک داشییان آغیرتونناژلی ماشینلارین آردینجا یول بویو هاوادان آسيلی قالان، قاباقلار هئچ ده خوشو گلمه‌دیگی توْز-دومانیندان اؤتور داریخدی. او يولون سونو‌ندا هایلی-هارایلی شهر باشلاییردی.

دایانا بیلمیردی. بو يول هئچ واخت بئله فاغیر و ساکیت اولمامیشدی آخی. بیتیب توکنمه‌ین درین ناراحاتلیقدان قورتولماق اوچون اوزو شهره ساری گؤتورولدو. یول بویو کورلا‌شان یادداشیندا ايلیشیب قالان قیریق-قیریق خاطیره‌لری جانلانیردی. گاه شیرین، گاه آجی خاطیره‌لری... اونو تا کؤرپه‌لیگیندن اؤز بالاسی قدر عزیزلَه‌ییب بؤیودن ایلک صاحیبی کریم كیشی او دونیا‌یه کوچَندن سونرا سرگردان دولاندیغی تنهالیغینی، سونرا تصادوفن راستلا‌شان ساده‌لوح میلیونر "خوزئیینین" ائوینده کئچیرتدیگی گؤزل گونلری یادا سالیب کؤورلدی.

---

صاحیبسیز قالان دؤنمده، بعضن تک-تنها دولاشدیغی قومسال کند یولوندا، بعضن ده ائله ساکینی اوْلدوغو شهرین دولانباج آرا كوچه‌لرینده شيتلیگیندن قالمایان دَجَل اوشاقلارین اشتها ایله یئدیکلری دؤنَر دورمَج‌لریندن هئچ اولماسا بیر تیکه کسیب قوناق ائتمک عوضینه، اوز-گؤزونه، بئلینه یاریمچیق یوغورت، کچاپ بانکالاری چیرپدیغی، قودورغان، هارین یئنی‌یئتمه‌لرین اوَّلجه بوتولکالاردان اوستونه سو، بعضن کُولا فیسقيرديب، سونرادان آمانسیزجاسینا زینگیلده‌ییب حالدان دوشه‌نه‌جَن داشا باسدیقلاری آنلاری دا خاطیرلادی.

لهله‌یه-لهله‌یه چینقیللی یولو اؤتوب، گئنیش، لاکین جان‌سیخیجی شوسه‌یه چیخاندا تعجّوبوندن دونوب قالدی. تؤوشودوگوندن یول کناریندا دایانیب اطرافی کِئی کیمی دینشه‌دی. نه باش وئریردی؟ حیسلری اونو آلدادا بیلمزدی. اوَّل‌لر تئز-تئز چتینلیک‌له کئچدیگی بو یولو بئله کیمسه‌سیز گؤرمه‌میشدی. دایانمادان او اوز-بو اوزه شوتویَن اوتوموبیل‌لردن قورونماق اوچون بعضن ساعاتلارلا گؤزلَمک لازم اولدوغو حالدا، ایندی سويو قوروموش ده‌ییرمانا اوخشایان، اوجو-بوجاغی بیلینمه‌ین شوسه یولونو بوش گؤروب دوروخدو. هئچ نه باشا دوشمک ایقتیداریندا دئییلدی. بیر قَدَر اؤترگی باخدی، بیر زامانلار اوزون-اوزادی تیخاجلارییلا، سایسیز-حسابسیز قانلی-قادالی قضالارییلا خبر پروگراملاریندا گوندَم یارادان، ایندی ایسه بوشلوغو و گئنیشلیگی قورخو و واهیمه دوغوران شوسه‌نین دوز اورتاسییلا شهره ایستیقامت گؤتوردو. قفیل هر شئِی اوَّلکی مَجرالارینا دوشَر دئیه، آرا-سیرا ساغ-سولونا چئوریلیب باخیر، یولدا اوندان ساوایی نه اینکی بیر جانلی‌نین، حتّی اوتوموبیلین اولمادیغینا امین اوْلاندا داها دا هیجانلانیر، قوصّه‌دن آددیم‌لارینی بیر آز دا یئیینلدیردی. سانکی دونیادا اوندان، دولوب دورموش سَما‌دان، بیر ده سونو گؤرونمه‌ین سیرینسیمیش بُومبوز شوسه‌دن باشقا هئچ نه یوخ ایدی. اطرافدا ائله سوکوت حؤکوم سوروردو کی، قفیل چاخان شیمشک "من ده وارام" دئیه‌نه‌جَن آددیم سس‌لرینه قاریشان اوره‌گینین گوپپولتوسو دیک دورموش قولاقلاریندا اوغولدادای...

شهرین گیریش قاپیسینا چاتاندا یورولوب اَلدن دوشسه ده، قوصّه و کدردن سیخیلاراق ایکی آغیز هوردو. سونرا، لاپ برکدن... سونرا، بیر ده...
نهنگ شهرین سَما‌یا قوجاق آچان گؤی‌دلن‌لری ائله بیل صاحیبلری‌نین چوخدان اونوتدوغو، زیارت ائدیلمه‌دیگیندن توز باسمیش بوز قبییر داشلارییدی، یول‌آیریجیندا، اَلی آلنیندا گؤزلری یول چکن قوجالار کیمی دایانیب هئی سونسوزلوغا باخیردی... آدام گؤزه ده‌یمه‌ین شهرده قفیل ائشیدیلن جينگیلتلی سَسی بیر-بیرینه قیسیلان بئتون بینالاردا عکس‌صدا وئریب گئری قاییداندا، اؤز سسی‌نین گورولتوسوندان دیکسینیب بیر آز گئری چکیلدی. قورخدو. ساکینسیز شهرلرده ان آلچاق ائولر ده نهنگ، ان دار کوچه‌لر ده عوممان کیمی نهایتسیز گؤرونورموش!

ایچینی بوروین واهیمه‌دن اوُشَندی. آستا-آستا پروسپکت(روسجا.بولوار) بویونجا آددیم‌لاییب هئچ واخت تصوّور ائده بیلمه‌یه‌جه‌یی بو موُدهیش بوشلوقدان اوزاقلاشماق، ایچری‌لره، اساسن بایرام‌لاردا، مؤحتشم کارناواللارییلا بوتون ساکینلری بیر یئره ییغان، دایما بختوَرلیکدن جوشوب-داشان مرکزه یوخ، بایاقدان اونو بورا چکیب گتیرن آرزوسونون دالینجا، بیر زامانلار خوشبخت یاشادیغی شهرین کنارینداکی ائوه ساری اوز توتدو.

قزئت پارچالاری، سئلوفان پاکِت‌لر اوچوشان سکی‌لرده، آرا كوچه‌لرده غریبه یالقیزلیق و مٵیوسلوق حؤکوم سوروردو. بیردن، گؤردوگو منظره حالی‌نی ده‌ییشدی، آیاقلاری آسفالتا میخلاندی، باخدی کی، ایری مارکِتین دیوارینین تینینه قیسیلیب، یقین کی، چوخدان، یا آناسی‌نی، یا دا صاحیبینی آختاران، بو حالی‌نا آجیییب کیمسه‌نین اونا صاحیب چیخا‌جاغینا امیدلی بالاجا پیشیک بالاسی نیسگیللی-نیسگیللی مییولداییر. شهرین اورک پارچالایان بوشلوغونا بیر آز دا کده‌ر قاتان بو سَس هله بسته‌لَنمه‌میش ان غملي - اؤلو دعاسینین ایلک آکوردلاری ایدی، سانکی. فاغیر-فاغیر ایمداد دیله‌ین پیشیک ده اونو گؤردو، اوَّلجه گؤزلرینه اینانمادی، دئیه‌سن، حتّی دوروخوب بیر آز دا دیوارا قیسیلدی، یوماغا دؤندو، آمما چوخ چکمه‌دی کی، آرخایینلاشدی، داها اورکله مییولدایاراق نهایت کی، اونا هایان اولا بیله‌جک بیر جانلی‌یا راست گلد‌یگیندن ائهماللیجا اونا دوغرو یئریدی. لاپ یاخینلاشاندا داها محرم اولدو، بئلینی اونون یومشاق توکلو آیاغینا سورتوب قملي-قملي مییولدادی.

ایندی ایکیسی آیریلماز دوستلار کیمی، بو مؤحتشم شهرین وور-توت بیر جوت ساکینی، بلکه‌ده صاحیبلری کیمی یانا‌شی آددیم‌لاییردی.

گئنیش کوچه‌لر بویو آلیجی گؤزله‌ین پاریلتیلی ماغازا ویترین‌لری، گوندوز اولماسینا باخمایاراق رئكلام ایشیقلاری، یانیب-سؤنن موشتریسیز بار و رئستوران‌لاری، قاپیلاری قیفیلی کیتاب ماغازالاری، قزئت و توتون کؤشک‌لری، سانکی عیبادته گئتمیش صاحیب‌لری‌نین تئزلیک‌له قاییداجاغینا اومیدلی گؤرونوردولر. هر شئی – گؤزه چارپان نه واردیسا سولغون و کدرلی ایدی.

اونا ائله گلدی کی، یَقین، قاسیرغا تهلوکه‌سیندن احتیاط ائدیب بورون‌لارینی بئله چؤله چیخارمادان ائولرینه قیسيلمیش ساکین‌لر بیر آز‌دان فلاکَتین سوووشدوغونو گؤروب قاپیلارینی تایباتای آچاراق کوچه و مئیدان‌لارا چیخاجاق، شنلنه‌جک، حیات یئنی‌دن قاینایاجاق، اوندا جان اوزَن بو بوشلوق اونو دا ترک ائده‌جک، یول اوزونه گوله‌جک، اُو دا اوّلکی کیمی اینسان و اوتوموبیل سئلینَه قاریشیب توز دَنه‌سی کیمی گؤزدن ایتَه‌جَکدی.

بو، غریزه‌دن دوغان آرزوسویدو. چونکی هوندورمرتَبه‌لی بینالارین حَیَط‌لریندن کئچدیکجه یان‌بایانا دوزولموش، آغزی‌ناجان دولوب-داشان، چوخدان ییغیلیب آتیلمادیغیندان، سانکی بوتون شهرین زیرزَمی و گؤزه‌گؤرونمز یئرآلتی لاغیم‌لاریندان گون ایشیغینا چیخیب اؤزلرینه مؤحتشم بایرام سوفره‌سی آچمیش سیچان و سیچوول‌لارین داراشدیغی عفونَت قُوخویان زیبیل قوتولارینی گؤرنده بو آرزوسونون چین اولمایاجاغینا اَمین اولدو. زیبیللیکده قاریشقا کیمی قایناشان سیچوول سوروسوندن هورکوب اُونا قیسیلان اورکک پیشیک بالاسینا "یانیندایام، قورخما" دئییرمیش کیمی اورک-دیرک وئریب ساکینلشدیرمکدن اؤتری بیر-ایکی آددیم ایره‌لی‌لییب عینادلا، هیرسله برکدن هوردو. سیچوول‌لار تک-تک آتان یاغیشین گورلاشاجاغیندان‌می، یوخسا بایاقدان باشلارینا دوشموش لذت آلدیقلاری اؤز خیشیلتی‌لاریندان، اطرافه چؤکموش سوکوتون قفیل پوزولدوغوندان‌می هورکدولر، بیلمک اولمادی. او، ایکیجه آغیز هورَنده، موفته یئییب هارینلادیغیندان بدبخت جَمدَه‌ییني تئَرپَده بیلمه‌یَن بیر نئچه قوجا، قارین‌قولو سیچوولدان ساوایی، هامیسی گؤزدن ایتمیشدی.

گؤی بیر ده گورولدادی. بو دفعه داها قورخونج و داواملی. چوخ کئچمه‌دی کی، سکی‌لر بویو آتیلیب قالمیش اوتوموبیل‌لرین توز-تورپاغینی یویوب تمیزله‌يه‌جک شيديرغي یاغیش مئیدان سولاماغا باشلادی.

او، سکی ایله دیوار بویو گئدیر، دَریسینه یاپیشمیش یومشاق توک‌لریندن سوزولن گور یاغیشا مَحل قویمادان بیر واختلار یاشادیغی محله‌نی آراییردی. چوخدان گؤرمه‌دیگی کوچه‌لرین قُوخوسو، گؤرکملی ایکی محله او یاندا آختاردیغی قاپی‌نین قنشرینه چاتاجاغینا اینام یاراتدی اُوندا. یاغیشین آلتیندا اَتجه جوجه‌يه دؤنموش پیشیک، دئیه‌سن، اونو اونودان ایتی گؤزدن ایتیرمه‌مک اوچون، ایری آددیم‌لارییلا آیاقلاشا بیلمه‌یه‌جه‌یینی حیس ائدیب توللانا-توللانا گؤلمَچه‌لرین ایچی ایله یویورور، سَسی سوُیوقدان جيرلاشسا دا، "منی ده گؤزله" دئییرمیش کیمی گوجو چاتدیقجا ائله هئی مییولداییر، ایسلاندیقجا آغیرلاشان بالاجا بَدَنینی، سانکی ایتین دالینجا سوروکله‌ییردی...

او، تاختا دَروازایا چاتیب مَمنونلوقلا دایاناندا پیشیگین حالی اؤزونه گلدی، ماددیم-ماددیم قاپی آغزیندا فیرلانیب، تانیش هاوانی قوُخویان ایته باخیب توختادی. دَروازانین قارشی‌سینداکی یام‌یاشیل یارپاق‌لاریندان دامجی‌لار سوزولن قوجا پالید آغاجی بیر آز دا پارداقلانیب قول-بوداق آتمیشدی. سیلکه‌لنیب ایسلاق بَدَنی‌نین سوُیونو چيرپدی. صاحیبی اونو تانییب ائشیگه چیخار دئیه، اوزو قاپی‌یا، دایانمادان هوردو. آرالی‌دا تیتره‌یَن کؤرپَه پیشیک ده آزجا اورک‌لندی، مییولدایاراق یاخینلاشیب قاپی‌نی چیرماقلاماغا باشلادی. بیر زامانلار قیزیل-لی نیمچه‌ده قاباغینا قویولان قیزاردیلمیش اَت پارچاسی، دادلی-تاملی کالباسا و سوسیس‌لرین خوش عطری بورنونا ده‌یيب، نهایت کی، بو عذابلی گونده بوتون اولان‌لاری اونوداراق اوزونه آچیلا‌جاق قاپی‌یا دیکیلی قالدی گؤزلری. قاپی آچیلمادی.

یاغیش کسن کیمی سما آیدینلاشاجاق، گونش گؤرونجه‌ک، زومرود رنگلی یارپاق‌لاری، ایسلانمیش خونچالی دروازانی، داش دؤشه‌مه‌لی سَکینی، آسفالت‌داکی کیچیک گؤلمَچه‌لری قورودوب اوَّلکی گؤرکَمی‌نه قایتارا‌جاغیندان قایناقلانان حیسسی اونو یاغیشدان قورویان آغاجین آلتیندا لنگر سالاراق گؤزله‌مَیه سؤوق ائتدی. پیشیک جوماراق اونون هله ده تؤوشویَن سینه‌سی‌نین آلتینا قیسیلدی.

یاغیش قفیل باشلادیغی کیمی قفیل ده کسدی.

عادَتن بئله لئیساندان سونرا محله‌لری باشینا گؤتورن، گؤلمَچه‌لرده یاغیش سوُیونو شاپپیلدادان بالاجا اوشاق‌لارین های-هَشیری، حَیَط‌لرده نَرد، دومینو اوْینایان آزارکئش کیشی‌لرین سَس-کويو، توستوله‌نن سامووارلارین کؤمور قوخوسو، آستا‌جا کیم‌سه‌نین غئیبتینی ائدن، دونیانین او باشینی بو باشینا قاتان قادین‌لارین خیسین-خیسین گولوشمه‌لری، آرا-سیرا
ائشیدیلن شاقراق قهقهه‌لر، دام‌لاردا قوش اوچوران جاوانلارین فیت سَسی هاراسا غئیب اولموشدو.

شَكلنمیش قولاقلاری دروازانین او اوزوندن گَله بیله‌جک هَنیره كؤكلەنسه ده، آغیرلاشمیش باشینی پَنجەلَرینین اوستونه سؤیکَه‌ییب اوزاندیغی یئردن قَملی گؤزلرینی سونو مَسجیده دیرەنَن كؤچَه‌یه زیللَمیشدی.
آسفالتدا اَزیلمیش كنسرو قوتوسونو فوتبول توپو كیمی بیری-بیری‌نه اؤتوروب اَیلَه‌نَن، بَعضن بیلَرَكدَن اونو نیشان آلیب فاغیر-فاغیر میریلداماقدان، باشینا، سیر-صیفَتینه یوغورت، كچاپ، خَردَل سورتوب، ایشکنجَه وئرمكدَن لَذت آلان، سون واقتلارسا، باخیمسیز كوچه ایتلَری كیمی اییلَن‌دیگین‌دن یاخینلارینا بوراخماییب اونو داشا باسان اوشاقلار اوچون ده داریخدی. اونا گاه قایغی گؤستَرَن، گاه دا ایشکنجَه وئریب ایت یئری‌نه بئله قویما‌یان انسانلار اوچون بورنونون اوجو گؤینه‌دی. بیر آزدان، آخشام دوشَنده، ظولمَتین واهیمَه‌سینی دويدوقجا، بایاق ایسلاناندا لَعنتله‌دییی یاغیشین – شَهَرین كوچَه و دام‌لارینا چیرپیلاراق سُكوتو پوزان لئیسانین شیریلتیسینا سوسادی. دیلینی اوزادیب بؤیرونه قیسیلمیش پیشیک بالاسی‌نین ایسلاق صیفَتینی شَفقتلَه یالادی.
گؤزلَرینی بَرك-بَرك یومدو. یومدو كی، ننئچه ساعَتدی دام‌لاری دانقیلدادا-دانقیلدادا یاغان لئیسانین اویادا بیلمَه‌دییی بو ساكینسیز شَهَری بَلكه یوخوسوندا گؤردویونَه اینانسین. یومدو و...
كوچَه‌لَردَه سیگنال وئره-وئره او یان-بو یانا شوتویَن آوتوموبیل‌لَری، پارك و خیابان‌لاردا قایناشان اینسانلاری، ایشَه، ماغازایا، ائوه، تئاترا، اَلین‌دَه بیردَستَه زانباق گؤروشَه تَلَه‌سن سئوگیلی‌لری گؤردو، سمادا اوغولتویلا اوچان طیارَه‌لَرین هاوادا بوراخدیغی ایزه باخدی، موسیقی صدالاری یاییلان، اوشاق، بؤیوك سَسی گَلن بوتون بینالارین پَنجَره‌لَرین‌ده گور ایشیق یاندی، مَحَلّه‌لردَه بوشالدیلمیش، یویولوب تَمیزلَنمیش یاشیل زیبیل قوتولاری گؤزون‌دن یایینمادی، حاصاریندا اوتوردوغو قاپینی گوله-گوله اوزونَه آچان صاحیبینی، اونون دائیما گولومسَه‌یَن قوللوقچوسونو، سَسه ییغیشان قونشولارین اولمازین مِهریبانلیقلا اونو سَلاملاماسینی گؤردویونَه امین ایدی و بو، هیچ ده یوخویا بَنزه میردی...

https://t.me/Adabiyyatsevanlar

چاهارگاه_تصنیفی
اوخویور: عاریف_بابایئف

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ادبیاتی

«  سرچه لر نییه کؤچری دئییللر »

یازان : علی صمدلی 
کؤچورن : علی آغ گونئيلی  -  ابرازی 
کتاب :‌ ژنرالین اوشاقلیغی  ( ناغیللاربؤلومو )

پاییز گلمیشدی . یارپاقلار سارا لیب بیر – بیر تؤکولور، آغاجلار چیلپاغلانیردی. کؤچری قوشلار دا ییر – ییغیش ائدیردیلر. ایلک دفعه کؤچوب گئدن قارانقوشلار اولدو . اوزوده ، سسسیز – سمیرسیز ، بیردن یوخا چیخدیلار . اورخان هئچ اونلارین کؤچوب گئتمه سینی گؤرمه دی . دورنالاردا قاتارلانیب اونون باشینین اوستوندن اوچوب گئتدیلر . آخیرا لئیلکلرقالمیشدی . بیر سحر اونلار دا کؤچوب گؤرونمز اولدولار. اورخانین گؤزونه آنجاق سرچه لردییردی . اؤزوده  ائله بیل گوندن – گونه چوخالیردیلار . آخی زمی لر سووولموش ، باغلاردان مئیوه لر دریلمیشدی . اورخان ننه سیندن سوروشدو :
ــ  ننه ، آی ننه ، بس بو سرچه لر نه واخت کؤچوب گئده جکلر؟
ــ  ننه قوربان ،  هئچ واخت ، سرچه لر همیشه بیزیمله قالاجاقلار .
ــ   نییه ؟
ننه اوول بیلمه دی نه جاواب وئرسین . بیر قدر فیکیرلشدی ، سونرا :
ــ  بیلیرسن ، بالاسی ــ دئدی ، بیرزامان سرچه لر ده کؤچه ری اولوبلار . آنجاق بیزیم آتا – بابالاریمیز سرچه لره ائله قایغی گؤستریبلر کی ، اونلار بو یئرلردن کؤچوب گئتمه یه اوتانیبلار . باخ او ، او واختان اونلار یایی دا  ، قیشیدا بیزیمله قالیرلار.

https://t.me/Adabiyyatsevanlar

اوشاق ادبیاتی
اوشاقلارین مدرسه تکلیفی...

https://t.me/Adabiyyatsevanlar

اوشاق ادبیاتی

📚📖 بیلیردیز اوشاقلارین مدرسه تکلیفلری تکجه نۆمره آلماق یوْخ، اؤز گۆونینی چوْخالتماق اۆچوندور؟ اوشاقلاریزی تکلیفلرینی یازان حالینده تصور ائدین. سونرا بو نُکته‌لری بیر بیر دینله‌یین. وهقدرینه عمل ائدیرسیز؟ ۱- اوشاقلار امن، سسسیز، اَٽشیقلی و ساده فضایدا تکلیف یازمالیدیرلار. موْبایلدان تئلوزیوْندان اوْیونجاق و تمرکۆزونو پوْزان هر بیر شیئدن اوزاق. ۲- اوشاقلارین یانیندا اوْلماق اوْنلارا یاردیم ائتمک آنلامیندادیر، درسلرینی یازماق یوْخ. اوشاقلار تکلیفلرینی یازاندا اؤزلرینی تک و بسقی آلتیندا حیس ائدرلر. بیز اوْنلارا امنیت و دینجلیک حیسّی وئرملی‌ییک. اوشاقلاری دانلاماق یا یئرسیز محبت‌له درسلرینی آلیب یازماق یئریینه، ساده و هیماتی سواللارلا بئیینلرینی چالیشه چکملی‌ییک. سنجه بونو نئجه حل ائله‌مک اولار؟ کئچن هفته بونا اوْخشار سووالی نئجه جوابلادین؟ 3- زماني بؤلملييك. اونوتمایاق اوشاقلار بیزیم قدر اوزون مۆدت تمرکۆز ائده بیلمزلر. درس ۲۰ دیقه ۵ دیقه دینجلمک. دؤردونجو مسئله چوْخ اؤنملیدیر. «غلط دی سیل اولدن یاز.» مشارکت اینتیقاددان گۆجلودورو اونوتمایاق. گؤردوغونوز تکلیفلرین ایلک مۆثبت و یاخجی یئرلرینی دیله گتیریب تحریک ائدین سونرا دۆزلتمه‌سی گرکن یئرلردن دانیشین. ایکی رقمی عددی توْپلاییب یانلیش جوابا چاتیبسا؛ آفرین نه تمیز عددلری بیر بیری آلتیندا یازیبسان، جوابی نجور تاپدین؟ توضیح وره بیلرسن؟ تکلیفلر بیتندن سوْنرا اوشاغیمیزین اؤزگوونینی چوْخالتماق و یانیندا درسلری مورور ائلمک لازیمدیر. آن یاخجی یوْلو صمیمی دانیشیقدیر. بو درسین هاراسینی چوْخ سئویرسن؟ هاراسی سنه چتین گلدی؟ بئله‌لیکله هم مورور ائله‌دیک هم اوشاغیمیزا اؤزونون و نظریلری‌نین اؤنملی اوْلدوغونو بیلدیردیک. و هر شئیدن اؤنملی، بو یولدا صبیرلی اوْلماق لازیمدیر.

https://t.me/Adabiyyatsevanlar

اوشاق ادبیاتی

قیصر امین پور

بویِ ماهِ مهر 🌺

باز آمد بویِ ماهِ مدرسه
بویِ بازی هایِ راهِ مدرسه
بویِ ماهِ مهر، ماهِ مهربان
بویِ خورشیدِ پگاهِ مدرسه
از میانِ کوچه هایِ خستگی
می گریزم در پناهِ مدرسه
باز می بینم ز شوق بچه ها
اشتیاقی در نگاهِ مدرسه
زنگِ تفریح و هیاهویِ نشاط
خنده هایِ قاه قاهِ مدرسه
باز بویِ باغ را خواهم شنید
از سرودِ صبحگاهِ مدرسه
روزِ اول لاله ای خواهم کشید
سرخ، بر تخته سیاهِ مدرسه.

           https://t.me/Adabiyyatsevanlar