رحیم گوزل

1

سنین یوخلاماغینلا
منیم اویاق قالماغیمین
ایلگیسی‌نین
بیلگی‌سینی
دویسایدیلار یاتاغانلار،
گوزلریمه قیسقانینجا
آغلاردیلار اوره‌ییمه
اورکلرین
دولوسونجا!..


2

آدینی سیمگه‌لی یازماقدان
کلمه‌لر بیتدی،
آمّا
توکنمه‌دی
دین ایچینده
دین بسله‌مک!..

https://t.me/Adabiyyatsevanlar

خلیل بحران و مجسمه های شهری
بو کلیپی بوبوک آغا افندیه گوندردیک ویازدیق افندی به سن نیه مجسمه دوزتمی سن؟
آلتیندا بئله یازییب بیزه قایتاردیلار.

بسمه تعالی
بو مملکت ده هئچ کیم خلیل بحران کیمی مجسمه قئیرمز،


https://t.me/Adabiyyatsevanlar

رویا-ابراهیمی

گره زده‌ام خیالت را
به رویای خسته‌ام
کاش گره‌اش کور و
کور نشود
چشم آرزوهایم

2


رخشی بی‌سوار
یکه تازی می‌کند

یادت
درون ذهن من

https://t.me/Adabiyyatsevanlar

تانینمیش سولدوزلو شاعیر، "اسماعیل  بهرامی"یانان" ادبیات سئونلر گوزگوسونده

زمان:سه شنبه1404,6,18
ساعات:9
چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

حبیب_ساهیر

شفقلرده اوچان آخشام قوشلاری،
مندن سالام دئیین گؤزل تبریزه.
قاطار ایله گئد‌ن وطنه ساری،
آرخاداشلار! بیر باش وورون‌ دا بیزه!

آچین منیم تاختا، سینیق قاپیمی!
گؤرون عزیز آنام یولدان گلدی‌می؟!
اوشاقلاریم گؤرون اونوتموش غمی؟!
یوخسا اؤلوم، آجلیق وئریب دیز-دیزه؟

بوراخمایین ائویم نمدن چوروسون!
قویون صبا توزلارینی سوپورسون،
قیزیل گونون نورو اونو بوروسون!
توخونمایین بنؤوشه‌یه، نرگیزه!

دومان چؤکوب، اوفوقلری قارالتدی،
منه غوربت بیر جهنّم یاراتدی.
خزان یئلی باغچامیزی سارالتدی،
داها نه‌لر دئییم؟ دوستلار، من سیزه؟!

https://t.me/Adabiyyatsevanlar

✍️: ائلمان موغانلی
سوررئال شئعیر


سنی گؤردوم
هئچ بیر قاطارین کئچمه‌دیگی بیر دوراقدا
آیاق قابی‌لارین کؤچَری قوش‌لارلا دولموشدو
و گولوشون
قاپالی بیر بوز‌ دولابی‌نین جامیندان چیخارکن
قهوه فینجانیمدا اؤزونو بوغماغی دوشوندو
یوخولاریندا
پیلله‌لر گؤی اوزونون آلتینا قالخیردی
و گونش
هر کیپریگیوه توخانارکن
قیرمیزی بیر بالیغا دؤنوردو
و حامام وانیندا بوغلانیب اوچوردو گؤی‌لره
گؤزلرین بیر خریطه
هئچ بیر یئره چاتمایان یول‌لاری
کیپریک، توستو و یاغیش‌دان اولان جیزیق‌لارلا یارادیر
و من ترسینه چالیشان بیر دووار ساعاتی
تکجه سنین یانیندا اولدوغومدا
دوز چالیشماغا باشلاییرام


https://t.me/Adabiyyatsevanlar

مهتاب_میرقاسمی

از صیانت بال‌هایم
دست بردار!
از قلمرو کوچک منقاری
که پناهگاه ابرهای باردار شمالی است
و از چینه‌دانی زخمین
که رازدار آوایِ
سینه سرخانی است
روی دار

چه می‌‌شد تبعیدم می‌کردی
به دورترین رویاهایت
به آخرین تسلای پرواز
آن جا که مقراضی
برای پرهامان نیست
و آسمان بی‌هاشور است

حک می‌کردی عشق را
بر قانون نور
در نخستین تلاقی نگاه
و سینه‌ی سوخته‌ی کهکشان را
می‌ساییدی
بر فانوس چشم‌ها

بیا باز گردیم
به گندمزاران قدیم
به مهربانی خرمن
و به دانه‌هایی
که از مرزهای پوشالین گذشته
پاییز را از میان
شاخ‌های گوزنی تنها
کوچ می‌دهند...

https://t.me/Adabiyyatsevanlar

ائلدار موغانلی

گؤزلویونو ایتیرندن
مؤحتاج قالدی الینه؛
ایتیلتدی قولاغین
گوج وئردی دیلینه.
الینده دیندیردی معنالارین دوغولدوغونو
قولاغیندا سسله‌دی هر بیر شئیین نه اولدوغونو.
هر زامان
بیر آددیم یوبانارکن
جواب قوپدو دیلیندن.
گؤزلویونو ایتیرندن
رنگ‌لر ده ده‌ییشیلدی
هاوا دا توتولدو؛
نه قارشیدان گلن-
بیر تبسسوملونون شیرینلییینی داددی
نه حیات گؤزللیییندن حظ آلدی.
چؤهره‌سینه چن چؤکدو-
دوست‌لارین، تانیش‌لارین،
دادی قاچدی یولداش دیلیندن قوپان آلقیش‌لارین.
یاشادی گؤزلوکسوز؛
هر شئیی
بئینی‌نین بیر بوجاغیندا
خاطیره‌لردن آسدی،
اوره‌یینی گؤزلریندن قوسدو.
مرداد ۱۴۰۴ – تهران

قایناق:ایشیق سایتی

https://t.me/Adabiyyatsevanlar

کیم دئییر بیز یاشامیریق؟!
بو دا عوموردن،
اوچ-چره‌گی‌نین سیشدیق ایچینه
قورتولدو گئتدی ایشینه.

بیرزمان گئجه- گوندوزوم فیس‌بوک‌دا کئچردی. سحردن-آخشاماجا بوتون پست‌لاری لایک ائدردیم بیرینین ایت-پیشیگینی ده ردّه وئرمزدیم، یقینن آغای لایک عنوانی اولسایدی من اونا لایق ایدیم‌. اوندا اوستاد شهریارین شعرینی داشلار چاتلاسایدی فیس‌ده اون نفر لایک ائدردی، امما منیم هاتاران- پاتارانیمی مین نفر..‌. اؤزومه بتر قرراحلاناردیم، دئییردیم به ناظیم حکمت‌ین الینی دالدان باغلامیشام. ایندیکی فیس‌بوک موددان دوشوب، دای منیم هاتران-پاتارانیمی ایکی نفردن چوخ لایک ائله‌میری، بیری یازیق آروادیم، اوبیری‌سی تاخما آدیله باشقا بیر صحیفه‌م وار او. قافله‌دن دالی قالماییم دئیه، کاروانین یولونو عوض ائله‌میشم. اینستایا ، اینستادا کوچه‌دن کئچه‌نین، شورت ساتانین، غذا قویانین، سویونانین-گئینه‌نین، قیزلارین-اوغلانلارین مخصوصن خوشگل اولالار، اینستا حکیم‌لرینین، بوتون محبت دلالارینین، اسگی خواننده‌لرین، هنرپیشه‌لرین، اؤزلرینین، یئددی آرخادان دؤنن‌لرینین پست‌لارینی لایک ائدیرم. فیسه گؤره بتر پیشرفت ائله‌میشم. بوردا هامیا کامنت ده قویورام، گونده قیرخ‌بئش دفه ده کامنت‌لریمه باش چکیرم‌. یقینن اینستادا بیرگون کامنت آغا‌سی سئچسه‌لر، من بیرینجی عنوانی قازانارام. کیم دئییر بیز یاشامیریق؟!
بو دا عوموردن،
اوچ چره‌گی‌نین سیشدیق ایچینه
قورتولدو گئتدی ایشینه.

https://t.me/Adabiyyatsevanlar

شایان

قایتاران ۱

    آیدینلیق سرین گئجه‌نین آردیندان، هوندور گؤی دلن داغلار آراسیندا دان یئری سوکولور.
   توران گئت-گئده یئر اوزوندن اته‌یینی ییغیب آرادان قالخیر.
   کهلیکلر یووالاریندن چیخیب دن دنلرکن، سه‌ییرییرلر، قورد-قوش اویانیشی، دوغادا یئنی بیر یاشام دوغوشونو جانلاندیریر.
   سرین سولو بولاقلار شریلداییر. آرخلاردا دوم-دورو سو سوروشوب دالغا-دالغا آخیر.
    تولکو قوشلارا دوزاق قورماغا دوشونور آنجاق چوبان آلدادان، تولکونو طاماحلاندیریر، اونو قاندیریب. خئیلک اؤز دالینجاق قاچیرتدیریب اویدورور.
   بوز آلا-بولا، داوشانلار سوروسو گوللو چیچکلی اوتلاق آراسیندا بیر-بیرلرینی قوووب، اویناغا گلیرلر.
   میشوووللار دلیکلریندن ایکی آیاقلاری اوسته بویلانیب چئوره‌نی ییرتیجیلاردان یوخلاماق اوچون اویان بویانا بورولوب، اورکک-اورکک باخیرلار.
   قورباغالار گؤللر ایچینده سس-سسه وئریب، قورولداشیرلار.
بولاغ اوتو، یارپیز، رئیحان، لاله، بنؤوشه سحر یئلینین اسینتیسینده ییرغالانیب عطیر ساچیب، بوی-بوی ائدیب سوزورلر.
    گؤیده اولدوز باتمادان، هاوا ایشیقلانیر، سرین مئح اسیر، قایالارین آراسیندان بورولان مئحین کوشولتوسو کسیلمه‌دن، داغ-دره‌نی بورویور. دره‌نین ترکینده کی یالقیز جاناوار آجیندان اولویور.
    یولغونلوق ایچینده اینجه سسلی جویور مله‌ییر، باش دره‌ده، یوغون سسلی آییی نریلده‌ییر، قابان داغدا سانجیلانیب بؤیویور.
   آشاغی اوبالاردان اوجاقلار توستولویور، دومان قالخیب گؤی اؤزه‌رینه بویلانیر.
   سئیرک نارین یاغیش آردیندان داغ باشینی دومان آلیر، آت کیشنه‌ییر، دوه بوزدویور‌، آشاغی آرخاجدا چوبان ایتلری مریلداشیر.
   بو سسلردن آییق یاتمیش چوبانین  داش‌دیبی دالداسیندا یوخوسو قاچیر، جورجه‌نه‌یین تندیر ایستیللی قوینوندان قوپباغا گؤییل قویمادان دولایی قایتارانین ائشیکده قالمیش بورونونون اوجو سویوقدان گؤینویور، ایسته‌مدن، قالخیر آیاغا، جورجنه‌یی بوکور بوکوشدورور، ائششه‌یین اوسته‌کی تئرین ایچنده یئرلشدیریر، بولاق باشینا ائنیر، ال-اوزونو یویور.

   https://t.me/Adabiyyatsevanlar

رقیه عبدالعلی"سازاق"

وطن آدلی قوزو بوردا نئجه باشسیز مله‌ییر
دوغرانیر قویروغو، آج قارنی لاواشسیز مله‌ییر
یوخو چؤکموش گؤزونه مورگو‌له‌مکده چوبانی
یالین اللرله هورور ایت‌لری، داشسیز مله‌ییر
زر جواهیردن اولان توپراغی بوش- بوش ساتیلیر
اوزوگو پای وئریلیر، بارماغی قاشسیز مله‌ییر
جانا-جان دوستلاری بیر-بیر نئجه آزقینلاندی
گوزه‌می کورکولو قورد گؤردو، قاقاشسیز مله‌ییر
گؤزون اوستونده قاشین وار! دئیه‌نی کیم گؤردو
گؤز اویولموش یئرینه قان دولو قاشسیز مله‌ییر
گؤیو توسدو بورویوب داغلاری قارتالسیزدی
«سازاغ»ین زیروه‌سی گؤی قورشاغی قوشسوز مله‌ییر.

https://t.me/Adabiyyatsevanlar

زرین رزندی(طناز)

بحمداللاه تورم دن،یئتیشدیک جانه،ایران دا

کوُنول اوُزگورلویه حسرت،باتیب آل قانه ایران دا

یانیر مللت گران لیقدان،دیلی توتمور فغان ائتسین

اوره ک لنمیر،قیام ائتمیر،یاتیبدیر یانه،ایران دا

سالیبدیر فتنه نی چنگیز کیمی ایرانه تحریم لر

داوا-درمان چوُنوبدور،خنجر بررانه،ایران دا

آدی باتمیش(کووید)هرگون،قیریر یوزلر بشر اوغلون

تاپیلمیر واکسن فایزر،اّشی بیردانه،ایران دا

یومورتا دّر اولوب،اَتله-تویوق،لعل بدخشان دیر

دویو اغوا ائدیر مئیلی،اولوب فتانه،ایران دا

بو باش سیز مملکت،باش دان باشا-غارت دی-فحشادیر

باخ انصافه!دئییر:کافر یئتیب ایمانه،ایران دا

دئییرلر:سوس دانیشما،هر ایشه دورتوکجه باش سوخما

بلاشک مللت ایران،اولوب بیگانه ایران دا

اَده خلقین ائوین ییخدیز،داغیتدیز،تارومار ائتدیز

(سکندر)دن میراث قالمیر،بو قدر ویرانه،ایران دا

قودوز حئیوان روا بیلمیر،جفا وجوری حئیوانه

بو استبداد ندن اعمال اولور؟انسانه،ایران دا

دَوه تک خیخلانیب مللت،اویان لار دینمه قوی اویسون

عاغیللی ایش بیلن یوخدور،دورا عصیانه،ایران دا

اَیر اللر دویونننسه،بو سس سیزلیک هاوار اولسا

آتام ارواحی لوت رعیت،گلر زور-خانه،ایران دا

آییلسا خواب غفلت دن،ایگید سلطانا رحم ائتمز

ایچرلر زهری سلطانلیق،چاتار پایانه،ایران دا

دیلین لال اولسون آی(طناز)،شعرینله اغتشاش سالما

سنه دخلی نه دیر قالخا؟دلار میلیانه،ایران دا.

https://t.me/Adabiyyatsevanlar

تانینمیش سولدوزلو شاعیر، "اسماعیل  بهرامی"یانان" ادبیات سئونلر گوزگوسونده

زمان:سه شنبه1404,6,18
ساعات:9
چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده
بیرینجی بولوم 1

سه شنبه1404,6,18

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده
بیرینجی بولوم 2

سه شنبه1404,6,18

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده
بیرینجی بولوم 3

سه شنبه1404,6,18

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده
بیرینجی بولوم 4

سه شنبه1404,6,18

چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

تانینمیش سولدوزلو شاعیر، "صالح رحیمی " اورخان "ادبیات سئونلر گوزگوسونده

زمان:سه شنبه1404,6,25
ساعات:9
چکیلش: ادبیات سئونلر

آپاریجی :کریم قربان زاده

https://t.me/Adabiyyatsevanlar

اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین

https://t.me/Adabiyyatsevanlar

اوشاق ادبیاتی

« لنگی ـ لنگ »

یازان : علی صمدلی 
کؤچورن : علی آغ گونئيلی  -  ابرازی 
کتاب :‌ « ژنرالین اوشاقلیغی  - ناغیللاربؤلومو »

بال آریلارینین بوتون بالالاری بیر – بیرلرینه اوخشاییر . قانادلاریدا ، خورتوملاریدا ،گؤزلریده ، آیاقلاریدا . بوتون آری بالالاری دونیایا گؤز آچدیقلاری گوندن ،چئویک و چوخ زیرک اولور . آتا و آنالارینین تاپشیرقلارینی عؤمور بویو بیرجه دفعه ده اولسون یادلاریندان چیخارمیرلار . پتکلریندن پروازلانیب  قالخدیلارمی ، دوز گول – چیچه یین اوستونه اوچورلار .  ائله او ، ساعات دا خورتوملارینی ایشه سالیب شیره توپلاماغا باشلاییرلار. ائله کی یوکلرینی توتدولار،یئل کیمی یووالارینا قاییدیرلار . آتا ـ آنالاریدا اونلارین بئله زرک و جلدلییینه باخیب سئوینیرلر . 
آخیر کی  ، بیرگون میلیون – میلیون آری بالالارینین ایچینده بیر فرسیز تاپیلدی . بو آری بالاسی  اؤزلنگلی ایله هامینی زارا گتیردی . . او لنگ اوچوردو، لنگ یئریییردی ، لنگ ائشیدیردی . گؤرون بو لنگلیک آخیردا اونون  باشینا  نه اویونلار آچدی . اونون لنگلیییندن زارا ، را گلن بال آریلاری  ، اونون آدینی «‌ لنگی – لنگ » قویدولار . 
آنا آریلار قانادلاری برکیمه میش بالالارینا شیریندن شیرینه بال سودو یئدیردیردیلر. لنگی ـ لنگ آغزینی لنگ آچاراق آناسینین وئردیی بال - سودونو چوخ لنگ یئییردی . بو هر گون بئله ایدی . باشقا آنالار اؤز بالالارینی  تزه یئدیریب قورتاردیغی حالدا ، اونون آناسی یورولوب الدن دوشوردو . ائله اونا گؤره ده لنگی- لنگ ، لنگ – لنگ ده بوی آتیردی . اونون یاشیدی اولان باشقا آ ری بالالاری پروازلانیب پتکلریندن اوچاندا وگول – چیچکدن شیره توپلاییب گتیرنده  بیزیم لنگی – لنگ اوچا بیلمیر ، آغزینی لنگ – لنگ آچاراق آناسیندان یئمک گؤزله ییردی . او ، لنگ ائشیتدیگیندن  آتا – آناسینین اؤیود – نصیحتیندن ده خبرسیز ایدی .
لنگی – لنگ بیر گون یوخودان لنگ – لنگ اویانیب ، گؤزلرینی لنگ – لنگ اووخالاییب اطرا فا باخدی . گؤردو کی ، اونون یاشیدلاری بیر دقیقه دایانمیر ، پته یه شیره داشیییرلار و او ، لنگ – لنگ یئریندن ترپنیب گؤردو کی ،گون چیخیب ، هر طرفی نورا قرق ائدیب .  چؤل – باییر پته یین ایچیندن داها ایستی و خوشدو . اطرافا بویلانیب دویونجا باخدی و جسارتینی توپلاییب  لنگ – لنگ اوچماغا باشلادی . اوچدو ، اوچدو آخیردا هرلنیب – فیرلا نیب بیر چیچکلییه یئتیشدی . گؤردو کی ، بوردا چوخلو – چوخلو آری بالالاری وار . بیرجه جییی ده بيکار دئییل . چیچکدن – چیچه یه قوناراق  شیره چکیر ، یوکلرینی توتان کیمی اوچوب گئدیرلر .
لنگ – لنگ آغزینی آییریب ساعاتلارلا اونلارین  ایشلمه سینه تاماشا ائتدی .آخیردا بوتون جسارتینی توپلاییب اوچوب بیر چیچه یین لچه یینه قوندو.خورتومونو لنگ – لنگ اوزاداراق گولون شیره سیندن سورماغا باشلادی .آغزی یامانجا دادا گلدی . بو شیرینلیک ، آناسینین بول سودونه بنزه ییردی . ائله بیل دو نیادا هر شئیی اونوتموشدو . شیره نی سوروب دویاندان سونرا ، ائله گول لچه یینده جه ، مورگوله ییب یوخویا گئتدی . بیرده گؤزونو آچیب گؤردوکی ، گونش چوخدان باتیب ، داها قارالماقدادیر. اطرافا بویلانیب گؤردوکی ، بوتون آری بالالاری هامیسی اوچوب گئدیبلر . لنگ – لنگ گول لچه ییندن قالخماغا تنبللیک ائتدی . یئرینده جه یاتیب قالدی . 
سحر گؤزونو آچیب لنگ – لنگ اطرافا بویلاندی . گؤردوکی ، آری بالالاری اؤزسئویملی ایشلرینه چوخدان باشلاییبلار .او ، خورتومونو لنگ – لنگ اوتوردوغو گولون لچه یینه اوزاتدی . آنجاق آغزینا بیر شئی گئتمدی دونن بوتونشیره نی سوروب قورتارمیشدی . او ، یيریندن ترپنیب لنگ - لنگ اوچدو وباشقا بیر گولون لچه یینه قوندو . بو حرکتینی بؤیوک بیر قوچاقلیق ساندی . خورتومونو لنگ – لنگ اوزادیب چیچه یین شیره سیندن سوردو . آغزی دادا گلدی . یئنه گونون ایستی شعالاری آلتیندا مورگوله ییب شیرین یوخویا گئتدی . بیرده سحر اویاندی .
لنگی – لنگ بئلجه بوتون آیی باشا ووردو . بیر گون باخدی گؤردو کی ، گوللر ، چیچکلر هامیسی سولوب . پاییز قاپینی کسدیریب . برک تشویشه دوشدو . اؤزونو اورا ووردو ، بورا ووردو . آنجاق تلسه رک یوخ ، لنگ – لنگ . آخیرکی ، پته یین یولونو تاپدی ولنگ – لنگ یووالارینا طرف اوچدو . 
پته یین باشینا بیر نئچه دفعه لنگ – لنگ فیرلاندی .، فیرلاندی آنجاق قاپینی تاپا بیلمدی کی ، ایچری گیرسین . سن دئمه سویوقلار دوشن کیمی بوتون آریلار اؤز پتکلرینین قاپیلارینی موملا هؤروب قاپاییبلار. لنگ – لنگ آختاریب – آختاریب پته یین کیچیک نفسلییینی زورلا تاپا بیلدی . نقدر چالیشدی ، ووروشدو اؤزونوبوردان ایچری سالا بیلمدی .علاج سیز قالیب یازیق – یازیق زاریماغا باشلادی .آریلارین اونا یازیغی گلدی ، پته یین قاپیسینی سؤکوب آچدیلار . اونو ایچری سالیب قاپینی یئنیدن باغلادیلار .